رواية تزوجت سلفي الفصل العاشر 10 - بقلم اسماء ابراهيم

وهي في الأوضة وبتتكلم في التليفون: "متقلقش محدش عرف يوصلها، كل حاجة تمام." "أه هروح بكرة نفس المكان." "لا هي معرفتش أنا مين." "خلاص تمام، هطلب كل اللي انت عايزه." "يلا سلام." وهي بتلف وشها قالت بصدمة: "ي.. يـ ياسين." ياسين: "مالك اتوترتي كده ليه؟ إلينا: "هاا لا أبداً، بالعكس دا أنا فرحانة عشان شوفتك." وقربت منه: "انت مش ناوي تقول لجدك على جوازنا؟ ياسين: "جوازنا أه إن شاء الله." وسبها ومشي. اتنهدت: "أووووف الحمد لله."

********** منصور: "اسمع مني محدش غيرها اللي عمل كده." قاسم: "طب والحل يا جدي، إحنا هنسكت على كده؟ منصور: "خليك هادي وكل حاجة هتيجي لوحدها." قاسم: "أنا مش عارف دماغك دي فيها إيه، حفيدتك مخطوفة وانت ولا همك." منصور: "عشان انت عبيط ومش فاهم حاجة." قاسم: "طب يا جدي فهمني دماغك دي، بتفكر في إيه؟ منصور: "كل خير يا حبيبي." ********** "إزيك يا قطة؟ ورد: "انتي مين؟ انطقي." إلينا: "تؤتؤ كده أزعل، وأنا زعلي وحش أوي." ورد:

"نهايتك قربت متقلقيش، قاسم وياسين جايين ياخدوني من هنا ومحدش فيهم هيرحمك." إلينا ضحكت بشر: "ياسين؟ ضحكتيني والله. ياسين ده أكبر مغفل أنا شوفته في حياتي." ورد: "كده أنا عرفت انتي مين.. إلينا صح؟ إلينا قربت منها: "لا برافو عليكي عرفتيني، بس برضه محدش هيعرف طريقك يا حلوة. وياسين اللي انتي فرحانة بيه ده تحت إيدي وكفاية إنه بيحبني. ومعرفش أنا مين أصلاً. ههههههه غبي ومغفل. ههههههه." وفجأة سمعت صوت من وراها:

"تصدقي صح معاكي حق في كل كلمة قولتيها." إلينا بصدمة: "انت... ********* رحيق: "هاجي معاك يا قاسم، مش هسيبك لوحدك." قاسم: "افهمي بقا أنا مش رايح ألعب، أنا رايح أرجع ورد." رحيق: "وأنا مش هسيبك تطلع في الحالة دي." قاسم: "ليه يعني على أساس إنك بتخافي عليا مثلاً؟ رحيق: "لااااا على أساس إني بحبك." قاسم: "إيه؟ رحيق: "أه يا قاسم بحبك. معرفش فين وامتى حبيتك، بس ده اللي أنا حاسة بيه، إني بحبك وبحب وجودك جنبي." وقالت بدموع:

"بس الظاهر إنك مش بتحبني." وسبته ومشيت. ********* إلينا: "ياسين، انت عرفت طريقي منين؟ ياسين بعصبية: "عملتي كده ليه؟ إلينا: "عملت إيه؟ دا أنا.. أنا لقيت ورد، وجيت عشان أرجعها البيت." ياسين كور إيده: "انطقي عملتي كده ليه؟ إلينا: "معملتش حاجة يا ياسين، انت بتقرب ليه؟ ابعد عني." ياسين قرب منها ضربها بالقلم: "آخر مرة أقولك عملتي كده ليييييه؟ إلينا: "ع.. عشان بحبك." ياسين: "ههه بتحبني؟ مش أنا مغفل وغبي؟

بس عندك حق، أنا فعلاً مغفل عشان فكرت في واحدة رخيصة زيك. بقا أنا جاية تنصبي عليا؟ شدها من شعرها: "فاكرني أهبل ونايم على وداني؟ لا يا حلوة أنا كنت بلعب بيكي عشان أخلي أقرب واحدة ليا تحس بالغيرة. بس عارفة أنا طلعت مغفل عشان دخلت واحدة زيك في بيتي. ومتقلقيش شريكك اتقبض عليه. وجه دورك يا قطة. هههه." دخل البوليس أخدها ومشي. ياسين قرب من ورد فكها. ورد حضنته جامد: "كنت خايفة أوي." ياسين وهو بيحضنها: "تتجوزيني؟ ورد بدموع:

"إمممم." ياسين: "تتجوزييييييني يا ورد؟ ورد بضحك ودموع: "ااااه موافقة." حضنها جامد. ********* قاسم: "رحيق افتحي الباب." رحيق: "لاااا امشي من هنا." قاسم: "هكسر الباب، افتحي بقولك." رحيق: "وأنا قولت لا يعني لا." قاسم: "هعد لحد تلاتة وهكسر الباب." رحيق: "اعمل اللي تقدر عليه." وفجأة صرخت بصوت عالي: "اااااه." قاسم: "رحيق افتحي، رحيق في إيه؟ افتحي بقولك متخوفنيش عليكي. رحيق رحيق... كسر الباب ملقاش حد.

جاتله رسالة على الموبايل: "لو عايز حبيبة قلبك، تعال العنوان ده." طلع يجري زي المجنون. خبط في ورد وياسين. ورد: "دا ماله ده، هو مش شايفني ولا إيه؟ منصور قرب منها: "لااا يا حبيبتي، تعالي في حضني وأنا هقولك على كل حاجة." ياسين: "إيه يا جدي؟ أنا واقف كيس جوافة يعني؟ ورد بضحك: "دا حبيبي ده من قبلك." ياسين: "الله الله يا ست ورد، وأي كمان؟ منصور: "هقولك أنا وأي كمان." ياسين:

"مفيش جوز هيتم هنا، وخصوصاً انت مش هتاخد البت الحلوة اللي بتدللني دي. يلا بينا يا ورد." ورد بضحك: "يلا يا حبيبي." ومشوا وسابوا ياسين. ياسين: "خدي يا بت، يا بت.. يا بت أنا هبقى قرة عينك يا بت. هي جوازها باين من أولها. أما أستعد بقا." ********* قاسم وصل المكان، كان ضلمة جداً. وفضل ينادي: "رحيق.. يا رحيق... سمع صوت من وراها:

"كان يا مكان، كان في طفل صغير اسمه قاسم. جاتله بنت عمه صغيرة سماها رحيق. بعد موت أهلها هو اهتم بيها ولعبها وكان بيسرح لها شعرها. كان بيحبها من وهي صغيرة بس هي فكرت إنه بيعمل كده كأخ. بس عرفت إنه بيحبها. النهارده قررت تعترف بالحب ده." "أنا بحبك يا قاسم." قاسم قرب منها: "كنت متوقع أجي ألاقيقي مربوطة بحبل كده وأنا أفكك. و... رحيق بغضب: "يا عديم الرومانسية." قاسم: "بحبك وربي بحببببك." رحيق:

"مش أكتر مني. يلا بينا عشان جدو مستني في البيت." قاسم: "شفتي مين فين اللي عديم الرومانسية؟ رحيق: "انت طبعاً يا روحي. يلا." قاسم: "دا أنا مستني اللحظة دي من زمان. بس هانت ومش هرحمك." ********* ورد: "يعني خلاص يا جدو هيتجوزوا؟ منصور: "أه يا حبيبتي خلاص، عقبالك يا قمر إنتي." ورد بكسوف: "الله بقاا." منصور: "قال يعني مكسوفة. تعالي في حضني." ياسين دخل فجأة عليهم: "ورد تعالي عايزك." منصور: "مش تخبط يا حيوان إنت." ياسين:

"يا جدي بقا أنا من ساعة ما لقيت البت وانت واخدها مني أهو." منصور: "اخرس يلااا." ياسين: "يا جدي مش كده، منا بغير عليها وخصوصاً منك انت يا راجل يا شيب." منصور: "طب أجوزها اتلغت يلا بقاا." ورد وياسين: "لا يا جدي وحياة عيالك." منصور بضحك: "واقعين واقعين مفيش كلام." ورد حضنت جدها: "اخص عليك يا جدو." منصور: "تعالى يا حيوان هات حضن. مبروك يا ولاد." ********** وبعد كام شهر اتجوزوا رحيق وقاسم، وياسين وورد. وبعدها جيتوا انتوا.

عشق: "الله يا جدو الحدوته حلوة خالص." زين: "خلاص يا جدو أنا قررت. أتجوز لليان." اسر: "اتكلم عن نفسك يا حبيبي." ليان: "عيب كده يا زين، إحنا لسه صغيرين." منصور: "تعالوا يا ولاد.... انتوا لسه صغار على الكلام ده. وبعدين محدش يعلم النصيب فين. يمكن تحصل قصة حب جديد بين قلبين بيكرهوا بعض."