في مطار الرياض كان إبراهيم ينتظر سلطان وعذاري وأبتسم لما شافها تقرب لها واستحت تضمه قدام الناس قربت وباست رأسه إبراهيم ضمها بخفيف
إبراهيم : هلا وغلا بأغلى الغالين
عذاري : هلا بأخوي شخبارك
إبراهيم : بخير وأنتي
عذاري : دام أني في المملكة أنا بخير بأذن الله
سلطان : طيب بسلم أنا ولا ما أشتقت لي
إبراهيم (يسلم عليه ) : هلا والله بأبو أحمد شخبارك
سلطان (يبوس رأس إبراهيم) : هلا بأبو فهد بخير وأنت
إبراهيم : بخير هاه معكم شناط
سلطان : لا بس شناط صغيره وهذي أهي معي
إبراهيم : ليه وين شناطكم
سلطان : خلنا نطلع وفي السيارة أقول لك
إبراهيم (يمسك يد عذاري) : حياكم وحي الله عروسنا
عذاري(أبتسمت بحياء) : يحييك يارب
في السياره متجهين للبيت رن جوال إبراهيم وطلعه يرد على ابوه
إبراهيم : هلا يبه ... أيه وصلوا الحمد لله .. أوكيه مسافة الطريق .. حاضر مع السلامه ( سكر الجوال وألتفت لسلطان) ابوي ينتظر في البيت معه المملك وسليمان عشان نملك قبل أحد يعرف
سلطان : والله هم على قلبي ما راح أرتاح لين نكتب العقد وتكون عذاري لسليمان وكذا أتطمن محد يقدر يوصل لها
عذاري (حطت يدها على كتف سلطان) : الله لا يحرمني منك
سلطان(حط يده على يدها) : ولا منك
إبراهيم : قول لي كيف عرفت عن التخطيط وكيف نفذت الخطه وفشلت خطتهم
سلطان : أقول لك مره وأنا في غرفتي رن جوالي كان الرقم غريب ما رديت بس رن من جديد وما كان لي مزاج لاني كنت مشغول مع حسن في حسابات الشركه أرسلها لنا سكرتير عبدالله بعد ما طلب عبدالله مني اني ادقق في الحسابات لأنه يظن في تلاعب فيها انا صدقت اللي أنقال وكنت بأمانه أحاول أساعد وأنا أشوف الأوراق طفشت من اللي يتصل ورديت عليه بعصبيه
سلطان(بعصبيه) : ألو
(بخوف) : ألو سلطان
سلطان (أستغرب صوت طفل) : أيه من أنت
: أنا فيصل ولد عمك بس لا تقول من أنا
سلطان(أستغرب وطالع لحسن اللي يشوفه) : اها هلا هلا كيفك
فيصل : مو بخير
سلطان(أشر لحسن بيطلع يكلم ويرجع) : ليه خير
فيصل : سلطان عندك أحد
سلطان : لا طلعت برا الفندق وش فيك فيصل (سمع صوت عنده) ومن عندك
فيصل : هذا معاذ
سلطان : طيب وش فيكم وكيف جبتوا رقمي
فيصل : سرقناه من جوال أمي وأهي ما تعرف
سلطان : ليه سرقته
فيصل : سلطان تكفه عطني رقم عذاري بسرعه
سلطان(أستغرب ) : رقم عذاري ليه مو معك هي قالت عطتك انت ومعاذ الرقم
فيصل (بحقد) : مسحوه من جوالاتنا
سلطان(جلس على كرسي في الحديقه) : من مسحه ترى مو فاهم شيء شوي شوي
فيصل : مسحته أمي من جوالاتنا يوم سفركم ما يبونا نكلم عذاري
سلطان : ليه ما تبيكم تكلمون عذاري
فيصل : عشان ما نقول لها عن تخطيطهم
سلطان : وش تخطيطهم ولمن التخطيط
فيصل : يزوجون عبدالله لعذاري بدون لا تعرف
سلطان (بصدمه) : شنوووووووووووو
فيصل : سلطان عطني رقمها
سلطان : أول قول لي وش التخطيط
فيصل : أنا ومعاذ سمعنا جدتي تقول لعبدالله يتزوج عذاري بس عبدالله يقول ما يبيها ولا يحبها وجدتي قالت له مو لازم يحبها بس يتزوجها عشان عمي احمد يبيها تكون عنده
معاذ (يأخذ الجوال من فيصل) : سلطان
سلطان : هلا معاذ
معاذ : لا تتزوج عذاري عبدالله ترى سمعت يقول ان جدتي بتزوجه اللي يبي بس يآخذ عبدالله عذاري و يبعدها عن العم فهد وتعيش معهم
سلطان : معاذ من متى هذا الكلام
معاذ : شفت اول مره شفناكم صار السالفه هذي
سلطان : يعني طول هالشهور
معاذ : خذ فيصل
فيصل : هلا سلطان
سلطان : فيصل قول لي كل شيء ومن مشترك في التخطيط
فيصل : الكل بس انا ومعاذ ما نبيها تآخذ عبدالله حتى حسين ترى زعلان منهم يقول حرام عليك وعبدالله يقول اللي تبي جدتي يصير إلا دموع جدتي
سلطان : يعني حسين يعرف
فيصل : الكل
سلطان (ألتفت لأبراهيم) : وقال لي كل شيء
إبراهيم : وش سويت بعدها
سلطان : أتصلت على حسين وحلفته وش السالفه وقال لي كل شيء
إبراهيم : يعني عبدالله يبي يآخذ عذاري مو رغبه له رغبه جدتكم وأبوك
سلطان : أيه
إبراهيم : ههههههههههههه شر البليه ما يضحك جدتك اللي رفضت وجودكم وقربكم من أبوك هي اللي رضخت وتبي قربكم منه
سلطان : تعرف البلا شنو عرفت انهم يخططون أنا أخطب من بنات عمامي بعد
إبراهيم : وليه كل هذا
سلطان (بأستهزاء) : يبعدونا عنكم ويقربونا لهم ( ألتفت للشباك ) يضنون أن بعملهم هذا بيخلونا ننسى اللي ربانا ونتمسك في اللي نكرنا وهجرنا
عذاري (تكمل) : يعتقدون أني برضى لما يستفردون فيني ومحد حولي اكون مغلوبه على امري
إبراهيم : تفكير متخلف وعبدالله الغبي يرضى باللي تقوله جدته بدون لا يكفر بنفسه
عذاري : عبدالله يموت بجدتي هي حياته يحبها أكثر من أهله ولو تقول ارمي نفسك بالنيل يقول لعيونك ارميها
إبراهيم : يحبها ايه بس مو على حساب نفسه وحياته كيف يفكر يتزوج وحده ما تبيه ولا تحبه
عذاري : إلا تكرهه
إبراهيم : طيب ليه ما جبت شناط
سلطان : صراحه خفت يحسون باللي ناوي فيه وتعرف ابوي له اتصالاته غير عبدالله وصلاته خفت يمنعون عذاري من السفر اما انا عارف ما يقدرون لي هي بنت
إبراهيم : زين ما سويت وأحسن شيء سويته أتصلت على ابوي وقلت له كل شيء
سلطان : أبوي فهد قال لي قبل اسافر عن خطبت سليمان لعذاري وسليمان ولد ما شاء الله عليه ما ينرد
إبراهيم : ترى سألنا عنه ونعم الرجال
سلطان : طيب كيف رضى سليمان يملك كذا على الساكت
إبراهيم : أبوي قال له أن ما نقدر نسوي طق وطقطقه عشان حالة أبوكم وقال له أنت خطبتها وفي ناس متقدمين لها وعيال عمها بعد وإذا أنت ترغب فيها زوجه تملك اليوم وبخصوص حفله الملكه أبوي قال لهم نملك الظهر وبالليل تقدر تدخل الصاله تلبسها الشبكه يعني عرس مي وفيصل وملكة عذاري هي المفاجئه
عذاري(نزلت راسها بحيا) : بس أبوي ما قال لي أني أشوفه اليوم اللي فهمني عليه سلطان أن نملك وبس
إبراهيم : أبوي مستحيل يفرق بينك وبين أحد وانتي حالك حال البنات تستاهلين حفله وكل شيء جاهز منى ونجود جهزن لك كل شيء بس نملك أوصلك للصالون وقالن لي أجيبك بعباتك ولا تجيب شيء
عذاري : كيف وفستاني
إبراهيم : فستانك يصلح لعرس بس مو لعروس مثلك أنتي أحلى عروس وخواتك ما قصرن جهزن كل شيء انتي تحتاجينه
عذاري (دمعت عيونها) : الله لا يحرمني منكم
سلطان : ولا منك إلا إبراهيم سليمان يعرف عن عيال عمي وعبدالله
إبراهيم : لا أبوي قال ما نقول له عن المشاكل وعيال عمك واهلك بيرضون بواقع أن عذاري مهي لأحد فيهم
سلطان : زين سوى مالي خلق مشاكل وبخصوص أهل أبوي بس أخلص من موضوع عذاري أنا بكون لهم بالمرصاد
إبراهيم : أيه صدق قبل انسى بخصوص أنسباك أهل بتول
سلطان : وش
إبراهيم : أبوي خطبها لك واهلها وافقوا بس لما طلب ابوي يحددون الوقت المناسب عشان نملك طلب ابوها منه ينتظر شهر
سلطان (عقد حواجبه) : شهر ليه
إبراهيم : أنت تعرف أن بتول وحيدة أمها وأبوها وجابوها على كبر وانت تعيش في الرياض واهم بجده ما يقدرون يفارقونها ويبتعدون عنها كل هالمسافه فقرر ابوها يبيع بيته في جده ويدور هنا بيت صغير على قده أو شقه تكون جاهزه يشتريها ويبي شهر عشان يتم كل شيء
سلطان : بخصوص بيت صعب يلقى بيت زين يمكن نقدر نوفر له شقه كبيره وزينه مؤثثه
إبراهيم : لا أبوي ما قصر طول هالفتره يدور على بيت ولقى هو شوي بعيد بس زين كثير حالته
سلطان : زين أجل ما ننتظر شهر
إبراهيم : ههههههههههههه مستعجل
سلطان (أبتسم ) : كثير
إبراهيم : هذا أسبوع راح وباقي لك 3 اسابيع وتملك بأذن الله
سلطان : قصدك أعرس
إبراهيم (أتلتفت له ) : تعرس
سلطان : أيه قررت ملكه بزواج ما راح أملك وبس لا راح أتزوج
عذاري : بسرعه
سلطان : أيه ما ابي ملكه وكلام فاضي أبي عرس
إبراهيم : ألف مبروك لك بس لازم تبلغ ابوها
سلطان : بقول لأبوي فهد واهو يقول لهم
عذاري : ألف ألف مبروك ياخوي
إبراهيم : وهذا أحنا وصلنا يالله ننزل عشان نلحق نوصل عروسنا الحلوه للصالون
عذاري أبتسمت بحياء نزلت وشافت أبوها فهد ركضت له وضمته وباست راسه وبكت في حضنه هداها ولما ابتعدت عنه شافت الجد وسالم وفيصل اللي أحرجوها بالتعليقات دخلت البيت وشافت جدتها وخالتها اللي فرحن لها كثير دقائق ودخل سالم ومعه دفتر الزواج وقعت وباس راسها واهو يبارك وبعدها وصلها للصالون واستقبلنها خواتها والبنات اللي لولشن (زغاريط .. يباب ) بالصالون وقامن يغنن لها واهي تحس بفرح أخيرا بعد شهور تبي ترتاح من شعور الخوف من عبدالله ألحين صارت لسليمان وبأمان معه أرتاحت نفسيتها وبدأت شغل عروس كامل وخاص لها بتوجيهات نجود ومنى ورفضهن دخول البنات أو يشوفنها قبل تنتهي ومنى كانت مشغوله رن جوالها شافت الأسم أخذته وطلعت برى الغرفه
منى : ألو
مشاري : هلا مناي كيفك
منى ( في نفسها) : تسأل عن أحوالي وانا بعيده عنك آآآه والله مشتاقه لك حبيبي
مشاري : ألو مناي
منى : هاه هلا
مشاري : وينك
منى : معاك
مشاري : لا منتي معاي لو معاي كان حسيتي فيني بشوقي بندمي مناي ليه قلبك قاسي حسي فيني
منى : لأني طفله وعقل طفله كيف تحس فيك
مشاري (بعصبيه) : يووووووه ما صارت كلمه ذليتيني عليها
منى : رجاء لا تصارخ
مشاري ( بهدوء) : طيب ما اصارخ بس عاجبك وضعنا بس يا منى الكل يسألني ليه منى عند اهلها للحين
منى : عادي قول مثل ما قلت أنا لاهلي وحام
مشاري : وحام
منى : أيه أنا قلت لاهلي أن وحامي عليك ما اقدر أجلس في مكان فيه انت
مشاري (بستهزاء) : لا خطيره برافو شاطره
منى : ما أحب هذي النبره في صوتك عارفه تستهزء
مشاري : طيب وش تبين أقول لك انتي خططتي لكل شيء وما شاء الله عليك فهيمه ما يفوتك شيء حتى سالفة زعلنا
منى : مشاري اذا بتستمر بهذا الأسلوب أفضل تسكر أحسن
مشاري (رفع حاجبه) : أي أسلوب
منى : الأستهزاء
مشاري : طيب ما راح اتكلم معك كذا بسألك صدق قبل أمس كنت في بيتنا
منى : أيه
مشاري : وطلعتي قبل ارجع بعد ما فهمتي أمي أنك جايه تزورينها
منى : أيه
مشاري (صر على ضروسه يكتم عصبيته) : يعني ما تبين تشوفيني
منى : ..............
مشاري : شوفي انا سكت كثير بس الشيء زاد عن حده اليوم بتركك وبكره ترتاحين عشان عرس اخوك بعد بكره جهزي نفسك وطلال على المغرب بكون عندك ترجعين البيت
منى(عقد حواجبها) : غصب يعني
مشاري : أيه غصب فاهمه ولما نكون في بيتنا أعرف كيف أتفاهم معك مع السلامه
منى : مشـ.. (ماعطاها مجال وسكر الجوال ) أففففففففف
نجود(وقفت جنبها) : وش فيك
منى (ألتفت لها) : متضايقه
نجود : مشاري اللي أتصل
منى (بعصبيه) : أيه ويبي أرجع معه بعد بكره غصب عني
نجود : منى أهدى
منى (بعصبيه) : وش اهدى (حطت يدها على بطنها وغمضت عيونها بألم ) أممممممم لا مو وقتك
نجود (مسكت يدها وجلستها) : وش فيك بسم الله عليك
منى : آآه ألم يروح ويجي له يومين
نجود : انتي بأي شهر
منى : توني داخله الثاني
نجود : ألم بس
منى : مع نزيف شوي
نجود : من متى
منى : من أمس
نجود : وليه ما رحتي للمستشفى أنتي بأول شهور الحمل
منى : كنت مشغوله بكره بروح إذا زاد علي شيء
نجود : منى أنتي تعبتي نفسك هالأيام كثير
منى : ليله وحده ما تضر ما بجهد نفسي
نجود : شوفي وجهك كيف صاير لا أكل ولا راحه
منى : نجود راسي يعورني رجاء لا تزيدينها قلت لك بكره بروح والنزيف خفيف بس مجهود
نجود : انتي ما رحتي تراجعين عند دكتور
منى : لا سالفتي مع مشاري وبعدها تجهيز عرس فيصل وكملت على ملكت عذاري ما كنت فاضيه كله مره وحده
نجود : وش ما كنت فاضيه هذا شيء لازم ما تستهينين فيه ويكون قبل كل شيء تعرفين انك ممكن تجهضين
منى (بخوف حطت يدها على بطنها) : أجهض
نجود : أيه بأول أشهر الحمل لازم المرأة تراجع الدكتوره وتفتح ملف وتتطمن على الجنين
منى : والله أنشغلت
نجود : خليني أتصل على سالم يجي يوديك المستشفى
منى : وش تتصلين تبين امي تحاتيني واخاف يخلوني في المستشفى وما احضر عرس فيصل وعهد ومي وحفلة عذاري لا
نجود : هذا مو مهم أنتي أهم
منى : إذا زاد علي شيء بروح ألحين خفيف والألم يروح وجي
نجود : طيب اجلسي لا تحركين كثير
منى : حاضر بس شوفي مي و عهد وعذاري وش باقي لهم
نجود (تطالع ساعتها) : ما باقي شيء أنا بكون معهن ومعي خوله وانت بس تخلصن على الصاله سالم بيمرنا ويوصلنا للقصر
منى : انتي معك عروستين سياره ما تكفي
نجود : لا بندر بيآخذ مي أهو يوصلها وسالم وانا نوصل عهد
منى : كذا زين تعال لا يكون بكره تمشين نفس يوم عرسي من ليلتها رحتي
نجود : لا هذاك الوقت ما كان عندنا اجازه لا بنجلس 4 أيام بأذن الله
منى : أحسن ما نشوفك إلا بمناسبات
نجود : بروح انا تبين شيء
منى : لا سلامتك
نجود : انتبهي لنفسك
منى : حاضر
--------------
على الساعه 7 مساء
كل الاهل في الصاله والمعازيم بدأ في الحضور والبنات ما شاء الله كل وحده تقول انا احلى وأهن واقفات يستقبل المعازيم مع امهاتهن
سمر (نغزت ليالي ) : شوفي شوفي
ليالي : آآح وجع مو كوع وش تبين
سمر : عمتك جت ماما عريس المستقبل
ليالي (ألتفت ) : يوووووه انا بهرب قبل تشوفني مالي خلق
سمر : وش مالك خلق سلمي عليها والله تذبحك امك
ليالي : سموره انا مو متقبله للحين فكرت خطبتي تقولين لي سلمي
فرح : ليالي هذا نصيب ويمكن خيره لك
ليالي : يا فرح غصبني ابوي والله ما ابيه ولا فكرت أعرس
سمر : بس لولو باقي تسوين التحاليل واذا تطابقن ملكتوا
ليالي : أسكتي والله ادعي ربي ما تطابق
فرح : ههههههه تكسرين خاطر جسوم
ليالي (خزتها وبعصبيه) : أقول أسكتي لا أكسرك انتي
فرح : ووول عصبت امزح
سمر : ههههههههه والله ما تقدر تكسرك محمد يكسر رقبتها
فرح : وويه فديت الطاري
ليالي : ياليل ضاعت البنت أفففففففف
سمر : ليالي فكي هالتكشيره قربت أم جاسم
ليالي (تبتسم غصب) : هاه ابتسمت كل شيء في حياتي غصب ما صارت
سمر(طالعت لفرح والحزن على الوجه) : ...............
