رواية زواج ثاني الفصل الرابع 4 - بقلم اسيل البنا

عز.. يلا فين كده أسيل.. نازلة عز.. وحياة أمك نازلة ببجامة النوم ليه، شايفاني مركب قر*ون أسيل.. وانت مين قالك إنك راجل عز شد شعرها.. عيدى الكلام تاني كده أسيل.. ابعد، إنت إزاي تمسك شعري كده، بقولك ابعد، اااه عز.. الظاهر إن أهلك معرفوش يربوكي أسيل بعصبية.. الكلام ده ليك أنت عشان تمد إيدك على ست، قولي فين الرجولة دي، هااا، وبعدين مسمحش ليك تقلل من تربيتي، فاااهم

عز.. إنتي جايبة القوة دي منين، مانتي كنتي من كام يوم زي الكتكوت وقاعدة تعيطي، كانت فين قوتك دي أسيل بدموع رفضت إنها تنزل.. أنت مش كل شوية هتذلني على حاجة أنا مكنش ليا ذنب فيها، والله أعلم أنا حاولت إزاي عشان أنفد منه بس مقدرتش، واللي بيعمل خير بيرميه في البحر، مش كل شوية يفكر حد بيه، ولو عايز تطلق أنا موافقة، هروح أعيش مع أمي أرحملي عز حس إنه زودها شوية، بعد عنها.. غيري وانزلي أسيل.. معنديش حاجة ألبسها

عز خرج وجاب لها عباية من عند نعمة، لبستها، كانت كبيرة عليها لأن نعمة تخينة، ونزلت وراه الجد.. كل ده بتناديلها عز.. كانت نايمة قعدت جمب نعمة نعمة في سرها.. وكمان جاب لها عبايتي، لأ دي مزوداها جوي، يعني، وقامت محركة كوباية الشاي، موقعاها فوقها أسيل قامت بسرعة وصر*خت، كلهم اتخضوا أسيل.. اااااه، مش تحاسبي يا نعمة، الشاي مولع نعمة.. مكنش قصدي 😒 عز فهم نعمة وعرف إنها متضايقة

أم عز.. تعالي يابتي بسرعة، حطي عليها مية ساقعة عشان متحمرش أسيل.. حاضر عز.. اهدي شوية يا نعمة نعمة.. هه، وأنا عملت إيه عز بصلها وسكت مازن جاب مرهم.. خدي يا أسيل، حطي من ده أسيل.. ش... عز.. ماشي شكراً مازن.. العفو على إيه أسيل خدت المرهم وطلعت من غير ما تفطر *** عز راح عندها، خبط وفتح الباب، كانت واقفة قدام المراية بتدهن المرهم، بس كانت لابسة بيجامة قصيرة ومفتوحة من فوق، مبينة الجرح اللي كريم عملهولها أسيل.. نعم

عز حط شنط على السرير.. جبتلك هدوم، وده مفتاح الأوضة أسيل.. ماشي شكراً عز بصلها في المراية.. الجرح خف شوية أسيل بتوتر عشان هو مركز معاها.. اءاا أيوه عز حس إنها اتوتر.. ماشي، أنا خارج وهبعتلك حد بالأكل عشان انتي مفطرتيش أسيل في سرها.. ماله ده، مش كان من شوية بيزعقلي *** ميرنا.. يا طنط برن عليها بقالي يومين مفيش أي رد خالص، أنا خايفة عليها منى أم أسيل.. هتكون فين يعني، هتلاقيها بتشتغل مش فاضية

ميرنا.. كانت هتبعتلي رسالة، والنبي رني على قرايبك دول واسأليهم منى.. حاضر الجدة.. الوووو، مين معايا منى.. أنا منى مرات سامح الجدة.. خير، عاوزة إيه منى.. بنتي عندك، بس كنت عايزة أكلمها عشان تليفونها مقفول الجدة.. بتك جليلة الرباية اللي جت اهنه وهربت تاني يوم، اخص على بنات البندر، اخص منى.. إنتي بتقولي إيه الجدة.. زي ما جولتلك أكده، ومعدتيش تتصلي اهنه واصل، مش كفاية خدتي ولدي منى وقفلت في وشها ميرنا.. هاا يا طنط كويسة؟

