رواية زواج اجباري الفصل الثالث عشر 13 - بقلم دنيا علاء الجندي

خرجت من المستشفى بعد أسبوع ويوسف كان جنبي طول الوقت ومسبنيش لحظة. أهلي وأصحابي كانوا معانا دايماً. يوسف كان محافظ على مواعيد علاجي وكل حاجة زي ما ملك فهمته. الحمد لله بعد شهر كنت خلاص قدرت واتحسنت أكتر وحالتي بقت أحسن بكتير وكل حاجة بقت طبيعية زي الأول. أسيل جابت بنوتة زي القمر وسمتها تالا. ملك وأحمد كتبوا كتابهم خلاص والفرح قريب. الدور على ريهام وعمر، وهيكتبوا كتابهم النهاردة. نزلنا أنا ويوسف عشان نروح لهم.

"أي القمر ده بس يا ناس؟ حد عنده زوجة عسل كده؟ "يا سلام على الكلام الحلو يا يوسف بيه." "ده أنتِ اللي حلوة يا حبيبة يوسف، بس الفستان قمر عليكي." "عينك الحلوة يا حبيبي." "طب يلا يا قمر أنتِ عشان منتأخرش." "وأخيراً كلكم اتجوزتوا وخلصنا منكم." "أهلاً يا عم يوسف، نورتوا." "ازيك يا زينب هانم؟ "ازيك يا عمر؟ ألف مبروك، ربنا يكملهم على خير." "الف مبروك يا روح قلبي أنتِ. أخيراً بقيتي مدام أنتِ والست ملك."

"يبارك فيكي يا روحي، آه أخيراً." "أمال فين ملك؟ مش شايفاها." "أسيل فين هي كمان؟ "ملك جوه بتعمل حاجة وجاية." "أسيل في الأوضة مع تالا عشان بتعيط." "طيب هروح أسلم عليهم وأجيلك." "حبيبة قلب خالتو فين؟ "أهلاً، ازيك يا زوبة؟ عاملة إيه؟ وحشتينا والله." "الحمد لله يا حبيبتي بخير. عاملة إيه أنتِ وتالا ومحمد؟ "الحمد لله بخير والله." "يوسف عامل إيه؟ "الحمد لله بخير." "النونو الصغنن ده عامل إيه؟ "حلوة اهي يا ستي، عقبالك يا رب."

"يا رب يا ست أسيل، بس قريب إن شاء الله." "بجد؟ "لسه متأكدتش، هعمل اختبار لسه ولو بجد هعرف يوسف يوم عيد جوازنا، ما عادش غير كام يوم." "يا رب يا روحي يكون بجد وتبقى أحلى أم في الدنيا." "إيه ده إيه ده؟ مين تبقى أحلى أم؟ "تعالي يا ندلة تعالي، وحشتيني. أحمد خدك مننا خلاص." "لا والله بس مشغولين أوي الفترة دي، ما أنتِ عارفة. المهم، أي مين اللي هتبقى ماما؟ "يا بت، اهدي." "زينب يا ملوكة، هتعمل اختبار لسه عشان تتأكد؟ "الله!

بقا على الأخبار دي." "اهدي بقا، لسه معرفتش يوسف ولا حد غيركوا لحد ما أتأكد." "حاضر يا ستي، خلاص." "عدي عليا الصبح في المستشفى أعملك تحليل ونتأكد أحسن من الاختبار." "ماشي يا حلوة، اسكتي بقا لحد يسمع." "ماشي، خلاص. تعالوا يلا نقعد بره معاهم." سهرنا معاهم لحد الساعة 1 بعد نص الليل، وبعدين مشينا أنا ويوسف عشان الوقت اتأخر. "اليوم كان حلو يا زوبة هانم." "حلو بيك يا حبيب زوبة." "الله على الحلاوة دي بالليل."

"طب يلا عشان ننام، لأني فصلت خالص يا يوسف بيه." "ماشي يا ستي، نامي." "تصبح على خير يا حبيبي." "وأنتِ من أهله يا حبيبتي." صحيت الصبح وبصراحة مكنتش قادرة، كنت عايزة أفضل نايمة. بس قمت عشان أروح لملك المستشفى. أمي صحيت، يوسف مكنش جنبي. "ياااايوسفياااايوسف" "إيه إيه؟ عملة هيصة ليه؟ "كنت فين وبتضحك ليه؟ "بضحك عليكي، وكنت بره في الصالة. صحيت قبلك ومردتش أصحيكي." "كويس برضو، أنا أصلاً عايزة أنام تاني."

