رواية والله احبك يشهد الله علي الفصل الثامن 8 - بقلم iirad5

الــــــــــبــــــــــارت الــــــــــحــــــــــادي عــــــــــشــــــــــر

************************************************** ********************

بعد مانقلو الأغراض للشقه رجعوا للمستشفى وكانو عيال عمامهم موجودين سلمن على الكل وطلعو الشباب مع عبدالله بالكراسي الخارجيه عشان يعطون الحريم حريه وراحه......

أم خالد : يابنات شلونكن
البنات : بخير
شهد : إلا شخبار الأبره نجود
نجود(جسمها يرتعش) : وووووووجع لا تذكريني
الكل : هههههههههههههههههههههههههههههههههههههههه
بشاير : لهذي الدرجه تخافين وأنتي بهذا العمر
نجود : علامكم علي ليه الأبر ماتخوف
رنا : أنا قالي زياد أمس عن أول يوم ما صدقته أيش سوت وأمس شفت بعيني كثير خوافه
زهره : نجد نجد
نجد : هلا يمه
زهره : تعالي يمه خذي القهوه والفناجين لعبدالله يقهوي العيال
نجد : يمهم ما طلبوها
زهره : أخلصي يم لسانين
نجد : أن شاء الله
أخذت القهوه وطلعت للشباب.....
نجد : السلام عليكم
الشباب : وعليكم السلام
نجد : عبدالله خذ تقول أمي قهوه ربعك
عبدالله : مشكوره يالغاليه
نجد دارت بترجع حست بنظرات تتابعها بس ماأهتمت ....
عبدالله : نجد
نجد : هلا
مشعل(في نفسه) : قلبه بدى يدق ويدق هذي نجد وآآآآآآآه من نجد ياحلوك
عبدالله : مافي حلى قهوه
نجد : أفاااااااا من عيوني هات فلوس وأنزل وأشتريلك من السوبر ماركت حلى
عبدالله : يانحيسه ماابي روحي
الكل : هههههههههههههههههههههههههههههههههههه

************************************************

في مكان آخر وبنفس الوقت ............

تهاني : مانخلص من زهره وبناتها
عبدالوهاب : علامك مهبوله منتي صاحيه
تهاني : وليه ماتبيني أكون مهبوله وأنت كل شوي رايح لها
عبدالوهاب : رايح لبنتي مو لها فاهمه
تهاني : حنيت لها تبي ترجع البرنسيسه
عبدالوهاب(في نفسه) : ليتها ترضى ترجع لي بس آآآآآخ
تهاني(بعصبيه) : رد علي
عبدالوهاب : أطلع أحسن لي من جنونك
وجدان(نازله) : بابا خذي معك
تهاني : وين رايحه
وجدان : بزور نجود مع بابا
تهاني : لا والله ماأخلص من أبوك تجين أنتي
عبدالوهاب : هذي أختها تعالي وجدان معي
تهاني : ياويلك أذا رحتي
وجدان : أنا بروح مع بابا
طلعت وجدان مع أبوها وأمها تغلي وتتوعد فيها وفي أبوها
عبدالوهاب : عفيه بنتي
وجدان : أنا عارفه زعلت ماما بس أنا حبيت خاله زهره كثير
عبدالوهاب : هن طيبات ياليت هيام جت معنا بعد
وجدان : هيام رايحه مع خاله طيف
عبدالوهاب : صراحه ماأحب طيف
وجدان : طيف طيبه بس ماأعرف ليه تغيرت
عبدالوهاب : كنت أحسبها بنت من بناتي مثلكن ماأفرق بينكن بس فجأه تغيرت من 5سنوات تحولت من طيف الناعمه لطيف كلها خبث وعدم مراعاه لشئ
وجدان(حبت تغير السالفه) : بابا ممكن آخذ ورد لنجود
عبدالوهاب : أوكيه نوصل نزلي وخذي ورد لها
وجدان : شكرا

********************************************

في أحدى الفلل ...........

هيام (طلعت للحديقه) : أفففففف قرف
طيف : هيوم ليه طلعتي الحفله واااااااااو
هيام(بعصبيه) : ماتشوفين المقرف محمود ونظراته كلها قرف قرف
طيف(تغمز لها) : الظاهر طاح ولا حد سمى عليه
هيام : شنو أنتي مو صاحيه
طيف : هيام علامك الرجال معجب لا تقعدين تعاملينه بهذا الاسلوب كوني كووووووول
هيام (عصبت) : أنتي مو صاحيه مو صاحيه أنا بنت أختك كيف تقولين لي كذا
طيف(حست ان هيام ممكن تخرب عليها خططها) : أم سوري مو قصدي خلا ص حبيبتي تحبين نمشي من هنا
هيام : يكون أحسن بجيب عباتي ونطلع
طيف : خلاص على راحتك ببلغ أسماء ونطلع ولا تزعلين
هيام(تبتسم بحسن نيه) : أوكيه
طيف (دخلت) : أسوم سوري مضطره نروح
أسماء : لا طيوف والحفله ترى على شرفكم
طيف : سوري هيام مصدع راسها وعصبيه شوي
أسماء(تغمز لها) : نروق الصداع لها وش قلتي
طيف(فجأه) : لا
أسماء(خافت ) : علامك بسم الله عليك
طيف : سمعي أنا بحذرك مو معناه أني غلطت قبل 5 سنوات أرمي بنت أختي لنفس الطريق والله ياأسماء لو حصل لها شئ لأكون ذابحتكم
أسماء(بأبتسامه صفراء) : طيوف الله يهداك أمزح مو قصدي
طيف : أنا حذرتك باي
أسماء : باي
محمود(يمشي عندها ويحرك كاس الشرب) : إلا وين راحت الغزال
أسماء : هاه راحت لبيتهم
محمود : وليه وأنا
أسماء : أنت علامك
محمود : أسماء لا تستهبلين علي أنتي قلتي أن هيام بتكون لي
أسماء : شسوي خالتها مو مخليه لي مجال أقرب منها
محمود : ههههههه أما هالطيف قويه مثل ماخبرتها لبؤه
أسماء(بخبث) : أشتقت لها
محمود : لا طيف صارت بضاعه منتهيه أبي بضاعه جديده بقراطيسها مانفتحت إلا لمحمود خالد الـ..........
أسماء : أجل أصبر وبتكون لك
محمود : إذا مو براضها غصب عنها
أسماء : هههههههههههههههههههههههه مثل ماصار مع طيف تذكر
محمود : يووووووووووه لا تذكريني يله خلينا نفرفش
أسماء : يله

