في بيت بندر .......
دخلت مي بعد ما خلصت محاضرات لقت أمها وخالتها جالسات يسولفن سلمت عليهن وجلست
مي : مجتمعات على الخير
الأم : وياك
مي : وش آخر أخبار العروس وش صاير
خوله : اليوم طلعت من المستشفى هي في بيت خالك فهد
مي : ههههههههههههههه والله نكته زواج فيصل طيب ما قالوا إن خالي أخذ لها هي وأمها وأخوها فواز شقه وش يوديهم لبيت خالي فهد
الأم : من قرادة ولد أخوي اللي نصيبه وحضه الردي
خوله : وش حضه حضه حلو اللي عهد بنت منصور نصيبه
الأم : يعني رافضته قلنا معليه بعد تفضح بالمستشفى
مي : والله ولد أخوك اللي غلطان هذي طريقة زواج
الأم : ميوه أنطمي أحسن لك وش فيه رجال ما ناقصه شيء
ميثه(تدخل وتسلم عليهم) : شخباركم
الكل : تمام
مي(تقرب وتحط رأسها على بطن أختها) : كيف حبيبي
ميثه : ههههههههههه بخير بس توه نتفه ما كبر
مي : بأذن الله يكبر فديته
الأم : شلون عمك ومرته وشخبار خالد
ميثه : تمام ويسلمون عليكم إلا صدق وش صار على مرت فيصل
خوله : بخير ما فيها شيء
ميثه : عمتي أم خالد بتروح لهم هي وعمتي أم وليد المغرب تبارك لهم وقالت لي أقول لكم إذا بتروحون
الأم : نروح هذا فيصل يستاهل والله
مي : أنا ما بروح تعبانه ومالي خلق أروح لهم بوقت ثاني
ميثه : أجل بجلس معك الوحام تاعبني ومالي خلق وأنتو سلموا لي عليها
الأم : وخوله
خوله : أيه بروح بس بطلع بدري ما بنتظرك
ميثه : وش عندك
خوله : أبدا فيصل بيمرني العصر بروح معه للسوق أنا ومنى ونجود
مي : وااااااااااااي سوق روعه
الأم : مو توك تعبانه بس سمعتي السوق تنشطتي
مي : هذا سوق لو على الفراش اصحى إلا وش عندكم عشان تجهيزات عرس منى
خوله : لا منى مخلصه أغراضها ونقلناها لبيتها تعرفين العرس بعد كم يوم
ميثه(تنسدح على جنب) : اجل
خوله : فيصل يبي منا نشترى أغراض لعهد
مي(شهقت) : أهئئئئئئئئئئئئ حدد العرس ما لحق هذا فيصل حار بحار وبعدين سمر ما قالت لي الخاينه كنت معها طول اليوم
خوله(سدت فم مي بيدها) : وووووووول عليك لسان
الأم : أذكري الله لا تحسدينها عاد ما فيها غير العظم واللسان
خوله(تبعد عنها) : ما شاء الله ما قلت شيء بس دو دو دو ورى بعض عطيني فرصه أتكلم
مي : طيب سكت يله قولي
خوله : عهد بعد ما خالها باع البيت رمي كل أغراضهم في الشارع
ميثه : الله لا يعطيه عافيه
خوله : جيرانهم ناس طيبين جمعوا الأغراض الزينة وحطوها في شناط وبلغوا أم عهد بس فيصل عرف باللي صار قال كل شيء ينرمى دام كان بالزبالة وعهد من جديد ينشرى لها كل شيء لأنها عروس
الأم : يعني من مهرها
خوله : إيه وعلى فكره فيصل يفكر يحدد الزواج خلال شهر أو شهرين بالكثير
مي : قلت لكم فيصل حار بحار
الأم : والله حال البنت يكسر الخاطر حسبي الله على خالها أخذ فلوسهم وآخرها يرميها في الشارع
ميثه : الطمع يا يمه وأعوذ بالله
خوله : يا عايشه أنتي تظنين إن البنت تتكبر على النعمة بان الله أرسل لها فيصل ترى أنتي خابره فيصل وش قال عنها
مي : ألزم ما على الواحد كرامته وولد أخوك داس كرامتها وأهانها أنا كنت موجودة كان خاطري أعطيه كف
الام (عصبت) : يا جليلة الخاتمة تعطينه كف
مي(تخبت ورى خالتها) : قلت كان كاااااااااااااااااااان ماقلت صاااااااااااااااار
الأم : والله لو كان يعني في نفسك يا بنت
مي : صدق في نفسي
الأم : هذي اللي بذبحها
خوله : أقول ميوه روحي خذي لك دش قمتي ترمين خيط وخيط
ميثه : وأنا أنصح بعد
مي : تضنون
الكل : أييييييييييييييييييييييييه
مي : صدق زعلوا أيه هذا فيصل ما يهون عليكم هههههههههههههههههههههه
الأم (عصبت) : ميووووه تقلعي لا تجيك الكاس براسك
مي(أخذت عباتها وأغراضها) : بتقلع طيب
ميثه : لسانها بيوديها في بلاوي
الأم : أقصه لها لو فكرت تغلط خصوصا على الرجال
خوله : تراها تمزح لا تأخذن الأمر بحساسية (حبت تغير السالفة) إلا للحين طارده خالد بسبت الوحام
ميثه(بحياء) : لا رضيت عليه
الأم وخوله : هههههههههههههههههههههههههههههههههه
الأم : من قده
خوله : وش سوى
ميثه : ما سوى شيء بس يقول بيعشيني برى بمناسبة الصلح
خوله(غمزت له) : يا عيني تتهنون
الكل : أمين
*******************************************
في بيت ليالي ....
نزلت بعد ما بدلت ملابسها توها راجعه من الكلية وجلست جنب أمها حمده
ليالي : وش الأخبار
أمها حمده(تصب قهوة لليالي) : ما صار غير سالفة مرت فيصل وتعرفينها
ليالي : صدق والله سالفة غريبة بس ربي قسم لها فيصل لخيره لها
الام حمده : يالله يهنيهم يارب
ليالي : أمين إلا وين أمي
الام حمده : في غرفتها تكلم أخوك وليد
ليالي : هههههههههههههه وليد نكته والله وش مسوي مع حريمه
الام حمده : ما مسوي شيء الثنتين زعلانات منه وأهو تعبان مع عياله ما شاء الله 6
ليالي : والله نكته اخوي ههههههههههههههههههههه
الأم حمده : أستحي على وجهك تقولين كل شوي نكته
ليالي : أجل توه صغير ما صار له 35 سنه ما شاء الله عنده 6 أكبر واحد عمره 10 سنه وحريمه مخبل كل ما حملت وحده الثانية راحت للمستشفى تفحص تقول بحمل بسرعة يتنافسن
الأم حمده : ما فيها شيء أهن ما شاء الله توهن صغار وشباب وأهو الله معطيه
ليالي (تأخذ تمره) : ما شاء الله معطيه الشباب والصحة والفلوس والمركز بس شكل العقل بيطير من عمايل حريمه
الأم(تجلس) : السلام عليكم
الأم حمده وليالي : وعليكم السلام
الأم حمده : هاه وش صار
ام ليالي : ما صار شيء بسافر بعد يومين للشرقية اجلس كم يوم عند وليد
ليالي : اوووه شكل المسألة هالمره كبيره
أم ليالي : خبال حريم
الام حمده : عرس منى بعد كم يوم وش تسافرين بتتعبين خليها بعد العرس مو بيحضرون
أم ليالي : إلا بس وليد صدع راسي يقول أبي حل
ليالي : والله من الدلع اللي مدلعه لهن لو يعطي الوحدة كف تتعدل
أم ليالي : أستحي على وجهك هذي حريم أخوك
ليالي : وأنا صادقه تعرفين المشكلة أنه مأخذ من الشرقية يعني لو زعلت وحده تروح لأهلها قراب وتخلي العيال عنده وليد طيب بزيادة لو يشد عليهن والله ما يعصنه
الأم حمده : بهذي صادقه هي طيبات وحبيبات بس وليد معطيهن وجه إلا أقول لك خلي لما يجون من الشرقية يحضرون العرس يعدها إذا تبين تسافرين سافري
أم ليالي : والله ما أبي أسافر بس وليد صدع راسي يقول لما أكون موجوده حريمه ما في مثلهن يعني كل وحده تبي توريني أنها أحس من الثانية
ليالي : ههههههههههههههههههههههههههههههههههههههه خطير يعني بيبسط نفسه على حسابك طيب واللي يخلي حريم وليد يردن لا ويدللنه ولا عاد يزعلن وش تعطونه
أم ليالي : اللي تبين بس تفكيني من صدعته هو وحريمه كل شوي متصل علي كرهت أرد والسبب اهو
ليالي : أنا أتصرف ( طلعت جوالها واتصلت) ألو السلام عليكم هلا أبو سعد
وليد : وعليكم السلام هلا وغلا بلولو شخبارك
ليالي : تمام وشخبارك أنت وحريمك
وليد : والله زفت
ليالي : هههههههههههههههههههه قالت لي أمي
وليد : وتضحكين على أخوك
ليالي : والله ما قصدي هههههههههه بس لمتى تبقى كذا مسيطرات عليك
وليد : والله عشان عيالي
ليالي : واللي يخليك أنت مسيطر وش تعطيه
وليد : اللي يبي
ليالي : تم اسمع وش بيصير أبيك تسكر جهازك وإذا رديت البيت تشيل فيشه التلفون فاهم
وليد : وليه
ليالي(بخبث) : أبدا برسل مسج صغنون لحريم وما يجي الليل إلا هن في البيت بس هاه تتصل علي وتقول لي وش صار
وليد : والمسج وش فيه
ليالي : برسل وأقول وليد اتصل على أمي ناوي على الثالثة يقول يبيها من أهل الرياض أهو تعب من زعل حريمه يمكن إذا اخذ من بنات الرياض يختلفن عن بنات الشرقية
وليد : بتخربين بيتي
أم ليالي : أنهبلت البنت
الأم حمده : لا تستعجلين
ليالي : بعمر بيتك حريمك ما راح يتحملن الثالثة وخصوصا أنها من أهل الرياض معناها كل فتره ملزم تجيبها للرياض وبكذا تسافر للرياض كم يوم وتبدى غيرت الحريم أكيد طلعها ووين نايم أكيد بفندق عشان ما يضيق على أهلها واستغلته بأنها اشتاقت لأهله عشان تبعده عنا
وليد : وإذا قلبن ضدي
ليالي : سوها وبترتاح على الأقل إذا زعلت منهن تجي لنا أنت والجديدة ويتعدلن هههههههههههههههههههههههههه
وليد : لا والله تحطينها في راسي وأنتي عادي تضحكين
أم ليالي(أخذت الجوال) : وليد ما عليك من هالخبله لا تسمع لها
ليالي : والله يمه مو خبله بس حريم اخوي مدلعات
او ليالي(لفت لها) : وتظنين بحركتك ذي بيتعدلن
ليالي(غمزت) : بتشوفين بيدللهن ويطيعنه
أم ليالي : والله يصير ليه لا (كلمت وليد) وش قلت
وليد : نجرب لو أنعكس علي أقول ليالي هبله
أم ليالي : ليالي هبله هههههههههههههههه
ليالي (بوزت ) : أفاااااااا خلاص ماني مرسله وخلك مع حريمك متأذي
وليد(سمعها) : يوووووه زعلت الخطابه أقصد ليالي عطينياها يمه
أم ليالي : كلمي أخوك
ليالي(تأخذ الجوال) : هلا بالأبضاي << كلمه سوريه تتابع باب الحاره خخخخخخخخخخ
وليد (تكلم بالشامي) : ليك على الوعد نفزي وإزا رضين نسواني ببعت لك أحلى هديه
ليالي : هههههههههههههه تم يالله تأمر بشيء
وليد : سلمي على أبوي ومحمد وناصر
ليالي : يوصل مع السلامة
وليد : مع السلامة
الأم حمده(تشوف ليالي تكتب مسج لحريم وليد) : شكل حريمه بيشيلن أغراضهن وسبق للبيت
أم ليالي : يمكن ما يصدقن
ليالي(تكتب) : والله بيصدقن هن عقل ما فيه كيف أن وليد بيعرس وخصوصا إني بحياتي ما كذبت عليهن
الأم حمده : والله منتي هينه
ليالي(تلعب بحواجبها) : أنا بنت أبو وليد بنته حريم يستقون على أخوي
الأمهات : هههههههههههههههههههههههههههههههههههههه
*******************************
في بيت عذاري .....
كانت قاعدة مع جدتها تهمز رجولها اللي تاعباتها من الروماتيزم وجدتها تسولف لها عن الماضي ويوم عذاري صغيره كيف أهي وسمر يسون المقالب في سلطان وفيصل وكان سالم صديقهن الصدوق رن التلفون وطلعت عذاري من الغرفة للصالة وردت
عذاري : ألو
: ألو السلام عليكم
عذاري : وعليكم السلام
: عذاري
عذاري(استغربت ) : تعرفني
: أيه أعرفك
عذاري : من أنت سالم ولا فيصل
: ههههههههه لا سالم ولا فيصل بعدين من هذولا
عذاري(تعجبت مأخذ راحته الأخ ) : عيال خالتي بس أنت وش دخلك وبعدين من أنت
: عيال خالتك متعودة تسولفين معهم
عذاري : نعم
: أسألك عيال خالتك عادي مأخذه راحتك معهم تسولفين
عذاري(عصبت) : وش دخلك وبعدين كيفي أسولف أخلص من أنت
: كيف تسمحين لنفسك تسولفين مع غرب
عذاري : غرب
: أيه أقصد سالم وفيصل
عذاري(وقفت وزادت عصبيتها) : أنت أنت أنت وش دخلك وبعدين من أنت عشان تحاسبني أتكلم مع فيصل وسالم ولا حتى مع إبراهيم
: بعد طلع في إبراهيم لهذي الدرجة مستهترة
عذاري : أنت وش دخلك صدق ناس فاضيه بتقول من ولا بسكر التلفون بوجهك
: بعد لا لا تبين لك تربيه من جد وجديد ما تعرفين الاحترام يا ماما
عذاري(خلاص فقدت أعصابها) : يا حقير أنا متربية غصب عنك وعن اهلك روح رب نفسك يا شاطر يوم تكلم بنات الناس ومهن محارم لك رووووووووح الله يلعنك وبعدين مالك دخل اكلم سالم أو فيصل أن شاء الله اكلم راعي البقاله طس الله يقلعك (سكرت التلفون وهي ترجف من العصبية ) حيوااااااااااااااااااااااان
الجدة(تنادي لها) : عذاري يا عذاري
عذاري : جايه يمه (تبي تدخل الغرفة رن التلفون رجعت ورفعته) ألو
: لو سكرتي التلفون بوجهي مره ثانيه يا ويلك
عذاري(رفعت حاجبها) : خير بعد يا ويلي
: سمعي يا عذاري أنا حذرتك لا تخليني أسوي شيء تندمين عليه
عذاري : أنت وش تحسب نفسك ما وراي رجال والله لو اتصلت لأقول لإخواني فاهم
: أخوانك أساسا ما عندك غير أخو واحد سلطان
عذاري(أنصدمت) : أنت وش عرفك
: أنا أعرف أشياء كثيرة عنك فوق ما تتصورين
عذاري : أقول أنت فاضي وإذا جاء سلطان بقوله في واحد حمار وقليل أدب وحقير يدق والحين طس وبسكر بوجهك ونشوف وش تسوي (وسكرت التلفون وسحبت الفيش ) ووووووول ويهدد بعد الله يقلعك (دخلت الغرفة) هلا يمه
الجدة : علامك تصايحين أخوك فيه شيء
عذاري : بسم الله عليه لا يمه هذا واحد متصل غلط ويستخف دمه وهزأته
الجدة : عفيه بنتي أتصلي على أخوك شوفي وينه
عذاري : يمه سلطان في جده نسيتي سافر اليوم الصبح
الجدة : يوووه والله نسيت الذاكرة لك عليها طيب تعالي همزي رجلي
عذاري(تجلس جنبها) : حاضر
الجدة : عذاري
عذاري : لبيه
الجدة : لبى قلبك ما قلتي لي وش صار على أبوك
عذاري : أبوي فهد بخير
الجدة : أنا أقصد أبوك الحقيقي
عذاري : امممم أبوي أحمد بخير يمه أنا سألت سلطان عنه
الجدة : وما تبين تجبرين بخاطره وتشوفينه
عذاري : تو الناس بعدني مو مستعدة
الجدة : صار لك شهرين وأنتي تأخرين
عذاري : طيب أبي لي وقت والله مو قادرة
الجدة : لا بتقدرين بس هذي عياره أنا بقول لسلطان يوديك بعد عرس منى
عذاري(أنصدمت) : بعد عرس منى اللي باقي له كم يوم لا لا يمه طلبتك
الجدة : اجل متى تبين لين يموت
عذاري : بعيد الشر عنه لا يمه خليها لوقتها
الجدة : بنشوف يا بنت أحمد متى بيلين راسك إلا ما قلتي لي وش أخبار مرت فيصل
عذاري : مدري والله بروح أتصل على خالتي وأشوف وش صار
الجدة : وعلميني
عذاري(توقف ) : حاضر (طلعت عذاري وركبت الفيش(واير) وتبي ترفع التلفون رن) ألو
: أنا مو قلت لك بتندمين
عذاري : ول ول ووووووول أنت للحين تنتظر نعم ما عندك غيرنا وش هالبلوه يا ربي
: أيه ما عندي غيرك
عذاري : يالأخو أستح وأحترم حرمة البيت الله يقلعك عيب ما عندك خوات
: لا عندي
عذاري : طيب عدني أختك عيب ترى
: كيف أعدك أختي وأنتي صرتي بقلبي
عذاري : الله يقلعك أنت وقلبك
: أهون عليك يا عذوره
عذاري(عصبت) : ويتغزل بعد يا حمااااااااااااااار ترى وصلت حدي (سمعت ضحك وخافت) أنت من وفاتح السبيكر بعد
: عذورتي ما عرفتيني
عذاري : وش شايفني أكلمك كل يوم عشان تقول تعرفني أخلص من أنت
: أنا سمر
عذاري(أنصدمت) : تخسي هذا صوت رجال
سمر : هاه هذا صوتي ولا لا
عذاري(أنصدمت) : يا حماره هذا صوتك صدق كيف سويتي كذا
سمر : هذا جهاز يغير الأصوات دلع جايبته من مصر يوم سافرت مع أمها وقلت عطينياه بسوي مقلب في عذاري
عذاري : ههههههههههههه والله خليتيني اعصب
سمر(تقلدها) : طيب عدني أختك عيب ترى ههههههههههههههههههههه
عذاري : صدق حماره وتضحكين بعد بعدين من معك أنا سمعت ضحك
سمر : عندي سلمى و نجود و منى
عذاري : سلمى عليهم
سمر : يسلمون عليك إلا ما طفشتي ما قلتي بتجين
عذاري : إلا بس سلطان سافر الصبح وما عندي من يجيبني
سمر : بخلي السواق يجيبك
عذاري : لا أمي ما ترضى نروح معه
سمر : طيب بشوف سالم إذا يجيبك وشوفي ما راح تروحين بتنامين عندنا سلطان ما راح يرجع اليوم
عذاري : إذا أمي رضت اوكيه إلا صدق شخبار زوجة فيصل
سمر : طلعت من المستشفى عندنا
عذاري: اووه تطورات وش حصل ما قالوا بيخلونها يمكن يوم
سمر : تطورات بس تجين بقول لك
عذاري : لا لا لا وش يصبرني قولي لي لين يجي سالم
سمر : ما تبين تلبسين قبل يجي
عذاري : لا لابسه وما يحتاج يالله قولي
سمر : السالفة أن ........
بالوقت اللي تسولف سمر لعذاري عن السالفة اتصلت منى بسالم يجيب عذاري وبنفس الوقت صحت عهد واهي تتأمل المكان حولها غرفة بيج بعنابي بذهبي راقيه كثير ألتفت وشافت خادمه جالسه على كرسي وابتسمت لعهد
الخادمة : أنتي يسحى
عهد : أنتي من
الخادمة : أنا ماريا
عهد : أنا وين
الخادمة : في كرفه
عهد : عارفه غرفه بس هذا بيت من
الخادمة : أها هزا بيت بابا فهد
عهد(تعتدل وتمسك رأسها) : بابا فهد من
الخادمة : ما يعرف سنو يقول أنتي
عهد : أففففففف وين ماما
الخادمة: كلوا يجلس برى
عهد : أنتي ليه جالسه هنا
الخادمة : بابا فيسل يقول أقعد هنا لين مدام يسحى بعدين يقول
عهد(كأنها صحت وتنبهت هين وين لفت حولها) : هذا بيت فيصل
الخادمة : يس
عهد(عصبت) : الحيواااااااان كيف يجيبني هنا
الخادمة(خافت ووقفت) : أنا أنا في ينادي مستر فيسل
عهد(بعصبيه) : لاااااااا يا ويلك تروحين لماما أنا ويقول عهد يبي مو يقول لفيصل فاهمه
الخادمة(هزت رأسها وطلعت واهي تمشي في الممر وتفكر) : يقول ما يقول وس يسوي أنا
: ماريا
ماريا(رفعت رأسها) : مستر فيصل
فيصل : أيه وش مطلعك من الغرفة ما قلت خليك مع عهد
ماريا : أنا بيقول بس أنت لا يقول حق مدام عهد
فيصل(رفع حاجبه) : عهد وش دخلها
ماريا : مدام يسحى ووازد يعسب بس أنا يقول ينادي مستر فيسل هي يقول لااااااااا أنا يبي ماما مو يقول حق فيسل
فيصل(أبتسم) : معصبه
ماريا : كسير بس في هي يقول مو أنا والله مو أنا هي يقول هيوااااان
فيصل : ههههههههههههههه طيب روحي
ماريا : يقول حق ماما مدام
فيصل : لا لا تمرين الصالة وإذا احد يسأل قولي ما يعرف مستر فيصل يقول روحي اوكيه
ماريا (أبتسمت) : اوكيه
دخل فيصل غرفة الضيوف اللي فيها عهد وشافها تمشي بتوتر وتعض أظافرها وباين عليها الغضب والعصبية أبتسم وذكر الله على جمالها ورشاقتها وعلى جمال شعرها الأسود كسواد الليل وحمد ربه أنه من نصيبه انتبهت عهد لأحد معها بالغرفة وانصدمت إن فيصل قدامها سحب غطاء السرير الأبيض الخفيف وتحجبته فيه وتغطت ما كان عندها شيء تستر نفسها فيه وعليها بجامه حرير نص كم وعبايتها وغطاها على شماعة (معلاق) خلف فيصل ما توصل له
فيصل : ههههههههههههههههههههههههههه
عهد(عصبت) : لا تضحك أطللللللللللللللللللع برى
فيصل : ههههههههههههههه لا أحلفي
عهد : ما أبي أشوفك أتركني
فيصل(يجلس) : طيب أجلسي خلينا نتكلم
عهد : مااااااااااااااا أبي اطلع أبي أمي وأبيك تطلقني فاهم
فيصل : أنا ما صدقت أحصلك تقولين طلقني حبيبتي أسمــ..
عهد(قاطعته) : لا تقول حبيبتي لا تقول أنا مو حبيبتك طلقني ما أبيك
فيصل : لا حول ولا قوة إلا بالله طيب شيلي هذا الغطاء لا تختنقين وأجلسي
عهد : لا والله احلف أجلس معك بدون غطاء وش شايفني ما استحي
فيصل : أنا زوجك
عهد : بالخداع والغش
فيصل : بس صرت زوجك رضيتي ولا لا
عهد : لاااااااااااااااااااااا (من عصبيتها رمت عليها مزهرية على الطاولة بس فيصل تفاداها) طلقني
فيصل(أنصدم وعصب) : أنتي مو صاحية
عهد : واللي تأخذك صاحية أنت تبي تجنني أكررررررررررررررررررررهك (ودمعت عيونها وأنبح صوتها) أكرهك يا فيصل
فيصل(بهدوء) : الجوري
عهد أنصدمت وما حست إلا بأيدها ترتخي والغطاء نزل عن رأسها ووجها صار على كتوفها
عهد(بهمس) : وش قلت
فيصل(أبتسم) : الجوري صح
عهد(هزت رأسها لا) : ...........
فيصل(قرب منها) : إلا أنتي الجوري اللي ترسل هدايا لي صح
عهد(هزت رأسها لا وتبعد كل ما قرب) : ...........
فيصل : أنا عرفت من فواز لما شفته وسألته كتب لي أنك كنت ترسلينه
عهد (بصوت مبحوح) : كنت
فيصل : وش تغير وليه فقدتك وفقدت إحساسك زعلتي عشان الكلام اللي أنقال تكلمي ليه يالجوري
عهد : ....................
أنفتح الباب ودخلت أم عهد اللي من شافتها عهد تركت الغطاء وركضت لها وضمتها وبكت
عهد(تبكي) : يماااااااااه
أم إبراهيم : فيصل وش سويت
فيصل : ولا شيء كنا نتكلم بس
أم عهد : عهد يمه عيب وش يقولون عنك بزر
عهد(تضم أمها أكثر) : يمه خلينا نروح البيت ما أبي أكون هنا خليه يطلقني ما أبيه اكرهه
أم عهد وأم إبراهيم أنصدمن ودخلت نجود ومنى وسمر وسلمى اللي سمعن صياحها
منى : عهد تعوذي من الشيطان إذا فيصل مزعلك قولي لي وشوفي وش أسوي فيه
عهد : خلوه يتركني
فيصل(بدا يفقد أعصابه) : عهد بس ما أبي اسمع كلمة طلاق كفاية طلاق ما فيه فاهمه
عهد(لفت له وبعصبيه) : بتطلقني غصب عنك غصب فاهم
فيصل(قرب وبعصبيه يبي يمسكها بس أهي صارت و خلف أمها) : تعالي بكلمك
عهد(بخوف) : لا يمه
فيصل : والله ماني مسوي شيء ليه خايفه
نجود : فيصل خلها شوي
أم إبراهيم : فيصل اطلع يمه البنت للحين تعبانه
عهد : لا خلوه يبقى
الكل تعجب تبيه يبقى وفيصل أبتسم بس اختفت الأبتسامه يوم قالت
عهد : أنا اطلع بعد ما يقول أنتي طالق
فيصل(بعصبيه) : عــــــــــــــــــــــــــــــــــــــهــــــــــ ـــــــــــــــــــد
نجود وأمها مسكن فيصل وطلعنه من الغرفة وسكرن الباب ويسمعون صراخ عهد تبيه يرجع طلقها وبعدها يروح وان غشها وتكرهه وتعاتب أمها كيف رمتها هي ما تصلح له هي زباله بالنسبة له قذرة كيف هانت على أمها وصدق الغشاش الكذاب فيصل تمنت الموت وتمنت أنها ما صحت لعنت خالها على اللي سواه
فيصل(عصب) : سكتوووووووووووووهااااااااااااا خلاص ما أبي أسمع هي تذبحني بكل كلمه كيف تتمنى الموت وهي حياتي يماااااااااااااااااه خليني أدخل اتركوني
نجود (تمنعه يدخل) : يا فيصل هد عهد مو بوعيها عهد تحت ضغط مو حاسة باللي تقول
فيصل : أم محمد وخرررررري خلني ادخل لها
أم إبراهيم (لما شافته يقرب وقفت على الباب) : ما تدخل أطلع من البيت ما يصير كذا ما راح تتفاهمون اطلع لين تهدى الأمور
فيصل(زادت عصبيته) : ما اقدر اتركها يماااااااااااه بعدي خليني أشوفها والله بس أشوفها فهموني يا يااااااا ناااااااااااااس
أم إبراهيم(عصبت) : رضاي عليك تطلع لين البنت تهدى يا فيصل لا تعقد إن الأمور بتتصلح بسهوله البنت مجروحة فاهم مجروحة
فيصل(هدى شوي وصر على ضروسه) : أنا طالع بس طلاق مراح أطلق قولي لها هذا بيتها وبيت زوجها وأنا صرت واقع أنا بطلع أرد أتمنى تكون عقلت ولا بتصرف تصرف ثاني ما يرضيها ولا يرضي الجميع
نجود : وش تبي تسوي
فيصل(وأهو يتجه الباب) : بخطفها وببعد عن الجميع لين يطيح اللي برأسها وتلين وتتقبل وجودي ببعدها وتكون لي وحدي
نجود(شهقت) : مجنون تسويها
فيصل(بعصبيه) : ما خلت فيني عقل ما صدقت أني ألقاها تبي تضيع مني مستحييييييييييييييل
طلع فيصل من باب الفيلا وصفق الباب بقوه لدرجه تردد صداه في البيت كله
أم إبراهيم : الله يستر
نجود : يمه أهو صادق ولا يمزح
ام إبراهيم : والله مدري بس نظرت عيونه تقول صدق خلينا نشوف البنت وش صار لها
دخلت وشافت عهد هدت بس تعضض أظافرها وتمسح دموعها ابتسمت أم إبراهيم
عهد(رفعت رأسها واهي للحين دموعها على خدها وتشاهق) : راح وين
نجود(تبي تغير الجو غمزت لها) : وحشك
عهد(كانت تبي تدعي عليه بس رحمة أهله باستهزاء) : كثير أهو وين
أم إبراهيم (جلست جنبها على السرير وأمها الجهة الثانية) : طلع قلت له يطلع لين تهدين وبعدها نتكلم
عهد(وقفت واتجهت لعباتها) : ما بينا تفاهم قولي له يا خالتي إني أنتظر ورقة طلاقي في بيت خالي
أم عهد : يمه عهد خالك باع بيته وسافر
عهد(أنصدمت) : باع بيته وإحنا
ام عهد : لنا الله مدري يا بنتي
عهد : الله لا يسامحك يا خال الله لا يسامحك
سمر(اللي تكلمت بعد صمت) : عهد خليك هنا في بيت زوجك معززه مكرمه
منى : وين بتروحين مالكم غير الله وإحنا
سلمى : وفيصل مسؤول عنكم اهو تكفل
نجود : ترى فكرتك غلط عن فيصل يعزك
عهد تحس أنهم يتكلمون بوقت واحد وتتزاحم الكلمات الحروف في عقلها حطت يدها على أذنيها
عهد (بهمس) : بس بس (رفعت صوتها ورفعت عيونها لهم وبدموع على الخد) كفاية أنتو ما عشتوا اللي عشته أنا لو أسكن بالشارع لو أشتغل خدامه بس ما يجمعني سقف مع فيصل أنا سامحوني بس اكررررررررررررهه أركررررررررررررهه (قربت من أم إبراهيم وباست رأسها ويدها) سامحيني يا خاله بس فيصل جرحني خليه يطلقني ويعتقني في اللي أحسن مني
أم إبراهيم(وقفت وضمتها) : عهد والله ما شفتي حالت فيصل مثل اللي لقى كنز يا بنتي ما يرضى ما يرضى
عهد(بعدت عنها ومسكت يد أمها) : يالله يمه خلينا نروح
أم عهد : وين يا بنتي ما عندنا مكان نروح له
عهد : أي مكان بس أبعد قبل يرجع فيصل
أم إبراهيم(غمزت لأم عهد تسايرها لين تهدأ) :خلاص يا عهد بيصير اللي تبين
عهد (ابتسمت ومسحت دموعها) : يعني اطلع
نجود : يمه
أم إبراهيم : بس محد له دخل
عهد لبست لفتها وعبايتها وطلعت مع أمها أم إبراهيم طلعت جوالها يوم طلعت عهد وأمها للصالة لان الغرفة بالطابق السفلي ونجود ومنى وسمر وسلمى يحاولون أنها تغير رأيها وطلعوا ورآها
عهد(ماسكه غطاها بيدها ) : يمه يالله
ام عهد : طيب أخوك وين نطلع من غيره
عهد : هاه أكيد برى ما راح يبعد لأنه ما يعرف أحد نأخذه ونأخذ لنا تاكسي
أم عهد(تلبس عباتها) : طيب ألبس عباتي اطلع كذا مو مستورة الله يهديك يا عهد
عهد ترفع غطاها تبي تلبس انفتح الباب ويوم شافت اللي دخل وشهقت عهد وطاح الغطاء منها وعيونها دمعت
----------------
الجد (دخل) : السلام عليكم
الكل : وعليكم السلام
الجد(أنتبه لعهد اللي لابسه عباتها) : على وين يا الغالية
عهد(عضت على شفايفها ) : .................
سمر(قربت لجدها) : جدي عهد ما تبي تجلس هنا معنا بتطلع
الجد : وين يا عروسنا الغالية يا بنت الغالي
عهد(نزلت أخذت الغطاء و أرفعته) : أذا أنا غالية خلني تكفه
الجد : أنتي غالية يا عهد بس وين بتروحين أمك ما قالت لك عن خالك
عهد(تلبس غطاها وترفعه) : إلا قالت بس أنا بتصرف وغلاة أبوي المرحوم تخليني أطلع والله مو قادرة أحس مخنوقة
الجد : عشان فيصل
عهد : .............
الجد : فيصل رجلك
عهد : يطلقني
الجد : ما تبغينه
عهد : لا
الجد : فيصل وين
عهد : هاه
الجد (يلتفت لمنى) : أخوك وين
منى : طلع
الجد : يدري عن حرمته بتطلع
الام(توصل لهم وغمزت للجد) : لا يا عم ما يعرف واهو قال ما تطلع (همست لأم عهد) اتصلت بأبو إبراهيم وكان بعيد قلت يمكن عمي يقدر يمنعها من الطلعة
أم عهد(بحزن لحال بنتها) : زين ما سويتي عهد ما هي عارفه وين تروح بس تبي تطلع
الام : يا رب يقدر عمي عليها أو على الأقل لين يرجع أبو إبراهيم ويكلمها أكيد بتسمع له ما راح يتأخر
الجد : ليه يا بنتي ترى الحرمة لازم تطيع زوجها وأنتي حرمته ومسؤول عنك
عهد(تقاطعه) : لا تقول حرمته خلني أروح طلبتك قبل يجـ.. (شهقت يوم شافت فيصل يدخل) فيصل
فيصل(أنتبه لعباتها وغطاها) : على وين يا عهد
عهد(رجفت) : بـ بـ بروح مع أمي
فيصل : وأمك وين رايحه
عهد : هاه
فيصل(يصر على ضروسه) : ما قلت لا تطلعين نجود مو قلت لك قولي لها مالها طلعه
نجود(خافت من شكل فيصل) : إلا قلت
الأم(شافت عهد ماسكه يد أمها وخايفه) : فيصل قصر صوتك علامك معصب على البنت
فيصل(بعصبيه) : انا ما قلت مالها طلعه ليه ما تسمع الكلام
منى(بعصبيه) : فيصل ما له داعي كل هذي العصبية
الأب (يدخل) : السلام عليكم
الكل : وعليكم السلام
الأب (بنظرة عتب) : فيصل أهدى يا ولدي خذ حرمتك لغرفتها وتفاهموا بهدوء وأنتو واقفين عند الباب
عهد(شهقت ومسك بأمها) : لا لا لا يمه ما أبي أروح
أم عهد : يا بنتي هذا رجلك أسمعي له
عهد : مااااااااااااا أبي يمه خلينا نطلع طلبتك
الأم : شف وش سويت البنت خافت منك
فيصل(يأخذ نفس ويحاول يهدى) : أعوذ بالله
الجد : ما تنفع العصبية شوي شوي ترى توكم متزوجين
فيصل : حاضر (ألتفت لعهد) عهد تعالي ندخل بتكلم معك لوحدنا
عهد : لا ما أبي أروح معك ما أبي أسمعك بس أبي كلمه وحده طالق
الأب : عهد
فيصل(يقرب منها) : خلها يبه أنا بتفاهم معها
عهد شافته يقرب صارت تتخبى(تهرب) مره خلف أمها مره خلف منى أو سمر ومره خلف سلمى اللي مسكت بطنها
فيصل : عهد وقفي وربي تعبت خلينا نتفاهم
عهد (بعصبيه) : قلت ما أبي أتفاهم معك بس أبي تعتقني اتركني
فيصل : طيب أسمعيني وبعدها كيفك وأنا أوديك وين ما تبين تعالي معي (قدر فيصل أخيرا يمسكها) وقفي يا عهد
عهد(حست بعصبيه وحست إنها تعرق ومخنوقة من لمساته تهز رأسها بلا ) : أبعدددددددددددددددددددددددددد يمااااااااااااااااااااااااااااه لا تلمسني لااااااااااااااااااااااااا يمييييييييييييييييي طلبك لاااااااااااااااااااااااااا هــــــــــــــــــــــــــــــدني لا لا لاااااااااااااااا
الكل أنصدم بصرختها لما مسكها فيصل لعهد
فيصل مسك أيديها الثنتين لأنها بدت تضربه وكأنها فقدت الواقع ومهي حاسة في اللي تسويه
أم عهد(قربت خافت على بنتها) : عهد
منى : نجود مسكي خالتي باين عهد مو حاسه بأحد
نجود(مسكت يدها) : لا تروحين يا خاله
أم عهد : علامها هذي بنتي فاهمين وش بنتي تناديني بنتي
منى : لا يا خاله انتظري
عهد( تحاول تفك نفسها و) : لااااااا أبعد يماااااااه لا يلمسني يماااااااااااااااااااااااااااااااه
فيصل(لفها وصار خلفها وكتف أيديها بأيده يحس برجفتها بين أيديه وبغضبها اللي تفاجئ فيه) : عهد أهدي أنا فيصل عهد
عهد(تحاول تقاومه وتبعد عنه وبدموع وغضب) : أتركني حراااااااااااااام تـــــــــــــعـــــــــــــــــــــبـــــــــــــ ـــت أبعد عني لاااااااااااااااااااااا تلمسني انا مولك فوااااااااااااز يمااااااااااااه ساعدووووووووووووووووووووووووني آآآآآآآآآآآآآآآآآآآآآآآآآآآه لااااااااا
الأب(بعصبيه) : اتركها يا فيصل
منى : لا يبه عهد مو وعيها سمر روحي اتصلي على سهام من جوالي خليها تجي بسرعة قولي لها عن عهد بسرررررررررررررررعة
سمر(منصدمه من حال عهد) : حاضر
فيصل(يتألم عهد عضته بذراعه بقوه لدرجة حس يده أدمت) : آآآآآآآآآآآآآه عهد بس عهد كفاية أصحي
عهد( تصارخ وتبكي ) : لا تلمسني آآآآآآآآه يماااااااااااااه لااااااااااا لحقينـ..
أنقطع صوت عهد وارتخت بين أيدين فيصل وغابت عن الوعي فيصل شالها وأتجه للغرفة
أم عهد : بنتي يا ويل حالي (وبدت تبكي) عهد يا عهد
منى (قربت وحطت يدها على يد أم عهد) : اهدي يا خاله أرجوك لا يصير فيك شيء عهد ما فيها إلا كل خير
أم عهد : بنتي طاحت وتقولين بخير
منى : أنا اتصلت بصديقتي هي دكتور دقائق وتجي لا تحاتين أنا بروح أشوفها ارتاحي
أم إبراهيم : تعالي يا أم عهد أهدي
الجد : إحنا بنروح للمجلس طمنونا عليها
منى : حاضر
رن الجرس ..
عذاري والجدة : السلام عليكم
الكل(يسلم) : وعليكم السلام
الأب : لا تنسين تطمنينا يا منى على عهد
منى(ابتسمت) : ما أنسى أن شاء الله
الجدة : علامها عهد
أم إبراهيم(تمسك يدها) : تعالي يمه ما فيها شيء حياك يا أم عهد نجود خليهم يجيبون لنا القهوة والشاي بالصالة
نجود : حاضر
عذاري(تقرب لسلمى) : علامها عهد
سلمى (بهمس) : طاحت علينا
عذاري : بسم الله وش صار فيها ما صارت بخير
سلمى : والله مدري وش صار
عذاري : تعالي قولي لي وش صار بالتفصيل
سلمي : بروح أساعد نجود هذي سمر جايه تقول لك
سمر(تسلم على عذاري) : شخبارك
عذاري : تمام إلا وش صار عهد وش فيها طاحت
سمر(مسكت يدها) : تعالي نجلس بالصالة وأقول لك على ما تجي سهام
عذاري : سهام لهذي الدرجة خطير اللي صار
سمر : خطير وبس صدمه عهد فقدت أعصابها وصارت تصرخ ولا تلمسني
عذاري : اجل تعالي قولي لي
في غرفه عهد حطها فيصل على السرير وجلس جنبها يبعد خصلات شعرها عن وجها
منى(حطت يدها على كتفه) : تطمن عهد بخير
فيصل(ببسمة ألم) : عهد عانت يا منى أخاف أفقدها فيها شيء الحالة اللي وصلت لها قبل شوي شنو بفهم
منى : أنا اتصلت على سهام بتجي
فيصل : ليه طلبتي سهام كان طلبتي دكتورة متخصصة
منى : سهام أفضل شيء في حالة عهد
فيصل : حالة عهد ما فهمت
منى (تجلس جنبه وتقابله نظرت لعهد وبعدها له) : عهد مرت في حالات محاوله للاغتصاب لما أنت لمستها فقدت الإحساس بالواقع أعتقد أنها بخيالها ظنتك محسن وتحاول تهاجمها حاولت تهرب منك وتستنجد في أمها وأخوها أنا أعرف حالات كثيرة مثلها من سهام والأعراض اللي صارت تشبه
فيصل(مسك يد عهد الغايبه عن الوعي بحنان باسها) : عارفه يا منى تمنيت عهد وتمنيت الجوري
منى(ابتسمت) : للحين تتذكر الجوري
فيصل(رفع نظره لمنى وأبتسم) : لقيت الجوري
منى(بصدمه) : احلف وين ومن أهي
فيصل(طالع لعهد) : قدامك
منى(طالعت لعهد بصدمه) : عهد
فيصل : اكتشفت أنها والجوري واحد
منى : مو فاهمه
فيصل : لما شفت فواز تذكرت أنه من كان يوصل الهدايا والورد اللي عضني تذكرين
منى : وقلت لها
فيصل : أيه أنكرت ودخلت أمها وأمي بهذيك اللحظة وما قدرت أسألها وبعدها حصل اللي حصل منى تأخرت صاحبتك
منى : لا على وصول بس أنت أطلع للمجلس ما يصير تجي وأنت هنا
فيصل : وعهد
منى : بتكون بخير بطمنك بس عشان سهام بتنحرج من وجودك
فيصل (باس جبين عهد ووقف) : طمنيني أول ما تطلع بكون بالمجلس
منى : حاضر
بطلعت فيصل وصلت سهام ودخلت بعد ما وصلتها سمر وعذاري للغرفة وأهن انتظرن برى وسهام ومنى داخل مع عهد ...........
سهام بعد ما عرفت السالفة بدت تصحي عهد من الإغماء وتطبطب على خدها بشويش
سهام : عهد عهد أصحي عهد
عهد(صحت وأبعدت يد سهام وضمت رجولها) : أبعد لااااا تلمسني
سهام : بسم الله عليك أنا سهام وهذي منى
منى : عهد أنا منى
عهد(فتحت عيونها وغمضت ) : أنا وين وش صار
منى : أغمى عليك
سهام : وش تاعبك في شيء يعورك
عهد(مسكت رأسها) : راسي شوي يعورني أنتي من
منى : هذي صديقتي وحماتي أخت مشاري دكتورة جايه تتطمن عليك
سهام(تطلع أبره وتقرب من عهد) : مدي ذراعك
عهد : هذي وش
سهام : أبره مهدأة للأعصاب
عهد (مدت ذراعها) : ما شيء يهدي آآح تعور يهدي أعصابي غير طلاقي من فيصل
سهام(ترد الأبره وتقرب من عهد) : طلاقك من فيصل عشان أهو فيصل ولا شيء ثاني
عهد : كيف ما فهمت
سهام : يعني لأنه رجل ولا فيصل بن فهد
عهد : ......................
سهام : وش صار يا عهد لما فيصل لمسك ليه صرختي وقلتي لا تلمسني أعرف أن زوجك وما سوى لك شيء غير أنه مسك يدك ليه فقدتي أعصابك
عهد : مدري (غمضت عيونها تبعد أفكار بدت تتزاحم) مدري وش صار فقدت الإحساس حتى ما انتبهت أني أصارخ وما حسيت باللي حولي
سهام : وشنو شفتي
عهد(رجفت وضمت نفسها) : محسن
منى (تأكدت من شكها) : ................
سهام : من محسن
عهد : ولد خالي
سهام : اعتدى عليك
عهد(فتحت عيونها وبعصبيه) : يخسي ما قدر يلمس شعره من راسي كنت كل مره أقدر عليه بس لما ......
سهام : لما شنو
عهد : لما اهرب منه ما أحس بنفسي وأغيب عن الوعي
منى : ومن يصحيك
عهد : مرات أصحى بعد فتره من نفسي وأتعجب من المكان اللي أنا فيه ومرات أخوي فواز يصيحيني أهو وأمي
سهام : اوكيه يا عهد أنتي نامي ألحين وأنا بشوفك بوقت ثاني
عهد(رفعت رأسها لها) : أنا وش فيني
سهام(ابتسمت) : كل خير لا تحاتين أنا أستأذن
منى(تتسند على عكازها) : بوصل سهام وأرجع لك
عهد(هزت رأسها) : ..............
منى(طلعت من الغرفة وسكرت الباب) : وش مجلسكن هنا
سمر : نبي نتطمن على عهد
عذاري (تسلم على سهام) : شخبارك
سهام : تمام هلا بالغائبة
عذاري(أنحرجت ) : انشغلت
منى : خير لا تقولين ما تروح الجلسات
سهام : 4 جلسات تقريبا من شهر ما شفتها
منى : وأنا أسألك تقولين أروح
عذاري : انشغلت والله
سمر : بشنو العيال ولا أبوهم ههههههههه
عذاري(قرصتها في جنبها) : ................
سمر : آآي
منى : طيب لنا جلسه يالله توكلن بتكلم مع سهام
سمر : طيب وشلون عهد
سهام (ابتسمت) : بخير هي بس الفترة اللي فاتت خلت أعصابها تعبانه
منى : يالله ألحين خلنا بروحنا (لفت لسهام) طمنيني
سهام : بصراحة حالتها شوي صعبه
منى : مو فاهمه
سهام : عهد ما راح تقبل أن فيصل يقرب منها أو يلمسها مجرد لمس حتى لو بيدها
منى : والسبب
سهام : اللي فهمته منك أنها أمس تعرضت لحالة محاولة اغتصاب من ولد خالتها واللي عرفته أن مو أول مره وتكرر
منى : طيب وش دخل فيصل بمحاولات الاغتصاب أو ولد خالها
سهام : السبب أن فيصل رجل وولد خالتها رجل يعني كل رجل تشوف فيه ولد خالتها تغيب عن الواقع للذكريات يتهيأ شكله وتشوفه ما تشوف غيره
منى : يعني
سهام : أنا أنصح فيصل يبعد عنها في الفترة الحالية
منى : فيصل بيرفض
سهام : هذا مو طلب هذا أمر عهد راح تتأزم حالتها كل ما قرب منها وتزيد بكرها لجنس الرجل وتنفر منه و يزيد غضبها وعصبيتها وتنعكس على حياتها سواء معه أو مع اللي حولها
منى : طيب فيصل فهمنا ليه تكرهه أو تعصب عليه اللي حولها وش دخلهم يعني اقصد المرأة
سهام : بيكون شعورها إن أنتم وقفتوا في صف فيصل وخدعتوها ولا نبهتوها للي يصير
منى : سهام مرت عليك حالات كذا
سهام : أيه في حالات مرت علي لحظه أنتي تبين أعالجها
منى : أيه أنا أبيها تتحسن عشان عهد نفسها ترد عهد الواثقة عهد الشموخ وعشان فيصل لأني عرفت اليوم إن مو يحبها انه يموت فيها ويمكن يصير له شيء لو بعدت عنه أو فقدها
سهام : أنا ما عندي مانع بس لازم هي توافق على العلاج يكون نابع من قرارها مو إجبار
منى : عطيني يومين وبشوف أحاول أقنعها والحين نجي حق عذاري وش صار
سهام(ابتسمت) : عذاري تحسنت كثير وبدت تتقبل وجود أبوها برغم الحذر اللي تحاوط نفسها فيه لما تتكلم عنه وتكتم مشاعرها لا تندفع وتعترف بمدى حبها وشوقها لشوفته
منى : يعني تقدر تشوفه
سهام : هذا تسألينه لها أنا كطبيبه أشوف أنها ما تحتاج جلسات علاج ثانيه هي تقدمت وقهرت الخوف وحطمت الفكر اللي كانت حاطتها عن والدها
منى(ابتسمت) : تعبتك معي
سهام : كل شيء يهون لعيونك يا عروس هاه مستعدة
منى(ابتسمت بحياء) : مرتاحة الحمد لله
سهام(تبتسم) : ترى مشاري يسلم عليك
منى : الله يسلمه
سهام : ترى اهو اللي جابني عندكم
منى(رفعت رأسها) : والله
سهام(بخبث) : والله بس مو لعيوني لعيون عروسه يتأمل يشوفك
منى : هههههههههههه قلت له ما فيه ليوم العرس خل ينتظر كم يوم
سهام : يعد الأيام ليوم العرس مع انه يتحلف فيك
منى : ليه
سهام : يقول كيف تحرمني من صوتها وشوفتها يتصل ولا تردين
منى : ههههههههههههه خليه
سهام(تكمل) : على نار الشوق
منى وسهام : هههههههههههههههههههههههههههههههههههههههههههه
******************************************
في بيت بندر ..
بندر(نازل معصب وأمه وراه) : يوووووووووووووه يمه خلاص
الأم(بعصبيه) : لا مو خلاص وأهو على كيفك
بندر(لف لها) : يمه زواج ماني متزوج
الأم : لا بتتزوج أنا كلمت الناس وقلت له ولدي بيشوف بنتكم
بندر : والله حاله قررتي وأخترتي لا وبعد حددتي اليوم
الام(تجلس على السلم وتدعي البكى(الدموع)) : أيه رح لو أنت ولد بار في أمك كان سمعت كلامي
بندر(ما هانت عليه أمه رجع وجلس جنبها) : طيب ليه الدموع
الأم : خلني أبكي على شبابي اللي ضيعته أربيكم كان ممكن أتزوج حالي حال الحريم اللي ترملن صغار بس قلت لا عيالي أولى فيني ما دريت إن عيالي يبون يجيبون لي الموت
بندر(يبوس رأسها) : بسم الله عليك
الأم : ابعد عني تقول بسم الله علي وفعايلك عكس كلامك
بندر : يالغالية والله صعب أتزوج بعدين من اللي ترضى بواحد مطلق وعنده بنت بعد
الأم(ابتسمت) : موجودة أسمها الجوهرة واهي مدرسه صديقة خوله هي مطلقه
بندر(أبتسم بداخله لقى عذر مطلقه) : لا لا مطلقه لا يعني متزوجة واحد غيري لا أبيها بكر بنت
الأم (أفرحت وابتسمت) : أهي بنت
بندر : بس تقولين مطلقه
الأم(تبتسم بخبث) : هي تطلقت قبل يدخل زوجها عليها طلقها قبل زواجهم بأسبوع
بندر(بصدمه) : بنت
الأم (توقف) : لوووولوووووووووش وأخيرا بيتزوج بندر كلوووووووووووولوووووووووش بروح أتصل على أم الجوهره أقول نبي نزورهم
بندر حط وجهه بين أيديه أنقلب كل شيء ضده يبي تكون الأمور لصالحه صارت ضده ما حس إلا بيد على كتفه رفع رأسه وأبتسم
بندر : ميووه
مي(باست رأسه) : مبروك يا بندر تتهنى يا رب
بندر : عزيني بدل تباركين لي
مي(جلست جنبه) : ليه يالغالي
بندر : أمي تبي تزوجني وأنا ما أبي
مي : قل لها
بندر : قلت بس تقول أني أبي موتها أذا ما وافقت
مي : اجل صل صلاة الأستخاره إذا لك خير بتتزوج يا خوي وإذا مالك خيره ما يتم الزواج لو أمي موافقة
بندر : أتمنى ما يتم حرام اظلمها
مي : ليه تظلمها
بندر(وقف) : لا تهتمين يالله بروح تبين شيء
مي : لا سلامتك
بندر(طلع من البيت وطلع جواله ) : ألو وينك
إبراهيم : وعليكم السلام وش فيك معصب سلم
بندر(بعصبيه) : أخلص ترى مو ناقص
إبراهيم : خير يا خوي وش فيك يا أبو شوق
بندر (بعصبيه) : قدرت علي أمي
إبراهيم : ما فهمت
بندر : خطبت لي
إبراهيم(بفرح) : مبروووك يا رجال
بندر : غصب غصب حطتني أمام الأمر الواقع
إبراهيم : بندر وش فيك معصب
بندر : مخنوووووووووووق
إبراهيم : خلاص هد أنا جايك
بندر : بسبقك للأستراحه
إبراهيم : لا لا تسوق وأنت معصب أنا جايك بالطريق
بندر : طيب يكون أحسن
إبراهيم ما أخذ عشردقائق إلا وصل له سلم عليه وصعدوا السيارة وعم الصمت إبراهيم يعرف بندر إذا عصب ما يعرف احد وممكن يغلط بالكلام ويتهور
بندر(يفكر بصمت) : كيف أتزوج أنا بعد هذي السنين (لف نظره خارج السيارة) سبحان من نجاك يا سمر كنت ناوي نيه عليك اكسر خشمك هههههههههه بس سبحانه يحبك وطيحني بشر أعمالي ..... آآآآه كيف بعيش معاها زوجة الأب ما تستحمل عيال زوجها كيف بتعامل شوق أفففف الله يسامحك يايمه بتجنين علي وعلى بنتي .. طيب هالجوهره وش جابها لحياتي كله من خوله ليه تسولف لامي بنجن والله عقلي طار .. هي جنت على عمرها أتمنى ترفضني لأنها لو قبلت بتدخل حياتي وتكره عمرها .. آآآآآآآخ خلاص بس طلعي من مخي (حس بيد إبراهيم على كتفه ألتفت له)
أبراهيم : وصلنا يا خوي
بندر : رجعني للبيت
إبراهيم (ألتفت له واهو جالس) : نرجع تونا وصلنا
بندر : مالي خلق أشوف احد متضايق أخاف أعصب وأغلط
إبراهيم : انزل لما تهدى بنسولف
نزلوا ولقوا شباب العائلة موجودين سلموا وجلسوا
سالم : طيب وش السواه هالمعامله يبي لها وقت في البنك
ناصر : خلاص بكره تعال للبنك وأخلصها لك
سالم : كفو
ناصر(بخبث) : بس أبي العمولة
سالم : قلت ما تسوي خير
ناصر : مو من جيبك ومن جيب العم أبو عمر
سالم : من صدق تتكلم
ناصر(ضربه على كتفه ) : افااااااا اخذ من اخوي مستحيل
سالم (يلف لناصر) : أيه بياع كلام إلا أقول وش رأيك تسوي مثل فيصل
ناصر : كيف
سالم : تخطب وحده
ناصر : وليه ما تخطب أنت
سالم : أكون نفسي
ناصر(غمز له ) : تكون نفسك ولا تضبط بنت المعزب
سالم : هههههههه والله مهي في بالي
ناصر : والاتصالات
سالم : تعرف أن أبو عمر رجال ما عنده أولاد كبار هو عنده ولد واحد عمر وعنده 4 بنات متزوجات 2 وثنتين وحده 21 سنه والثانيه 16 سنه هي تتصل لما أبوها يحتاجني أمر عليه ولا تنسى إنها دارسه بالخارج أدارة أعمال
ناصر : يعني بحلفك بالله ما مره شفتها
سالم(حك خشمه) : والله بناته فري ما يتغطن أول ما اشتغلت معه كنت مرات أزوره البيت عشان أوراق أو صفقه نبي ندخلها شفتهن بس مره قلت لبنته بس بطريقه ما تحرجها تتغطى على الأقل شعرها ما يبان
ناصر(منصدم) : جرئ كيف قدرت
سالم : والله من معزة أبوهن يطلعن قدام السواقين والخدم بدون غطى و عيب اللي يصير يعني لو هي دارسه بالخارج ما تترك العادات والتقاليد وتنسى الدين والحشمه
ناصر : وطاعتك
سالم : أسكت كانت بتعطيني كف ذاك اليوم وقالت يا وقح ومتخلف قليل أدب يعني قليل أدب يوم نصحتها أجل اللي سوينه مو قلت أدب يوم ما تستترين
ناصر : ههههههههههههههههههههههههههههههههههههههههههههههههه
الكل ألتفت لناصر والجلسة عمها الهدوء وسالم حس بالإحراج وممكن ناصر يقول وينفضح ويعلقون عليه
خالد : ضحكنا معك
محمد : شكل سالم قايل نكته
سالم : هاه
ناصر : ههههههههههههههههههه فضيعه قووووووووووووويه
فهد : وش القوية
ناصر : سالم قال
سالم( حط يده على فم ناصر) : الله يبلشك أسكت بلا فضايح
محمد : شكل السالفة قويه
فهد : أقول نمسك سالم وناصر يقول
محمد : صار
سالم : ياويلكم أذا قربتوا (مسكه فهد ومحمد) نويصر
ناصر(بخبث) : هه نويصر هاه
سالم(بيفك نفسه) : لا تصير نذل يا ولد
فهد : يالله قولي
أبراهيم : شكل اخوي في شيء قوي صاير له
بندر(تحمس ونسى سالفة العرس) : قول ناصر
ناصر : هذا الله يسلمكم
سالم : ناااااااااااااااااصر
ناصر(رفع حواجبه ولف لهم) : سالم صار مطوع شاف وحده قال لها يا أختي أستري عيب ردت عليه واهي معصبه يا وقح ومتخلف وقليل أدب
الكل : ههههههههههههههههههههههههههههههههه
سالم(وقف) : حمااااااااار هين يا نويصر والله ما أقول لك
بندر : هههههههههههه تعال صرت مفتي ههههههههههههه
سالم : روووووووح زين أنا راجع البيت شف من يوصلك
ناصر(يمسك يده) : تعال
سالم(سحب يده وبعصبيه) : وووووووووووول والله ما أسولف لك (طلع مفاتيحه وتركهم)
إبراهيم : ههههههههههههههه جزاك
ناصر(يجلس) : انتو سألتوني
فهد : هههههههههههههه إلا أنت نذل تبي تحرجه
خالد (يوقف) : وأنا راد البيت توصون على شيء
ناصر : خذي معك
خالد(يطالع له من فوق لتحت) : عندك أخوك وش دخلني فيك يالله مع السلامة
محمد : لا تطالع لي أنا جاي مع فهد
ناصر(يقرب من فهد) : فهودي حبيبي أنا
فهد(يبعد يده) : تخسي ألحين مخون في خويك واخو دنيتك آخذك والله تفضحني
ناصر : وش دخل اجل عندك شيء مخبيه أعترف
فهد : أقلب وجهك
ناصر : طلبتك ترى أنا ومحمد نعيش في بيت واحد
فهد(باستهزاء) : أحلف لا جديدة كنت أظن أنك في بيت وأهو في بيت طمنتني
ناصر : تأخذني
فهد : لااااا
ناصر : ليييييييه
فهد : عشان زعلت ولد عمي
ناصر : أجل وش أنا ولد الجيران
فهد : لا بس أحس نفسي قريب من سالم أكثر
ناصر(بنظرة خبث) : لا يكون تبي تناسبه
فهد(يلعب بحواجبه) : منت عارف يمكن
ناصر(يبعد عنه) : ووووووول زين ما باقي غير تأخذ سمر تحلم
بندر : لا يكون تبيها
ناصر(بلع ريقه) : هاه لا ما قصدت كذا
فهد(بخبث) : اجل
ناصر(يطالع ساعته) : سمر بحسبة أخت فقط بس أنا أنا أقصد أن فهد عصبي ونار واللي أعرفه أن سمر عصبيه وبعدين (بخبث) أنت لك وضحه
فهد(بعصبيه) : انطم
ناصر(يلعب بحواجبه) : لا تخون بالمسكينة ترى عيب هي حرمك
فهد : نويصر كل تبن وأسكت ترى النفس شينه
ناصر(بخبث) : أيه طرينا زوجة المستقبل(ركض يوم شاف فهد قرب من وصار خلف إبراهيم) بوجهك يا أبو فهد
إبراهيم : بوجهي
فهد : خله يطلع والله لو طحت في أيدي لأذبحك اليوم
ناصر(يمد لسانه) : عشان وضـ..
فهد(يقاطعه) : نااااااااااااااااصر
إبراهيم(يلف له) : اسكت شفه كنه ثور هايج وش يوقفه
ناصر : عادي نجيب له ماء ههههههههههههههههههه
إبراهيم(يشوف فهد يقرب وقف وحط أيديه قدامه) : طلبت هد تراني أبو الغالي سميك
فهد(بعصبيه) : هذا لازم ينضرب عشان يحرم يا خوك حتى خويه ما سلم منه
ناصر : مالك شغل بيني وبين سالم خلك مع (ما حس إلا اللي يمسكه بيده) هيييه
بندر : إبراهيم أنا سابقك للسيارة بنوصل ناصر تأخرنا
ناصر(بفرح) : بتوصلوني
بندر : أيه أخاف تسبب لنا جريمة مع الثور الهايج انا أعرف الثور يهيج أذا شاف خامة حمراء أو شيء أحمر هذا فهد يهيج ويثور أذا جبنا في سيرة وضحه
ناصر : ههههههههههههههه نكته
بندر(ضربه على رأسه) : أسكت واركب خلنا نوصلك
ناصر : روح عسى يا رب يرزقك بخير ونبارك لك بالزواج والولد
بندر(لف له) : ليه سامع شيء
ناصر : ليه في شيء صاير أنا على خبري أول من يعرف الأخبار أنا
بندر : والله من جلست الحريم
ناصر : وش الحريم انا ما أجلس إلا عند الرجال
بندر : أنت تسولف كثير ما تسكت
ناصر : إلا بسكت بس قل لي أنت بتعرس
بندر (كتم غيضه) : وش دخلك
ناصر : بفصل فستان أقصد ثوب للعرس
بندر(رفع رأسه للسماء) : لا حول ولا قوة إلا بالله إبراااااااااااااهيم
إبراهيم(يطلع المفتاح) : جيت يالله أركبوا وأنت(لف لناصر وبعصبيه) لو فتحت فمك أنزلك بالشارع فاهم
ناصر(حط يده على فمه خاف يستفردون فيه) : ......................
بندر وإبراهيم : هههههههههههههههههههههههههههههه
*********************************
28 ابريل 2017
Shahaad
Shahaad
.. فريق تطوير المنتدى ..
[ النخبة ]
نعود لبيت أبو أبراهيم ..
فيصل(بعصبيه) : مستحيييييييييييييييييل
منى(تمسك يده وتجلسه) : قصر حسك وش فيك اليوم صاير نار
فيصل (ينافخ) : أففففف يا منى والله مقدر أبعد أبي أشوفها أبيها دوم قدامي
منى : من متى هالحب
فيصل : الحب كان لجوري قبل أعرف بعهد ولما عرفت عهد حبيتها لدرجة نستني جوري ولما عرفت إنهن واحد أنصدمت ما صدقت أني ملكت الثنتين بوقت واحد تبين بسهوله أبعد لاااااااااااااااااااااااااااااااااا لا أنتي ولا دكتورتك تقرري عهد بتكون دوم قدامي
الأب(يدخل) : لا
فيصل(لف لباب ) : يبه
الأب (يسكر الباب ويجلس) : اجلس يا ولدي
فيصل (يقعد) : خير يبه
منى(توقف) : بتركم
الأب(يمسك يدها) : أجلسي منتي غريبة أبيك تشهدين على اللي بقوله
منى : خير
الأب : أنا قلت لك عن عهد الصبح صح
فيصل : لا يبه لا تقول حتى 24 ساعة ما مرت علي
منى : وش قلت
الأب : يطلق عهد
منى(بصدمه) : شنووو
فيصل : ما راح أطلقها سامحني صعب يا ناس والله صعب
الأب : أنا سمعت شنو رأي الدكتورة وما أبي البنت يصير فيها شيء
فيصل (عصب وقف) : يوووه يا ناس عهد في حاله عصبيه يعني هي حكمت علي من موقف خلوها تعرفني بتتغير نظرتها فيني لا تجنون علي بسبب محسن
منى : هد يا فيصل
فيصل يفك زرار ثوبه العلوي ويجلس ويحط رأسه بين أيديه
الأب (حزن لحال ولده) : طيب يا فيصل اهدي والله يا بوك مو عارف وش أسوي عهد كاسره خاطري اللي صار اليوم وقدامي خلاني في دوامه
فيصل (لف لأبوه) : يبه بقول لك شيء تذكر البنت اللي كانت ترسل لي الورد الجوري والأشياء
الأب : وش ذكرك فيها
منى : لان عهد هي نفسها الجوري
الأب(بصدمه) : هي أخاف تكذبون علي
فيصل : والله ما اكذب وواجهتها والله يبه أهي البنت تحبني أقسم بس في سر فيها
الأب : فيصل
فيصل (يبوس يد أبوه) : اقسم ما أكذب هي اللي لها تقريبا سنتين ترسل بس ليه أنا مدري
الأب : بقول لك شيء حصل قديم في حياة أبوها
منى : وش يبه
الأب : الفرق بين فيصل وعهد كم
منى : أظن سنتين أو سنه كذا
الأب : أيام زمان كنت حاب أناسب منصور إبراهيم كان خاطب سلمى كنت أقول فيصل لعهد وعهد لفيصل وعلى أساس أذا الزمن كتب لنا عمر أخطبها وأزوجها لولدي بس صار اللي صار ويوم توفى وخالها أخذها رفض اللي أنقال بينا وقال ما أعترف فيه أبو عهد الله يرحمه كان دائم مزح مع عهد ويقول لما يجي فيصل بتنسيني تقول لو يأخذني بأخذك معه
فيصل(مصدوم) : يعني كنت خاطبها لي
الأب(أبتسم) : أيه كانت مسميه لك
فيصل : ما قلت لي
الأب : لا قلت لك بس أنت رفضت قلت ما تخطبون لي أبي أختار ما أبي أكون مثل إبراهيم بستمتع في حياتي
فيصل : انااااااااااااااااااااااااااا
الأب : تعرف أول ما تخرجت من الثانوية قلت بخطبها قلت صغير دخلت العسكرية قلت أوكيه ننتظر لين تتخرج بعد ما تخرجت زدت عناد ورفضت انحرجت من منصور كثير بس اهو قال هذا النصيب وإذا له نصيب بياخذها
منى : عجب والله اللي كان رافض ألحين يبيها
فيصل : كنت غبي غبي يبه أنا أبيها
الأب : راحت منك
فيصل(لف له) : شنوووووووووووووو
الأب : أنا خيرتك
فيصل : لا لا أنت عطيتني فرصه وأنا بستغلها
منى : يبه أسمح لي بقول شيء
الأب : شنو
منى : سهام قالت ممكن تعالجها وتتحسن بس يبي لها فتره أنتظر يبه
فيصل : سمعت يبه يعني هي فكره في بالها مو أنا السبب يبه أنت وعدت عمي منصور الله يرحمه طلبتك لا تخلف
الأب : موافق بس ما فيه زواج لين أحس أنها متحسنه إن شاء الله تأخذ العمر كله
فيصل : موافق المهم ما أطلقها بس لي طلب
الأب : اطلب
فيصل(بخبث) : مهما أسوي ما تتدخل
منى : ههههههههههههههههههههههههههههههه
الأب : وش تقصد
فيصل(يبتسم) : زوجها كيفي
منى : ههههههههههههه بطني
الأب : يا ويلك لا تقرب منها ومالك دخل فيها
فيصل : وش لا اقرب هذي زوجتي شوف يبه أنا ما أبي أهددك بس يا تخليني على راحتي يا أخطفها اليوم وانتو نايمين
منى : صدقني يسويها هههههههههههههه
الأب : موافق بس أذا اشتكت منك بحرمك تدخل الشقة
فيصل : وش الشقة
الأب : شقتها هي باسمها وبتسكن فيها هي وأمها
فيصل : مستحيل تعيش بعيد عني
الأب(طالع لمنى وبعدها طالع له) : وش بعيد عنك ترى شقتهم ما تبعد 10 دقائق عن سكنا من أرقى الشقق لها وباسمها بعد
فيصل : شوف يبه عهد تسكن برى لما نتزوج مو ملكه بس دام مو متزوجين هي بتكون قدام عيوني
منى : بتشل حركتها وش فيك صاير أناني خلها
فيصل : يوووه أنا مو أناني بفهمكم اللي صار أن ولد خالها محسن هدد وهددني مباشر لما عرف أني تزوجتها قال والله ما تتهنى فيها
الأب : كلام ما عليك منه وبعدين هو بالسجن
فيصل : وش يضمني ما يرسل أحد من ربعه تراه مو هين
الأب : يسويها
فيصل : أيه يبه أنت ما تعرف له وبعدين فواز صغير وما يحميها وخالتي مره كبيره من يحميها
منى : نوصي البواب عليهم
فيصل : طيب فكروا لو أحد أرسل البواب واستغلوا فرصة غيابه وش نسوي
الأب : صح
فيصل(في نفسه أبتسم) : والله ضبطت الوالد وصدق وعهد بتكون قدامي أصلا عارف لو سكنت بعيد ما تفتح الباب لي لو أموت
منى : إذا سكنت هنا بتكون في أمان بس ما راح تأخذ راحتها وأخواني بعد
فيصل : بصراحة أنا عندي رأي لو توافق
الأب : لا تقول أتزوجها لا تفكر بالوقت الحالي
فيصل : لا لا هههههههههههههه ما قصدي عندنا ملحق غرفتين ومطبخ تحضير وصاله وحمام(أنتو بكرامه) مسكر من يوم سافر السواق القديم وزوجته محد سكنه يعني أفكر ننظفه ويسكنون فيه
الأب : مدري صغار عليهم
فيصل : مؤقت
منى : صدق أبوي صغار عيب
فيصل : لا لا مو صغار المهم هي بتكون بأمان من ولد خالها يبه أنت ما شفته يخرع (طلع جواله) أتصل لك على فهد كان حاضر يوم التهديد حتى لو الضابط ما مسكني كان ذبحته
الأب (يوقف) : لا يا بوك مصدقك خلاص بخلي شركه تنظيف تجي بكره تنظفه يومين ويكون جاهز بس أنت لا تقرب منها مالك شغل
فيصل(يوقف ويحب راس أبوه) : تم (وفي نفسه) أخيرا ارتحت هين يا عهد لأخليك تعرفين إن فيصل غير محسن وأني أبي لك الخير يالغالية يالجوريه
منى (تهزه) : يالاخ يالأخ
فيصل (أنتبه) : هاه
منى : الاخ حالم وطاير أبوي راح ما تبي تتوكل أنت بعد
فيصل : إلا بروح أنام تصبحين على خير
منى (ابتسمت) : وأنت من أهل الخير
****************************
في بيت ليالي ....
