رواية زوجتي المجهولة بقلم سلمى محمد | كاملة

أجلس على السرير ودقات قلبي عالية من شدة الخوف والرعب. كل لحظة بلف براسي ناحية الباب، منتظرة يفتح في أي وقت ويدخل زوجي اللي معرفش اسمه ولا شكله حتى اللحظة دي. أخدت نفس عميق وأنا بقول لنفسي: خليكي قوية يا همس، انتي مش بتعملي حاجة غلط، ده جواز على سنة الله ورسوله ومش بتعملي حاجة حرام. رفعت راسي وبصيت للسقف بشرود بتذكر اللي حصل مع مرات أبويا. "انتي هتتجوزي النهاردة." بصيت ليها بصدمة وقلت: انتي بتقولي إيه؟ أتجوز اللي هو إزاي؟ انتي بتهزري؟ أكيد قولتي هي مبسوطة النهاردة، يلا أروح أنكد عليها. بصت ليا وقالت بنبرة باردة زي قلبها: اللي سمعتيه كويس، النهاردة هيتكتب كتابك. ربعت أيدي الاتنين على صدري وقلت ليها برفض: وأنا بقولك لأ، أنا مش عايزة. انتي عايزاني أتتجوز واحد ولا شفته ولا حتى أعرف اسمي؟ لأ يا مرات أبويا. صمتت شوية وبعدين ضحكت وقالت بسخرية: صوتك طلع وبقيتي بتعرفي تقولي ليا لأ؟ لأ بتاعتك كترت أوي...