تحميل رواية «ياملاذ الحاكم يابكر فارس» PDF

تعالي واتركي هالأرض لأهل الارض

‏سماك ايديني الثنتين .. يا نجمة .

'

إنحنـى بهدِوء وماهي الا ثـانيِة وإشتعلت مَلامح مـلآذ خجل من شفايِفه اللي لامَست شفايفها ، يتحِول شخص ثانيِ مباشرة لما يلامّسها ، إما يظل على جُموده ويفرّغ غضبه فيها ، وإما إنه يلجأ لها بكلِ حنيّته ~

_

بـ الطرّف الآخـر ، تُـوتر هُذام من كُثـر تَوتر أبو جابـر وخوفه على هتـان اللي بـ حُضنه ~

هُـذام بتـوتر وما يدري كيف إنطلق لسانه ؛ إن كُنت تسَـمح ليِ ، وراضيّ ، أنا وديِ بهـتان على سُنه الله ورسَوله ياعمّي ، والله مو لجلّ هالحدث لكن الله يعلَم إن وديِ فيها من زمان ، وقصديِ شريف وما جربّت طُرق السوء طال عمرك ،قِل تم ووالله ما يضِرها شيء

رفع أبـو جابر عيِـونه لثوانيّ بذهول وهو يناظره ، تغيرت ملامح هُذام من وجه أبو جابر اللي تغيِر من كُثر القهر اللي إعتراه وهو يغطي هتان بـ طرحتها ~

قام وهو يرمـي جواله بعيِد ، بيجّن من كثر قهره والغضب ؛ والله الدّم والله !

هُـذام وهو يناظره بتهدئه ؛ عمـي إسمعني ، إنت قِل لي موافق بس !

أبـو جابر بشبه حده ؛ بمقام جابر يا هُذام ، ما أرضى لك النقص !

هُـذام بذهول ؛ عمي ، والله إن مَرت عليِ أشياء رآسك يشيب منها ! الاتصال لحاله يوضح لك انهم ما سوو شيء فيها لكن يلعبون بنفسيتك ونفسيتها !

أبـو جابر وهو يجلس عنده ، مسك إيـد هتان وسرعان ما تغيِرت ملامحه من انكشِفت ذراعها ، محّل الإبره اللي غَرسها رائد بذراعها واِضح وكثيـر وبشكل مُرعـب بعد ~

مسك هُذام ايدها وهو يرجع العباية ويناظر أبـو جـابر ؛ إسمعني وقِل تم ! البنت بتروح بخرايطها ياعمّي لا ترضى لها !

ناظره أبو جابر لثوانيِ وهو يجلس ، تجمّعت الدموع بمحاجره لثواني من فَرط خيِبته ؛ يا هُذام لا تضِربني بالوجه !

هُذام وهو يناظره برجـاء ؛ يا سامّي من يوم الدنيا دنيِا أبيها ! فرق العُمر كان مانعنيّ لكن الحيّن تمِسها أشياء تضرها ، لا تتركني واقف مكتوف إيدين وانا أقدر !

أبـو جابر ؛ انت فاهم وش قاعد تسوي !

هز رآسه بـ ايه ، قلبه بيتّقطع عليها وشاف أكثر من حالتها بكثير ؛ ايه نعم !

ناظره أبـو جابر لثوانيِ بتوهان ،بعكس هُذام يلي فَهم اللعبة كلها من الإتصال اللي وصل لـ أبو جابر ~

فِتحت هـتان عيونها وبتردد رفِع هُذام عيونه لـ أبو جابر ؛لو تُروح فيها البيت أفضل من هنا ، بحاكيك

سِكت أبـو جابر تماماً وهو يشوف هُذام ، ناسي وجوده ويساعد هتان تجلس ، كان بيعِصب لولا إنه....إنه شاف إيده تِشد على ايدها ، كان فعلياً معاهاً ورغبته فيها واضحه حتى وهو ناسي وجود أبـو جابر اللي شِبه شك بـ الوضّع وانه ما يبيها من زمان لكن أجبرته رجولته وبيظلمها مُستقبلاً ، لكن الواضح عكس تماماً ~

ما كانت مِستوعبه شيء ابداً ، مُجرد انها بجنبّ شخص وهالشخص يضغط على إيدها يطِمّنها ~

_

بـ الأعـلى ، عنِـد أبطـالنا ~

جالسه ع الكنِبه وهو بجنبها ، بعدَ أفواج من القُبلات والأحضان ~

قـام بهدوء ؛ ليه ما وصَلـني الخبـر عن فزاع ؟

زمت شفايفها وهيِ ترجع أنظارها للجهه الأخرى بعِيد عنه ؛ إنت مُهمل ، وتتحمل نتيجه إهمالك

مد ايده وهو يآخـذ جلالها ، جات لعنده وهيّ ترجعه بحضنه من فرط قهرها منه ؛ البسه انت

بدلت بلوزتها بعيد عنه لإن مستحيل بتنِزل لـ إخت زوجها بـ أول لِقى لهم بتيِشيرت يدخلون فيه هي ونادين وهتّـان من وِسعه ~

خِـرجت لـ صَدر الغُرفه ، المكان يلي فيه حـاكم وهي تفرد شعَرها ، أخذت الرُوج وهي تشوفه يتأملها بكل هدوئه ~

تِركته وهي تمِشي لعنده ،تغيِرت ملامحه لثوانيِ من جات قِدامه وملامِحها بقدّ حدتها بهاللحظه ، مُغريه

انحَنت وهي تآخذ عطِرها من خلفه ~

مـلآذ بسخريه ؛ ابعِد عنّي ، أخاف يِوصلك عطري ويظِنوا السوء

ناظرها بهدوء وهو يخرج ينتظرها ، خِرجت وراه بعد ما تعِطرت وهم ينزلون للأسفل ~

كانت ريِـف جـالسه بجنَب أبـوها بهدوء تِبعثر وقت شافت حاكم نـازل ، حادّ الملامح والِطباع بشكل مُرعب ~

لفِتتها الأُنثى يلي خلـفه ، ناعمة وجميِله بشكل جداً لطيف ، ابتسمت تلقائي من ابتسِمت ملآذ وهي تمشي لعندها ~

مـلآذ باِبتسامه وهيّ تسلم عليها ؛ قال لي حاكم عنّك ، أنـا ملآذ

أبـو حاكم بابتسِامه ؛ بنت عمَك فارس ، وحَرم حاكم أخوك

ابتِسمت باستغراب وهي تناظر ابوها باستفسار ~

أبـو حاكم بابتسامه ؛ بعد إسبوع زواجهم الرسمي

ابتسَمت وريـف نوعاً ما وكل ما طاحت عينها على أم حاكم تتوتر رغم إنها ما أظهرت لها اي مَلمح يبين هي تقبلتها او لا ، تدعي من كل قلبها ما يطلب أبوها منها تنام عندهم اليوم ، لانها فعلياً لازم ترتب وضعها ، وتحاكي لؤي حكّي مُطول ~

قام حاكم وصعَد للأعلـى لِعنـد فزاع اللي نايم ، فتح البابّ بهدوء وهو يتأمله لدقايق ، رِجع سكره وهو ينزل للأسفل ~

عنـاد وهو يدخل من الخارج ؛ هُـذام يبيك

انحنى يآخذ مفاتيحه وبوكه وطاحت عيِونه بعيِون ملآذ اللي رفعتها له مباشره ، شتت أنظارها بعيد عنه بعكسه اللي لا زال يناظرها ، رفع نَفسه بهدوء وهو يخرج ~

وقِف هـُذام وهو..ما يدري شلون يحاكيه ابداً ؛ نخرج ؟

حـاكم ؛ وجِبت - يقصد إن الخُروج صار لازم -

ابتسم هُذام بتوتر وهو يمشي قدامه ، كيف يفاتحه بالمُوضوع ما يدري ~

حَرك لمكـان خَـرابتهم القِديمه وهم ينـزلون ، جلس هُذام وبجنبه حاكم بهدوء ~

هـُذام بتردد ؛ حـاكمّ ، عمك أبو جابر تحت التهـديد

لف لثوانيّ ، تو ماقال بسم الله وجلس ؛ كيف !

حك حواجبه وفعلياً جبينه يتصبب عرق من فرط توتره من ردة فِعل حاكم ؛ بنته ، هـتان يهددونه فيها

تغيّرت ملامح حاكم بـ أكملها ، ياللأسف يعرف هالنُوع من التهديد وكثير بعد نهايِته إما أخَذ شرف ، وإما جُثه صغيره بالعُمر ؛ لا تِـقول

زفر هُذام وهو يمسح وجهه ، يحس بـ داخل قلبه يحِترق من فرط الألم والشُعور اللي يعتريه ؛ قِلـت ، بس صَدقنّي ما صار لها شيء وانت فاهمني

قام حـاكم بذُهول لثـوانيّ وسرعان ما بِردت ملامحه من دِموع هُذام اللي نِـزلت ~

مسح طرفّ دموعه وهو يحنيّ رآسه لثوانيّ ؛ يشهَد الله إنيّ بكل طُهر الأرض حبيتها !

أجَهش بكـيّ من حُرّ قَلبه على حَبيبِته الصغيّرة ، توها ما بعد شافت الحيِاه وتِلوثت من نَاس مفهوم الإنتقام عندهم ذليل مِثل مبادئهم ، ما قِدر يكتم دموعه من رجع منظرها قدامه بـ المُخيم ، ومنظرها قبل شويّ ~

قومه حاكمّ معه وهو يحضنه ، إنذهل بهالثوانيّ وللأسف حاكم أفشل شخص بالتعامل مع العواطف ~

كان يبكِي من مليون شعور ، كلها لها ولا فيه شيءّ منه لنفسه ~

مِسكه حاكم وحمّر وجهه ، على بِنت عمه ولا على صاحبّ عمره يشيل الهَم ما يدريّ ~

-

« مكـان آخـر »

وقف سِعود بـعد ما نام ضاوي ، عدل لبِسه وجاء الوقّت اللي يلاقي فيه الفَريق حـاكمّ ويتفاهَمون بحقّ وحقيق ، البُعد عن الجماعة ذُل ، وماهو الوحش اللي يِرضى بالذِل ابداً ~

خـرج من البيِت وهو له كمّ يوم يحس انه مُحاصر ، مقّيد ، قلبه ما يطاوعه يتِرك ضاوي نايم لحاله ابداً ~

رجع وهو يصحيه بهدوء ؛ ضاوي

فتح عيونه وهو يفز ؛ سعود !

سعود ؛ يا عينه ، انا خارج انتبه لنفسك

خلل ايده بشعره لثوانيّ وهو يهز رآسه بـ زين ، رِجع تلحّف وهو يتعدل لجل لو صار اي شيء يكون متأهب له ~

_

_

'

« بيـت أبـو جابـر »

كـان جَـالس بـ الصاله بهِدوء ، مكسّور ظهره ومهدود حيله ، خيبِات الدنيا كلها بـ عينه وهو يشِوف جواله تنّور شـاشته بـ اسِم اُم جـابر مره ، وبـ اسم نـادين مره ثانيه ، تتشتت أنظاره بين الجَوال ، وبيِن الدرج ، كان ماسك هتِان من ذراعها يسندها لكنها مدت إيدها بكل هدوء لـ أصابعه تفِكها عن ذراعها ، كانت تبكِي بدون لا تتكلم ابداً وصعدت الدرج ~

-

عِنـد هتـان ، تِكورت على نفسها وهيّ تبكي ، لازال هَمسه للحيِن بـ بالها ، كان يتغِزل بشكل مُقرف وكأنه يلعب بـ نفسيتها فقط ، وقِف شعر رآسها وهيِ تحس بـ ايده للحين بجسَدها ، قامت وهي تمسح على وجَها تحاول ما تبكي ~

دخل أبـو جابـر وبِردت كَامل مـلامحه من شكلها ~

أبـو جابـر بذهول ؛ هـ هـتان !