ليالي وقفت قدامها حرمه كبيره في السن قربت ليالي وسلمت عليها وباست راسها وبعدها سلمت على حريم مع أم جاسم مسكت أم جاسم يد ليالي وقالت بفخر للحريم
أم جاسم : هذي خطيبة ولدي بأذن الله
ليالي (أستحت وأبتسمت لتعليقات الحريم) : ................
حرمه : ما شاء الله زين ما أخترتي جمال لا إله إلا الله
حرمه ثانيه : والله جاسم يستاهل هالدانه الحلوه
ليالي بس تهز راسها واهي مبتسمه وحمدت ربها يوم امها قربت وغمز لليالي
الام (خافت على بنتها من العيون وقربت لهم) : ليالي عمتك خوله تبغاك وحياك يا أم جاسم أنتي واللي معك تفضلوا
ليالي : حاضر اسمحوا لي ( مسكت يد سمر وفرح) خلونا نطلع لعذاري أحسن
سمر : يالله
صعدن كانت عذاري جالسه مع منى بغرفه خاصه
سمر : ما شاء الله اختي تهبل يا حظك يا سليمان
عذاري (بحيا) : سموره بسك والله بموت
فرح : هههههههه عادي ريلاكس
ليالي : عاد فروحه مجربه خبره
فرح : مالت على حظي سنتين هههههههه
منى (منسدحه على الكنب) : وهذا انتي ما شاء الله ما باقي شيء على زواج والأيام تمر
سمر : هههههههه شكله كل البنات بيعرسن وانا ببقى آخر شلة العوانس ديناصور ما انقرض
الكل : هههههههههههههههههههههه
منى : بسم الله عليك بيجيك نصيبك ( ألتفت لليالي ) بتروحون القريه بكره
ليالي : أيه على الساعه 10 بأذن الله
فرح : بس إحنا راح نروح الساعه 9:30 نسبقهم
منى : ليه
ليالي (تفرك ايديها بتوتر) : أمممم أبوي قال بيوديني اول اسوي التحاليل عشان تطلع لما نرجع
منى : الله يسعدك
ليالي (بحزن وبهمس) : أي سعاده
سمر (انتبهت لها حبت تغير الجو) : طفشتي من الجلسه لوحدك يا عذاري
عذاري : أي والله وانا أقول الله يعين العرايس ممله الجلسه
منى (تطالع ساعتها) : كلها نص ساعه أول نبي نبدأ الرقص وبعدها بنص ساعه تدخلين انتي ويدخل سليمان يلبسك الشبكه وبعدها حره طليقه
فرح : فار محبوسه هههههههههههه
عذاري (بعصبيه) : يعضك يارب مالت على وجهك يا جعلي اشوفك يا فرح بيوم عرسك محبوسه كذا
فرح : عادي لان حمودي بيكون سجاني
ليالي : أحلى شفتوا الرومنسيه
عذاري : مالت إذا هذي رومنسيه عز الله انها عربجيه سجاني
البنات : هههههههههههههههههه
فرح : صدق جلستنا ناقصه وضحه ومي
سمر : بدينا نفترق وكل وحده صار لها حياتها
ليالي : صح حياه غريبه في منا أختارها وفي من أنجبر عليها
منى : ليالي أنا فاهمتك ومريت باللي تعيشينه وأقصد أجبار أبوك لك على الزواج شوفي أنا أنجبرت على مشاري بس أحمد ربي اللي رزقني فيه
ليالي : منى صح نتشابه في الظروف بس يختلف الأزواج
فرح : أسفه للمداخله بس كيف يعني من أي ناحيه
ليالي (ألتفتت لها ) : يعني مشاري ما شاء الله روعه يهبل طول برزه (ألتفت لمنى وكتمت ضحكتها على شكلها) هيييييه ترى ما اتغزل فيه وش في وجهك أنا بقارن بينهم
منى : ههههههه كملي كملي
ليالي : ووول تغير
الكل : ههههههههههههههههههههههه
ليالي : وجاسم الله لا يوريك سمين سمين هذا لو يدخل الرابح الأكبر يالله يقبلونه
البنات : حـــــــــلــــــــفــــــــــي
ليالي : والله أسمعن وش صار كنت في غرفتي قبل 4 أيام وسمعت ضرب على الباب قلت أدخل كان أبوي
الأب : مساء الخير
ليالي (وقفت وباست راسه) : هلا يبه حياك
الأب : الله يحييك وش مجلسك لوحدك
ليالي : شوفت عينك أدرس أختباري
الأب : جلسي بكلمك في موضوع
ليالي (تجلس جنب ابوها على السرير) : هلا يبه
الأب : شوفي يا بنتي أنا بدخل في الموضوع بدون لف ودوران
ليالي : وش موضوعه
الأب : جاك رجال ما شاء الله عليه خطبك مني وانا والله مرتاح له و اهو شخص عزيز علي كثير
ليالي : يبه انت عارف رأي
الأب : عارف ورفضك بسبب سالم أنا يا بوك كنت اتمنى سالم لك ولكن لا يمكن أغامر فيك وفي حياتك عشان أحد أنا أبي أشوف عيالك واهم يقولون لي جد ويلعبون حولي وينادونك مثل كل البنات ماما لا تضنين أني قسيت لما سالم جاء وطلبك وأنه ما يبي عيال بس يبيك ورديته لا أنا فكرت بعقلي وخليته يحكم بدل قلبي ما انجرفت لملامح الحزن في وجه سالم وفي الحزن اللي بقلبك وقلبه ما ابي اضعف اوافق على فكره غبيه ما يبي عيال منك ويبيك طيب وبعدين أهو شاب يتمنى مثل كل الشباب من بولد يسنده على الكبر
ليالي : يبه والله متفهمه بس بخصوص الزواج هالفكره ألغها هالفتره لين اتخرج وأشتغل بعدها افكر
الأب : قال الرسول صلى الله عليه وسلم
ليالي : صلى الله عليه وسلم
الأب : " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " وانا والله أشوف في جاسم ونعم الرجال
ليالي : جاسم من
الأب : شفتي أمك حمده هذا صير ولد اخوها
ليالي : جسوم ما غيره اللي كنا انا وسالم وناصر نحشره في الزاويه
الأب : ههههههههههههه أيه جسوم
ليالي : يبه من صدق تتكلم
الأب : والله من صدق
ليالي : يبه تبي آخذ الدب القطبي
الأب : ههههههههههههه كنتوا تقولون له الدب القطبي لانه ابيض كثير ودوب سمين
ليالي : تكفه قول ضعف قول تغير صار عبد وكلنا عبيد الله
الاب : نفسه هههههههههههههه
ليالي : اجل ما آخذه من صدق يبه لو آخذته وركبنا السياره بتكون مايله ناحيته لا لا
الأب : هههههههههههههههههههههه
ليالي : اتكلم جد هذا خابره يآكل 5 وجبات الناس 3 واهو لوحده 5
الأب : إذا أخذتيه غيريه
ليالي : لا لا وش يخليني آخذه واعدل وأغير فيه أنت ما تخاف علي
الأب : ليه
ليالي : الظاهر صدق ما تخاف علي ما تحبني
الأب : أفا وأنا أبو وليد ليه تقولين كذا
ليالي : لو تحبني ما تزوجني جسوم الدب يبه ما تخاف لو يوم ما شاف آكل قدامه ممكن يآكلني هذا عنده شراهه بالاكل
الأب : ههههههههههههههههههههههههه لا عارف ان ما راح يآكلك
ليالي : ليه عاد واثق
الأب : اعرفك بتعلقين في حلقه مثل العظم
ليالي (شهقت) : شنوووووو
الأب : اللي أقصده شوفي نفسك صايره عظم على جلد ما قمتي تآكلين
ليالي (نزلت عيونها) : مشغوله في الدراسه
الأب (بشك) : بس
ليالي : بس
الأب : طيب قومي غيري لبسك وانزلي معي للمجلس
ليالي : ليه
الأب : جاسم طلب يشوفك
ليالي (بصدمه) : لاااااااا لا
الأب : وش لا هذا حقه واهو ما طلب شيء حرام
ليالي : يبه
الأب(يمسك يدها) : شوفي يا تغيرين لبسك يا تنزلين كذا في البجامه
ليالي : بابا تكفه أجل مو مستعده وأبي وقت أفكر
الأب : انا ما قلت لك بزوجك ألحين انا قلت جاسم يبي يشوفك شوفه شرعيه من حق أي خاطب
ليالي(باست يده) : اجلها
الأب : جاسم مستعجل بيسافر ويحضر بعرس فيصل عشان التحاليل لو تم الامر انتي ناسيه اهله في الشرقيه
ليالي : يووووه
الأب : يالله
ليالي : طيب أسمع بلبس عبايتي ولفتي ما اطلع له بدون غطاء
الأب : وجهك لا تغطينه من حقه
ليالي : ليه تصعبها
الأب : هذا بس تردد ولما يتم الامر بتدعين لي جاسم ونعم الرجال لو فيه عيب
ليالي : عيوب مو عيب سمين وأكول وحياوي يبه أنا شفت بنات يستحن بس مثل جسوم لا يستحي من خياله هذا كان يستحي مني أنا البنت
الأب : هههههههههههههه خلاص لولو تعالي شوفيه يمكن تغير
ليالي : كيفك انا حذرتك مو تقول لما تشوفه ماسك ثوبه في فمه وهربان من الشباك لولو غلطانه
الأب : طيب أمشي هههههههههههههه
ليالي (أخذت عباتها ولفتها) : يالله نروح يا أبوي ونشوف وش اللي يصير
الأب (باس راسها) : بيصير كل خير
عذاري : ونزلتي له
ليالي : نزلت بعد ما لبست عباتي ولفيت لفتي (شيلتي) تقول خدامه جايبها كفيلها من المكتب
البنات : هههههههههههههههههههههه
فرح : وبعدين
ليالي : دخلت كان جالس وجنبه امي حمده ونصور ومحمد والله استحيت وانصدمت
منى : ليه
ليالي : أول مره اشوفه من بعد 10 سنوات شفت وقف خفت ووقفت ورى أبوي وكمل علي ناصر الحمار لما علق علي
منى : وش قال
ليالي : ناصر قال
ناصر : هههههههه تعالي أستحيتي أول مره تستحي
الأب : أعقل عن اختك
الام حمده : والله ليالي كلها حلى وأدب تعالي جلسي جنبي
ليالي (قربت وجلست عندها وبهمس) : السلام عليكم
الكل : وعليكم السلام
ناصر : يمه حلى أيه بس أدب لسانها يا طوله وجسوم خابر لسانها (ألتفت لجاسم) ترى مثل ما تخبرها قبل 10 سنوات هذي ليالي
جاسم (نزل عيونه) : ليالي شخبارك
ليالي (طالعت له يوم همس ورفعت حاجبها) : بخير وانت (ألتفت لناصر وأشرت له بدون لا أحد ينتبه وأهي تحرك شفايفها) أستحى
ناصر(كتم ضحكته وأشر لها بحركه شفايف) : الظاهر انتي اللي قاعده تخطبينه مو اهو
ليالي (عضت شفايفها لا تضحك ونزلت راسها لا تطالع ناصر) : ..............
جاسم : بخير
الأم حمده (غمزت لأبو ليالي) : خلونا نتركهم لوحدهم
ليالي (ألتفت لأبوها وهزت راسها لا) : ....................
ناصر (وقف وهمس لها بأذنها) : أقول أنطمي بس هذا ما ينخاف منه أحنا خايفين عليه لا تآكلينه لما تعصبين شوفيه كيف مستحي منك
ليالي (همست وأهي تحاول تكتم ضحكتها) : نصور شكيت بنفسي أني بنت شوفي يستحي اكثر مني يا ويل حالي لا يغمى عليه
ناصر (غمز لها) : خلي بينكم مسافه مو نرجع ذابحه الولد مثل أيام زمان
ليالي (ضربته على كتفه) : حمار طس
طلعوا كلهم بس الأب اللي جلس شوي بعيد عنهم وليالي اللي جالسه في كرسي مقابل لجاسم اللي متوتر ويفرك في أيديه ووجهه محمر مبين بسبب بياضه ليالي طالعت لأبوها وأشرت له
ليالي (تأشر) : شوفه طفشت ترى بطلع
الأب(أشر لها) : اجلسي
ليالي (عقدت حواجبها وقررت تتكلم) : جسوم أحم أسفه أقصد جاسم
جاسم (رفع نظره لها) : هلا
ليالي : شنو تشتغل
جاسم : محاسب في شركه
ليالي (في نفسها) : ياربي وش هالخبل أنقلبت الآيه بدل لا يسأل أسأل ( طالع لأبوها وهي تهز راسها لا وألتفت له) جاسم كم وزنك
أبوها (أنصدم منها وكتم ضحكته) : ..................
جاسم : وزني 106
ليالي (حطت رجل على رجل) : لا لا بصراحه ما يصير كذا
جاسم : كذا كيف
الأب (يراقبها ويعرف حركات بنته ورحم جاسم) : ...............
ليالي : شوف إذا كنا بنتزوج بشرط بالعقد أن تنزل وزنك ما ابي تآكل نشويات ولا دهون أبي تسوي رجيم
جاسم : رجيم
ليالي : أيه رجيم شوف تروح لدكتور غذاء وتغذيه وسوي لك برنامج وبصراحه (شافت قدامه صحن كيك) لا تآكل من اليوم أحسن صوم ترى الصوم اجر
جاسم(فتح عيونه) : صوم بس رمضان توه
ليالي : وش رمضان لازم يعني الصيام في رمضان
جاسم ( نزل عيونه يوم شافها تطالع له) : حاضر
ليالي (حطت يدها على رقبها كأنها تخنق نفسها وأهي تطالع لأبوها) : ...................
الأب (وقف) : احم ليالي تقدرين تروحين
ليالي (وقفت ومدت يدها لجاسم هي عارفه ما راح يسلم بس حبت تحرجه) : مع السلامه (شافت جاسم وقف وطالع لها وطالع ليده ) ما تبي تسلم ترى السلام لله ويدي نظيفه
جاسم : هاه إلا
ليالي (شافته مد يده رجعت يدها) : يووووه ما يجوز منت محرم لي (وفي نفسها) وجعله ما يصير والله أكرهك في نفسك
جاسم (أنحرج وعرف ان حركه منها سكت وجلس) : ....................
ليالي : مع السلامه
الأب (قرب من جاسم) : هاه جاسم وش رأيك
جاسم (وقف) : والله يا عم أتشرف في نسبكم
الأب : ترى ليالي تمزح في سالفة وزنك
جاسم : ههههههه عاد صدقتها كنت بنفذ شرطها مع أن امي تقول دايم جسمي حلو
الأب (طالع لجسمه وفي نفسه) : كل هالدهون والتراكمات تقول عدل اللي يعينك على ليالي
البنات : هههههههههههههههههههههههه
ليالي : أضحكوا والله سمين يا أخي أخاف اجلس معه على الكوشه تميل اذا صار لنا نصيب وجعله ما يصير بحط كرسيين مو كرسي يا ناس أخاف يجلس جنبي اشوف نفسي واصله للسقف
البنات : ههههههههههههههههههههههههههههه
منى : بسك وربي بطني يوجعني قومن نزلت عشان موعد الطقاقه تبدأ وقولن لصاحبة الدي جي تجهز أغنية عذاري
عذاري : والله نسيت سالفة دخول سليمان مع سوالف لولو
فرح : وردت تتوتر شوفوا
البنات : هههههههههههههههههههههههههه
عذاري (ألتفت لمنى) : مناي طلعي البنات
منى : هههههههههه برا يالله
البنات : ههههههههههههههههههههههه
نزلن البنات وشافن الجوهره تصدع مع خوله
ليالي : وصلن العرايس
خوله (ماسكه عباتها) : أيه بندخلهن مع الباب الثاني
سمر : شخبار مي
الجوهره : انا بسبقك عشان بندر
خوله : اوكيه ( ألتفت لسمر) شوي متضايقه وخايفه بس ما عليها
سمر : وعهد
خوله : لا عهد أحسن شوي لو تشوفينها مرتبكه (طالعت للساعه) ما بديتن رقص
ليالي : هذا حنا بننزل
خوله : طيب 10 دقايق ونزف عذاري عشان سليمان بيدخل
فرح : بنجهز كل شيء
خوله : بصعد اشوف مي هالبنت قلبي ذابحني عليها
نزلن البنات واتجهن لصاحبت الدي جي تجهز الأغاني وشافن رغد أخت مشاري تقرب لهن وسلمت عليهن
فرح : ما توقعت تحضرين
رغد : ليه
فرح : عرسك بعد أسبوعين
رغد (بحياء) : عادي ما حبيت افوت عرس مي وبعدين ملكة خالي فديته
سمر : قولي بتشوفين وش الجديد عشان عرسك
رغد : ههههههههه والله الأثنين
ليالي : الله يهنيك (حست بيد على ظهرها ارتعشت وألتفت وانصدمت لما شافتها) هنادي
هنادي (تتأمل ليالي بنظره تفحصيه ) : واااو روعه
ليالي (شافتها تقرب تبي تسلم أبعدت راسها شوي) : هلا هلا
هنادي (طالعت للي معها) : جميل أعرفك بلولو
البنات (تبادلن النظرات ويطالعن لها بأشمئزاز) : .................
