رواية تزوجت طفلة الفصل الخامس عشر 15 - بقلم ندي خلف

نايمة في حضنه وعاملة تفكر. "يا ترى انت بتحبني؟ "والله يا بنتي بموت فيكي. هو أنا عمري هعمل معاكي حاجة زي كده وأنا مش بحبك؟ "المهم تتجوزني يا سليم." "من عنيا والله." "أومال مستني إيه؟ "مستني أخلص آخر سنة ليا وأشوف شغل كويس وأتجوزك والله." "طب ما كلها شهور وتخلص." "بسرحان." "من ناحية هخلص، فأنا هخلص أكيد." "قصدك إيه يا سليم؟ "لا ولا حاجة، قومي يلا علشان أوصلك." "الجو أخر." "ماشي يا سليم."

شروق وكلهم واقفين مصدومين من ليل. شروق بغل: "إنتي إزاي يا حيوانة ترفعي إيدك على ليل؟ ليل: "بنفس الغل. علشان أنتي حقيرة ومتستاهليش غير كده." وبصت لآدم ومسحت دمعة كانت نازلة من عنيه على ابنه. "أوعى دموعك تنزل تاني غير على ولادك." كلهم اتصدموا وشروق حرفياً اترعبت. آدم: "إيه الكلام اللي ملوش معنى ده؟ حنان جريت على ليل ومسكت شعرها ولفته على إيديها وشدتها جامد وخبطتها في الحيط. ليل الدنيا اسودت قدامها ووقعت. آدم لحقها.

بعد فترة. الدكتور خيط الجرح لـ ليل وأعجب بـ ليل وفكر أنه يتقدم لها بعد الأزمة دي. آدم دخل وشاف نظرة الدكتور ومعلقش، علشان تفكيره في ليل وكلامه. ليل فاقت وأول ما صحيت حسّت بالجرح وعيطت. وبعدين بصت لآدم وقالت: "انت مصدقني صح؟ آدم: "لأ." ليل: "إيه مش مصدقني يا آدم؟ آدم: "هصدقك إزاي وأنتي جاية تقوليلي دول مش ولادك؟ ليل: "أومال هيكونوا ولاد مين؟ ليل مسكت إيده: "بس انت حلفتلي كتير في السنين اللي فاتوا إنك مقربتش من شروق."

آدم: "قربت بس مرة واحدة." ليل دارت غيرتها وقالت: "ومش عجيبة إنها تحمل من مرة واحدة؟ آدم: "ولا عجيب ولا حاجة، ناس كتير حملت من ليلة الدخلة عادي جداً وده مش سبب إنك تقولي الكلام ده." ليل عيطت علشان خايفة من رد فعل آدم وكمان خايفة عليه أوي لأنها صدمة كبيرة. طلعت التليفون من شنطتها ببطء وفتحتها وجابت فيديو وعطته لآدم. الفيديو عبارة عن شروق ومعاها واحد بس مش باين ملامحه وكان حوالي 10 دقائق.

آدم بيجز على أسنانه: "مين بعتلك الفيديو ده؟ ليل بخوف: "اتببعتلي من رقم غريب على الواتس وكمان مكتوب عليه إنه الفيديو ده من تلات سنين من ميعاد حمل شروق مراتك." آدم بصوت مرعوب: "هاتي الرقم." ليل بأسف: "للأسف يا آدم الرقم اتففل وكمان مش مسجل. أنا شفت كل ده قبل أما أجلك." آدم قام وقف وبص من الشباكة بيفكر هيعمل إيه. عند وعد. قاعدة هي ومالك ياكلوا مع بعض. مالك عاوز يأكلها بإيده وهي مش راضية خالص. "يووو يا وعد خلصي بقى."

وعد: "لما أبقى مراتك ابقى قضّي الوقت كله تأكلني." مالك: "أنا مش هبقى فاضي آكلك." وعد: "يا سافل يا قليل الأدب." مالك: "ههههههههههه هو أنا قولت حاجة؟ أنا قصدي هبقى بشتغل يعني." وغمزلها. وعد: "هههه ظريف يا خوي." مالك بصدمة مزيفة: "ظريف وخوي؟ لا أنا كده هرجع في البيعة." بدأوا يأكلوا. آدم خرج من عند ليل وراح عند شروق وقالها: "حبيبي أنا آسف على كلام ليل بجد."

سابهم وراح لدكتور وطلب منه تحاليل دي إن إيه بس من غير ما حد يعرف. التحاليل طلعت تاني وكانت.