رواية تزوجت صقر الصعيد الفصل الثاني 2 - بقلم مليكة مراد

ملك بدموع وصوت شهقاتها عالي: ـ أني كنت في المطبخ وهو جه مسكني من ضهري وهو باين عليه كان سكران. ـ حاولت أبعده وأزقه بس مقدرتش عليه وحط إيده على بؤقي وبعد كده شالني. ودموعها زادت أكتر. فارس بغضب: ـ اخرسي كفاية، أنتي أكيد كنتي بتتمايعي قدامه. غوري من وشي. ملك قامت ودخلت الحمام. فارس راح المخزن. فارس دخل وكاد يفجر المخزن باللي فيه. فارس مسك كرباج ونزل ضرب في هشام. فارس: ـ يبن الكلب، عملتلك إيه هي؟

ده إحنا مربينها معانا يا وسخ. بعد شوية، بعد عنه فارس وهو بينهج. طلع فارس عند ملك لقيها قاعدة ضامة رجليها وبتعيط. فارس: ـ أقسم بالله لو مسكتي لهموتك. غوري انزلي نامي على الأرض. تاني يوم الصبح عند كريمة (بت عم فارس) كريمة: ـ ياما، أني كنت عاملة هيقتلها مش يتجوزها. يعني اللي عملناه راح ع الفاضي. أمها نادية بفضب: ـ اخرسي، يقطعك حد يسمعنا. اكتمي وطي صوتك. كريمة: ـ ماشي، ماشي. طب هنعمل إيه دلوقتي؟

أني بحب فارس وعايزاه يتجوزني أني مش يتجوز الزفتة ملك دي. نادية بتفكير: ـ طب اسمعي هنعمل إيه....... عند فارس. صحي وكان ملك نايمة على الأرض. فارس بزعيق: ـ غوري قومي، لساتك مخمودة؟ الشمس طلعت. ملك قامت فاطة: ـ حاضر، أديني صحيت. تأمر بحاجة؟ فارس: ـ غوري من وشي، مش عايز أشوفك. هنية بتخبط (خدامة) ـ فارس بيه، الهواري بيه قاعد مستني جنابك تحت في المكتب. فارس: ـ أديني جاي وراكي. روحي انتي. فارس:

ـ قومي غوري انزلي جهزي الأكل مع الحريم تحت. ملك: ـ أديني نازلة. فارس نزل. هواري: ـ تعالي يا ولدي، عملت إيه عشية؟ فارس بضيق: ـ هعمل إيه يعني؟ انت يا بوي محسسني إني هلمسها. صح، إني مش هقرب منها. هواري بزعل: ـ حرام عليك يا ولدي، ما عملتش حاجة. طول عمرها محترمة وانت عارف أخوك زي.... شوية، لكن عمره ما قرب منها. أنا مستغرب، مش فاهم حاجة. هنية: ـ تعالي يا بيه، الأكل جاهز. هواري: ـ تعالي يا ولدي. الكل اتلم على السفرة. منصور

(أخو هواري) بشماتة: ـ ألف مبروك يا ود أخوي. فارس بغضب: ـ كل وانت ساكت يا عمي. نادية باستفزاز: ـ تعالي كلي يا مرة الكبير. كريمة بغضب: ـ تيجي فين دي؟ واخدة خدامة تغور تاكل في المطبخ. هواري بزعيق: ـ اخرسوا، محدش ليه دعوة بيها. تعالي يا ملك يا بتي اقعدي جنب جوزك كلي. فارس بغضب: ـ لأ، متقعدش تاكل معانا. تغور تاكل في المطبخ. مينفعش تاكل مع أسيادها. ملك: