رواية تزوجتك لأجل أبنتي ولكن أحببتك الفصل التاسع عشر 19 - بقلم بسنت أشرف

في مكان أو مرة نروحه. بيت كبير يدل على غنى أهله، فخم وشيك وكلاس من الآخر يعني. ندخل البيت ده نلاقي فيه عائلة أيمن وصالح، أخوات رجاء ونجاة وإيمان. أيمن (مراته سمية وابنه الكبير أحمد متجوز أميرة بنت عمه صالح ومعاهم ولد وبنت سامر وسمر / أدهم ابن أيمن التاني متجوز بس لسه معندوش أطفال مراته مرام بنت غلبانة جداً / قمر بنت أيمن الصغيرة متجوزة محمد ابن عمها صالح وعندها نور) صالح

(مراته رانيا وابنه الكبير محمد متجوز قمر / وبنته أميرة متجوزة أحمد) نروح أوضة أيمن وسمية. سمية: والله حرام عليك يا أيمن، أنت السبب. أيمن: خلاص بقى يا سمية، أنا ما كنتش أعرف إن ده اللي هيحصل. ما أنتِ عارفة إني عايز مصلحتها وبس. سمية: ما أنت السبب، رجاء ما كانتش بتحب نصار من الأول وسيف جه واتقدم بس أنت اللي وافقت. أيمن: كنت غبي، كنت فاكر إن مصلحتها مع نصار مش سيف.

سمية: آهو، حسبي الله ونعم الوكيل فيه، راح اتجوز ورمى عياله ومراته لوحدهم. أيمن: حسبي الله ونعم الوكيل. في أوضة أمير ومرام. أمير: ما خلاص بقى يا مرام، مش هنفضل من أم السيرة الفقر دي. مرام: يا أمير، أنت عارف إن بقالنا 4 سنين متجوزين ولغاية دلوقتي مخلفناش، فعشان كده بقولك اتجوز. أمير: يعني أنتِ موافقة إني أتجوز عليكي وهتبقي موافقة؟ مرام: لا طبعاً، أنا مقدرش أشوفك متجوز حد غيري، بس هعمل إيه؟

طنط سمية مبقتش طايقاني خالص عشان مش بخلف. أمير: مين قال إن العيب عندك؟ ما يمكن عندي أنا. مرام: بس إحنا كشفنا والدكتور قال إن فيك حاجة وزي الفل. أمير: وأنت عايز إيه؟ دي حاجة بتاعة ربنا، إحنا مالناش فيها تدخل. مرام: يبقى تتجوز. أمير: يوووووه، أنا زهقت من العيشة دي، عيشة نكد على طول. وراح واخد بعضه وخارج ورزع الباب في وشها وهي قعدت تعيط بعد ما هو مشي.

في المستشفى، حامد أصر إنه يخلي سيف وريناد يرجعوا مع بعض، ما هم اتجوزوا بقى، فريناد وافقت وسيف وافق. في عربية سيف، محدش فيهم بيتكلم لغاية ما ريناد قررت تقطع الصمت ده. رينااد: أنا آسف. سيف باستغراب: على إيه؟ رينااد بحزن: أنا السبب في إنك سبت خطيبتك مع إنك كنت بتحبها. سيف بابتسامة: لا والله، علفكرة كل حاجة نصيب، وإحنا نصيبنا إننا نتجوز. وأنا مش هتجوز سحر، وأنتِ سبتي مراد، فكل ده نصيب مش أكتر، وإحنا لازم نرضى بيه.

رينااد: يعني أنت مش زعلان؟ سيف: لا طبعاً، أكيد ربنا شايف إن ده الأحسن لينا طبعاً، فإحنا لازم نرضى بالمكتوب. رينااد: لا بس أنت بجد طلعت عاقل أوي، مش زي ما كنت بحسب. سيف: كنت بحسب إيه؟ رينااد بعفوية: كنت بحسبك عيل وتافه ورزل وكده يعني. سيف: هههه، ما خدتيش ولا انطباع حلو عني. رينااد بحرج: لا والله مش كده، ده كان في الأول بس. سيف بابتسامة: لا ولا يهمك يا قمر، أنتِ عفوية في الكلام. رينااد: متزعلش.

سيف: أوكي، أنا أصلاً مش زعلان. في بيت يامن. هنلاقي إن رنا قارِفاه في عيشة اللي جابوه بسبب الحمل وهي أصلاً نكدية أوي. يامن: وبعدين معاكي بقى، ده أنتِ كده هتتسببي في مجاعة للبلد. رنا: مستخسر فيا أكل يا يامن؟ يامن: لا كلي بس مش بالطريقة دي، ده أنتِ لو حامل في ديناصور مش هتاكلي بالكمية دي. رنا: آآآه يا يامن، مش عايزني آكل أنا وابنك، أنا الحق عليا عايزة ابنك يطلع رايق كده وقمر.

يامن: يا حبيبتي بالطريقة دي هيطلع فيل مش رايق. رنا: خلاص ارتاح، مش هاكل تاني. يامن: أيوه كده. رنا: آآآه، ده بدل ما تقولي كلي براحتك يا حبيبتي، بتقولي أيوه كده، ماشي يا يامن، أنا ماشية وسيبالك البيت. يامن: استهدي بالله كده يا رنا واقعدي. رنا: لااااا، مش قاعدة لك فيها أبداً. يامن: اقعدي يا رنا، كلي براحتك يا ماما، أهو الأكل كله قدامك، كلي براحتك. رنا: هشششش، متتكلمش بقى خليني أعرف آكل براحتي.

يامن: عليّ العوض ومنه العوض فيكي. في بيت أسر. ريم: خلاص بقى يا ليولي، يلا تعالي عشان تاكلي. لين: لا يا ماما مش عايزة أكل. ريم: لا يا حبيبتي، لازم تاكلي. لين: مش عايزة. ريم: خلاص وأنا مش هسيبك تروحي تلعبي مع إياد وروما. لين بعبوس طفولي: هووووف، خلاص هاكل. أسر: أيوه كده، ناس مش بتيجي إلا بالعين الحمرا. لين: بس يا بابي مش تقولي كده. ريم: كُلوا واحترموا الأكل ومتتكلموش. أسر: حاضر. لين: ماثي. بعد الأكل.

ريم: يلا يا لينو، لازم تشربي اللبن. لين: مبحبوش. ريم: لا، لازم تشربيه عشان تبقي قوية جداً. لين: هووووف، مش عايزة. ريم: لين، اسمعي الكلام ومتغلبينيش. لين: هووووف، إيه القرف ده. أسر: يلاهوي، إيه اللي قرف سياادة حضرتك يا برنسيسة لين؟ لين: مش بحب أشرب اللبن يا جدعان، مش بحبه يا جدعان. أسر: جدعان مرة واحدة. لين: لا مرتين. أسر: بطلي لماضة شوية. لين: ماثي، تأمر بأي حاجة تانية يا بابي.

أسر: لا شكراً يا أختي، هعوز منك إيه يا مفعوصة أنتِ. لين: شكراً. أسر: العفو يا أختي. ريم: خلاص بقى يا أسر، يلا يا لينو عشان تنامي يا قلبي. لين: هتاخديني معاكي مرة عند تيته رجاء؟ ريم: آه يا حبيبتي، هاخدك معايا، أوك، يلا عشان أنيمك. لين: يلااا.