رواية زوجتي الصغيرة رومنسيه خليجية الفصل الثامن وأربعون 48 - بقلم Shifaoman

في بيت ابو خالد

في جناح خالد

كانت جالسة فوق السرير و تفرك يدينها بقوة تبي تتكلم معه و خايفة انه يرفض

....................

خرج من الحمام ابتسم وهو يشوف حبيبته و زوجته جالسه فوق السرير و هي لابسة قيص نوم للركبه لونه وردي

فاتح و شعرها الاسود منسدل على ظهرها

استغرب و هو يشوفها تفرك يدينها بقوة حتى صارت حمرا و مبين عليها انها مرتبكة

صار يفكر يا ربي رحمتك ان شاء الله بس ما تقول انها مشتهية تراب او شي ثاني

راح للسرير و جلس جنبها مسك ايدينها حتى توقف من انها تفركها

ابتسم و هو يقول : فيك شي نور

قالت بارتباك وهي ترجع شعرها ورى اذنها : اا ... خالد انت تعرف ان السنه هذي عندي تطبيق و انا ابي اكمل

السنه هذي و بعدين اوقف الدراسة بعد ما اولد و بعدين اكمل ان شاء الله

ابتسم وهو يشوفها مرتبكة : بس انا اخاف عليك وعلى البيبي و الدكتورة موصية بالراحه

قالت و هي تترجاه : خالد انت تدري انني اطبق في المستشفى اللي تعمل فيه و ممكن اكون من الفريق اللي معك

عندك ليش مصعبها علي

قال بابتسامه : خلاص حبيبتي بس اذا كنت تعبانه ما ابيك تروحي تداومي

نقزت وهي تبوسه على خده بعفوية و تقول بابتسامه : شكرا كثير

قال بخبث : لا والله ... و انا مسوي مجهود و موافق و انتي بس تقولي شكرا كثير

لا انا ابي مشكور حبيبي ... حياتي .... قلبي ..... خلووودي

قالت بعد ما نزلت راسها بخجل : مشكور خلوووودي

ابتسم على خجلها و براءتها كانها طفلة مسك وجهها وهو يبوس خدودها بقوة : احبك و اموت عليك

@@@@@@@@@@@@@@@@@@@@@@@@@@@@@@@@@@@@@

في المستشفى

دخل فارس و الدموع على خدوده عمره ما تخيل انه يشوف اخته كذا

كانت الاجهزة من كل مكان و الغرفة كلها بيضاء

واخته كانها جثه هامدة و جهها اصفر و شاحب و فيه بقع زرقاء من ضرب فيصل لها

صار يشهق من البكا اخته اللي كانت دوم قويه و هي اللي ساعدته انه يتخطى موت امه

صارت كذا ما يقدر يتهاوش معاها و لا يقدر يجري و راها لما تقهره

راح لها و مسك يدها الباردة و هو يبوسها على يدها ويقول ببكا : وعد حبيبتي انا اسف انا السبب لو ما كنت

اغازل بنات الناس كان ما صار لك كذا

و الله العظيم اسف

انا تبت خلاص و الله العظيم ما عاد اعيدها بس قومي الله يخليك

قومي ابي اتهاوش معاك و ابيك تقهريني و ابيك تسوي اي شي و الله العظيم

اذا تبين لاب توبي خلاص و الله اعطيك ياه بس قومي

قومي عشاني انا و اذا مو عشاني عشان فهد اللي بتباركي له لعرسه و عشان فيصل ايه عشان فيصل ترى هو ما

يقصد بس هو من خوفه عليك ما قدر يتحكم في اعصابه

و اذا مو عشاننا قومي عشان ابوي اللي يتمنى يموت و لا يشوف شي يضرك

الله يخليك قومي .... قومي

دخل الدكتور و خرج فارس اللي كان بينهار

@@@@@@@@@@@@@@@@@@@@@@@@@@@@@@@@@@@@@

تركي كان واقف جنب الغرفة شاف الدكتور خرج فارس اللي كان منهار

سنده هو و فهد و ودوه للكراسي الموجودة في الممر

للحظه اتذكر فيصل اللي ما هو موجود

مسك التليفون و هو يتصل فيه بس ما يرد

لف على فهد اللي مبين على وجهه مهموم قال بتساؤل : فهد ..... فيصل وينه ما اشوفه

قال فهد بعصبية : في البيت

تركي كان عارف ان سبب العصبية هي انه السبب في هي فيه اخته اللحين

خرج من المستشفى بعد ما استاذن

وصل لبيت ابو فهد شاف فيصل ب يركب سيارته

سد عليه الطريق بسيارته و خرج له

قال تركي : فيصل شنو اللي صاير

قال فيصل ببرود : مو صاير شي

قال تركي بسخرية : و ليه بالله اختك في المستشفى و دخلت في غيبوبه

قال فيصل بغضب : تركي لا تتدخل في اشياء ما تعنيك

قال تركي بعصبية : كيف ما تعنيني وانا خطبتها منك و كا ممكن اللحين هي موافقة على و ممكن بعد كنا راح نملك

بعد مدة و كانت بعد راح تصير حلالي

تركي ضرب فيصل على صدره

وقال بصراخ : انت ما تحس ماعندك قلب انت هذي اختك اللي ضربتها و دخلتها غيبوبة و الدكتور يقول لو ما

صحت خلال 24 ساعة ممكن تموت

انت تدري وش سويت انت ظلمتها لو كانت هي الغلطانه كان ما جات وخبرتك باللي صار لها و انه طالب تخرج معه

بس انت غبي ..... تفهم شنو غبي ...

صرخ اكثر : انت ممكن تكون ظالمها .... حتى و لو هي غلطت هي تبقى اختك ...

اختك الصغيرة اللي هذا وين خرجت على الحياة و ما تعرف لها يعني انت لازم تساعدها مو تضربها و تذبحها

مو انت وعدتني انك تكون لها الاب و الام و الاخت و الاخ و الصديقة و كل شي

فيصل مصدوم من الكلام اللي سمعه اللي سمعه كله صحيح و صار يفكر حتى و لو هو ما سمع لها

ليش كان متسرع

اللحين بس وين استوعب اللي سواه هو السبب لو ماتت اخته

راح بسرعة لسيارته و ركب و هو يشوف تركي بعد سيارته و انتظره حتى راح و راح وراه