غطتّ وجها بـ ايدها ما ودها تشوفه ، مشى لعندها وهو يحضنها وسرعان ما انهارت بكيِ وهي تمسك كتفه ، تمتمّت بمليون كلمه ، أولها إن مالها أدنى الذنب ، وثانيها إن هالشخص يهددها فيه ،وثالثها وأقساها على قلبه رغم ليونتها والمفروض فَرحه فيها إنها للحين بنت ، وللحينها بِنت ساميّ وشَرفه ، ارتخت بحُضنه وعرف بـ انها إنهلكت تماماً ، سدحها وهو يشِوف ايدها ، بمحلِ الإبره كدمه كبيره ، عُنقها معدوم تماماً ونحرها ، شعرهاّ قصته بشكل مو مُرتب وناثرته ع الأرض ولهالسبب إنصعق تماماً وقت شافها ، كان رائد متمدد جنبها وايده تلعَب بشعرها وهذا اللي تذكره ~

قام سامي وايده على وجهه من سمع صوت الباب ، أكيد نادين واُمها ~

نـزل وهو يأشـر لهم بشويش ويدخل مكتبه لجل يلحقونه ~

دخلت نادين وراء ابوها ؛ هتـان وينها !

أبـو جابر بهدوء ؛ اجلسي ، يا شيماء تعالي

جات أم جُابر وهي تجلس بتوتر ؛ صار شيء صح ! ولا ؟

تغيّرت ملامح ابو جـابر من رساله لجَواله " بيتقدم لها واحدّ ، زوّجها ولها السِتر " ، يلعبون فيه ،وسوو هالحركه لجلِ يعطيهم بنته غصب عن خشمه ! يعني مستحيل لمسِوها !

مباشرة أرسَل الِرساله والرَقم لـ هُذام ، وأخيراً إنِحلّت عقدة بعقله ~

أبـو جابر بهدوء ؛ هتـان ، خطَبها هُذام بن أسـامه وانا عَطيته

أم جابر بابتسِامه خفيفه وإستغراب ؛ ونعم الرجل ، بس صغيره !

أبو جابـر وهو يقوم ؛ حُكم الظروف ، الزواج هالفتره

نادين بذهول ؛ بس أبـوي هتان صغيره !

رفع كتوفه بهدوء وهو يمشي لعند الباب ؛ لا أحد يسألها عن شيء ، ولا أحد يقول لها شيء ، لمصلحتها !

خرج تاركهم وسط حِيرتهم وإستغرابهم وهو يمشي ، جلس بـ وسط الصاله اللي قدام غُرفه هتان وهو يتمدد لجل ما يروحون لها لا اُمها ، ولا نادِين ~

-« بيـت نهـيان »

ابتسـمت رِيف بـ ارتيِـاح من مـلآذ اللي دِخلت أعماق أعماقها ، لطيـفه وابداً ماتتدخل بـ شيء ما يخصِها ~

كانت على أحَرّ من جمـر يُوصلها الردّ من لـؤي ، فز قلبهاّ مع صُوت الرسالة ومباشرة تُوردت ملامحها من كُثر إشتياقها له ، كأنه سَطّر لها أسَطر غزل تلِيق بشخصيته الطائشِه لكنه كان كـاتب " كِنت نايـم " بس ~

رجعت شعرها خلف أُذنها بهدوء " بِدون ما تقول لي ؟ "

وصِلها الردّ منه مباشرة ، كان مذهول منها ، للمره المليونّ من بدايه علاقتهم البسيطه يقِول لها إنه يبيها صِدق ماهو لعبّ ، يسِتر حبُهم بالزواج وكانت لكل مره تتحجج بـ شيءّ " ما كان ودك أعرف من تكونين ، تلعبين معي ياريف ؟ "

تغيِرت ملامحها لثواني " لازم نتفاهم ، أحاكيك "

سكَرت وهي تِشوف مـلآذ سرحانه وبالها مو معاها وبِعيد ، حاكمّ ما رجع للحين وقِد أذّن الفجر ، معقول رجِع لدوامه للمره الألف بدون ما يودعها !يا كَسرة الخاطر وقتها ~

خِـرجت فاطمة مع بدايه خُروج الشمس وهي تبتسم لـ ملآذ اللي تشِرب قهوه بهدوء؛ ردّي على جوالك ، حاكمك يبيك

ما ركزت ولا إنتبهت لحدّ ما ضِحكت جدتها ؛ جوالك

لفت أنظارها لـ جوالها وهيِ تمد ايدها له ، بدون أدنى حرف او إطمئنان على حالها " اخرجي "

عدلت لبسها وهي تترك كُوب القهوه من ايدها وتخرج له ~

كان واقِف بعيـد ويدخن ، رمـى سيجارته بعيِد من جات لعنده وشِبه إنصعقت من فِتح ذراعه بهدوء لها ~

ترددت لثوانيّ وهي ترفع نفسها وتحِضنه ،كسر ظهرها من كُثر شدته عليها ~

مـلآذ بتوتّر ؛ حاكم ؟

سكت وهو يدفن وجهه بـ عُنقها وشعرها ، ريِحتها لوحدها تعدّل مزاجه كيِف شوفتها وكونها بالحُضن !

هُموم الدنيا كلها على ظهره ، من صاحبه اللي إنهار بالأمس بحُضنه وطول الليّل ما هدأ ، تارة يِتوعد فيهم ، وتارة ينتابه الحِزن بشكل شنيِع ، ما كان من حاكم الإ إنهّ يتعّوذ من قهر الرجِال اللي يطغى على هُذام ويِطغى عليه كل شوي ، ومن جدّه نهيان الغايب واللي ما يمسح على كتفه ويقول له بالهَون مثل عادته ~

مـلآذ بتردد وهي تناظره بحنيّه ؛ نِـجلس ؟

حاكم وهو يفِرك حواجبه ؛ لازم أمـشي

مـلآذ بتردد؛ ظَلّ ، عشانك مو عشاني

حـاكمِ وهو يشتت أنظاره بعيد ؛ليه ما قلتيِ عشانك ؟

ابتسِمت بتردد وهي تشتت أنظارها بعيد عنه ، بعيِد بكثير لـ عمها مِتعب اللي تَوه جـاي من الصلاة ؛ رِيـف تسأل عنك

ابتسم وهو يدخل للداخل بعد ما أرسل السلام لـ حاكمّ ، اشِتعلت ملامحها خجل من نظراته وهي تمسك إيده ؛..الله يحمِيك

ناظرت باطِن ايده لثوانّي وهي تمرر أصابعها عليه ، ابتسمت وهي تسكر إيده وترفع عيِونها لعنده ، يربِكها كونه شديد التأمل فيها ، يظّل لفترات طويله بدون لا يتِكلم وبس يتأملها وهي تِعبث بـ قلبه وبـ ايده وبمَسامعه ؛ حاكم بطّل خلاص

حـاكمّ وهو يتنحنح ؛ عِندك جامعة ؟

هزت رآسها بـ إيه وهي تِزم شفايفها ؛ السـاعه 10

مُحاضره وحده

ناظرها لثوانّي وهو يرجّع أنظاره لقدامه ؛ باقي على الزوّاج أيام ، ما شِفت منك شيء

ناظرته باستغراب ؛ شلون ما شِفت منِي شيء

سِكت وسُرعان ما ضحِكت وهي تناظره ؛ جهّزت كل شيء ، اذا هو اللي تسأل عنه

ابتسم بخفيف وهو يدخل وهي خلفه ، إعتدلت ريف بجلستها مباشره من دِخوله وهي تبتسم بـ تّوتر ~

نـزلت اُم حاكمّ وشبه إبتسمت من تعدى من جنبها ، باس رآسها وكمّل صعوده للأعلى لعند فزاّع ~

ابتسمت مـلآذ وهي تجلس على ذراع الكنبّ عند جدتِها فاطمة ~

فـاطمة وهي تشوف عِناد يركض نازل ؛ بشويش يا عناد وش فيك !

أبـو حاكم بإستغراب ؛ وش فيك يا عناد !

عنـاد بتوتر ؛ واحـد من العيال صار له حادث ، ما أدري

فاطمة وهي تصرخ عليه من ركض للخارج ؛ لا يكون لـؤي يا ولـد !

تغيّرت ملامح رِيـف لثوانيّ وصابها الهُبوط بخوف ، مستحيّل يكون لؤي توه محاكيها ، قامت بتردد وهي تبي تهرب لكن شلون ~

مـلآذ باستغرابّ وشبه إبتسامه ؛ اذا عندك شيء ضروري ، غرفتي موجوده فوق

ابتسمت ريف بـ امتنان وهي تناظر أبوها بتردد ؛ بحاكي المُدير لجل معامله

ابتسم أبـو حاكم لثواني ؛ مِثل ما قالت لك بِنت عمّك ، فوق فاضي خِذي راحتك

ابتسمت بـ إمتنان وهي تصِعد مع مـلآذ ، دخلت غُرفه ملآذ ، ومـلآذ صعِدت للسطح ~

عضَت أناملها بتوتر وسرعان ما ابتسمتّ بشبه رعب ؛لؤي

رفع حواجبه لثوانيّ باستغراب ؛ هلا

ريِف وهي ترتجفِ حرفياً ؛ فينك

لؤي بشبه إبتسامه ؛بالبيّت ، وصِلني إرتجافك يا بنّت متعبّ هدي

ابتسِمت بشِبه إرتياح وهي تعدل شعرها ، الحوار اللي المفروض يِدور بينهم أكبر من انه يكون من خلف الجوالّ ، لازم تفهمه إنها مصدومه بقّده ، ما خبّت عليه عبث ~

ريِف بتردد ؛ لـ

بردت ملامحها وأطرافها من فِتح حـاكمّ الباب ~

رفع حـواجبه بهدوء ؛ وينها

تجمّد الدم بعروقها بذهولّ لثواني ورُعب وخوف وهي تناظره ، رجعت لها نفس الرجفه ؛ فوق

سكر البابّ وهو يصعد للأعلى ~

لـؤي بهدوء وهو قَد سِمع صوت حاكم ؛ حـاكمّ

ارتجفت وهي تمسح على جبينها ؛أحسّ اني على فوهه بُركان

لـؤي وهو يشتت أنظاره بعيِد ؛ ريِف ، أحس إني أغدر بصاحبيّ ،وبحَضرة الفريق ، أشري وجيتك اليوم وحللّي هالحُب نخيتك !

