رواية تزوجتك لأجل أبنتي ولكن أحببتك الفصل الحادي والعشرون 21 - بقلم بسنت أشرف

تبدأ حكايتي لما كنت بشوف عنيكي، يخلص كلامي لما إيديا بتلمس إيديكي، بسرح بفكر إزاي أوڤي وعودي ليكي، تبقي إنتي ليا بكل غالي، أنا مشتريكي. طبعًا كانت واقفة ريناد في البلكونة وحاطة الهاند فري وبتسمع الأغنية دي وهي بتفكر في كل حاجة. بتفكر إنها إزاي كانت هتتجوز مرادي، وف دقيقة الأمور كلها اتقلبت واتجوزت سيف. مش قادرة تستوعب الموضوع، إزاي يحصل كده؟ وف نفس الوقت بتفكر إزاي أسر أخوها الغير شرعي. معقول الكلام اللي سمعته صحيح؟

طب إزاي أسر يبقى أخوها من أمها بس؟ طب معنى كده مين أبوها الحقيقي؟ وأيه القصة دي؟ هي عايزة تعرف. (أعتقد إن كلكم نسيتوا الموضوع ده مش كده؟ المهم قطع حبل أفكارها صوت. يا ترى مين؟ (مش هقولكم، أنا عارفة إني رخمة سيكا، بس برضه مش هقول) *** في بيت صالح وأيمن (إخوات رجاء) سمية: وبعدين معاكي بقى يا رجاء يا أختي؟ مبقيتيش تاكلي ليه؟ ولا مش عاجبك أكلنا؟ رجاء: لا والله يا سمسم، بس الواحد مش قابل، مش أكتر. مفيش نفس.

رانيا: ليه بس يا أم ريم؟ لو صالح عرف هيزعل. رجاء: معلش، أنا هقوم ألبس أروح أعدي على ريم، وبعد كده أروح عند رنا بالمرة. سمية: ماشي يا رجاء. هكلم أيمن أقوله، وأجي معاكي. رانيا: معلش يا رجاء، بس أختي جاياالي النهاردة. لولا كده كنت روحت معاكي. رجاء: لا عادي، ولا يهمك. أنا هروح ألبس. سمية: تمام. *** نروح بقى للمجنونة رنا وياامن. (والله الواد ده صعبان عليا أوي)

ياامن في الحمام بياخد شاور ورنا قاعدة على السرير. المهم فون ياامن رن برقم مش مسجل. رنا: ياامن، فونك عمال يرن. ياامن: سيبه، لما أخلص أبقى أشوف مين. رنا: أوعى تكون بتخونى ودي حبيبتك؟ ياامن: بس ي حبيبتي، سيبيني أتهنى بالشاور. ده كله وفونه مستمر في الرن. وطبعًا رنا الفضول هيقتلها عشان تعرف مين، ما هي برضه خايفة يكون بيخونها. (سيبوني عليها، هقتلها) رنا هتموت من الفضول، فقررت تفتح وتشوف مين بيرن.

ياامن: بلااااش ي حبيبتي الفضول اللي هيقتلك ده، ومترديش على حد. رنا: يبقى بتخوني، طالما كده. ياامن: مش شرط على فكرة. رنا: أومال مش عايزني أرد ليه؟ ياامن: عشان مينفعش ي حبيبتي. ممكن يكون راجل وأنا بغير إن حد يسمع صوتك. طبعًا رنا الفضول اتغلب عليها خلاص، مش قادرة. راحت ماسكة الفون وردت. أتاها صوت أنثوي رقيق. (طلع بيخونها بجد، يا دي الحظ الأسود) سهيلة برقة: الوو، إزيك ي ياامن؟ وحشتني، ي راجل كل دي غيبة. رنا وكأن

نفسها تقتل اللي بتتكلم: معلش ي ياختي، ماهو اتجووووز. سهيلة برقة: مين معايا؟ ومالك بتتكلمي كده ليه؟ رنا: انتي اللي مين؟ أنا مراتُه ي حرباية. سهيلة: يلا هووي! مالك لوكل أوي كده ليه؟ معقول ياامن اتجوز واحدة لووكل كده؟ رنا: انتي بتغلطي فيا ي روح أمك. سهيلة: مش بقولك لووكل. المهم ابقي قولي لياامن سهيلة بتسلم عليكي. وقفلت في وشها. ف الوقت ده ياامن طلع من الحمام. ياامن: كنت متوقع إن فضولك هيغلبك وهتردي.

رنا: أه، صح. سهيلة بتسلم عليك. ياامن: الله يسلم... هي مين سهيلة أصلًا؟ رنا: اللي بتخوني معاها، مش عارفها ولا إيه؟ ياامن: ي بنتي، هو انت مبقاش على لسانك غير الخيانة وخلاص. رنا: دي الح... قطع كلامها رن الجرس. ياامن: هروح أشوف مين. وراح يفتح، وفتح الباب و****. *** في بيت ريم وأسر. على الفون ريم بترن على أسر. أسر: حبيبتي، لحقت أوحشك؟ ريم: انت أصلًا بتوحشني وانت معايا. (يلا هووي ع المحن) أسر: وانتِ أكتر ي قمري.

ريم: المهم، كنت برن عشان أقولك إني هنزل أنا ولين نشتري شوية حاجات كده، وكمان هنزل بعربيتي. أسر: تمام ي حبيبتي، خلوا بالكم من نفسكم، وابقي عدوا عليا في الشركة بعد ما تخلصوا. ريم: من عيوني ي عيوني. أسر: تسلم عيونك ي قمري. ريم: باي. أسر: بعشقكككك. ريم: وأنا بموت فيك. وقفلت ريم مع أسر، وقامت تلبس هي ولين الصغنونة.

المهم، ريم لبست بنطلون واسع باللون الأسود على بلوزة قصيرة بكم باللون الزهري، فوقيها تونك طويل باللون الأسود، ولبست كوتش أبيض، ولبست الطرحة زهري. ولبست لين فستان قصير باللون الزهري وكوتش أطفالي صغنون، وكانت أمورة. نزلت ريم هي ولين وركبت العربية ومشت بيها. ولكن لسوء الحظ كان فيه عربية ماشية بسرعة جاية عليها. حاولت تتحكم في السواقة، لكن للأسف دخلوا في بعض وو.