ليالي دخلت المطبخ تشرب ماء واهي طالعه صفقت بواحد قبل صرخ حط يده على فمها
(بهمس) : لا تصرخين يالخبله أنا ناصر
ليالي(بعدت يده ووقفت وبعصبيه) : يا حمار خوفتني
ناصر : وش منزلك في هذا الوقت
ليالي : أشرب ماء إلا أنت ليه متأخر
ناصر : جيت مع بندر وإبراهيم
ليالي : غريبه مو رايح مع سالم
ناصر : زعلان مني
ليالي(رفعت حاجبها) : زعلان ليه
ناصر : أبدا سولف عن وحده قالت لسالم وقح
ليالي (فتحت عيونها بصدمه) : وحده
ناصر(انتبه لها وحب يلعب في أعصابها) : خلاص مو مهم بروح أنام تصبحـ..
ليالي(مسكت يده) : تحلم تنام لين تقول لي وش سالفة الوحدة
ناصر(كتم ضحكته) : تبين سالفة الوحدة ولا سالفة أخوك اللي خلاه سالم يترجى الرجال يوصلونه
ليالي (ارتبكت) : هاه
ناصر(بخبث) : وش فيك
ليالي : يعني السالفة أنه ولد عمي وعنده خوات وأخاف يلعب ويدور الزمن
ناصر : السالفة أن قال لوحده تتغطى وقالت له وقح
ليالي : مفتي الأخ
ناصر : ههههههههههههههههههههههههه
ليالي(حطت يدها على فمه) : هيييه يالاخ أهلي نايمين تقول شرشبيل
ناصر(وخر يدها) : زين
ليالي : إلا البنت يعرفها
ناصر(رفع حاجبه) : وش دخلك
ليالي : يعني اللي فهمته أنه يهتم لها يعني إذا لها معزه المثل يقول يا موفق راسين بالحلال نكلم عمي يخطبها له
ناصر(أبتسم) : صدق فكره خلاص بقول له صدقتي يا موفق راسين بالحلال يالله باي(صعد ولا عطاها فرصه ترد)
ليالي (أنصدمت) : حماااااار صدق لحظه وش دخلني أن شاء الله يحترقون (صعدت غرفتها وهي متضايقة جلست على سريرها) والله حاله وش دخله تتغطى ولا لا ملقووووووووووووووووووووووووووووف يا سويلم طيب وش يحسب نفسه يمون عليها لا السالفة فيها أنه (طالعت ساعتها) يوووه سمر نايمه ألحين وش ينيمني بعرف السالفة حسبي الله على عدوينك يا سالم أنت وناصر طيرتوا النوم من عيوني أفففففففففففففف
ناصر في غرفته بعد ما غير طلع جواله يتصل بسالم
ناصر : يوووه منك أذا زعلت رد يا أخي (حاول مره مرتين ولا رد أرسل رسالة ودقائق رن جواله باسم توأمي رفع خشمه) نعم
سالم : أقول تكلم عدل
ناصر(مسوي نفسه مو مهتم) : وش تبي
سالم : أقول صدق اللي أرسلت لي
ناصر(يلعب بأعصابه) : مدري وش أرسلت
سالم (عصب) : ناااااااااااااااااااااااصر
ناصر : يا عيون وقلب وكبد وأمعاء الدقيقة والرقيقة لناصر
سالم : تكلم
ناصر : أيه صح
سالم : ألحين اللولو عرفت عن بنت العم أبو عمر
ناصر : لا
سالم : تستعبط
ناصر : السالفة أنها عرفت أنك كلمت بنت
سالم : هذي السالفة
ناصر : لو شفت وجها
سالم : وش قالت
ناصر : قالت مفتي الأخ
سالم : ههههههههههههههههههههه
ناصر : لا ويوم قلت لها وش دخلك قالت يا موفق راسين بالحلال نكلم عمي يخطبها له
سالم : هههههههههههه
ناصر : اقوووول انت متى تكلم أبوي وتخلص الموضوع
سالم : مالك دخل وأقلب وجهك
ناصر : صديقك وولد عمك ونسيبك قريب بأذن الله لا تخليني أقلب عقل أختي عليك
سالم : عقل أختك مقلوب خلقه بس تبشر باللي يعدله هههههههههههههه
ناصر : لا تستهزئ أختي اللي مقلوب عقلها قلبت عقل أكثر إنسان معروف بدهاء مخه
سالم : صدقت ألحين بنام عندي دوام بكره
ناصر : الدوام في الشركة ولا البيت عند العم عمر
سالم : هههههههههه مالك دخل طسي
ناصر(طالع جواله) : حمار سكر بوجهي هين يا سويلم بكره أشوفك وأتصرف معك (طفي النور ونام)
سالم في غرفته طفى النور وحط يده تحت رأسه وأبتسم لما تذكر مسج ناصر
(ألحق ليالي غارت عليك )
سالم : هههههههههههههههههههههههههههههههه يا حلوك يا اللولو يا بعد قلبي أخيرا تكلمتي ووضح المخبي ألحين عرفت لك يالغالية وعرفت الوسيلة اللي افجر فيها أحاسيسك ومشاعرك وأخليها تنطق ذبحني الشوق لك يالغالية تصبحين على خير
صدقت باللي حكالك
ورحت أبد عني
ماظني أنسى عقب
فرقاك وغيابك
ما اقول الا قسم بالله ظالمني
الله حسيبك يجيلك يوم بحسابك
تهتم بإنك تكون انسان متهني
وماتحس غيرك يذوق المر باسبابك
حديت روحي على عيشتك لكني
لقيت اكثر بعيد(ن) دربي من بابك
جرعتني من الم فرقاك مع اني
افدابك العمر .. وكل العمر يفدابك
والله خسارة بعد هالعمر تتركني
ارخصت باللي رخص دنياه اسبابك
نام سالم واهو ينسج أحلام تتداخل بها صورة ليالي .......
************************
في بيت بندر ..
الناس تصبح بالخير والبسمة وبندر عفاريت الدنيا راكبته نزل وباس رأس أمه وباس رأس خوله رغم أنها أصغر منه بس يحترمها لأنها خالته الوحيدة
خوله(ابتسمت) : لا تبوس راسي تكبرني توني صغيره
بندر : لك احترامك يالغالية
خوله : الله يسعدك
الأم (ابتسمت) : يسعده بأذن الله مع الجوهرة
بندر(كشر) : لازم على هالصبح تجيبين السيرة
الأم : وش فيك قلبت وجهك يوم جبت سيرتها
بندر(يشرب قهوة بعد ما أعطته خوله) : مشكوره .. ما فيها شيء بس طلبتك لا تجيبين سيرتها
الأم : لا بجيب سيرتها ترى ردوا علينا وبنشوفها اليوم
بندر(شرق بالقهوة) : ك ك كـ كـح ح ح شنوووووو
خوله : بسم الله عليك
الأم : اللي سمعت
بندر : شو سمعت ما صدقوا الظاهر بنتهم طايحه بكبدهم
خوله : أحم احم لا تتكلم عن الجوهره كذا هي زينة البنات
بندر : طبعا صاحبتها أكيد بتمدحينها
خوله : الله يسامحك
بندر : ما قصدي والله بس متضايق
الأم : الواحد يفرح أذا يبي يعرس مدري وش فيك أنت
بندر (لف لها) : شكيت لك يمه ما شكيت يا ناس أنا مرتاح
الأم : إلا قل منت قادر تنسى أم شوق أنساها الحرمة تزوجت وجابت عيال ما شاء الله وأنت جالس كذا على الماضي
بندر(وقف وأخذ شماغه) : أنا رايح للدوام
الأم : بندر علم يجيك ولا يتعداك اليوم نملك لك
بندر(لف وبصدمه) : نــــــــــــــــــــــــعـــــــــــــــــــم
خوله (أنصدمت) : شنو من صدق
الأم : أيه عرس منى بعد بكره وما نقدر نسوي حفله الكل مشغول نملك عائلي بس أهلها وأهل بندر
بندر : بأمر من
الأم : جدك
بندر(جلس بصدمه) : جدي من متى
الأم : أمس لما بلغته أنك موافق قرر تملك اليوم وحدد مع عمها كل شيء
خوله : ما قالت لي
بندر : وش دخل عمها
الأم(تصب لها قهوه) : الله يخلف بتاخذ وحده ما تعرف عنها شيء
خوله : الجوهره يتيمة الأب
بندر : ما عندها أخوان
خوله(ابتسمت) : لا عندها بس خوات صغار
بندر (يوقف) : أحسن ما عندها أخوان
الأم (رفعت رأسها له) : وش تخطط له يا ولد بطني
بندر(أخفى ابتسامته وعدل شماغه) : ولا شيء أنا طالع
الام : الساعة 6 نكون في بيتهم
بندر : يكون خير مع السلامة
الام وخوله : مع السلامة
الأم : والله ماني مرتاحه لكلامه
خوله : أجل دام اليوم ملكته ماني رايحه للمدرسة بتصل واعتذر واخلي صاحباتي يأخذن عني الحصص
مي(نازله في بجامتها) : وأنا بعد ما راح أروح
الأم : وليه أخاف أنتي العروس
مي(تجلس وتصب لها حليب) : أخت المعرس وبعدين يمه الله يهداك حددوا في يوم وليله ولا عندي شيء ألبسه زين طلبت من دلع وبدور يرسلن لي من لبسهن
الأم : والله ما كان قراري
خوله ومي : أجل من
الأم : أبوي لما قلت له عن اللي سواه بندر وكيف كان معصب قال نملك له خاف يفشله مع أهل الجوهره بعد ما نقول الرأي وتعرفون بندر يسويها
خوله(تطالع جوالها يرن) : هذي جوجو
مي : ومن جوجو
خوله : الجوهره لحظه بكلمها (ترد) ألو هـ.. لحظه وش فيك طيب أهدي الجوهره أسمعـ.. (وقف) بكلمها في غرفتي أسمحوا لي(أخذت شنطتها وعباتها وطلعت للغرفة وسكرت الباب) ألو
الجوهره : هلا
خوله : وش فيك معصبه
الجوهره(بعصبيه) : معصبه لا لازم أفرح وافقوا غصب عني وقرروا رغم مني وبالنهاية أنصدم اليوم ملكتي زين يخبروني في موعد العرس
خوله : والله ما عرفت إلا تو من أم بندر
الجوهره : خوله كلميه خليه يأجل والله مو مستعدة طلبتك
خوله(في نفسها) : لو تعرفين انه ما يبغاك من الأساس وش تسوين
الجوهره : معي ولا نمتي
خوله : ههههههههههههه لا معك
الجوهره : هاه بتكلمينه
خوله : ما اقدر أتدخل وبعدين والله اهو ما عرف إلا تو مثلك
الجوهره : ههههههههههههههههههه والله نكته وش هالحظ
خوله : ليه ما تبينه
الجوهره : .................
خوله : جوجو أنتي من طلقك ولد عمك وأنتي متغيره صار جايك اكثر من 7 عرسان قبل بندر ولولا عمك حلف يزوجك أي واحد يطق بابه كان ما أخذتي بندر
الجوهره : لان عمي طماع وجشع وأناني ولا يعرف رحمة الله تزوج أمي غصب عنها بعد وفاة أبوي ويوم رفضته هدد يحرمها مني ومن خواتي وقبلت فيه زوجه ثانيه ويوم كبرت حليت بعيون ولده وبأمر أبوه زوجني الحقير طلقني قبل أسبوع انتقام مني لأني ما أعطيه وجه وعطيته كف في يوم حاول يقرب مني والحين جاي يزوجني على كيفه الله لا يهنيه ولا يحلله
خوله : يمه تخوفين
الجوهره : أذا تبين ولد أختك خليه يهون عند 9 ساعات يتراجع تراني شريه ولا أعرف الاحترام ولا أفهم العلم وعنيده وعصبيه
خوله : ههههههههههههههههههههههههههههه
الجوهره : هيييييييييه أنتي ترى أقول الصدق ليه تضحكين
خوله : هههههههههههه كل اللي ذكرتيه في بندر الله يعينك
الجوهره(شهقت) : تكذبين
خوله : ههههههههههههههههههههههه لا
الجوهره : يا مامي ومسويه نفسي قويه
خوله : هههههههههههههههههههههههه
الجوهره : أمي أكيد داعية علي آخذ هذا شسمه يماااه من الخوف نسيت أسمه
خوله : هههههههههههههههههههههههه
الجوهره : بس خولتي صدق بصيح ألحين أبي أفتك من عمي الشري يطلع زوجي شري ما أبي خلاص هونت
خوله(وقفت عن الضحك) : لا لا جوجو صدق انه كذا بس قلبه طيب
الجوهره(بدت تصيح) : لا تحسبين أني غبية ترى أنا صديقتك من كنا في الأبتدائيه واعرف عائلتكم وأعرف بندر المعقد العصبي حتى لما تزوج استغربت انه تغير وبعد ما طلقها خبرتيني تقولين لي عن تغير حاله(وزادت البكي) ما أبيه أخاف منه والله أخاف
خوله(تحاول تهديها) : جوهره بسم الله عليك اهدي والله بندر حبوب هو مزاجي بس أنتي بتغيرينه
الجوهره :أغيره بندر ههههههههههههههه
خوله : جوجو والله بتقدرين أنتي ما صليتي صلاة الأستخار
الجوهره : لا
خوله : قومي صليها شوفي لو مالك خيره في هذا الزواج الله ما بيتممه ولو لك خيره بيتم
الجوهره : ونعم بالله خلاص بروح أصلي
خوله : لحظه جهزتي لبس لك ولا ما عندك إذا ما عندك أنا أتصرف
الجوهره : لا عندي وبعدين عائلي أي لبس إلا أحم أهو أقصد أحم بيدخل ولا لا
خوله : هاه مدري ما سألت
الجوهره : ما أبيه يدخل
خوله : من صدق
الجوهره : أيه والله يالله بروح أصلي وأشوف أمي
خوله : سلمي عليها مع السلامة
الجوهره : مع السلامة
***************************
في شركة العم أبو عمر ...
------------------------------
سالم يدقق في أوراق لصفقه أنضرب الباب ودخل السكرتير
محمد(السكرتير) : أستاذ سالم العم أبو عمر وصل وطلبك
سالم : اوكيه جاي وراك
محمد : تأمر
ترك سالم الأوراق والقلم وطلع من المكتب لمكتب العم أبو عمر طق الباب ودخل صبح عليه وجلس
أبو عمر : ما شاء الله مبكر
سالم : عندي صفقه أراجعها
أبو عمر : أيه يا ولدي طلبتك الصفقة مهمة
سالم : حاضر تبي شيء عمي
أبو عمر : أنا عرفت انك تبي أجازه
سالم : أيه عرس أختي بعد بكره بكون معها وأبوي أكيد عزمك
أبوعمر : أيه وأم عمر كلمتني إن الوالدة عزمتها هي والبنات
سالم(أخفى ابتسامته) : الله يحييهم موافق على الاجازه
أبوعمر : بكره وبعده و بعده أكثر من 3أيام ما اقدر أستغني عنك خصوصا أن في صفقه كبيره لازم نجهز لها
سالم(يوقف) : تأمر أستأذن بمر ولد عمي عشان نطلع للبنك ونخلص المعاملة
أبو عمر : لا مسموح يا ولدي
بعد ما طلع سالم رن جواله ولما شاف الاسم مكتوب صغيرونتي أبتسم
سالم(ابتسم) ألو هلا سمسم
سمر : هلا سالم مشغول
سالم(يدخل مكتبه) : لا آمري
سمر : أمممم اليوم قالت لي أمي إن ملكت بندر الليلة
سالم : اوكيه
سمر : وبصراحة حابه أنك توصلني للصالون
سالم : بتروحين لوحدك
سمر : لا أنا وعذاري هي عندنا والبنات بيسبقنا الصالون لين نوصل
سالم : كلهن
سمر : أيه كلهن
سالم : طيب ما طلبتي فيصل
سمر : فيصل هههههههههههههههههههههههههه
سالم(رفع حاجبه) : وش يضحكك
سمر : تعال شف توم وجيري أقصد فيصل وعهد نكته
سالم : لا أحلفي ما راح الدوام
سمر : لا أخذ أجازه أسبوع بعد عرس منى بكم يوم يداوم
سالم : ههههههههه ضبط أموره طيب وش يسوي ألحين
سمر : يا أخي ناشب للبنت إلا تأكل وهي ما تبي تشوفه
سالم : هههههههه خسيس أبوي ما يدري عنه
سمر : لا
سالم : وين جالسين
سمر : هي بغرفتها مقفلة على نفسها واهو جالس عند الباب وبس يقول لها كلام
سالم : وش
سمر : أستحي أقوله أخوك جرئ
سالم : ما أصدق فصول هههههههههههههههههههههههه أثره مو هين إلا وين أمي وخالتي أم فواز وأنتي وش مجلسك في البيت
سمر : كنت بداوم بس لما قالوا اليوم ملكت بندر قلت ما اقدر أروح وأرد تعبانه وأروح بالليل قلت اليوم ما بداوم وأمي وخالتي أم فواز راحوا للسوق يشترون الناقص للملحق
سالم : هههههههههههه والبنت ما طلعت من طلعوا صح
سمر : ههههههههههههههههههههههههه كأنك عندنا
سالم : بخرب عليه بتصل على النجدة أقصد أبوي وأقول له
سمر : هههههههه لو سويتها وعرف فيصل ليذبحك
سالم : ما عليك منه بسويها حرام لازق للبنت خليها تتنفس شنو محد أعرس غيره
سمر : الفال لك
سالم(تذكر شيء وأبتسم بخبث) : إلا سموره بسالك
سمر : آمر
سالم : تعرفين بنات العم أبو عمر
سمر : ما اعرفهن شخصيا بس وحده اعتقد ساره الكبيرة والصغيرة أروى ليه تسأل
سالم : أبيك تهتمين فيهن ترى بيجن لعرس مناي وخصوصا ساره
سمر(رفعت حاجبها) : نعم وش هالأهتمام
سالم (سوى نفسه مرتبك) : هاه لا أبدا تعرفين بنات العم أبو عمر في الشغل وأبيك تبيضين وجهي قدامه بس
سمر : غريبة العم أبو عمر يعرف قدرك يعني بيهتم أذا اهتمينا في بنات ولا لا
سالم : إلا أقول وراي شغل تبين شيء
سمر : والصالون
سالم : الساعة كم تبين
سمر : الساعة 4 ما فيه زبائن كثير وبنخلص بسرعه
سالم : اوكيه تأمرين يالغالية
أتجه لمكتبه واخذ أوراق مهمة للبنك وطلع بعد ما أتصل على ناصر وقال له انه جايه
ناصر نازل السلم ويسكر أزرار ثوبه ويعدل شماغه باس رأس أمه حمده وأمه وليالي رفعت رأسها يبوسه مثلهم ضربها عليه
ليالي : آآآي يا حمار
ناصر : الحماره أنتي وش رافعه راسك لي
ليالي : تبوسه تقدير لأختك
ناصر : أكسره ما أبوسه يمه عطيني حليب
الأم (صبت له) : خذ يمه
ليالي (بعصبيه) : تخسي لا أنت ولا عشره من أشكالك
ناصر(يلعب بحواجبه) : بيجي اليوم اللي يكسر فيه راسك
ليالي(فهمت بس تستعبط وخزته) : من
ناصر : اللي بالي بالك يالعنيده
الأم حمده : ومن اللي في بالك
ناصر : واحد الله يرزقه
ليالي : صدق الله يرزقه ويعقله
ناصر : زين العقل أهو
الأم : من هذا
ناصر : اللي بيكسر رأس ليالي
ليالي : والله ما ينكسر راسي ولا ينحني وإذا أنت مغمض عيونك عن فعايل هالواحد اللي الله يرزقه بس بعيد عني أنا مفتحه عيوني كبر الفنجان عشنا وشفنا آخر زمان يفتون واهم ما يعرفون الدين وين
ناصر : ههههههههههههههههههههههههههههههههه
الأم : وش فيك شابه نار
الخدامة : بابا ناصر بابا سالم أوت
ناصر(أبتسم بخبث لليالي) : خليه يدخل
ليالي (شهقت) : ............
