رواية تزوجتها غصب فاحبتها الفصل الأول 1 - بقلم سما اشرف

زين: يعني إيه يا ماما عاوزاني أتجوز واحدة منقبة؟ عاوزاني أتجوز واحدة وحشة؟ أتلقيها لابسة عشان تداري جمالها. سعاد: يا ابني دي جميلة وأخلاق وأدب ودين وكل حاجة. أنا كنت مربياها عشان غلبانة، عشان مامتها كانت صديقتي ومحدش كان يعرف إنها وحيدة. نفسي أفرح بيك بيها. زين: بس يا ماما أنا مش موافق. سعاد: يا حبيبي وافق، دي جميلة والله. عشان خاطري، نفسي أشوف عيالك قبل ما أموت. زين: بعد الشر عليكي يا ماما.

وكمل بنفخ: أففففف، طيب موافق. سعاد بفرحة: طيب هروح لها بكرة يا حبيبي. زين: طب مش هتقولها؟ سعاد: ما أنا قيلالها قبل كده. زين: يعني أنا رأيي مش مهم؟ سعاد: مين قال كده يا حبيبي؟ يلا اطلع نام عشان بكرة نروح لها. زين: طيب، تصبحي على خير يا ست الكل. سعاد: وأنت من أهله يا حبيبي. الصبح. المنبه بيرن الساعة 5 الصبح.

زين بيقوم يخش الحمام ويأخذ شاور ويلبس لبس رياضي ويحط الهاند فري ويسمع أغاني ويجري ساعة. ويرجع يلعب شوية في أوضة الرياضة ساعة كمان. تكون الساعة 7 ونص. يقوم ياخد شاور ويلبس بسرعة وينزل يفطر هو وسعاد ويمشي متجه إلى شركات الشافعي. في القصر. سعاد تتحدث على الهاتف مع بسنت وتقول: سعاد: أه، إن شاء الله هنيجي لك بليل. أه، الساعة 7 بليل. بسنت: طيب مستنياكوا. سلام. سعاد: سلام.

سعاد تقفل مع بسنت وتحدث زين وتقوله على معاد الساعة اللي هيروحوا فيه لبسنت. بليل. الساعة 6 في القصر. ياخد شاور زين ويطلع يلبس أفخم البدلة في العالم (ماركة عالمية يعني) . ويرش من البرفان العالمي برضو. ويسرح شعره بالمشط العالمي. ويلبس جزمه العالميه، من الآخر كل حاجة عنده عالمية. ويخلص وينزل ومستني سعاد. وتنزل سعاد بفستان أسود مشجر، حاجة كده فاخر من الآخر، وطرحة سودة وجزمه سودة. وينزلوا وبيركبوا العربية متجهين لبيت بسنت.

عند بسنت. لبست فستان كشمير كم في ورد ومنفوش سيكا، ولبسة جزمه كشمير ونقاب كشمير وطرحة كشمير تحت النقاب يعني. وأكمام كشمير، وكل كشمير في كشمير. وكانت متوترة أوووي. وبعدين هدت نفسها وسمعت صوت الجرس راحت فتحت. بسنت: أهلاً. سعاد: أهلاً يا بنتي. قعدت سعاد وزين. بسنت: تشربوا إيه؟ سعاد: لا شكراً يا بنتي. بسنت: لا والله، أبداً. سعاد: طيب قهوة سادة. زين: قهوة سادة برضو. بسنت: طيب ثانية. سعاد: براحتك يا بنتي.

راحت بسنت عملت القهوة وراحت قدمتها وقعدت وسعاد اتكلمت: سعاد: بصي يا بنتي، إحنا جيين نطلب إيدك لابني زين. أنا هسيبكوا تقعدوا مع بعض وتتعرفوا على بعض. وقامت سعاد تخلت جوه. زين: أنا زين الشافعي، أشهر وأصغر رجل أعمال في الشرق الأوسط، وجي أتقدم لحضرتك. بسنت: وأنا بسنت، خياطة يتيمة. زين: إذن ينفع أشوفك دلوقتي؟ بسنت...