ابو نور قرب منها واتكلم بغضب: شرفتي يا هانم.
نور بهدوء: في حاجة يا بابا؟ مالك بتكلمني كده ليه؟
ابو نور قرب منها وهنا نزل قلم على وش نور من قوته وقعت على الأرض ودموعها نزلت.
ابو نور اتكلم بغضب: آخر حاجة كنت أتخيلها يا نور هي إن كل البلاد تتكلم عليكي. سمعتك بقت في الأرض، الكل دلوقتي بيقولي معرفتش أربي. بعد كل ده ويتقالي كده.
ابو نور قعد على الأرض جنبها ومسك وشها بين إيديه: بعد كل ده يا نور أنا بقيت معرفش أربي، بقيت أب فاشل، بقيت ولا حاجة يا نور في عيون الناس وكل ده بسببك. كسرتيني.
وهنا دموعه نزلت مع دموع بنته.
نور قربت منه وحضنته: ما عاش اللي يكسرك يا قلب نور. قولي بس أنا عملت إيه؟ والله أنا معملتش حاجة، أنا تربيتك. طيب قولي بيقولوا إيه عليا وأنا هروح أواجههم وأقول لهم إني بريئة واني أشرف منهم. رد عليا. أنت ساكت ليه؟
ابو نور بحزن: كلام مقدرش أقوله. بس اللي أنا هعمله دلوقتي هو الحل علشاني وعشانك.
وقام ابو نور وسحب نور وراه وطلع بيها بره البيت ونور بتحاول تلحقه بس كان ماشي بسرعة. وكل أهل البيت طلعوا وراهم ومن ضمنهم سيف اللي بيبكي بصوت عالي.
نور بدموع: بابا أنت هتعمل إيه؟
بابا رد عليها.
ابو نور وقف وبص لنور ونزل على وشها بالقلم.
ابو نور بصوت عالي: اسكتي.
نور حطت وشها في الأرض وسكتت ودموعها كانت بتعبر عن مشاعرها.
ابو نور بصوت عالي: يا أهل البلاد أنا بنتي أشرف من الشرف، بنتي خط والكل يقف عنده. وإن كنت ضربتها فده حب ليها مش قسوة عليها. أنا معنديش غيرها ولا أغلى منها. دي نور عيني. ومن اللحظة دي أنا هاخدها ونطلع من البلاد وهعيش غريب الباقي من عمري زي ما عشت اللي فات.
نور بصت لأبوه بدموع وحضنته بقوة وهو حضنها جامد.
ابو نور: متزعليش يا نور عيني.
نور بابتسامة حزينة: عمري ما أقدر أزعل منك يا قلب نور.
ابو نور: يلا يا نور اطلعي هاتي حاجاتك علشان هنروح بيتنا.
نور بحزن: حاضر.
طلعت نور وحضرت هدومهم ونزلوا علشان ماشيين وهما طالعين من الباب.
سيف بدموع: نور أنتِ ماشية؟
نور لفت ووشها كله دموع: سيف.
سيف جري عليها وقبل ما يوصل ليها ابو نور مسكه من إيده.
ابو نور بحزن: ابعد عنها يا سيف. ابعد.
سيف بدموع: ليه يا عمي؟ هو سيف وحش؟
ابو نور بحزن: لا أنت حلو بس مينفعش.
نور بدموع: بابا أنا...
ابو نور بحزن: يلا يا نور يلا.
مشيت نور مع أبوها وسيف قعد على الأرض يعيط.
وصلت نور بيتها اللي ماكنتش عايزة تخرج منه، بس وصلت واحدة تانية. وصلت طفلة متعلقة. أيوه نور حبت سيف. نور بقت أحسن. نور بطلت عجز وقررت إنها تتغلب على حزنها وأول حاجة هتعملها هتعرف ليه كل ده حصل لها.
ليه يا بابا؟
ابو نور: ليه إيه يا حبيبتي؟
نور بدموع: ليه خليتني أسيب سيف؟ ليه علقتني بيه من الأول؟ ليه دخلته حياتي؟ ليه؟ رد عليا ليه؟
ابو نور بحزن: هحكيلك.
نرجع ليوم خروج نور من البيت ورجوعها إسكندرية.
بعد خروج نور وسيف من البيت.
خرجت يا نور من البيت قولت أروح الأرض شوية وأنا ماشي.
هو مش اللي ماشي ده عمك محمود؟ يا أمير.
أمير بابتسامة: أيوه هو.
الشب بخبث: طيب أنا هقوله.
أمير بشدة: اسكت.
الشب: ليه؟ هو مش من حقه يعرف؟
أمير: اكتم.
ابو نور: مالك يا بني عايز تقولي إيه؟
أمير بسرعة: ولا حاجة يا عمي. هو مش أنا قولتلك تسكت يا محسن؟
محسن بخبث: أله هو مش عمك لازم يعرف علشان يلم بنته.
ابو نور بغضب ماسك محسن من لياقة قميصه: بنت مين يا مجنون اللي ألمها؟
محسن بضحكة صفراء: بنتك اللي رايحة جاية مع ابن عمها وقاعدين يحضنوا بعض. ده البلد كله ملهاش سيرة غيرهم. نور والأهبل.
ابو نور ضرب محسن بالقلم: اخرس يا كلب بنتي أشرف منك أنت واللي زيك. غور من وشي.
أمير بخبث: متزعلش نفسك يا عمي ده أقل كلام بيتقال عليهم.
ابو نور بشدة: وأنت مكتوم ليه مش تقولي ولا حتى تدفع عن شرفك؟
أمير بحزن: دفعت يا عمي دفعت. نور دي زي أختي ولو خايف على سمعتها أنا مستعد أتجوزها علشان نقطع لسان الناس.
ابو نور بحزن: شايلك للكبيرة يا بني. بنتي تتجوز اللي تختاره وكلام الناس يندف. سلام يا أمير.
نرجع للواقع. هو ده اللي حصل يا بنتي ولما فكرت في الكلام قولت لازم أعمل كده علشان أبعدك عن الكلام والناس لأني عارفك بتخافي. وبعدين عندي ليكي مفاجأة هتنسيكي.
نور بحزن: كل ده حصل وأنا معرفش. طيب كنت قولي.
ابو نور: كنتي هتعملي إيه؟ أنا عملت الصح يا حبيبتي.
نور بابتسامة: عندك حق يا بابا. أنا هنزل شوية.
ابو نور بابتسامة: طيب والمفاجأة؟
نور بابتسامة: لما أجي.
ابو نور بابتسامة: اللي يريحك يا حبيبتي.
نور خرجت ومشيت لحد ما وصلت للبحر.
نور بتكلم البحر: أنت عارف يا بحر إني غصن ضعيف مع أي شوية رياح بيقع. أول مرة أحس إني بطلت ضعف وبقيت أقوى. ومبقيتش أخاف. بس حبيت. قلبي دق. حسيت إني اتغيرت وكان نفسي أغير سيف.
نور فضلت تتكلم مع البحر لحد الليل ما ليل وروحت.
نور دخلت أوضتها. باب الأوضة اتفتح ودخل.
نور عيطت جامد.