الكل ألتفت لها
الأم : وش بلاك
ليالي : هاه ولا شيء(لفت لناصر) وش يدخل هنا ناسي وجودي
ناصر(يشرب برواقه الحليب) : لا بس أنتي متغطية مو لابسه عشان يوديك محمد للصالون
ليالي : وش عرفك أنا ما قلت لمحمد قدامك
ناصر : اتصل علي وقالي أوصلك لأنه مشغول
ليالي : شنوووووووو
الأم حمده : إيه يمه ودها للصالون
ناصر : خلاص وأنا رايح أنا وسالم (شدد على كلمة سالم) بناخذها
ليالي : مستحيل
الأم : علامك اليوم تقولين لامسك كهرباء
ليالي : ما أبي اروح هونت
الأم : وشعرك والعرس
ليالي : بسويه أنا (قالت آخر كلمه وسمعن صوت نحنحه )
ناصر : حياك يا سالم محد غريب (لف لليالي اللي خزته) مو حسبت أخوك عادي هههههههههههه
ليالي(صرت على ضروسها ولبست النقاب) : كل تبن هين يا نويصر بردها لك بيوم
ناصر(يطالع لسالم) : تعال يا رجال محد هنا غريب
سالم(يدخل) : السلام عليكم
الكل : وعليكم السلام
الأم : هلا بسالم هلا بالغائب وينك يا ولدي ما تمر تسلم قطعتنا
سالم : مشاغل وتعرفين يا خاله من اشتغلت أخذني عن أشياء كثير
ناصر (كتم ضحكته) : صدق أشياء كثيرة
سالم(طنش ناصر) : يمه حمده كيفك
الأم حمده : بخير يمك وأنت كيفك
سالم : تمام الحمد لله
جيتك ولا غيرك ذكرته بمسراي
جيتك وكل انسان غيرك نسيته
جيتك وقلبي دقته تسبق خطاي
جيتك أقول مفارقك ما قويته
وإن مر يوم بالعمر منت وياي
أشتاق لك شوق المسافر لبيته
ألتفت لها وشافها منزله عيونها وساكته اشتاق لنظرتها حك خده واشر لناصر واهو يغمز برجاء ناصر رفع حاجبه وهز رأسه لا سالم رجع طلبه بعيونه بس ناصر اشر له بدون لا احد ينتبه لا ردا على حركتك البارح سالم صر على ضروسه ويتوعد فيه بس أبتسم وابتسامته لاحظها ناصر وعرف إن خويه مهو هين
سالم : يمه حمده ترى شفت بسه (قطوه) عند الباب لا تدخل هنا (وثبت نظره لليالي ) و تراها كبيره
آخر كلمه قالها كان اللحظة اللي يتمناها فعلا مثل ما توقع رفعت عيونها تلتفت تدور على القطوه حولها حست بعيون تراقبها ألتفت له وانتبهت لنظرته وابتسامته اللي تدل على خبث عرفت إن كذبه منه
الأم حمده : يووه ليالي ما تحب القطاوه ليالي نادي الخدامة تسكر الباب لا يدخل
ليالي : يمه الخوف مو من القطوه الخوف من العتوي (العتوي قط اكبر من القطه العاديه ) << ياعيني على الشرح ههههههههههههه
سالم(زادت ابتسامته لما نست نفسها و أهي تخزه) : لا لا تحاتين تراه قطوه صغيره يبي لها ترويض مو عتوي
ليالي (عضت على شفتها من القهر ما تقدر ترد أمها تذبحها أخذت جواله تتسلى فيه لا تقوم وتذبح سالم واللي فيها فيها) : .................
ناصر( أعجبته السالفة) : بس انتبه لا تشمخك (تخربشك) وتجرحك القطوه
سالم : لا تحاتي تجرح وتداوي هالقطوه
ناصر : تربية يدك وأنت اخبر فيها
سالم (طالع لليالي وبعدها نزل عيون وبهمس) : صدقت تربية يدي
ليالي (طالعت لامها حمده متجاهله ناصر وسالم) : يمه
الأم حمده : هلا
ليالي : بسألك ألحين مو عيب لما نشوف اللي ينصح الناس بالدين واهو ما يعرفه
الأم حمده مو فاهمه شيء وناصر وسالم تبادلوا النظرات وأفهموا وش تقصد ناصر بيتكلم بس سالم غمز له يسكت بيعرف لوين بتوصل
الأم حمده : والله عيب
ليالي : يمه البلا أنهم يدعون الدين والاهتمام بس ما يطلع إلا على ناس غير ناس ناس من اللي تسر النظر
الأم : كيف يمه
ليالي (ألتفت لامها) : والله يمه يعني تشوف لك وحده وتبي تلفت نظرها فتقوم وتقول لها كم كلمه عن الدين والحياء
ناصر(صد شوي عنها وكتم ضحكته على شكل سالم اللي منصدم منها ) : ......................
الام : يعني حركات
ليالي(طالعت لسالم ورفعت حاجبها) : صدقتي يمه حركات وحركات نص كم وياليت يحفظون ماء الوجه ترى مساجدنا كثيرة إذا حابين يدلون بخطب ويفتون
ناصر (ما قدر يتحمل) : هههههههههههههههههههههههههههههههههه
سالم(أبتسم ونزل عيونه يكتم ضحكته وفي نفسه) : آآآآآآآخ منك طحتي ولا أحد سمى عليك وهذي أو حصونك تنهدم قدام الغيرة وباقي قدامي حصون كثيرة لين أسيطر على مملكة قلبك ههههههههههههههههههههههه حركات انتظري علي بتشوفين حركات مو نص كم إلا كم كامل هههههههههههه
ناصر : ههههههههههههههههه لا حلوه صدق حلوه
سالم (يوقف) : ناصر يالله تأخرت تأمرون على شيء
الأم : سلامتك ولا تقطعنا
الأم حمده : الله يحفظك يا ولدي ويرزقك الخير
سالم : مشكورة يمه يالله ناصر نروح
ناصر(يوقف) : يالله اللولو تبين اوصلك
ليالي (صرت على ضروسها) : لا
ناصر : ترى ما يصلح شعرك كيفك
ليالي : عادي حلوه من غير ما أعدله
سالم (في نفسه) : أنتي حلوه بكل حالاتك يا قلبي
الأم حمده : روحي يمه
ليالي : لا يمه ما بروح مالي مزاج
ناصر : كيفك كذا ترى الحريم ما يعجبهن شكلك و بتعنسين طعيني سويه عشان يخطبونك وتتزوجيـ..
ما حس إلا بضربه قويه على ظهره ألتفت لسالم اللي مبين من عيونه الشرار والعصبية وأن مو راضي على الكلام
ناصر (بخبث) : وش فيك يالحبيب
سالم(صر على ضروسه) : أبدا يالحبيب امش قدامي على رجولك لا تمشي على حماله
ناصر : هههههههههه لا أمشي أحسن يالمتوحش يالله مع السلامة
الكل : مع السلامة
طلع سالم وناصر ولما وصلوا عند الباب الخارجي
سالم : يووووه نسيت الملف داخل
ناصر : روح جيبه
سالم : رح أنت لين اشغل السيارة اللي كان معي
ناصر(أخذ المفتاح ) : وربي مالي خلق أنا طالع
سالم : حمار (رجع سالم وأول ما كان بيدخل باب الصالة)
ليالي (طالعه تنادي) : سالـ..
سكتت لما شافته قدامها يوم فتحت الباب وضاعت الكلمات بنظرته سالم أبتسم لها
سالم : لبيه
ليالي (بلعت ريقها وبارتباك) : ام أم أمي أنـ أحم أنت نسيت ملفك وأمي قالت أعطيك إياه
سالم (ميل رأسه ناحية كتفه وبهمس) : بس
ليالي : بس شنو
سالم (لازال على الهمس) : بس قالت عطيه الملف
ليالي (طالعت للملف ) : بس خذ
سالم(أخذ الملف ولما ألتفتت بتدخل ) : ليالي لحظه
ليالي(ألتفت له) : هلا
سالم (أبتسم وطالع للملف وما رفع عينه لها) : بطلبك طلب
ليالي : طلب
سالم : أيه
ليالي : وش
سالم (رفع عيونه لها وأبتسم بخبث) : أبي منك ........
***************************
ليالي (طالعه تنادي) : سالـ..
سكتت لما شافته قدامها يوم فتحت الباب وضاعت الكلمات بنظرته سالم أبتسم لها
سالم : لبيه
ليالي (بلعت ريقها وبارتباك) : ام أم أمي أنـ أحم أنت نسيت ملفك وأمي قالت أعطيك إياه
سالم (ميل رأسه ناحية كتفه وبهمس) : بس
ليالي : بس شنو
سالم (لازال على الهمس) : بس قالت عطيه الملف
ليالي (طالعت للملف ) : بس خذ
سالم(أخذ الملف ولما ألتفتت بتدخل ) : ليالي لحظه
ليالي(ألتفت له) : هلا
سالم (أبتسم وطالع للملف وما رفع عينه لها) : بطلبك طلب
ليالي : طلب
سالم : أيه
ليالي : وش
سالم (رفع عيونه لها وأبتسم بخبث) : أبي منك خدمه وخدمه مهمة كثير لي محد يقدر عليها إلا أنتي
ليالي رفعت حاجبها وتسندت بكتفها على الباب نست أن الزمن تغير ورجعت ليالي اللي شالت الحواجز بينها وبين سالم صديق الطفولة نست أنها منقبة و إن حطت حدود بعلاقتها بسالم
ليالي : مهمة
سالم : كثير أنتي طبعا تعرفين سالم
ليالي ( باستهزاء) : لا ما اعرفه من هذا راعي البقاله
سالم : هههههههههه حلوه بس لا تعيدينها
ليالي : حلوه لا تعيدينها اخلص وش تبي
سالم(طلع جواله ) : بتصل لك على ساره بنت العم أبو عمر اعزميها لملكة بندر يعني أنتي اكبر بنات العائلة وكلميها وقولي يشرفنا حضورك
ليالي (فتحت عيونها بصدمه وأنخرست عن الكلام) : .....................
سالم (كتم ضحكته على شكلها) : هاه وش قلتي
ليالي : هاه
سالم : أتصل لك عليها ترى أنا حافظ رقمها يعني تعرفين بحكم شغلي مع أبوها تتصل علي بس هاه لا يروح فكرك لبعيد شغل كل اللي بينا شغل
ليالي (هزت رأسها تطرد الفكرة) : أتصل على من و شنو
سالم : يوووه وش فيك قمتي تضيعين يالله وراي شغل ولو أني مو واثق في ليالي وأنها راعيه واجب ولو إني مو حاسب ساره من العائلة وصارت من الأهل كان ما طلبت تتصلين عليها
ليالي : حاسب ساره من العائلة
سالم : طبعا هي من العائلة
ليالي (صرت على ضروسها) : ليه أبو عمر طلع عمنا بالرضاعة وأنا ما أدري
سالم : هههههههههههههه كان زين لو أهو عمنا كان ما لقيت صعوبة في (انتبه لها يوم شدها الكلام سوى نفسه مرتبك وسكت) أممم
ليالي(كتفت أيديها) : كان ما لقيت صعوبة في شنو
سالم : ولا شيء
ليالي : امممم أنا أقول لك كان ما لقيت صعوبة في أنك تتصل عليها بنفسك وتتكلم معها وتعزمها صح
سالم( سوي نفسه مرتبك أكثر وبلع ريقه) : لا لا لا ما قصدي اللي فهمتي (رفع حاجبه وأبتسم) مو أنتي بنت عمي الحقيقي ولا اقدر أكلمك ولا اتصل يعني لو هي طلعت بنت عمي نفس الحالة
ليالي : ههههههههههههههههههههه لا مو نفس الحالة
سالم : كيف
ليالي : الحالة إني أنا ليالي واهي ساره
سالم (أبتسم) : ما فهمت مو كلكم بنات
ليالي : بس ساره مهي تربيه سالم مثل ما قال ناصر تربية يدك وأنت اخبر فيها (مدت يدها) هاته
سالم(طالع لها) : وشو
ليالي : جوالك أتصل عليها وأنا بكلمها طبعا لازم تحضر صارت مهمة للعائلة وبتصير من الأهل قريب
سالم(أنصدم من موافقتها) : هاه
ليالي : يالله اتصل ما أبي أعطلك عن شغلك يالله
سالم : أنتي تتكلمين جد بتكلمينها وتعزمينها بنفسك
ليالي : هههههههه وش فيك أيه عادي هذي ساره الغالية على أخوي (شددت على كلمتها الأخيرة)
سالم : غالية على من
ليالي : أخوي
سالم : أخوك من ناصر تقصدين
ليالي(رفعت حاجبها) : ليه ناصر طلع يعرفها بعد ضنيت أنت بس تعرفها
سالم (أشر لنفسه) : تقصديني أنا أخوك
ليالي : اممممم أيه أخوي مو متربين مع بعض يعني حسبت أخوان
سالم (صر على ضروسه) : بس
ليالي(بتحدي طالعت له ) : بس والحين تبيني اتصل عليها
سالم (صر على ضروسه وأهو يعطيها ظهره عشان يطلع من البيت قبل يذبحها ) : لا
ليالي ( ابتسمت ورفعت كتوفها واهو يطلع) : كيفك
ولكن اختفت الأبتسامه بمجرد ما أغلق سالم الباب وجلست على عتبت الباب تفكر كان فوق احتمالها اللي صار لها شهور ما شافته ولا كلمته واليوم عينها بعينه وتسولف ابتسمت باستهزاء واهي تفكر
ليالي : الله يالدنيا يبيني أتصل على ساره أعزمها لملكة بندر تعالوا شوفوا اللي تقولون يحبك ويموت فيك تعالوا وشيلوا الغشاوة عن عيونك قلت لكم ما صدقتوا سالم يعتبرني أخته وأهو حسبت أخوي اللي متربية معه هههههههههههههههههههه تبون توهموني بحبه لي تبون أصدقكم وأكذب أحساس قلبي بأني مجرد أخت له إنسانه متعود عليها وبس لو صدق يحبني لا يمكن يتكلم قدامي عن بنت ثانيه هذا ما تكلم هذا أعلنها صريحة مهتم لوجودها ما أهتم لمشاعري لحظه وش تقولين يا ليالي وش مشاعره اهدي وخذي نفس (فعلا أخذت نفس شهيق وزفير) هذا سالم أخ وبس فاهمه سالم أعتبره أخ رابع مثل ما كنت وأنتي صغيره لا تمشين ورى سراب وأوهام سالم يبي ساره مو ليالي
ضاقت عليك وما لقيت الا انا
تقول وش رايك في محبوبي الجديد
تبقى تعنيني وانا ناقص عنا
اموت واعرف بس انا وش تستفيد
مستكثر اني عشت بعدك في هنا
ولا سمعت و ضايقك اني سعيد
احس لما قلتها لي واكيد انا
دقات قلبي وقتها قامت تزيد
حاولت اجرب وانهي اللي بيننا
بس العواطف راسها دايم عنيد
انا على حطت ايديك هذا انا ما
اكذب عليك ان قلت فرقاك عيد
انتبهت لظل يحجب الشمس عنها رفعت رأسها وأنصدمت
ليالي (وقفت وبفرح) : ولوووووووووووودي
وليد (أبتسم وضمها) : هلا بقلب وليد
ليالي (تسلم عليه وتبوس رأسه) : نورت الرياض هلا وغلا
وليد : منوره في أهلها
ليالي : يالدوووب ما قلت أنك بتجي
وليد : (حط يده حول كتفها وأبتسم) : أتصل علي محمد قال لازم أجي أشوف البيت إذا مناسب أشتريه وأبدأ أأثثه
ليالي : لوحدك يعني
وليد (يدخل معها للصالة) : أيه بكره مدرسه ما قدرت مع إن سعد وسعود والله زعلوا علي لما قلت ما أقدر حتى النتفه نصور بوز مثلهم وقال ما أحبك
ليالي (ابتسمت) : فديت سمي الغالي ليتك جبتهم يوم ما يضر
وليد : أنا أقابلهم لا أقابل البيت لازم الليله ارجع
ليالي : لا وش ترجع خلك معنا اليوم طلبتك وربي واحشني
وليد : لما أجي الرياض بتملين مني وين أمهاتي
ليالي : حياك في الصالة والله بيفرحن فيك (لفت لما سمعت أمها تقول)
الأم (بفرح) : يا هلا وغلا
وليد(ترك ليالي وقرب لامه ضمها وباس رأسها) : هلا بالغالية
الأم : فديت هالطول الله لا يحرمني منه
الأم حمده وليالي : أمين
وليد(لف لامه حمده) : هلا بأمي
الأم حمده : هلا بقلب أمه الحنون
الأم : ليالي خليهم يصلحون لنا قهوة وشاي
ليالي : والله ما يصلحها غيري لأبو سعد يستاهل
وليد : الله لا يحرمني منك
الكل : أمين
_____________________________
في بيت أبو إبراهيم ..
عهد : روووووووووووووووووووح
فيصل(يكتم ضحكته) : طيب خلينا تفاهم عهوده
عهد(صرت على ضروسها) : لا تدلعني أسكت
فيصل : كيف زوجتي حبيبتي عمري حياتي قلبـ.
عهد(عصبت وقطعت كلامه) : بااااااااااااااااااااس والله لأخليك تندم
فيصل (يلعب بحواجبه) : يله طلعي وخليني أندم
عهد : هااااااااااااااه ههااااااااي فاهمتك
فيصل(بهمس) : أفففففف ما تفتح (بصوت عالي) عهد فتحي بكلمك قبل تجي أمي وأمك
عهد (سندت ظهرها على الباب وجلست) : وش تبي يا فيصل تعبت منك
فيصل(حس فصوتها حزن ونزل وجلس عند الباب) : ليه خايفه مني
عهد : ................
فيصل : طيب ليه كنت ترسلين لي
عهد : ................
فيصل : جوريتي
عهد : لا تنطق هالأسم أكرهه
فيصل : تكرهينه
عهد : أكرهه كلمه قليله
فيصل : ليش وقفتي الرسائل والورد
عهد : لأني اكتشفت ما تستحق
فيصل : عهد تحبيني
عهد(بصراخ) : لااااااااااااااااااااااااا (وحطت أيدها على وجها تبكي) ما أحبك أنت مو فيصل
فيصل(حط يده على الباب) : لا تبكين طلبتك
عهد : أهمك يا فيصل
فيصل (أبتسم) : تهميني كثير كثير فوق الوصف
عهد : أذا أهمك طلقني
فيصل : مستحيل
عهد : أكرهك
فيصل : تحبيني
عهد : أكرهك أكرهك وأكرررررررررررررررهك روووووووح ما أبغى أشوفك
فيصل(تسند على الباب وابتسم) : بس أنا أبي أشوفك شوفي يا تفتحين يا أجيب المفتاح الثاني وأفتح بنفسي
عهد(شهقت) : مفتاح ثاني
فيصل : يس وأمك وأمي محد فيه وسمر بغرفتها ومنى ونجود وسلمى طالعات للمشغل وش رأيك
عهد(ابتسمت وركضت للتلفون) : أنا حذرتك
فيصل : ما فهمت
عهد(طلعت الجوال ودقت أرقام) : ألو ... أنا عهد (وسوت نفسها تبكي) فيصل أهئ عمي أنا مو متحملة ماني قادرة اطلع أهئ أهئ جالس برى أقسم ترى أنا أستحي منه أهئ أهئئئئئئ أيه طيب ......... الله يخليك لي ......... مع السلامة (سكرت الجوال) هاه رحت
فيصل : يا قلبي مهتمة لي فتحي الباب والله بسولف بس (رن جواله) الوالد .. ألو هلا أنا في البيت لا يبـ.. .. طيب أسمعـ.. هاه ما قلت شيء لها .... (ألتفت حوله) لا مو عند بابها كذب .. أنا في الحديقة ... طيب حاضر ... لا لا لا المعرض .. يووووه يبه طلبتك تعبان وبنام ... طيب وش دخلني في بندر وملكته ...... يعني يا أجي المعرض يا أروح أشوف طلبات عمتي للملكة ..... لا ما اقصد زين ... حاضر خلاص طالع ..... مع السلامة (ألتفت للباب) عهد متى لحقتي تتصلين
عهد : هههههههههههه ويك ويك هزأه عمي فديته
فيصل : بس عمك فديتيه
عهد(بعناد) : بس
فيصل : تراني ولده وزوجك وحبيبك وحياتك
عهد(حطت يديها على أذونها) : بسسسسسسسسسسسسس
فيصل(بخبث) : تبين أكثر حياتي روحي عمري
عهد : أقسم أتصل على عمي روووووووح
فيصل (يوقف) : خلاص خلاص كله ولا عمك باي يا قلبي و فؤاد فيصل
عهد(تصر على ضروسها) : حمار خايس وصخ أحس بستفرغ (برجع) وووووجع أحس كبدي توجعني حياتي عمري فؤادي (قربت من السرير وجلست) أف وين راحوا خلوني بروحي ما اقدر أطلع أخاف (أنقزت يوم دق الباب) م م من بسم الله
نجود : أنا نجود فتحي
عهد(قربت من الباب وحطت أذنها) : أول فيصل موجود
نجود : ههههههه لا فيصل راح
عهد : حلفي
نجود : عيب حرمه مصليه وخايفه ربي مو مصدقتني
عهد : هاه لا بس في صوت عندك مو بروحك
نجود : معي منى وسمر يالله فتحي
عهد(فتحت الباب) : حياكم أسفه بس خفت
سمر : ههههههههه صدقتن قلت لهن انه ما تحرك من طلعت أمك وأمي
عهد(تجلس على السرير) : أحس صدع راسي الله يسامحه ما راح لين اتصلت على عمي وقلت له
منى(تجلس جنبها) : وأنا أقول ليه طلع معصب حتى لما مريت أنا ونجود ما سلم
عهد : وين سلمى مو معكم
منى : وصلناها لبيت أهلها تبي تتغدى عندهم
نجود : سمر جيبي الكيس اللي معك وعطيه عهد
سمر (تقرب من عهد) : تفضلي ومبروك عليك
عهد(تفتح الكيس وتطلع فستان أخضر قصير شوي) : هذا شنو
منى : طياره شنو تشوفين فستان
عهد(تحط الكيس وتمسك الثوب وتوقف) : من له
نجود : لك
عهد(لفت لها) : ليه عمي قال ما يسوي عشاء ولا ملكه ولا شيء
سمر : ههههههههههههه علامك تخرعتي هذا فستان عشان اليوم ملكت بندر ولد عمي
عهد(تجلس وتحط الفستان على السرير) : طيب أنا وش دخلني الله يهنيه
منى : شفيك مو لازم تروحين ترى الكل بيروح
عهد : عادي أجلس هنا
نجود : وش تجلسين بروحك حتى أمك بتروح البيت بيفضى
عهد : رجاء ماني صغيره وبعدين بنام
سمر : تو الناس دجاجه أنتي (وبخبث) ولا حابه يجلس فيصل معك ترى لو عرف بتجلسين بروحك ما عنده مانع يترك الملكة ويجلس معك
عهد : فصييييييييييييييييييييييييل مستحيل
منى(فهمت سمر) : اجل من يبي يجلس وأبوي ما راح يوافق تجلسين بروحك صح فيصل محرم لك
عهد(لفت لها) : محرم
نجود : اختاري يا تروحين يا فيصل
عهد : لا أروح
البنات : ههههههههههههههههههههههههههه
عهد(بوزت) : أضحكن وش عليكن
نجود : هههههههه والله نكته كل هذا خوف
منى(غمزت لنجود) : خليها عهوده قومي شوفيه عليك مضبوط ولا لا
عهد : بس قصير وعاري
سمر : شنوووووووو قصير وعاري ترى عادي يناسب سنك وبعدين كله ربط خلف الرقبة
عهد : أستحي مو متعودة
نجود : قصير عادي شريت لك كعب ربط على الساق والفستان معه شال وشعرك ما شاء الله طويل بيغطي
منى : بشوفك أحلى بنت في الملكة
سمر : أبي أقول هذي أحلى عروس مرت أخوي
عهد : هههههههههههههههههههههه ماني أحلى منك يا سمر ما شاء الله
سمر : يا ويل حالي شوفوا الذوق تعلمن بس تحطمني وش شايفه نفسك عفية مرت أخوي
عهد(توقف) : بروح أقيس الفستان وأرجع
نجود(بعد ما راحت) : اففف ما بغت بس شاطره سموره وفكرتك خطيرة
سمر : تخيلي فيصل لو يعرف بيذبحني لزمت عليها تروح وكان له فرصه يقعد معها
البنات : ههههههههههههههههههههههههه
: من له فرصه يقعد معها
البنات(لفن للباب) : فييييييييييييييييييييصل
فيصل(متسند على الباب) : أيه وش صاير
منى : ما كنت رايح وش ردك
فيصل : من قال لكم
سمر : عهد
فيصل : ههههههههههههه يوم طلعت تذكرت فهد ومحمد يوم قالوا لي بيروحون يتمشون إذا بروح معهم وقلت مقدر عندي شغل اتصلت عليهم قلت لهم أبوي يقول روحوا لعمتي
نجود : هههههههههههه خبيث لو يعرفون يذبحونك هم توهم رادين من الشغل وأنت جالس مرتاح
منى(تكمل) : بس جالس عن الباب
فيصل : وليتهم يفتحون هههههههههههه بس حظــ .. (سكت يوم شاف عهد طالعه واهي ما انتبهت له بهمس) ما شاء الله
البنات التفتن لعهد اللي منزله رأسها تطالع الفستان عهد تتأمل الثوب وما انتبهت لفيصل
عهد : ما كأنه قصير ..... (طالعت يديها) طيب الشال أبي له بروش ما اقدر امسكه طول الوقت (لفت حول نفسها) كثير أعجبني اللون
فيصل(أبتسم) : حتى أنا
عهد(وقفت وشهقت) : يماااااااااااااااااااااه
منى(وقف وقربت منها وتسندت على عكازها) : بسم الله عليك
عهد(أشرت لفيصل) : هـ هـ هـذا فـ فـ فـ فيـ
نجود(قربت ومسحت على ظهرها) : بسم الله عليك عهد علامك أيه فيصل
عهد(حست جسمها يرتخي والدنيا تظلم) : ..................
