#رواية...انا هي جميع نساؤك.. الفصل الخمسون 50 - بقلم سمو العراق

البارت الثاني والاربعون
رواية...انا هي جميع نساؤك
بقلمي..نور سمو العراق

💔💔💔💔💔💔💔

قد تكون رقعة الألم فيها اكبر مما ضننت ..
وقد تكون طاقتك للصبر علئ عواقبها
اقل مما تتوقع !

.....................................

المنذر كال بثقه...بس ترئ احنه ما قتلنه مجرد شاركنه والقاتل هو العم ابو جاسم وهو اصلا معترف علئ نفسه....

ضابط التحقيق كال...بس انت وعمر محكومين اعداام...والباقي افراج من عده ابو جاسم

فتحنه عيوووونه بصدمه و واحد باوع للثاني كله المنذر...ترئ الحادث الصار ما يستحق الاعدام

الضابط كال...لا يستحق كونك قائد مجموعه كبيره ضد النظام وضارب منظمه عسكريه ومعتدي علئ حقوقها وقاتلين احد اهوة رجال النظام وهو اخ فاروق... وجاي تاجج الامن والاستقرار وتسقيط الدوله الصداميه وتدعي ان هي دووله ضالمه متجبره..

المنذر وكف بصدمه واني تخبلت تهم هاي مو تهمه

المنذر كال بغضب...شلون تصدرون حكم بينه وانتم مماخذين اقوالنه...

ضابط التحقيق..انتم مجرمين هاربين من العداله ومسوين انقلاب عسكري ومع اكثر من شاهد ضدكم وكلهم من كبار المسؤؤلين لذالك اتاخذ بحقكم حكم الاعدام...

اني وكف وكل اعضائي ترجف...يابه هااي مصيبه شنوو اعداام والكلام الي نكال بحقنه باطل وما اله اي صحه

ضابط التحقيق..المنذر محمد صلف ضابط برتبة نقيب يقود انقلاب عسكري مع الضابط عمر ومجموغه من الاهالي ضد النضام الجمهوري...بتبليغ من احد وكلاء الحزب والامن العامه فاروق وتقرير كامل من الرفقاء والضباط....

ودلائل الرمي علئ المنظمه العسكريه وقتل احد اخوان الرفيق الحزبي واحد أعضاء الامن فاروق...

المنذر مسح وجهه بتوتر وكال...اريد اعيين محامي والحكم باطل انتم ما سمعتو اقوالنه احنه ناس عشائر صارت بينه مشكله فاروق دكنه واحنه دكينه وابو جاسم عمي قتل اخ فاروق بسبب الحصول علئ المشاخه وكان سكران راد يقتلنه وابو جاسم ضربه...

ضابط التحقيق...عين مدعي عام ومحامي وان شاء لله خيير...

جريت نفس والمنذر وجهه ما يتفسر وايده علئ خصره مسح وجهه بتوتر واطرافه ترجف...

فعلا هذا احساسنه مو خووف من المووت لا احنه علئ كاهلنه عوائل وبركبتنه نسوان

خووفي من المجهول زاد عن حددده وتوتر المنذر خوفني بزياده

دخل الشرطي ولزم المنذر راد ياخذه

المنذر تعصب ودفع ايده كله...لا تنسوين اني ضابط بالجيش واني جنت اقود الحراميه والمتسولين اني اروح للسجن مو انت تقودني...

مشه كدامي واني وراه واشوف وجهه بي كل معاني الألم والماساة...

واني احساسي فاق الحدوود صعب الانسان يتحدد مصيره وقبره مفتوح ينتظره...

بلعت ريكي وسبحت نفس قوووي دخلنه للسجن يحوي الكثير من القتله والمجرمين وقطاع الطرق...

اخذنه زويه وكعدنه بيها والمنذر جان ملامحه جامده ما تعبر عن اي شئ بس كأنه الهدوء ما بعد العاصفه...

سحبت نفس ولزمت ايده هو باوع علئ ايدي ورجع باوع عليه وكانه يسألني بعيونه

ذبيت حسره وتافئفت كتله...سيدي كول يالله ان شاء لله نطلع

هو هز راسه بعدم رضا و رص علئ اسنانه كال...شنطلع لك هذا نذل مدستر السالفه اذا اخذنه مؤبد بيها الخيير لك اعداام تعرف شنوو اعدام

حطيت ايدي علئ عيوني وجريت نفس كتله...ان شاء لله نخلي محامي ونشوف شيصير...