********************************************

نزلت وجدان لمحل الورد القريب من المستشفى وكانت تتأمل الورد والباقات وأهي محتاره

وجدان : لو سمحت ممكن تنسق لي باقه ورد جوري
بفس الوقت كان في شاب يراقبها من يوم نزلت من سيارة أبوها
الشاب : كيف يسمحون للجوري ياخذ جوري
وجدان(تلف) : نعم
الشاب : نعم الله عليك معك حسين
وجدان(لفت عنه) : الحمدلله والشكر
حسين : ممكن نتعرف على الجوري أكيد هذا أسمك
وجدان(ماعبرته) : خلصت الباقه
حسين : أفاااا وليه القسوه كذا خابر الورد رقيق
وجدان : لوسمحت بلا ملاقه وسخافه
حسين : وربي أنك عسل وكلك رقه(حس بأيد على كتوفه لف) خير
: يالأخو أقول فارق أحسن لك
حسين: إلا أنت فارق أنا شفتها أول
وجدان(إلتفتت للصوت ألي حست أنه تعرفه وبصدمه) : محمد
محمد :وأنا ولد عمها أخلص لا أسدحك هنا وأعلمك من شافها ومن ماشافها أول
حسين(خاف لأن محمد أعرض منه) : طيب طيب لا تدف
محمد(بعصبيه) : أنتي أيش جابك هنا لوحدك
وجدان : أنا قلت لبابا أبي باقة ورد وقال معليش
محمد : وأخذتيها
وجدان : ألحين يخلصها
محمد : لوسمحت عطني الباقه
البايع :تفضل
محمد : كم الحساب
البايع : 120 ريال
وجدان : أنا أدفع
محمد : معليه خلي فلوسك
وجدان : هذي هديه مني لأختي
محمد : على راحتك يله قدامي
وجدان(في نفسها) : يااااااااااااااي موقادره أصدق أنا جنب محمد بمووووووووت ماأقدر بقول لشهوده ومناير ماراح يصدقن
محمد(قطع تفكيرها) : وجدان
وجدان : هلا
محمد : أنتي جايه معك هيام
وجدان : هيام ليه تسأل
محمد : ابدا صار لي مده ماشفتها أهي جت
وجدان(بدون نفس أنقهرت) : لاء وعطني الباقه لوسمحت مشكور أنا أشيلها
محمد عطاها الباقه وأهو مستغرب تقلب مزاجها وكان معها لين دخلت لنجود
محمد : مهي صاحيه علامها عصبت
جراح(من وراه) : بووووووووه
محمد : بسم الله علامك
جراح : هههههههههههه يالسرحان
محمد : وين الشباب
جراح : يالطيب أذن المغرب ولا أنت في عالم ثاني
محمد : جيت عبالي ألقى الحبايب ومالقيتهم
جراح : ههههههههههههههههههه ياأخي أيش تبي بالمغروره
محمد(بعصبيه) : حدك جراحوه هذي الغلا
جراح : طيب السموحه خلنا نروح نصلي
محمد : معك
أما بغرفة نجود........
شهد : وجدان علامك
وجدان : ولاشئ
زهره : وجدان كيف حالك
وجدان : بخير ياخاله تسلمين
عايشه : والله أنك ذوق ياكل الجوري
وجدان : تسلمين كم نجود عندنا
نجود : أدري وحده
مناير : طالعو الغرور أعوذ بالله
الكل : هههههههههههههههههههههههههههههههه
بعد أنتهاء الزياره الكل غادر وباتت زهره عند نجود مرافقه ورجعوا عبدالله وخواته للشقه

****************************************

دخلت الجده ورنا للبيت راجعات من المستشفى............

سهام(في الصاله) : رجعتن
الجده ورنا : السلام عليكم
سهام : وعليكم مابغيتن تردن
الجده : ردي السلام عدل وبعدين قلت لك تعالي معنا رفضتي
سهام(توقف) : أنا أروح لزهروه
رنا : ماما هذي بنت أخوك وزيارة المريض واجب
سهام(بعصبيه) : جب أنتي وأطلعي غرفتك يله
الجده(تمسك يد رنا) : خذيني معك انا بعد بنام الله يهديك ياسهام
سهام : مجنونه شايفتني
الجده ورنا أكتفن بالنظر لها بأسى وحزن لحالها وطلعن لغرفهن وتركنها معصبه تحت

**************************************

إما في مكتب حمد..........

حمد(يوقع أوراق) : وهذي أهم الأوراق للفتره هذي
فراس(يتثاوب) : ياأخي منت صاحي الساعه 12ونص جايبنا نوقع اوراق
حمد : لأني بسافر ألحين وباخذ أسبوع بإيطاليا
فراس :والسفر جاء فجأه ياأخي لو مسافر لشغل قلنا ميخالف بس أستجمام ولمدام
حمد : علامك حاسدني وبعدين الفكره جت فجأه وحبيت أحتفل معها بأول سنه لنا بالبلد اللي تحبه إلا شخبار آلاء
فراس : فديتهااااااااااا ناطرتني بجده مشتاقه
حمد : أذا تبي رح لها بس لما أرجع ما يصير أثنينا نروح
فراس : شدعوه بسالك طبعا بروح لعمري انا
حمد : طيب هذي آخر ورقه أنا بطلع آخذ غاده وعلى المطار سلم على عمامي أوكيه
فراس : يوصل ولا تنسى تطمني أذا وصلت
حمد(يغمز له) أذا كنت فاضي
فراس :هههههههه أيه بهذي صادق
حمد(يرد على جواله) : هلا قلبي ....لا تأخرت ولا شئ..... مسافة الطريق.....باي
فراس : روح قبل تذبحك
حمد : خخخخخ بايخ يله مع السلامه
فراس(يضمه) : بحفظ الله ياغالي
حمد : باي
فراس : باي

