رواية زواج بالاكراه الفصل الثاني 2 - بقلم اسماء السرسي

(يارك الله وبارك عليكما وجمع بينكم في خير) فاقت ندي على صوت الشيخ وهو بيقول الجملة دي. خلاص كده أهلي باعوني وجوزوني واحد أنا معرفوش، وكمان ما حضرش كتب كتابه ولا شفته. وجوزهولي بحتة توكيل عمله لأبوه عشان يتجوزني. خلاص كده اتجوزت؟ طب هتعامل معاه إزاي؟ فاقت على صوت أبوه. أبو العريس: قومي يا بنتي عشان تروحي بيتك الجديد. هايدي (مرات أبوها) : قومي يا أختي هات أوله يا فايز خليني أكسرها وراكي عشان الحس*د يمشي.

ندي بصت لها بصه كانت عاوزة تجيبها من شعرها تاني. فايز بطمع: إيه يا باشا، أومال بقيت المبلغ فين؟ بصلاة على النبي كده. أبو العريس: ما تخافش، تحت في العربية. وفجأة نادى بصوت عالي: يا فااااارس.. فااااارس. فارس بطاعة: أمرك يا سراج بيه. سراج بص على فايز بقر*ف: هات الفلوس من الشنطة. بعد شوية فارس جه وأدى الشنطة لسراج. سراج حدف

الفلوس في وشه وقال ببرود: مشوفكش تقرب من بنتك نهائي ولا تحاول تتواصل معاها، لأن لو عملت كده فيها مو*تك. فايز خاف من نبرة صوته اللي حس إنها صادقة: مش هقرب يا بيه، أنا من دلوقتي هعتبر إني ما خلفتش خالص. سراج وهو بيطبطب على خده بهدوء: شاطر. وبعد كده قال ببرود: مش يلا ولا إيه يا عروسة؟ العريس مستني. ندي بصت لأبوها بحزن وعتاب ومشيت. ندي وسراج وصلوا ودخلوا مجمع كبير ووقفوا عند أكبر فيلا فيه.

سراج نزل وفتح باب العربية لندي وهي نزلت ودخلوا الفيلا. ندي في نفسها: ده العز ده كله، الله يخربيتك يا ندي، هتقوري على الناس. بس فاقت على صوت سراج. سراج: اطلعي يا بنتي لجوزك فوق. ندي: في أنهي أوضة؟ الأوض كتير. سراج: أكبر جناح فيهم دي. وشاور عليها. ندي هزت راسها وطلعت ووقفت قدام باب الأوضة وخدت نفس. ولسه هتفتح سمعت صوت من جوا. "هيهيهيهي، يخربيتك يا نبيل بيه." ندي من برا: أحيييييه.

وفتحت الباب وانصدمت، لما لقت شاب واقف جنب واحدة وهي كانت لابسة بدلة ر*قص. "هو الراجل مش كان مشلو*ل؟ نبيل بغضب: انتي مين يا بت؟ ندي بتأثر: أنا اللي جوزي بيخو*ني مع اتنين.