ريِف وهي تحس انها مُشتته ؛ إتركنيّ أجمع نفسي ووضعي

لؤي ؛ إتركني ؟

ريِف وقِد تجمعت الدموع بمحاجرها ؛ إتركني بس لا تترك

ابتسم وهو يفِرك جبينه ،نبرتها تلمس قلبه مُباشره ؛ يا بنتيّ ، اللي يحِبك لو إيدينك شُوك يظلّ ماسكها ، ما بترككّ اليوم ولا بُكرا ولا بعده ، صاحبّ قلبك ما يِتركه

ابتسمتّ وهي تعض أناملها بإمتنان وحُب؛ لؤي

ابتسم وهو يوقف لـ دولابه ؛ ياعينه ، بنتفاهم يا بِنت الأصول بالأصول

ابتَسمّت وهي تسكر وتِضم الجوال لصدرها ، كِيف طاحَت بـ حُب الطايش يلي اسِمه لؤي ما تدري ، بس الليّ تعرفه انها تحبـه لدرجه الجُنون ~

_

« عِنـد مـلآذ »

منحِنيه وتدندن بِهدوء ، مع جدتها فاطمه تُوهم طلبوا مجموعه شتلات وخَبوها بالسطّح لحتى رُجوع نهيِـان ، ابتسِمت وهي تآخذ الدلو من جنبها وتغني بروقان ، شهقت وتعَقدت حواجبها من تركت الدلو وانجرحت ايدها من طرَفه ، زمّت شفايفها لثواني برعب وهيِ تشوف الدم ينهمر منه ~

قامت بُرعب وهي تشوفه داخل مع باب السطح ، عقّد حواجبه بـ اسِتغراب وهو يشوفها زامه شفايفها وضامّه ايديها لبعض ، نظراتها لحالها كأن مُصيبه حِصلت لها ~

حـاكم باستغراب ؛ وش صار !

ابتسمت بتردد لثوانيِ ؛ ما صار شيء

رفع حـواجبه وهو يمشي لعندها ، ناظر بـ الدم اللي تسلل لـ أصابعها من الخلف وهو يمسك معصمها ، ابعد كُفوفها عن بعض وهو يشوفها إنصبغت باللون الأحمر تماماً ~

انحنى وهو يآخـذ المَرش تبَع المويا ؛ تعالي

هزت رآسها بالنفيّ ؛ والورد

حـاكم بهدوء ؛ ينسقى دم ، تعاليّ

مـلآذ بذهول ؛ لا حرام !

مسكها مع معصمها وهو يلفها لحد ما صارت جالسه وظهرها يلاصّق صدره ، ثبت ايدها غصب عنها وهو يغسلها لها، زمّت شفايفها برعب وشبه حِزن وهيِ تشتت أنظارها بعيد عنه ؛ ذنَب الورد برقبتك ، كيف يطاوعك قلبك

مد ايده وهو ينزع الوشاح عن شعرها ، زفِرت لثواني من تناثر شعرها حوالين وجَها ، ترك المنديل على الجرح وهو يربطه بالوشاح بهدوء ؛انتبهي

مـلآذ وهي ترفع شعرها عن وجها ؛ تِقدر تربطه بـ شيء ثاني

ابتسم بسخريه وهو يوقف ويوقفها معه ؛ حزام بنطلوني مثلاً ؟

ناظرته لثوانيّ بعدم فهم ، إبتسم بداخله لإنها ما تِفهم مقَصده بـ أيّ شيء ~

مشى وهي نزلت خـلفه ، ناظر بـ ابوه ؛ ..فـزاع عنده مراجعه السـاعه ١٠ ، لا تتركه يروح الدكتور يجي لحّده

أبـو حاكم ؛ زين ماسويت

حـاكمّ وهو يناظر ريِف لجُزء من الثانيه ؛سيارتك بالخارج

مشى بعد ما نطق بـ السلام وقامت اُمـه وراه مباشره ~

أم حـاكم بتردد ؛ حـاكم

لف أنظـاره لها بهدوء ، كل ما ترِجع له الذكرى الشنيِعه اللي تركتها له بطُفولته يعجز حتى يِقول لها سمّي ~

أم حـاكم ؛ إختك

حـاكمّ ؛ وش فيها

أم حـاكم بتردد ؛ أبي أعرف شعورك بس

حـاكم بهدوء ؛ بِـنت أبوي

أم حاكم وهي تشتت أنظارها لبعيدِ ؛ وشعَره من وجهك ياحاكم ، انتبه لها

ناظرها لثوانيّ من أعطته ظهرها ومِشيت ، "شعره من وجهك " ، يعني إنها صارت بوجهه هالحيّن وأي عار بيوصلها ، بيوصله قبلها ~

رفع حواجبه من كِلمه اُمه ، تساورّت الشكوك بعقله حَول رِيـف لكِن يمكن اُمه فاهمه غلط بخصوصّ شغلها أو أي شيء ، او يمكن تحسسِه إنه صار مسؤول عن بنت مو ولَد ~

دِخلت وهي تشوف فاطمة وملآذ وريِف يسولفون ~

فاطمه وهي تشوف الوشاح على إيد ملآذ ؛ وش صار لإيدك ؟

مـلآذ ؛ جرح خفيف

أم حـاكم بابتِسامه خفيفه وهي تعرف طريقه لفّ حاكم لـ الشاش وغيره ؛ حاكم لفّه لك ؟

ابتسمت بحرج لثوانيّ ؛ ايه

فاطمّه بهمس ؛ ما لقى الا الوشاح !وش هالولد !

مـلآذ بتردد ؛ قلت له ، وقال ليّ شيء ثاني بس ما فهمت عليه

فاطمه ؛ وش قال ؟

مـلآذ وهي تزمّ شفايفها ؛ قلت له تِقدر تربطه بشيء ثاني ، قال لي بحزام بنطلوني مثلاً

ناظرتها فاطمه وهيّ تشوفها تِقولها بكلّ براءه ،المقصد الظاهر لـ ملآذ انه ينزع حزام بنطلونه ويلفه على كفّها ، لكن فاطمه خبره بالحفيّد وجده وتعرف قصده الخفيّ بـ التفصّخ ~

مـلآذ وهي تشوف وجه جدتها أحمر ؛ وش فيه !

ماهيّ الا ثـوانيّ وانفجرت فاطمه تضِحك ~

فاطمه وهي تناظر أم حاكم ؛ ولدك مبّ ناوي يعقل ، لا بُد من الزواج وتصير تحت سقف بيته لا بارك الله بالعدو !!

ضحكت أم حاكم وهيِ تعرف حـاكمّ وفزاع حقّ المعرفه بهالمواضيع ، جريئين لدرجه غيّر معقوله وحتى كلامهم مع بعضّ جريء جداً ~

مـلآذ وهي تشوف نادين داخله ؛ ما بتروحين ؟

هـزت رآسها بالنفيّ لثواني وهي تمشي لعندها بهمس؛ عميِ متعب ، جاء مع حاكم توه وخطبوني رسمي ! متخيله !

رفعت حَواجبها لثوانيّ باستغراب ، على أساس وقت يرجع نهيّان بتصير خُطوبتهم قبل زواجها ~

مـلآذ ؛ هـتان وينها ؟

رفعت كتوفها بشبه قلق ؛ من أمس ما شفتها على وقت كنّا هنا ومشيت مع صاحباتها ، بيتنّا يخوف !

مـلآذ باستغراب وهي ..رفعت كتوفها بشبه قلق ؛ من أمس ما شفتها على وقت كنّا هنا ومشيت مع صاحباتها ، بيتنّا يخوف !

مـلآذ باستغراب وهي تقوم معاها للخارج لإنها بتمشي لـ الجامعه ؛ ليه !

رفعت نادينّ كتوفها وهي تعدل شعرها ؛ فيه عمّي متعب ، وحاكم ، وهُذام ! ورجال كثير كلهم لابسين أسود وشكلهم إستخبارات

تنحنح فـزاع وهو يمشي على مهله ؛ ناديّن

شهقت لثوانيّ وهي تناظره ، ابتسمت بتردد ؛ فزاعّ

ابتسم بهدوء ورآسه نوعا ما مصّدع ، كان واقف على حيله وهذا المُهم ~

ابتسمِت ملآذ وهي تحط شنطتها على كتفها ؛ آخر الأوجاع يا فزاّع ، الحمدلله ع السلامه !

ابتسم وهو يأشر على صدره بـ إمتنان ، مشِيت وسرعان ما شهقت من اللي تشوفه يمشي لناحيتها ~

ضحك بتّال وهو يفتح ذراعه ؛ زواجكّ باقي عليه يومين ! توي أستوعب !

مـلآذ بذهول ؛ كيف يومين ! لسى باقي إسبوع !

بتّال وهو يوريها التاريخّ ؛ يا حلوه !

بردت ملامّح وجها لثوانيّ وسرعان ما تراود لـ بالها حاكمّ " الزواج باقي عليه أيام ، ما شفت شيء "~

ضحك بتّال وهو يناظرها ؛ بتروحين الجامعه ! وش هالعروس !

مـلآذ وهي تزمّ شفايفها ؛ جديِ نهيان ما جاء ، هو قال لما أرجع !

بتّال ؛ بمطار البحرين جدك ، جايّ

رفعت حواجبها لثوانيّ من دخلها تحت ذراعه وهي للحيّن مو مستوعبه إن زواجها بعدّ يومين ، رغم انها مرتبه كل شيء بس كله على التاريخ اللي بعد إسبوع ~

قامت ريف وهي تعدل عبايتها ،ابتسمت لجدتها لثوانيّ بتردد ؛ استأذنكم

جات أم حاكم وهي تترك الفُطور على الطاوله بإبتسامه ؛ إجلسي يا ريِف ، ما به خُروج اليوم

ريِف بتردد ابتسمت لها ؛ بس لازم أروح الشركه

زمت أم حاكم شفايفها لثوانيّ ؛ أبوك توه حاكاني ، يقول ريف لا تخرج مكان

كانت بتتكلم الا إن دخول فزاع قاطعها ، سّلم وهو يبتسم لجدته فاطمه اللي استّهل وجهها بدُخوله ~

جلس والصُداع ينتابه بشكل مو مَعقول ~

لاحظت ريِف أنـظار فزاع ونادين المُشتته لبعّض ومباشره عِرفت بوجود علاقه بينهم ، ما يعِرف بحال المُحب الا المُحب ~

_

« بـ البحـرين »

كـان بالأسفـل ، بـ إجتمـاعه الأخيِر قبل العودة للديِار ، للمره المليِون تتعمِد الشقراء الرُوسيه تِصافحه لكنه يعتذر بـ إبتسامه ، مُحاولاتها للتقّرب منه صارت واضحه له وكثيِر ، تعامله غير عن جمِيع المُهندسين اللي وياه وجابـر ما يعجِبه هالوضع ابداً ~

كان قـلبه مع الليِ مِرتفعه حراراتهَا بالغُرفه ، ينتظر الـ...الإجتماع يخلصّ على أحرّ من جمر ويا طُوله من إجتماع ويا ثِقله على قلب جابـر من الليّ بجنبه وكل شوي تمد له ورقه وتحاول تلامِس ايده ~

وأخيـراً ، إنتهى الإجتماع بخيِره ، وشرّه الكثير من ناحيتها لٰه ، ابتسم بهدوء وهو فخور بنفسه وجداً ،مشروع ناجح وكثيِر بـ أكثر من دوله وإسمه يتوسّطه ، العزّ ماهو الا من دِيار العِز ، ومالها الا مُهندسها ~

خرج من قاعه الإجتماعات وهو يحاول يِفك منها بدون لا يقلل إحترامها وإحترام نفسه ~

شافه واقفه بعيِد وتغيرت ملامحه من منظر عيونها بذهول وشبه همس ؛ حنـين !

ركِض لعندها بذهول وهو يمسك ذراعها ، عَضتّ شفايفها وهي تتلوى ألم ؛ جابـر ما أقَـدر !

جـابر بخوف ؛ وين ! وش يوجعك طيب !!

