رواية زواج في ظروف خاصة الفصل التاسع والعشرون 29 - بقلم نوران وليد

نور من خلفه: إيه مأذون إيه؟ والدة زين: النهارده فرح زين يا نور. نور بدموع: لا انتي بتضحكي عليا. زين: باااس كفاية. ماما انزلي، ولما نازل وراكي. ممكن؟ والدة زين: ماشي يا حبيبي، بس ما تتأخرش. زين: حاضر. هبطت والدة زين، وأغلق زين الباب. وجد نور تبكي بحرقة. زين: نور بتعيطي ليه دلوقتي؟ فهميني. نور بسخرية: عندك حق أعايط ليه. يوم فرح جوزي المفروض أزغرط، صح يا زين.

زين: والله وحياتك عندي، ما هتجوزها. كل حاجة هتخلص النهارده. صدقيني. وثقي فيا مرة واحدة بس. ممكن؟ نور وهي تبكي: هحاول يا زين، هحاول. زين وهو يقبل خدها: صدقيني مش هخذلك. بحبك يا نور. نور: كل بعقلي حلاوة يا زين. زين: والله ما في حلاوة غيرك. في الأسفل، كان الشهود و ابنة خالة زين، وبجانبها والدة زين تقف بفرحة وغرور. المأذون: مش هنكتب الكتاب ولا إيه؟ أم زين: إزاي بقى؟ يلا يا زين. نور بدموع: زين.

والدة زين: خلاص بقى يا نور. أنا شايفة إنك تنسيه خالص دلوقتي. هو هيبقى معاه مراته وحياته الخاصة بعيد عنك. المأذون: قول ورايا يا ابني. زين نظر إلى نور: قول يا شيخنا. في هذه اللحظة، دخل فهد. فهد: وقف الجوازة يا شيخنا. والدة زين: إيه البيحصل ده؟ زين وهو ينظر إلى فهد: اتأخرت يا فهد. فهد: معلش يا صاحبي. على ما جبت محسن. والدة زين: محسن مين؟ وإيه الكلام الفارغ ده؟ زين: إزاي يا ماما ما تعرفيش محسن؟ ده زور لك ورق المبايعة.

والدة زين بغضب: مبايعة إيه؟ إيه الكلام الفارغ ده؟ فهد: كلامنا مش فارغ يا ألفت هانم. محسن اعترف للبوليس إنك زورتي الورق اللي بيثبت إن عمي أبو زين الله يرحمه باعلك كل الأملاك بتاعته. بالإضافة إلى... زين باستغراب: في إيه تاني أنا ما أعرفهوش يا فهد؟ فهد بحزن: عمي... زين: ماله؟ فهد: ما ماتش بسكتة قلبية. عمي مات مسموم بسب ألفت هانم. زين بصدمة: إيه كمان يا أمي؟ ليه؟ ليه؟

ألفت بانهيار: أيوه. عمري ما حبيته. وكمان أخدك مني. كام ديما مخلياك قريب منه ومن عيلة أبوك. وحتي لما جيت تتجوز اتجوزت نور. أنا اللي خليتك تشك فيها واتهمتها بالخيانة. وأنا كمان خليتك تتأكد إنها السبب في موت أبوك. لا ومش بس كده، خليتها هي كمان قتلته فعلاً. زين بغضب: ليه؟ ليه؟ ردي عليا. استفدتي إيه؟ ألفت ببكاء: من حبي فيك يا ابني. زين: ده مش حب. انتي دمرتيني يا أمي. حتى الكلمة دي ما تستاهليهاش.

ألفت: ما تقولش كده. ما تقولش كده يا زين. أنا أمك. هنا دخل البوليس وقبض عليها. وبعد فترة، نُقلت ألفت هانم إلى مستشفى الأمراض العقلية. في غرفة زين. نور بألم: آآه يا زين. زين: طيب انتي حاسة بإيه؟ قوليلي. نور بدموع: مش عارفة. دايخة وحاسة إن نفسي غامة عليا. زين: طيب ما ده طبيعي يا روحي. انتي حامل. نور: لا مش طبيعي. أنا ما تعبتش في عمري كده. زين: طيب أعملك إيه أنا؟ ردي عليا.

نور بدموع: ما تعملش حاجة. روح نام. روح يا زين. ما انتوا الرجالة كلكم كده. زين: الرجالة مالنا يا نور؟ ما أنا قاعد في الأوضة معاكي أهو. سهران. والصبح قرب يصبح كمان. نور بدموع: أنا مش طايقاك. اطلع برا. اطلعععع. خرج زين بغضب وهبط إلى الأسفل، وجد فهد في المطبخ. زين: بتعمل إيه هنا؟ فهد: حكم القوي على الضعيف. شهد يا سيدي، بتتوحم على كيكة شوكولاتة يا سيدي. زين بضحكة: يعيني عليك يا ابني.

فهد: نينيني. اومال انت نازل ليه يا حيلتها؟ زين بارتباك: إيه... ما فيش. أصل... فهد: أصل إيه؟ نور طردتك، صح؟ زين: أيوه يا سيدي. ارتحت. فهد: معلش. هرمونات حمل. 😂😂😂 زين: انت خبرة بقي وأنا ما أعرفش. 😂😂 في الصباح. زين: نور اصحي بقي. نور بتعب: عاوزة أنام شوية يا زين. أنا ما نمتش من امبارح. زين: قومي يا نور. ما أنا أهو صاحي ونايم معاكي الصبح. نور: أوووووف. حامل زي رد عليا.

زين: استغفر الله العظيم. لا مش حامل. قومي يا نور بقي. على سفرة الطعام. شهد: فهد ناولني طبق الرومي ده. فهد: يا روحي، كفايا. أنا خايف عليكي. شهد: إيه قصدك إن تخينة، صح؟ يا ربي، أنا كان مالي بالجوازة دي. فهد: والله ما قصدي. أنا قصدي... زين: اخص عليك يا فهد. يعني شهد تخينة؟ لا لا ما تسكتيش يا شهد. فهد بغضب: ما تهدي يا سخان. هي ناقصة. شهد: عندك حق يا زين. هو... آآآه آآآه آآآه. فهد بخوف: إيه؟ في إيه؟ مالك؟

شهد: بولد يا زكي. بولد. يعني بعمل إيه. زين: بسرعة. انت بتسأل؟ شيلها وأنا هطلع العربية. نور: زين.... آآآه آآآه. زين: أكيد لا. مش هتولدي دلوقتي يا نور. نور: الحقني بسرعة. انت لسه هتستغرب. وبعد ساعتين، خرجت نور وشهد من غرفة العمليات وهما بصحة جيدة. ولقد أنجبت نور صبا، وأنجبت شهد جاسر. وعاشوا جميعا حياة سعيدة.