رغد (بهمس لسمر ) : جميل هذلن استغفر الله
سمر : أيه شوفي مسويات نفسهن عيال جميل وهادي هذي اسمائهم
رغد : تعرفينهم
سمر : يخسون بس هذلن مع لولو في الكليه اسمع عن هنادي بس اول مره اشوفها (ألتفت لليالي اللي ابعدت يد هنادي عن خدها وكشرت)
ليالي (صرت على ضروسها) : حركه زياده من حركتك هذي امسح فيك بلاط الصاله فاهم
هنادي : تؤ تؤ تؤ لا يا عسل
جميله : بصراحه ذوقك واو يا هادي
هنادي (غمزت لها) : ما في أحلى من ليالي بس لو شوي يلين راسها
البنات (فتحن عيونهن على وقاحتها) : ..................
ليالي : انتي من دعاك للعرس مو خابره اني عزمتك انتي وهالأشكال
هنادي : عزمت نفسي بنفسي مكان انتي فيه أموت فيه
ليالي (قربت ومسكت هنادي من زندها بعصبيه) : أسمعي
البنات وقفت قدام ليالي بحيث أن محد ينتبه لها مثل السد عن المعازيم رغد وفرح وسمر اللي حطت يدها قدام صاحب هنادي لما كانت تبي تتقدم ونظرت لها بنظره وقفتها عند حدها
ليالي (كتمت عصبيتها واهو تطالع لهنادي) : شوفي أنا انسانه ماني راعيه حركات مثلك أخاف ربي وأراعي اهي وسالفة وقفتك لي وكلامك الوصخ مثلك اللي ترمينه لي في الكليه وانا اتعوذ من الشيطان ولا كان آكلتك التراب اللي ندوس عليه وعلمتك قدرك وجايه لعرس عائلتي وجايبه كلبه مثلك تبينها تشوف ليالي وذوقك في الأختيار لا زودتيها أنا ليالي إذا ما عرفتيني اسألي عني أقدر أعلمك قدرك ومن انتي بس ماني حابه اوصخ يدي فيك بس (خزتها) هالمره بس هالمره بخليك تمشين على رجليك وبخاف ربي فيك ولكن والله لو فكرتي في ليالي بأفكارك الغبيه لأخليك تنسين حليب أمك واللي اهلك ما عرفوا يربونك بنت سعد تعلمك التربيه على اصولها وألحين شفتي الباب اللي دخلتي منه تطلعين منه ولا اشوفك هنا
هنادي (بعد ما تركت ليالي يدها أبتسمت) : اموت في العصبي
ليالي قربت بعصبيه بس فرح وقفت بينهم وسمر أتجهت لهنادي ووقفت قدامها
سمر (دفتها بكتفها بشويش) : برا لا اخلي الأمن يشيلونك انتي واللي معك ويرمونك برا
هنادي : ههههههه الله كل بنات عائله سالم حلوات لا ما اقدر
سمر : وكل بنات عائلة سالم يقدرن يمسحن فيك البلاط يالله فارقي
هنادي : بفارق (وأرسلت بوسه لليالي ) لنا لقاء وتشوفين انتي لي (مسكت يد جميله) يالله جميل
جميله (لما ابتعدن) : نطلع
هنادي : لا بنجلس بس في آخر الكراسي بعيد شوي أبي اشوف الحلوه ترقص تعالي
جميله : بصراحه ليالي روووعه آآه
هنادي (خزتها) : جميل
جميل (خافت منها) : أمزح أمزح عارف ما تحب احد يقرب من شيء انت عينك فيه
جلست هنادي وجميله يتابعن الرقص للي بدأ في فرح وسمر وليالي مع امهاتهم وشوي خوله رقصت معهن وميثه
جميله : هادي باين ليالي راسها يابس
هنادي : ليالي لي
جميله : ما فهمت
هنادي : قبل فتره انخطبت لولد عمها كنت بموت فكرت ان بتكون لواحد وانا أبيها اموت عليها وجلست افكر كيف اجيبها انا بمتلكها لي
جميله : طيب وبعدين
هنادي : سمعت ما تطابقن التحاليل وصراحه سويت حفله للكل على حسابها من فرحتي فيها
جميله (طالعت لها) : بصدق مالك يد في الموضوع
هنادي : هههههههههههه لا وش تفكرين فيه كيف اقدر اغير التحاليل
جميله (رفعت كتوفها) : كثير يصير في الفلوس
هنادي (تطالع لليالي وتمايلها بدلع) : ليالي لي وفي فكره في راسي بخليها مثل الخاتم بأصبعي
جميله : خاتم كيف
هنادي : بالسحر
جميله (بصدمه ) : ســــحـــر
انقطعت سوالفهم بتخفف الأضاءه و سماع صوت اللولشه والزغاريط والضوء اللي تسلط على باب الصاله وانفتح بدخول عذاري جنبها أم إبراهيم والناحيه الثانيه أم مشاري والبنات فرحن والورد ينثر على طريقها وصوت أغنيه يصدح في المكان وعذاري مستحيه كثير
يوم أقبلت أحلى عروس صابت الصاله سكون
عم اهدوء كل المكان والكل يناظر زينها
الناس من كثر الجمال ماهية مصدقه العيون
يحسبون أنها ملاك يوم رمشت في عينها
لولا خوفها على الحضور يصيبهم عشق الجنون
كآن ضحكت بشفاتها أو أشرت بيدينها
حرف العين بداية أسمها معطر بعطر الدخون
والذال ثاني حروفها معطيها بهجه مع شجون
الألف زودها حلات وزود حلا لسنينها
والراء اخر حروفها يعطيها فن من الفنون
الياء ختام لأسمها عذاري الله شزينها
الخير طير بقدومها غرد على كل الغصون
الخير كله ياملا في قلبها وفي أيدينها
الورد خدر في كفها من لمسه الكف الحنون
يذوب من لمسه أيدها وعطرها وحنينها
ومالوم أنا الصاله اذا صابها صمت وسكون
مادام عذاري هي العروس بنسكت ونطالع زينها
وصلت للكوشه وبعد 10 دقائق دخل سليمان معه أخوانها وأبوها فهد قرب وشافها تذكر أول مره شافها يوم كانت في بيت سهام حلوه بس اللي يشوفها قمر قرب وباس راسها وباركوا لها وصوروا معها وطلعوا وصلت أمه اللي ربته وسهام ورغد شايله الشبكه لبسها وأهو فرحان وما نزل عيونه منها واهي مرتبكه من نظراته همس لاخته يبي يجلس معها بس قالوا له ما في مكان في غرفتين والعرايس فيها اهو تضايق يبي يجلس يسولف معها قالت له أم إبراهيم وأهي تتعذر منه يقدر يشوفها بأي وقت بس صعب ألحين ما آخذ ربع ساعه وطلع وصورتها انحفرت في قلبه وأخيرا صارت له
بعد طلعت سليمان رجعن البنات للرقص وعذاري معهن واهي مستحيه
أما في صالة الرجال
سالم وناصر قايمين في العرس ما شاء الله وفيصل جالس وجنبه ابوه وسطام جالس بهيبته ووقار سنه ومعه جماعته كان الحضور ما شاء الله كبير بسبب ان عائلتين مختلفتين وعريسين
سالم (يجلس مع ناصر) : يوووه وربي تعبت
ناصر : اسكت رجولي توجعني أففففف وهذا سطام ما كلفوا معارفه يساعدون
سالم : مالت عليك شوف كل واحد مرتز وتقول ما همهم العرس
ناصر : سلوم شوف جسوم وصل
سالم : تصدق كنت احبه بس كرهته
ناصر : حرام عليك هذا النصيب
سالم : راضي بس والله فكرت ان بتكون لغيري للحين بتذبحني
ناصر(بيغير الجو) : سلوم تذكر وش كنا نسوي فيه قبل
سالم : هههههههههه مع ان كان اكبر منا سنتين وكان عمرنا وقتها 11 واهو 13 بس نقدر له
ناصر : لا محد يقدر له غير ليالي
سالم : مسكين كان ترسله لامه يجيب لها بطاط ويقول له ولما تشوفه يآكل وتبي اللي معه تجلس جنبه وتآخذ اللي يآكل منه وتخليه يركض في الحوش يخفف تقول السمنه تذبح
ناصر : ههههههههههههههههه أيه ولما امي حمده تهاوشها تقول يمه آخذ فيه أجر شوفيه برميل متحرك
سالم : جسوم يكره الماء ما يعرف يسبح تذكر وش سوينا فيه لما قال ان ليالي تآخذ أكله وأمه هاوشتها وأبوك عصب عليه
ناصر : ما أقدر انساها حرام رمته في المسبح وقالت في أمك خير أسبح ولما خفنا يموت الولد وطلعناها انا وانت واهو شرق في الماء
سالم : قلت نبي نسوي له تنفس صناعي
ناصر : خفنا نسوي له يشفطنا من كبر فمه ونختفي في بطنه
سالم وناصر : هههههههههههههههههههههه
ناصر : واللولو ما قصرت فيه جلست على بطنه ومن قوة الجلسه طلعت نافوره ماء من فمه تعرف حركة ليالي تمد يدها له عشان يسلم وبعدين لما يمد يده تبعد يدها تقول منت محرم عشان تحرجه ولما يسألها ليه عيال عمك تقول محارم عادي واهو يموت من الاحراج
سالم : ههههههههههههههههههههه كان آخر مره نشوف في الرياض
ناصر : عافها المسكين وكرها
سالم (نزل عيونه بحزن) : ويا خوفي آخر مره أشوف ليالي فيها
ناصر(حط يده على كتف سالم) : هونها وربك يعوضك
سالم : متى تبون تمشون بكره
ناصر : بصراحه راح نمشي متأخر على الساعه 10 وعمي أبو خالد يمشي قبلنا 9:30
سالم : ليه
ناصر : بيروح أبوي وليالي يسوون التحاليل عشان زواجها
سالم (يوقف) : اها الله يسعدها بروح أسلم على جسوم
ناصر(في نفسه) : والله تتمنى ترميه في المسبح ولا يطلع منها هههههههههههه الله يعوضك يارب
عند فيصل وفهد ..
فيصل : لا تجلطني
فهد ( جالس جنبه) : فصول خلك في عرسك وعروسك
فيصل : يا فهد والله حرام انت حب ما تحبها حتى ما تميل لها
فهد : قل عناد لعانه قل خباثه بس بكره هي لي
فيصل : خالك مو غبي وأبوك قال له أن تراجع عن الخطبه
فهد : هههههههههههه صح بس فهد مو هين (ألتفت لسطام ورجع يطالع لفيصل) وووع وربي ما بلعته هالنسيب
فيصل : أسكت صار له ساعه يبي يطلع يقول بس زفونا
فهد (يطالع ساعته) : حمار وش يزفونكم تو الناس شنو دجاجه يبي ينام
فيصل : لا مو زفونا يزفونه اهو لوحده
فهد : يا أخي شف كيف جالس ولا بشته تقول من سنة جدي
فيصل : ههههههه الظاهر أن بشت اللي لبسه في عرسه أول يا اخي يفشل
فهد : ووول حافظه كل هالسنين هههههههههههههه
فيصل : لو ادري أن هذا بيكون معي بعرسي لأجل عرسي سنين وربي يحرجني بحركاته مع المعازيم
فهد : هذا وجه قصر وصاله أفراح هذا عشه وينذبح خروف فيها ويروح لبيته
فيصل : ههههههههههههههههههه بسك اكلت الرجال
فهد : أستغفر الله
فيصل : صدق طلعت التحاليل
فهد : أيه جاهزات
فيصل : متطابقات ولا متلاعب فيهن
فهد : لا والله متطابقات
فيصل : كيف سويتها وأبوك ما عرف
فهد : شوف اللي صار أني سمعت أبوي يقول لوضحه نبي نسوي التحاليل عشان أبوك طلب ولحقتهم للمستشفى ولما طلعوا اتصلت على مشاري وقلت له اني مواعد أبوي هنا أسوي تحاليل عشان خاطب بنت خالي وطبعا الكل سمع بسالفة الخطبه وقلت له تأخرت و أهم سبقوني وسوها قال أنه موجود تعال يخلص كل شيء وطلبت أن يكون تحليل لوضحه لوحده لان أبوها طلب تعرف مشاري طيب ولا يسأل عن شيء ويحب يخدم وقلت تكفه لو طلعن يتصل علي ما ابي اتعب ابوي وفعلا لما طلعن أستلمتهن وتحليل وضحه وصلتها له على أن مشاري عطانيها في مجلسكم
فيصل : لا لا داهيه الله يستر على الوضحه
فهد : ههههههههههههههههههههههههه
فيصل : وتضحك
فهد : بكره خليفه يملك وبعد عرسه وانا بكره ملكتي وتمنيتك معي
فيصل : والله بسافر لمكه وبعدها بسافر أسبوعين
فهد : بصور لك عقد الزواج
فيصل : ههههههههههههههه مو صاحي
فهد : شوف شوف بندر يكلم سطام الظاهر طفش منه يبي يزفه
فيصل : إلا قل يبي يفتك منه ومن حنته حشى كانه ما عمره أعرس وشاف حريم
فهد : ههههههههههههههههههههه
فيصل : سكر فمك الكل يطالعنا ههههههههه
فهد (يكتم ضحكته) : بسكت هذا مرزوق دخل بروح أسلم عليه
فيصل : روح هههههههههههه
بندر وسطام ..
سطام : يا أبو شوق الوقت تأخر
بندر(كتم غيضه) : سطام تو الناس البنت بنزفها ألحين بعد ربع ساعه تقدر تآخذها
سطام : انا قايل ما تدخل على الحريم
بندر : معليه مي مثلها مثل كل البنات ما راح تجلس كثير وأنت مثل ما طلبت ما تدخل على الحريم انا أدخل واطلعها
سطام : 10 دقائق وبعدها نطلع
بندر (أبتسم غصب) : حاضر أسمح لي بشوف خالي يأشر لي (في نفسه) أفففففففففف وش هالبلوه
إبراهيم (قرب منه) : وش فيك
بندر : سطام الزفت تخيل يبي نزف مي له ألحين
إبراهيم : مهبول مي ما دخلت للحين للصاله نطلعها على الساكت
بندر : أسكت والله كنت بتوطى في بطنه الزفت
إبراهيم : اهدى وين تبي تروح
بندر : بندخل مي وبعدها بطلعها عشان مصمم يمشي
إبراهيم : إلا مو مسافرين أهو ومي
بندر : لا يقول ما يقدر يسافر مشاغل
إبراهيم : الله يعين مي
بندر : قول الله يسامح أمي اللي بلتنا في واحد كذا ولا مي العسل يآخذها واحد مثل هذا والله مقهور يا إبراهيم
إبراهيم : اهدى ويالله روح أبوي وعمامي وجدي ينتظرونك عشان مي
بندر : الله يهينها
عند البنات ..