المنذر وكف علئ،باب السجن وسكتت جان الحزن محاوطه اعرفه حييل يحب الحياة ويحب عائلته وزوجته ...

حطيت ايدي علئ كتفه اواسي واواسي نفسي وتندمنه رجعنه للبغداد....

................................

منارس...

جنت افترن بالبيت مثل اليتيمه الفاكده امها وابوها ...

نذري طلع من الصبح ولحد هسه ما اجه كلبي نار علي اني انتحب فراگه بين ايامي وانعي غيابه المباغت لشخصي

اموت الف مره واصرخ بداخلي نفسي واكتب صرخاتي والله گلبي تلاشه وبعد ما اكدر اصمد اكثر...

هاي المشكله مثل الوباء الخبيث مااكدر استئصله يا اما نموت يا امه يمرضنه...

احس روحي راح ابجي علئ مشهد نصلي بي صلاة الموته علئ ضريح احلامي التايهه...ياربي يعني القدر راح يدميني

ياربي اني،وجهالي فدووه اله لا تختبر صبري،بالمنذر تعرفه هو كل ناسي وحبي اله فاق الحدود لا تكسرني بالفراك الأبدي....

اني مو نفسي منارس انكسر بداخلي الشغف وراحت ضحكتي،صرت كئيبه وحتئ جهالي،ممتحملتهم...

روحي متعلقه بالمنذر وكاني خلقت اله اي اني،نخلقت من ضلعه و واكفه بصفه ياربي احرسه بعينك الذي لا تنام...

اباوع الغرام ومؤمل يلعبوون ويركضون جريت نفس ابوهم كال ...اسعدهم وغرام اريدها محاميه ومؤمل اريده ضابط

رفعت اديه بالدعاء...يارب احفظ ابوهم ورجعه سالم يا منجي يونس من بطن الحووت نجي نذري....

رحت شلت غرام اغسللها وصخت نفسها وما اشوفن اله الباب تعطر تعطر ...

خفت حيييييل نزلتها وركضت فتح الباب دخلت نيران و عمتها وهنه يلطمن...

دخلن جووه وانه لزمت كلبي،بيدي ما تطمنت عبن شكلهن موش خييير...

اجت عمتي وجدتي يركضن واني اجيت ملهوووفه ودمعه تلمع بعيني احس بطني انخبطت ورجليه صارن خيوط ومااكدر حتئ اسأل شنهي الصار....

عمتي لزمتها كلتلها بخووف...شنوو شنوو الصار شكوو احجي المنذر شبي...

ام عمر لطمت وجهها وتصرخ كالت...عمر والمنذر محكومين اعداام...

هي كالت اعدام وهي عمتي وجدتي تخبلن الصريخ واللطم واني صرخت ورجعت ليوره وانه مووش مصدكه

منارس بصراخ....ياله يااااااله جذب نذري مووش اعدام

وكعت علئ الكاع واصرخ شعري ملخته تملخ وجهي شوهتته بالضرب قلبي يخفق بقووه احسه راح يطلع من مكانه....

ضربت علئ وجهي حييل وانه اصررخ...يممه نذري من عمري علئ عمرك يمممه والله اموتن والله اموووتن ماا اريدن منذر ...منذر مووش هيج اتفقنه

هنه تخبلن امي ركضت عليه لزمتني شعري كومته بالكاع كالت علي كيفج يمه موش هيج جاوبته بحرگه وقهر وفجيعه... ما استوعب المنذر يموت ويندفن وانه اضلن عايشه ياله احرررك روحي والله احرك روووحي ارريده يممه احبنه

حضنتني الصدرها كالت...ياله يممه ما يمووت علئ كيفج

حسيت راح يغمه عليه دموعي مطرر متوكع دمعه ودمعتين لا دمووع جنهن يتسابقن كل وحده تريد تسرع بحزنها عليه...

هنه من شافن انهياري خطيه كعدن يمي وضلن يواسني،بس هيهات انه موش مثل كل مره انه عاشكه واموتن بترابه...

ما كدرن يهدني ردت اروحن اله للسجن واتوسل باليسوه والما يسوه بلكت ينكسر خاطرهم عليه

بس جدتي ما رضت و كالت ...يطلعون لا تخافين انه بيدي اسلم ابو جاسم وبعدين شنهي يحكمونهم اعدام الاعدام باطل موش بحقهم...

نيران مسحت دموعها كالت...متهمنهم بقيادة انقلاب عسكري ضد الحكم الجمهوري....

