رواية زواج بالاجبار الفصل السابع 7 - بقلم ميساء عنتر

زين بخضة: إيه يا حبيبتي مالك؟ رنا بشهقات: أنا اتجوزت من وراك يا زين. وعياطها زاد. زين بص لسيف لأنه مش فاهم سبب عياطها. سيف: زين، أنا قلتلك إني كتبت كتابي على رنا قبل ما أهلها يتوفوا، ومن وقتها وهي عايشة معايا. وكمل وهو باصص لرنا: وبعدين يا حبيبتي، أنتِ بتعيطي ليه؟ مش أنا قلتلك مش هلمسك ولا هقرب منك إلا أما زين يعرف إن ليه أخت، وأعملك فرح كمان؟ زين أخدها في حضنه بابتسامة: أنتِ بقى بتعيطي عشان اتجوزتي من غير ما أعرف؟

رنا هزت راسها. زين كمل كلامه: طب أنا هعملك فرح متعمليش قبل كده، مش زعلان منك صدقيني. أنا فرحان أوي إن طلع لي أخت زي القمر كده. رنا: يعني أنت مش زعلان؟ زين بحب: لا يا حبيبتي مش زعلان. رنا حضنته بحب، وبعد وقت وصلوا القصر. زين: بصي يا رنا، مش عايز حد يعرف إنك أختي، تمام؟ لحد ما أحل مشكلة ريناد بس. رنا بتفهم: حاضر يا أبيه. دخلوا جوا لقوهم لسه قاعدين زي ما قالهم. مختار: إيه التأخير ده كله؟ زين: معلش، كان مشوار مهم.

وبص لريناد: خير؟ ريناد بعياط: أنا آسفة، عشان خاطري، آسفة. زين: مراد، عاوز تتجوزها؟ مراد بتنهيدة: آه يا زين، بس ده لفترة مؤقتة. زين غمض عينه بحزن وهز رأسه: تمام. بابا، رن على المأذون يجي. مختار بكسرة: طيب. ورن على المأذون وتم كتب الكتاب. زين ببرود: خدها يلا، متجيش هنا إلا أما تطلقي، فاهم؟ ريناد بعياط: زين، والنبي. زين بزعيق: خدها من هناااااا. وبص لمختار: بابا، تعالي معايا المكتب ثواني. مختار قام معاه.

زين: أنا عارف إنه مش وقته، بس رنا تبقى... وقص له كل ما حدث. مختار بابتسامة: هشيلها في عيني يا ابني. زين: عارف يابابا. هسيبك معاها وهطلع أنا لنور. مختار: ماشي يا حبيبي. *** علي: أنت عملت إيه عشان يضربك كده؟ مسعد بوجع: عاكست مراته. علي: ينهار، أنت إيه؟ يلا قوم نروح هناك دلوقتي نعتذر منها. مسعد: يلا يا بابا، يلا. وفعلا راحوا على الفيلا. دخلوا لقوا مختار حاضن رنا. مسعد: الله الله، اشمعنى هو؟ سيف اتعصب ولسه هيقرب منه.

مختار: خلاص يا سيف، خلاص عشان خاطري. وبص لمسعد: رنا بنتي يا راس العجل. مسعد بصدمة: إيييييه؟ علي: إزاي يا مختار؟ مختار حكالهم كل حاجة. مسعد: طب جوزهالي. سيف بزعيق: أنا مش ماااالي عينك ولا إييييييييه؟ مسعد: هو أنت جوزها؟ سيف بسخرية: شوفت بقي. مسعد بإحراج وغباء: أنا آسف يا آنسة رنا. سيف: ياااااارب، آنسسسسسسه إيه يا ابنيييييييي؟ مسعد: ا ا مدام، مدام.

رنا ضحكت بصوت عالي عليه، وخبت راسها في حضن مختار بعد ما سيف بص لها بتحذير. *** زين طلع الأوضة لقي نور قاعدة ودموعها نازلة. زين: مالك؟ نور: أنت أختك اتجوزت، والتانية رجعت، ومهمتك انتهت. ممكن أطلب منك طلب؟ زين بهدوء: اطلبي. نور: طلقني. زين بتنهيدة: متأكدة من قرارك؟ نور: أيوه. زين: تمام يا نور، أنتِ...