الجوهره : وش فيك على جوالك من اليوم
ميثه (منحرجه) : هذا خالد
الجوهره : ههههههههه اليوم ترجعين له
ميثه : أيه
الجوهره : الله يهنيكم
ميثه : يقول مسوي لي مفاجئه
الجوهره (غمزت لها) : أحلى مفاجئات
ميثه : جوجو ما في نونو على الطريق
الجوهره : لا
ميثه : خير في شيء وجهك تغير
الجوهره : بصراحه بندر طلب آخذ موانع يقول ما يبي طفل بهذا الوقت
ميثه : ليه ما عرفتي ليه
الجوهره : يقول شوق كفايه له وان ننتظر سنه ولا سنتين
ميثه : بس
الجوهره : والله بس هذا قال لي وانا علي اطيع (أنتبهت لخوله تأشر لها ) بشوف خوخه وش تبي
ميثه : تفضلي (رن جوالها محبوبي الغالي يتصل) ألو
خالد : احلى ألو هلا وغلا
ميثه (أبتسمت) : هلا بقلبي
خالد : آآه يالقلب مشتاق لك
ميثه (بحيا) : تسلم
خالد : ميوث متى تطلعين
ميثه : وش اطلع تو العرس
خالد : انتي قلتي لعرس اختك
ميثه : أيه صح بس وش يطلعني حتى مي ما أنزفت للحين
خالد : عمامي وجدي وبندر بيزفونها ألحين وبعد ما تطلع تطلعين لي
ميثه (شهقت) : وش طلع
خالد : مالي شغل أتفقنا لعرس مي ومي انزفت ماله داعي تجلسين طلعي أي حجه واطلعي لي
ميثه : خالد
خالد : بعد نص ساعه اطلعي
ميثه (شافت الجوال ) : سكر يمه منه وش اسوي (شافت خوله متجهه لها) زين جيتي في وقتك
خوله (مسكت يدها) : قومي بنزف مي
ميثه : ألحين تو الناس
خوله : وش نسوي عريس الغفله طلب
ميثه : وش على كيفه وبندر ليه ما رفض
خوله(ماسكه فستانها خايفه تطيح) : رفض بس الظاهر فشله
ميثه : طيب خالد يقول لي بعد نص ساعه أطلع
خوله : نص ساعه والعرس
ميثه : يقول مالي شغل انزفت مي خلاص
خوله : صدق ناس مو صاحين هالرجال
ميثه : وش أسوي
خوله : وش تسوين مالك إلا تطيعين بعد ما تطلع مي طلعي له الله يهنيكم
ميثه : طيب اهو يقول عن مفاجئه تعرفين عنها
خوله (أبتسمت وبخبث) : أعرف بس حلفني ما اقول
ميثه : عمه
خوله : كيف تكون مفاجئه إذا قلت أصعدي شوفي مي وانا بجهز الأغنيه ( أتجهت لصاحبه الدي جي ) مروه
مروه : اهلين ست الكل
خوله : جهزي زفت العروس
مروه : من عيوني
خوله : تسلم عيونك
بدأت زفت مي اللي ترتجف وأهي ماسكه يد بندر اللي معوره قلبه عليها وماسك يدها ومتجه معها للكوشه اللي سبقه لها جده وخواله ويشوف خوله تعدل لمي فستانها المنفوش وتحس تبي تبكي واهي تشوف نظرت الخوف في عيونها ودمعه حايره على جفنها أرتباكها لدخول حياه جديده
سلام ناقى ذهب وألماس
وشموع الافراح قد ضاءت
الليله فرحه لكل الناس
واشواق الاحباب قد بانت
عروسنا تاج فوق الراس
والطيب والذوق لاقالت
اللى تنافس طلوع الشمس
بالزين ياناس لو مالت
ياناس احلى عروسه وبس
ياحظها بالوفا نالت
عريسها يحمل النوماس
يازين ماختار واختارت
عفيف والطيب متأسس
اللى له الصيد قد دانت
معروف مثل العلم نبراس
راعى المواجيب لو صارت
كانت خطوبه نهار الامس
واليوم الافراح قد فاضت
ونقول مبروك واستئناس
وعين الحسد عنهم غابت
وصلو على خير كل الجنس
لقلوب فى الحب مازالت
يالله ياللى بيدك النفسا
للى لك عيون مانامت
تمم لنا فرحنا والانس
وقلوب الاحباب قد طابت
جلست مي بعد ما سلمت على خوالها وجدها ومسكت نفسها لا تبكي واهي تتمنى لو أبوها معها طلعوا العمام وبندر وبدأ الكل يبارك لها واهي تبتسم والخوف بقلبها متملك ما حست في الدقائق وشافت خوله تبلغها لازم يطلعون عشان سطام هنا ما قدرت توقف حست برجفه بجسدها أمها قرب خافت عليها
مي (بهمس ) : يمه ما اقدر اوقف
الأم : بسم الله عليك سمي بالرحمن يمه
خوله : مي هذا خوف بس
مي : من يروح معي أخاف يمه
الأم : انا بروح معك (مسكت يدها ) يالله يمه
مي (وقفت بصعوبه) : لا تخليني يمه
الام : ما اخليك يا قلب أمك
طلعت مي وشافت سطام واقف جنبه خوالها وبندر والجد اللي يوصونه عليها وتحس أن راسم الأبتسامه غصب وممكن ينفجر اتجهت لسيارة بندر ركبت بالخلف وأمها قدام وسطام جنبها رجفت لما كتفه لامس كتفها وغمضت عيونها ونزلت دمعتها حقيقه متجهين لبيته بتكون لوحدها معه ما عندنا احد لا حضن امها ولا حضن اخوها ولا حنان عمتها ولا حب أختها
نرجع للقصر ..
ميثه (تآخذ عباتها وتسمع جوالها يرن ) : يووووه خالد يربكني
منى (حاطه يدها على بطنها) : وش فيك
ميثه : خالد يبي اطلع له
خوله (دخلت الغرفه) : ميوث يالله خالد برى
منى : كأن العروس ميثه مو مي
خوله (غمزت لمنى) : الشوق ذبحه وما صدق رضت
ميثه (بحيا ): بس
خوله : يالله انزلي
منى : خوله نادي لي نجود تكفين
خوله : حاضر
منى كانت تتوجع وما قدرت تكتم اكثر ودخلت نجود وشافتها
نجود : وش فيك
منى : بطني تكفين أتصلي على سالم بروح للمستشفى
نجود (تآخذ جوالها) : قلت لك بس عنيده
منى : امممممممم
نجود : ألو سالم
منى : قولي له لا احد يعرف
نجود (بخوف) : طيب طيب سالم تعال لنا من الباب الخلفي منى تعبانه ونبي نوديها للمستشفى ...... لا لا تقول لاحد يالله بنلبس العبايات ونطلع (سكرت الجوال ) منى تقدرين تمشين
منى (غمضت عيونها) : أيه عطيني عباتي يالله
نجود : بنطلع محد ينتبه لنا لانه يجهزون لزفة عهد وفيصل والكل مشغول
منى : احسن ما ابي احد يعرف ويخافون آآآه
نجود تلبس منى عباتها وتلبس وسندتها وطلعن من الصاله من الباب الخلفي وقرب سالم وشاف منى تتوجع وما قدرت تمشي أخذ العكاز وعطاه نجود وشالها ودخلها السياره وركبت نجود وشغل السياره واتجه للمستشفى رن جواله
سالم : الو
مشاري : سالم اللي معك منى
سالم : ايه
مشاري : شفتك تشيلها وش فيها
سالم : مدري اتصلت على أختي أم محمد وقالت تعبانه متجهين للمستشفى
مشاري : طيب انا بتصل بالمستشفى بعطيهم خبر وبلحقك
سالم : حاضر
وصل سالم للمستشفى واهو يسمع انين منى وقف السياره وشاف سرير مجهز فتح باب منى وشالها وحطها على السرير دخلوها غرفه فحص ونجود وسالم انتظروا بخوف خارج الغرفه ويقولون الله يستر ونجود خايفه تجهض شافوا مشاري يدخل
مشاري : وش صار
سالم : لهم 10 دقائق
مشاري : انا بدخل لهم
سالم : رفضوا نجود تدخل
مشاري : انا دكتور ومسموح وهذي زوجتي
أنفتح الباب وتراجع مشاري لما شاف الدكتوره وممرضه
دكتوره هناء : دكتور مشاري
مشاري : دكتور طمنيني على المريضه
دكتور هناء : تقرب لها
مشاري : زوجتي
دكتور هناء : أها طيب ندخل الغرفه نتكلم
مشاري (أشر لسالم ينتظره) : تفضلي
دخل مشاري مع الدكتوره هناء
مشاري : طمنيني
دكتوره هناء : هي مجهده ونزفت دم شوي
مشاري : بفقدت الجنين
دكتوره هناء : لا بالوقت الحالي
مشاري : يعني الجنين بخير
دكتوره هناء : أحنا حنسيبها تحت الملاحظه 24 ساعه وحطينا لها مغذي في الوريد وهي نايمه بعد ما آخذت دواء
مشاري : وبعد 24 ساعه
دكتور هناء : حنعمل لها سونار عشان الجنين نتاكد منها
مشاري : يعني أحتمال اجهاضها
دكتوره هناء : بصراحه أحتمال كبير
مشاري : دكتوره أبي أطلبك طلب لو سمحتي
دكتوره هناء : انت تأمر
مشاري : أبي إذا كان الجنين بخير تتركين منى أسبوع هنا
دكتوره هناء : أسبوع كتير مش محتاجه أكتر من يومين
مشاري : عشاني لو سمحتي أسبوع واحد
دكتوره هناء(أبتسمت) : حاضر اسبوع عشان خاطرك
مشاري (يوقف) : مشكوره
دكتوره هناء : العفو
مشاري : حاب أسألك قبل اطلع سؤال
دكتوره هناء : أيه
مشاري : حمل منى من متى
دكتوره هناء : ما فهمتش
مشاري : يعني كم صار له
دكتوره هناء : اعتقد أممم 6 أو 7 أسابيع كدا هي بالشهر الثاني
مشاري : اها شكرا
طلع مشاري متجه لأستقبال يبي يحجز لها غرفه خاصه وأهو يفكر
مشاري(في نفسه) : يعني كلامها صدق حملها صار في أول زواجنا وانا غبي أقول هي قاصدتها آآآآآآآآآآآه غبي بس اللي ابيه تنفذ أسبوع قدام عيني يا منى مو في بيت أبوك ما اقدر أوصل لك هههههههههههه هنا بجلس 24 ساعه لين يلين رايك وترضين عني ياني مشتاق لك عارف بتعصبين بس غصب عنك كفايه الفراق هههههههههههههههههههههه
في المستشفى ..
سالم (شاف مشاري متجه لهم) : نجود هذا مشاري
نجود : روح أسأله وش صار
سالم : حاضر (مشى لمشاري) هاه وش صار
مشاري : بيخلونها تحت الملاحظة الليلة وبكره ننقلها لغرفه خاصة حجزتها لها
سالم : ليه بتطول هنا
مشاري : أسبوع تقريبا لين نتطمن على وضعها هي والجنين
سالم : أسبوع
مشاري : إيه وتقدر تروحون أنت وأم محمد ما قصرتوا
سالم : ومنى
مشاري : أنا بكون معها لا تحاتي
ترك سالم اللي اتجه لنجود ودخل لغرفة منى قرب منها وباس رأسها
مشاري (أبتسم) : اشتقت لك ولهذا الوجه جاك قلب تحرميني منه بس هههههههه صرتي عندي والله ما أطلعك من هنا إلا على بيتنا وبعدها أعرف أردها لك من عيونك هالبعد ههههههههههههههههههههه
سحب كرسي ونزل شماغه وعقاله على الطاولة وفك زرار ثوبه وجلس يتأملها يتمنى تصحى بس متى
نترك مشاري مع حبيبته ونرجع للعرس
سمر (جابت ماء) : يمه تعوذي من الشيطان منى بخير
الأم : وليه ما قالوا كان رحت معهم
سمر : يمه شربي وتعوذي من الشيطان نجود في الطريق ولما سألتها قالت أن ما حبوا فيصل ينزف ولا يشوفك معه
الأم : فيصل ما عليه شر بس منى لها كم يوم والله قلبي نغزني
خوله (دخلت الغرفة ) : لا حول ولا قوة إلا بالله يا أم إبراهيم وش فيك منى مالها شر
الأم : كنت تعرفين أنها بتروح
خوله : لا والله قالت لي أنادي نجود واللي عرفت طلعوا من الباب الثاني
الأم (طالعت سمر) : أحلفك وش قال سالم
سمر (تجلس جنب أمها وتحط الماء على الطاولة) : يمه والله قال إن مشاري عندنا مهتم فيها ويبون ينتظرون 24ساعه عشان الجنين
الأم : وليه نجود ما نامت عندها يمكن تحتاج شيء
سمر : مشاري قال أنا بنام عندها لا تحاتونها
نجود (دخلت ورمت العباه) : السلام عليكم زفيتوا فيصل
الكل : وعليكم السلام
الأم (وقفت) : وش أخبار أختك
نجود(تبوس رأسها) : بخير يمه وبكره نقدر نزورها (ألتفت لسمر) فيصل زفيتوه
سمر : كنا بنزل نزفه بس لو سأل عن منى وش نقول
خوله : نقول رجلها توجعها وتبارك لك ورجعت للبيت
الأم : خلينا نزفه بطلع بعد زفته للمستشفى
نجود : ليه يمه منى بخير ورجلها عندها
الأم : بتطمن عليها
نجود : طيب نزف فيصل وبعدها يكون خير بس بعدل مكياجي وانزل خلوها تحضر الزفة
خوله : أنا بروح لعهد أجهزها نزلي أنتي قبلنا
سمر : حاضر
نزلت سمر وشافت أم سيف جالسه مع بناتها وبناتهن ابتسمت لهن وأتجه للدي جي حست في أحد يمسك يدها ألتفت وابتسمت
سمر : هلا هجوره
هاجر : سمر حابه أكلمك في شيء
سمر : أوكيه بس بقول تجهز لي زفة العروس
هاجر(طالعت ليد سمر) : هذا جوالك
سمر : أيه
هاجر : طيب ممكن تعطيني شوي
سمر (شافت جوال هاجر معها) : ليه جوالك فاضي شحن
هاجر : أممم بصراحة حابه أرسل لك شيء قصيده بس تسمعينها وتقولين لي رأيك
سمر : هههههههههههه من صدق تتكلمين
هاجر : من صدق
سمر : موقفتي عشان أغنيه مدري قصيده
هاجر : حبيت تسمعينها اعرف ذوقك حلو وتقولين لي إذا حلوه بهديها وحده عزيزة علي
سمر : كيف يعني
هاجر : هي صاحبتي القريبة وعرسها بعد فتره بهديها لها قصيده للعروس مني بطلب من شخص يلقيها بصوته
سمر : اها فهمت اوكيه خذي هذا جوالي أرسليها ولما تخلصين أنا عند الدي جي
هاجر : طيب بس بليز لا تفتحينها إلا في البيت أبي تسمعينها مروقه
سمر : هههههههه من عيوني اوكيه بروح سي يو
هاجر : سي يو ( في نفسها) يالله سترك لا تزعل
سمر : لو سمحتي جهزي الزفت 5 دقائق ونزفها
مروه (دي جي) : حاضر
سمر (ألتفت لهاجر) : خلصتي
هاجر : أيه بس بطلب منك شيء
سمر(ابتسمت ) : لك عيوني
هاجر : تسلم عيونك بعد بكره عندنا عشاء في البيت لبنت عمتي بشاير تمايم ومثل ماني عارفه كل بنات بيروحون للقرية كم يوم حابه تحضرين وهذي دعوه خاصة لك من أحم أحم هاجر بنت سيف
سمر : هههههههههههه يالغرور
هاجر : يحق لي هههههههه هاه وش قلتي وأبي وعد منك تحضرين
سمر : مدري والله
هاجر : بليز سموره تعالي توسعين صدرك وأوسع صدري بطفش جالسه لوحدي ما في عمري أحد
سمر : يا قلبي بشوف بس ما أوعدك
هاجر : لا لا اوعدي عشان ما تتراجعين
سمر : ههههههههههههههههه كيف أوعدك يمكن أمي ما ترضى
هاجر : لا بخلي جدتي تكلمها بس تعالي
سمر : خلاص لو أمي وافقت بجي زين
هاجر : وعد
سمر : وعد بس خليني أجهز الزفة
هاجر : المهم وعدتي يالله بروح عند أمي باي
سمر : باي
ليالي (تمشي لسمر) : سمسم
سمر : لبيه يا قلب سمر
ليالي : ههههههههههههههه فديت هالقلب بسألك منى كيفها
سمر : بخير زوجها عندها
ليالي :( انتبه لوحده تأشر خلف سمر ) سمر عميمه تأشر لك
سمر (ألتفت لخوله وأشرت لها وبعدها ألتفت لمروه) : قولي في المايك إن العروس بتدخل ومعها رجال يتغطن
مروه (تأخذ مايك) : العروس حتدخل أتغطوا يا ستات .. العروس حتدخل أتغطوا لو سمحتن في راجل حيدخل
سمر (مسكت طرف فستانها) : أنا بروح لعمتي
ليالي : بروح ألبس عباتي
سمر : اوكيه (اتجهت لخوله الواقفة) هلا عمه
خوله : شوفي بيدخل فيصل أول مثل ما اتفقنا
سمر : هههههههه شكله بيكون تحفه بيستحي
خوله : ههههههههه لا تحاتين بكون أنا ونجود معه وعهد معها أمك وأمها
سمر : روعه (أشرت لمروه تبدأ الأغنية) الله يهنيهم
خوله : أمين
الحريم كانوا يتوقعون أن العروس بتدخل ومعها رجال بس لما شافوا فيصل يدخل وعلى يمينه نجود وعلى يساره خوله تساؤلات من هذا بعد فتره خفت التساؤلات لما عرفوا انه المعرس
(ملاحظه سكوبه : على فكره هالحركه صارت في زفاف عندنا وحبيت أسويها دخل المعرس وبعد فتره دخلت العروس وأستقبلها اهو في نص الصالة بدل هي تنتظره ^_^)
