رواية زينة المراد الفصل الرابع عشر 14 - بقلم مريم محمد

مراد بصدمة وصوت عالٍ من أثر خوفه عليها: زينة زينة فوقي زينننههه اتلمت الناس وجابوا ميه وبرفيوم يفوقوها، وبعد دقايق زينة فاقت. زينة بتعب: هو اللي حصل يا أبيه؟ مراد: فقدتي وعيك يا قلب أبيه، انتي كويسة؟ زينة: آه، تلاقيني بس من كتر العياط فقدت وعيي. مراد: أنا السبب في كل ده. زينة بلهفة وحزن: الحل في إيدك يا أبيه، والله في إيدك. مراد: لا مش في إيدي، لما يبقى الحل غلط يبقى مش في إيدي. زينة بصوت عالٍ وهي واقفة في

النص وكل اللي معدي شايفهم: غلط، غلط، غلط. وجهة نظرك غلط، تفكيرك تفكير طفل صغير يا مراد. أنت شايف كل حاجة السن، مع إن فرق السن مش عاقة، وأنت عامل فرق السن عاقة. مراد: زينة اعقلي، أنتِ اللي تفكيرك قد سنك صغير، شايفه إن طالما بنحب بعض يبقى كل حاجة تولع. زينة ببكاء: مقلتش كده، بس إحنا مشكلتنا مش صعبة وما فيهاش مشكلة يا أبيه. مراد بعصبية وهو ماسكها من دراعها الاتنين: أنا مجرد أبيه، مجرد أبيه يا زينة، أبيه فهمتي؟

زينة بوجع: لا مفهمتش، ابعد عني. مراد بعصبية: مش هبعد يا زينة، ولازم تفوقي من شغل المراهقين ده. زينة بعصبية وبكاء: عشان حبي كبير ليك، عشان حبي محدش يتخيله وعامل زي الهوس وتعلقي بيك يبقى اسمي مراهقة، حرام بجد، أنت السبب إن ده يفضل موجوع. قالت كلامها وهي بتشاور على قلبها. مراد: خلاص يا زينة، نتكلم بعدين، ويلا نمشي. زينة: أمشي أنا مش همشي معاك. مراد بعصبية: يلا يا زينة. زينة: ابعد عني بقييي.

وطلعت تجري على بره، ومراد بيجري وراها وهو متعصب. وكان في عربية معدية وبتزمّر عشان زينة تقف، لكن لا حياة لمن تنادي، وخبطت العربية زينة. مراد بصدمة: زينههههه.