رواية تزوجتك لأجل أبنتي ولكن أحببتك الفصل السابع عشر 17 - بقلم بسنت أشرف

بيت أسر وريم ريم: أسر هروح عند مريم أجيب منها لين. أسر: أوك ي قلبي، متتأخريش. ريم: حاضر ي حب. راحت ريم بيت الجيران، خبطت ع الباب. فتحلها أحمد جوز مريم. أحمد: مدام ريم اتفضلي. ريم: شكراً يا أستاذ أحمد، بعد إذنك ناديلي مريم. أحمد: ميصحش، اتفضلي وأنا هناديها. ريم: حاضر. ودخلت ريم. شوية وجت مريم ومعاها لين. لين أول ما شافت ريم جريت عليها وحضنتها. لين: ده ي أمي اتأخرتي عليا. ريم: معلش يا قلبي، متزعليش.

مريم: مامتك عاملة إيه دلوقتي يا ريم؟ ريم: بقت كويسة الحمد لله يا مريم. إياد طفل عنده 6 سنين: طنط سيبي لين تلعب معانا. ريم: معلش يا حبيبي، هاخدها وتلعبوا في مرة تانية. إياد: ماشي يا طنط، تبقي هاتيها عندنا كتير. ريم: من عنيا يا حبيبي، همشي أنا دلوقتي، يلا يا لين. مريم: خليكي يا ريم شوية. ريم: معلش عشان أسر مستنينا في البيت. مريم: ماشي يا ريم، ابقي تعالي. ريم: من عينيا يا حبيبتي، يلا سلام. مريم: سلام.

رجعت لين وريم البيت. أسر: لين الحلوة وحشتيني. لين: أنت مش وحشتني. أسر: ليه كده بس؟ لين: عشان أنت اتأخرت كتير. أسر: معلش، إحنا اتأخرنا عشان تيته رجاء تعبانة. لين: برضه زعلانة. أسر: يلا ي ريمو، إيه رأيك في الشوكولا الحلوة دي؟ يلا ناكلها أنا وانت. لين: أنا بقول إنه كان غصب عنكم اتأخرتوا، فخلاص هسيبكم مش زعلانة. ريم بضحك: دلوقتي بقيتي مش زعلانة؟ لين: طبعاً. أسر: لا بجد شابوه ليكي، خدي ي ستي الشوكولاه اهي.

لين: هييييييييي شكراً. أسر: المهم أنا جعان. لين: لا أنا أكلت عند طنط مريم. ريم: أسر أنا تعبانة ورايحة أنام، اطلب لنا أوردر من برة. أسر: حاضر. وبعد شوية جه الأكل واكلوا. وريم نيمت لين في أوضتها. وبعد كده أسر دخل هو وريم أوضتهم. أسر: بقولك وحشتيني موت. ريم جريت

عليه وحضنته وهي بتعيط: كنت خايفة جداً يا أسر ع ماما، أنا مقدرش أخسرها، دي هي كل حياتي، هي اللي ربتنا وعلمتنا واهتمت بينا طول عمرها معانا، أنا مقدرش أعيش من غيرها أبداً. أسر: متخافيش ي روحي، هي بقت كويسة دلوقتي ومفيش خطر عليها. ريم: آآآه ي أسر لو حصلها حاجة أنا كنت موت. أسر: بعد الشر عليكي ي قلبي. وأكمل بشئ من المرح عشان يخرجها من اللي هي فيه: وبعدين أنا أقولك وحشتيني وبحبك وأنت قاعدة تعيطي.

ريم بضحك: والله إنك مجنون، بص أنا في إيه وأنت في إيه. أسر: ي ريمو، أنت في قلبي وأنا مش بفكر في حد غيرك، أنت حياتي والنفس اللي بتنفسه، أنت محور حياتي، أنت ولين حياتي بتبدأ عندكم وبتنتهي عندكم، ربنا يخليكم ليا يا رب. ريم: وأنا بعشقك يا ابن قلبي. أسر: أيوه كده ي روح الروح. ريم: يلا بقى تصبح على خير، أنا هموت وأنام. أسر: نعم يا أختي، بعد ده كله وتقوليلي أنام؟ لا يا ماما، انسى، مفيش نوم. ريم: ب... قاطعها بقبلة.

في بيت ياامن ورنا. ياامن: تعرفي إني مش مصدق لغاية دلوقتي إني هبقى أب أخيراً. رنا: ولا أنا، على قد ما كنت حزينة وخايفة ع ماما، على قد ما أنا فرحانة جداً إني هبقى أم. ده ماما هتفرح جداً لما تعرف إنها هتبقى تيته صح؟ ياامن: صح ي قلبي. رنا: هيييييييي، أنا فرحانة جداً. ياامن: وأنا كمان، لازم نحتفل بعد ما حماتي تبقى كويسة. رنا: طبعاً ي روح قلبي. لسة ياامن هيقرب منها، وقفتوا. رنا: اقف عندك، أنت نسيت الدكتورة قالت إيه؟

ياامن: ي حبيبتي دي دكتورة غبية مش بتفهم. رنا: مش هينفع. ياامن: خلاص، بصي، إحنا خلينا ع خفيف. رنا: لا خفيف ولا تقيل. ياامن: هووف منك.