رفعت كُتوفها بعدم معـرفه وهيّ تشِد على ايده ،بتُوشك على الصراخّ من شده الألم واللي وضح لـ جابر من إنغراس أنـاملها بـ كفّه ~

تكِلمت بـ لُغه عربيه ركيِكه ؛ جـابر ، تعال معيّ

مفـاتيحه بالأعلى وفِهم انها تعرضّ عليه المُساعده ، كان بيرفضِ لولا شهقتها وهيِ تعض كتفه ~

ما كان منه الإ شالها وهو يِركض معاها ، فضّلت البقاء مع حنين بالخلف وتترك جـابر يِسوق لإنه أمهَر منها وأعلم بكثير ~

مد جـابر ايده بتردد وهو يلف للخَلف ؛ حنين ! حنين يابنت !

توترت لثوانيّ ،مُتهور هالجابر وهو وسط سواقته يلف يتطمن على زوجته ؛ إنتبه فقط !

مد ايده وهو ينزع اللثمِه عن وجهَا لجل تتنفس تمام ، إنصعقت تماماً وهي تناظرها لثوانيّ وترجع أنظارها لجابر اللي مُتوتر ~

تلعثِمت وهيّ تتأمل إيد حنيّن يلي على بطنها ؛ رُبما تكون حامل !

تغيّرت ملامح جـابر وهو يِلف ، ناظرها بعدم إنتباه للطريق وكأن تّوه يستوعب ، صار لها يومين ما تُخرج من الحمّام ومن أول ما تِشوفه ينتابها الغثّيان ~

_

وِقف بالممر مذهولّ من غبائه وتركيِزه المُنصبّ على إجتماعاته هنا ، كانت تترجاه يظِل عندها دقايق لكنه يجلس دقيقه لحدّ ما تسكت ويرجع يخرج ، رغم إنها تنفر من وجوده الا إنها كانت شبه مِرتعبه من خُروجه لـ أي مكان ، دايم كان يرجع جناحهم وهيّ نايمه وينام بجنبها ، بالأمس كان بينام جنبِها وكانت صاحيه لكنها بِكت مباشرة ما تبيه ، سلّم أمره وحيلته لله ونام ع الكنبّة ، تشبِكت الأُمور بعقله من جات الدكتورة تبشّره بحملها ، ابتسم لثوانيّ وضحك من تخيّل شكلها وبطنها تِسبقها ~

جـابر وهو يعتدل ؛ شكراً نايا

ابتسمت لثوانيّ وهي تحاول تـ..تحاوره بلهجته ، نطِقت الشُكر بالعربيّه الركيكه اللي تعرفها ؛ شُكرا !

ضحك لثوانيّ وإستغرب طلبها بـ إنها تشوف حنين لكنّه ما ردها ~

دخل وإبتسم وهو يشوف دُموعها ، مباشره شتِمته

وهي تشوف اللي وراه ؛ مين هذي !

جـابر ؛ نـايا ، شـريكتي بالمشروع وجات معانا هنا

إبتسِمت لها حنين بهدوء من جات تصافحها ، ما أبدت أي ردة فعل غير الإبتسامه والشُكر لها ، لكن خافيّ نايا صار واضح لـ حنينّ اللي تُوهمت بـ إنها مُجرد شكوك ~

جـابر بابتسامه عبيطه ؛ أساعدك ولا تبكين ؟

زمت شفايفها بتقليد ورجعت لنبرتها ؛ إبعد عنيّ مو متحملتك

ضحك غصب وهو يمد لها عبايتها ؛ أنا أشهد إنك ذيب ياولد أبوك !

نهيـان وهو داخل الغُرفه ؛ من اللي تشهد له بالذيّابه يا جـابر

وسع عيونه لثوانيّ بعدم تصديق وابتسم مباشره وهو يسلم على رآسه وكتفه ، وايده طبعاً ؛ حيّ الله أبـو متعب ! نورتّ الدار

نهيـان بابتسِامه خفيفه لـ حنيّن ؛ تممّ الله حملك يا بنتيّ ، متوحمه بـ جابر ولا عليه

جابر بهمسّ ؛ والله عليّ يا جدي

ضحك نهيـان غصب وهو يعرف ردّات فعل الإناث بالوحام وجداً ، فاطمه كانت تِصرخ ما تبيه يقربّها وقت حملها بـ فارس ؛ تبين أنزلك معي السعوديه ؟ ولا ترافقين زوجك ؟

حنيّن وهي تناظر جابر ؛ بنزل معاك ، بس جابر معانا

ضحك نهيّـان غصب ؛ يعني ما ودك بجنبّه ،لك اللي تبينه ، يلا يا جـابر جهّز شناطكم البنت معي

جـابر ؛ بـس جـدي ا

نهيـان وهو تو ينتبـه لـ الأُنثى اللي مو فاهمه عليهم وبـ طرف الغُرفه ؛ هـالصعلوكة من بنته !

حنيّن بسخريه وهي توقف بشويش ؛ شريكته بالمشروع

ضحك نهيّان لثواني ؛ بنت سلمان كارهتك وتغار عليك ، بنت أصل ما تترك الحق !

ضحك جابر وهو يحك حواجبه ؛حنّين

كشرت وهي تمشي مع جده اللي تطّمن عليها ، ودها تسأله وش كان شغله بالإمارات بس طبعاً ما بتصير فُضوليه لهالقدّ ، ابتّسم نهيان وهو يسِند عكازه بالسيّاره ، يا كُثر شوقه لـ الدار ، ولأهلّ الدار ~

_

« بيـت أبـو جـابر »

كـان جالس بوسطّ المجلس ، مو قادر يرفع عيونه لـ هُذام ، ولا لـ حاكم ابداً ~

حـاكم وهو وهُذام من أول يتشاورون ؛ كيف يعني ؟

هُذام بهدوء ؛ يعنيّ يا طُويل العمر والسلامه ، كاميرات المراقبه يليّ بالمول ما شفتها والحين بروح لها !

رفعوا عيونهم لـ البابّ من دخول شخص ~

وقفوا حاكم وهُذام مباشره وهم يناظرونهّ بشبه حدِه ~

تقدم بهدوءّ وهو يمد إيده لعند هُذام وأنظاره على حاكمّ ؛..

_

_حضرة الفريق ، هاك التسجّيلات وعندي علم يشيّب رأسك

حـاكمّ بجمود وهو كارهه بعد هُروبه ؛وش عندك يا سعـود

قرّب بهدوء من إذن حاكمّ وهو يهمس له ؛ مقصد رائد ، يلعبّ بنفسيه عمّك سامي بالذات يا حـاكمّ ، تحرشّ بـ إختك بعد ولا ما عرفته يا فـريق !

تغيّرت ملامح حـاكمِ ، ماهي الا ثـوانيِ وسحبه وهم يخـرجون للخارج ~

حـاكم بحده ؛ بـالقلم نشـرح يا سعـود !

سـعود وهو يناظره بهِدوء ؛ ماهيِ من أطباعي لكن إخدمني ، وأخدمك

حـاكّم بحده ؛ دامك جيِـت وتحكّي بهالشكل ، تعرف وش الموضوع اللي واقِف بالنصِ يا سـعود ، الخسّه ماهي طبعك

سـعودِ وهو يناظره بحده ؛ ماهيِ طبعي ، ولا بتصـير ، رجعنّي لـ السلك ما أظن إيدك قصيره عن هالشيءّ !

حـاكم بهدوء ؛ تِقدر ترجعه بـ طريقتك يا سعـود !

سعوِد بحده ؛ تتوقع اني ما أعرف يا فٰريق ! إنت تعرفني وانا من أكون ، دورة تأهيليه لحالها تكفينيّ وانت تدري وش المرمطه اللي بمّر فيها لو دخلت بطريقتي ! عمتّي وإبوي ما يقدر لهم غيري !

حـاكمّ بهدوء ؛ إثبت لي إنت تستاهلّ السلك ،وترجع له ماهو بـرغبه الإنتقام يا سعـود

سعِود وهو يقرِب من عنده ، شبه حسّره إستوطنته وهو يضربّ على صدره بهمسِ ؛ أُمي يا حـاكم ! إنتقامي لا هو من صحِار ولا هو من اخته ! إنتقامي من نفسي بسّ !

ناظره حـاكم لـ جُزء من الثانيّه ، الموضوع حسّاس ولو بيدخلون بـ العشر مواضيع الواقفه بينهم ، إحتمال يطلع سعود مذبّوح من هالثانيه !

سِعـود وهو يشوف وجه هُذام تغيّر تماماً وهو يخرج من المجلس ؛ رائد ، الليّ فقعت وجهه يوم التكّريم ، هو اللي وراء حاله بِنت عمّك ، يبي يلوي ذراع ابوها فيها ، زوّجها من الحين يا حـاكم ولا بيتجبّر أكثر

ناظره حـاكمّ واحتدت مـلامحه وهو يخنقّ سعود بقوته كلها ؛ إنت معه ! معه !!

جاء هُذام وهو يبعد حاكمّ عن سِعود ، مسك حاكمّ وهو قدامه يبعده ، همسِ بـ إذنه بهدوء ؛ هات الإذن ، العقد لازم يتّم الحين !

تغيّرت ملامح حاكم لثوانيّ ، كان على أملّ انه بيحلِ الموضوع بدون لا تتزوج هتّان بهالشكل لكن الواضح انه أكبر منه بـ كثيرِ ، ماله السُلطه على هتّان ولا يعرف من اللي يأذيها لجل يحله ،التهديدات كثرت بـ شرف البنت والشرف مو لعبه ~

سعـود وهو يعدل يـاقه تيشيرته بجمود ؛ التهديدات يا هُذام ، ما بتكّف لحد ما تصير البنت بـ بيتك ، هذا العلم منيِ لكم وانتو أدرى !

مشـى سعودّ وهو متأكد مثل إسمه ، إن..إن حاكم بيناديّه ، وبيرجّعه لـ السّلك بيومين ، حاكم أكثر المؤمنين بـ قُدرات سعود ، وأكثر من يشهد له بالحقّ رغم إن بالعسكريه والسلك كله مافيه لـ حاكم مُنافس الا سعود ، ومع ذلك ما قِد شهد لنفسه كذب ودايم يشهد بحقِ سعود وقوته ~

-

دخل حـاكم هُذام تحت ذراعه وهم يدخلون للداخلّ، لو جابـر كان موجودّ كان قِدر يحاكي هتاّن يفهمها شويّ ، ولو نهيِان كان موجود كان حّل الموضوع من أساسه وعدل الأوضاع كلها بـ رضى هتانّ ~

حـاكم بتردد وهو يـدريّ إن هتـان مُستحيل ترضى بـ عقدِ قرآنها اليوم ؛ بحاكيها

أبـو حاكم بذهول ؛ كيف !

حـاكم وهو يوقف ؛ بحاكيها ، تعال معي ياعمّي

قام معه أبـو جابـر وهو يدريِ ان الصّواب ،بـ حكي حاكم معاها لانها بتآخذ الحكيِ منه ~

صعدِ حاكم للأعلى ولأول مـره يتوتر ، يحسِ انه مو قادر يكلمها بس غصِب عنه بيحاكيها ~

حـاكمِ وهو يدق البـاب بهدوء ؛ هتـان

تغيّرت ملامحها بخوفِ وهي ترجع لحدِ السرير ، هذا حـاكم اللي يناديِ بـ اسمها ولا هيِ تتوهم ! بيذبحها أكيد إنه بيذبحها !