**************************************

في يوم آخر في غرفة نجود بالمستشفى العمه أمينه وبناتها زايرات نجود

أمينه : يالك وحشه ياأم عبدالله
زهره : والله أنتو اللي لكم وحشه كبيره
روابي (تمد لزهره حليب) : تفضلي ياخاله
زهره : تسلمين ليه مغلبين حالكن وجايبات كل هذا
أمينه : الله يهداك شنو جبنا حليب وفطاير
عبدالله(يدخل فجأه وبصوت عالي) : أنا أو..
نجد (وراه) : غشااااااااااااش
عبدالله(يصد) : أسمحولي ماكنت عارف أن في أحد
أمينه : حياك يا ولدي
زهره : هذا عبدالله ولدي وهذي خالتك أمينه والدكتوره روابي وسلوى
عبدالله : كيفك خاله
أمينه : بخير يا ولدي حياك تقهوى معنا
عبدالله : معليه عليكم بالعافيه أنا بنتظر برى
أسيل(دخلت) : السلام عليكم هلا بعمتي وروابي وسلوى
الكل : هلا فيك
أمينه : أسيل شلونك
أسيل : بخير ياعمه أعذروني بطلع لعبدالله
روابي : شوووفوووووو يا شينهاااااا ماعبرتنا وحنى ضيوف
عايشه : أول منتو ضيوف ثاني شئ هذا عبدالله عين السيح ماتشوف مثله
زهره : أسيل تتركني أنا يمها وتروح له
أمينه : الله يخليهم لبعض
الكل : آمين
سلوى : نجود متى تطلعين
نجود : ماني عارفه
روابي : أتوقع على السبت بس مامشيتي لازم تمشين عشان العمليه
نجود : روابي كل ماتحركت توجع العمليه
سلوى(بستهزاء) : حلفي لا لا ماصدق توجع مو ياهبله أذا الشلخ الصغير يوجع شلون عمليه
نجد : نجود لازم تمشين عشان تطلعين تعبت أنام بروحي
نجود : لخاطرك بس
بشاير(دخلت) : هاااااااااي يم يم أشم ريحة حليب وفطاير
روابي : يعيني ماجابك إلا الحليب والفطاير وبعدين ليه مارحتي مو خلصت مناوبتك
بشاير(تاخذ فطيره وتجلس) : إلا خلصت بس حبيت أجلس معكم شوي
عايشه(تمد لها حليب) : مير الله يحييك تفضلي
بشاير : مشكوره ياقلبي تصدقن يااااااااي لو تشوفن أسيل وعبدالله والضحك مالي الممر وربي لولا الحيا كان جلست معهم
نجود : ليه الجلسه معنا مو حلوه
بشاير : نعم نعم خلي أحد غيرك يتكلم وأنت طول الوقت ياآآي أأأأي ياماأبي أبره وأأأي
الكل : هههههههههههههههههههههههههههههههههههههههههههه
نجود : جـــــــــــــــــــــب زين
بهذي اللحظه دخل فراس
فراس : السلام عليكم
الكل : وعليكم السلام
فراس : شلونك نجود
نجود : بخير ياخوي تسلم
فراس(لف لبشاير وأبتسم) : شلونك بشاير
بشاير : كنت بخير
فراس : كنتي
بشاير(توقف) : يله السايق ينتظرني برى باي
فراس : أفااااااا يعني أذا حضرت الشياطين ذهبت الملائكه
بشاير : قلتها يله أودعناكم بخير
فراس(يبتسم) : أودعناك
بشاير(في نفسها) سخيف مالت عليك
طلعت بشاير متنرفزه وحست أسيل أن مزاجها تغير أستأذنت عبدالله وراحت لها
أسيل(تمسك يدها) : هووب لحظه علامك
بشاير(بعصبيه) : من أخوك فرييييييييس
أسيل : وش سوى بعد
بشاير :ما أدانيه أكرهه أكرهه
أسيل : ليه فراس حبوب
بشاير : المشكله أنك ماتعرفين ليه أكرهه
أسيل : طيب قولي لي
بشاير : ميخالف مره ثانيه السواق برى
أسيل : على راحتك بس أنتي ماخذه تفكير غلط عن فراس
بشاير : باي أسيل
أسيل : باي

*****************************************

في بيت الخال.......

أمل نزلت لأمها تحت بعد ماصحت من النوم
أمل : أوووه حمود عندنا حياك الله
حمود : الله يحييك أبدا مريت أسلم على خالتي ليه فيها شئ
وسميه : أفاااااا البيت بيتك بروح أجيب القهوه
أمل(تجلس) : مو الأحباب مو هنا نقلو مكان ثاني
حمود : قالت لي خالتي
أمل : أحسن كذا قلعتهم
حمود(بعد صمت وبخبث) : أمل شخبار نواف
أمل(أرتعبت وحست بالرجفه) : نواف من نواف
حمود(يطلع جواله) : شوفي هذي الصور يمكن تتذكرين
أمل شافت الصور كانت صورها مع نواف على البحر قاعدين
حمود : حلوين صح وياحلوكم تلعبون في الماي بس عن جد ماأقدر على كذا صورته وأهو يبوس خدك واااو تحفه
أمل(بدت دموعها تنزل) : حمود أرجوك
حمود (ياخذ الجوال منها) : ياربي أيش راح يسوي أبوك أذا شافهن لا لا عبدالله أحسن
أمل(تحب يده وتترجى) : لا تكفه أنا بنت خالتك حراااااام عليك
حمود(يدزها عنه) : بس هذا شرفنا مقدر
أمل : حمود طلبتك أنا أمل أموله
حمود(بخبث) : أذا نفذتي اللي أقول لك عليه راح أمسحهن ولا كأني شفت شئ
أمل : موااااااافقه
حمود : أنتي عارفه نجود أبيها
أمل : عارفه بس ماأعرف وين ساكنين
حمود : عادي أنا أسأل وأعرف عنهم كل شئ
وأمل : وأنا شنو المطلوب مني
حمود : أبيك يوم أتصل تكونين جاهزه وبس
أمل : والصور
حمود : هاااااي لما تنفذين المطلوب منك
أمل : زين
وسميه : ياحياالله حمود شلون أمك
حمود : بخير ياخاله

******************************

جراح توه صاحي لان اليوم الخميس أجازه ما يصحى إلا متأخر على الساعه 12 الظهر شاف أخوانه بسام وأبتسام
جراح : صباح الخير
أبتسام : زلاح
جراح : ههههههههههه زلاح حلوه ذي ياعيون زلاح آمري
أبتسام : زلاح نلوح نلعب
جراح(يمسح على شعرها بحنيه) : عندي شغل بسومه إلا بابا وين
حنان(من وراه) : سعد طلع أبتسام بسام على غرفكم
جراح(تخرع واللي أربكه قربها منه) : بسم الله علامك أنتي تطلعين فجأه
حنان(بدلع) : بسم الله عليك
جراح(بعد عنها) : علامك يامرت ابوي عيب عليك
حنان : أنت عارف علامي لا تتغيبا
جراح : أقول شيلي هالأفكار من عقلك وتعوذي من الشياطين فاهمه
حنان : جراح لا تتحداني فاهم
جراح(عصب) : أنتي مجنووووووووونه
حنان (بعصبيه) : أنا مجنونه
جراح(عصب بزود) : قصري حسك وبعدين أنتي ناسيه أنك مرت أبوي أطلع أبرك لي
حنان : حرام عليك حس فيني
جراح ماألتفت لها وطلع قبل يرتكب جريمه بالبيت
حنان : جراح جراااااح هين ياجراحوه والله لأوريك