من كالت هييج هبطتني بالزايد مستحيل اشوفن المنذر يموت واسكت...

كله من وره النذل فاروق و وثاب العار والله اذا نذري انعدم اعدم الخلفهم هل عارات المصخمين...

جدتي كالت...باجر اروحن للعماره واكلن لابو جاسم واخلي الولد الما مسجله دعوه ضدهم يرجعون

رحت الغرفتي طلعت دشداشة المنذر وانه انحب واشم بيها حضنتها ونمت وانه اشكي للمنذر واحجي ويه دشداشتة وجانه موجد

كتلها ببكاء...نذري يتمتني موش انه منارك الكلت ما افاركج شنهي شوو فاركتني انه منارك ينذري فدوة يربي رجعه اليه احبببنه والله احببنه....

ما اهتميت الجهالي ولا النفسي المنذر غزاني وغزه كل ايامي ما اعتبره يوم اذا ما يمر عليه...

عشت ماساة بغيابه وادعي ربي يرجعلي...

جنه داخل دووله قاسيه كلشي ولا تتهدد بالحكم تبطش اذا حست اكوو واحد يزعزع نظام الحكم..

المنذر مضلوم يربي وانت تعرف كلش زين هاي لعبه من وثاب وفاروق يا ربي لا تنساه المنذر امانه لا تنساه اوكف وياه...

عبن هوو ابووي وامي وكل ناسي...انه يتيمته ...ومالي احد غيييره والله هو النفس الاتنفسه لا تحرمني منه ولا تختبر صبري بنذري فدوه اروحلك يربي...

وجان هذا دعائي الربي وتوسلي بكل ليلة مرت عليه بدون المنذر....

.........................

مؤيد

جدتي اجت للمكان الاحنه بي وكالت المنذر وعمر انحكمو اعدام تخبلنه صارت ضجه بيناتنه

وكلها هجمت علئ ابو جاسم وصارت طكه وطيح

بعدها جدتي كالت...لا ترجعون ضلوو وان شاء لله نخلي محامي لمنذر...

بس جاسم لازم يرجع لان ماكوو اي دعوه بحقه وما معروف شنو السبب مع العلم هو جان ويانه

وعمي ابو هو القاتل شنو السبب ما تتسجل دعوه ضده ضلينه بحيره من امرنه

وجدتي طلبت نغير مكانه اني ردت ارجع ويه جدتي بس هي مقبلت وكالت ضل هسه ما نريد نكبر المشاكل واخاف نكون بواحد نصير بثنين ما نريد نفقدكم كلكم...

بس اني مااكدر هذا اخووي وسندي بالحياة شلون اخلي بهل محنه الوحده...

لكل اصر انو اضل وكالوو اخذ عبره من المنذر كلناله لا تروح وراح وهاي نتائجها...

تنهدت وكعدت وجاسم رجع ويه جدتي...

وبعد مااعرف شنو الصار بيهم بس ودعناهم وجنه منتظرين منهم خبر مفرح يطمنه عن عمر والمنذر

.................................

رجعت جدتي وجاسم محد تعرض الجاسم اببد وكان هو مو وياهم هو محد مسجل دعوه ضده مع العلم بالبدايه طلعت شائعات ان هو اكو دعوه ضده

مر اسبوع وما نعرف عن المنذر شئ بس جدتي راحت اله كالت دخلوني اله وزين بس هو محكوم اعدام ويريد محامي شاطر...

وجاي يعيدون اقواله...

بس جدتي كالت ...فاروق هو المشتكي عليهم وهو يكدر يطلعهم ويطعن بالحكم بس هذا نذل ما يطلعهم

انه من سمعت هييج قررت اساعد نذري واسوي كل شئ يطلع بيدي ولا اشوفنه هيج يموت ويروح من ايدي

بدلت بسرعه....

شلت طفلتي ولبست حجابي وعباتي وطلعت

روحي هايمه وصار اسبوع عيني ما شافت النوم

والدموع تنزل بغزاره...

انه خسرت نذري لا مااصدك وروح غرومه ابوسن الرجلين بس يرجع الي....

احسن روحي معطوبه والالم ياكل بصدري

بعده عني سرطان ينهش بعضمي

باوعت لبنتي وطفلي الثاني الي ما ولدته اني لا ربيته مؤمل ابن روحي...

بس اعز من روحي

حضنت البنيه بستها بخدها

مرة عمي صاحت عليه كالت...وين منارس

باوعت عليها باسئ وروح ذايبه همست بنحيب ...رايحه ابوسن الرجلين بس يرجع نذري

هي حطت ايدها علئ راسها وبجت

شفت جاسم واكف بالباب

باوع عليه كال...هااا منارس وين رايحه خوويه

جريت حسره كطعت انياط كلبي جاوبته...خويه بعد اختك وديني البيت وثاب

هو عقد حواجبه كال...خلي يولي هل عار لا ترحيله هل نكس ومنذر يرجع وعيونه تشوف

بلعت حسرتي وجاوبته...خوويه النار تاكل بكلبي عبن هذا ابو وليداتي احبببنه

واحسنه بخطر خوويه انت ما تعرف الصار جمره تاكل

هزيت راسي ممصدكه الصار مستحيل مستحييل

هيج المنذر يضيع هييج يلتفون عليه

كال...خوويه طبي جوه احنه نحلها

توسلته ببكاء...فدوه اروحلك بعد اخيتك خليني اروحن

هو خطيه فتح باب السياره وركبت بسرعه ساق البيت وثاب

واخذت الطريق كله ابجي واطفالي تبجي وياي...

همست...وين اهل العگل ركابة الخييل

وينك يصلف من بعدك ضعنه ولزمتنه الغمان...

انت الوحيد التكدر تسحل هل عار من عكاله...

وصلنه للبيت

نزلت من السياره باوعت علئ جاسم كتله...خوويه جاسم ضل هنا انه هسه اجي...

هو اصر يدخل وياي بس انه ما رضيت وخليت ودكيت الباب وحدي...

فتحتلي الباب مرة وثاب

لابسه ثوب اسود ومنگبه ...

بلعت ريكي كلتلها ....وثاب موجود

كالت بتجبر...فووتي

دخلت شفتهن كلهن لابسات اسوود يخوفن

من شافني هجمن عليه بذاك الغلط والمسبه والفشار ويصيحن ...والله ثار اسعد انطلعه من عيونكم وحتئ الاعدام ما يشفي غليلنا

المنذر ..الكوا.. وابو جاسم السافل هيج يسووي بينه ويكتل اسعد لا والله ماتضلون

شكد حقيرات والله جانن يدعن عليه قبل لا يموت يكولن جابلنه العار وبس يشرب واحنه شيوخ وهو دمرنه...

هسه صار عزيز من مات بيهن خيير خلي يدعله ربي يغفرله يصلن اله ويطلبن التوبه مو كاعدات يغلطن ويفشرن

اجه فاروق وكف بجبروت كلهن...اششش التفك حلكها اشك حلكها

باوع عليه كال فوتي الشيخ بديوانه

رجفن رجليه وحضنت طفلتي ولزمت مؤمل بيدي حييل وعصرت ايده كان استنجد بي

دخلت برعب شفته كاعد بااريحيه

والدله والفنجان كدامه ولحيته عاليه وسبحته يفر بيها

من شافني رفع راسه وركز بنظره عليه و رسم ابتسامه خبيثه علئ شفايفه القبيحه

مسحت دمعتي كتله بتوسل...ابوسن ايدك ترئ انه مالي ذن ليش تاخذون رجلي مني شنهي ذنبه ينحكم اعدام وهو اصلا ما مسوي انقلاب عسكري ليش تجذبون

هو رفع حاجبه وضحك بااستهزاء...وهسه وشتردين

جاوبته بحزن ودموع....نذري

هو ضل يمسح علئ لحيته وانظاره تخترقني بفساد كال...اقري عليه الفاتحه

صرخت بجزع...ياله يووومك قبل يووومه والله والله اهجم العراق عليكم والله انتقم منكم والله اذا المنذر انعدم اهجم البيت فوگ راسك

نذري يرجع يعني يرجع...

هو ضحك بخبث...اوووف لبوووه فدووه الحلكج شكد احب حجيج

جريت نفس وابجي حييل بس دموعي ما اثرت لا بفاروق ولا بوثاب....

رجع كال...دموعج غاليه منورتي ميخالف التردينه يجرالج حتئ تعرفين معزتج عندي

فرحت ضحكت بفرح ودموعي بعيني ممصدكه يعني راح يرجع نذري

جاوبته...ابوسن ايدك اصيرن خدامه فدوه اروحلك والله المنذر موش حاقد حتئ هو ما يدري بالسالفه هو موش حاقد...ليش تفرون السالفه عليه

هز راسه باسئ وكمل...اي بس عندي شرط واحد لا غير

صفنت عليه وعقدت حواجبي سالته..شنهي الشرط

ابتسم بخبث وكال...تطلكين قبل كلشي وتنطينه جهاله اعقد عليج واتزوجج وبعدها المنذر بأمان....