حـاكمِ بهدوء ؛ هـتان ، قربيِ وإسمعيِ يا بنت العّم

هـتان بتردد وإختلط صوتها بـ إهتزاز وسط صدرها من شده الخوفّ ؛ أنا ما سـويت شيءِ

حـاكم بهدوء ؛ يعقّب اللي يقول إنك سويتيّ ، هُذام يبيك يا هـتان

تغيِرت ملامحها وهيِ تحس بـ مغصِ أسفل بطنها بُمجرد سماع إسمه ، هُذام يدريّ عن اللي صار !

حـاكمّ بهدوء ؛ بعد شّوي ، بيجي المملك

ارتجّف جسدها لثوانيِ وهي ترجع للخلف ، مو مصّدقه اللي يقوله ابداً ~

مشِى حـاكم وهو ينزل للأسفل ، يعرف إنه قاسيِ بس لا مجـال للعواطف ابداً ~

أبـو جابر بحنيّة ؛ شاريك هالهُذام من قبل الحادثه يابنتيّ ، وبعدها ما زاده الا تعلقّ فيك ، طلبنيِ بالحلال وانا عطيته !

مشِيت للخّلف لثواني ، تحبّه وما تمنّت تكون له بهالطريقه ! حتى ابوها وقت قال لها الحّين ، ما كان يشاورها إنما قال " عطيته " ، دوّامة سوداء غلِبت عليهاّ ، أفكار سوادوية تتعدى طُولها من كُثرها وكبرها وماهيِ الا ثوانيّ وطاحت وسط غُرفتها مغميّ عليها ~

_

« بـيت نهيـان ، الفجّر »

كـان جـالس ومن بِدايه رُجوعه من الإمـارات ، ماشـاف حاكمِ ولو ثـانية وحده ، أرسل له رساله وحيده أول ما عرف بوصوله الريّاض" حقك عليّ ، العذر والسموحة" ، كل أحفاده عن بُكرة أبيهم عنده ما عدى حـاكمّ ، تعرّف على رِيـف ودخلت قلبه رغم إنها...رغم إنها غامضه بشكل ما يحبّه نهيـان ابداً ، عرف بخبّر هتـان واللي صار لها ، وإنها صارت حرم هُذام وما أبدى أي تعليق سلبي ، قال إنما الخيرة فيما إختاره والله وسِكت ~

قلبّه للأسف ولأول مره ، غاضبِ على حـاكمّ لهالقد ، تعبّ لسانه وهو يفهمّه إن حق الحياة بالأولّ لكنه للأسف مِهتم بشغله بشكل مُفرط ، هذا صباح زواجه والعريس له يومين مو موجودّ !

قـام وهو يصِعد للأعلى ومالت أنظاره على اللي واقفه عند شبّاك الصاله ، انسحبت مـلآذ لـ غرفتها بدون لا تنطّق حرف وزادت نيران قلب نهيّان على حاكم ~

-

« عـند حاكم »

جـلس ع الأرضّ والعرق يتصبب من جبينه وشعره ، ملامحه بـ أكملها مَهلوكه وهو يشوف سِعود اللي مو قادر يتحّرك قدامه ~

تفـل الدم من فَـمه وهو يقوم ويقّومه معه ~

سعـود بشبه إبتسامه وهو مو بـوعيه ابداً من كُثر الضربّ اللي تعرض له ؛ معليش ياحضره العريّس

حـاكمّ وهو يساعده يوقفِ بحده ؛ أُوقف على حيلك

إنحنى سعود على بطنه وماهيّ الا ثُواني والدمّ غرق وجهه ، تلوى وهو شبه يضحك وفاقد وعيّه ؛ خففت عليك ، لانك عريس بس

انحنى حـاكمّ وهو يرجع رآسه للخلّف ، انهلك هاليومين وهو يدرّب سعود وفِقد وعيّه وسيطرته على نفسه ، أبرحه ضربّ توه لإنه نطق بالصريحّ رغبته بالإنتقام خارج عن القانون وتعالت أصواتهم ~

جو العسّكر يساعدون سِعود ، ويمدون المويا لحاكمّ ~

حـاكم وهو يسكبها على رآسه ؛ سعودّ ، أوراقه ودها على مكتبيّ يومين وأوقع رجوعه ، الحين اتركه يروح بيته وعيونكم عليه

العسكري بتردد لأن سعود تلفظ عليه وعلى السلك بكبره وأكّد رغبته بالإنتقام ؛ ما بتسجنه ؟

حـاكمّ بحده ؛ تأمرني ؟

وقف بإعتدال وهو يدق له التحيه ؛ أبد طال عمرك

مشى حـاكمّ لسيارته ، كيف يفكّر انه عريس والأمور تحاوطه مع كلّ جنب وتهلكه ، حتى لنهيّان ما قدر يرجع ويسلم عليه ~

_

« بيـت هُـذام »

كـان جـالسّ بمكتبّه وجواله قدامه ، إيده على فّمه ويتأمل الرساله اللي أجبرته يقوم ويقول لـ حاكمّ انهم لازم يعقِدون ويملّكون من هالوقت "تبيها تبقى سترك وحبك الطاهر ، تآخذها لبيتك بدون عرس كبير ولا غيره ، ولا والله جاه آل سليمان ، وجاهتك يشوفون عروسك الصغيره ، تفضل إنت اول الناظرين " ، ارسل له مقاطع كثيرهّ هَزت رجولته ووقّفت شعر رآسه ، كان بُكاها يزيده غضّب فقط ، حسّ بـ أحد يجلس جنبه لكنه ما إهتم ولا لفّ أنظاره ، حالتّه تـ..

_

أغار من قلبي إذا هامَ للُقياك ‏وانتَ المُنى، والروح، فكيف أنساك؟ '

حسّ بـ أحد يجلس جنبه لكنه ما إهتم ولا لفّ أنظاره ، حالتّه تصِعب على الكافر من كُثر الهموم اللي على ظهره ولا بَه من يسانده ويضرب على كتفه ، اُمه على إتصالها عليه وقت كان بالمطّعم ، وإرباكها لوجدانه وتفكيره بوقتها إنقطعت عنه ، وكأنها ما أتصلت ، وكأنها ما قالت له برجع الرياض ابداً ، وأبوه جاء شهد معه على العقدّ واتفقوا سوا ، لأول مره يسأله " محتاج شيء يا هُذام ؟ " ، ضحك من فرط سُخريته من سؤال ابوه ، من يُومه هُذامنا عِصاميّ ومعتمد على نفسه بكلّ شيءٌ لدرجه انه يِفوق أبوه بمجالات كثيره ، غير عن مجاله العسكّري هُذام أساس تخصصه تمريض ، وله بعلم النفّس كثير ~

مدت ريِهـام ايدها لكتفه وهي تعرف انه ما حسّ بوجودها ؛ هُذام

إنتبه وهو يفرك حواجبه يصحصح ، لف أنظاره لها باستغرابّ ~

ريـهام بتردد ؛ فيك شيءّ ؟

قربّ بيتكلم الا إنها قاطعته وهي تبتسم بتردد ؛ تعالّ ، عدلت بالبيت شوي وعدّلت غرفتك ، مو قصدي أضايقك لا تفهمني غلط

قـام هُذام بهدوء ؛ إلين نايمه ؟

ريهـام بتردد ؛ زعلانه منك ومنيّ ومن ابوك ،رفضت تنام الا بُغرفتك

انحنى وهو يآخذ جواله بهدوء ، صعد للأعلى وهي معه ~

شِبه ابتسم من شافها متوسطه سريره ، نايمه ولعبتها جنبها ~

مشى لعند سـريره وهو يجلس بطرفه ، نزع سماعات أذنه وهو يترك مفاتيحه وأغراضه ، مسك إيد ريهام من جات بتشيل إلين تلقائي ؛ اتركيها

خافت وما تنكر ابداً ؛ تضايقك

هُذام ؛ سكريّ الباب وراك

خـرجت وهيِ تسكر البابِ ، سند ظهره على السرير وهو يتأملها شبه صحصحت ~

صرخت بذهول وهي تشوف هُذام فوق رآسها ،تعالت ضحكاته من إندفاعها له وهيّ تحضنه ~

هُذام وهو يعدل شعرها ؛إشتقتي ليّ ؟

هزت رآسها بـ ايه وهيِ تزم شفايفها ،رفعت نفسها وهيِ تهمس له ، تشتكيّ له من أُمها اللي ضربتها ~

ابتسم بدون لا يتكلّم وهو يسمعها تسولف له ، مره تضحك معه ومره تشتكي له لحد ما رجعت نامت ، غمّض عيونه وكل تفكيره عندهِا ، يعرف آل سليمان وصلابتّهم ، حاكم وساميّ ومتعب ولا دخلوا الحريم بالمُوضوع ، حتى نهيّان أرحمهم ماهو موجود ، وجابر أرقّهم ماهو موجود ، من اللي وقف معاها وفهمها إنه بمصلحتها ، أحد راح لها وقال لها إنها ما راحت له بـ رُخص الترابّ لجل تستر على ابوها ونفسها ؟ أحدّ بلغها إنها للحيّنها هتّان اللي يعقب الواطيّ يلمس ظِفرها ؟ أحد فهّمها إن كل اللي صار لها لعبة واطيه من شخص نَذل وعديم الرجولة والمُروءة ؟..

_زفّر وانطّلقت منه تنهيدهّ تهد جبال من الحُزن والقهر المكبَوت فيها ، عدلّ إلين اللي بحضنه على السرير وهو يقوم ، يآخذ له شاور باردِ يخفف من حراره الليّ بقلبه ، هُذام مو نفس حاكمِ ، حاكم يفرغ غضّبه بالضرب وهدّ الحيل ، وهُذام ما يفرغ غضبه ويجلس يحترق بداخله ويهد حيل نفسه بس ~

_

« بيـت نهّيـان »

قـبل لا يفـتح البابّ فتحه نهيـان ، ما حسّ الا بـ عُكاز جده بـ وسط بطنه بكلِ قوته ~

حـاكم بذهـول ؛ نهيـان !

نهيـان بشبه غضّب وهو يرص على أسنانه ؛ إنقلع ! لا بارك الله فيك ولا بحبّك !

حـاكمّ وهو أدرك مِقدار غضب جده ؛سلام يسويّ فيك كذا !

نهيِان بسخريه ؛ وفّر سلامك ماني محتاجه ! وش قلبك انت علمنيّ !

حـاكم بتزفيره ؛ نهيّان ، كأنك تبي كسر ظهور وهدّ حيل تفضل ، لا تحاورني بالعواطفّ وانت تدري وش نهايتها !

ناظـره لثوانيّ ،ياكُبر ظنه بقلبه لو يقسى على حـاكمّ ؛ حـاكم يابوك

ابتسم حـاكمّ وهو يقبّل ايد جده ؛ العذر والسموحة منك طال عمرك ، سمّ وش بغيت !

ناظره نهيّان بعتاب ، فهمه حـاكم مباشره وهو يبتسم بتعبّ ؛ نراضيها ونآخذ بخاطرها ، إنت لا تزعل يسلّم لي عينك !

نهيِـان بتهديد ؛ والله يا حـاكمّ ، إن شفتك صعدت الدور الثانيّ هديت هالدار عليك ، لا تشوفها ولا تراضيها

حـاكم وهو يزم شفايفه ؛ والله ياسيديّ صعبه ، تصبح على خير

دخـل وحسّ باللي تعدته وهي تركض ، عرفها من ريحه عطرها وهو يرجع أنظاره لها ، تكىّ على الدرج وهو يبتسم بخفيف ~

نـزلت مـلآذ ركضّ من قال لها أبوها انه عندِ الباب ، تعبّت وهي تنتظره على الشبّاك من أمس ، تأجلت رحلاته كلها بسبب سوء الأحوال الجوّيه وتوه يرجع ، صرخت وهيّ تحضنه وتعالت ضحكات فارسّ مباشره ~

ضحك وهو حاضنها ، شبه شايلها عن الأرض ؛ بنتيِ العروس ونتركها ! لابو أوروبا ولابو جوّها المتعكر أجيك على جناح طير !