فيصل(ركض لها ومسكها قبل تطيح وشالها) : بسم الله
نجود(بعصبيه) : مو حاله يا فيصل
منى : بس يا نجود حطها على السرير يا فيصل سمر عطيني عطر
سمر :حاضر
فيصل(يحطها على السرير ويبعد شوي) : ما كان قصدي
منى : اعتقد شرحت لك حالتها بس أنت متهور
سمر : خذي
منى : عطيه نجود (لفت لفيصل ) فيصل أطلع لو سمحت البنت بعدها ما تعودت
فيصل(كتف أيديه) : ماني طالع يا ناس كيف تبي تتعود علي أذا كل مره تطردوني
نجود(تمسك يده) : تعال يالعنيد أففففف
فيصل : نجـ..
نجود : ولا كلمه منى أذا صحت قولي لي
منى (ترش على يدها عطر) : حاضر (قربت يدها ما حست إلا اللي يمسك يدها) بسم الله عهد
عهد(تتعدل) : ما فيني شيء
سمر : والإغماء
عهد(تعدل فستانها وتضم رجولها لجسمها) : تعمدته
منى (تجلس جنبها) : عشان فيصل
عهد : أنا خفت بالأول لما شفته وخفت أكثر يوم تذكرت لبسي حسيت أني مو قادرة أوقف ولما شالني ما قدرت أفتح عيوني خفت أصرخ
سمر(ابتسمت) : صدقيني اعتقد إن اللي سويتيه أحسن شيء خصوصا أن فيصل ما كان بيتركك (بخبث) أمام الجمال الطاغي في اللون الزمردي
عهد(ضربتها على يدها بعصبيه) : حماره (ونزلت عن السرير) ما أبي هذا الفستان أعوذ بالله شكله من الأول نحس علي
سمر ومنى : هههههههههههههههههههههههههههههه
عهد : بروح أغير بنات لا يدخل والله مقدر
منى (توقف) : أنا بطلع له ارتاحي ترى طلبت صاحبت مشغل على الساعة 4
عهد (لفت لها) : اوكيه
سمر : عهوده تبين شيء بروح لغرفتي
عهد : لا بس بنام شوي أحس نفسي تعبانه
سمر(تبوس خدها) : سلامات يالله باي
عهد(ابتسمت) : باي
منى (تطلع للصالة ونجود وفيصل جالسين جلست) : السلام عليكم
نجود وفيصل : وعليكم السلام
فيصل : هاه كيفها صحت
منى (ما حبت تقول عن اللي سوته عهد) : أيه بس نامت تحس بتعب
فيصل : أجيب لها دكتورة
نجود : فيصل نتكلم بصراحة طيب
فيصل(لف لها ) : شكله متفقات علي
نجود : أمس قالت لي منى كل شيء وبصراحة أنا مو أبوي أصدق أعرفك يا فيصل واعرف سوالفك
فيصل : ما فهمت
نجود : أنا خليت سلمى تسأل فهد عن سالفة ولد خالة عهد قال أنه ولا قال شيء وكان مرعوب منك لأنك كنت عصبي ولا قال شيء من اللي قلت
فيصل(أبتسم وعض على شفته) : قلتوا لأبوي
منى : لا
فيصل : ههههههههههههههههه بتقولون له
نجود : وش بيقول لو عرف أنك كذاب
منى : بيزعل ويمكن يخليك تطلقها
فيصل (بصدمه) : مستحيل
نجود : طيب أسمع يا فيصل عرس منى بعد بكره بأذن الله وأنا ثاني يوم بسافر وهي بتسافر مع مشاري عهد من عندها سمر وسمر بدراستها يا خوي ما يصير حرام عليك البنت صارت ترتعب وتخاف تخطي برى الغرفة
فيصل : طيب أنا أبي أشوفها أتكلم معها أبيها تعرف أني غير عن محسن
منى : كيف غير يا فيصل عهد عارفه انك غير بس عهد مو قادرة تتخطى اللي صار لها منك أعتقد أبوي قال لك عن عهد كيف تفكر فيك وحياتها من خلال كلام أبوها الله يرحمه مع أبوي وفجاه كل شيء تغير من كلامك عنها حست أن مالك أمان كانت تفتكرك الأمان وصرت الخنجر لها
نجود : بكره بجلس معها بنتكلم على أساس تتعالج عند سهام
منى : ترى عهد ما فيها شيء بس هي خوف داخلي وسهام متمرسة تعرف لها
فيصل(كتف أيديه وسند ظهره على الكرسي) : طيب وش أسوي أنا
منى : أبتعد شوي لين تأخذ فتره بالعلاج
فيصل : ................
نجود : فتره بس
فيصل : وإذا بشوفها
نجود : من بعيد لبعيد
فيصل : لا والله احلفي
منى : قلنا فتره خلها تعدي وبعدها كيفك
فيصل(رن جواله) : ألو ....... ههههههههه طيب ليه معصب ...... لا احلف ما سمعت كنت أظن قال خلهم يروحون لعمتهم ............ ههههههههههههههههههههههههههه خلاص طيب بجي أقلب وجهك(سكر الجوال ووقف) أنا بروح بفكر بكلامكم بس ما أوعدكم قلبي وما اقدر أحكمه
نجود : عنيد
فيصل(قبل يطلع لف لهن) : أيه صدق قولن لعهد فيصل يسلم عليك ويقول لا تمثلين الإغماء مره ثانيه
منى(شهقت) : أهئئئئئئئئ وش عرفك
نجود : تمثل
فيصل(بخبث غمز لها) : وهي بين أيدي كانت ترتعش وما أعتقد اللي مغمى عليه يحس في أحد هههههههههههههههههههههههههه
منى ونجود : هههههههههههههههههههههههههههههه
منى : والله منت هين روح الله يوفقك
فيصل : باي
نجود(لفت لمنى) : صدق
منى : أيه بس ما كانت تقصد تمثل خافت تفتح عيونها وتشوفه وتصرخ
نجود : حسبي الله على خالها وولده عقدوها حسبي الله عليهم
منى : تعالي ترى أنا ما أروح
نجود : ليه
منى : عرسي بعد يومين ورازه وجهي أسولف مع هذا وأضحك مع هذا وش بيقولون الناس عني
نجود : صادقه أجل عهد لو عرفت بتجلس معك
منى : لا ما بتعرف هي تعتقد أني أتجهز بغرفتي وبيطلعون هي وسمر وأمي وأمها قبلنا وإحنا بنلحقهم
نجود : اجل بجلس معك مالي خلق روحه
منى(بخبث) : بتجلسين ولا بتكلمين صلوحي
نجود : وهـ اشتقت له ولعيالي
منى : ما قال متى بيجي
نجود(بوزت) : قال بيجي يوم عرسك الصبح ما يقدر يجي قبلها أففففف لي فتره عندكم
منى : هههههههههههههههه صدق خاينه يعني حنا السبب
نجود : أنتي وعرسك
منى : محد قال لك تجين
نجود(بحيا) : أبيه يشتاق لي
منى : يا ولد هههههههههههههههههههه
نجود : بس سكتي عربجيه مو بنت ههههههههههههههه (رن جواله ) فديته .. ألو هلا .. بخير يا عمري (تلعب بحواجبها لمنى اللي ابتسمت وسكتت) صلوحي ..... ههههههه أيه اشتقت كثير لـــــــــــــــــ .. عيالي ...... ههههههه لا أنتظر ليه زعلت (شافت منى توقف وتأشر لها بتصعد لغرفتها هزت رأسها أوكيه) حبوبي .. أفااا رد على النونو نجودتك .. صلوحي زعلت ......... ههههههههههه يمه فديت اللي يغار هذولا عيالك ..... طيب اشتقت لك ووحشتني وأحبك ومتى تجي ........ أيه متى تجي أهم ههههههههههههه (شهقت ) أهئئئئئئئئئئئ كذاااااااااااااب .. أنت هنا بالرياض ....... وينك ..... لا لا تمزح ..... والعيال ........ بعد جبتهم ..... ليه ما قلت أنكم بتجون اليوم افتكرت بعد بكره ........(ابتسمت) أحلى مفاجئه
........... بنتظرك مع السلامة (باست الجوال) يا ناس أحبه الله لا يحرمني منه (طالعت للبسها ومسحت على شعرها) بروح آخذ دش وألبس لبس عدل من زمان ما شفته بكشخ له ووويه يا يمه حبيبي هنا بالرياض (حطت جوالها وصعدت لغرفتها تتجهز لزوجها)
_________________
في بيت عذاري ..
سلطان(دخل الغرفة) : عذوره
عذاري(مسحت دمعتها وابتسمت) : يا قلب عذاري آمر
سلطان(يقرب) : ليه تبكين
عذاري : احم ولا شيء بس رمش داخل عيني
سلطان(يعرف أنها تكذب وابتسم) : مستعدة
عذاري : أيه متى يجي
سلطان : اليوم
عذاري(لفت عنه) : وين
سلطان(حط أيديه على كتوفها) : في فندق ......
عذاري(غمضت عيونها) : نروح له
سلطان : أيه بكره الصبح قلت يرتاح اليوم من السفر
عذاري : من معه لوحده
سلطان : لا معه عمامي وعيالهم
عذاري(ابتسمت) : شكل القبيلة كلها
سلطان : جدتي كانت تبي تجي بعد بس رفضوا
عذاري : جدتي
سلطان : جدتي كبيره عمرها 60 بس ما شاء الله عليها قوه
عذاري : جلست معها يوم تروح لهم
سلطان : إيه حاطه لي غرفه جنب غرفتها والجهة الثانية مخصصه لك غرفه
عذاري (لفت له) : غرفه لي ليه هم يظنون بروح وأعيش معهم
سلطان : هاه
عذاري : وش هاه سلطان وش مخططين له
سلطان : يعني قلنا نزورهم من فتره لفترة
عذاري : لا
سلطان : بس
عذاري(تقاطعه) : ما فيه نقاش رضيت أقابلهم بس مو معناه راضيه عنهم هم السبب في أن أبوي ترك أمي وأبوي السبب في مرض أمي أنا اللي أسويه لوجه الله أولا ثم طلب أبوي فهد ثاني غير لا لا فاهم ووصل الكلام لهم أزورهم أجلس ربع ساعة واطلع وبعدها ما أبي أشوفهم ما أبيهم بحياتي
سلطان(تنهد) : طيب أهدي مو حلو تروحين للملكة وأنتي معصبه
عذاري : أعوذ بالله
سلطان : نمشي لا نتأخر عاد جدتي فرحانة تقول ماني مصدقه بفرح ببندر
عذاري: ههههههههههههه بندر يشبه خالي الله يرحمه وما تشوف مثله يالله نمشي
سلطان : خذي عباتك وأنا بسبقك مع جدتي للسيارة
عذاري : حاضر
كان آخر الواصلين عذاري وجدتها الكل سبقهم لبيت العروس اللي كان عبارة عن ملحق أم الجوهره ساكنه في ملحق البيت وزوجته الأساسية هي لها البيت الرئيسي يعني الملحق 4 غرف وصاله كبيره وحمامين (أنتو بكرامه) ومطبخ وخصوصا المطبخ لان البنات ملن من الرقص ولما كثروا الناس اتجهن للمكان المفضل عندهن المطبخ ما كان في كراسي ولا شيء طلبن من خوات الجوهره إذا ممكن يجلسن فيه ما رفضن و اعتذرن أن ما في مكان للجلوس البنات جابن زوليه (فرشه - بساط) كبير وجلسن وخوات الجوهره أرتاحن لهن لعفويته قامت وضحه وصلحت قهوة من أيديها وجابت الدله والفناجيل وبدأ يتقهون ويسولف وكأنهن يعرفن بعض من سنين ما كان في ترفعات كان على طبيعتهن الفطرية ليالي سانده ظهرها على جدار المطبخ ورجولها على طولهن فوق بعض مادتهن كانت لابسه تنوره واسعة عنابية ولابسه بلوزه ربط خلف الرقبة ذهبي وجمعه شعرها على جنب بعد ما جعدته بنفسها وحطت ورده جوري عليه بعد فتره خوات الجوهره طلعن يضيفن الضيوف ويستقبلن مع أمهن و حفيدات الجد سالم هن موجودات بس في المطبخ
وضحه : ههههههههههههه وربي ما اكذب
مي : بالبانيو
فرح : وكله ماء ههههههههههههههه
عذاري : فرحانة مغرقك ماء وتضحكين
فرح (طالعت لوضحه ) : مو ما تعرفين وش سوينا
عذاري : وش
فرح : كان يكلم أمس بالحوش يتمشى والأخ هيمان حبيبتي وعمري ويا قلبي
ليالي : وش بكل وقاحة يتكلم كذا قدامكن
وضحه : أيه أسكتي زين ما أرسل لها بوسه
البنات : ووووووووووووووووووووووع
البنات : ههههههههههههههههههههههههههههههههههه
مي : سولف بالضبط وش صار تحمست
وضحه : اللي صار أمس أنا وفرح قلنا بنتمشى شوي بالحوش الجو حلو وشفنا فهد يسولف ولا همه وجودنا
فهد : لا زعلانه علي .. أفاااا يهونون الكل يزعلون إلا قلب فهودي
فرح(همست لوضحه) : يا قلبي ما تهون عليه
وضحه : ههههههههههههه يخاف الله
فرح : يخاف الله فيها وأنتي لا
وضحه : أنا بنت البطة السوده هههههههههههههه
فرح : أقول شوفي رغوده معها بالونه
وضحه : وش تبين تسوين
فرح( بخبث) : اممم بسوي شيء بفهودي
وضحه : وش
فرح : أفقع البالونه واهو ما يعرف
وضحه (بخبث) : لا في أحلى
فرح : وش
وضحه(مسكت يدها) : تعالي
فرح : وين
وضحه : بنروح لرغد (وقفت جنب رغد) رغودتي
رغد : هلا
وضحه : كم بالونه معك
رغد : كثير
وضحه : تعطيني 4 منهن بس أكبر شيء
رغد(أبتسم) : لو تبغين كلهن حاضره
وضحه(باست خدها) : مشكورة 4 بس
رغد(عطتها 4 بالونات) : تفضلي
وضحه : يالله فروحه
فرح(تمشي ورآها) : وين
وضحه(دخلت المطبخ) : امسكي وحطي فيهن ماء أبيها تنتفخ من الماء
فرح (أخذت منها وحده) : ههههههههههههههه فهمتك بس كيف
وضحه (أشرت فوق) : بالسطح
فرح : شريرة ههههههههههههههههههههههه
ليالي (تحمست) : وبعدين
وضحه (لفت لها) : صعدنا كان الساعة تقريبا 8 المساء
عذاري : وبعدين
فرح : كان معنا 4 بالونات وكلها ماء ثقيلة ووصلنا للسطح وقربنا نشوف فهد وين بالضبط
وضحه : فرح شوفي نرمي 4 بوقت واحد أوكيه
فرح : أخاف يمسكنا والله يذبحنا
وضحه : ننزل قبل يصعد
فرح : أوكيه يالله شوفي واقف للحين
وضحه : حلو يالله واحد أثنين ثلاثة
فرح (لفت للبنات ) : ههههههههههههه والله يا بنات تحفه شكله تخرع وصار كله ماء
وضحه(تكمل) : حتى جواله والظاهر الحبيبة غرقت بسبب الماء
البنات : هههههههههههههههههههههههههههههههههه
مي : واااااااو والله حركات
فرح : إيه بس طلع الحركة من عيوني
سمر : كيف
وضحه : نزلنا قلنا على ما يستوعب الصدمة نكون في غرفتنا ولكن ما وصلنا لآخر درج إلا نشوف عزرائيل قدامنا أقصد فهد
ليالي : وبعدين
فرح : أنا كنت بعملها على نفسي شكله كان يخوف كثير
عذاري : يالمقرفه
وضحه (لفت لها) : لا تلومينها ما شفتيه يخوف
مي : طيب كملن
فرح : المهم مسكني قبل أحط رجلي واهرب
ليالي : وأنتي يا وضحه مسكك
وضحه : لا صرفت نفسي شفت جناح خالد وميثه بدون ضرب الباب رفسته ودخلت وسكرته
البنات : ههههههههههههههههههههههههه
وضحه : مسكينة ميثه تخرعت يوم دخلت عليها
مي : زين أختي ما سقطت داخل عليها ثور لا أحم ولا دستور
وضحه : ثور ثور بس ما أطيح بيد فهد والله يذبحني
ليالي : عسى بس لابسه ساتر هههههههههههههه
وضحه : أيه الحمد الله هههههههههههه
البنات : ههههههههههههههههههههههههههههههه
فرح : بكمل لكن المهم قلت له توبة
فهد (بعصبيه) : بزر شايفتني
فرح (بكذب) : كنا نقصد رغوده ما قصدناك
فهد : لا والله اكذبي بعد أعرف حركاتك بس أقص يدي إذا مو البدوية
فرح : لا لا
فهد : لوااااااااه ووجعااااااااه صرت كلي ماء وتلفوني كله ماء
فرح (ابتسمت) : عادي أشتر جديد
فهد : والأرقام اللي ضاعت علي كلها مهمة
فرح( تلعب بحواجبها) : أرقام ولا رقم واحد مهم
فهد : تستخفين دمك دمك ثقيل
فرح : صب علي ماء يصير خفيف خخخخخخخخخخخ
فهد (أبتسم بخبث) : صح مويه
فرح : وش تفكر فيه ترى ما أبي أشرب ماني عطشانة
فهد : تصدقين من حظي وحظك إني قبل انزل اكلم خليت الماء
فرح : ماء وش
فهد : البانيو يا فروحه
فرح (حاولت تفك نفسها) : لا لا لا
فهد (شالها) : والله لأطلعه من عيونك والبدوية والله لو طاحت في يدي لتترحم على نفسها
فرح (بوزت واهي تسولف للبنات) : وفعلا ما شفت نفسي إلا بالبانيو وكلي ماء
البنات : ههههههههههههههههههههههههههههههه
وضحه : أما أنا ما طلعت من ميثه إلا لما رجعت عمتي وعمي وفهد متحلف إلا يردها لي وأنا حريصة ما أبعد عن عمتي
ليالي : خليك كذا وما يقدر يوصل لك ترى فهد عادي عنده لو انك من تكونين إلا يرد الحركة وإذا فيها فيها تعالي عندنا في البيت
وضحه (تطالع لفرح) : والله و أبغى فهد خانقني بس فرح رافضه
فرح : أذبحك أنتي طول السنة اللي فاتت عند ليالي وبعدين لولو مو تحطينها في مخها وأبوي رافض تروح
ليالي : عارفه بس صدق خانقين البنت وولدكم زودها
وضحه : إيه وربي بس مقدرته وساكتة عشان عمي أبو خالد
فرح : فهد بس كلام
وضحه(باستهزاء) : أتمنى بس كلام ( وسكت)
الناس في بسمة المجروح منخدعه !!
