رواية زوجتي الصغيرة رومنسيه خليجية الفصل التاسع وخمسون 59 - بقلم 🌈shifaa🌈

في المستشفى

كانو جالسين بالمكتب بعد ما خرج ابوهم للشركه و اتطمن على بنته

عرفوا الثلاثه انه تركي يدري بس لازم يعرف على كل شي

قالو له اغلب الاشياء عنها و ان لازم كل ما يروح يفحصها يكون معاها احد عشان تحس بالامان و ما تخاف و

يمشي علاجها مثل ما يبون

شافو الممرضة اللي دخلت بسرعة و هي تقول : دكتور تركي المريضة وعد ما ندري شنو فيها ... تعال بسرعة

راحوا بسرعة لغرفة وعد

دخل فيصل و بعده تركي اللي انصدم و هو يشوفها منسدحة على السرير و لونها شاحب و شفايفها زرقا و دموعها

على خدودها و تخرج منها شهقات مكتومه

دليل على عدم قدرتها على التنفس

و الممرضات يحاولون معاها

تركي مرتبك و خايف عليها و معصب ان الدكتور مو معاها

بس اللحين هو اللي لازم يسعفها ممكن تموت لو انتظروا الدقايق اللي بيجي فيها الدكتور

قرب فيصل منها و هو خايف عليها و يبي يهديها

صرخ تركي عليه و دفه بعيد و هو يشوفها غمضت عيونها بخوف وزادت شهقاتها

قرب تركي منها يبي يهديها لانه خطر عليها اللحين نوبات الربو : هدي يا وعد خلاص هدي

كمل و هو يشوفها تتنفس بصعوبه : خلاص وعد ركزي على تنفسك .... اخذي نفس اللحين و زفير

قرب منها وهو هو يشوف نظرة عيونها اللي مبينه عليها انها مو قادرة تسوي شي

لف لفارس اللي كان خايف عليها هو و فهد

قرب منها و اخذ بخاخ الربو و صار يساعدها على اخذ الجرعة

بس ما قدرت تاخذ نفس

مسكها من كتوفها حاول يجلسها عشان تقدر تتنفس

بعد مدة

هدت وعد و صارت تتنفس بسهوله

فارس يقرب منها و قال بحنان : حبيبتي وعودة انت بخير

وعد تناظر و كانها ما تشوف شي تناظر لبعيد و كانها في عالم ثاني

فهد و هو يقول بخوف : وعد تكلمي ليش ساكته

تركي بجدية و هو منزل راسه لان وعد مو متحجبه : فهد وفارس ممكن تروحوا اللحين لانها لازم ترتاح

خرج تركي قبلهم شاف فيصل اللي ساند نفسه على الجدار و راسه على ورا و مبين عليه متضايق من صد اخته

قال تركي باسف : اسف فيصل على اللي صار قبل شوي بس البنت كانت بتموت من نوبة الربو و انت تعرف انها

تخاف منك فاكيد بتصير النوبه حادة عندها

قال فيصل بابتسامه ندم و الم على اللي يصير باخته و اللي كان هو السبب فيه : لا معليش بس انا نادم على اللي

سويته فيها ما ادري كيف ما فكرت بالنتايج اللي بتصير عليها

صاروا عيونه يلمعون من الدموع : تركي انا ابيها ترجع مثل ما كانت تضحك تصرخ تدلع تلعب تمزح ابيها تسوي

اي شي المهم انها ترجع و ما تبقى كذا كانها ميته ما تتكلم و لا تحس باي شي

تركي بامل : ان شاء الله ترجع مثل ما كانت و احسن

و كمل بجديه : بس اللي لازم عليك انك ما تشوفها و لاتقرب لها لين تتحسن صحتها

هز فيصل راسه بالم و خرج من المستشفى ما يبي يقعد فيه و هو يشوف اخته مو متحملته و خايفة منه