رواية زواج بهدف الانتقام الفصل الأربعون 40 - بقلم يارا محمد

داليا: بتال، أنا كويسة يا حبيبي، ما تخافش عليا، هقوم أنام. داليا سابت ولادها بعد ما فتحت التلفزيون، والأولاد اندمجوا قدامه وهي دخلت الأوضة ونامت نوم ما نامتهوش من سنين. عند كنز كانت بتعمل كمادات لعمران، قاعدة جنبه وبيهلوس باسمها كتير. كنز خلصت الكمادات وكلمت جبل تقوله. كنز: ازيك يا عمي، أخبارك إيه؟ جبل: أنا تمام يا بتي، خير فيه إيه؟ أنتوا كويسين؟

كنز: بكذب، بخير يا عمي، بس عمران سخن شوية وبيهلوس، وعايزاك تشوفه، وفي موضوع عايزة أتكلم فيه معاك. جبل: (بخوف) وهو كويس دلوقتي؟ كنز ما تخبيش عليا، وموضوع إيه ده؟ كنز: لا، هو تمام يا عمي والله، بس هو طلبك قبل ما ينام، ما تخافش ما فيش حاجة، أنا بس كنت عايزاك. جبل: أنا جايله بكرة هتلاقوني عندكم.

غارب وصل بيته ودخل ياخد دش، ورحيم سأله عملوا إيه، وقاله إنه هيحكيله بعد ما ييجي من الشركة. غارب راح الشركة يشوف الشغل وطلب من رنا تجيب عشق عنده وتدخل معاها. رنا بلغت عشق وهي راحتله متوترة. عشق: (بتوتر) خير يا غارب بيه طلبتني؟ غارب كان بيبصلها كتير وهي اتوترت أكتر ورنا كانت هادية وعشق مش عارفة تعمل إيه. غارب: حظك إني كنت غايب لي يومين ومش حاسبتك ع اللي عملتيه لما جيتي الفيلا، رنا أنتي قلتلها على نظامي؟ رنا: (بهدوء)

بلغتها يا غارب بيه بس هي أصرت إنها تروح علشان تمضي ع الملفات. عشق: (بشجاعة) أنا ما عملتش حاجة غلط، ده شغل ولازم يتمضي بأسرع وقت. غارب: رنا اطلعي أنتي. رنا خرجت وبص لعشق وزعق: أنتي هتعلميني أشتغل إزاي؟ فوقي لنفسك أنتي يا دوب موظفة هنا في شركتي، ونظامي الكل يمشي عليه حتى لو كنتي جديدة كان لازم تمشي عليه. اليوم اللي بخصصه لأهلي بيكون يوم هادي ومش فيه أي إزعاج حتى لو فيه شغل أو أي حاجة مهمة تتأجل، فاهمة ولا لأ؟

عشق: أيوه، بس أنا ما غلطتش في حاجة، وإذا كان ع اللي عملته أنا بتأسف ليك ومش هكررها. غارب: (بابتسامة) بس أنا مش عندي الأسف يا آنسة عشق، عقابي غير كده. عشق: (باستغراب) قصدك إيه؟ غارب: هتعرفي دلوقتي. رنا دخلت بملفات كتيرة وعشق استغربت من ده كله. غارب: عقابك بقى إنك تشتغلي ع الملفات دي كلها وتخلصيها في أسرع وقت. عشق: إيه بس ده؟

ما ينفعش، أنا لازم أروح بدري النهاردة، وبعدين شوف عقاب غير ده، جازيني بس تديني شغل كتير ده ظلم. غارب: (وهو ده عقابي) اللي ما يمشيش على قوانيني لازم يتعاقب، ولا عندك حل تاني؟ عشق: آه عندي إني أستقيل وأرتاح من عجرفتك دي. غارب: عجرفتي؟ طيب استقيلي بس وأنتي بتستقيلي يا ريت تحضري مبلغ الشرط الجزائي بتاعك. عشق: شرط جزائي إيه اللي أجيبه؟

غارب: أصله وأنتي بتمضي ع عقود الشغل مضيتك على شرط جزائي بـ 200 ألف جنيه، فهتستقيلي هتدفعي. عشق: (بصدمة) أيوه بس ده ظلم والمبلغ كبير. غارب: (بابتسامة) ده اللي عندي يا الدفع يا الحبس يا تخلصي الشغل. عشق: أنت واحد حقير قوي وأنا مش هعمل ده كله، فاهم ولا لا؟ غارب مسك أيدها بغضب وقسوة. غارب: الزمي أدبك وحدودك يا عشق فاهمة، أنا ساكت من أول ما شوفتك وعملت ده كله علشان تبقي تحت طوعي. عشق: وأنا مش هبقى تحت طوع حد فاهم،

(وضربته بالقلم) ومشيت من قدامه. غارب: (بغضب جحيمي) أنتي اللي بدأتي يا عشق، فاستحملي بقى من اللي هيجرالك. جبل راح القاهرة يشوف ابنه وراح العنوان اللي وصفته كنز وطلع عندهم. جبل: خير يا بتي ماله عمران وجايباني علشان إيه؟ عمران: أنا هقولك جايباك ليه يا بوي. كنز وجبل بصوا لبعض وبصوا لعمران بصدمة. عمران... جبل: (بصدمة) أنت إزاي تتهمني كده؟