*****************************

في بيت عبدالوهاب على طاولة الأكل

الأب : فراس شلون أختك
فراس : بخير يبه
الأب : فهد ماشوفك رحت لها
فهد : يبه العصر بروح أنا وأوراد
هيام : فهد خذني معك
الأم : وليه تروحين
هيام : ماما بشوف ناس جدد
الأب : هذولا خواتك شنو ناس جدد
الأم : بعدين موتبين تطلعين مع طيف
هيام : موعدي مع خالتي الساعه 7 وأكيد ماراح نتأخر صح فهد
فهد : صح ماراح نتأخر
الأب : وجدان ماتبين تروحين معهم
وجدان : لا بابا عندي مذاكره
الأب : وأنتي تهاني ماتبين تزورينها
الأم(طالعته بنظره ووقفت) : الحمد لله والشكر شبعت
راشد : أمي حاره ماتتفاهم
الكل : هههههههههههههههههههههههههههههههههههه
فراس(يرد على جواله) : ألو........ هلا سنيووور حمد........ههههههههههه...........وصلت متى........... الحمدلله على سلامتك................ لا لا تحاتي كل شئ تمام........ يوم السبت توصل الطلبيه............بستلمه أيه ........ أبدا سلامتك أوكيه باي
الأب : وين طاس هذي المره
فراس : أيطاليا يبه
فهد : أخلص مو بهين مع منو
فراس : بروحه بيجهز حق المبنى الجديد
راشد : أيه ياويلي على المبنى الجديد
فراس(فهم لراشد) : جب أنت
الأب : خير شنو فيكم
راشد(يطالع لفراس اللي يخزه) : أبدا العماره الجديده أقول تصميمها حلو مره
الأب(يوقف) : أنا بروح أشوف النار اللي شابه فوق أدعولي
العيال : الله يوفقك يبه
الكل : ههههههههههههههههههههههههههههههههههههههههههههههه

**********************************

بعد يومين...........

طلعت نجود من المستشفى بعد ماتحسنت نفسيتها وأرتاحت بالنسبه للأم وبناتها أبتعادهن عن الخال ريحتهم نجود أخذت أجازه من المدرسه لمدت أسبوع
الأم : دخلي يمه الحمد لله على سلامتك
نجود : الله يسلمك يمه
عبدالله : هااه وش رايك بالشقه
نجود : تهبل ماشاء الله عبود ما يعطيناها نجلس هنا على طول
عبدالله : إلا يعطيناها يقول أن قبلت نجود تتزوجني بأعيش أنا وهي هنا
نجود : عبيددددددد
الأم : ههههههههههههههههه تعالي يمه مجهزه لك سرير داخل
نجود : لا يمه بقعد هنا بالصاله لين ترجع نجد تعبت من النوم إلا وين عيوش
عبدالله : عيوش من عرفت أنك بتطلعين اليوم أعتكفت بالمطبخ تطبخ كل اللي تحبينه
نجود(تجلس براحه) : الله يخليها لي
عبدالله : بروح أقول لها أكيد ماحست علينا
دخل عبدالله بشويش وشاف عايشه مندمجه بالطبخ
عبدالله : بوووووووووووووووووووووووه
عايشه(نقزت) : ووووووووجع عبيد
عبدالله : ههههههههههههه يارايق أنت
عايشه : متى جيتو
عبدالله : تونا داخلين ونجود بالصاله إلا أيش طابخه لنا
عايشه(تغسل يدها) : شف بنفسك بروح أسلم على نجود وراجعه
عبدالله(يفتح الجدور) : وااااااااااااو تهبل الريحه الله يرزقك ياعايشه ويعوض عليك عن عابد باللي أحسن يارب
عايشه(رجعت وسمعت وأبتسمت) : ويخليك لي يارب
عبدالله : ماتأخرتي
عايشه : ياأخي كلها 3غرف وصاله مو من كبرها خطوتين وواصله لها
عبدالله : أوكيه متى يجهز الأكل
عايشه : جوعان
عبدالله : مررررررررره
عايشه : خلاص مايبي له شئ بس توصل نجد
عبدالله : يوووه أنا بروح أجيبها
عايشه : أوكيه وجيب لنا بيبسي معاك
عبدالله : كرتون وربي لعيون عيوش إلا أسيل ما بتجي
عايشه : لا عندها استلام لليل بدل ترفه ماخذه أجازه
عبدالله : ترفه القاطعه ماتدق علي
عايشه : عبود تكفه جبها لنا أهي ماتعرف الشقه أشتقنا لسوالفها
عبدالله : طيب خليني ألحق على أم لسانين لا تذبحنا
عايشه : هههههههههههههههههههه والله لو تسمعك تاكلك
عبدالله : باي
عايشه : باي

*****************************************

بيت محسن

خالد(يكلم بالجوال) : حسناء كيفك
حسناء : خالد حبيبي مشتاقه لك بالزاف
خالد : وأنا أكثر
حسناء : أيش حصل معاك بموضوعنا كلمت أبوك عنا
خالد : لاء ماقلت له
حسناء : ليه خالد أنا بحبك كثير وبعدين أنا زوجتك
خالد : عارف بس موعارف كيف أفتح الموضوع معه
حسناء : خالد ماقدرش أجلس بالمغرب أكثر من هيك بليز أتوحشتني بزاف
خالد : معليه حسناء خلينا ننتظر وأنا بقول له
حسناء : خالد إزا ما بتتصرف أتركني أتصرف
خالد : حسناء لا تتهورين خلاص أنا بقول له
حسناء : أوكيه أنا بسكر خالد باي
خالد : باي
خالد كان يدرس بأمريكا ألتقى بحسناء كانت ممرضه مغربيه بالمستشفى اللي كان يتدرب فيه تزوجوا وصار لهم 6شهور ومن يوم رجع وأهو يحاول يقول لأبوه وموقادر بعد زواجه ب 3شهور رجع للرياض وأهي رجعت للمغرب على أمل أنه يدز لها ورقه تسمح بدخولها للمملكه على أساس أنها زوجته قرر خالد يطلب مساعده من أحمد طلع لغرفة أحمد
خالد : أحمد صاحي
أحمد : حياك خالد
خالد : أحمد حاب أتكلم معك بموضوع يخصني
أحمد : عساه خير
خالد : بصراحه في شئ ودي أقولك عنه يخصني
أحمد : خالد بصراحه خوفتني
خالد : أنا أنا بصراحه متزوج
أحمد(مصدوم) : هاااااااه
خالد : أيه
أحمد(بعصبيه) : مهبووووووول أنت ومن بنته
خالد : قصر حسك مو من السعوديه
أحمد(يمسكه من بلوزته بعصبيه) : من أمريكا قدرن يلعبن عليك
خالد : هدني أحمد لا مو من أمريكا من المغرب
أحمد(يهده وزادت صدمته بأخوه) : لا مو مصدق كيف عرفتها ماخبرتك مره سافرت للمغرب
خالد : لا أهي ممرضه كانت تشتغل بالمستشفى اللي كنت أتدرب فيه وتزوجنا
أحمد : من متى
خالد : صار لنا 6شهور قعدنا3شهور مع بعض وبعدين رجعت هنا وهي للمغرب
أحمد (عصب) : ياغبي ياحماااااار أيش سويت في عمرك وفينا
خالد : ماسويت شئ أنا تزوجت على سنة الله ورسوله ولا رحت للحرام
أحمد : لا والله مع شينه قوات عينه طيب أيش تبي فيني
خالد : تكلم أبوي وتقول له
أحمد : نعم نعم وليه ماتقول له أنت ولا بطل وشجاع تتزوج ولما تبي تقول لأبوك فقدت شجاعتك
خالد(يوقف) : الحق علي اللي جايك أبيك تساعدني
أحمد : أجلس أجلس خلنا نشوف حل لهذي المصيبه
خالد : وليه تقول مصيبه
أحمد : لان أبوي ممكن يروح فيها لو يعرف
خالد : ساعدني
أحمد : أجلس خلنا نفكر بشئ

