روايه نسختي الأخرى الفصل الثاني 2 - بقلم حبيبه سامح

فتحت لينار عينيها بتعب لتضع يديها أمامها بسبب ضوء للشمس الساطع

نظرت لينار بصدمه عندما رأت أنهم في مكان يوجد به زرع و جبال و أشجار بألوان مختلفه منها الازرق و الاحمر و البنفسجي بألوان متنوعه

و يوجد ايضا شلالات بمياه زرقاء تلمع بسبب ضوء الشمس عليها

ليلفت انتباهها مبنى كبير يبدوا مثل المدرسه

لتنظر لينار بجانبها لتجد نور قد استيقظت

نور بتعب : احنا فين ؟

نظرت لينار بدهشه للذي تراه لتقول

لينار بدون وعي : في الجنه

نور : جنه ايه ده انا بأعمالي دي هدخل النار و

كانت نور سوف تكمل حديثها لكن انصدمت عندما رأت جميع تلك الأشياء التي رأتها لينار

نور بدهشه : ايه ايه ده ؟

اتت لهم فتاه وهي تبتسم لهم

الجنية بابتسامه : اهلا و سهلا بيكم أنا جنية الاستقبال

نظرت نور باستغراب للينار لتقول

نور : مش اسمها سكرتيره الاستقبال أنا أول مره اسمع جنية لحظه واحده !! جنية ؟!! دي دي عندها جناحات فعلا ؟

لتقوم الجنية بالضحك

الجنية : ايوه جنية و جايه عشان اعرفكم على كل حاجه هنا في عالمنا تعالو

لتقوم الجنية بأعطاء يديها لهم ليمسكوا يديها بتوتر و فجاه

قامت الجنية بالطيران لتصرخ لينار و نور معنى

نور بخوف : يا نهار اسوح يا نهار اسوح دي جنية بجد

لينار : بس بس الجنيات مش موجوده ازاي ؟

نور بصوت عالي : و ادينا عرفنا أنهم موجودين بطريقه نيله انتي يا انثى الجن براحه شويه

كانت الجنية تقوم بالطيران و تقوم بتعريفهم على كل مكان في العالم

الجنيه بابتسامه : و ده بقى سوق س للناس الغنيه فيها كل حاجه بس بإسعار غاليه جدا و بالنسبه لهنا

وقفت الجنيه عن الطياران وهي في المساء و مازالت ممسكه بلينار و بنور لتقول

الجنية بتوتر : دي المنطقه المحذوره اوعوا تدخلوا عندها

نور بسخريه : ما هي ناقصه ندخل عشان نروح لعالم تالت زي المره الي فاتت

لينار بفضول : ليه فيها ايه ؟

الجنية : فيها وحوش متوحشه و مخلوقات مؤذيه هناك

نظرت لينار لها بهدوء لتقول

لينار : ليه هما موجودين هناك ؟

نور بزعيق : لينااااار و الله ما ناقصه الواحد يتسحب السحبه دي تاني ده انا جسمي اتكسر بسبب السحبه دي

نظرت لينار لها لتقوم بهز رأسها

الجنية بابتسامه : و اخر حاجه و الاهم

قامت الجنية بتغيير طريقها لتطير بتجاه أخرى يوجد به أشجار بنفسجيه جميله و الأنهار تلمع و هم يسمعوا تغريد الطيور

لتقف الجنية أمام مدرسه كبيره بالون الذهبي و الابيض تلك المدرسه تبدو على شكل دائره و في وسط تلك الدائره زرع و أشجار جميله بالون الزهري و البنفسجي و الاصفر و الازرق

لتنزل الجنية على الأرض أمام سور المدرسه

الجنية : يااا حارس افتح الباب في ضيوف عندنا جم

ليقوم الباب بالانفتاح لتنظر لينار و نور لبعض بخوف

الجنية بابتسامه : متقلقوش انتوا عليكم بس انكم تروحوا للحكيمه و هي هتقولكم هتعملوا ايه