"طب وصحيتي ليه لما أنتِ عايزة تنامي؟ "صحيت عشان خارجة يا ذكي." "والله يا بت خارجة، راحة فين ومن غير ما تعرفيني كمان؟ "إيه ده؟ هو أنا مش عرفتك؟ "لا، مش عرفتيني، شوفتي بقا." "يقطعني يايوسف، مش عرفتك." "إيه المزاج الرايق على الصبح ده يا بنتي؟ راحة فين؟ وبطلي ضحك بقا." "حاضر، مش هضحك." "راحة فين بقا؟ "راحة لملك المستشفى." "ليه؟ خير؟ تعبانة ولا إيه؟

"لا لا، مفيش حاجة، ده هنشوف بس فساتين، وأنت عارف مينفعش أتأخر على ملك في حاجة." "آه يا حلوة، عارف عارف. طب يلا قومي من السرير عشان نفطر قبل ما تنزلي، وهوصلك وأعدي أشوف أحمد." "قومني." "آه يا رخمة، ما تقومي بقا وبطلي ضحك، أنتِ شاربة إيه على الصبح يا بت؟ "مش شربتتتت لسه." "طب قومي معايا كده أم أفوقك، قومي. ده أنتِ هتجبلي عيال مجانين زيك." "عيال عيال إيه؟ لا مفيش عيال." "طب قوميييي، هتموتني من الضحك، قومي."

"خلاص بقا قومت، الأااه." "والله مجنونة." نزلنا ويوسف وصلني لملك وراح قعد مع أحمد. "صباح الخير يا حلوة." "صباح العسل يا عسلة. اعملي التحليل ده بقا بسرعة عشان معرفتش يوسف." "أمال هو جاي ليه؟ "قاعد مع أحمد. أنا عرفته إننا هنشوف فساتين ليكي." "آها، ماشي. قومي معايا." عملت التحليل وفضلت قاعدة مع ملك لحد ما نتيجته ظهرت. "يا زوبة، يا زوبة." "إيه؟ فرحيني." "مبروك يا روح قلبي، فيه حمل." "بجد يا ملك؟

"بجد والله يا حبيبتي، ألف مبروك يا روحي." "يباركلي فيكي يا روح قلبي أنتِ." "حافظي بقا على نفسك ومتعمليش مجهود عشان أنتِ لسه في الأول. وهشوفلك دكتورة هنا تتابعي معاها." "ماشي يا حبيبتي، متحرمش منك." "هتعرفي يوسف امتا؟ "هعرفه النهاردة الساعة 12 بالليل." "اشمعنى؟ "عيد جوازنا يا ستي بقا." "ماشي يا ست البنات، ربنا يفرحكم دايماً." "يا رب يا حبيبتي. يلا تعالي نروح لهم عشان نمشي بقا." "هلا والله بالشباب."

"أهلاً يا حلوة أنتِ وهي. عاملة إيه يا زينب؟ "الحمد لله يا أحمد بخير." "مش يلا يا أستاذ يوسف ولا إيه؟ "ما أنتوا قاعدين شوية." "لا هنطير إحنا بقا. ومتنساش يا أحمد اللي اتفقنا عليه ضروري النهاردة." "امممم، اتفقتوا على إيه؟ "يلا يا ست زينب، مش مهم تعرفي." "ماشي، ماشية." "اعرفي وعرفيني يا ملك." "طب يلا، يلا، هعرفك أنا بليل." "هنروح البيت ولا هنروح فين يا أستاذ يوسف؟ "لا هاخدك ونروح نتغدى بره ونقضي اليوم بره النهاردة."

"إيه الحلاوة دي؟ أحبك وأنت كده." "ماشي يا ستي، ماشي." "إيه يا أحمد بية؟ متفق مع يوسف على إيه؟ "يا ستي عيد جوازهم بكرة وعاوزنا نجهز لهم الشقة عشان يعمل مفاجأة لزينب الساعة 12 بليل." "والله! ده هي كمان محضرة له مفاجأة حلوة أوي." "مفاجأة إيه؟ "زينب حامل يا سيدي." "والله! فرحتلهم." "طب خلص شغلك يلا، وأنا هاجي معاك نعملهم جو حلو." "ماشي يا عسل، خلصي أنتِ كمان يلا اللي وراكي."

قضينا اليوم كله بره أنا ويوسف، ورحنا كملنا سهرة عند مامته. ماما وبابا جم هنا وقعدنا كلنا مع بعض. ولما الساعة جت 11، يوسف قال يلا عشان نمشي. وصلنا شقتنا 12 ونص كده. "استني، استني." "إيه؟ هفتح عشان ندخل." "وسعيلي بس كده، أنا هفتح." "آهوو، اتفضل." "الله يا يوسف! إيه ده؟ "النهاردة عيد جوازنا يا حبيبة قلبي. وحبيت أعمل حاجة تفرحك بعد كل اللي مرينا بيه." "ربنا يخليكي ليا يا حبيبي. أنا كمان عندي ليك مفاجأة حلوة."

"إيه هي يا حبيبتي؟ "أنا حامل." "بجد يا زينب؟ "بجد يا روح زينب. عملت التحليل الصبح وطلعت حامل." "ده أحلى خبر أسمعه والله يا حبيبتي." "هتبقي ماما قمر." "وأنت هتبقى أحلى أب يا حياتي." "ربنا يخليكي ليا أنتِ والنونو الصغنن ده." "يا رب يا حبيبي، ويخليك لينا."

