رواية تزوجت طفله الفصل الحادي عشر 11 - بقلم دعاء تهامي

حقيقة إيه يازين؟ زين: أمي. أم زين: مخبية عليا إيه يازين ومش عايز تقولي؟ زين: مفيش حاجة يامي. أم زين: وإزاي بتقول إنكم السبب؟ إيناس: بصراحة يطنط. أم زين: متدخليش إنتي، أنا بكلم ابني. سابتهم إيناس ومشيت. أم زين كملت كلامها: أنا من ساعة ما البت دي جت هنا وأنا حاسة إن في حاجة غلط، بشوفها كيف بتحاول تضايق قمر بس قلت ضيفة، وأنت كمان بتسكت، مخبي إيه عليا؟

زين: أنا قلت من الأول مش عايز أتجوز قمر وكنت رافض، بس إنتوا اللي أجبرتوني، وأنا بحب إيناس وكنت جاي أفاتحكم في الموضوع عشان نروح نطلب إيدها، بس اتفاجئت إنكم محددين فرحي أول ما أنزل البلد. رفعت إيدها وضربته بالقلم: وليه تظلم قمر معاك؟ كنت قلت إنك بتحب واحدة تانية، لأول مرة أمد إيدي عليك، خيبت ظني فيك. زين: أمي أنا آسف، مكنتش أقصد. أم زين: وانت عامل اعتبار لأمك؟ كما تدين تدان، مفكرتش ممكن حد يعمل مع أختك كده. سابه ومشت.

وهو خد العربية وساق بأقصى سرعة. عدت الأيام والليالي ومفيش أي أخبار عن قمر. واتقفل المحضر بعد ما يئسوا إنهم يلاقوها. بعد مرور أربع سنين من اختفاء قمر، كان في حاجات كتير اتغيرت. زين بقى واحد تاني خالص، أهمل نفسه وجسمه وبقى نحيف خالص. وداليا وإسراء اتجوزوا. وزين ساب البلد تاني وسافر القاهرة عشان شغله هناك. بابا قوم يالا مشان تجبلي شوكولاتة وحاجات تانية أوي.

زين: صباح الخير ياقلب بابا، حاضر بس بطلي تنطيط عليا كده كل يوم الصبح. ضحكت ببراءة: أنا اللي بصحيك يابابا. زين: مسم أنفها بيدعبها بحب: والله بتصحيني، وفي حد بيصحى حد كده؟ قالت ببراءة: مش أنا عملت كده، يبقى فيه. زين: طب قومي عشان آخد شاور ونطلع أنا وإنتي عشان نروح عند ماما. سقفة بإيديها: هييييييييييييي. زين: روحي عند الدادة عشان تلبسي. أشي يابابا ياعسل إنت. زين: دلوقتي بقيت عسل؟ أه.

في حتة تانية كانت قمر نايمة على السرير، شكلها اتغير أوي، ازدادت جمالاً عن الأول. صحت على صوت تليفونها. قمر: الرقم الذي تحاول الاتصال به مغلق حالياً، برجاء المحاولة لاحقاً. اصحي يازفتة إنتي لسه نايمة؟ قومي إنتي ناسيه عندنا إيه النهارده؟ قمر: وفي حد بيصحي حد كده، شكلك على الصبح، مفيش صباح الخير. صباح النور، اخلصي بقا وقومي، بقالي كتير مستنياكي تحت. قمر: مش من قلبك يانسمة، بس هعديها. نسمة: بس تعالي لما أشوفك.

قمر: هو في حاجة مهمة النهارده ولا بلاش وأكمل نوم. نسمة: أنا مش هتجنن من شوية، إنتي ناسيه إن النهارده هتعملي المعادلة للكلية اللي نفسك تدخليها؟ قمر: أوبس، أه صح، أنا صحيت، عشر دقايق وأكون عندك، هيا الساعة كام بس؟ نسمة: الساعة سبعة. قمر: نسسسمممممة! وحياة طنط، مصحيني الساعة سبعة وإحنا لسه معادنا الساعة 10. نسمة: هههه 😂 على الطلاق بالتلاتة إنتي اتخضيت، هههههه. قمر: حسابك معايا لما أشوفك.

نسمة: سماح ياباشا، أنا كنت خايفة تروح عليكي نومة زي كل مرة. قمر: وقفتي قلبي، أه ياني، اقفلي دلوقتي أما أقوم أجهز. قامت دخلت أخدت شاور ولبست بنطلون جيبة واسع وعليه تي شيرت عليه سبونج بوب، ولفة الطرحة. اسمك قمر وإنتي أحلى. قمر: صباح الخير ياماما. صباح الورد، معقولة قمر صاحية بدري. قمر: كله من نسمة. أم يزد: النهاردة عندك امتحان المعادلة صح؟

قمر: أه ياماما، مش عارفة من غيركم كنت هقدر أوصل لحلمي إزاي، بجد ياماما مهما أعمل مش هقدر أوفي اللي إنتوا عملتوه. يزد: أنا قلت إيه، مفيش الكلام ده تاني. قمر: 🥺 بس بجد لولا جهدك اللي عملته والكورسات اللي أخدتها، مكنتش هقدر وأوصل بينا وبين حلمي خطوة. يزد: أنا معملتش حاجة، إنتي تستاهلي أكتر من كده بكتير، وإنتي وصلتي بمجهودك. أم يزد: ربنا معاكي ياقلبي، ماما إنتي بس ركزي، عايزة أشوفك دكتورة قد الدنيا.

قمر: إن شاء الله ياماما، دعواتك. يزد: وإيه اللي إنتي لابساه ده؟ قالت بكل براءة: سبونج بوب. يزد: 😹😹 ما أنا شايف طفلة. قمر: شوفي ياماما بيقولي ي طفلة تاني. يزد: وهتفضلي طفلة. لسه قمر هترد، تليفونها رن. قمر: نسمة أنقذتني منك، همشي أنا دلوقتي عشان اتأخرت، باي ياماما. أم يزد: خدي بالك من نفسك. قمر: حاضر ياماما، أنا حافظاهم، واتصلي بيا وطمنيني عملتي إيه؟ المحاضرة دي أنا حفظتها. أم يزد:

ضربتها بخفة على دراعها: محاضرة ده من خوفي عليكي ي جزمة. قمر: حبيبتي الغالية إنتي، باي بقا عشان اتأخرت. مشيت قمر وسابتهم قاعدين مع بعض. أم يزد: ياه، قمر دي ملت علينا حياتنا بشكل، غيرت كل حاجة، لدرجة مبقتش أستغنى عنها أو أتخيل الحياة من غيرها. يزد: وهي مش هتبعد عنك، الماضي مش هيرجع تاني. أم يزد: بس إنت لو تسمع كلامي وتفاتحها. يزد: