رواية زوجي معاق الفصل الثالث 3 - بقلم مريم محمد

دخلت منى بالصينية. منى: مساء الخير. الكل: مساء الورد يا فل وياسمين. وبعد كده سلمت عليهم، حبوا يسيبوا منى مع مراد شوية. فضلوا أكتر من ربع ساعة في صمت، بعد كده مراد هو اللي بدأ الكلام. مراد: أنا مش هقول لك توافقي، كل اللي أنا هقدر أقوله لك إن أنا هقدم لك حياة كويسة وكل اللي أنت تتمنيه، بس تقدري إن أنت تتقبلي وضعي.

منى: ومنى أنا عايزة واحد يراعي ربنا فيا، مش عايزة فلوس ولا عايزة أي حاجة تانية، وكمان أنا ما عنديش مشكلة في وضع، وربنا أنا بحب حد بيبتليه، دي بتاعة ربنا. شوية ومامت مراد وبابا دخلوا. الأب: إيه عملتوا إيه يا ولاد؟ مراد: كل شيء تمام يا بابا، وأنا موافق، ومنى هي كمان قالت إن هي موافقة. مامت مراد: ألو، أزيك يا منى، عاملة إيه؟ عايزاك تنزلي معايا أشتري لك شوية هدوم عشان الفرح وميك أب وإكسسوار.

منى: شكراً يا ماما، أنا مش عايزة حاجة. مها (أم مراد) : لا يا حبيبتي، أنتِ زي بنتي ولازم أجيب لك كل اللي أنتِ عايزاه، أنا هعدي عليكِ بالعربية وأخدك عشان نجيب لوازم الفرح. منى: إن شاء الله، وأنا هستنى حضرتك. عدت مها على منى وراحوا اختاروا فستان الفرح، وجابت لها هدوم كتير وميك أب وإكسسوار، وجابت لها كل اللي أي بنت تتمناه.

منى كانت زعلانة، كانت بتتمنى إن مراد يكون معاها زي أي بنت بتتمنى إن هي تنقي فستان فرحها هي وعريسها، بس للأسف مراد محقق لهاش أمنيتها. مراد طول الفترة دي كان غامض قوي، ومنى تقبلته من كلام مامته عليه إنه إنسان كويس جداً. بعد كده جه يوم الفرح. كان كل الناس بتبص لها، إزاي بنت في سنها ترضى جوز واحد عاجز؟ وإزاي بنت في جمالها تتجوز واحد سنه 30 سنة وهي لسه صغيرة وجميلة؟ كانت أسئلة كتير الناس كانوا بيتكلموا فيها.

مراد طول الفرح وهو مكشر، وهي كانت فرحانة وكانت نفسها تتكلم معاه من كلام مامته عليه، بس هو ما كانش مديها أي مجال للكلام. الفرح خلص، راحوا البيت، دخلت منى هي ومراد الجناح بتاعهم في الفيلا بتاعة بابا مراد. مراد: غيري أنتِ هنا، وأنا هغير في الحمام. منى: تمام. وبعد كده خرج.

مراد: أنا عايز أتكلم معاكي في موضوع مهم، أنا اتجوزتك عشان تساعديني، يعني مش عارفة، بتساعديني في الأكل، في حاجات ما ينفعش أي حد يساعدني فيها غير مراتي، وأي مقابل مادي أنا مستعد إني أديه لك، بس أنا مش هينفع تقبلي كزوجة، لازم تديني وقت. كلامه كان قاسي جداً على منى، إزاي بنت يوم فرحها تسمع من جوزها الكلام ده. منى أول ما سمعت الكلام، انهارت من العياط وبدأت قلبها يوجع، وبعد كده أغمى عليها.

مراد ما كانش عارف يعمل إيه، مش عارف يشيلها ومش عارف يعمل إيه، اتصل بالدكتور، جه كشف عليها وقالوا إن هي عندها انهيار عصبي. مراد قعد جنبها طول الليل. منى بدأت تفوق. مراد: أنا هنزل أجيب لك الفطار. منى: شكراً، أنا عايزة أتكلم معاك شوية. مراد: اتفضلي.

منى: يا باشمهندس مراد، أنت لو فاكر إن أي حاجة ممكن تشتريها بالفلوس، يبقى أنت غلطان، بالنسبة للدهب اللي أنت جبته لي، هو عندك في الدولاب، وأنا كتبت لك تنازل عن كل شيء، حتى حقوقي، وأنا مش عايزة أعيش معاك، عشان مش كل حاجة ممكن نشتريها بالفلوس. أنا مش سلعة عشان تشتريني، وأنا لو كنت هعيش معاك وهساعدك، هساعدك عشان أنت جوزي، مش عشان الفلوس، تمام.