رواية زينة وعيسي الفصل الخامس 5 - بقلم تقي والي

بإبتسامة قال عيسي: بوصولات أمانة وكمان بعقد الجواز! ضربت علي المكتب بغضب وقالت: نعم يا أخويا! عقد جواز إيه دا إن شاء الله، لا يا حبيبي أنا مش بريا"لة علشان أصدق الهبل دا. إنت أخرك في حياتي إبن عمي البارد اللي مش بيطيقني ولا بطيقو وربنا يديم عدم القبول اللي ما بينا. كان عيسي قاعد بيمسح ليها بصدمة، دي طلعت ردا"حة!

قال عيسي ببرود: الورقة اللي مضيتي عليها، دي كانت عقد جوازنا وأنا أخدت إمضتك وحطتها في وصولات أمانة عامله 20 مليون جنيه. دا لو لا سمح الله لعبتي بديلك وطلبتي الطلاق قبل خمس سنين من جوازنا، ساعتها هتدفعي الـ 20 مليون بالضعف كمان! ولو فكرتي وهربتي هقدر أجيبك بإنك مراتي، وبالوصولات. قالت زينة بإحباط: طب مينفعش تعملي تخفيض 50% بما إني بنت عمك وإشحيالله مراتك جديد؟ ضحك غصب عنه وقال: تؤتؤ الضعف.

قالت زينة بغيظ: أنا ورث أبويا مش معدي الـ 15 مليون، أشحتلك الـ 5 التانيين منين؟ قال عيسي بتصحيح: 25 أصل أنا قولت الضعف ولا إيه يا حرمي العزيز! قالت زينة بإنفعال: أنا مستحيل أنام معاك في أوضة واحدة! فكك من جو هتنقلي معايا في أوضتي والكلام دا لإنه مبياكلش معايا. قال عيسي بصلها بقرف: هتقرف أنام معاكي في أوضة واحدة أساساً، يابنتي أنا مش طايق وجودك في البيت هطيق وجودك في أوضتي!

زعلت جداً لإنها مكر"وهه من كل اللي حواليها بذنب ملهاش يد فيه. قالت بهدوء: كدة جواز باطل وأنا مش هسكُت لإنه من غير علمي ومن غير مأذون. قال عيسي ببساطة: اللي يصدقك! دي إمضتك بجد مش تزوير. قالت زينة بإبتسامة: مفيش شهود ف أقدر برضوا أعمل اللي عايزاه. قال عيسي وهو بيحرك كُرسي المكتب يمين وشمال: 500 جنيه أجبلك بدل الشاهد أربعه. سألت زينة بعد ما حاولت تهدي نفسها من العصبيه علشان تاخد منو إجابة: إتجوزتني ليه؟

أو سوري، خلتني مراتك ليه؟ قال عيسي: علشان أنتقم وعلشان أعرف أتعامل معاكي مبقاش إسمي إبن عمك وبس لأ أكون جوزك وليا حق أعمل فيكي اللي نفسي فيه حتي لو دفنـ"ـتك حية محدش هيقولي بتعمل إيه، وكمان علشان أخليكي زي التين الصلصال أشكلك علي مزاجي وبالشكل والشخصية اللي تريحني.

قالت زينة بعصبية: أنا مش هسمحلك تمحي شخصيتي علشان تعيش دور سي السيد، فوق لنفسك كدة لو إنت عيسي علام ف أنا زبنة رضوان، معرفش إيه الفكرة في إن أقول إسمي وإسمك بس هي بتتقال كدة، ولو فكرت تمحيلي شخصيتي مش هسكتلك. قام عيسي

ووقف قصادها وقال ببرود: لأ هقدر وأعمل كُل حاجة كمان، أقدر أحبسك، أقدر أعمل فيكي اللي أنا عايزه، إنتي من أول ساعة دخلتيها البيت أخدتي مني قلم محترم ودا ترحيباً مني ليكي علي وصولك في بيتنا ف تسمعي كلامي زي الشاطرة علشان أنا واحد اللي بيجري في دمو دا دم صعيدي ودم الصعايدة حامي ومبيحبوش يعيدو الكلام مرتين ولا حد يعلي صوته عليهم وبالذات لو حُرمه!

قالت زينة برفعة حاجب: بس بيبقو حد تاني لما يحبو وبالذات مع اللي بيحبوه بتبقي حنية العالم كله فيهم وبيبقو طيبين جداً مش قا"سيين. قال عيسي ببرود: أديكي قولتي اللي بيحب وأنا مش بطيقك أصلاً لإن أنا بكر"هك وبكر"هك جداً ولو مسمعتيش كلامي هحبسك وهرميكي في السجن. قالت زينة: لو إنت فاكر إنك كدة بتهددني ف إنت أه بتهددني وقولي أعملك قهوة غير دي علشان بردت ولا تشربها باردة! قال عيسي بإبتسامة باردة: لأ إعمليلي غيرها.

أخدت الصينيه ومشيت ودموعها نازله وهي بتلـ"ـعن حظها، قررت إنها تبقا مهاوداه كام يوم لإنها متستحملش تقعد يوم واحد في السجن وعيسي ممكن يعملها ويإذيها زي ما بيقول لإنه مش بيطيقها نهائي. بعد إسبوعين خبطت زينة علي باب المكتب بتاع عيسي وأذن ليها بالدخول. دخلت وحطت القهوة علي الترابيزة وقالت: هو مفيش غيري يعملك القهوة دي؟ أحطلك ملح مكان السُكر علشان تبطل تطلبها مني. شرب

عيسي بوق من القهوة وقال: لأ هتعملي دا هتتعاقبي عليه، نسيتي الإسبوع اللي فات لما قا"وحتى ومردتيش تعمليها. بلعت ريقها بصعوبة وإفتكرت لما رفضت تعملها خلاها واقفة ساعتين علي رجل واحدة ووشها في الحيط. قالت زينة بتوتر: هت..هتعوز حاجة تانية؟ قال عيسي بإستفزاز: جهزيلي طقم أروح بيه الحفلة يا حرمي المصون. همست زينة: أراك تتحدث عن صحة أبوك. قال عيسي بإنتبااه: بتقولي حاجة يا زينة؟

قالت زينة: بقول إبن عمي ربنا ياخدو.. قصدي ربنا يخليه، قولي البدلة الكحلي ولا السودة علي دماغك؟ قصدي السودة! قال عيسي بتحذير: غلطة كمان وهعاقبك عقاب أقوي وخليها البدلة الرمادي يا خفيفة. طلعت من المكتب ودخلت الجناح بتاعه وجهزتلو اللبس اللي هيلبسه علي السرير وطلعت ساعة مع البيرفيوم اللي هيحطو والجزمة اللي هيلبسها. بعد ساعتين قالت زينة بزعيق: لأ أنا مستحيل أعمل كدة إنت مش مشلول!

قال عيسي بغضب: زينة صوتك وبعدين دا واجبك وفاضلك تكة معايا بجد. قالت زينة بضيق: لأ مش واجبي إن أساعدك تلبس إنت مش البزازة في بوقك ما ناقص أحميك بالمره دا إيه المرار الطا"فح دا. قرب عيسي منها بعصبية وقال: هتسمعي الكلام. قاطعته زينة: بااااااس الإسطوانة المشر"وخة اللي دايما بتسمعهالي خلاص. راحت ناحية السرير وجابت جاكيت البدلة وراحت علشان تلبسهوله. رجع عيسي لورا بإستفزاز: هتلبسيني الجاكيت من غير ما تقفليلي زراير القميص؟

نفخت بضيق وقالت بهمس: اللهم طولك يا روح. حطت الجاكيت علي كتفها وبدأت تقفلو الزراير وهي باصة في الأرض. كان عيسي متابعها بإستمتاع لإنو بيحب يشوفها مرهقه وتعبانه قصادو بسببه. خلصت ولسه كانت هتطلع مسك إيديها وقربها منه وقال: ما لسه بدري المفروض متطلعيش ألا معايا. بصتله بقرف وقالت: ليه كنت سيادة الرئيس وأنا معرفش وبعدين وسع إيدك دي خليني أنزل. بص عيسي في عيونها بخبث وقرب منها علي أساس إنو هيبو"سها بس فاجأة...