رواية _حافيه_القدمين💋 الفصل الرابع عشر 14 - بقلم زهورا

ام فضة،،،عزة العزاني هاي جايبين الشيخ وياهم يمة بنيتي اوف على كلبج شراح يصير بحالج الليلة
زهراء،،  من رحبوا بيهم وكعدوا واذا بالصاعقة غزوان كاعد بالصدر بوجهي والناس داير ميدورة كمت ارجف ودمعي يصب صدك جذب حبيب روحي وعمري من بعد هالسنين اشوفة كدام عيني مانزلت عيني ولا كدرت حتى ارمش جنت اخاف برمشة عيني مااشبع منة شوف جان متغير كلش كبران وصاير طول بعرض ولابس دشداشة زيتوني وشماغ لافة على راسة بدون عكال كمت اشهك بالبجي واخلي ايدي على حلكي من فوك الغواشي وابجي بخنيك
ام فضة كامت تدفر بية حتى اكوم ومجنت اقبل اكوم جان كاعد متربع وسبحان الله القساوة واضحة حتى على معالم وجهة البريئة بس مجنت خايفة منة بعكس احساسي من شفت زيد جانن اليركصن يشمرن بنفسهن عليه وينزلن بشعرهن على وجهة جان يدنك بخجل جنت اباوعلة بحسرة وقهر وكل مايمر الوكت ازيد واشهك بالبجي فجأة توقفت الموسيقى وظهر صوت بجي واضح باوعلي هو والموجودين بأستغراب وصارت ام فضة كبالي حتى داريني عن عيونة
غزوان،،،من دخلنا وكعدنا وجانت اكو مرة جبيرة بالعمر وراها كاعدة بنت طول الكعدة يباوعولي اثنينهم و البنت مارفعت عينها عني وكان واضح انها تبجي
زهراء،،،ضيفوا مشروب وماشربة خلاه كدامة همست لام فضة يمة ابوس ايدج لتخلوه يشرب يمة ابوس ايدج شيلي المشروب عنة هو ميشرب
ام فضة،،،زهراء راح تفضحين نفسج كومي منا صحت بيها
زهراء ،،،كمت واني مخنوكة بالبجي
غزوان،،،كامت حتى تطلع البنت وصارت عيني على رجلها الي جانت ظاهرة من الفتحات هاي شنو شامة !!! هاي وين شايفها
كام راسي يوجعني واختلطت علية الامور كمت اشرب كاس ورة كاس وممتقبل الافكار الي دتجيني ردت اجذب عيوني ومااصدك الي شفتة لان مستحيل
زهراء،،،رحت لخيمتي واني ابجي وانحب كمت اباوع منها وانتظرة شوكت يطلع وتندمت لان طلعت وماشبعت منة شوف وجنت متأكدة لو اظل وياه لصبح مستحيل راح يعرفني

ليث،،،اني وفيصل مصدومين بالشيخ اول مرة يشرب وبدء يشرب بكثرة خفنة ليصير بي شي وكلنة خلي نطلع كافي لايصير تصوير او فد شي وينفضح وهو بهل حال لان بدء يحجي كلام ممفهوم ويصرخ جيبوها بس مجنة نفتم منو هية
غزوان،،،شربت وبعد مااحس بالي حولية وكانت عيوني تغوش وبعد مااركز كدامي
فيصل ،،،سندناه وطلعنة اخذت مفاتيح السيارة من جيوبة وكعدناه بالمقعد الخلفي ووديناه لبيت ليث وكان شبه فاقد
زهراء،،،جنت واكفة اراقب الخيمة الي هو بيها وانتظر شوكت يطلع واملي عيوني شوف بي طلعوه اصدقائة وهمة سانديه وهو صاير خردة بجيت عليه جان منظرة مؤسف اجتي ام فضة وهية معصبة عليه
هاي شسويتي زهراء جنتي راح تفضحين نفسج وتقربين منيتج
زهراء،،،يمة اني متت من زمان مو اليوم او البارحة
ام فضة،،،بعد متطلعين ولا تحضرين السهرات الى ان يكطع رجلة منا وميهوب علينة بعد ولو ماضنتي راح يتركنا بحالنا بعد
غزوان،،،كعدت الصبح وجان راسي ثكيل يوجعني راد ينفجر وريحتي مو طيبة
ليث ،،،صباح الخير شيخنا
غزوان ،،،صباح النور اني شنو جابني هنا
ليث ،،،والله ياشيخ اني وفيصل جبناك هنا ماكدرنا نوديك المضيف وانت بهل حال ثقلت بالشرب وانت اول مرة تشرب وفقدت جبتك يمي حتى ترتاح وتصحصح
غزوان،،،زين سويتوا اريد اسبح
ليث ،،،اي صار شيخ هسة نحضرلك الحمام بين ميجهز الريوك
غزوان ،،،دخلت اسبح وجان كل جسمي منحول ومكسر وماالي قابلية حتى امشي شوس صحصحت من طلعت وتريكنا وطلعنة للمضيف ماغابت عن بالي البنت الي شفتها هناك وظليت يومي كلة بس اصفن بيها وكل الحقد الي بداخلي بدء يتلاشى وكللبي رجع يدك الها وعقلي يفكر بيها شلون غزوان هالكد انت ضعيف كدام قلبك مرت من كدامك وبعدك ممتأكد هية او لا وارتخيت شلون لوصارت كبال عينك شحالك لو صارت عيونها بعيونك وثارك والشيخ الي مات من قهرة وحسرتة بيها وشرفك الي داست عليه
دخل فيصل علية للمكتب وقطع علية صفنتي وضيع عليه سلسلة افكاري جان كل ميسألني بشي مااعرف شنو اجاوب وتفكيري مو يمة
فيصل،،،الشرب اثر عليك وانت ثقلت بعد لتشرب احنة رحنة ننسة همومنا ونغير جو وانت ضغطت على نفسك وكلفتها اكثر من طاقتها
غزوان،،،فيصل شنو تعرف عن ذني الغجر
فيصل،،،مااعرف عنهم شي لان انت كلتها غجر كل فترة بمكان رحالين وين ميسترزقون يلزكون واهنا عربنا ماشايفة وخوش صارت عليهن رجل فبقن هنا صارلهم سنين
غزوان،،،والبنات الي وياهم كلهن غجر
فيصل،،،مااعرف بس مااتصور كلهن غجر لان شفت انت اغلبهن مغطين وجوهن اكيد حتى لا احد يتعرف عليهن
غزوان،،،جنت اسمع كلام فيصل واعصر القلم بأيدي
بالليل اتأكدت من فيصل وليث ماراح يخطون هناك لان نطيتهم شغل يشتغلوه
خليت المسدس بحزام كتفي وطلعت خنجر الشيخ وخليتة بحزام الخصر