وغير هل كلام اعتبري المنذر بعداد الاموات والله واني وثاب مستحيل اتراجع واتنازل عن كلامي

الي احجي يتنفذ بالحرف الواحد ولا تخليني اهجمكم هحم

جانت كلماتها سهام تخترق صمامات كلبي والحيره زادت عندي الف...

يا اما اموت يا اما امووت وماكو حل وسط

ونلف حبل مشنقه علئ نحري وذبحني وثاب....

غمضت عيووني بقهر الكلب السافل مستحييل والله امووت ولا يلمسني...

بلعت ريكي وجاوبته...شكد نذل وشكد شايفه انذال مثلك ما شفت حرامات تنعد من عداد الشيوخ ياله الشيوخ بريه منك جدي صلف جان شيخ يشرفك ويشرف امثالك عمره ما خله عينه علئ حرمة غييره..

انه لا احببنك ولا اقبل تتقرب مني وما راح تلكه انثئ تحبك وتسر خاطرك لانك حقييير والكلب اوفئ منك

شفت صلف مات تفرعنت يا صبي صلف ...

جنت عند صلف مطيح حضك ولاف عكالك بركبتك واذا فتحت حلك يترسه تبن...

هو ضحك بصوت عالي كال لفاروق...ودكلي ليش تحبها دباوع لشفايفها ينكرطن وكلامها مثل السهام بس عندي مثل العسل...

فاروق باوع عليه وابتسم بخبث ورجع باوع عليه

همست بحزن ...ترضاها ينذري ادشن للدواوين ومخليني واكفه ويتمضحكون عليه

ياله يالحييد ما ترضاها اعرفنك بس غاب القط العب يا فار

راح الاسد وجلاب ضلت تنبح...

تقرب مني وكال...احنه جلاب يمنارس مقبول منج كلشي وهسه فاروق يروح ويسويلج جلسه وتطلبين الطلاگ

دكليله انت لو اعدام لو مؤبد وانه بعدني صغيره وشابه ولازم اشوفن حياتي قابل اضلن منتظرتك..

همست برعب ونحيب...مااكدر احبببه

ضحك بهدوء وفر سبحته كال...انسيجياه لا تخافين

تقرب اكثر مني ومؤمل من شافني ابجي صارت عنده ردت فعل طفوليه طاح بيه وضربه علئ رجله...

هو باوع المؤمل وخزره مؤمل سواله..بفف عليك

ابتسمت رغم حزني وغزر الربه بامولي يتفل ويضرب عدوووي...

سحبت مؤمل وابتعدت هوواي منه

باوع الفاروق بامر وكله...اخذها للسجن خليها تطلب الطلاق...

غمضت عيوني وبجيت وجريت نفس

هو طلع واني طلعت وراه جاسم شافنه وتخبل راد يتعارك وياه لزمته كتله...عووفه رايحه اشوف المنذر تعال وياي...

خطيه جاسم أخذني بسيارته وفاروق كدامنه جنت اشهك وابجي بصوت مسموع ومؤمل وغرام مبرطمين ويبجون وياي...

وجاسم يسالني شنهي الصار مجاوبته....

وصلنه للسجن وفاروق بحسب علاقاته دخلني للمنذر

دخلت بغرفه وانه ناويه اطلب الطلاق وجنت منتظرته...روحي ذابت وهااامت

اتذكر سوالفي ويه المنذر وتذكرت موقف بجيت وضحكت بنفس الوقت....

دخل المنذر وهو ملهووف من شافني ركض عليه وانه رحت بهمه وسرعه حضنته وابجي وابوسن برگبته وبصدره...

ولزمت ايده بستها اريدن انعش روحي بوجوده واحسن بي

وهو خطيه حضني ويبوس بيه عبالك طفل والكه امه الفاقدها من سنين...

حظن وجهي بكفوف اديه وابتسم كال...شلونج

غمضت عيوني باسئ وهمست ...طلگني

نهاية البارت...يتبع

كونوا انتم كونوا بخير...احبكم

نور سمو العراق...💔

لا تنسوو التصويت والمشاركه...

https://www.youtube.com/watch?v=YZvz5fymUeg

تصميم وئام الشيخلي