رواية تزوجت صقر الصعيد الفصل الحادي عشر 11 - بقلم مليكة مراد

ملك قعدت على السرير وأكملت بدموع. لما كنت بعمل تصرف مش كويس كنت بتزعقلي ومرة كنت لابسة بيجامة قصيرة زعقتلي مع إني كنت لسه صغيرة ومرة كمان كنت بلعب أنا ومي وكريمة وعلي زعقت فيا قدامهم كلهم ومزعقتش في مي ولا كريمة لحد مبقتش ألعب خالص وكل ما يقولولي تعالي نلعب مكنتش برضى، كنت بخاف منك. فارس: كنت بخاف عليكي منهم. ملك: طيب أنا تعبانة ومش قادرة أتكلم أكتر من كده، أنام ولا أستناك تنام أنت؟ فارس بضيق: هواري افتح الباب.

فارس بضيق: البسي حاجة واسعة بسرعة. هواري: بقولك افتح. فتح فارس الباب. هواري: عاملة إيه يا ملك؟ ملك: الحمد لله بخير يا عمي. هواري: ارمي عليها اليمين ودلوقتي. فارس بصدمة: أنت بتقول إيه؟ هواري: بقول اللي سمعته، وأكمل بسخرية: يا كبير الصعيد. فارس بغضب: لأ، ملك هتفضل مرتي لحد ما أموت، واللي حصل من شوية كان سوء تفاهم مني.

هواري: سوء تفاهم منك برضه، وبعدين أنا هستنى لما تموتي، وبعدين مفيش راجل بيمد إيده على ست، ولا أنت مش... سكت هواري وطلع بره الأوضة على طول. ملك بصت لفارس اللي طلع على البلكونة. ملك طلعت وراه. ملك: فارس تعال نام عشان عايزة أنام. فارس بغضب وهو مولع سيجارة: نامي دلوقتي. بعد شوية دخل فارس وكانت ملك نايمة على الأرض. فارس شالها وحطها على السرير. فارس: ملك. ملك... فارس: طيب ردي عشان عارف إنك لسه صاحية. ملك: نعم، عايز إيه؟

فارس: احكيلي حصل إيه بينك وبينه. ملك بدموع: هو أنت ليه مصر تفكرني بحاجة مقرفة زي كده؟ أنت كل مرة بتكويني أكتر من اللي قبلها. فارس قام قعد على السرير. فارس: امسكي اشربي. ملك: مش عايزة. فارس: طيب قومي اقعدي على السرير وبصيلي. ملك: ها، اديني قعدت. فارس بزعل: مين قالك إنك بس اللي بتتكوي؟

لما تسمعي سيرة الموضوع ده، أنا كمان بتكويني السيرة دي وأكتر منك كمان، بس أنا عايز أفهم إيه اللي في رقبتك وضهرك. حاسس إني مكتوف ومش عارف أفكر. فارس: طيب بصي، أنا هسألك على حاجة. ملك: اسأل. فارس: احم، لما لمس... ك كنتي حاسة بتعب يعني أو كده؟ ملك: لأ خالص. فارس: رايحة فين؟ ملك: هنام على الكنبة. فارس: خليكي نايمة هنا. ملك: لأ، مش عايزة أنام هنا. فارس بضيق: خليكي، وأنا هناك على الكنبة.

ملك بابتسامة: اصبر عليا بس، هو أنت لسه شوفت حاجة. في الصباح كانوا كلهم قاعدين على السفرة. هواري: هنية يا هنية. هنيه: أيوه يا هواري بيه. هواري: روحي صحي فارس. طلعت هنيه. فارس بنوم: مين؟ هنيه: فارس بيه، انزل كلم هواري بيه. فارس: اديني جاي وراكِ. فارس: ملك، ملك. ملك قامت. فارس: ادخلي الحمام عشان أدخل بعدك. ملك: ليه؟ فارس: إيه هو اللي ليه؟ فوقي كده. ملك: ادخل الحمام ليه؟ فارس: هتدخلي الحمام عشان ننزل تحت.

ملك: بس أنا مش هنزل. فارس: ليه؟ ملك بدموع بتحاول تداريها: أنا مكسوفة أنزل بعد اللي حصل عشانه. فارس بضيق: ادخلي الحمام واطلعي بسرعة. دخلت ملك وبعد كده فارس. فارس: خلصتي؟ ملك: هربط النقاب وهاجي وراك، انزل أنت. فارس: لأ، مش هنزل، خلصي. بعد شوية، نازل فارس وماسك إيد ملك. هواري: تعالوا اقعدوا. نادية بقرف: وه، ليكي عين تنزلي بعد اللي عملتيه؟ منقول إيه يعني؟ كنتي متعودة يا خد...

هاشم بغضب: أقسم بالله لو فتحتي خشمك لكون ناسي إنك مر... فارس بغضب: حسابك تقل قوي، واللي يقول على مرتي كلمة وحشة هقطع له لسانه. هواري بغضب: أنت اللي قلت عليها كل ده، يبقى من حقهم هما يقولوا. ملك مقدرتش تتحمل كل كلامهم وطلعت تجري على فوق. دخلت ملك ورمت نفسها على السرير وهي بتعيط. طلع فارس وراها لقيها بتعيط. فارس بوجع: ملك. ملك ببكاء: ملك، ملك، ملك، أنا بكره نفسي وبكره اليوم اللي فتحت عيني ولقيت نفسي في البيت ده.

فارس قرب منها وخلع من عليها النقاب وقرب منها وحضنها جامد. ملك بتحاول تزقه. فارس بتعب: ششش، أهدي. عارف كل ده بسببى، بس ده مش سهل على راجل صعيدي.