رواية زواج بالاجبار الفصل الأول 1 - بقلم هاجر العفيفي

سيف صحى من النوم لاقى نفسه على الكنبة. افتكر إن وعد فى الحمام، أو مثلاً دخلت تنام جوه. دخل دور عليها فى كل مكان، ملقهاش. اتجنن، ولسه هيخرج، شاف ورقة منها على الترابيزة. مسكها وكان مكتوب فيها: (طلقنى ياسيف) سيف بصدمة: وعددد!!!! طلع تليفونه ورن عليها كتير، مردتش. وفونها اتقفل. وكمان كلم عمها. سيف بتوتر: ازيك يا عم مدحت. مدحت: يانعم، عايز إيه. سيف: احم، هي وعد جت عندكم.

مدحت: وهى هتيجي ليه، وش الشؤم دي. روح شوف مراتك هربت مع مين، وحل عن دماغي. قفل فى وشه السكة. وسيف اتصدم من رد فعله. هو كان يعرف إنه شخص مادى، بس مش الأسلوب ده. سيف بغضب: غبى، غبى. أنا السبب. ياترى انتى فين دلوقتى يا وعد. نزل ركب عربيته وفضل يدور عليها. *** فى إسكندرية. ملك بمرح: ياااه يابنتي، أخيراً افتكرتيني. وعد بشرود: غصب عني والله يا ملك. مشاغل. ملك: احكيلي بقا يا ستي، إيه اللي كان خلاكي مختفية كده.

وعد بسخرية: اتجوزت وهطلق قريب. ملك بصدمة: بتهزري! ده كله من ورايا. وعد: هحكيلك. وقصت عليها ما حدث. ملك بصدمة: أخس عليكي يا وعد، ده كله يحصل ومتكلمنيش. وعد بتنهيدة: معلش يا حبيبتي، مكنتش عايزة أشيلك همي. ملك: همي هو همك يا حبيبتي. يلا ادخلي نامي يا حبيبتي عشان ترتاحي شوية. وعد: حاضر. قامت وعد دخلت ونامت على السرير، وكأنها ما صدقت. عيطت بحرقة. ***

سيف رجع البيت بعد ما يأس إن يلاقيها. قعد على الكنبة واتنهد بحزن. تليفونه رن برقم ميرهان. طنشها عدة مرات، ولما رنت، رد عليها بضيق. سيف بضيق: عايزة إيه ياميرهان. ميرهان بعصبية: مبتردش ليه ياسيف؟ ولا ست الحسن والجمال مظبطالك. سيف بغضب: ميرهان، أنا مش فايقلك دلوقتي. ميرهان بعند: لاء بقا، مانا لازم أعرف مالك. سيف بتنهيدة وحزن: وعد سابت البيت. ميرهان بفرحة: بجد! يلا أحسن، أهو جت من عندها.

سيف اتعصب من كلامها وقفل السكة فى وشها. سيف: صبرني يارب. *** وعد كانت قايمة تعبانة من النوم ودايخة. خرجت بره، وكانت ملك بتتكلم فى التليفون وبتهمس. قربت بهدوء عشان تسمع، واتصدمت من اللي سمعته. ملك بهمس: بقولك، جت عندي. استغلي انتي الفرصة يا ميرهان، وقربى منه. وعد رجعت لورا بصدمة وقالت: لاء لاء، معقووول! ملك!!!!!