**********************************************

بيت حمد ...............

أم حمد : ياملاك ياقلبي تعشي
ملاك : مابي أبي بابا
أم حمد : بابا مسافر عنده شغل
ملاك(تاشر بأصابعها) : صار له 3 أيام ما شفته
مناير : يمه مايصير كذا البنت من الصبح ماأكلت
أم حمد : أففففف مافيه غير نتصل بحمد لازم يكلمها
في نفس اللحظه حمد كان قاعد يتفرج على التلفزيون رن جواله بأسم الغاليه تتصل
حمد : ألو هلا وغلا بغاليتي
أم حمد : هلا حمد
حمد(يقصر على التلفزيون) : يمه كيفكم
أم حمد : بخير حمد متى ترجع
حمد : ولهتو علي يالغاليه
أم حمد : يايمه أنت دايم في البال بس هذي ملاك
حمد(بخوف) : ملاك صار شئ
غاده توها طالعه من الحمام ماخذه دش أشرت لها حمد تسكت وبدت تنشف شعرها عند المرايه
أم حمد : يايمه عيت تاكل تبيك من الصبح ماكلت
حمد : عطيني أياها
أم حمد(تمد التلفون لملاك) : خذي بابا
ملاك(بفرح) : بااااااااااااااااباااااااااااااا
حمد : قلب بابا وعمره
ملاك(بدت تصيح) : بابا ليه رحت
حمد : أنا رايح أجيب لك هديه كبيره
غاده(في نفسها) : ياعلك للمرض حتى هنا مو مخليته ياهالبزر النشبه ماأقدر أجلس معه بروحنا لازم تتصل وذي العجيز ماتعرف تتصرف لازم حمد والله أذا رديت قبل اسبوع ياحمد يبقى يقابلوني هين
حمد : خلاص بابا لا تأذين يمه سارا وأسمعي كلامها
ملاك : زين بابا لا تتأخر زين
حمد : زين يله باي
ملاك : باي باي
غاده(تبتسم) : ياحليلها هالملاك
حمد : أيه رافضه تاكل لين تكلمني
غاده : الله يخليك لها
حمد : ويخليك لي
غاده : أمين

*******************************

في الأستراحه ......................

راشد : مابغينا نجتمع
زياد : هذي حال الدنيا مشاغل
مشعل : لا والله حنى قطعنا صدق
فراس : صراحه ودي نطلع طلعه معتبره أيش رايكم
زياد : تقصد طلعه شبابيه بس
جراح : حلوووووو أتمنى كذا
محمد : طلعت بر مانبي مزرعه أبي مساحه كبيره
فراس : أوكيه أيش أيش رايكم الأربعاء ونبقى يومين
جراح : أنا عني باخذ أجازه
فراس : خلاص نبلغ فهد وحمد وخالد وأحمد وسلمان
زياد : ولا تنسى عبدالله والله والنعم فيه
جراح : أنا ماقابلته أتمنى اقابله من كثر سوالفكم عنه
راشد : طيب وين المكان
مشعل : عطوني يومين واقول لكم عنه بس أنتو جهزو كل شئ

الــــــــــبــــــــــارت الــــــــــثــــــــــانــــــــــي عـــــــــــشــــــــــر

************************************************** **************************************

...............اليوم الثاني بشركة الأب ............

فهد(يدخل) : يبه مشغول
الأب : لا حياك فهد
فهد : قالو لي أنك طلبتني خير
الأب : حاب أستشيرك أبي أشتري بيت لخالتك زهره وبناتها
فهد : من حقك يبه هذلن خواتي وصحيح كيف يسكنن بشقه وابوهن موجود ويقدر يعيشهن بأحسن البيوت بالرياض
الأب : يعني ماعندك مانع
فهد : أفاااااااااا أنا من بكره ليه بكره من ألحين طالع على أبو عزام أقول له يدور لي على بيت يكون في منطقتنا هنا
الأب : لا لا أبعده شوي أحسن أخاف تعرف أمك وتصير مشاكل
فهد : إلا يبه أسمحلي بسألك أنت بس ناوي تدور لهن على بيت ولاترجع خالتي لك
الأب : والله يافهد أنا أتمنى وأنت عارف اللي صار أبي أعيش مع الكل
فهد : خلاص أنوي وأقدم وخلك صريح ووقف بوجه الكل
الأب : ههههههههههههههههههه اللي يشوفك يقول داخل حرب يا مجلس
فهد(يغمز له) : حرب يابو فهد الله يستر منه
الأب : صدقت ياولدي يله أنا بروح أشوفهم تجي معي
فهد : لا والله سلم عليهم بطلع للربع
الأب : طيب مع السلامه
فهد : مع السلامه

******************************

بشقة عبدالله ...........