منى.. بتقولي هربت، بنت ال**، أنا كنت عارفة إنها مش هتشتغل ولا تتنيل ميرنا.. إيييه، مستحيل أسيل تعمل كده منى.. بقولك إيه، أنا مش ناقصة وجع دماغ، أنا هروح بكرة هناك وهاخد سامح وندور عليها، جابت لينا العا*ر، يخسارة تربيتي فيها ميرنا.. يا طنط بس منى.. خلاص يا ميرنا، بطلي تدافعي عنها بقى ميرنا مشيت البيت وهي مش مصدقة *** كريم.. أيوه أيوه، يعني دلوج هو متجوز الاتنين سلامة.. أيوه، بس التانية دي من البندر

كريم باستفسار.. كيف يعني، إنت شوفتها فين سلامة.. من كام يوم كانوا اهنه، بس كانت متصابة، حد عورها ومشي، وسي عز ضر*ي نار ليلتها كريم اتصدم.. وه، ط طيب يا سلامة اسمها إيه سلامة.. وانت عم تسأل وتستفسر أكده ليه، هو الموضوع يخصك، ده إنتو م عاتطيجوش بعض عاد كريم.. خلاص مش عاوز أعرف، وادي السجارة اللي كنت هتاخدها سلامة.. ليه أكده بس، اسمها أسيل يابيه كريم ابتسم بخب*ث.. ماشي يا سلامة، مش خسارة فيك العلبة كلها، خد

سلامة فرح بيها 😒 *** نعمة.. لأ ياما، مجربش ناحيتي حتى، وكان نايم على الكنبة أمها.. وإنت مبتقربيش ليه أكده، مش هيحبك واصل نعمة.. بحاول والله أمها.. كح كح، والبت اللي عندك دي نعمة.. مالك ياما، بتكحي ليه، تعبانة أمها.. الحمد لله يابتي، هخف، متخفيش نعمة.. مخفش كيف، إنتي مش قادرة تتكلمي أمها.. خلي بالك من جوزك نعمة.. حاضر ياما، سلام أمها.. سلام ***

بالليل، أسيل كانت عايزة أي طريقة تكلم بيها ميرنا تطمنها عليها، قامت خرجت وخبطت على أوضة نعمة وعز عز كان في الحمام، ونعمة فتحت نعمة.. خير أسيل.. ازيك يا نعمة، عز موجود نعمة.. وإنتي عاوزاه في إيه، مش شايفة واحد ومرته، واحنا بليل يعني، خلي عندك د*م أسيل.. كنت عايزة منه حاجة وماشيه تاني

نعمة.. بصي يابت، إني مبحبش سهوكة الحريم دي، اتلمي أمااال، مش عشان إني صغيرة عنك هتفكريني مش فاهمة، وبعدين هو جايبك اهنه شفقة منه، واتجوزك عشان تساعدي أمه وتشتغلي خدامة، هو قال لي أكده، يلا، مشوفش وشك هنا تاني وقفت الباب أسيل اتصدمت من الكلام ودخلت أوضتها، حست إنها مخنوقة، لبست كب على الهدوم اللي كانت لابساها ونزلت الجنينة وقعدت تعيط *** عز.. مين يا نعمة نعمة.. الز*فتة أسيل دي عز.. مالها، عاوزة إيه

نعمة.. قال إيه عايزة منك حاجة، هتعوز منك إيه يعني، بت مايعة 😒، بس إني عرفتها قيمتها عز.. قولتي لها إيه، انطقي نعمة.. قولتلها إنها اهنه خدامة وبس، عشان تعرف قيمتها عز.. وإنتي كان حد قالك تتكلمي معاها، أنا مش قايلك ملكيش دعوة بيها ولا بحاجة تخصني، قولت ولا لاااا نعمة بخوف.. قولت، بس هي متخصكش عز.. لأ، هي مراتى زيك، ومرة تانية لو سمعت إنك غلطتي فيها، إنتي حرة يا نعمة وخرج وسابها ***

عز فضل يخبط عليها مردتش، بص من البلكونة، لاقاها قاعدة تحت عز.. احمم، قاعدة هنا ليه أسيل مسحت دموعها بسرعة.. مفيش، كنت بشم شوية هوا عز قعد جمبها.. امم، والهوا دخل في عينك يعني أسيل.. ها عز.. بتعيطي ليه أسيل.. مفيش عز.. لو زعلانة على اللي حصل الصبح أنا آسف، وخد بالك دي أول مرة أعتذر لحد، احمم، بس كنت متضايق، ولو زعلانة من نعمة، كبري دماغك منها، هي من صغرها كده بتحب تعاند أسيل.. بس أنا....