رواية زوجتي طفلة الفصل الثالث وخمسون 53 - بقلم zooz2012

🎼 بعد مرور شهور 🎼

ملاك ولدت وجابت ولد سموه عماد

جنان بشهرها الاخير 

هيا تحسنت نفسيتها تماماً بعد ما طلع رامي من حياتها 

فارس بدأ يدخل بقلبه الشك ان زوز ليش ما حملت .

نوره بدت تحس بتعب واعراض مشابه لاعراض الحمل ، وتحاول تكون متماسكه وما تبين لسامي شيء 

احمد طاير ببنته جوري ويقوم الدنيا لو بس بكت حتى لو دلع .

حامد بدأ يكبر ويفهم اللي يصير حوله وصار هادي بزياده .

زوز بدت تحس بشك فارس وتحاول تعرف ليش حملها تأخر رغم انها ما تاخذ موانع .

سامي ملاحظ تعب نوره لكن ساكت ما يبي يبادر بالموضوع وتصير بنهم مشاكل على ولا شيء وينتظر نوره اللي تجي وتخبره بتعبها .

نور متضايقه من دلع احمد لجوري بنتهم الزايد ودايم هواش على هالموضوع .

سديم تفكر بزياد وتحس بمشاعر تعلق فيه ، لكن تخاف انه هالشعور بس من طرف واحد .

يوسف قاعد يشد حيله يبي يتخرج بنسبة عاليه عشان يدخل التخصص اللي يبي .

خالد طاق بالدراسه الجدار وما همه النسبه اللي بيجيبها هالسنه .

حمد مرة يصير مع يوسف ومره خالد ولا يدري شنو يسوي .

ندى وهدى قل خبالهم وبدوا يركزون بدراستهم .

****************************************************************************

💥 بجناح زوز و فارس 💥

قاعدين يشوفون مسلسل تركي مع بعض بالتلفزيون اللي شابكيه بالاب .

فارس قاعد يأكل فواكه و زوز تقطع له وتحط قدامه .

فارس بهدوء : اقول زوز .

زوز ردت عليه بدون ما تطلعه لان مندمجه : همم .

فارس : انتي تاخذين موانع ؟ .

زوز ما ركزت بكلامه ولا ردت .

فارس : زوز .

زوز لا رد .

فارس يحركها : زوز .

زوز : هممم .

فارس يلف راسها عليه : طالعني طالعني قاعد اكلمك .

زوز انتبهت : ها شنو ، شنو تقول ؟ .

فارس : انتي تاخذين موانع ؟ .

زوز انصدمت من سواله : لا طبعاً .

فارس بشك : عيل ليش للحين ما حملتي ؟ .

زوز : فارس شفيك بعد هذا امر الله .

فارس : اهااا عيل بكره نروح نفحص .

زوز ضحكت : تمزح اكيد ؟ .

فارس بنظره جديه : لا ما امزح .

زوز : بس انا ما فيني شيء عشان نروح نفحص .

فارس : اوك بس انا ابي اروح اتطمن .

زوز بعصبيه : فارس مو من صجك ، قلت لك هذا امر الله .

فارس وقف بعصبيه : اوك بكره نعرف اذا بامر الله ولا بامر شخص ثاني .

تركها وراح ، ظلت زوز تطالع بقهر .

****************************************************************************

✨ عند رائد و جنان ✨

رائد منسدح على ظهره ومغمض وجنان كانت توها طالعه من الحمام ماخذه شور .

فجاة جنان صرخت : آآآه .

فز رائد وراح له : شفيك ؟ .

جنان قعدت بالارض وماسكه يد رائد : مادري مادري شكلي بولد .

رائد بفهاوه : ها ؟ تولدين ، لا مو الحين صبري .

جنان بعصبيه وتطقه وتصرخ : اقولك بولدد ، آآآآه .

رائد وقف وحط يده على رأسه : ياربي شسوي .

جنان : ودني المستشفى .

رائد : لا صبري روح لامي .

تركها وراح .

جنان تصرخ : تعااااال ، آآآآآآه .

نزل رائد بسرعه عند امه ويطق الباب بقوه : يمه يمه يمه .

ام رائد طلعت : شفيك شفيك شصاير ؟ .

رائد بتوتر : جنان بتموت ، قصدي بتولد .

ام رائد طلعت معاه فوق واخذوها بسرعه وودوها المسشتفى وبعد ٣ ساعات ولدت وجابت بنت سموها سمر .

****************************************************************************

☄ عند نوره و سامي ☄

نوره تدخل حمام ترجع وتطلع وتدخل وتطلع .

سامي كان قاعد بالصاله ياكل مكسرات ويراقب فيها .

سامي : نوراي شفيك ؟ ماكله شيء خربان ؟ .

نوره جات وانسدحت على رجوله بتعب : لا .

سامي : عيل ؟ .

نوره بتوتر : شكلي حامل  .

سامي بفرح : صج ؟ .

نوره بتردد : ان شاء الله ماني متاكده .

سامي : عندي جهاز حمل قومي شيكي .

نوره : تمام .

قامت وعطاها سامي جهاز الحمل وسوته وعطته سامي ثواني وطالع سامي الجهاز بفرح .

ساكي نطق وعيونه تلمع : حامل يا قلبي حامل .

نوره شافت فرحت سامي وابتسمت : يعني انت مو زعلان ؟ .

سامي : ليش ازعل ؟ .

نوره : عشان بيكون عندك طفلين ومصاريف اكثر وتعب و ... .

سكتها سامي لمن سحبها له وصدمت بحضنه واخذ شفتها بشفته وبعد مده فصلها وهمس عليها : مو زعلان يا روحه الا طاير من الفرح ، انتي قلبي وعمري واهم روحي تفداكم الفلوس كلها وانا معاهم .