أسيل : ألو هلا مازن
مازن : هلا أسوله سامحيني ماجيت الخميس
أسيل : أنتظرتك مازن أيش حصل
مازن : رفضوا يعطوني اجازه آسف
أسيل : والموعد اللي عطيته أبوي أنقص وجهي قدامه
مازن : آسف
أسيل : طيب متى تجي
مازن : مو قبل شهرين
أسيل(مصدومه) : شهريييييييييييييين
مازن : أسف ميخالف أنا قلت لأبوي أبي أملك وأعرس مره وحده ووافق
أسيل : يالله يصير خير
مازن : أسوله عمري لا تزعلين
أسيل : لا ماني زعلانه
مازن : أحبك أسيل
أسيل(في نفسها) : وهذا اللي ذابحني ليه ماأحس فيك أنت مغرقني بالحب وأنا مثل الثلج عادي عندي
مازن : ألو ألو أسيل
أسيل:هاه معاك
مازن : شنو فيك
أسيل : ولا شئ مازن أبوي جاي يزورنا بتجهز
مازن : أوكيه باي
أسيل : باي
أسيل قعدت تفكر بعد ما سكرت الجوال منه لنا سنه مخطوبين ليه شعوري هو هو لا فارق بين أول وألحين مااحس قلبي يتلهف له أو أذا تأخر بالأتصال أحاتيه ولا مره عاتبته على على قلة وصاله أهو يحبي أيش اللي جذبه فيني أنا لازم أحبه أو على الأقل أحسسه أني أحبه غمرني بحبه وغمرته بالجفا
نجد( تطلق الباب) : أسيل أسوله
أسيل : هلا
نجد : بابا وصل تعالي
أسيل : جايه نجد
أسيل طلعت للصاله كان أبوها مع أخواتها وعبدالله جالسين يسولفون وأمه مو معهم
أسيل(تحب راس أبوها) : شخبارك يبه
الأب :تمام
نجد(بفرح) : أسوله سمعي سمعي أبوي شنو يقول
أسيل : خير أن شاء الله
الأب : أنا راح أشتري لكم بيت
أسيل : مشكور يبه
الأب : بس عندي شرط واحد
الكل : خير
الأب : أسمع ياعبدالله انت كنت خير أخو لبناتي وربي شاهد أني أعزك معزة عيالي لهذا أنا قررت البيت راح يكون مناصفه بينك وبين زهره
الكل فرح لعبدالله وبارك له
عبدالله : مشكور ياعم ماله داعي
عايشه : تستاهل عبود
الأب(يمد له مفتاح) : وهذي هديه مني لك
عبدالله : خير شنو بعد
الأب : سياره لك تلاقيها تحت العماره بيضاء
عبدالله : هذا كثير علي
أسيل(تحب راس أبوها) : ماقصرت يالغالي وعبدالله صدق كان نعم الأخو لنا
نجد : لا عبود أنت تستاهل كل خير
الأب : صدق يستاهل بس أبي منكم تساعدوني بشئ
عايشه : خير يبه
الأب : أبيكم تقنعون أمكم نرجع لبعض
نجود : نتمنى يبه
أسيل : لا تحاتي يبه بأذن الله مايصير إلا اللي تتمنى
الأب: إلا شخبار مازن
أسيل : بخير توني مكلمته يتعذر منك مايقدر يجي قبل شهرين
الأب : خير أن شاء الله أنا بروح سلمولي على أمكم
عايشه : يبه تغد معنا
الأب : مره ثانيه يله مع السلامه
الكل : مع السلامه
الأم(طلعت بعد ماراح) : هاه يمه راح
عبدالله : أيه يمه ويسلم عليك
الأم : عساه سالم يارب
نجود : يمه سمعتي آخر خبر
الأم : خير
نجد : أنا أنا أقول أبوي بيشتري لنا بيت ويكتب نصه بأسمك ونصه بأسم عبدالله وشرى له سياره بعد
الأم(بفرح) : ألف مبروك عبدالله
عبدالله : الله يبارك فيك يمه بس كثير علي
الأم : لا يمه تستاهل اللي سويته لنا مايوفيك حقك لا البيت ولا السياره
عبدالله(يحب راسها) : يمه أنتي اللي ربيتيني شلون ماكون بار فيك
الأم : الله يخليك لي
عايشه : الله يسامحكم الدمعه تبي تفر من عيني
أسيل : خلاص ترى شوي ببكي
عبدالله : هههههه يمكن زايد الدمع عندكن خلنه ينزل
الكل : ههههههههههههههههههههههههههههههههههههههههه
عايشه : بروح أزهب العشى
أسيل : خذيني معك أساعدك
عايشه(متفاجئه) : شنو شنو يمكن ماسمعت عدل عيدي اللي قلتي
أسيل : عيوش بتعلم منك يله عاد لا تحرجوني
عبدالله : حيلك فيها عيوش
اسيل : ياشينك بشويش عيوش خطوه خطوه
عايشه : وأنا بذيك الساعه اللي أعلمك الطبخ
أسيل : تسلمين لي
عايشه : يله قدامي

******************************************

............ في بيت الجده .............