احتفلنا باليوم أنا ويوسف، وكانت حقيقي ليلة جميلة جداً ومتتوصفش، لدرجة إننا حبيناها أكتر من ليلة فرحنا. والصبح يوسف عرف مامته، وأنا اتصلت على مامتي عرفتها، وعرفت باقي البنات. وحقيقي فرحولنا جداً واحتفلنا كلنا بالخبر. بس كنت أنا تعبانة طول الحمل، وأكتر الوقت كنا قاعدين عند مامته يوسف لحد ما خلصت الـ 9 شهور الحمد لله. وولدت في نص التاسع وجبت بنوتة، ويوسف سماها حياة، لأنها غيرت حياتنا فعلاً وكانت أحلى حاجة حصلتلنا.

"حمد الله على سلامتك يا روح قلبي." "الله يسلمك يا حبيبي." "حمد الله على سلامتك أنتِ والقمر الصغير." "الله يسلمكم يا رب يا حبايبي، متحرمش منكم." "نورتي بيتك تاني يا ست زوبة، وأنتِ وحياة." "بنورك يا أبو حياة يا غالي أنت." "احممم. إحنا واقفين يا ماما أنتِ وهو." "إيه يا عم عمر." "إيه؟ انتوا راجل ومراتة؟ الأاه." "يعم ربنا يفرحكم على طول ويخلي لكوا حياة." "آمين يا رب." "أي ناوين على الفرح امتى أنتِ وأحمد؟

"خلاص أهو، البنات عاوزينه يكون في يوم واحد." "الله! بجد دا حاجة حلوة أوي يا أحمد." "آه يا أم حياة، حلوة." "طب أي قررتوا امتا؟ "خلاص حجزنا كل حاجة، وكمان أسبوعين الفرح. تكون زينب قدرت كده ولا نأجل شوية؟ "لا لا، متأجلوش، هحضره إن شاء الله، متقلقوش. ربنا يفرحكم يا رب ويتمملكوا على خير." "أمين يا رب يا زوبة."

حضرنا فرحهم، وكان يوم جميل بكل تفاصيله، وحياتنا كلنا بقت جميلة ومستقرة، وكل حاجة حلوة. وبعد سنة ملك جابت ولد وسمته مالك. وريهام جابت بنوتة برضه زي القمر زيها وسمتها كارما. وحياة بنتنا بقا عندها سنتين، والوقت بيعدي بسرعة وهي بتكبر قدام عينينا. ويوسف كان كل يوم حبنا يزيد في قلبه عن اليوم اللي قبله. وكان ده عيد ميلاد حياة التاني. "كل سنة وحبيبة بقا بخير هي ومامتها القمر." "حبيبي يا يوسف، كل سنة وأنت معانا يا حبيبي."

"هابي بيرث داي لست البنات كلهم." "حبيبتي يا ملوكة." "كل سنة وهي طيبة يا روحي." "وأنتِ طيبة يا ريهام يا حبيبتي." "فين أم الكبيرة أسيل هانم؟ "أنا جيت أهو يا حبايب قلبي. كل سنة وهي بخير يا رب ودائماً في سعادة." "وأنتِ طيبة وبخير يا حبيبتي، ودائماً معانا." "كل سنة وهي بخير يا زينب يا بنتي." "وأنتِ بخير يا ماما، ربنا يخليكي لينا أنتِ وطنط."

خلص اليوم ده بكل تفاصيله، واتصورنا كلنا مع بعض، وكل واحد راح على بيته. وقعدنا أنا ويوسف، هو شال حياة وأنا نضفت الشقة وخلصت كل اللي ورايا. وطلعت قعدت معاهم. "اليوم كان حلو أوي." "آه يا حبيبتي، كان حلو." "ربنا يحلي كل الأيام يا رب." "آمين يا حبيبتي." "ياااه يا يوسف، مين كان يصدق إننا هنوصل لكده ونجيب بنت كمان." "هتفكرينا بالماضي ليه بقا؟ "خلاص، خلاص، بهزر."

"اهزري براحتك يا حبيبتي. وعدتك إني مزعلكيش تاني ولا أكسر قلبك أبداً. وربنا يقدرني وأفضل محافظ على وعدي ليكي يا حبيبتي." "ربنا يخليك أنت لينا يا حبيبي. أوعدني إنك تفضل دايماً معانا." "أوعدك إني عمري ما أبعد عنكوا طول ما أنا عايش." معاً حتى نشيخ سوياً. كان كرهاً في البداية وزواجاً غير مرغوب فيه، ثم أصبح عشقاً لا نهاية له. كرهني في البداية، ثم أصبح عاشقاً لي في النهاية. أدامه الله لي مدى الحياة.