نوره ضحكت بخجل .

سامي باس انفها : فديت الخجول الحامل يا ناس .

نوره بخجل : سااااميي .

سامي قرب وهمس باذنها بخبث : شرايك نخليهم تؤام .

نوره : ساااااميييي .

****************************************************************************

💫 عند تركي ببيته 💫

تردد مليون مره من الفركه اللي براسه ، وتنهد بقوه وسواها .

اخذ جواله وارسل لسامي (مرحباً سامي ، اخبارك ؟ ، ممكن نتقابل بكره ؟ ، ابيك بموضوع ضروري ، اذا اوك حدد المكان و الوقت ) .

ترك جواله بعد ما وصلت الرساله لسامي ، وظل ينتظر رده بتوتر واضحه وتنفس مضطرب ، ثواني ووصلته رنه تعلن وصول رساله ، اخذ جواله سريع وفتحه شاف رد من سامي .

سامي ( اوك تم ما عندي اشكال ( مشاكل) ، بكره اقبالك بمطعم ******* ، الساعة ٢ الظهر عازمك على الغداء وقولي موضوعك هناك ، عساه يكون خير ؟) .

تركي ( خلاص تم بكره نتقابل على الموضوع ، اي لا تحاتي ان شاء الله خير ، اشوفك بكره ، تصبح على خير) .

سامي ( تمام ، وانت من اهله) .

قفل تركي منه وقعد يجهز شنو يبي يقوله ، وكيف يبدأ الموضوع من أساسه .

****************************************************************************

⚡️ عند احمد و نور ⚡️

احمد قاعد يلعب مع جوري بنتهم ، جات نور ، واخذتها عشان نومها قامت تبكي .

احمد وقف : هاتيها خلاص مو لازم تنام اهي متى ما تعبت تنام .

نور تطالعه بصدمه : احمد شفيك لا تخرب موعد نومها .

احمد : شوفيها قاعده تبكي .

نور : عادي طيب بنت صغيره وبتبكي بعطيها حليب وبتسكت .

احمد شالها : لا بس قلبي انا بس يا روح بابا .

نور : تمزح اكيد ؟ .

احمد : على شنو امزح ؟ .

نور : ابي افهم شنو هالدلع الزايد اللي تدلعه لها بعدين يكبر راسها اذا كبرت وما تعطي بال لاحد .

احمد : عادي طيب بنتي حبيبتي وادلعها شفيها يعني ؟ .

نور انقهرت وتركته وراح لغرفتها .

احمد تنهد بهم لان يومياً هواشهم على نفس الموضوع اخذت جوري وحطها بسريرها وعطاها الرضاعه واشوي ونامت غطاها وبساها وخفض الليت وراح لنور الغرفه .

احمد قعد يمها : شفيك انتي الحين زعلانه ؟ .

نور بعصبيه : احمد وخر عني ما ابي اتكلم .

احمد : مو بكيفك تكلمي قولي ليش زعلانه ؟ .

نور : مابي .

احمد : قلت تكلمي .

نور : انت قاعد تدلعها بزياده واهتمامك كله له ولا كاني موجوده .

احمد فهم الموضوع وضحك : لحظه انتي تغارين من جوري ؟ .

نور بغيره : اي اغار اغااااار ارتحت كذا .

احمد مات ضحك : 😂😂😂😂😂😂😂😂😂😂 ، مو من صجك يا نور ، احد يغار من بنته .

نور بدت تدلع : لا تضحك .

احمد حضنها : واااي عمرييي انا اللي يغارون المتملكين اللي يبوني لهم بس فديتهم .

نور ارتخت بحضن احمد و ما علقت .

****************************************************************************

💕 يوم جديد 💕

****************************************************************************

❄️ عند سامي و تركي ❄️

قاعدين يتغدون و تركي التوتر واضح عليه .

سامي واهو ياكل : متى ناوي تتكلم يا جورج كلوني ؟ .

تركي : هااا ؟ .

سامي ترك المعلقه والشوكه من يده : شفيك تركي ، شصاير معاك ؟ .

تركي بتوتر : لا بس ابي اقول موضوع و مو عارف من وين ابدي فيه .

سامي : بدي فيه دايركت بدون مقدمات ولف و دوران .

تركي  : الصراحه .

سامي : اييي ؟ .

تركي طالع بسامي ونزل عينه وسكت .

سامي صفق ادينه ببعض وبمزح : اوووه والله وطلع الموضوع قوي ، (بجديه) ياخي اخلص وقول .

تركي بلع ريقه ونطق بسرعه : ابي اخطب اخت زوجتك على سنه الله ورسوله .

سامي : اي وحده ؟ . 

تركي : ......... .

سامي بصدمه : هاااا .

****************************************************************************

وااااااااااااااااااااستوب 

كيف البارت ؟ 

توقعاتكم ؟ 

قربت النهاية 

اول شيء اعتذر عن السحبه لمده اسبوعين ، اول اسبوع كنت بنزل واضغطت من الجامعه اختبارات ولويه و عروض تقديميه وغيره وغيره ، ثاني اسبوع للاسف حصل لي حاله وفاه وما قدرت انزل فالعذر و السموحه منكم ، هذا بارت اليوم وبكره باذن الله بنزل الثاني ويمكن غير بارت اليوم يبقى لنا بارتين او ٣ ونختم الروايه باذن الله وناخذ بريك واذا وصلنا ٤٠٠ متابع نزلت الروايه الجديد اللي بتكون بعنوان ( ....... ) ولا تدرون ما راح اقول خلوها مفاجأه 😉