يا مرحبا باللي عرسه اليوم
زيد الأفراح بوجوده
معرس يا شيخ العرب والقوم
ربي عسى يشوف مولوده
عشنا الشموخ اللذي على الأرض يمشي
أقبل هلا بك يا هلا ومرحبا
معرس وشيخ للنسل الأجوادي
أقبل هلا بك يا هلا ومرحبا
يا مرحبا في اللي عرسه
اليوم تزيد الأفراح في وجوده
يازين البشت علي راعيه
وعلي اللي باللي دزه بيه
يا خيال للراعبين
ولا يقطع رجاء امه فيه
ويارب يانعم الولي
يليق له البيت الزهي
( هذي زفة لبلال الشامي اسمها شيخ الرجاجيل كتبت الكلمات أنا يمكن فيها خطأ السموحه بس سمعوها روعه ^_^ )
فيصل (بهمس) : إحراج الكل يطالع لي ليه رضيت بكلامك يا نجود
نجود : ههههههههه ارفع راسك لا تطيح وبعدين وش حلوها جديدة دائم العروس تدخل بس بنغير
خوله : والله حلوه يا فيصل بس ارفع راسك نصور أحنا
فيصل : والله فشله
نجود : فيصل أرفع نبي صور حلوه لك
فيصل : خلن الصور بعدين (رفع نظره وشاف سمر قدامه ترقص واهي تبتسم وقف وأبتسم لها) سمسم
سمر (ترقص قدام أخوها وتهمس لها) : ألف مبروك نلت اللي تتمنى
فيصل (قرب منها وضمها) : يبارك لك
سمر (باست رأسه على العقال عشان الروج ما يطبع) : تتهنى يارب (مسكت يده) أنا بزف معرسنا
نجود : زفيه
سمر (أشرت لمروة) : هذي لك
مروه (بالمايك ) : هذي إهداء بسيط خاص لمعرسنا فيصل فهد من أخته وآخر العنقود سمر ونقول لك ألف مبروك
ياحّبي له ولا غيره وفا لقلبي .. ياحّبي له
عيوني له ولو يآمر على روحي .. البي له
وفاه لقلبي ما انساه .. هذي الدنيا ماتسواه
ولاغيره يعوضني .. من يقدر يطول خطاه
وشهو اغلا من الوفا .. في زمن برد وجفا
واجتمع شوق وغلا .. قلبك لحبك صفا
انت عيني لا بكت .. وانت روحي لا ضحكت
انت كلي يا هوى .. انت شمسي اللي شرقت
---
انا ماانلام لو اهتميت انا وعانيت .. انا ماانلام
عيوني تنام الى من هم راح وزال .. عيوني تنام
غصب عني انا اهواه .. غلاه القلب ما اقواه
ما يرخص هواه بيوم .. اشوفه دنيتي والله
وشهو اغلا من الوفا .. في زمن برد وجفا
واجتمع شوق وغلا .. قلبك لحبك صفا
انت عيني لا بكت .. وانت روحي لا ضحكت
انت كلي يا هوى .. انت شمسي اللي شرقت
---
لو تسري في هالدنيا خطاوينا .. لو تسري
انا ادري حبيبي يحن لي يشتاق .. انا ادري
عسى الله لا يجيب فراق .. وكل لحظه بها نشتاق
نعيش الدنيا ماندري .. إلا عن هوى العشاق
وشهو اغلا من الوفا .. في زمن برد وجفا
واجتمع شوق وغلا .. قلبك لحبك صفا
انت عيني لا بكت .. وانت روحي لا ضحكت
انت كلي يا هوى .. انت شمسي اللي شرقت
فيصل(همس ) : فديت أهل الذوق
سمر : تستاهل يالغالي وتستاهل عهد كل خير
وصلوا للكوشة ووقفت جنب فيصل وقربت منه خواته وعمته خوله وحريم عمامة المتغطيات وشاف جدته تسندها عذاري تقرب له ونزل من الكوشة عشان درجها ما تقدر تصعده وسلم عليها وباس رأسها وقربت عذاري وباست رأس أخوها
عذاري : مبروك يا خوي الله يهنيك
فيصل : يبارك فيك ومبروك لك يالغاليه (همس لها بخبث) سليمان يسلم عليك و قال لي أنا برجعها للبيت 5 دقائق ما جلست معها
عذاري (استحت وبعصبيه مصطنعه ) : فصوووول
فيصل : هههههههههه لا قلتي فصول أعرفك عصبتي أنا ترى معرس لا تنسين مو كف منيه ولا بقس بكره يقولون لي مرتك ضربتك
عذاري : ههههههههههههههه خلاص عفيت عنك
فيصل : ههههههههههههه مشكورة (ألتفت لجدته) هلا
الجدة (مسكت يده) : أسمع يا فيصل
فيصل : آمري
الجدة : حط البنت في عيونك خلك الأمان لها ولا تشوف مالها سند تظلمها ترى كلنا بيوم لو شفناها منضامه بنوقف ضدك
فيصل (باس رأسها) : أفااا يا جده هذي الغالية
جده : الله يهنيك يا ولدي عذاري رجعيني لكرسي
عذاري ( مسكت يد جدتها) : حياك يا جده
فيصل (يصعد للكوشة ) : نجود متى تدخلونها
نجود : ألحين بس كنا ننتظر لين تكلم جدتي وتسلم عليها
فيصل : نجود دخلوها ولا بطلع آخذها ولو تموتون ما رديت عليكم
نجود :ههههههههههههه طيب شوف الباب
فيصل (ألتفت للباب المسكر) : شنو
سكروا الباب وبدأ صوت عصافير ونهر وانعكست على الباب النور وصوت النورس بالصالة اشتغلت الأغنية
أنفتح الباب وعهد واقفة وجنبها كان فواز اللي لابس شماغ وعقال ولابس بشت (مشلح ) وأمها خلفها مع أم فيصل و فواز رفع النظر لها ومسك يدها واهو يبتسم ابتسمت له ومشت معه بهدوء على أنغام الزفة وبهدوء وكانت المصورة معها وتصورها
اميرة بـ طلتها .. اميرة بـ هيبتها .. اميرة وخلتنى بـ حيره
مثيره بـ مشيتها .. مثيره بـ هيبتها .. مثيره تسحر قلوب كثيره
الله الله ع الجمال .. اللي مثله ما نطال
الله الله ع الدلال .. صدق من سماها وقال
اميرة ..
واميرة والحلا فيها .. يزين كل معانيها
يعل ربي يخليها .. اميرة
اميرة يا الملئ دانه .. شرات العود رويانه
تجلّى ربي سبحانه .. اميرة
الله الله ع الجمال .. اللي مثله ما نطال
الله الله ع الدلال .. صدق من سماها وقال
اميرة ..
الله .. يا ناس يا خلق الله .. قلبي انجبر والله
وعنها ما يتخلى .. اميرة
شبكتي ايديك بايدي .. وصار اليوم دا عيدي
سيدي هـ الفرح سيدي .. اميرة
وصرتي حبي العذري .. عشقتك دون ما ادري
غلاك بخافقي يسري .. اميرة
اخذتي من القمر لونه .. اسرتي العالم وكونه
سحرتي القلب ياعونه .. اميرة
الله الله ع الجمال .. اللي مثله ما نطال
الله الله ع الدلال .. صدق من سماها وقال
اميرة ..
تحس بتوتر وخوف مع كل خطوه تتجه فيها للكوشة رفعت النظر وشافته واقف في هيبه حست أن ما فيه أحد بالصالة غيرها وغيره تحس بحضوره الطاغي ونظرته لها ولشكلها حست بإحراج ونزلت عينها واهي تبتسم وصلت للكوشة وشافت يده تنمد لها عشان سلم الكوشة طالعت له وابتسم لها وصلت للكوشة وعدلت سمر فستان عهد
فيصل (باس جبينها) : مبروك يا قلبي
عهد : الله يبارك فيك
أم إبراهيم (تقرب وتسلم عليهم) : ألف مبروك
عهد وفيصل : الله يبارك فيك
أم عهد (قربت وعيونها تدمع) : الله يهنيكم يا رب (طالعت لفيصل) أمانه يا ولدي عهد
فيصل : بعيوني يا يمه
نجود : فيصل اجلس عشان المصورة
فيصل (ألتفت) : وين منى
نجود : فوق رجلها شوي توجعها وقالت لي اسلم وأبارك لك
فيصل (بخوف) : فيها شيء
نجود : لا لا بس تعب بسيط
جلس فيصل وعهد وجابوا لهم عصير وشربها وشربته حطوا العصير و ابتعد الكل عنهم
فيصل : عهد وش فيك
عهد(طالعت له وبعدها نزلت عيونها) : سلامتك
فيصل : ليه الحزن بعيونك والدمعة بطرف رمش
عهد : تذكرت أبوي تمنى يشوفني معك
فيصل : الله يرحمه أنا أبوك وأخوك وزوجك وكل دنيتك
عهد (حست بيده على يدها) : الله يخليك لي
فيصل : ويخليك لي ويقدرني أسعدك
كان يشوف خواته وعمته خوله وامه يرقصون والكل فرحان ويقربن منه يرقصن وأهو يبتسم له أنتبه لعهد اللي سرحانة بس مو عارف وش فيها وسألها كذا مره واهي تقول بس تعب شوي ما ارتاحت من الصبح بعد فتره فيصل طالع لنجود وأشر لها وصلت له
فيصل : أم محمد بنطلع
نجود(طالع لعهد اللي نزلت رأسها) : فيصل تو الناس بدري
فيصل : لو سمحتي بنطلع
نجود : فيكم شيء
فيصل (رسم ابتسامه ) : أم محمد وش فيك أنا ما صدقت أشوفها وما اعرف أتكلم وهالناس تطالع لنا (وطالع لعهد) وعروستنا مهي عارفه تتكلم كلمتين على بعض مشتاق لصوتها
نجود : ههههههههه اها قول ما ألومك هالزين عندك ما تبي أحد يطالع لها غيرك
فيصل (غمز لها) : يا فاهمني
نجود : طيب بنحط أغنيه الطلعة
عهد : فيصـ..
فيصل (ولازال مبتسم) : بس
وقف فيصل ومسك يد عهد ووقفت معه كانت جنبها أمها وجنبه أمه وسمر تعدل لعهد الفستان وبدأت زفت خروجهم على أغنيه
مروه : عرسنا حنزفهم ودي أغنيه إهداء من المعرس فيصل لأجمل عروس عهد
عهد (طالعت لفيصل) : إهداء
فيصل (أبتسم وغمز لها) : أحلى عروس
شفتو الحلا .. اي شفناه
والا الغلا .. عرفناه
من شافه صلى وقال .. على النبي صلى الله
شفتو القمر .. اي شفناه
اللي حضر .. عرفناه
من شافه غنى وقال .. الله الله يا محلاه
ان قلنا الغلا ترى الغلا ماهو عادي .. ماهو عادي
وان قلنا الحلا ترى الحلا لها ينادي .. لها ينادي
الله يا طلتها .. بالهون مشيتها
رقه وحلاوه وذوق .. موزونه خطوتها
بعيونها والله شفت الغلا كله .. والغالي ياقلبي عنه لا تتخلى
اموره اموره .. ما مثلها صوره .. ظلت على هـ الناس والحفل وحضوره
والحفل وحضوره .. اموره اموره
اهي الغلا وحبي ترى وهي مرادي .. وهي مرادي
عمري ابتدا وليلي نسى الرقادي .. الرقادي
يا عيني ع الفرحه .. قلبي نسى جرحه
وحبيبتي تمشي .. ومن خلفها الطرحه
والورد بايديها .. زاد الحلا فيها
ورد وبايديها ورد .. ياربي تحميها
والحنه ع الكفين .. والعين احلى عين
كلنا نقول الله .. شـ الزين فوق الزين
حبيبتي تخزي العين .. شـ الزين فوق الزين
ما مثلها اثنين .. شـ الزين فوق الزين
جوي انا في قربها دوم هادي .. دوم هادي
في كل لحظه عشقها بزديادي .. بزديادي
يا قلبي وفروحه .. حبيت مملوحه
فيها الجمال يزيد .. ع الفجر ووضوحه
سبحان معطيها .. وبالحسن كاسيها
ما قد رأت عيني .. منهو يجاريها
تسلملي هـ الطله .. في بيتها والله
ياربي تسعدها .. ليا تخليها
ليا تخليها .. كل الحلا فيها
وصلوا لباب الصالة وأيديها بيده دمعت عيونها ونزلت دمعتها حست بيد أمها تمسك يدها ألتفت لها وزادت دموعها
عهد : يمه
فيصل (ترك يدها ) : ..............
عهد (ضمت أمها وبكت وهمست لها) : يمه
الأم : بسم الله عليك أهدي يمه
عهد : خايفه
الأم (باست جبينها) : لا تخافين وفيصل ونعم الرجال
عهد (ألتفت لفيصل اللي يكلم أمه) : فعلا (في نفسها) ونعم الرجال ويستاهل اللي أحسن مني آآآآه ليه مو قادرة أنسى لان حقيقة حقيقة
الأم : عهد بكره بسافر للشرقية
عهد (طالعت لامها) : لا تسافرين قبل أشوفك
الأم (ابتسمت) : لا تحاتين بسافر العصر وأنتي على كلام فيصل الساعة 2 طيارتكم لجده
عهد : لو رجعت تعالي يمه تكفين
الأم : بكون موجودة يالله زوجك ينتظرك
عهد (باست رأسها) : الله يخليك لي
فيصل (حط بشت على يدها وقرب لها ومد يده) : عهد يالله لبسي العباه وخلينا نطلع سالم ينتظرنا
عهد (شافت نجود تقرب لها تبي تلبسها عبايه العروس) : حاضر
سمر (مسكت المسكه) : الله يبارك لكم
أم إبراهيم : بكره بننتظركم على الغداء سامعين
فيصل : بأذن الله (ألتفت لعهد) يالله
عهد (طالعت لسمر وأبتسم) : المسكه لك عقبال ما أشوفك عروس
سمر (ابتسمت واستحت) : تسلمين
طلعوا بتوديع الكل للسيارة متجهين للفندق اللي حجزوه لهم جناح كامل مع سالم اللي يسوق السيارة وحولين السيارة زفه سيارات عيال عمه حوله يزفوه وفيصل يبتسم ويأشر لهم وحلفوا يوصلونه لين الفندق رغم أنه اعترض بس فهد حلف وقال ما في مثلي بالفرحة بحبيب قلبي
------------------------
في مكان آخر في بيت العروس الثانية ...
مي ضامه أمها وتبكي و أهي تشوف بندر يكلم سطام اللي باين وصل حده وبس يبيهم يطلعون
الأم : بس يا مي وش فيك رجلك بيقول عن طفله
مي (ورأسها على صدر أمها) : يمه تكفين خذيني خايفه
الأم : وش خايفه أنتي صرتي حرمه عيب لا يسمعك
مي (طالعت لامها) : تحبيني يمه
الأم(باست جبينها وابتسمت) : احبك والله
مي : ليه سويتي فيني كذا
الأم(استغربت) : وش سويت
مي (تبتعد عن أمها) : روحي يمه ما عاد ينفع الكلام
الأم : مي وش فيـ.. (قطع كلامها صوت بندر ألتفت له ) هلا
بندر (أبتسم) : هلا فيك يالله يمه نمشي خلي المعاريس يأخذون راحتهم
الأم (طالعت لمي قربت وباست رأسها) : مع السلامة
مي ( بدون لا تلتفت ) : مع السلامة
سطام يطلعون من الجناح حتى ما كلف نفسه يوصلهم لباب البيت شافها للحين معطيته ظهرها نزل البشت ورماها على الكرسي وشماغه وعقاله فك زرار ثوبه وقرب منها مي حست في خطواته وارتجفت صارت معه لوحدها حست فيه غريب وارتعشت لما حط أيديه على كتفها
سطام : وأخيرا يا مي صرتي في بيتي
مي (غمضت عيونها ونزلت دمعتها) : ......................
سطام ( لفها له يتأملها) : قمر يا مي
مي (بلعت ريقها واهي تشوف نظراته ) : سطام
سطام : أشششششش لا تكلمين بس أبي أطالع للقمر ( شافها نزلت رأسها) لا لا طالعيني
مي (ما قدرت ترفع رأسها استحت وخافت منه) : ..................
سطام : فديت اللي يستحي روحي غيري فستانك أنا عارف انه مضايقك وتعالي العشاء جاهز
مي : حاضر
دخلت مي غرفتها وسكرت الباب أنتبه أن ما في مفتاح للباب تنهدت و اتجهت للدولاب فتحته وشافت اللبس اللي محضرته لها خوله وقالت لها عن مكانه فكت الفستان ودخلت تأخذ دش يخفف توترها ولما طلعت لبست واتجهت للتسريحة فكت شعرها اللي حرصه على الصالونه ما تثبته بمثبت كثير سمت وطلعت له
سطام (وقف يوم شافها) : يا أرض أحفظي ما عليك قمر يا ناس على الأرض يمشي
مي (ابتسمت بحيا) : تسلم
سطام (مسك يدها ) : تعالي العشاء جاهز
مي (تجلس وتشوفه يجلس قدامها) : العشاء كثير
سطام : احترت وش تحبين ووصيت على كل شيء
مي (ابتسمت) : ما قصرت
سطام : تبين أحط لك ولا تحبين تأكلين بنفسك
مي : لا بآكل بنفسي
سطام : على راحتك (بعد فتره من الصمت وما فيه صوت غير صوت الشوك والسكاكين رفع رأسه لها) مي
مي (حطت العصير ) : هلا
سطام : شوفي أنت تعرفين إني متزوج مريم واهي رايحه لبيت أهلها كم يوم
مي : زعلانه
سطام : لا مريم طيبه قلب ما تزعل بس أنا بآخذ راحتي مع عروستي (شافها استحت ونزلت رأسها ) ههههههههه يا حلو اللي يستحون
مي (نزلت الشوكة وحاولت ما تضحك) : ..................