ابتسمت وتجمّعت الدموع بمحاجرها مُباشره ، ودها تبكيّ ، تقول له إنها مو حاسه بـ زواجها ابداً ، ما ودها تتزوج بتاتاً البتّه ؛ بطلبك طَلب

أبـو بتّال بابتسِامه ؛ إطلبيّ ولا لِك لوى ، بس هالحّين تبدأ مراسم الزواج عندنا والعروسّ هالوقت المفروض انها نايمّه !

زمّت شفايفها لثوانّي ، انتبهت على تدقيق أبوها بملامحها وابتسمِت مباشره ؛ خلاص أجل ، المهم إنك جيت !

إبتسم وهو يبوس رآسها برضى ؛ الله يحميّك

ابتسِمت وتركته مع ابوه لإن واضح بينهم نقاش ، صعدت للأعلى لـ غُرفتها ، غيّرت مسارها لـ غُرفه هتّان اللي تغيرت عليهم كِلهم وهي تشوف..

_غيّرت مسارها لـ غُرفه هتّان اللي تغيرت عليهم كِلهم وهي تشوف حاكم خارجّ من الممر اللي فيِه هتّان ، جلس بـ الصاله ومن وجهه الأحمر إنتابها الشكّ انه معصّب ، شافت ريِف تعدل جلالها وتركض خلفه للصالة ، كانت بتدخلّ الا إنهم أخوان ، وأول مره بيجلسون سوا بهالشكل ~

دخِلت للغرفه وهيِ تشوف هتّان جالسه بهدوئها وتناظر بالفراغ حاكاها حاكمّ توه ، وحلف يمين إن أول من يدخل زواجه هيّ ، ما سوت شيء لجل تتخبى وما تظِهر للنّاس ~

مـلآذ وهي تسكر البابّ ؛ هتـان ؟

هتّان بهمس ؛ إتركيني

جات وجِلست بجنبها ، مباشره حسّت بحُزن هتّان اللي بعيونها وانتابها الحِزن معاها ~

مـلآذ وهي تمد إيدها بتردد لهتّان ؛ حاكيني طيب ؟

ناظرتها لثوانيّ وهي تمسك بكاها ، نظرات ملآذ لها لوحدهّا تجبرها تبكيّ من حنّيتها ، ما شافت نظرات أبوها ابداً ، ولا جابر قابلته ، ما شافت الا نظرات حاكمّ اللي مستحيل تِلين حتى وهو يتكلم بحنيّه ~

زمّت شفايفها لثوانيّ وهي تِشوف دموع هتّان ، مباشره تِجمعت الدموع بعيونها ؛ هتان !

ابتسّمت هتان وسط بكاها ، ما بيِوصل فيها الحزن تنكّد على مـلآذ اللي اليوم زواجها وباقيّ ما حست فيه من أحوال الكل المقلوبه ؛ بتوحشيني !

_

بـ جُزء آخر من بيـت نهيـان ، كان متمدد ويتأملها جالسه قدامه مع جدتها فاطمه ، يحسبونه نايّم لكنه معاهم ~

نـزلت جَلالها وهيّ تبتسم لجدتها اللي انبهّرت تماماً وهي تمدح فيها ~

نادين وهي تعدل شعرها اللي توها غيّرت لونه لـدرجه تِليق ببشرتها وتحليّها بشكل فضيع ؛ عدلت شعر هتّان وما قاومت لما شفت هاللون

فاطمه بابتسّامه وهي تغمز ؛ ليت هالثور صاحيّ يشوف ويدرك علومه ، يعجل بالزواج !

نادين بإحراج ؛ بدري عليه نتزوج ، بعد ما أخلص جامعه وخير ان شاء الله !

فتح عيونه بذهول ؛ على كـيف مين !

شهقت نادين وتعالت ضحكات فاطمه ، نسى انه يمثل النوم من كلمتها ~

فزاع وهو يوقف بتثاقل قبل لا تستوعب أمه اللي ضحكت وتسفل فيه ؛ تعقبين بعد الجامعه

أم حاكم بضحك ؛ لا مستعجل ماشاء الله !

فزاع بابتسامه خفيفه وهو يغمز ؛ هذا والشعر لونه بني وصار كذا ، لوه أحمر وش يصير ؟

فاطمه بغمزه ؛ حامل بعشره !

ضحك فزاع غصب عنه ؛ يسلم لي رآسك وعقلك اللي فاهمني !

قامت نادين من فرط إحراجها من وجود أم حاكم وضحكها وهي تخرج لعند أبوها وعمامها وجدها اللي بالخارج ~

إستغربت من إهتمام أبوها المُفرط تجاهها بهالفتره ، من أول ما خرجت فتح ذراعه ؛ هلا بـ ناديّن القلب ! هلا بـ بنتيّ !

ابتسمت بـ استغراب وهي تِحضنه ، ضحكت من...ابتسمت بـ استغراب وهي تِحضنه ، ضحكت من طقطق جدها على لون شعرها ؛ لا تقول كذاا !

نهيّـان وهو يغمز ؛ لو شلتي جدتك معاك ، كودّ اني اتعَدّل ونجيب لكم عم خامس

ضحك فارس وهو يشوف جابر جايّ ؛ حي الله جابر !

ابتسم جابر غصبّ عنه ، مطرود من بيته ماهو من غُرفه النوم هالمّره ؛ بنتي هتّان وينها

أبو جابر باستعجال : نايمه

نهـيان وهو يعتدل ؛ تعال معي يا جابر

تغيرت ملامح عيّال نهيان كلهم ، بيقول لجابر الحين وابداً مب وقته ~

نادين وجابر بإستغراب من نظرات ابوهم وعمامهم؛ فيكم شيء ؟

نهّيان بابتسامه خادعه وهو يغمز ؛ بتفاهم معك على الشقراء ، امش !

ضحك جابر وهو يمشي مع جده ، كلهم ما فهموا وش الشقراء بس عرفوا انه موضوع غير عن هتّان ، او إنه يخدعهم ~

-

عنـد ريـف وحاكمّ ، ترددت تحاكيِه وتتفاهم معه ، سمعته يحاكيّ هتـان وكيف حلف بكل غضّبه ، شكت وجود علاقه بينهم بس تعرف من الكل إن حـاكّم يحب مـلآذ حُب شنيع ، وهي تحبّه ~

ريـف بتردد ؛ حـاكمّ

حـاكم وتِذكر حكي سعـود عن رائد وتحرشه فيها ؛ الشركه الزفت الحين تفصلين منها ! الحين !

ريـف بخوف وهي أول مره تحاكيه بالهدوء وتأمّر عليها مباشرة ؛ ليـ

انبترت جُملتها ولا قدرت تكملها من حده نظراته ، تحرك لسانها تلقائي من شده خوفها ؛ تّم

كان بيهاوشها ، بيتفرعن ويتجبر الا إنه ما قِدر ابداً من اللي شافها ~

كانت خارجه من غُرفه هتـان وتمسِح دموعها ، ملامحها بـ أكملها باللِون الأحمر من شده بكاها والحُزن اللي إستوطنها توّه ، نظراتها نفسّ ليلة الذيب ، تتخدر عيِونها وكأنها تنبئ الكل إنها بتفقد الوعيِ ~

ما كانت بتفِقد الوعيّ انما تعبِت من كثر الحزن اللي استوطنها ~

دخلت غُرفتها بدون لا تحاكيه رغم إنها شافته ، سِمع صوت الباب يتقفل وهو يزفّر ويصعد لمُلحقه ، شِتم رائد وشتم سعود وشتم كل شيء عكّر عليه هالفتره وكئّبها عليه وعلى ملآذه ، كيّف العَوض يا حاكم ؟

_

« غُـرفه مـلآذ »

مَـلّت من كُثر الجلوس وإنفجر رآسها من كِثر البكي ، رفعت شعرها بعشَوائيه وهيِ تعدل بلوزتها ، ملامحها بـ أكملها باكية وما يخفى على أحد يشوفها ، هتّان حزينه أكثر من حُزن الشوقّ بس ما رضيت تِقول لها ~

اخذت جلال خَفيف معاها وهيِ تصعد للسَطح ، تحّس نفسها مكبوتة بشكل ما يعلم فيه أحد ~

ناظرت الُورد اللي سِقاه حاكمّ دم وهي تنحنِي لعنده ، ضمَت نفسها من هواء باردّ داهمها وأجهشَت بكي مُباشرة ، تحاولّ تعيش مثل أول لكن حـاكم إستوطنها بـ أكملها ، ما تنِفّك عن التفكير فيه ابداً ~

_حسَت بـ شخصّ يجلس خلفها ، كانت بَتـلف الا إنه حاوطها بـ أكملها وهو يسند رآسه على كتفها ، ميّل رآسه بخفيف لـ عُنقها ؛ يا بِكـر فارس ليه البكيّ ؟

مـلآذ وهي تشِنجت من حركته ، ومحاوطته لها وكُونها بحضنه ؛ إترك

حـاكِم وهو يقبّل عنقها ؛ اشتميني ، راضيّ

مـلآذ بهمس ؛ يا كِثر اللي يشتمونك

ابتسم بخفيف وهو يقربها مّنه ؛ اللي يِشتمني ينهدّ حيله ،إلّآك

مـلآذ بسخريه وهي تمسح دموعها ؛ بتهّد حيلي ؟

كتف ايديها وهو يتأمل الورد اللي قِدامها ؛ أهد حيّل الدنيا ما ينهد لك حيِل ، عاتبي

ناظرت إيده اللي عنها بـ أكملها ، لونه الأسَمر اللي للأبد يعجبها ، إبتسامته اللي وضحت لها من ناظرت طرفه ، كُله يعجبها شلون تشتمه ؟

مـلآذ بهمس ؛ لونك الأسمَر ما يعجبني ، وإبتسامتك ما أحبها ، ما أتمنى لك الخير ، وما يهمني تِكون لي او لغيري

ابتسم غصَب عنه ، مفضَوحه قدامه وجداً ؛ ولازِلنا في إبريل يا سيّدي ، ولا ؟

زمّت شفايفها وهي تحاول ما تتكلم ، تحسّ بالحر والهواء اللي كان يضرب فيها من خلفها اختفى من ظهر حاكمّ ، كانت جالسه وممدده رجولها قدامها ، وهو جالس خلفها وحاضنها ~

قالت هالحكّي كله ، تبين له إنها تكرهه وهيِ تكذب ، قال لها "لا زِلنا في إبريل " ، يلعبّ معاها كِذبه إبريل ، يماشي عقلها ويبيِن لها إنها مُستحيل تكِذب عليه ~

حـاكم بهمسّ ؛ لا وعَد ، آخر بيتين يا بِكر فارس

ناظرت بـ الوَرد لثـوانيّ وهِي تستحضَر الأبيَات بـ عقلها، آخر بيتين بـ كَلمات الفيّصل كانوا

" شارِكيني لو مِشينا بـ دُروب الهنَـا ،

وإعذريني لُو لقيتي فيِ طريـقي عنَـا " ؛ ما بعَـذرك

حـاكم وهو يوقّف ويوقفها معه ؛ تعذرينيّ ، يِقول مالي في حيَـاتي غير الدقايق ، أوهِبك فيها حياتي ، إرضي الحين وبعدها إكسري رأس العدو كأنك تبين !