كم بسمه من وراها النار بأنفاسي ؟؟
بعض المواجع لها ما تنفع الفزعه !!
وبعض المواجع وجعها من وجع ناسي !!
عودت نفسي على الصدمات و الفجعه !!
ولو دست جمر الزمن ما ينحني رأسي !!!
سمر(انتبهت لوجه وضحه باين أنها تكدرت وحبت تغير السالفة) : ما شاء الله خطيرة لولو بس ليه ما جيتي للصالون
ليالي : إخواني انشغلوا وبعدين لودي جانا من الشرقية فديته ما كان ودي أخليه
وضحه(تمد لها القهوة) : بس تهبلين يا سعد من يأخذك
ليالي : هههههههههههه تكفين كأنك ناصر اليوم
وضحه : وش فيه
ليالي : يقول روحي سوي شعرك كذا ترى الحريم ما يعجبهن شكلك و بتعنسين طعيني سويه عشان يخطبونك وتتزوجين
سمر(طالت لها على طرف) : يحلم تنخطبين وتتزوجين
ليالي : ليه ما أشبه آنسه سمسم
سمر(تشرب من الفنجان) : لا تشبهين وست الكل بس نصيبك محدد لا تفكرين يا بنت سعد بغيره
ليالي : بغير من سالم
سمر : يس
ليالي : هههههههههههه ليه ما قلت لك إني شفت سالم اليوم
البنات (بصدمه) : شنووووووووووووووو
ليالي (ببرود) : و تكلمنا مع بعض ولا أزيدكم من الشعر بيت كنا لوحدنا عند الباب لوحدنا
فرح : تكذبين
ليالي : لا والله ما اكذب
سمر : شكله صار شيء
ليالي : أيه اليوم انحطت النقاط على الحروف وكل شيء وضح
عذاري : كيف أعترف لك بالحقيقة وشنو أنتي بالنسبة له
ليالي : هههههههههههههههههههههههههههههههههههههههههه
عذاري (تعجبت مثل البنات) : علامك
ليالي (دمعت عيونها من الضحك) : لا أمانه حلوه ذي عيديها وش اعترف أنا ههههههههههههههههههههه يا ماما أنتوا ما تعرفون سويلم مثلي حلوه ذي أنا بالنسبة له مو مثل منتوا فاهمين أصلا لو أقول لكم وش طلب مني ما تصدقون
مي : طلب تكلمينه مره ثانيه
ليالي (هزت رأسها بلا) : ...............
سمر : طلب تسامحينه
ليالي (هزت رأسها بلا) : ................
وضحه : أخاف طلبك للزواج
ليالي(رفعت لها وبعصبيه) : بسم الله علي فال الله ولا فالك
فرح : اجل وش خلصي
ليالي : اكلم ساره وأعزمها للملكة بنفسي
البنات (شهقن) : شنووووووووووووووووووو
سمر : تكلمين بنت أبو عمر
وضحه : وبنفسك
عذاري : صدمه أنتي تمزحين
ليالي (باستهزاء) : لا والله حتى قال كلميها من جوالي وأعزميها وحتى قال (تقلد سالم ) أتصل لك عليها ترى أنا حافظ رقمها يعني تعرفين بحكم شغلي مع أبوها تتصل علي بس هاه لا يروح فكرك لبعيد شغل كل اللي بينا شغل
مي : قويه وربي هههههههههههههههههههههه شر البلية ما يضحك
سمر : وش سويتي فيه
ليالي (رفعت كتوفها وببرود ) : ما سويت شيء قلت عطني اكلمها
عذاري : أنتي هبله تكلمين غريمتك
ليالي : غريمه
سمر : أيه هذي بتاخذ سالم منك كيف تعزمينها بدل ما تعصبين وتنفجرين بوجهه تقولين عطني اكلم يا برودك
ليالي : لحظه لحظه هيه يا خوات سالم وش مفكرات انتن انه يحبني يا ماما أصحن هييييييييييه صح النوم سالم ما يحبني أنا أخته وبس وقلتها ألف مره أنا بالنسبة له مثل ما اهو بالنسبة لي إخوان وبس
فرح : والله بنجلط منهم
ليالي : الحمد لله والشكر غصب يعني تدخلون في مخي انه يحبني هاه الدليل قدامك وبلسانه محد قال يا بنات لو شفتوا شكله كيف مهتم لوجودها كان قلتوا ولا في قلبه ذرة أحساس لليالي اعتقد اللي يحب ما يجرح مشاعر محبوبه هذا لو معتبرني محبوبته بس سكرن على السالفة (دخلت رغد الصغيرة وهمست في أذن ليالي اللي ابتسمت بخبث) مشكورة يا قلب لولو خلاص روحي
رغد : طيب
فرح : وش عندكن
ليالي (توقف وتعدل تنورتها وشعرها) : السموحه بنات بروح أستقبل ضيفه مهمة وصيت رغد أول ما توصل تقول لي
مي : من
ليالي (رفعت حاجبها ) : ساره
طلعت ليالي والبنات طالعن بعض بصدمه وقامن بسرعة ولحقنها يشوفن كيف الاستقبال وش ناويه عليه ليالي أنصدمن لما ليالي استقبلت ساره وأمها وأختها الصغيرة وكأنها تعرفهم من سنين وقامت بالواجب وزيادة والأبتسامه مرسومه على شفاها ولا تغيرت بس البنات يعرفن ليالي ويعرفن نظرتها كان فيها شيء غريب غريب غريب ويخوف قررن يطلعن ويسلمن على ساره مو حلو أنهن ما يقومن بالواجب
عند البنات هدوء نسبي والجو ضحك وسوالف حلوه ولكن الدنيا قايمه قاعدة عند الشباب والكل على أعصابه والتوتر كبير والانتظار صعب
فهد(طلع من المجلس) : يوووووووه هذا وينه
خالد : جدي معصب وعمامي
فيصل : طيب إبراهيم ما يعرف شيء
محمد : يتصل بس ما يرد عليه
سالم : والله ما كنت متطمن من الأول
ناصر: جدي بيرتفع معه الضغط والسبب أهو
سلطان : شوفوا إبراهيم كاسر خاطري بس هواش فيه يسألونه وينه وكأنه ولي أمه
فيصل : صراحة بندر زودها صارت الساعة 6 ونص والشيخ والشهود والكل ينتظر
سالم : تصدق قلت يبون يعصبون ويقولون ما عندنا بنت للزواج
خالد : يا عم وأهم يطولون يناسبونا
فيصل : أنت شفت نظراتهم أعوذ بالله ونفاق وكلام كرهت الجلسة داخل
أبو وليد(بعصبيه جاهم) : وينه الحمار ما بعد جاء
خالد : هد يا عمي
أبو وليد : قايل لأبوي لا تغصب الولد ما يعرف لا إلا يزوجه من حنت أمه وين نودي وجيهنا من الناس
محمد : يبه أدخل وإحنا نروح ندوره
أبو وليد : جيبوه لو مربوط أبوي متحلف فيه
سالم (بهمس لناصر) : بندر يربطنا كلنا ولا نقدر عليه
ناصر : هههههههههه صدقت
إبراهيم(طلع من المجلس معصب وطلع جواله) : ألوووو ... وين يالخايس ...... (بعصبيه) أقسم بالله يا بندر لو خلال دقيقتين منت هنا تنسى إبراهيم ....... مالك دخل أنا نلعن شكلي بسبتك .......... تجي على صاروخ على دبابة مشي خلال دقيقتين هنا ....... انتظر
محمد : بيجي
إبراهيم(كتف أيديه وتسند على السيارة) : أيه
سلطان(بعد دقائق هذي سيارته) : أخيرا وصل
بندر(ينزل بكل برود ويرفع يده) : هاي شباب
الشباب : ....................................
إبراهيم : سالم قل لأبوي (باستهزاء) المعرس وصل
بندر : أففففففففف يا شينك
إبراهيم : خالد لو سمحت أشهد على الزواج
بندر : منت داخل
إبراهيم(طالع له وبعدين صد عنه) : لا
بندر(طالع للشباب وبعدها قرب لإبراهيم) : بس أنت قلت محد يشهد على الزواج غيري
إبراهيم : لما تكون قد المسؤولية مو تسبب الشيء وينرمي فوق راسي
بندر : ترى تأخرت شوي
فيصل : أنت تأخرت ساعة وزود وجدي معصب
محمد : وأبوي وعمامي
ناصر : وعمتي عايشه
سلطان : وجدتي
إبراهيم : أنت مستهتر فاهم والحين رح عشان يعقدون الزواج
بندر : بس أنا أبيك تشهد ولا ما يتم الزواج
إبراهيم(صر على ضروسه) : بندر ترى ما عاد فيني أعصاب روح وخالد يسد مكاني
بندر : لا يا أنت يا بلا زواج
الكل : نـــــــــــــــــــــــــعـــــــــــــــــــــــ ـــــــــم
محمد : الظاهر تبغاها من الله
سلطان : بندر عيب البنت وش ذنبها تسوي فيها كذا
بندر : البنت وش ذنبها أنها وافقت علي هاه برهوم تجي ولا نكنسل الزواج
سالم(قرب من إبراهيم) : إبراهيم طالبك يا خوي رح وأشهد والله أن بيقص وجيهنا قدام الناس العنيد
إبراهيم(ينزل ويمشي قدامه) : أنا أعرف لك يا بندر
بندر(يمشي ورآه ويبتسم) : ما ننحرم يا أبو بندر
إبراهيم(لف له وبعصبيه) : تخسي لو تموت ما أسمي واحد من عيالي عليك يا ويل حالي بكره يطلع سميك عليك وأبتلى يوم أخطب له
الكل : ههههههههههههههههههههههههههههههههههههههههه
بندر(قرب منه وضمه وهمس له) : سامحني
إبراهيم(ضمه وهمس له) : يا خوي البنت وش ذنبها خوله تقول أن ضايقوها بسبتك
بندر(بعد وبصدمه) : كيييييييييييييييييف
إبراهيم(لف عنه ) : مالك شغل
بندر(مسك يده) : لا لي شغل
إبراهيم : ما يهمك يالله شباب
بندر: إبراهيم إبراهيم تعال
ناصر : وش قال له قلب حاله
سالم : مدري يالله خلنا ندخل ونخلص من هالأزمه ههههههههههههه
ناصر : الحمد لله ما احتجنا أمريكا تفكك ههههههههههههههههههههههه
أما في غرفة الجوهرة ........
خوله : طيب وقعي
الجوهره(على سريرها تبكي) : أوقع توه يجي
أم الجوهره : يا بنتي الرجال عذره معه
ميثه : وقعي يا جوهره الشيخ ينتظر
الجوهرة(تتعدل وبإصرار) : ما أوقع ما أوقع قولوا له الجوهرة ما تبيك الله لا يسامحك على اللي سويته فيني يا بندر
أم الجوهره : عيب يا بنت هذا رجلك
الجوهره(تغطي وجها في أيديها) : ما صار زوجي ولا أبيه
أنطق الباب ودخلت أم بندر اللي متفشله من حركه بندر ودخلت أم إبراهيم وسلمن
أم بندر : هاه يا عروس وقعتي
الجوهره(هزت رأسها بلا وهي تبكي) : ...............
أم بندر(خجلانه من حركة بندر) : وقعي يا بنتي وبندر صدقني ما راح أخليه على اللي سواه يا بنتي
أم إبراهيم: تعوذي من الشيطان يا عروسنا وخلينا نفرح
الجوهره : فكوني منه ما أبيه مااااااااا أبيه حرام عليه أنا وش سويت فيه يسوي فيني هذي الحركة أنا ما بعد صرت زوجه وسوى كذا اجل لو زوجته وش بيسوي ما يبيني لا يجرحني حرام عليه أنا بشر بشر (ورجعت تبكي )
خوله : لا حول ولا قوة إلا بالله الجوهره طلبتك وقعي عمك ينتظر
أم الجوهرة : يا بنتي عمك ما يحرم والله يطلع ويخليك توقعين غصب ما يعرف العيب
خوله : والكل يبي يتكلم ويتشمت
الجوهره : يعني ما تشمتوا ما سمعتوهم وش يقولون المعرس هرب ما يبي الجوهره ما سمعتي بنات عمي وش قالن أيه الله لا يبلانا هذا أولها هربان أجل التالي وين ما سمعتوا تعليقاتهم حتى البزران كملوا حسبي الله عليهم أنا ناقصة
الكل هز رأسه بلا على اللي سواه بندر بأنانيته أنعكس على الجوهره بشكل سيء .........
أم الجوهره(قربت منها) : أبوس أيديك يا بنتي وقعي مو ناقصة مشاكل عمك ما يرحم
الكل لحظه صمت ودموع أم الجوهره وسكون الجوهره يوم سمعت أبوس أيديك كيف تهون عليها أمها تبوس يدها بدل لا الجوهره تبوس يد ورجل أمها الحنون مسكت القلم ووقعت وبعدها دخلت الحمام(وانتو بكرامه) وقفلت الباب عليها وصلوا الكتاب للمملك وتم الزواج والجوهرة رفضت تطلع وتقابل أحد بعد ما خرب المكياج من الدموع وخوله احترمت قرارها وتركتها وعلى الساعة 10 كل واحد طلع لبيته وبندر أخذ أمه وأخته مي وخالته خوله للبيت والصمت سيد الموقف في السيارة وكأنه الهدوء قبل العاصفة دخلوا البيت
بندر(ابتسم) : ما تباركون لي
الأم وخوله ومي نظروا له نظره تدل على غضب ألم حسره وقهر
مي(بهمس) : مبروك أنا بصعد أنام تصبحون على خير يالله شوق نصعد
شوق : حاضر تصبح على خير بابا(باس خده وصعدت)
بندر(تعجب ما جت تسلم عليه تعدت وصعدت لفوق) : مي
الأم (طالعت له نظره ولفت لخوله) : أنا بنام راسي مصدع تصبحون على خير
بندر(رفع حاجبه وطالع لأمه اللي ولا عبرته) : افاااااا وش صاير (لف لخوله اللي كتفت أيديها لصدرها وعيونها دموع) خوله
خوله : غلطت يا بندر
بندر : وش غلطت فيه زواج وتزوجنا وش تبون أكثر
خوله : تهينها
بندر : من
خوله : الجوهره
بندر : تحمد ربها أنها صارت زوجتي
خوله (طالعت له من فوق لتحت) : يا غرورك (صعدت الدرج ما حست إلا بيد بندر تمسك يدها لفت له بعصبيه) أترك يدي ترى مو رايقه
بندر : ليه معصبه
خوله(سحبت يدها وبعصبيه) : لا سؤال سخيف يالأخ ليه اعصب والمسكينة اللي لازم تفرح أن اليوم ملكتها بدل تبكي من الفرح بكت من الاهانه اللي حست فيها بكت من تعليق الناس عليها حتى البزران ما سلمت منه بكت لين رفضت تقابلنا خربت مكياجها وخرب فرحتها بتهورك أنت أهنتها فاهم خليتهم يتكلمون عنها بدل أن يغيرون منها ومن فرحتها كسرت فرحتها
بندر : ........................
خوله : م اراح تحس لأنك أناني يا بندر ما فكرت أن هذي بتصير زوجتك عنيد لأنهم أجبروك ما فكرت هي وش بيكون موقفها خصوصا بين ناس ما ترحمها ولا تحبها ولا تحب لها الخير صاروا عيال عمها وبناتهم يستهزئون فيها شماته فيها حركتك حطتها في موقف سيء مدري بتغفر لك ولا لا والحين خلص الكلام يا (باستهزاء) معرس تصبح على خير
بندر أنصدم ما حسب حسابها ما فكر أن ممكن يجرحها احد أو ينتظر لها الضرر هو صدق ما فكر إلا في نفسه ولا حسب النتائج حتى جده رفض يبارك له وبس وقعوا طلع مع إبراهيم اللي زعلان من بندر كثير وخواله كان واضح عتبانين بس لا تلومونه يا بشر ما كان متقبل كل شيء حصل بسرعة ضاقت فيه كان يبي يبقى شوي لوحده خاف يقابلهم ينفجر فيهم وتطلع عصبيته بس ما فكر في المسكينة زوجته لا حول ولا قوة إلا بالله أنا وش سويت أنا وش سويت لازم أتصرف الكل زعلان مني
(صعد لغرفته وأخذ دش ونام بعد تفكير بحل للمشكلة)
_______________
اليوم الثاني ...
في بيت ليالي ...
ناصر(نازل) : صباح الخير
الكل : صباح النور
ناصر : صبي لي حليب
ليالي(ما حست فيه وسارحة في فكرها) : ....................
ناصر(بصوت أعلى) : لوووووووولووووووووو
ليالي(فزت وبعصبيه) : ووووووووجع خرعتني
الكل : ههههههههههههههههههههههههههه
ناصر : علامك سارحة
ليالي : مالك دخل وش تبي
ناصر : حليب
الأم حمده : أخوك يقول صبي له منتي حاسة
ليالي : هاه إلا بصب لك( أخذت وصبت له) خذ
أم وليد : أقول حمده شفتي بنت أبو عمر ساره
ليالي(شرقت ) : كح كـ كـ كـ حححح كح
ناصر(يمسح على ظهرها وأهو يضحك) : بسم الله عليك هههههههههههههههههه
أم حمده (تعطيها ماء) : بسم الله عليك أشربي
ناصر : ههههههههههههههههههههههههه
ليالي(عصبت) : كح ليه تضـحـ كح ــك
ناصر : ولا شيء هههههههههههههههههههههه
أم وليد : علامك
ليالي(صرت على ضروسها) : ولا شيء
ناصر : احم يمه من ساره
أو وليد : وش دخلك
ليالي(تلعب بحاجبها) : صح وش دخلك
ناصر : أبدا هذي بنت العم عمر رئيس ساااااااااااااااااااااااااااااااالم يمه هي حلوه
الأم حمده : ما شاء الله قمر
ليالي : لا مو كثير
ناصر : وش دخلك أنتي (لف لامه حمده) حلوه كثير
أم وليد : قمر عليها رزة لا إله إلا الله
الأم حمده : تمنيتها لك يا ولدي
ناصر : لي لا يمه أحم القلب ما يهوى
ليالي : وش عرفك بقلبها
ناصر(يشرب الحليب ويلعب بحواجبه) : ......................
ليالي : نويصر أكلمك
أم وليد : خلي أخوك يشرب حليبه عشان شغله
ناصر : الحمد لله يالله بمشي تبون شيء
ليالي (توقف) : ما جاوبت
ناصر(باستهبال) : على شنو
ليالي : وش عرفك بقلبها
ناصر : من
ليالي : نويصر قلب ساروووووووه
ناصر (يمشي للباب وليالي تلحقه) : هههههههههههههههه طلعت ساروووووووووووه وش عرفني بقلبها وش قالوا لك طبيب قلوب
ليالي : اجل كلامك
ناصر : أنا أقصد قلب ناس ثانين
ليالي : من
ناصر(طالع ساعته) : سوري لولو وراي شغل (باس خدها ) باي
ليالي(صرت على ضروسها) : حمار (رجعت وجلست على الكنبة تفكر بنفسها) وش يقصد القلب وما يهوى قلب أهو ولا قلب سويلم أبو عيون زايغه أفففف أكيد شافها وأعجبته مهي مزيونه بس أنا أحلى معقولة يبيها شكل البنت حلوه وسالم مرتز عندهم كل حزه بحجة أبوها والشركة يعني مخطط يأخذها أجل أهو اللي يقصده ناصر القلب وما يهوى هاويها وعاشقها يا سويلم (وقفت وبدون شعور) يوووووووووووووووووه أطلع من مخي
الأمهات : بسم الله
أم وليد : وش فيك
ليالي(انتبهت لنفسها) : هاه لا نسيت شيء توني أتذكره
الأم حمده : وش
ليالي : عندي محاضره الساعة 9
أم وليد : مو عارفين وش الجديد
ليالي : لا كنت ناسيه بروح ألبس قولوا للسواق يجهز السيارة يمه لو سمحتي
الأم حمده : دوم متسرعة روحي بنقول له
ليالي : أسمحوا لي (في نفسها) حسبي الله على إبليسكم جننتوني أروح قبل أنجن أففففففففففففففف
طلع وجهك الثاني يا أناني
وبعت قلبي الوفي بحسبة ثواني
أسف مانفع لازادي ولاملجي
بطريق الندم أتعكز بجرحي
علي اثنينكم انت وزماني
أنا بعز الأسى والصدمه والنار
ولا أعرف أجرحك رغم ماصار
أهدي ثورتي وأصنع لك اعذار
لكن مستحيل نعود ثاني
طلع وجهك الثاني يا أناني
بعتني ومن يبيع العشرة بالمال
بالنسيان أبيعه وراحة البال
دمعك ما يغير شيء بالاحوال
تجرحني وتقللي لا تعاني
طلع وجهك الثاني يا أناني
____________________________
في المدرسة البنات ..
________________
في غرفة المدرسات جالسات سوالف وضحك وهي صامته طول الوقت ما عليها الحصة الأولى والثانية عليها الثالثة عكس خوله اللي عليها الحصة الأولى تلعب بالقلم وتخط على الورق
ما حست إلا باللي يأخذ القلم منها رفعت رأسها وابتسمت تخفي حزنها
الجوهره : خوله
خوله(تسحب كرسي وتجلس عليه) : بسك تفكير
الجوهرة : خلصتي حصتك
خوله : صح النوم أنت ما تحسين بالوقت
الجوهره : لو أذرف دموع القهر دم وش عاد .. بالموقف اللي بشعر صعب وصفه
خوله(حزنت لحالها وحطت يدها على يد الجوهره) : ليه داومتي كان عندك أجازه
الجوهره : أشغل نفسي عن التفكير
خوله : وش تفكرين فيه
الجوهره(سحبت يدها وطالعت لدبلتها) : ولاشيء (نزلت يدها) عندك حصة
خوله : لا وأنتي
الجوهره : أيه سميرة طلعت عشان عندها موعد لولدها وأنا أخذت حصتها (وقفت وعدلت لبسها ) بروح ألحيـ.