سطام : هي بتاخذ أسبوع تقريبا وبعدها ترجع بيكون يوم عندك ويوم عندها والبيت هذا اللي إحنا فيه مقسمه قسمين الدور الأول لمريم والدور الثاني كله لك عشان كل وحده تأخذ حريتها منكم فهمتي
مي (هزت رأسها إيه) : ..........................
سطام : اللي أبيه منك تكونين حافظه لأسرارنا وكل اللي يصير في هذا البيت يبقى فيه ما يطلع حتى لأهلك وأمك
مي : حاضر
سطام : زيارات لأهلك مو كل وقت يعني ما أحب زوجتي كل شوي في بيت أهلها وأنا مو رافض تكملين دراستك لا عادي بس بقول لك شيء
مي (رفعت النظر له) : خير
سطام : لو في يوم قصرتي في بيتك ولا فيني بتتركين الدراسة
مي : اتركها
سطام : إيه وهذا من حقي لو شفت منك قصور
مي : لا بأذن الله ما بقصر معك
سطام (ابتسم ووقف ومسك يدها) : أيه هذي الشاطرة أحب زوجتي المطيعة
مي (بلعت ريقها واهي تمشي معه) : سطام الأكل
سطام : عيون سطام وقلبه ( حط يده حول خصرها ومشى معها) خليه مالك دخل فيه تعالي وبس
مي : وين
سطام (يطالع لبسه) : بغير لبسي تعبان بنام من الصبح ما ارتحت وأكيد أنتي بعد بترتاحين
مي (ضمت أيديها لبعض وبتوتر) : أنا بخير
سطام : ههههههههههههههههه كلنا بخير مي الله يقدرني وأسعدك قولي أمين
مي (بحيا نزلت عيونها وبهمس) : أمين
-------------------------------
في صالة الأفراح ...
بعدها بدأ يخف الحضور وبقى الناس اللي يعرفونهم والقريب منهم من العائلة
سمر : أبي أغنيه مصريه بهز
ليالي : شوفي الناس خفوا وأنا فينا هز فروحه
فرح : لا أنا ما أحب المصري
ليالي (غمزت) : محمد يحب
سمر : تخيلي ترقص عنده
ليالي : فال الله ولا فالك بيقول دجاجه لامسه الكهرباء
سمر وليالي : هههههههههههههههههههههههههه
فرح : على تبن زين
ليالي( انتبهت لليدين على خصرها) : وش تسوين
عذاري (تربط حزام مصري كله ليرات على خصرها) : ورقصني يا جدع
ليالي : هههههههههههههههه
سمر (ألتفت لمروة وأشرت) : مروه
مروه : حاضر
وبدأ أغنيه مصريه وليالي وسمر ملفتات للأنظار بهزهن وجمال الجسم شوي واتجهت لهن هاجر واهي تغمز لهن وتهز وسطها
ليالي : منتي هينه يا بنت سيف
هاجر : هههههههههههه
سمر : أخاف فيك عرق مصري اعترفي
هاجر : الله يسلم التلفزيون وهزي يا وزه
البنات : هههههههههههههههههههههههههههههههههه
عذاري (مسكت يد فرح) : تعالي نرقص
فرح : لا لا ما اعرف
ليالي (قرب ومسكتها ) : يالله هزي خصرك
فرح (تطالع للناس) : فشله ما أعرف
هاجر : حركي كتوفك كذا وهزي
فرح (رفعت أيديها) : كذا
سمر (نزلت أيدين فرح) : نقول ارقصي مو استسلمي يالخبله
البنات : هههههههههههههههههههههه
فرح : مالت زين تقولن ارفعي يدك
هاجر : أرفعي يدك مو تحين هتلر هاي هتلر
البنات : هههههههههههههههه
فرح : أروح أحسن
سمر(حطت يدها على خصر فرح وحركت خصرها) : كذا يمين يسار يمين يسار
فرح : سمر أبعدي
ليالي (تهز كتوفها وتحرك أيدها ) : يالله يا بت ادلعي
فرح : هههههههههههههههه
عذاري (تهز خصرها ) : اهو هزي كمان يا بت هزي كدا اهو وكدا اهو حركي اللحم دا
فرح : ههههههههههههههههه بس يا معلمه مش آدره والله مكسوفه
سمر تركت فرح واتجهت لمروة وهمست لها ابتسمت ورجعت البنات
مروه (بالمايك) : دي أغنيه إهداء من البنات لعروستنا الحلوة فرح
ممكسوفه مكسوفه منك
مش قادره مش قادره اقولك
اني بحبك لاانا قد حبك ولا قد قلبك
لكن بحبك و اعمل ايه مكسوفه
الحب غنوه وكلمه حلوه حا يجري ايه
لو قلتهالي انا من كسوفي وكتر خوفي
مش قادره اقولها قولها بدالي مكسوفه
ليه وفيها ايه دا انا بحبك و اعمل ايه مكسوفه
حرام عليك تبعت عنيك تشغل عنيا
طول الليالي حاولت اخبي حبك
في قلبي لا يبان عليا سهد الليالي
مكسوفه اروح لك وازاي حا اقولك
اني بحبك و اعمل ايه مكسوفه
فرح (شهقت وغطت وجها وتهز رأسها لا) : ..................
البنات : هههههههههههههههههههههههههههه
ليالي (مسكت يد مروه) : تعالي
مروه : أيه فيه أيه
ليالي (ربطت خصر مروه) : خلينا نرقص سوى أنا شفتك تهزين بس بعيد
مروه : هههههههههههه بحب الرقص بس إحراج قدام الناس
ليالي : خذي راحتك وبعدين ما في ناس كثير بس عائلتنا الخاصة
مروه (غمزت) : تتحدي
ليالي : آه آتحدى
وبدأ هز الوسط والرقص المصري والدلع على أصوله والضحك والوناسه استمر الرقص والعرس لين الساعة 1 وبعدها كلن يتمنى بس يوصل للبيت من التعب خصوصا البنات
خلونا نتركهم يتجهزون للطلعة من الصالة كل شخص لبيته ونتجه لمكان ثاني
-----------------------
في الفندق ....
بعد ما وصلوا وغيروا لبسهم كان العشاء جاهز وأغلب الوقت فيصل يتكلم يبي عهد تتكلم ولكن عهد أغلب وقتها صامته بس مستمعه له غسلت يديها بعد العشاء وجلست في الصالة على الكنبة وفيصل طلع الأكل لبرى الجناح قرب وجلس جنبها شافها ضامه أيديها لبعض حط يده على أيديها حسها ارتعشت وكأنها ما انتبهت له لما جلس جنبها في عالم ثاني
فيصل : وش فيك اليوم منتي طبيعيه
عهد(نزلت رأسها) : راسي مصدع شوي
فيصل (قرب وباس خدها) : سلامة راسك
عهد(استحت ) : فيصل
فيصل ( أبتسم حط يده على خدها يمسح عليه) : همممم
عهد : بس تمثيل
فيصل (أبعد يده وعقد حواجبه) : تمثيل
عهد (ألتفت له) : أيه لمتى تبي تمثل خلاص صرنا لوحدنا لا تحاول تتقرب مني أنت أصلا مو قادر تتحمل فكرة نكون كأي زوجين طبيعيين
فيصل : ليه تقولين كذا
عهد (وقفت وابتعدت) : أقول الحقيقة
فيصل (وقف) : أي حقيقة
عهد(كتفت أيديها) : أن اللي تسويه ضد رغبتك شيء أنت من داخلك مو متقبله لأنها مو رغبتك أنت يا فيصل
فيصل : اجل رغبت من
عهد (ألتفت له) : عمي فهد
فيصل : أبوي
عهد (قربت منه) : أيه أبوك لا تنكر أنا سمعت وش الحوار اللي كان بينكم سمعت وليتني ما سمعت
فيصل(حط أيديه على كتوفها) : وش سمعتي
عهد (بعيون دامعة) : سمعت عمي يوم أنت واهو بالمكتب قبل كم يوم
فيصل : شنو ومتى مو فاهم
عهد : تذكر لما اتصلت عليك وقلت لي تبي تتغدى عندي وتبي تشوفني 5 دقائق
فيصل : يوم طلعت نتائج تحاليل سالم
عهد : أيه (حطت يدها فوق أيديه اللي على كتفها) : يومها أنت تأخرت خفت عليك وقلت لامي بروح أشوف فيصل وطلعت بعد ما لبست شيلتي(لفتي) ونقابي ودخلت بيت الرئيسي شفت الخدامة
عهد : سونيا مستر فيصل يجي
سونيا : يس
عهد : وين في غرفه
سونيا : نو أنا يسوف مستر فيصل مستر كبير مكتب
عهد : طيب
اتجهت عهد لمكتب العم فهد وقبل تضرب الباب سمعت
الأب : يا ولدي هذا مو ذنبها إن محسن اعتدى عليها
عهد (شهقت بصدمة وحطت يدها على فمها) : ................
فيصل : يبه طلبتك سكر على الموضوع أنا وعهد اتفقنا نعيش كأصحاب
الأب : هي زوجتك من حقك أن
فيصل (يقاطعه) : هالحق ما أبيه (يكمل واهو يجلس عند أبوه) يبه لا تظن أنا قاسي بس مو قادر أتقبل عهد بهذا الوقت
الأب : يا ولدي لمتى تبي تعيش هذا الحال كأن أخ وأخته مو زوج وزوجته
فيصل : لين نتعود على بعض يبه عهد ما تحب قربي تخاف كأنها تشوف محسن فيني ما أبي اقرب لها أو اجبرها على شيء وأنا عارف أن التجربة اللي مرت فيها خلقت حاجز بينا
الأب : اكسر الحواجز وعيش حياتك طبيعيه أسمعني مو لازم تفكر إن في من اعتدى عليها فكر أن كانت متزوجة قبلك وتطلقت
فيصل : مطلقه
الأب : أيه مطلقه يعني مهي بنت أمراه
فيصل : والله حاولت أقرب منها ما منعني صدها لي لا منعني حقيقة أن محسن القذر لمسها أفهمني قلبي نار محسن آذى نور عيوني بس لا تجبرني أكون زوج
الاب : وعهد
فيصل : عهد راضيه باللي أبيه ومرتاحة للوضع اللي إحنا اخترناه عشاني وعشانها نعيش أصحاب وبس
الأب : فيصل
فيصل (وقف) : يبه الله يخليك ما اقدر
الأب : وعشاني يا فيصل أبي عهد تعيش حياه طبيعيه أبي أنفذ وصية أبوها واسمي اول ولد لها على اسمه يشيل اسمه
فيصل : يعني تبي اضغط على نفسي وأتقبلها كزوجه بس عشان وصيه أبوها
الأب : عشان عهد بنت تتمنى تكون مثل كل البنات يكون لها بنت ولا ولد
فيصل(ألتفت لأبوه وببرود) : بس عهد مهي بنت
عهد (حست نفسها يضيق واهي تهز رأسها لا) : ................
الأب (بعصبيه) : فيصل
فيصل : أسفه بس هذي الحقيقة اللي تذبحني كل ما شفت عهد أتذكر محسن
عهد (أبعد يده عن كتفها وابتعدت ودمعها على خدها) : مو هذي الحقيقة
فيصل : ما قصدت بس كنت أتكلم من المكبوت داخل صدري وشفت أبوي وفضفضت له
عهد : فضفض ههههههه أنت أعلن حقيقة مره في صدرك عالقة (غمضت عيونها وبألم) عهد مهي بنت
فيصل : أسف
عهد(ألتفت له وبعصبيه أشرت لنفسها) : أيه مو بنت بس أنا بشر أذا زوجي ما تقبل فكرت إن واحد تجرأ حقير حيوااااااااااااان أعتدي علي كيف الناس تبي تتفهم وكيف عمي يتوسل لك تتقبلني كزوجه عشاااااااان أبوووووووووووي يبون طفل مني يشيل اسمه وأنااااااااااااااااا دنست اسمه كيف احمل طفل وأنا عاااااااااااااااااار على طفلي مثل ما أنا بصمه عار على زوجي
فيصل (نزل رأسه خجلان منها ومتألم) : ....................
عهد (قربت ورفعت رأسه بأيدها تحت ذقنه ودمعها في عينها وابتسمت بألم) : لا يا فيصل اللي مثل ما ينحني رأسه خلك مرفوع الرأس أنا اللي راسي ينحني وعيوني ما ترتفع لعيونك
فيصل : عهد
عهد (اتجهت للغرفة) : أنا أحلك من أي التزامات يا فيصل ولا طلبت أكثر من الاحترام أنا صارحتك في الحقيقة ما كذبت عليك (ألتفت له وبعصبيه ) بس تجرحني لا لا أنت أهنتني حسستني بأن اللي صار برغبتي بخاطري مو إجبار وغدر من محسن تعلنها لعمي عهد مو بنت لييييييييييييييييييييييه اتفقنا نكون أصحاب أيه اتفقنا يكون سر بينا أيييييييييييه بس تروح لعمي تقول له لاااااااااااا هذا شيء خارج الاتفاق أنت يا فيصل خالفت اتفاقنا ليه خالفت أنا ما كنت اقدر أطالع لعيونك وأشوفك أحس إني إنسانه قذرة خاينه والحين (هزت رأسها بلا) كيف اقدر ارفع عيوني بعيون عمي واهو يعرف حقيقتي كييييييييييييييييييييييف قول لي كيف وش بيكون رأيه فيني إذا زوجي حسسه إني إنسانه عديمة أخلاق وبكل برود يقول بس عهد مهي بنت
فيصل (قرب منها) : لا يا عهد خطأ اللي تفكرين فيه مو كذا والله
عهد (حطت أيديها على أذنيها) : بس بس تزييف أنت قلت حقيقة شعورك اللي مو قادر تتقبله مهي مو بنت
دخلت وقفلت الباب وسندت عليه واهي تبكي ضمت رجولها لها وحاوطتها في أيديها تسمع فيصل يتكلم ويترجاها تفتح واهي بس تردد
عهد : بس عهد مهي بنت
بس عهد مهي بنت
مهي بنت
مهي بنت
بنت
بنت
بنت
------------------------------
اليوم الثاني ...
فتحت عيونها بشويش تحس بألم في ظهرها ألتفت حولها ما شافت أحد وتذكرت أنها أمس وصلت للمستشفى بس أغمى عليها وهذا آخر ما تتذكر ضربت الجرس وشوي أنفتح الباب ودخل يبتسم
مشاري : يا صباح الورد صحيتي
منى : صباح النور
مشاري (حط أكياس على الطاولة وقرب وباس خدها) : كيفك
منى : بخير
مشاري : تحبين تصلين قبل الفطور
منى (تلتفت حولها) : أيه ممكن تعطيني العكاز
مشاري : وليه وأنا موجود أنا أوصلك لك برسم الخدمة
منى : لا أبي عكازي (طالعت للبسها) من جاب ملابسي
مشاري : أم محمد أرسلتهن اليوم الصبح مع السائق
منى : من غير لي لبسي
شافته سكت أرفعت النظر له واهو يبتسم بخبث ورافع حاجبه استحت ونزلت النظر
مشاري : ههههههههههههههههههههه فديت الوجه اشتقت لك والله
منى : أحم طيب بصلي
مشاري (شمر عن كموم ثوبه وقرب منها وشالها) : الحركة ممنوعة عنك وانا هنا لخدمة قلبي وبس
منى (استحت من قربه) : مشاري
مشاري : أصصصصصص صلي وأفطري عشان الدكتورة بتجي
وصلها لين الحمام وعطاها العكاز رفضت يكمل واهو ميت ضحك عليها لما توضأت وخلصت طلعت ورفض تمشي وصلها للسرير وصلت الصلاة بالغصب تآكل تحس ما لها نفس بس هو اجبرها وما صدقت دخلت الدكتورة وأبتعد مشاري عنها اللي كان قريب يتحجج بأن حلف يأكلها بنفسه
الدكتورة : صباح الخير مدام منى
منى (تتعدل على السرير) : صباح النور
الدكتورة : الزيك النهرده
منى : الحمد لله
الدكتورة : طيب حنعمل ليك سونار عايزين نتأكد ان الحمل داخل الرحم ولا خارج
منى : يعني ممكن يكون خارج الرحم
الدكتورة : آه (أشرت للممرضة تجيب الجهاز) ممكن خصوصا أنك ما زرتي أي دكتوره من حملتي مش كده
منى (انتبهت لنظره مشاري ونزلت عينها) : كانت عندي ظروف نسيت
مشاري (نزل عيونه واهو يلوم نفسه) : ..........................
الدكتورة : طيب ممكن أفحصك ونتأكد
منى (تتعدل على السرير وتنام) : تفضلي
الدكتورة (ألتفت لمشاري) : حتفضل ولا تخرج
مشاري : لا بكون موجود تفضلي
منى( طالعت له وعقدت حجانها وأشرت يطلع) : ....................