بعدت عنه وهيِ تشوف إبتسامته ، شاف شامَتها تُوه ويا كُثر الشّوق ، إبتسم لها لحدّ ما بان الشيءّ البسيط بخدّه ، لو يعطيها شُوي إهتمام ، بترضى تعِيش بداخل هالمساحه البسيطه من وجهه وما تعِترض ~

حـاكمّ وهو يناظرِها ؛ بقّد سُوئنا فينا محَاسن ، تعاليّ

هزت رآسها بالنفيّ ، غصب عنها دخلها بـ حُضنه ، وده يقول لها إنه مسؤول عن سفر نهّيان للأمارات ، ومسؤول عن تغيير وجهة أبوها من جده والدمام لـ أوروبا واللي قالها لها لكنّها بعفويه ، إعتبرته شيء عادي كـ اي سَفره عَمل ، حـاكم مسؤول عنهم ، وعن إهتماماتهم ، كان...

أوضاع جده بـ الإمارات ، ويتطمن على عمه بـ أوروبا ، غير عن سالفه هتّان ، وغير عن سُعود ، وغير عن رائد اللي للحين ما لِقى الوقت يتفاهم مع عمامه لجله ويعرف وش رغبته منهم ، ومن عمّه سامي بالذات ، غير عن منصبه الجديد واللي هدّ حيله ، وبالطبع غيِر عنها ، يهِملها لإنه مو قادر يِلقى وقت يِحك رآسه ، يبتسم لو مَره طِيفها وسط أشغاله وأوراقه ، ما يطِلبها تتفهمه ، لكن لا تِعتب عليه وهي شبه تعرف طَبيعه شغله وصُعوبته ~

ما كانت مِستوعبه إنه حاضنها وايديه تحاوطها لحدّ ما ضَحك عنـاد ~

حاولت تِفك عنه الا إن حـاكمّ ظل محاوط أكتافها ورآسها ؛ عنـاد

جلس عنـاد وهو يتأمل الورد ؛ بشوف ورد أمي ! ما أذّيتك !

حـاكم ؛ ورد أمك تعرف وين تلقاه ، توكّل

عنـاد بابتسِامه خفيفه ؛ بشوف بِـنت أخوي طيب ، زوجتي بالعالم الموازيّ ما يحق لك تمنعني عنها !

حـاكمّ بسخريه ؛ لا صِرنا بالعالم الموازيّ ،تشوف شلون أمنعك عنها

عنـاد بدندنه ؛ تراي عمّك ، بس على قد جَوك أعطيك ، المهم إترك البنت تنام ، وتوكلّ نام إنت عيني عليكم

حـاكمّ ؛ ضّيعت وقتي ، توكل

ضحك عناد وهو يخرج ، سكر البّاب وهو شاف نظرات مـلآذ التهديديّه له إنه ما أخذها معه ~

ابعدّ وهو يعدل تيشيرته ، دخلها تحت ذِراعه وهو ينزل وهيّ معاه ؛ لا تبكّين ، وسكري شباك غُرفتك وستايره !

ناظرته لثـوانيّ وهم واقفِين قدام باب غُرفتها ، من أول كان يراقبها من الشُباك لإنها قفَلت الباب عليها !

ابتسم ووده يرفع شعرها اللي نِزل على وجها من نَزلت أنظارها ~

نهيـان وهو ينادي من الأسفل ؛ حـاكم بن مـتعب ، إنـزل

حـاكمّ وهو يناظرها ؛ نهيّـان ينادي ، فكّي نفسك من الحين واضحكي

مـلآذ وهي تتكتف ؛ واذا ما ضحكت ؟

ضحك وهو يمشِي لعند الدرج بسخريه ؛ بجي أنام معك

شهقت لإن ابوها كان خارج من غُرفته ، توردت ملامحها وكامل الألوان عِصفت بوجهَـا ، ضحك فارس غصبّ وهو سمع الحوار من بدايته ؛ قفلي بابك يا بنت !

صابها الهُبوط من كُثر الخجل وهيّ تـدخل غُرفتها ، قفلّت الباب مرتّين من كُثر إحراجها من أبوها وهي تمشي لناحيه الشُباك ، شافت سيِارته وعرِفت انه كان هناك ، سكرته وهيّ تقفل الستاير وتجِلس ، ماقِدرت تنام من كُثر التفكير ، كيِف يبتسم ، وكيِف يتأملها ، كيف جاء من خلفها وحاوطها ، محتاره داخله كما الخارّج صلب ، ولا فيه شيءّ متخبي وراء جُدران قسوته ~

_

نِـزل حـاكم لعِند جـده ، جلس قدامه ؛..

_كيـف الإمارات وأهلها ؟

نهيّـان بابتسِـامه ؛ الحمدلله يسلمون عليك ، يبونك

رفع حـواجبه لثوانيّ ؛ يبوني ؟

نهيّـان بابتسِامه خفيفه ؛ زايـد قال لولا الله ثم تعب حمدان كان هم بالرياض من زمان ، ودهم يجّون العرس لكن مسافرين أوروبا ويقولون لك العذر والسموحه !

حـاكمّ ؛ معذورين ، عمّي فـارس تطمن عليه ؟

نهيّـان بابتسِـامه عريضه وهو يشوف فارس داخل ؛ الحمدلله ، أنا أشهد انك رجـال يابو بتّـال !

ابتسم فارس غصب وهو يأشر على صدره ؛ والله يوم وصلنيّ الخبر إن حالته إنتكست ، ومابه غير الحريم معاه هناك ما دريت شلون شالتني رجولي المطار ، بس الحمدلله شِفته ، وتطّمنت عليه بعد ، يحرك أطراف رجوله توه !

ابتسّـم نهيـان غصب ، راح لـ عيـال عمّه بـ الإمارات ، بقيّـه أفراد آل سليـمان هناك ، زايـد يصير ولد عـم نهيّـان ، وحمـدان أخوه ~

حـاكم وهو يقِوم ؛ تآمرون على شيء ؟

فـارس وهو يرفع أصبعه بتهديد ؛ يا حـاكم

ناظره لثوانيّ وغصب عنه ضحك ، فهم إن عمه سِمع حديثهم ؛ لا تخَاف ما نسويها

ناظره بنصّ عين لثواني وصعد حاكم للأعلى ، الكُل نايمين الا هُو وعَروسِته وكأن الزواج مو لهم ~

_

« الظُـهر »

سَـكّرت جوالها بـعد مُحـادثه طُويله مع لؤيّ ، تحسّ نفسها بتِجنّ منه من بلّغها انه بينِـزل جِدة قريـب ، همّه أصحابه وتجمعات بنظرها هيّ مالها أي فائده ولا أدنى مُتعة تصاحبها ~

أخذت جـلالها وهيِ تشوف عنـاد خارج من غُرفته ، تتجمّـد وقت تِشوفه بشكل مو طبيعي وتتِراجع لها صُورته مع لـؤي مباشره ، يشِبهون بعض بالملامح شوي لكن بالأطباع واحد ~

ابتـسم لها وهو يِكره الحدود اللي راسَمتها بينهم ، بتِلين مع الوقت وتتعود عليهم ؛ بتنزلين ؟

هزت رآسها بـ ايه ؛ بس جـابر موجود

رِفع حواجـبه لثوانيّ ؛ جلالك وعليك ، تعالي

نـزل وهي خلفه ، خرج للخارج من ناداه ابوه ووقفت ريِف بنِصف الدرج ، كان معاها ومرتاحه بتنزل ومعاها احد لكنه مشى ، قربت بتِلف وترجع لحدّ ما حست باللي دخلها تحت ذراعه وهو يمشي ~

كان فـَزّاع نـازل مع الدرج وشافها متردده بالنزول او عدمه ، دخلها تحت ذِراعه وهو يمشي لـ الصاله ~

تُوردت ملامحها تماماً وهي مو قادره تتكلم ~

ابتسَـمت فاطمه وهيّ خارجه من غُرفتها ؛ يا هَـلا بالغاليّ ، هلا بـ ريف الدارّ بعد !

ابتسمت بتردد لثواني ،فاطمه وهيِ تخز فزّاع ؛ إختكم بالحيل حياويه ، ما تعودت يطلع من نسَل متعبّ الحياء

ضحك فـزّاع وهو يمثل الجِديّه ؛ ..._

والله أنا أهون ، وإختي تهون ، عينك على البجيح اللي يرجع البيت بيوم زواجه

فاطمه بهمس ؛ هذا أخاف أحاكيه ، نهيّان كِبر بعُمره لكن حـاكم تّوه شُعله ونار مثل جدك قبل

ضحك فـزاع ؛ مهجّدنا عسى بنت العم تهجّده

فاطمه وهي تضرب كفوفها ببعض بشبه حسره ؛ يا حسرتيّ كان ملآذ بتهجّده ، ياخوفي يهجّدها معانا !

ضحكت ريف من طريقه حكّي جدتها ، ابتسمت فاطمه وهي تبعد لثِمتها ؛ ياحلوها ما تشبهكم أبد ! طلع من نسل متعب من هو حلو !

فـزاع بضحك ؛ وشفيك على أبونا تسبين نسله ، والله نزعل !!

فاطمه وهيّ تشوف نهيان خارج من مكتبه ؛ عاد ازعلوا بكيفكم ، يلا لا أشوفكم !

ضحك فـزاع من راحت فاطمه لـ عِند نهيّـان ، عرف نهيّان ان وراها بلاوي وطلبات من مِسكت ايده ، وِعند نهيّـان ، حقّ فاطمه السمَع والطاعه ~

،

عنِـد جابـر وهتـان ، جالس وهيّ جنبه ، مقَهور منها ومن قصها لشعرها لكنه بنفس الوقت ما يِقدر يعاتبها ، شافها قد إيش فرحت بحُضوره ،حضنته مباشره وللحيّن ما يدري ليه حزينه ~

تمددت تآخذ جوالها من على الطاوله ، ابتسم جابر وهو يخلل ايده بشعرها ؛ صرتي تشبهيني

هتّـان بسخريه ؛ ياليت

ابتسّم غصب عنه وهو يناظرها ، قصّت شعرها لتحت اذنها بشويّ وصارت ألطف من قبل بكثيـر ~

ترِكت جـوالها بـ إنزعاج من الرسائل اللي تُوصلها ~

جـابر بجَديه وهو يمسك ايدها ؛ فيك شيء ؟

هزّت رآسها بالنفي وهي تآخذ جلالها من ناداتها ناديّن للأعلى ~

،

فِـتحت عِيونها بُخمـول وهي تعدل شعرها ، سمعت صُوت نادين تِـدق ع البابّ وتذكرت إنها قفلّته ، فِتحته وهي تناظرها لـ جُزء من الثانيِـه وتُوجهت للحمَـام ~

ضحكت نادين غصَب وهي تدخل تسِكر البابّ ، كان نازل من المُلحق وما قِدر ما يلمحها من فِتحت البابّ ، هيّ لمحه بس غصب عنها تِركته يبتسم من منظرها ~

، نِـزل للأسفـل لمجَـلس جـدّه ، كل عمـامه وعيِالهم ، وأصحابه ، وأقارب العائله ، وكل الأهل من الرجال يِجتمعون من بعد الظُهر ، يصلون سُوا ويتغـدون سوا ثُم يتوجهون العصَر مع العريس لـ القاعه ~

دخـل وهو يسّـلم وكالعادة ، جلس بـ صدر المجَـلس بجنبٌ جده وأبـوه ~

أبـو ساري - كبير جماعة نهيّـان بعده وساري ولده اللي تضارب معه حاكم -؛ ....

