رواية يقين الفصل الأول 1 - بقلم اسماء الهادي

هتفضلي قاعدة كدا كتير يا يقين؟ عايزاني أعمل إيه يا ست الكل؟ توافقي يا بنتي على العرسان، نفسي أفرح بيكي وأشيل عيالك قبل ما أموت. وأنا معنديش استعداد أكرر نفس الغلطة اللي حضرتك عملتيها، لما قبلتي بواحد لا بيصلي ولا بيصوم ولا يعرف حاجة عن دينه. أنا بعتذر لحضرتك، بس مش هوافق غير على اللي أرتاح له وأحس إنه قد المسؤولية. بعد إذنك يا أمي، أنا خارجة راحة الكلية.

أنا يقين، عندي 24 سنة، آخر سنة ليا في كلية طب، متحجبة وملتزمة بالزي الشرعي، واللي هو الإدناء. وانطوائية ومليش صحاب ولا أخوات. والدي متوفي من وأنا عندي 7 سنين. وطبعاً بالنسبة للمجتمع المصري إني عنست وقطر الزواج فاتني. وبالنسبة لهم برضه إني تنكة وخرصة وشايفة نفسي. بس أنا مبحبش أتكلم، لأن مفيش حد فاهمني ولا حاسس بيا. واللي جوايا. أنا اتحرمت من حاجات كتير، ونفسي أختار الشخص الصح اللي يقربني من ربنا ويفهمني ونكون بيت صالح. بس مين يفهم بقى.

رجعت من الجامعة. انتي جيتي يا يقين؟ أيوه يا أمي، فين الأكل؟ أنا بطني لزقت في ضهري من كتر الجوع. ثواني يا حبيبتي، والأكل يكون جاهز. الحمد لله، تسلم إيدك يا ست الكل. يقين. نعم يا أمي. بالله عليكي لو ليا خاطر عندك، وافقي على العريس اللي جاي النهارده، اقعدي بس معاه. حاضر يا أمي. وباست إيد مامتها. أنا مقدرة خوفها، بس برضه مش هغلط نفس الغلطة. هيجي بالليل على فكرة، وخالك جاي، جهزي نفسك. حاضر يا أمي.

دخلت أوضتي وأنا هموت من التعب، معنتش قادرة. مفيش حد فاهمني. اللي جاي جاي عشان سمعتي وعشان أخلاقي وإني متدينة، ومعندوش أدنى معرفة إن البنت المحترمة المتدينة عايزة اللي شبهها. وطبعاً طب وما أدراك ما الطب والضغط اللي أنا فيه، ودي آخر سنة وأنا عايزة امتياز. طلعت النوت بوك بتاعي وكلمته. هو بس اللي بيفهمني، هو بس اللي برتاح معاه في الكلام، بعد ربنا طبعاً.

"زوجي العزيز. أنا منتظرك. أنا معرفش أنت مين ولا إيه شكلك، بس أنا واثقة في ربنا أشد الثقة إنه هيرزقني ويراضيني. أنا عند وعدي ليك. حافظ على نظرتي، وحافظ على قلبي ليك انت وبس. أنا صابرة أهو وبعاني لوحدي مستنياك." قفلت النوت وأنا مرتاحة. دايماً برتاح وأنا بكلمه. ولما يوحشني أوي أو الشيطان يحاول يخليني أيأس، أروح أصلي صلاة العشاق. أنا مسمياه كدا. أصلي ركعتين لله وأدعي ربنا يرزقني الزوج الصالح، وأقعد أدعي له.

جه بالليل، وأجى العريس هو وأهله. كنت لابسة إدناء بلون الفيروزي وخمار أبيض، وخماري دايمًا طويل، اتنين متر في اتنين متر. دخلت قدمت العصر وأنا غاضة بصري، وبعد السلامات والذي منه. قعدنا أنا وهو. خالو عايز يخرج. مسكت فيه، لأن مينفعش أفضل أنا وهوحدنا في مكان لوحدنا، لأنها تعتبر خلوة غير شرعية. الشاب. لو حضرتك عندك أي سؤال اتفضلي. كام فرض ممكن يضيع منك في اليوم؟ لقيته اتصدم، وخالو كمان اتصدم.

أنا اتفاجئت، المفروض تسأل عن المهنة أو المكان اللي هتسكن فيه، مش الصلاة. بصراحة فاجئتني. مبدئياً، أنا اسمي عمر. وممكن يفوتني فرض أو اتنين. تعرف إيه عن السنن الرواتب وإيه فضلها؟ عمر. معلش، بس إيه هما السنن الرواتب دول؟ وبعدين أنا جاي أخطب، مش أقدم في معهد ديني. يقين.

لا مش جاي تقدم في معهد ديني ولا حاجة، حضرتك بس دي معلومات أي مسلم يعرفها. السنن الرواتب دي السنن اللي قبل الفرض اللي إحنا بنصليها مثنى مثنى. ممكن أعرف إيه الأسئلة اللي حضرتك عايزة تتسألها؟ عمر. خطوبة يعني، أسألني اسمي إيه، وظيفتي إيه، هتسكني فين. يقين. ميهمنيش. عمر. نعـ... أيوا، ميهمنيش. أنا عايزة اللي يساعدني نبني لينا بيت في الجنة، مش الحاجات اللي حضرتك بتقولها. عمر.

اممم، ربنا يسهل. كل حاجة بتيجي واحدة واحدة. أنا بعتذر بس، ورايا ميتنج مهم. منتظر رأي حضرتك. يلا يا أمي. خال يقين اسمه محمود. اتفضل يابني. أم يقين اسمها نهلة. نهلة. ها يبنتي، رأيك إيه؟