قطع الكلام رن جوال خوله اللي شافت الرقم وطالعت للجوهره وبعدها طالعت للاسم
الجوهره : علامك ردي
خوله(ردت) : ألو .. هلا بندر
الجوهره لفت لها بس سمعت أسمه وحست بغضب لدرجة بان في عيونها لخوله اللي حست فيها طلعت الجوهره من الغرفة وصفقت الباب وخوله حمدت ربها ما فيه غيرها
خوله : هلا معاك
بندر : وش صوت الضربة
خوله : الباب
بندر : ما فيه هواء
خوله : بصراحة هذي الجوهره
بندر : من الجوهره
خوله(بعصبيه) : منت صاحي من الجوهره الخدامة الجوهره حرمتك اللي البارح مالك عليها
بندر : ههههههههههههه والله نسيت طيب وش فيها صفقت الباب
خوله : أقسم بالله أنت بتجنني
بندر : وأنا وش سويت
خوله : أقول وش تبي متصل تراني مشغولة
بندر : أول قولي وش فيها صافقه الباب
خوله(تأخذ نفس) : بسبتك
بندر : قسم بالله ما سويت شيء
خوله : بندر
بندر(بهدوء) : ما نست
خوله : لا
بندر : هي عندك
خوله : لا
بندر : طيب عطيني رقمها
خوله : لا
بندر(عصب ) : كل ما أقول شيء تقولين لا لا
خوله : وش تبي يا بندر
بندر : رقم الجوهره تراها زوجتي
خوله : هههههههههههههههههههههههههههه أقول لا احد يسمعك بعد اللي صار أمس ويضحك عليك
بندر(زادت عصبيته) : يوووووووووه الكلام معك فاضي
خوله(تطالع للجوال يوم سكر بوجهها بندر) : هههههههههههههههههههه ما يستحي خالته ويسكر بوجهي خلني أروح أشوفها يالله سترك
_______________________________
وقفه قدام الباب ترجف أيديها في أيدي أخوها وأهو راحم حالها يوم ترجف أنفتح الباب وشافت أخوها يسلم على الرجال الطول بالعرض انتبهت إن في يوم شافته بس ما تدري وين صحاها من تفكيرها صوت أخوها
سلطان : عذاري هذا ولد عمي حسن عبدالله
عذاري(رفعت نظرها وتذكرته اهو اللي شافته في مجلسهم الوقح مثل ما سمته وبصوت قريب للهمس) : هلا
سلطان(ضغط بخفه على أيدها وأبتسم يوم طالعت له) : تعالي
عذاري : حاضر
دخلت مع سلطان ماسكه يده وضاغطة عليها وترجف وطالعت الموجودين رجال كبار وفي غير عبدالله اللي فتح الباب شابين نقلت نظرها بين الشياب تبي تعرف من أبوها بس هي تعرف أن أبوها على كرسي ما يقدر يمشي انتبهت لصوت خلفها يهلي باسمها لفت وشافته وبعدها ما حست بشيء إلا أنها بين أيدين أخوها غيابه عن الوعي
سلطان : عذاري
عبدالله : سلطان حطها في الغرفة عامر جيب دكتورة لنا
عامر : كيف أجيب ما أعرف للرياض
سلطان (يشيلها ويدخلها الغرفة اللي قال عبدالله عنها) : .........
عبدالله : إحنا بنطلع شيل عنها غطاها
سلطان : عبدالله أبي ماء يا خوي
عبدالله : ثواني
سلطان(نزل غطوتها وطبطب على خدها) : عذاري عذوره
عبدالله كان خايف عليها لان سلطان كان يشرح له حالتها واخذ ماء ودخل عليهم ونسى أنه طلب من سلطان ينزل غطوتها وأنصدم من جمالها ونسى نفسه يطالع لوجها فجاه حس أن غلط وقفته طلع وضرب الباب
عبدالله : سلطان خذ الماء
سلطان أخذ الماء ومسح على وجها وهي بدت تصحى أبتسم ..
عذاري (فتحت عيونها وحست الدمع يتجمع وبهمس) : سلطان
سلطان : عيونه
عذاري(جلست وضمته وبدت تبكي) : شفته بعد سنين شفته ما اعرفه يا سلطان خذي ما أبي اعرفهم هو غريب آآآآآآآآآآآآآه ما أبي اجلس ودني لأبوي فهد
الكل يسمع لها والأب قلبه يعوره
سلطان : وش فيك أهدي
عذاري(تشاهق وهي تتكلم) : أنا ما اقدر أنت ما قلت لي بشوفه بهذي الحال صدق تعبان بس ما اقدر خذني للبيت ولا والله اتصل على أبوي فهد ما أقدر والله أنت ما قلت انه تعبان كثير طلبتك بروح أحس مخنوقة شفته بعد سنين بس ما اعرفه ما أعرفه سلطان
سلطان : عذراي أصبـ..
قطع الكلام صوت دق الباب
عبدالله : سلطان عمي يبيك
سلطان : جاي (حس بيد عذاري تمسكه لف لها) بروح وارجع
عذاري : لا تخليني
سلطان : برجع لك بشوف أبوي
عذاري : طيب
كــــلــــن تمــــنى في حيــــــاته اماني
وانا اتمنى امـــنـــيه انــــي امـــــــوت
مـــظــلــوم في دنيا بــــــــها الله بلاني
عايش ولكن عايش انـــــســـان مكبوت
عايش يـــتـــيـــمٍ مـــــــاعرفت الاماني
غصبٍ على اقبل انا الظلم بســــــــكوت
الــحــظ ضدي والبــــشر والـــــزماني
باسبابهم همي بدى يــلـــــوتنــــي لوت
حسره طوت قلبي وحـــــــــزنٍ طواني
الين حزني صار بالـــــــصدر منحوت
طلع سلطان وبعد 5 دقائق حستها عذاري ساعات رجع ومد يده لها
سلطان : يالله نروح
عذاري (وقفت) : نروح البيت
سلطان : أيه يالله تغطي
عذاري تغطت ومسكت يده ويوم طلعت للصالة ما شافت احد بس انتبهت للي فتح الباب لهم أول ما صلوا ينقال له عبدالله انتبهت لنظرته كلها شرار والنظرة لها موجهه غضب حست بغضبه موجه لها وأهو يهز رجله دليل على عصبيه ما اهتمت المهم أنها بتطلع من المكان وما صدقت ركبوا السيارة ويتجهون لبيت أبوها فهد بطلب من عذاري لأن جدتها فيه وتبي تجلس مع خالتها نعود للفندق السويت الكامل
عبدالله (حس بيد على رجله رفع نظره للواقف) : شخبار عمي
عمر : عمي بخير نام
عبدالله(وقف معصب) : قسم بالله تمنيت أذبحها
عامر : وش تذبحها ما ورآها أهل وعزوه
عبدالله : والله مالي خلق لك شف عمي وش صار له من أمس يبي يشوفها ويوم جت ما تحملت أغمى عليها ورفضت تشوفه
عامر : لا تلومها أعتقد ما شافته من انولدت وشافته بمرضه مو بصحته وش تتوقع صدمات عمك يا عبدالله إحنا يالله يالله متقبلين حالته هزيل كثير كأنه جلد وعظم بس البنت خافت صدمه ترى مهما تكون تحس بس لين تتعود وعمي مقدر حالتها و صدمتها وقال أنا ماني طالب أكثر من أني شفتها
عبدالله : واللي يرحم والديك لا تقوم تحلل لي مو لأنك دكتور نفسي تحلل
عامر : الله يخليك يا رجل الأعمال أنت ما تعرف تتفاهم وخصوصا مع البنات
عبدالله (لف له بعصبيه) : وش دخل التعامل في دلع بنت عمك
علي : ههههههههههههههه يا أخي وش فيك والله مالوم البنات يوم يرفضن أنهن يتزوج منك
عامر(يهز رأسها يؤكد الكلام) : مع انك رجل 32 سنه تقريبا جمال ومال ومركز بالسوق بس عصبي ونار
عبدالله : صاير خطابه أقول أنا طالع قبل انفجر
علي : هههههههههههه لا يا أخي أخاف تنفجر ويتهمونا بأنا إرهابيين
عبدالله : خخخخخ سخيف مع السلامة
طلع عبدالله واهو متضايق عمه شيء كبير له ودموع عمه غالية يوم بكى وقال لسلطان يطلعها من هنا ويوم قال بنتي ما تبيني أنا الغلطان هي معها حق ما ألومها هي بعدها صغيره وعمرها ما شافتني ولا تعرف عن حالتي الصحية شيء البنت أكيد بتخاف كأني شبح ما أبي يصير لها شيء طلعوها يكفيني أني شفتها وبس يكفيني أنها رضت تشوفني وأنا مرتاح حتى لو مت خلاص أخيرا شفت الغالية بنت الغالية ما أبي شيء ثاني
عبدالله(يرد على جواله) : هلا علي ...... خير وش تبي ......... نعم ومن قال أحجزوا ....... ليه عمي صار فيه شيء ....... أففففف كله منها طيب أنا راجع ... مع السلامة
رمي جواله وضرب يده بالدركسون(المقود) معصب اليوم حجزوا يردون جده رغم أن متوقع يجلسون أسبوع أو 10 أيام عشان عمه يبي يجلس مع عذاري بس هي بدلعها على ظن عبدالله خربت كل شيء لدرجه عمه أصر يرجعون اليوم الجلسة ما منها فايده ..
___________________________
في بيت عبدالرحمن ..
هاجر (تلعب بجوالها بالصالة) : ...........
فجر(رمت القلم) : افففففففففف
هاجر : علامك
فجر : طفشت المسألة صعبه
هاجر : والله راحمتك خلصت ودخلت كليه
فجر : طفشت ماما وبابا مسافرين وما عندي من يساعدني
عبدالرحمن (دخل ) : وأنا وين
فجر : عمي بتعرف
عبدالرحمن(ضربها بخفه على رأسها) : وش شايفتني معاي روضه رجال وش كبيري متخرج من الجامعة إدارة أعمال
هاجر : ما شاء الله جديدة هذي
عبدالرحمن : انطمي وأنتي تعالي خليني أشوف المسألة (أخذ الدفتر يطالع لها) وووول غيروا المنهج
هاجر : ههههههههههههههههههههههههه احلف وين عايش أنت
عبدالرحمن : هويجر أنطمي
فجر : ههههههههه شكلك تورطت
عبدالرحمن(جلس جنبها على الأرض ورفع كمومه ) : وأنا أبو سلطان اليوم بحلها بحلها غصب
هاجر(غمز لفجر وبعدوا) : أقول تعالي في فيلم على اكشن نشوفه
فجر : وعمي
هاجر : أبو سلطان بجلس اليوم كله غاطس في المسألة خليه ما بيحس
فجر : طيب وش أسوي يا فهيمه لو ما حلها بتهزأني الأستاذة بكره
هاجر : أحلها لك وأنا بنت سيف باتصال
فجر : مالت حسبت أنك بتحليها بنفسك
هاجر : هبله أنا قسم أدبي وش نقزك وخلاك تدخلين قسم علمي
فجر : العلمي أحلى و أنا أبي أدرس بالخارج بابا قال لو جبت نسبه عاليه بيخليني أدرس بالخارج
هاجر(مسكت يدها وصعدن الدرج للصالة العلوية) : بس جدي ما يرضى وبيعترض
فجر : لا بابا قال يتصرف
هاجر : بابا غريبة مع أنه معارض سفر عمي ضاري كيف يرضى بنته تسافر
فجر : لا تخوفيني
هاجر : لا ما قصدي والله تعالي يمكن بابا تغيرت نظرته
فجر : أوكيه يالله بس إذا عمي عصب بقول أنتي السبب
هاجر(ضربتها على كتفها) : وجع هذا وأنا بساعدك بحل المسألة
فجر (تلعب بحواجبها) : يمكن عمو حمني يحلها
هاجر(تجلس وتأخذ الرموت وتحط رجل على رجل) : يحلها لا تضحكيني عمي ما يعرف غير النوم والمغازلة بس له فتره معتدل يشتغل مع جدي ومخفف التلفونات .. قبل عنده 3 تلفونات مخصصه للبنات والحين واحد يعني تدين هههههههههههه
فجر : هههههههههههههه والله متعجبة من حالته تغير
هاجر : الظاهر نوى يعرس ويعقل
فجر : ههههههههههههههه عمي عبدالرحمن أثنين ما أظن يعرسون عمي عبدالرحمن وعمي ضاري
هاجر : ووويه اشتقت له
فجر : قريب بيرجع بأذن الله
هاجر(تلف لها) : جدتي تقول بس يوصل بخطب له وبتخطب لعمي عبدالرحمن وتزوجهم بيوم واحد
فجر : ههههههههههههههههههههههه مساكين
هاجر : بس بس بدا الفيلم أقول أتصلي يجيبون لنا كيك وعصير
فجر (ترفع السماعة الداخلية) : حاضر .. الو كرشنا
أما عند عبدالرحمن يحك رأسه مو فاهم للمسألة وحالف يتغلب عليها ومو حاس أنه صار بروحه والبنات صعدن يتونس ويطالعن فيلم رن جواله أخذه وحطه عند إذنه
عبدالرحمن : هلا
عبدالعزيز : هلا بالقاطع
عبدالرحمن(حط القلم) : ههههههههههههه عتبان علي
عبدالعزيز : كثيرررررررررررررر
عبدالرحمن : كيفك
عبدالعزيز : الحمد لله وينك ما تنشاف
عبدالرحمن : مشغول في الشركة وأنت
عبدالعزيز : أفففففف طفشت من الدوام
عبدالرحمن : قلت لك تعال أشتغل معي بالشركة بس أنت رافض
عبدالعزيز : يا خوك ما أبي أثقل عليك
عبدالرحمن : والله ازعل منك اسمع قدم أجازه من شغلك وتعال اشتغل معي إذا أعجبك الشغل قدم استقالتك وإذا لا أرجع شغلك الأول
عبدالعزيز : نشوف إلا مالك نيه تجينا في الأستراحه في موضوع حاب أتكلم فيه معك
عبدالرحمن(باهتمام) : موضوع بخصوص شنو
عبدالعزيز : بخصوصي وخصوص مها
عبدالرحمن : مها من
عبدالعزيز : مها اللي عذاري أخت الريميه
عبدالرحمن : اهاه فهمت طيب وش السالفة
عبدالعزيز : لما تجي أقول لك بس يالله تعال لا تتأخر
عبدالرحمن : والله يا خوي احل لبنت أخوي مسألة رياضيات (أنتبه لولد أخته يدخل وقف وسلم عليه) هلا عيسى أخبارك
عيسى : بخير يا خال أخبارك أنت
عبدالرحمن : تمام (أنتبه لعيسى وأبتسم) ألو عزوز أنا جايكم انتظروني
عبدالعزيز : أوكيه وسلم على عويس
عبدالرحمن : يوصل مع السلامة (لف لعيسي اللي يلعب بجواله) عويس عزيز يسلم عليك
عيسى : الله يسلمه
عبدالرحمن : بأي صف أنت
عيسى : آخر سنه
عبدالرحمن : وقسمك
عيسى : علمي
عبدالرحمن : حلو يعني تفهم في الرياضيات
عيسى : الحمد لله
عبدالرحمن : مو لازم انك أول جامعه هذي السنة
عيسى : وش فيك يا خال لما صار الحادث وأنا بالمتوسطه بسبب فجر قعدت سنه بالبيت
عبدالرحمن : صح أذكره الله لا يعيده من يوم
عيسى : الله لا يعيدها من ذكرى
عبدالرحمن : اجل حل لي هذي المسألة
عيسى(ألتفت له ) : خابرك مخلص الدراسة عطني أشوف
عبدالرحمن(مد له الورقة) : لا هذي لفجر
عيسى(نزل الورقة على الطاولة رجع يطالع جواله) : آسف
عبدالرحمن : افا عليه
عيسى : كان ودي أساعدك بس إذا شيء يخص فجر مالي دخل بتاتا
عبدالرحمن (رفع حاجبه) : وليه فجر بالذات ما قلت هاجر
عيسى : لا هاجر تستاهل بس فجر لا
عبدالرحمن : وأنا عم فجر عمها فجر ما تستاهل
عيسى : أيه بالنسبة لي
عبدالرحمن : ليه ما كله حلالك ولا عدوتك
عيسى(رفع نظره له) : صح عدوتي
عبدالرحمن : عويس نعنبوا إبليسك مو قادر تنسى
عيسى : لا
عبدالرحمن : طيب حلها هالمره عشان خالك حمني
عيسى : سوري خلها عشان تسقط و يعصبون عليها مثل ما كل مره يعصبون علي والسبب أهي
عبدالرحمن : شايل بقلبك عليها ههههههههههههههههههه
عيسى : أيه كثير وما كنت بجي لبيتكم اليوم يوم عرفت أن بنات خالي سيف هنا بعد ما سافر مع زوجته بشغل بس أمي لازم أمر عشان آخذها معي
عبدالرحمن : والله فجر حبوبه بس أنت وعنيد
عيسى : من فعايلها صدق مدلعه أففف
عبدالرحمن : لخاطري
عيسى : لا حول و لا قوة إلا بالله طيب عطني يا رب ما اعرف لها وترسب
عبدالرحمن : ههههههههههههههه لا بتعرف أنت دافور ما شاء الله عليك
عيسى (يضرب جبينه) : آآآآآآخ ما اعرف لها
عبدالرحمن(يحذفه بالكوشية(مخده) وبعصبيه) : حلهااااااااااا يا حمااااااااار
عيسى(يمسك الكوشية اللي ضربت بوجهه يوقف ويرمي الورقة) : ما اعرف زين و فجير هذي ما احل لها لو تموت
: ومن قال ميتة تحل لي
عيسى لف للباب وكان فجر ومتخصره وباين معصبه فجر وهاجر ما يتغطن عن عيسى بس يلبسن لفاتهن متعودات عليه ومتربيات معه
عيسى : عمك يقول أنك ما تعرفين ويبي يتوسط لك أحلها بما أني دافور
فجر : مالت عليك والله مأخذ مقلب بنفسك
عبدالرحمن : هييييه علامكم
عيسى : وش أسوي من بنت أخوك ولسانها الطويل
فجر : عدال يا لسانك ينقط سم
عيسى : من فعايلك
فجر : بسم الله عليك أنت يا أبو الفعايل الزينة
عيسى : أقول طسي
فجر : طس أنت أنا بنت سيف محد يقول لي طسي
عيسى : أقول ترى مأخذه مقلب في نفسك لا كف على وجهك
فجر : تخسي تعطيني كف ما باقي إلا أهي
عبدالرحمن (صرخ ) بسسسسسسسسسسسسسسسسسسسسسسسس (بعصبيه) أجلس أنت واهي
جلست فجر على كنبه منفردة وجلس عيسى على كنبه ثانيه منفردة وكل واحد يطالع للثاني بتحدي
هاجر(نزلت تركض) : وش صاير
عبدالرحمن(بعصبيه) : من فجر وعيسى
هاجر(تجلس) : توم وجيري بعد
عبدالرحمن : صدق توم وجيري والحين وش صاير
عيسى : ما أحل لها المسألة
فجر(طالعته بطرف عينها) : ومن قال تحلها لي مو محتاجه لك
هاجر : خليه يحلها أذا يعرف
فجر : آخر واحد اطلب مساعدته أنت
عيسى : و آخر شخص أساعده أنتي
عبدالرحمن : ووووووول عليكم
فجر(وقفت وأخذت الورقة والقلم وبدت تكتب) : أنا أعرف كيف الحل و هالمساله تافه بالنسبة لي وأنا بنت سيف
هاجر : أنتي تقولين ما تعرفين
فجر(حطت القلم ورفعت الورقة بوجه عيسى) : خذ وتأكد أذا تحب (لفت لهاجر) كنت أبيك تسولفين معي لأنك بس ساكتة
عبدالرحمن : وطيب أنا وش موقعي يوم طلبتي احل
فجر : أبدا شفتك متحمس وقلت فرصه نجلس معك بس هاجر قالت نتابع فيلم لين تخلص
عيسى(رفع نظر ورمى الورقة ووقف) : صدق غبية ودائم أسلوبك في جذب الناس غباء
فجر(عصبت) : نعم
عيسى(يطالع لها من فوق لتحت) : عشان تجلسين مع أختك ما تعرفين تطلبين لازم تتحججين صدق هبال وعباطه تسري في دمك
فجر(طالعت له من فوق لتحت) : ..................................
هاجر(شافت أختها تطلع ) : فجر فجوره لحظه
عبدالرحمن (بعصبيه) : أنت ما تستحي تستهزئ فيها لأنها تحاول تقرب من الناس
عيسى : ...............
عبدالرحمن : فجر ما تعرف تطلب الناس هي حساسة تخاف أن يردون عليها رد ما يعجبها أنت غبي فاهم (أخذ شماغه وجواله وطلع من البيت)
عيسى : الحمد لله والشكر مأخذين مقلب بهذي النتفه الحساسة قال حساسة قال هذي ما فيها ذره الحساسية تتقلع ( طلع جواله) ألو هلا يمه وينك ........ يمه أنا في بيت جدي بتجين ولا خلي السائق يوصلك للبيت ........... مواعد الشباب بنطلع ...... أوكيه 5 دقائق وبعدها بطلع مالي شغل ....... مع السلامة
في بيت أبو إبراهيم ....
جالسين بالصالة يسولفون ويتقهوون سمعوا تنحنح تغطت سلمى وتغطت عهد وتغطت أم عهد
سمر : حياكم
دخل الأب وفيصل وإبراهيم وسالم وسلموا وجلسوا
الأب : كيفك يا عهد
عهد (بحيا) : بخير يا عمي
إبراهيم : مبروك يا عهد لو متأخر
عهد : الله يبارك فيك
سالم : بصراحة مبروك يا عهد بس وأنا أخوك والله راحمك عاد ما أخذتي إلا فيصل الله يعينك(ما حس إلا بيد تضرب على ظهره) آآآآآآآح
عهد(رفعت نظرها وانتبهت إن الضربة من فيصل ابتسمت) : أنت أخوه و أبخص فيه
فيصل(لف لها ورفع حاجبه) : أفاااا
الكل : ههههههههههههههههههههههههههههههههههههههههههه
سمر : لا والله فيصل ما مثله أحد
فيصل : تسلم لي سمسم
عهد : صدقتي ما مثله أحد
فيصل(حس أنها تستهزئ) : أذا تشوفيني ما مثلي أحد يا حظي
أم إبراهيم : والله يا يمه ما أبي امدح فيك يقولون أمه بس الله يرزقك بالخير والولد الصالح اللي مثلك علي
فيصل(حس في عهد أنها انكمشت وبخبث) : أميييييييييييين يمه كثيري من هالدعوه الحلوة
عهد(وقفت) : اسمح لي
أبو إبراهيم : عهد ترى فواز في المجلس إذا تبين تشوفينه
عهد : إذا سمحت عمي
أبو إبراهيم : روحي
فيصل أبتسم واهو يشوفها تطلع لوحدها ولف لأخوانه اللي كتموا ضحكتهم واهو يبتسم بخبث ويلعب بحواجبه
طلعت عهد من عندهم وهي تمشي في الممر اللي يوصل للمجلس وهي فرحانة بتشوف فواز صار لها يومين تقريبا مو شايفته ما حست إلا بيد تمسكها وهي شهقت من الخرعه
عهد : أهئئئئئئئئئئئئئئئئئئئئئئئئئئئئئئئئئئئئئئ
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!