المانيا
كان جالس مع صديقه في الكوفي
كل ما يجتمع هو و و صديقه عزام دايما عزام هو الي يتكلم و يحكي و هو دايما ساكت
عزام : ايه و المدير يبينا نلقي محاضرات في جامعه برلين للطب
قال زياد بجدية : ماني رايح
قال عزام : براحتك بس خبر المدير عشان يشوف دكتور ثاني يروح مكانك
هز راسه بالايجاب بدون ما يتكلم
وراح بتفكيره لبعيد رغم كل اللي سوته فيه بس دايما يفكر فيها مو راضيه تروح من باله
اكيد اللحين شافت حياتها و تزوجت و جابت عيال
ما ادري ليش سوت فيني كذا
و انا اللي كنت اعشق التراب اللي تمشي عليه
هز راسه كانه يبي ينفضه من الافكار اللي تجيه
@@@@@@@@@@@@@@@@@@@@@@@@@@@@@@@@@@@@@
بيت ابو سامي
صارت الساعة 10 و البنت ما صحت
خايفة و منحرجه انها تروح لجناح سامي عشان تطمن عليها
بجد خافت عليها لان لين تنام بسرعة و تصحى بسرعة حتى قبل ما تجي هي
توكلت على الله و راحت للجناح اللي كان تقريبا بحجم شقة راحت للغرفة الاولى و فتحتها شافت سرير كبير و الغرفة
باللون الابيض و الاسود اكيد هذي غرفة سامي قفلتها بسرعة و راحت للغرفة الثانية فتحت الباب و شغلت الانارة و
انصدمت و هي تشووف لين ترتجف فوق السريرو هي تتعرق و تهمس بكلمات غير مفهومه
راحت بسرعة للسرير اللي كانت عليه لين و صارت حاضنه لين بكل قوتها و تبكي من خوفها عليها : لين ماما
قومي حبيبتي
حست بحرارتها المرتفعه و هي حاضنتها و الرجفة المتواصله بجسمها
قامت تصرخ بقوة على الخدامه ما هي قادرة تقوم رجولها انشلوا عمرها ما اتعلقت بطفله مثل لين صارت تحس انها
امها الحقيقية مو مجرد مربيه
قات بصراخ للخدامه اللي وقفه قدامها : روحي شوفي السواق و لا اي احد يجي ياخذها للمستشفى
@@@@@@@@@@@@@@@@@@@@@@@@@@@@@@@@@@@@@
في شركة رعد
رعد بابتسامه نادرا ما تظهر : و انا اقول الولد استخف اثاريك تحب
سامي بنظرة حب : و الله ما ادري كيف اوصف لك شعوري بس اللي ابيه منها انها تريحني و توافق علي
رعد و هو يضحك : ههههه مستعجل الاخ
سامي كان بيتكلم بس قاطعه تليفونه
استغرب و هو يشوف رقم الخدامه رد عليها : الو
سمعها و هي تقول بخوف : بابا ماما رازان تبكي اشان لين مريضه
و ما في اصحا
قام بسرعة و هو يقول : شنو فيها
قالت : ما ادري
خرج بسرعة بعد ما خبر رعد ان لين مريضة و لازم يروح لها
............
ركن السيارة بسرعة و نزل للبيت دخل و هو يركض على جناحه بعد ما خبرته الخدامه انها هناك
شاف رازان اللي حاضنه لين و تبكي بقوة و تضربها على خدها بخفيف تبيها تصحى و تقول : يلا ليونه اصحي
حبيبتي
راح بسرعة و هو يحمل بنته و ينزل تحت بياخذها للسيارة شاف رازان اللي جات و لابسه عبايتها و الشيله و اللثمه
و تقول و هي تبكي : بروح معاك
هز راسه بالايجاب و هو يشوف كيف خايفة عليها عرف انه احسن الاختيار
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!