رواية زواج تحت النظر الفصل الثالث 3 - بقلم ندي احمد

شوية ونزلت ريم بيتها، لكن انصدمت من اللي شافته. كان كل هدومها بره الدولاب، وستات كتير قاعدة تتفرج عليه، وحاجات كلها بره وبيتفتش فيها. ريم 🥺😳 لكن محدش اهتم بوجود ريم من الأساس، وكملوا فرجة على حاجاتها، حتى أدق تفاصيل بيتها عرفوها. كريمة: مش هتجبلي حاجة لضيوفك يا ريم؟ ريم كانت بتغلي من جوه، ومش فاهمة إزاي الناس دي، وده من تاني يوم وبيحصل فيها كده؟ أومال لو سكتت شوية كمان هيحصل إيه؟

ريم بحزم وجدية شديدة: طنط، أنا مسمحش لحد يدخل أوضتي ويفتش بالطريقة دي. كريمة: نفتش إيه يا بنتي، أنا بوريهم فرشك يا حبيبتي. ريم: أنا مش موافقة، وبكل احترام، بره الأوضة. كريمة: انتي بتطروديهم يا مرات ابني؟ الستات طلعوا. وكريمة بصت لريم بتحدي وتوعد. كريمة: عندك حق يا مرات ابني. وطلعت معاهم. فات ساعتين وريم مرضتش تحكي لرحيم عشان ميتخانقوش أكتر. رحيم نده على ريم، اللي فضلت قاعدة طول اليوم في أوضتها مضايقة. ريم: نعم.

رحيم: ممكن ننسى امبارح؟ ريم: يا رحيم أنا... رحيم حط إصباعه على شفايفها. رحيم بحنان: مش عايز نفتكر امبارح خالص. تعالي نصلي ركعتين سوا. ريم بابتسامة بريئة: حاضر. وبعد ما صلوا، بدأ يقرب منها. وحملها واختلى بيها في غرفتهم. ولكن، كانت دقايق ووجدت صوت خبط بره. ريم: رحيم، إيه ده؟ رحيم مش مركز غير معاها: متركزيش. لكن كان الصوت عالي وكأن حد بره بيعمل حاجة. ريم: ابعد يا رحيم أشوف فيه إيه.