سهام توها راجعه من بره و أمها بالصاله
سهام : السلام عليكم
الأم : وعليكم السلام
سهام : عن أذنك يمه بصعد غرفتي
الأم (بعصبيه): وقـفـي عندك
سهام : هلا
الأم : تعالي جلسي بكلمك
سهام : خير بعد شنو فيه
الأم : سمعي يا سهام سالفة خروجك و دخولك بدت الناس تتكلم
سهام : و أنا أيش خصني فيهم
الأم :منتي صغيره عمرك 42 سنه كبيره
سهام : مو مهم العمر المهم توني أحس نفسي شباب
الأم : عشان كذا متزوجه من واحد أصغر منك بـ 8 سنوات
سهام (متفاجئه): من قالك لك هذي أكيد أسيلوووه الخايسه
الأم : لا أنا عرفت قبل لا تعرف أسيل
سهام : كــيــف
الأم : لا تعتقدين الناس ما تلاحظ و صدق شافوك معه والهدايا اللي تجيبينهن له والشقه اللي كاتبتها بأسمه والسياره أكمل بعد
سهام : أيش فيها مو شاريتها لأحد غريب شاريتها لزوجي
: زوجـــــــــــــــــــــــــــــــــك
سهام(لفت) : رنـــــــــا
رنا : أنتي متزوجه
سهام : هااااه
رنا (تصيح) : قولي أني سمعت غلط
سهام(بعصبيه) : لا ماسمعتي غلط أنا متزوجه متزوجه سمعتي
رنا(تهز راسها بتنفي اللي تسمعه) : لا ماأصدق لييييييييييييه
سهام(بصراخ) : أنا حُــــــــــــــره
الأم : رنا روحي لغرفتك
رنا(مصدومه من اللي سمعته وطلعت تركض لغرفتها) : حراااام مستحيل مستحيل
الأم (عصبت) : سمعي يا سهام لازم تقولين لأخوانك بسنا فضايح بس
سهام(بتحدي) : وإذا ماقلت لهم
الأم : مالك جلسه في بيتي
سهام : أنا بنتك تطرديني يمه
الأم : ليه عاجبك طلعتك ودخلتك وكثير يتساؤلون وين تروحين خلااااااااااااص كل أعذارك خلصت
سهام : يمه أنا ماسويت شئ حرام متزوجه
الأم(بعصبيه) : مسياااااااااار مسيار ياسهام عيييييب عليك هذا وأنت مره شكبرك فضحتيني أنتي ماتحسين على دمك
سهام : يوووووه يصير خير أنا بروح أنام أحسن
الأم : الله يهديك
رجعت رشا من برى وقالت لها الخادمه أن رنا رفضت تاكل وبس تصيح ورفضت تنزل
رشا(تطق الباب) : رنوووو رنا
رنا (تمسح دموعها) : هلا
رشا : رنا ليه غرفتك مظلمه بولع النور
رنا : طيب
رشا : كنت تصيحين ليه
رنا(رجعت تصيح) : ماما يارشا
رشا : لا تقولين رجعت تضربك
رنا : ياليت يارشا ياليت
رشا : أجل وشو
رنا : أمي متزوجه
رشا(تفصخ عبايتها وتجلس) : يوه يارنا عبالي فيك شئ
رنا(مصدومه) : يعني أنتي مو هامك
رشا : لاء لاني عارفه بهذا الشئ من زمان
رنا : لا ماأصدق
رشا : لا صدقي معليه رنو راح تتعودين أساسا أمي مو أول زواج لها
رنا(متفاجئه) : أنت أيش تقولين
رشا : هدي حبيبتي هذي الحقيقه وزياد عارف بعد
رنا : وأنا ليه ماقلتو لي
رشا : ماحبينا نشغلك وأنتي بآخر سنه
رنا : طيب ليه تتزوج شنو ناقصها
رشا(تبتسم) : ماما تعاند أبوي ماهي عارفه أنها تضيع عمرها وتضيعنا
رنا : أحس بضيق رشا مو مصدقه بهذا العمر وتسوي كذا رشا لا تخليني أرجوك
رشا(تضم أختها ذكرتها بنفسها أول ماعرفت كانت تتمنى أحد يخفف عنها) : أنسي رنا وخليك بنفسك ودراستك وأنا معك وزياد ويمه عايشه كلنا معك أرتاحي
بقت رشا مع رنا لين نامت ودمعتها عل خدها وطفت اللمبه وطلعت
رشا(شافت أخوها وأبتسمت) : هلا زيودي
زياد : هلا وغلا أبش عندك في غرفة رنا
رشا : أبدا كنت أهديها لين نامت
زياد(بخوف) : خير حصل لها شئ
رشا : أبدا بس عرفت بسوالف أمي
زياد(متفاجئ) : زواجها كيف ومتى
رشا(يرن جوالها بس حطه صامت) : أبدا سمعت أمي وجدتي وحصل اللي حصل زيود سوري مزون تتصل علي بروح غرفتي
زياد : أوكيه تصبحين على خير
رشا : وأنت من أهله( تدخل غرفتها وترمي نفسها على سريرها) : ألو
مزون : وجع وجع لي ساعه أتصل فينك أنتي
رشا : على هونك كنت مشغوله شوي
مزون : مشغوله في أييييييييييييييش
رشا : ههههههههههه مو اللي في بالك بس رنا كانت متضايقه وكنت معها
مزون : طيب أنا متصله بقول لك جاسم دق علي
رشا : أفففففففففففففففف أيش يبغى هذا ما يفهم
مزون : لا يقول لي توسطي بينا يبيك ترجعين تكلمينه
رشا : أنا قلت له اللي بينا أنتهى حشا غبي
مزون : رشا جاسم ما ينعاب غني وولد ناس
رشا : مزون فيه ألف عيب وعيب وأذا أهو غني أنتي ناسيه أنا بنت مين وخوالي منو وعمامي من وأنا ماهمتني الفلوس قد الرجال
مزون : راح يضيع منك
رشا : يووووووولي
مزون : على راحتك طيب بكره وين نروح
رشا : ألحين بنام بكره بينا ألو
مزون : أوكيه سي يو
رشا : باي

***************************************

في صباح اليوم الثاني ....... بيت محسن .........