مشاري( عرف أنها منحرجه وقرر يعاند وكتف أيديه واهو يطالع لها) : .........................
بدأت الدكتورة بوضع الجهاز على بطن منى ومني قلبها طق من الخوف ما تبي هالجنين يصير له شيء وتلوم نفسها كيف كانت غبية وأهملت نفسها حست بالراحة لما شافت الابتسامة على وجه الدكتورة
الدكتورة : لا الحمد لله الحمل كويس
منى : واضح الجنين
الدكتورة : ههههههههههههه لا انتي لسه في الأسبوع السادس وقريبه من الأسبوع السابع
منى : يعني شنو
مشاري (يقرب ويمسح على شعرها بحنان) : يعني الطفل بهذا الوقت يكون ينمو يبدأ القلب في التكوين ويكون حجمه مثل حبة الذرة ويبدأ بالفعل في النبض وضخ الدم
منى (حطت يدها على بطنها وابتسمت بحب) : قلبه
الدكتورة (تكمل) : ينمو الجنين في هذا الأسبوع بشكل أكبر ويصبح حجمه في حجم حبة الفول ويصبح طوله 1.25 سم يبدو شكل وحجم الرأس أكبر عن باقي حجم الجسم بشكل نسبي ويستمر نمو الشكل الخارجي لتكوين أجزاء الوجه مع وجود بقع سوداء مكان العين وفتحتين صغيرتين جداً مكان الأنف وفتحة صغيرة جداً مكان الأذن تبدأ براعم الأطراف في الظهور بشكل أوضح تظهر اليدين والقدمين بشكل دائم الحركة وكأنها بدالات صغيرة تبدأ أيضاً الغدة النخامية وألياف العضلات في النمو في هذا الأسبوع يبدأ القلب في النبض بشكل بسيط قد يكون غير مسموع بالنسبة لك ولكنه ينبض حوالي 150 نبضة في الدقيقة، وهو ضعف معدل النبضات الطبيعية لدى الشخص البالغ
منى (دمعت عيونها) : أنا فرحانة اهو بخير
مشاري والدكتورة وحتى الممرضة تأثروا قرب منها مشاري وضمها والدكتورة أشرت للممرضة يطلعون جلس جنبها واهو ضامها وهي تبكي ويمسح على ظهرها
مشاري : بس حبيبتي
منى (تبكي) : كنت بذبح طفلي في إهمالي كله منك (ضربته على صدره) كل منك ليه
مشاري (مسك يدها وباسها) : أسف كنت غبي بس مناي
منى (ابتعدت عنه ومسحت دموعها) : أبعد عني
مشاري (حط أيده حول خصرها ومنعها تبتعد) : ماصدقت أشوفك تقولين ابعد صدق قاسيه
منى : ....................
مشاري : مناي ردي علي
منى : متى بطلع
مشاري : بعد أسبوع
منى (شهقت وألتفت له) : شنو من قال
مشاري : الدكتورة
منى : اللي اعرفه يجلسن يوم يومين بس أسبوع ليه
مشاري : عشان يتأكدون أنك بخير
منى : مشاري طلعني من هنا لو على مسؤوليتك
مشاري( يوقف ويطالع لساعته) : عندي شغل بس اخلص برجع لك
منى : لا تعال
مشاري (يتجه للباب) : لا تتغدين بجيب لنا غداء من زمان ما تغدينا مع بعض
منى : مشااااااااااري
مشاري (يرسل لها بوسه بالهواء) : باي
منى (كتفت أيديها وبوزت) : والله ان من تحت راسك بس هين أنا اوريك (انتبهت للباب ينفتح اعتقدت مشاري بس ابتسم لما شافت أمها وأبوها ) يالله حيهم
الأب والأم يقربون يسلمون عليها
الأب : ما تشوفين شر
منى : ما يجيك يبه
الأم (تحط دلالها) : كيفك ألحين
منى : بخير
الأم : والجنين
منى (حطت يدها على بطنها) : الدكتورة طمنتني أنه بخير الحمد لله .. وش جايبكم من الصبح
الأب (يشوف زوجته تصب حليب لمنى ) : أمك من البارح ما نامت ساعتين على بعض بس تنتظر الصبح يطلع وتجيك
الأم (تقرب لمنى وتعطيها حليب) : والله من خوفي عليك خصوصا انك طلعتي قبل أشوفك
منى (تأخذ الحليب) : تعبت كثير بس الله ستر
الأم : الحمد لله انك بخير
الأب : مشاري وين
منى : كان هنا وطلع عنده مراجعين وقال بيرجع لما يخلص (طالعت لامها) كيف فيصل لما زفيتوه أمس
الأم : ما شاء الله حلو وعهد كانت روعه كثير
منى : فاتني والله
الأم : التصوير بتشوفينه بس يطلع
منى : على خير إلا متى السفر
الأب : الظهر على الساعة 2 (ألتفت لزوجته) تبين تبقين وارجع لك الساعة 10 ونص ولا تروحين معي
منى : يمه لا تتعبين نفسك روحي وعشان اليوم الجمعة عماني يجتمعون
الأب : عمامك نسيتي أنهم بيطلعون القرية يعني محد فيه
منى : صح نسيت
الأب : لا عادي تبقى والغداء موصينه من المطعم
الأم : خلاص ببقى مع منى والساعة 10 ونص تعال يمكن تحتاج شيء
الأب (يوقف ويقرب من منى ويبوس راسها) : يالله مع السلامة
الأم ومنى : مع السلامة
الأم : تبين تأكلين شيء
منى : لا يمه الحليب يكفي إلا كيف طلال
الأم : عند نجود نام البارح بس يسأل وين ماما
منى : ربي لا يحرمني منه أجلسي سولفي لي عن العرس وش صار
الأم (تجلس) : صار كل خير البارح قبل تطلع أم سيف لمحت لي أن بتخطب سمر لولدها عبدالرحمن
منى (رفعت حاجبها) : ما شاء الله وش قلتي
الام : قلت نتشرف فيهم بس لازم رأي أبوها و البنت
منى : قلتي لأبوي
الأم : واحنا جايين قلت له وبصراحة فرح وقال أن أبو سيف مره خطبها منه بس تعذر منه ان ناصر خطبها
منى : يعني أبوي كان ممكن يوافق علي عبدالرحمن بدون شور سمر
الام : شوفي أبوك مو ظالم بس أحيانا الأبناء ما يعرفون مصلحتهم وعبدالرحمن رجال الكل يشهد في أخلاقه
منى : قلتي لسمر
الام : لا بنتظر كم يوم وأفتح لها الموضوع
منى : على راحتك هاه وش صار
الأم : اللي صار أن فيصل دخل أول وبعدها عهد
نترك أم إبراهيم تقول لمنى أحداث العرس ونروح مكان ثاني
------------------------
في مكان ثاني ...
تحس بشيء على خدها يتحرك حركت يدها تبعدها بس ترجع ثاني تمللت منها وفتحت عيونها شافته يبتسم ابتسمت له
خالد : صباح العسل
ميثه : صباح الورد
خالد : يالله تمللت جالس لوحدي
ميثه : من متى قاعد
خالد : من ربع ساعة
ميثه : وتمللت ربع ساعة
خالد : لا بصراحة كنت أطالع لك وأنتي نايمه
ميثه ( تتعدل وتعدل شعرها) : احم طيب كم الساعة
خالد : 10:30 الصبح
ميثه (بوزت وبدلع) : بدري
خالد : لا وش بدري على ما نفطر نطلع للمطار
ميثه : مطار وش
خالد (يأشر بأيده كأنها طياره) : عشان طيارتنا الساعة 1
ميثه (بصدمه) : نسافر
خالد ( قرب لوجها ) : أيه نسافر
ميثه (أستحت من قرب وجهه وأبعدته ونزلت من السرير) : وين
خالد (وقف جنبها) : مفاجئه شهر عسل جديد أصلا الأول ما كان فيه بسبب وفاة أم سلطان الله يرحمها
ميثه : الله يرحمها
خالد (حوط خصرها وقربها) : فقلت ليه ما نعيد شهر عسل جديد وهذي مفاجئتي الثانية لك
ميثه (حط أيديها حول رقبته وابتسمت) : من أمس مفاجئات كذا ترى بتعود
خالد : ههههههههههههههههه تعودي
ميثه : طيب ما جهزت شيء للسفر
خالد (ضرب خشمها بشويش) : كل شيء جاهز شناط السفر بس نتفطر نطلع للمطار
ميثه (استغربت) : صدق كيف
خالد : عمتي خوله وعمتي أم بندر وبندر يعرفون باللي ناويه وساعدوني جهزوا كل شيء لك
ميثه : طيب وش عرفهن باللي احتاجه
خالد (غمز لها وأبتسم) : وصيت على اللي أبي والباقي تشترين من هناك
ميثه (ابتعدت عنه بحيا وأخذت روبها) : بدخل آخذ دش أطلب الفطور
خالد : هههههههههههههه اموووووووت في اللي يستحون
ميثه : خلووووووووود
خالد : خلاص هههههههههههه بطلب لنا الفطور لا تتأخرين
ميثه داخل الحمام طالعت نفسها في المرايه وابتسمت وتذكرت وش صار لما طلعت البارح من الصالة وركبت مع خالد
خالد (مسك يدها وباسها) : حيالله من نورت السيارة
ميثه : بنورك
خالد (حرك السياره ) : كيفك
ميثه : بخير وأنت
خالد : بخير
ميثه ( بعد صمت انتبهت للطريق غير) : وين رايحين
خالد (أبتسم) : مفاجئه
ميثه : مفاجئه يعني بنروح بيتكم
خالد : لا لا مكان ثاني
ميثه : قول وين
خالد : ما تنتظرين هههههههههه
ميثه : خالد
خالد (ألتفت لها وبهيام) : عيونه وقلبه وروحه
ميثه (تلف وجهه عنها وتبتسم ) : بس طالع للطريق لا نسوي حادث
خالد (يطالع الطريق) : لا بسم الله علينا بس وش أسوي يا حلو أسمي بفمك
ميثه (نزلت عيونها بحيا) : خالد
خالد : ههههههههههههه لا لا بتذبحيني وما أركز على الطريق
ميثه : ههههههههههه يوووه منك طيب قول وين رايحين
خالد : طيب رايحين نقضي ليلتنا الحلوة في فندق جناح خاص لنا
ميثه : فندق
خالد (غمز لها) : محنا معاريس ولا بس سطام وفيصل ما أنا معرس بعد
ميثه : ههههههههه طيب ليه ما قلت لي أجهز لي ملابس يعني عشان فستان العرس
خالد : لا تحاتين كل شيء جاهز
ميثه : كيف
خالد (مسك المقود بيد ومسك بيده الثانية يدها) : طلبت من عمتي خوله تجهز لك شنطه صغيره عشان الليلة
ميثه : خوله
خالد : أيه جهزت لك كل شيء
ميثه : خوله ما تعرف وش محتاجه
خالد : هههههههههههه لا تفكرين بشيء أنتي الليله ملكه كل شيء مجاب لك
ميثه : الله يستر من الجاي ههههههههههه
وصل خالد وميثه الفندق شافته فتح الباب الخلفي وطلع شنطتين صغار هاند باغ عرفت وحده انها لها ابتسم لها ومسك يدها ودخلوا أخذ مفتاح الجناح ودخلوا نزلت عنها الغطاء واللفه وأنبهرت باللي تشوفه الورد منثور في كل مكان أحمر ورائحه الجناح حلوه ورد وياسمين والأضاءه خافته وشموع صغيره وبالونات بيضاء مربوطه مع بعض على الطاوله موصوله بباقة ورد جوري نزلت عباتها واتجهت للطاوله ومدت يدها اخذت ورد الجوري المنسق بطريقه روعه فيها كرت أخذت وفتحت
(( أحبك يا أميرتي ))
حطت الكرت بين الورد وانتبهت للبالونات الكثار مرقمه شافت اول بالون مكتوب فيها
1
أ
2
ع
3
ت
4
ذ
5
ر
6
أعتذر حبيبتي
7
أحببببببببببببببببببببببببببببك
أبتسمت ورفعت نظرها لما سمعت صوت أغنيه عبدالمجيد عبدالله
كل شي في دنيتي له طعم ثاني .. الليالي طولها طول الثواني
والعمر مره وانا عمري معاك .. ياعساني ما انحرم شوفك عساني
ابتدى عامي وشمسك ماتغيب .. لو يغيب الكون كله ماتغيب
من خريف القلب لك ببني قصور .. تآر وكل الأماني لك تجيب
في شتاء عمري ألاقي بك دفا .. ياللي نظراتك تعلمني الوفا
وآخر فصولك ربيع مزدهر .. مايل بغصنه لوردك تقطفه
يدري إن اسباب ضعفي نظرته .. يدري إني ما أقاوم ضحكته
يدري إن الروح ماتغلى عليه .. لو دعاها جت تلبي دعوته
خالد حط الريموت اللي شغل منه الأغنيه وقرب لها وأهو يبتسم ميثه حطت الورد على الطاوله وقربت منه حاوط خصرها بأيديه وباس جبينها
خالد : شفتك وضاع الكلام ضيعت حتى الغزل اعذرني والله جمالك ما خلّى فيني عقل
وقفت قلبي بسحرك يا روحي والله ستر اليـــــوم طالع قمـــر
ميثه(ابتسمت) : الله لا يحرمني منك
خالد : ولا منك (مسك يدها) تعالي بنطفي شموع الكيكه
قربت وكانت كيكه عليها اسمها اسمه ومكتوب الله لا يفرقنا أحبك قطعت الكيكه واخذت صحن
خالد : أبي اسمك
ميثه : كبير
خالد : بآكله كله
ميثه : ههههههههه طيب بس لا تصير لك تخمه
خالد : أسمك خفيف (طالع لها وأبتسم بخبث) مثلك
ميثه (أستحت ونزلت عيونها) : تفضل وانا بآخذ من أسمك بس شوي
خالد : لا تكثرين عشان العشاء
ميثه (تذوق الكيكه) : حاضر
بعد فتره اخذ الصحن منها وحطه على الطاوله
خالد : قومي غيري لبسك أشوفك مو مرتاحه في الفستان
ميثه : أيه والله ثقيل أتمنى خوله حاطه لي بجامه ما نست بآخذ دش وأرجع لك
خالد : امممم شوفي ترى طلعتها من الشنطه وحطيتها على السرير
ميثه (وقفت) : ههههههههه ليه تعبت نفسك أعرف اطلعها
خالد : لا لا حبيت أختار لك على ذوقي بس أبي اطلبك طلب
ميثه (تأشر على عيونها) : عيوني لك
خالد : تسلم عيونك طلبي توعديني تلبسين اللي اخترته لك
ميثه : ههههههههههههه بس وعد
خالد ( مسك ضحكته وجلس) : انتي وعدتي روحي
ميثه رفعت حاجبها واتجهت للغرفه وألتفت للسرير شهقت من اللي شافته
خالد (سمعها ) : هههههههههههههههههههههههه انتي وعدتي
صحت من أفكارها بضرب باب الحمام (وانتو بكرامه)
ميثه : هلا
خالد : يالله الفطور جاهز
ميثه : دقائق بس
طلعت ميثه ولبست بنطلون وبلوزه من اللي في الشنطه وجهزت عباتها ولفتها وشنطه صغيره حطت ماسكرا وغلوس ورشه عطر عدلت شعرها وطلعت لخالد بعد الفطور أتجهوا للمطار بسيارة خالد اللي وقفها في المطار بعد ما وصى فهد أن يجي ياخذها متى ما صحى من النوم
وخالد داخل مع ميثه متجهين لطيارتهم اللي بتآخذهم لأيطاليا مكان شهر العسل مر من جنبه 3 أرجال واصلين للرياض خالد ما عرفهم من اهم ويمكن ما اهتم يلتفت لهم كل همه ميثه ونسى العالم بس اهم انتبهوا له لانهم يعرفونه
حسن: هذا خالد ولد إبراهيم
عبدالله (بعصبيه) : وش دخلني فيه
حسن (بخوف من عصبيته) : ما تبي نوقف نسلم عليه
عبدالله (ألتفت له وبعصبيه) : نعم ليه جاي هنا أسلم على فلان وعلتان انا جاي لامر محدد ولانسان محدد سلطان
حسين : عبدالله هد بنروح الفندق نرتاح والعصر نروح لهم
عبدالله : ألحين نروح
حسين : بهذا الوقت يكونون في بيت أبوهم فهد
عبدالله (طالع له بعصبيه) : لا تقول أبوهم أبوهم بس أحمد فاهم
حسن (غمز لحسين) : طيب خلنا نطلع للفندق نرتاح ونتغدى ما يصير ندخل عليهم كذا وبعدين انت تبي سلطان بس يعني نزوره في بيته
عبدالله (صر على ضروسه) : نروح ليه لا
حسين (في قلبه) : الله يستر من عرفوا بملكة عذاري امس وأهم معصبين حجزوا او طياره لجده وبس وصلوا لجده طلعنا للمطار متجهين للرياض
ركبوا السياره المخصصه لهم متجهين للفندق حسن وحسين خلف وعبدالله قدام جالس طالعوا حسن وحسين في بعض وانتبهوا لملامح عبدالله اللي مبين عصبيته
حسن(يفكر بصمت) : عبدالله صار له 24 ساعه مو نايم من عرف باللي صار جافاه النوم وجدتي كملت عليه بدموعها وطيحتها علينا صدمه بس سلطان هههههههههههههههههه خطير والله
عبدالله (يطالع للطريق ويفكر) : تتحداني يا سلطان آآآآآخ لو بس تطيح في يدي والله لاخليك تكره عمرك لانك نزلت دموع جدتي وعمي ضايقته لكن عذاري بترجع لي وبتندم انت واهي لانها وافقتك هييييييييين (التفت للسائق ) لا تروح للفندق
حسين : عبدالله وين بتروح
حسن (فهم لعبدالله) : عبدالله اجلها للعصر الناس وقت الغداء
عبدالله : ولا كلمه النار في صدري كبيره أبي أطفيها بشوفته
حسن : عبداللـ..