نور باستغراب : الحكيمه ؟

لينار : و هنلاقيها فين

الجنية : في مكتبها

لتطير الجنية و تذهب بعيدا و تم غلق الباب عليهم

نور بسخريه : ياااا سلام ساعدتنا اوي و انا ايش عرفني ام مكتبها فين

لينار بابتسامه : متقلقيش هنلاقيها أن شاء الله

نور : نفسي اخد ربع التفائل و الهدوء الي عندك ده يا لينار

لينار بضحك : الثقه في ربنا بتعمل المستحيل

نور بابتسامه : عندك حق يلا بينا

دخلوا المدرسه و كان يوجد بعض الطلاب الذين هم في نفس عمرهم و هناك من اصغر و اكبر منهم

ليذهبوا لفتاه تقف مع أصدقائها

نور : احم احم

ألتفت لهم الفتاه بابتسامه

الفتاه : اهلا انتوا جداد ؟ اول مره اشوفكم ؟

نور : اه احنا جداد هنا و مش عارفين حاجه بصراحه

الفتاه : اسمي نيره

لينار بصدمه : اسمك نيله ؟

لتضع نور يديها على فم لينار وهي تضحك بزيف

نور : معلش اصل اختي مش بتسمع و عقلها على قده شويه

نيره بابتسامه : لا ولا يهمك انتوا محتاجين حاجه ؟

لتبعد لينار يد نور عن فمها بعصبيه لطيفه و قالت

لينار : اه كنا بندور على الحكيمه

نيره : اه تعالو معايا هوصلكم ليها

لتذهب نيره و خلفها لينار و نور

كانوا يطلعون على سلالم مصنوعه من الورد و يوجد ورود ورديه صغيره على حروف السلالم

وقفت نيره لتقوم بالطرق على الباب لتسمع الاذن بالدخول

نظرت لهم نيره بابتسامه لتقول

نيره : اتفضلوا لو محتاجين اي حاجه تبقى تيجوا ليا أنا تحت في جنينه أرت الي هي الجنينه الي قابلنا بعض فيها

لتقوم لينار بهز رأسها لها لتذهب نيره بعيدا لينظروا لبعضهم البعض ثم يدخلون

ليجدوا مكتب كبير و ضخم ليدخلوا للداخل من ثم وجدوا امرأه عجوز قليلا و هي تجلس على مقعد المكتب و بيديها أوراق

لترفع نظرها لهم لتقول بابتسامه

الحكيمه بابتسامه : شرفتونا و نورتونا

لينار : شكرا لحضرتك

لتقف الحكيمه و تذهب لهم ثم وقف أمامهم

الحكيمه : طبعا انتوا عايزين تعرفوا كل حاجه عن المدرسه ؟

لينار : بصراحه حضرتك احنا منعرفش وصلنا ازاي لهنا ؟ و كمان مش عارفين ازاي نرجع

الحكيمه : مش انتوا دخلتوا الغابه الملعونه ؟

نور بصدمه : هو حضرتك تعرفيها ؟

الحكيمه : طبعا دي هي الي بتوصلكم لهنا هي صحيح مش ملعونه بس الناس سمتها كده عشان الناس لما بتروحها بتختفي بس الحقيقه هي مش بتختفي هي بتيجي هنا في المدرسه مدرسه الانعكاس

لينار باستغراب : الانعكاس ؟

الحكيمه بابتسامه : اه

نور : طيب حضرتك شكرا جدا بس احنا عايزين نروح بيتنا و نخرج من العالم الي احنا فيه ده

الحكيمه : مفيش خروج

لينار و نور بصدمه : ايههههه

الحكيمه : مدرسه الانعكاس من اول ما الواحد بيدخلها بيكون اجباري أنه يدرس فيها

لينار : بس بس ازاي

الحكيمه بمقاطعه : كل حاجه عن المدرسه هتعرفوها في يوم الترحيب بالجداد والي منهم انتوا

نور بصدمه : معناه أن في ناس جديده جت هنا كمان ؟

الحكيمه : اه عشان اي حد بيدخل الغابه الملعونه بيجي هنا في مدرسه الانعكاس بس الاهم دلوقتي انكم تروحوا لاجوازتكم

لينار بصدمه : احنا مش متجوزين أزواج ايه الي بتتكلمي عنها ؟

لتقوم الحكيمه بالنظر للاسفل ثم لهم لتقول

الحكيمه : لا انتوا هنا متجوزين و الي هي نسختكم

يتبع٠

روايه نسختي الأخرى

للكاتبه حبيبه سامح

التصويت مهم 🙂