رواية تزوجت ملتزمة ولكن معاقة الفصل الثالث عشر 13 - بقلم صباح عبدالله

وقفنا الفصل لم قمر زعلت من أبوه علشان ضربه قدام الناس. أبو قمر: إيه ياقمر، انتي نسيتي نفسك يابت؟ انتي عايزة تفضحيني ياقمر. قمر، ودموعها تزيد أكتر من كلام أبوه. أم قمر تشاهد دموع قمر على وشه من تحت النقاب. أم قمر: مش كدا ياحج. الحج أحمد: لا إله إلا الله، اهدي ياحج. وإيه الكلام اللي انت بتقوله ده؟ هو احنا مش عارفين مين قمر ولا إيه؟ وربنا يشهد إننا بنحب قمر وبنحترمه، إزاي والكل عارف قمر وأخلاقه ياحج.

الحج عبدالله: تسلم يا حج أحمد. الحج أحمد: الله يسلمك. قمر زي بناتي ياحج عبدالله. يلا يا شرف يابني بعد إذنكم يا جماعة. الكل: إذنك معاك ياحج. الحج عبدالله يباص على قمر بصات حزن، هو أول مرة يضرب حد من عياله، وقمر بالذات. قمر تنظر له وتتركه وتمشي. عند محمد. محمد وقف قدام بيت حازم صاحبه. محمد: يلا انزل. حازم: لا مش نازل. لا، لم أعرف إيه سبب الهدوء ده. محمد بعصبية: أعمل إيه يعني؟ أروح أحرق القرية كلها ولا أعمل إيه؟

انزل ياحازم، أنا زهقان ومش طايق نفسي دلوقتي. حازم يعرف أن محمد زهقان دلوقتي ومش هينفع الكلام معاه، ومش عايز يزهقوا أكتر من كده. حازم: ماشي ياصاحبي، هنزل بس قولي أنت هتروح فين الأول. محمد بغضب أكتر: هروح فين يعني؟ هروح البيت، الساعة اتناشر دلوقتي وزمانهم قلقانين عليّ في البيت، وطول النهار مكلمتش حد. حازم بنظرات شك: ماشي، هنزل بس أتمنى إنك ما تعملش حاجة وتندم عليها بعدين. محمد: طيب، انزل. حازم نزل. محمد مشي. محمد

في العربية بيكلم نفسه: ماشي ياقمر. أنا محمد الشرقاوي، واحدة زيك انتي تضربيني؟ تالت مرة؟ والله لأدفعك التمن غالي أوي ياقمر. محمد يوصل ويركن العربية، والخادمة تفتح له الباب. الخادمة: حمد الله على السلامة يا محمد بيه. محمد ما يردش ويتركها ويدخل. يلجأ الكل لسه صاحي. أمه: محمد، حمد الله على السلامة يا بني. محمد وهو طالع السلم: الله يسلمك يا ماما.

الحج إبراهيم ينظر لمصطفى ابنه بخوف إن محمد يكون عارف حاجة من اللي هم خايفين منها. ومصطفى كمان ينظر لأبوه بنفس الخوف. أوس أخو محمد: إيه ماله ده؟ حتى ما قالش مساء الخير. الحج إبراهيم: يلا يا ولد، كل واحد على الأوضة بتاعته.