عبدالله (بعصبيه ) : بــــــــــــــــــــــس أطلع لبيت فهد ولا اسمع صوت لا تشوفون شيء تندمون عليه
--------------------------------
في بيت عبدالرحمن ..
الأم : يوووووووه بس بس كم مره قلت لك أيه أيه
عبدالرحمن (جلس جنب امه) : طيب وش قالت
الأم : وش فيك وش تقول موافقه لازم يكون عند زوجها خبر والبنت ورايها
عبدالرحمن : يعني يوم
الأم : يا سبحان الله قبل قلت لك ورفضت وش حببك وخلاص متحمس
عبدالرحمن (أرتبك) : لانهم نعم الناس ونعم النسب وحاب يكون زواجي مع ضاري مو هذا اللي تتمنينه
الأم (توقف) : والله هذا اللي اتمنى وسمر نعم البنت باخلاقها وأهلها
عبدالرحمن (أبتسم وفي نفسه) : تقولين لي هذا ضوى قلبي
الأم : بتروح لبيت أبو إبراهيم عشان الغداء اللي مسويه ترى ابوك وضاري سبقوك
عبدالرحمن (يطالع ساعته) : لا مواعد عبدالعزيز بطلع معاه للسوق
الأم : صدق عرسه متى لزوم نحضر العرس هذا ولدنا
عبدالرحمن : بعد أسبوعين يمه ولازم تحضرون بروح للسوق يبي يشترى أشياء لشقته
الام : سلم عليه
عبدالرحمن : الله يسلمك (وقف) يالله أستأذن اكيد انه وصل
طلع عبدالرحمن وسلم على عبدالعزيز وصعدوا السياره
عبدالرحمن : عسى ما تأخرت عليك
عبدالعزيز (يحرك سيارته) : لا بس شوي
عبدالرحمن : صدق أمي تسلم عليك
عبدالعزيز (أبتسم) : الله يسلمها يارب
عبدالرحمن (طالع لعبدالعزيز) : عزيز ليه ما حلقت لحيتك ولا عشان العرس
عبدالعزيز (يلمس لحيته) : لا والله بخليها تكبر وبأذن الله ما احلقها
عبدالرحمن (رفع حاجبه) : يعني مطوع
عبدالعزيز : ربي هدانا
عبدالرحمن : وقصرت الثوب بعد
عبدالعزيز : يعني سنه عن الرسول صلى الله عليه وسلم
عبدالرحمن : صلى الله عليه وسلم الله يثبتك يارب على طريقه
عبدالعزيز(أبتسم) : امين ومن قال يارب
عبدالرحمن : جهزت الشقه خلاص
عبدالعزيز : كل شيء جاهز بس اشياء بسيطه
عبدالرحمن : الله يهنيك يارب
عبدالعزيز : الفال لك
عبدالرحمن (غمز له واهو يبتسم) : قريب بأذن الله
عبدالعزيز : خلاص نويت
عبدالرحمن : الريميه
عبدالعزيز : الريميه من صدق تتكلم
عبدالرحمن : والله هههههههههههههههه حتى أبوي اليوم بيكلم ابوها
عبدالعزيز : شكلك واثق بتوافق
عبدالرحمن : بصراحه متطمن لان أبوها موافق علي وأمها وهي أكيد بتوافق
عبدالعزيز : الله يقدم اللي فيه الخير
عبدالرحمن : امين (رن جواله ورد) ألو هلا
ضاري : وينك
عبدالرحمن : طالع من عبدالعزيز خير
ضاري : لا بس أبوي سأل عنك منت جاي لبيت العم فهد
عبدالرحمن : لا
ضاري : على راحتك
عبدالرحمن : ضروووي لحظه بسألك
ضاري : خير
عبدالرحمن : أبوي كلم العم فهد بموضوعي
ضاري : بصراحه مدري بس اشوفه ما تحرك من عند العم فهد والجد يتكلمون المهم موضوعي يخلص
عبدالرحمن : موضوعك خالص والبنت موافقه عليك وش باقي
ضاري : أبي أملك عشان آخذ راحتي معها
عبدالرحمن : هههههههههههههههه قل لي تبي جلسه وشوفه
ضاري (أبتسم) : أكيد من شفتها والقلب راح معها
عبدالرحمن : مسكين ههههههههههههه
ضاري : روح زين انت فاضي شكلي غلط اسولف
عبدالرحمن : مع السلامه
ضاري : مع السلامه
حط الجوال جنبه ويطالع للحضور أنتبه للجد يتبسم ويأشر له قام وجلس جنبه
الجد : حيالله ضاري
ضاري : الله يحييك يارب
الجد : أبوك كلمني عن تحديد الملكه
ضاري (طالع لابوه اللي يبتسم) : أيه إذا ما عندكم مانع يكون ملكه بالوقت الحالي وبالعطله الزواج بأذن الله
الجد : طيب انا ما عندي مانع يا ولدي بس انت تعرف شرط بنتي صح
أبو سيف : يا عم ضاري موافق على كل شروط خوله
ضاري (أبتسم) : هي تآمر وطلباتها مجابه وبخصوص الشغل لا ابدا ما عندي مانع وضيفتها حلوه
الجد : الله يتمم بخير ومتى ما تحب نملك نملك
أبوسيف (يطالع لفهد) : واتمنى تكون الفرحه بدلها فرحتين
أبو إبراهيم : والله ياخوي ما تنرد والبنت بنتك بس عطني كم يوم
أبو سيف (حط يده على رجل فهد) : عندك كل الوقت بس البنت لو ما عطيتنا البنت ترى بنخطفها هههههههههههه
إبو إبراهيم : هههههههههههههههه خطف
أبو سيف : البنت صارت غاليه عندنا والله يا أبو إبراهيم هذي مو بس رغبتي رغبة ام سيف والبنات وحتى حفيداتي الكل (غمز له) وولدي والله قال يبه أبغاها لان طيبها من طيب اهلها وما نبي نفرط في نسب مثل نسبكم
أبو إبراهيم : والله من طيبك وأحرجتني وولدك رجال ونعم فيه ما ينرد ومالك إلا اللي يرضيك
أبو سيف : والله طمنت قلبي بهذا الكلام عقبال ما تثلج صدري بموافقتكم
الجد : مثل ما قال فهد مالك إلا اللي يرضيك
أبو سيف : أمين
ضاري (وقف) : أسمحوا لي عندي مكالمه
طلع ضاري بعد ما آخذ جواله وأتصل على عبدالرحمن
ضاري : ألوووووو
عبدالرحمن : ألووووووووو بشر وش صار
ضاري : أسمع وش صار
نترك ضاري يحكي لعبدالرحمن وش صار وندخل للبيت ...
نجود (تآخذ فنجان القهوه) : تسلمين
سمر (تحط الدله وتجلس جنب عهد) : يا حلو الجلسه لما تكون كذا عائليه
عذاري : صدقتي الوحده تأخذ راحتها
نجود (ألتفت لعهد اللي تحرك الفنجان بيدها) : عروستنا وش فيك
عهد(أبتسمت) : سلامتك
نجود : مضايقك شيء
عهد : شوي عشان امي سافرت كان خاطري اجلس معها أكثر
أم إبراهيم (دخلت) : أفااا لو راحت امك انا موجوده وأنتي حسبت بنتي
عهد ( طالعت لها) : تسلمين يا خاله الله لا يحرمني منك
أم إبراهيم : ولا منك ويسعدك
الكل : أمين
أم إبراهيم : عذاري ترى بعد الغداء سليمان بيجي يشوفك
عذاري : اهو موجود هنا
أم إبراهيم : لا بعد الغداء بيزورنا ويشوفك
عذاري (أستحت) : لا يمه
أم إبراهيم : وش لا
سمر : أستحت هههههههههههههههههههه
الكل : هههههههههههههههههههههههه
عذاري : يمه شوفي سموره
أم إبراهيم : سمر أعقلي
سمر : شوفي شوفي خدودها كيف حمرن هذا طاريه سوى كذا اجل لو تشوفينه تموتين
عذاري (بعصبيه) : عساني أشوف فيك يوم
الكل : أمييييييييييييييين
سمر : وووول شنو قاعده على كبدكم
أم أبراهيم : عسل على كبدي بس أتمنى أشوف في بيتك وأشوف عيالك حولك
سمر (تجلس جنب امها وتحضنها) : بحياتك يارب
عذاري : طيب ليه بيدخل مو امس شافني
نجود : وش فيك يا خبله امس شافك بس ما جلس معك وبعدين احلى فترات هي فترة الملكه تتعرفون على بعض وتعرفون بعض
عهد : فترة الملكه تكونين اميره ويبي رضاك والدلال والدلع
نجود (غمزت لها واهي تبتسم) : بتكونين ما مثلك بعيونه أحد والله على الليل وعشاقه و المكالمات
سمر : يماااااااااااه شوفيهم هن متزوجات يخربني ترى ما أفهم في هذي الامور لا يفتحن عيوني أبي أكون قطه مغمضه
نجود (خزتها) : أقص يدي لو ما تعرفين شيء قطه مغمضه قال
الكل : ههههههههههههههههههههههههههههههه
أم إبراهيم : بهذا الزمن ما في أحد ما يعرف شيء
عهد : النت قرب البعيد وفتح العيون على اشياء كثيره
عذاري : النت له حدين
نجود (تكمل) : فيها الصالح وفيها الطالح يعني على حسب استخدامك له
سمر (تتعدل) : وحسب حرص الاهل ومراقبة عيالهم يعني مو نسلمهم النت ونقول نثق فيهم هي حلوه الثقه بس بحدود وعيون ساهره على عيالها
عذاري : خلونا من النت ابي حل لبسي زين (وقفت وطالعت لبسها) زين أقابله فيه
سمر : ووووووووع تبين تقابلينه ببنطلون جنز وبلوزه مثل هذي
عذاري (تطالع بلوزتها) : وش فيها لبستها مرتين وهذي ثالث مره
نجود : عذاري ما جبتي لبس ثاني
عذاري : لا على أساس نتغدى ونرجع البيت
عهد : لبسك حلو بس مو انك تقابلينه أول مره يعني عادي كثير قريب من لبس البيت
نجود (تطالع لسمر) : سمر عندك شيء مناسب
سمر : أيه عندي لبس جديد شريته من فتره ولا جت مناسبه ألبسه
نجود : وش
سمر : تنوره تقريبا للساق وبلوزه نص كم وربطه على الصدر ستراس لمعه
نجود : اممممم يمشي حالها بالوقت الحالي بس حلوه ولا عاديه
سمر : لا حلوه كثير التنوره حرير روعه
نجود : عذاري
عذاري : هلا
نجود : سمعي من اليوم ورايح خصصي لبس لزيارة سليمان مو تطلعين له بلبس مبهدل وعادي
عذاري : ليه في غير هالمره
عهد : اظن لو شافك كل يوم بيزورك
سمر : زين ما ينام عندهم
عذاري (أستحت) : .....................
الكل : ههههههههههههههههههههههههههههههه
أم إبراهيم : بس يا بنات
سمر : قومي عشان تجهزين بعد الغداء ما يكون لك خلق شيء من الغداء الواحد تصيبه تخمه
عذاري(وقفت) : يالله
نجود : عذاري اسمعي
عذاري (طالعت لها) : هلا
نجود : لا تربطين شعرك خليه كذا طايح على طوله (غمزت لها وأبتسمت) وزيدي المكياج
عذاري (أبتسم) : حاضر
سمر (مسكت يدها) : تعالي نجود ما تخلص تراها نست تقول لك لا تصافحينه بوسه
أم أبراهيم (شهقت) : ســــــــــمــــــــــر
سمر : يمه أقصد خده هههههههههههههههههههه
نجود : هذي القطه المغمضه
الكل : ههههههههههههههههههههههههههههههههههه
صعدت سمر وعذاري و طلعت من الدولاب اللبس وعطته عذاري اللي راحت لغرفتها تشوفه مضبوط ولا لا وسمر جلست على السرير تشوف جوالها شافت رساله ما انفتحت
سمر : يووووووووووه هذي رسالة هجوره نسيت والله فشله خلاص بسمعها (طلعت سماعات الجوال وركبتهن وحطتهن في أذنيها وشغلها ) خلني اسمع كيف ذوقك يا هاجر
سمر هامت مع القصيده والصوت اللي يلقيها روعه كله قليله بحقه آخذها صوته لعالم ثاني حطت الوساده (مخده) خلف ظهرها وغمضت عيونها تسمع لها وكلماتها تدخل القلب روعه
عيـــــوني كـــــل ماشـــــافت بــــها الدنيـــــا كثير الناس♥♥
تأكـــــد حبيبي إنـــــك أغـــــلى شـــــخص فـــــي عيــــــــــوني♥♥
ومـــــهما دارت ولـــــفت وشافـــــت في الـــــبشر أجــــــــــناس ♥♥
تـــــظل أنـــــت حبيب الـــــروح أول وآخـــــر سنـــــيني♥♥
كـــــبيرة هـــــذي الدنـــــيا وفـــــيها أنـــــت أصـــــدق إحـــــساس♥♥
يطـــــيرني بســـــحابه شـــــوق توصلني لعنـــــاويني♥♥
ياأحـــــلى وأجـــــمل أيامـــــي ياحب مالـــــه أبد مقيـــــاس♥♥
ياعمـــــري أنـــــت مثـــــل الدم يجري في شراييــــــــــني♥♥
أحســـــك أقـــــرب أنـــــفاسي لاوالله إلا أنت الأنـــــفاس♥♥
محـــــال أقـــــدر أعيـــــش بلا نفس ومثلك أنت يحييــــــــــني♥♥
ماشـــــافت عينـــــي مثـــــلك حنون وطيب وحـــــساس♥♥
فـــــي كـــــل حـــــالاتي تفهـــــمني تعرف شلون ترضـــــيني♥♥
ياروحـــــي لـــــو ألـــــف الكـــــون وتبصر عيني كل النـــــاس♥♥
تبــــــــــقى أغـــــلى شخـــــص وآخر من سكن عينـــــــــــــــي♥♥
تمنت ما تخلص القصيده بس سمر فتحت عيونها وشهقت لما سمعت الشاعر خلص وقال
أنا عبدالرحمن يا سمر وهذي أهداء مني لك انا أحبك أحبك والله أحبك
قفلت الجوال ورمته بعيد وقعدت تطالع له وكلمة عبدالرحمن ترن في أذنها
أنا عبدالرحمن يا سمر وهذي أهداء مني لك انا أحبك أحبك والله أحبك
انا أحبك أحبك والله أحبك
انا أحبك أحبك والله أحبك
والله أحبك
والله أحبك
أحبك
وقفت وأبتعدت عن السرير واهي تفكر
سمر : وش هذا كيف يتجرأ وش يحسبني هاااااااااااااااجر كيف تطاوعه ليه ليه يستخدمها وسيله قذره توصل لي مشاعره ورسايله الغبيه اللي يعتقد بنت فهد تمشي بمثل هذي الامور أفففففففففففففففففففف كل ما طلعتك من حياتي ترجع شنو انت وباء وباء انسان منت طبيعي وصل في الامر ترسل بنت اخوك لي واهي كيف تطيعه ما خافت من ردت فعلي هالحركه ما راح اسامحها عليه ليه يا هاجر خساره نزلتي من عيني خساره
عذاري (تدخل) : سمسم شوفي زين
سمر (ألتفت لها بانبهار) : واااااااو ما شاء الله
عذاري (حطت ايدها على خصرها) : صدق حلو
سمر : كثير شكل سليمان بيآخذك من اليوم ما ينتظر للعرس
عذاري (غطت وجها بحيا) : بس بس والله سمر بس
سمر (قربت وضامتها) : هههههههههههههههههههه مبروك يا قلبي تستاهلين كل خير
عذاري (ضمتها وباست خدها) : ويرزقك يارب
سمر : امين ( أبتعدت عنها) شوفي زيدي شوي الكحل والروج ومسكرا لا تحطين كثير كأنك رايحه عرس أحلى يشوفك طبيعيه وشعرك ما عليك من نجود أجمعيه على ناحيه بشباكيه بتلقينها في درجي كرستال حلوه
عذاري : اخاف نجود تزعل
سمر : نجود من عهد امي لازم يشوف شعرك خليه على طوله الرجال يحب المرأه اللي شعرها طويل بس حلو تسوين حركه فيه بسيطه
عذاري : حاضر
سمر : انا بنزل لتحت اكيد قاعدين يجهزون للغداء لا تأخرين
عذاري : لا ما اتأخر
سمر (قرصت خدها) : يالله سي يو
عذاري(أبتسمت) : سي يو
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!