رواية زوجتي الصغيرة رومنسيه خليجية الفصل الخامس 5 - بقلم Shifaoman

في الحديقة

بعد ما شافها دخلت ما اهتم و راح لمكتب عمه ناصر عبر باب غير عن باب البيت دخل و هو يسلم عليهم : السلام عليكم
ردوا : و عليكم السلام
بعدين قال عمه ناصر : تفضل يا رعد اجلس
جلس رعد و ما ان بدا يتكلم حتى قاطعه صوت صرخة التفت على يمينه و هو يشوف باب شك ان الباب فاصل لبيت العم ناصر قطع تفكيره و هو يشوف عمه ناصر وهو يساذن منهم باجيل دراسة المشروع : السموحة بس عندي ظرف و ما اقدر اكمل معاكم الحين .
رد ابو رعد : مسموح احنا نستاذن

خرج ناصر بسرعة و هو حامل بنته و خايف عليها ركبها السيارة و ركبت امها و راحو للمستشفى ......... بعد ساعتين صحت و هي تحس راسها مصدع و حلقها يالمها من الاستفراغ ...بدت دموعها تنزل بهدوء و هي مغمضة عيونها و تسمع امها تقرا القران . خرجت منها شهقة من شدة البكاء التفت عليها امها : الحمد لله سلامتك يا يمه ان شاء الله بخير ردت وهي تمسح دموعها : الله يسلمك ..... قالت امها بتساؤل : شنو اللي صار لك ... نزلت راسها تخفي المها عن امها : و لا شي بس تعبت شوي تعرفيني لما اكون بالدوره الشهرية ....
هزت امها راسها و هي تدري ان بنتها تخبي عليها و تدري ان صحيح تستفرغ و تكون الامها قوية اثناء الدورة بس هذا مهو سبب انها تدخل جري من الحديقة و هي تبكي بس قالت : الله يخفف عليك الامها ان شاء الله
.... دخل ابوها و هو يشوفها صاحية : الحمد لله على سلامتك
ردت : الله يسلمك
سكت ابوها و ما حب يسالها لان الدكتور منعه انه يضغط عليها و يصير لها انهيار عصبي لسمح الله
خرجوا من المستشفى بعد ما كتب الدكتور لهم خروج