رواية تزوجتها غصب الفصل الرابع 4 - بقلم كنزي محمد

جميله. ممكن بس حضرتك تقول اسم خالت حضرتك؟ الجرسون. خالتي اسمها خديجه الصاوي. جميله. أي دي مامتي؟ انت اكيد بتهزر. الجرسون. انتي جميله بنت خالتي خديجه، والله العظيم مابهزر، دي فعلا خالتي. أنا أسامة ابن خالتك خلود يا جميله، مش فكراني يا جوجو؟ جميله. حضنت أسامة وعقدت تعيط. جميله. أسامة عامل إيه؟ وخلود عاملة إيه؟ أسامة. أنا كويس الحمد لله، وخلود كويسة. انتي عاملة إيه؟ وعم أحمد عامل إيه؟

يلا تعالي معايا عشان خلود نفسها تشوفك قبل أي حاجة. جميله. قبل أي حاجة؟ أسامة. ماما عندها كانسر في الدم في المرحلة الأخيرة، ونفسها تشوفك قبل ما تقابل ربنا. جميله. إزاي؟ ليه ما عالجتهاش؟ رد عليا، ليه ما وديتهاش لأحسن الدكاترة في مصر؟ أسامة. قعد يعيط. أسامة. أنا وديتها لأحسن الدكاترة، بقيت بشتغل الصبح جرسون وبليل دكتور عشان ألم حق العملية بتاعتها. هي الوحيدة اللي فضلت لي في العالم ده. جميله. خدت أسامة في حضنها.

جميله. خلاص يا أسامة، مش تعيط. الحمد لله على كل حال. أنا هعمل ليها العملية في المستشفى بتاعتي. (كل ده حصل وأدهم هيموت من الغيرة) أدهم. (في سره) مالك متعصب كده ليه يا أدهم؟ ده أخوها، انت عمرك ما اتعصبت. وسها بتحضن أي حد، بس برضه هي تحضنه ليه؟ مينفعش حد يدخل في حضنها غيري أنا. أنا هكون جوزها بعد ٣ أيام. سارة. أدهم! أدهم! أدهم. إيه يا سارة؟ سارة. اللي واخد عقلك؟ أنا عاملة أكلمك وانت ولا هنا. أدهم. مشغول شوية بالشغل.

سارة. الشغل برضه؟ ماشي ياعم، يلا نمشي احنا. أدهم. وجميلة؟ سارة. لا، جميلة هتروح بيت خالتها خلود. أدهم. وهيا تروح معاه لوحدها ليه؟ سارة. إيه يا أدهم، ده أخوها. أدهم. مانا عارف إنه أخوها، بس... سارة. بس إيه؟ أدهم. بعدين بقى. أنا ماشي، وانتي روحي معاها بيت خالتها. سارة. بس... أدهم سابها ومشي. روح مكان أول مرة يروحوه. مجهول ١. إزاي لسه مش مات؟ انت مش واخد مني فلوس عشان تقتلو؟

مجهول ٢. ياباشا والله ولعت في البيت، طلع مفيش حد في البيت. ضربته بالرصاص، اتفداها وعملت كل حاجة عشان يموت، بس هو عامل زي القطة بسبع أرواح. مجهول ١. امشي من قدامي، ولو مش نفذت اللي قولت ليك عليه، انت اللي هتموت. وسابوا ومشي. بعد ٣ أيام. يوم كتب الكتاب. جميلة صحيت من النوم، صلت الفجر وقعدت تقرأ قرآن لعند صلاة الضحى. بعد صلاة الضحى نزلت تفطر. جميله. السلام عليكم ورحمة الله وبركاته، ازيك يا بابا.

أحمد. وعليكم السلام ورحمة الله وبركاته، الحمد لله يا بنتي. تعالي افطري قبل الميكب ارتيست تيجي. جميله. تمام يا بابا. وفطرت وقامت تستنى الميكب ارتيست. سارة. افتحوا لي الباب، أنا جيت. جميله. خلاص خلاص، هفتح أهو. اتاخرتي كده ليه يا فوزي؟ سارة. معلش بقى يا إبراهيم، أنا برضه زي أخت العريس. جميله. طب يلا يا أختي ادخلي، وفين الميكب ارتيست اللي انتي جايباها؟ سارة. جايه في الطريق أهي، أنا جعااااانة. جميله. إيه؟ بلاعة وطفحت؟

سارة. مليش دعوة، أنا جعانة جعانة. جميله. ادخلي كلي. ودخلوا والميكب ارتيست جت. ريتاج (الميكب ارتيست) . بسم الله ما شاء الله، مش محتاجة ميكب، انتي قمر. جميله. شكراً. ريتاج. أنا مش بجامل، أنا بقول الحقيقة. وقعدوا يتكلموا ويحطوا ميكب، وريتاج وسارة وجميلة بقوا صحاب. وعند أدهم. يوسف. قوم البس، الوقت هيعدي. أدهم. قايم اهو، وانت البس، ولبس مروان ابنك. يوسف. مروان لبس من زمان. مش عايز أقولك أنا ارتحت قد إيه لما طلقت سمر.

أدهم. الحمد لله. ودخل لبس. بليل. الشيخ بيقول جملته الشهيرة: بارك الله لكم وبارك عليكم وجمع بينكما في خير. وعلى خير، والبيت اتملي أغاني دينية. أول أغنية كانت: (كتبوا كتابك يا نقاوة عيني يا أحلى كلام بينك يا حلوة وبينى بيجي اليوم اللي تكوني فيه حلالي ما أنا أصلي طيب وأمي دعيالي يكتبوا كتابك بالقلم عالورقة واللحظة دي في حياتي لحظة فارقة حافظ التاريخ بالهجري والميلادي ده من النهاردة يبقي عيد ميلادي وابتسمي...

عايزك تترسمي يكتبوكي على اسمي يبقى رسمي... هى العروسة والليلة ليلتها سيبوها تدلع على راحتها زي القمر أجمل بنات حتتها فالزفة مش هننام منطقتها هالله هالله صلوا على النبي يا جيرانها عملت اللي ما يتعمل عشانها هاتوا البطاقة وغيروا عنوانها من الليلة دي بيتي بقى بيتها وابتسمي... عايزك تترسمي يكتبوكي على اسمي يبقى رسمي... وأغاني كتب كتاب كتيرة، واليوم خلص. تتوقعوا المجهولين عايزين يقتلوا مين؟ ومين المجهول ١؟

وليه عايز يقتل الشخص ده؟ ده كله هنعرفه في البارتات الجاية.