أبـو ساري - كبير جماعة نهيّـان بعده وساري ولده اللي تضارب معه حاكم -؛ الدم ما يصيـر ماء يا حـاكم

حـاكم بهدوء ؛ ما يصيـر

أبـو ساريّ ؛ كانك تبي العِذر ،وهالشنب نعتِذر من مقامك

حـاكم بجمود ؛ العذر ماهو منّك ، يعرف نفسه

ضحك ساري بشِبه سخريه ؛ حقّ الجماعة جيِت ، لا تتركنا نطري الحـريم بالمجالس !

حـاكم بسخريه ؛ جَيّتك وعدمها واحد ، تبيّ تتغير خرايط وجهك تفضل

سـاري بسخريه وهو يناظره ؛ يا ولد جمِاعتيّ ، نتفاهم بعدين

ناظـره حاكمّ والكُل فهم مقدار التّوتر بينهم الا إن السبب مُو واضح لهم ~

،

بـ الأعـلى ، تحّس بـ فراشات قَـلبها بـ أكملها تِطير من الورد اللي حاوطها بكلِ مكان ، شكلها اللطّـيف وطُوق الورد يلي فوُق رآسها ، هدايا صحباتها اللي وِصلتها من الحّين ، وعمامها اللي كل شوي يجون عندها ، أولهم عناد يجيّ يتأملها ، يبوس خدها وينِدب حظه إنها بنت أخوه ، وإنها بتصير حرم حاكم ،يستهبل وكلهم فاهمين إستهباله ولا مجال للشك بينهم ~

كانت رابطَه روّب على جسدها وبـ خلفه بدل إسمها ، ورَد ~

غصب عنها تحّس إنها عروس صِدق من الجناح اللي إمتلى عاملات ،وكلهم معاها ، الإبتسامات يلي جالسه تتوزع بين الكُل ، صوت جدتها فاطمه تغنّي وتحصنها ، ونادينّ اللي كل شوي تبتسم لها ~

يصِيبها الهُبوط والتوّتر كل ما تِذكرت حاكمّ ، رغم الحُب الا إن الخُوف منه كثير ، لثوانيّ تراود لـ بالها سُؤال " يفّكر فيني مثل ما أفكر فيه ؟ " ، ما تدري إنها إستحلته تماماً حتى وهو بـ صدر المجلس ووسط الرجّـال ~

،

صعـد مُلحـقه وهو يجهّـز نفسه ، أذن العصر وصار وَقت إنهم يروحون القـاعة ~

وِقف قـدام المرآيه بـهدوء تـام وهو يسكر كَـبك ثُـوبه ، عدّل شماغه ومَرَه طِيفها يجبره يبتسم ، شكلها المبعثر أول ما فِتحت الباب لـ نادين كان يكفّيه لجل يبتسم ~

راودته الذِكريات الكثيره بينهم ، جرحها كثيِر وما قصَرت فيه ، كان يضّربها بشعورها "واصـلي إعجاب المُراهقين ، لا تكُفّين عنه " ، قال لها " إرمي أحلام طُفولتك بعيد عنيّ ،فيصل رجـال " ، ضِربته بـ رجولته وقتها وإستفزت سابع شيطان برآسه " أكيد إنه أرجل منك ع الأقل " ، وقت شافها فيصّل ومدح بشامتها ، جنّ جنونه وسحبّها قدامه بـ غُرفه جده المعزوله ، للحين يتذكر كيّف نزع الخاتم من إيديها بكامِل عُنفه وقوته ورِماه ، خَطبها ع الواقف بـ كِلمة " ولد عمها أولى " ، ومَلّك عليها الصّباح وبلبِسه العسكّري ، حتى حقّ الحياة اللي يعيشه للحيِنه ناقصّ ~

تنحنح وهو يآخـذ بشته من تراودّ لـ باله ..

_لـ باله نُومه معاها ، لأول مره يعتذر لأحد بحياته وكانت هيّ ، عرف عن ريِف إخته وهو شبه مُحطم ، كان جارحها لـ حدّ الموت بـ كلمته " وش تكونين لجل أودعك ؟ بزر تِحترين اللعب " ، إعتذر لها بصريح العبرة بـ آسف ، ما فادت حُروفه وسمِح لقلبه يعّبر ، قال لها " لا تَـزعلين يا مَـال الغناه ، ما عاش من يزعّلك ولو إنه أنا " ، قال لها داعيِ الشوق اللي جابه ، مو لجل إنها قفّلت بوجهه ، تُوسد حُضنها بنفسه وقال لها عن إخته اللي عرفها كأنه يطلب منها تمنعه من أفكار جُنونيه تراوده ، كانت معه ، وعزّ عليها تأثره وحِضنته ، كلِها ذكريات وبالنِسبّه لحاكم حيـاه ~

_

نـزل للأسفـل وريِـحه العُود قِد إستوطنت أعماقه ، إبتسم لـ اُمه اللي شايله العُود ، ودّها تبخّر شماغه وتفرح فيه لكنّ تخاف يكسرها ~

حـاكم بهدوء وهو يعدّل شماغه ؛ حقّك

ابتسِمت غصَب عنها وهيّ تبخره ، فزاع وهو يعدل شماغه بابتسِامه ؛ عُقبالي يا أم حـاكم !

أم حاكم بابتسِامه وهي تبخر شماغ فـزّاع بعد ؛ آمين !

ضحك أبـو حاكم وهو يمشي لعندهم ؛ وعقـبالي

أم حاكم بسخريه ؛ عاد إنت مو آمين !

خـرج حاكم وبشته على ذراعه ، ابتسم من شاف هجَرس وهُذام يبتسمون له ~

هجَـرس وهو يدق له التحيّة ؛ هلا والله وحيّ الله !

حـاكم وهو يردِ له التحيـة ؛ عِـشت

رفع هُذام حـواجبه من شخص مرّ قدام البوابة بلَمح البصر ، مشى بهدوء لعنِد البوابة وهو يرفع حواجبه من اللي واقفه بجنبها ،مستحيل تكون فرد من آل سليمان لإنها مو من هيئاتهم اللي من كُثر حبه لهّتان حفظهم كلهم ~

ابتسِـمت وهي تلعب بـ ايدها؛ مبروك الزّواج يا هُـذام ، عسى الله يصيبك بالجُذام

رجّع ايده للخلف لكن للأسف ، لا سلاح معه ولا كلبشات ~

هُـذام وهو عرفها ، ويحاولِ يشتتها لجل يقدر يمسكها ؛ دعوتك ما توصل السماء ، ما تتعدى هالحيّ الله أكبر عليك !

ضحكت وهي عارفه مخططه ؛ إرجع وراء ، والا والله شليّتك إنت والعريس اللي بالداخل

هُذام بشبه حدّه ؛ تعقبين ما يوصلنا منك شيء بإذنه

رجع للخلف من رمِيت عليه ترابّ وهو يحاول يلحقها ، إختفت عن أنظاره وما عادها موجوده ابدّ والواضح ان فيه من يساعدها ~

انحنى وهو ينزع شماغه ، بِردت أطرافه من قطرات الدمّ اللي تنهمر على ثوبه ~

اخذ شماغه وهو يمشي لسيارته ، مسح وجهه وهو يرسل لـ هجَرس انه بيلحقهم بعدين ~

،

رِفع حـاكم حواجبه ؛ ووش عنده ؟

هجَـرس ؛ ما أدري طال عمرك ، قال ألحقكم بعدين

حـاكم بهدوء ؛..افتح اللاسلكي

فِـتحه هجرس ومباشرة تغيّرت ملامح حـاكم وهجرس من صوت هُذام اللي يقِدم بلاغ للدوريات اللي قريبه عن وجود ساحرة بهالمنطقه ~

عضّ شفته لثواني وهو يضغط على إيده ، ما بتتركهم حتى بـ يوم زواجه ~

حـاكم وهو يشوف جده جايّ ؛ لا يطلع خبر ، تطمّن على هذام الموضوع عندي

هجرس بتردد ؛ بس إنت طال عمرك

حـاكم بهدوء وهو حاسب حسابه من الليلّ : لا تخاف -

إبتسِـمت ريف وهيِ تشوف إيد مـلآذ ترجـف ، بقد حلاوتها نـاعمة ، التضاد اللي بشخصيتها ونُعومتها ،وشخصيه حاكم وصلابته ، يزيد الفضول بقلبها تعرف طبيعة العلاقه بينهم ، ملامح ملآذ اللي تتورد كل ما قالوا إسم حاكم تبيّن كمية الحُب والخجل اللي فيها له ومِنه ~

كانت هاديه لحدّ ما جلست نادين بجنبها ، بردت أطرافها وملامحها وهي تشوف فـزاع مصّور حاكم ، حاط السيّف على كتفه ،ويدق التحيِه بـ ايده الثانيه لشخصِ الواضح انه مَنصب كبير بـ العسكرية ~

ضحكت نادين وهي تشوف الدموع تتجمع بعيِون ملآذ ؛ نمزح معاك يا بنت

مـلآذ بهمس ؛ أمزح معاكم خلاص ، ما أبغاه !

إبتسمت ريِف غصبّ عنها وهي تشوفه ، تحس انها تحبّه بشكل فضيع رغم إنها تو عِرفته ، ومباشرة تسلط عليها الا إنها حابّته وكثير ؛ ما ألومك

دخلت أم بتال وهيِ تبتسم لمـلآذ والبنات ؛ جاهزين ؟ السواق تحت

هزوا روسهم بـ ايه ، دخلّت هتان وهي للحين ترجفّ من اللي شافته ، ظنّهم انه توتر طبيعي لزواج حاكم وملآذ لكن أساس توترها وخوفها وجه هُذام ، شافته وهو يركب سيارته ويمسح وجهه ، كان منظر الدم يفِجع أكثر من إنه يخّوف ~

ابتسِمت لـ ملآذ اللي تناظرها بحرص ؛ يارب أصير حاكم !

تعالت ضحكاتهم غصب ، خففت هتِان بكلمتها من هالتّوتر عنهم وخصوصاً عن ملآذ ~

_

« بـ القـاعة ، السـاعه 10:10 »

كانوا فاطمة ونهى أكثر الراضين عن كل شيء ، كِل شيء يعبر عن مـلآذ وشخصيتها ، أغصان الشجر والورد ، التنسّيق بـ أكمله كان مِنها ومن اُمها ، يعبّر عنها وعن شخصيتها اللطيفة ، ابتسمت اُم حـاكم من توتـر ريف المُفرط واللي تعرف شلون تخفيه ببراعة ، كانت تحاكيّ الكل إن ريف بنت زوجها وبنتها ، الكّل عرفها وأولهم حنين اللي حبّتها بشكل مو طبيعي ~

إبتسمت هتّـان من جات حنين المُعاتبه لها وهي تحضنها بعتاب ؛ إختفيتي عنّا

ابتسمَـت هتانّ بخفيف ؛ شوفيني موجودة !

جـات ريِف وهي تعـدل فستانها بتوتر ، ما تعودت على المناسبات الضخمه بهالشكل واللي تكون فيها محطّ الأنظار بغير الشغل ~

حنين:..

٠٠٠٠٠٠٠٠

قراءه ممتعه