بشاير(تجلس على طاولة الأكل) : صباح الخير
الكل : صباح النور
خالد يطالع لأحمد ويغمز له وأحمد فهم عليه وهز راسه
بشاير : علامكم شباب بس طايحين تغزل تقول زوج وزوجته
الكل : هههههههههههههههههههه
خالد : هااااه ولا شئ
الأب : خالد أحمد فيكم شئ من يوم جلستكم ماكأنكم على بعضكم خير
أحمد(تردد) : سلامتك يبه
أم أحمد : يابوأحمد مت تظن أن أحمد وخالد كبروا
أحمد وخالد أرتبكوا وطالعو لبعض كأنهم أفهو المغزى من كلامها
الأب : والمعنى
أم خالد : يعني أنا وأم أحمد ودنا نفرح فيهم
خالد(فجأه) : أنا لا لا
الأب : علامك كأنك مقروص
شهد : هذا زواج مو ماخذينك للمشنقه
خالد : أنتي جب لا تتدخلين
الأب(عصب) : خالد تكلم مع أختك عدل وشهد لما يتكلمون الكبار الصغار يسكتون
بشاير(توقف) : شهوده يله ماوراك جامعه خلينا نروح
شهد : معاك
الأب(يلف لخالد) : ألحين فهمني ليه رافض الزواج
خالد (يطالع لأحمد) : حاسس نفسي مو مستعد
أم خالد : يمه عمرك 25 سنه شنو مو مستعد وأبوك مسوي لك ولأحمد جناح ووظيفتك ماشاء الله دخلها كويس
خالد : يمه أرجوك سكري على الموضوع أسمحولي بروح للدوام مع السلامه
الكل : مع السلامه
الأب(يلف لأحمد) : وأنت بعد مو مستعد
أحمد : لا يبه أنا من أيدك هذي لأيدك هذي
أم أحمد : على بركت الله من بكره بدور لك على وحده
الأب : يعني مو حاطه في بالك وحده معينه
أم أحمد : لا والله
أم خالد : طيب سألي أحمد أذا يبي وحده من بنات عمامه أو خواله
أحمد : اللي تنقونها لي موافق عليها أنتو اعرف
الأب(يبتسم) : طيب أنا عندي راي
أحمد : خير يبه
الأب : أيش رايك بعايشه بنت عمك عبدالوهاب
أم أحمد : عايشه الله يهداك أخذ أول فرحه ولدي مطلقه
الأب(عصب) : شنو مطلقه هذي بنت أخوي هذا أنتي تقولين كذا وأنتي عارفه كل شئ أجل الناس وش بتقول
أم أحمد(بخوف) : عارفه بس تبقى مطلقه
الأب : الرأي مو لك لأحمد
أحمد : بصراحه أنا ماعندي مانع عايشه ما تنعاب
أم خالد : ياأم أحمد أنتي ناسيه كيف كنتي تتكلمين عنها وقلتي أنك حبيتيها
أم أحمد : أعوذ بالله من الشيطان عايشه والله ماتنعاب
أحمد : يعني موافقه يمه
أم أحمد : اللي يريحك يريحني
الأب(يوقف) : على بركت الله بكلم أخوي اليوم
أم أحمد : الله يتمم بخير
أم خالد : الله يوفقهم
الأب : إلا قبل أطلع بسألكن وين مشعل ومحمد ما شفتهم
أم خالد : نايمين
الأب(عصب) : نايمين ليه مشعل ماوراه جامعه ومحمد شغله صحوهم
أم أحمد : تامر بس لا تعصب
الأب : سمعن قولن لعيالكن والله أذا مشيعيل ما نجح هذي السنه لأدخله العسكريه وبلغو محمد لو ماعتدل بدوامه مثل الناس بيحصل له ولأخوه نفس الشئ العسكريه وبس أنا حلف
أم أحمد : أن شاء الله
أم خالد : سيما سيما
سيما : يس مدام
أم خالد : شيلي الأكل
أم أحمد : أنا صاعده أقعد الثنائي المرح
أم خالد : خذي سطل ماي معاك
أم أحمد : ههههههههههههه فكره
دخلت أم أحمد والأخوان بسابع نومه شغلت المنبه اللي مثل صوت جرس البقر ههههههههه وقعدت على كرسي وسكتت لا حظت أنهم بدوا ينزعجون
أم أحمد : ياأطفال ياحلوين أصحو
محمد ومشعل : .............
أم أحمد : يا أطفالي الأعزاء عندي لكم خبر حلو من أبوكم طازه توه نازل القرار أبوكم حلف وأقسم أذا ما صحيتو ليدخلكم العسكريه
مشعل ومحمد(يقعدون بسرعه) : حلللللللللللللفييييييي
أم أحمد : يقول أذا محمد ماداوم مثل الناس ومشعل ما نجح هذي السنه ليدخلكم العسكريه مثل أحمد
مشعل : أنا ماأحب العسكريه
أم أحمد : أبوك بذاك الوقت ماراح يقول لك تحب ولا ماتحب
محمد : طيب عمي مايقول شئ ليه أبوي زعلان
أم أحمد : أبوك عارف عمك انه ساكت عشان ابوك عيب تستغل هذي النقطه
مشعل : يا ماااااااااااااااكر ثعلب تعرف كيف تستغل
محمد : جب
أم أحمد (تطالع ساعتها) : أنا بعطيكم 10دقايق وبعدها بدق على ابوكم يجهز أوراق العسكريه
مشعل ومحمد يتسابقون على الحمام( وأنتو بكرامه) ...........

********************************************

............ في الجامعه ..............

وجدان (بعصبيه): والله قهر
مناير : أنا معك
شهد : أنا أنقهرت لما مشيعل و محموووودوووه قالو
وجدان : حدك عن محمدي أنا
شهد (تضربها على كتفها): جب أنتي الأخ ولا حاس فيك
وجدان : عادي المهم أنا حاسه
مناير : جبن جب جب أحنا وين و أنتن وين
وجدان : صح أحنا لازم نسوي إضراب
شهد : طبعا كيف هم يطلعون و حنى ننحبس بالبيت
مناير : بس حنى نرفع طلب أعتراضنا لمن
شهد : طبعا لعايشه بنت سعود جدتنا
وجدان : لازم نسوي اتصالاتنا للبنات كلهن
شهد : أنا بقول لبشاير ورنا مع رشا
مناير : بشاير ما راح توافق بسبب فراس
وجدان : أنا مو فاهمه ليه ما تحبه فراس حبوب
شهد : بشاير كتومه ما تبين لأحد
وجدان : أنا على هيام و خواتي من أبوي و أوراد بعد
مناير : تظنين يشتركن معنا
وجدان : مو أخوهن عبدالله رايح و أهن على وشك دخول الأمتحانات ولازم يستعدن نفسيا مثل رنا و سلوى
مناير : أنا على روابي و سلوى و عمتي سعاد
شهد : عمتي سعاد ليه
مناير : فارس راح يطلع أكيد أكيد أهي بعد تبي تروح
وجدان : كيف نجمعهن مع بعض ووين
مناير : بس وين نطلع إذا رضن
شهد : بقول لأمي و أشوف أيش تقول
وجدان : طيب خلنا ندخل القاعه قبل الدكتوره تجي
مناير و شهد :يـلـه

************************************************

..........في شركه حمد .........

فراس : هلا حمد
حمد : هلا فروس كيف الشغل
فراس : زفت أيه وش عليك تتشمس تحت سماء أيطاليا وأنا أحترق تحت سماء السعوديه وطايح كرف بالشغل
حمد: ههههههههه الله يكفيني شر عينك
فراس : أنت ما شبعت متى ترجع مـــــــــــــتــــــــــــــى
حمد : ول ول وليه أرد أيش وراي
فراس(يصر على ضروسه) : حميدوه مو وقت مزحك آلاء ذابحتني أتصالات
حمد : أهااااااااا ولهنا ياشين الغيره
فراس : حمد لك 6 أيام مسافر أذا مارجعت بكره أنا مسافر فاهم
حمد : ههههههههههههههههههههههههه طيب طيب راح أحجز الليله
فراس : حمد في مناقصه جديده
حمد : خلاص بكره راجع وأشوفها أوكيه
فراس : أوكيه باي
حمد : باي

************************************************

............ في شقة عبدالله ...............

نجود : يمه
الأم : هلا
نجود : يمه أرجوك ليه منتي راضيه ترجعين لأبوي
الأم :توك صغيره لا تتدخلين
نجود : يمه شنو صغيره أحنا محتاجين لأبوي وأنتي عارفه
عايشه(جايبه القهوه) : تفضلي يمه
الأم : يزيد فضلك
عايشه : يمه سمحيلي نجود صادقه حنى محتاجين له كثير
الأم : والله عارفه بس أيش راح يقولون الناس
نجود : يقولون اللي يقولون نبي الفرح يدخل بيتنا
عايشه : يمه عشنا 18 سنه بحزن وهم خلاص
الأم : طيب خليني أفكر
أنطق جرس الشقه.....
عايشه : أنا بفتح
الأم : يمه شوفي من من العين السحريه
عايشه(تطالع) : يمه هذا فهد
الأم : أفتحيله
عايشه(تفتح له وتسلم عليه) : هلا بأبو عبدالوهاب
فهد : كيفك عيوش (سلم على زهره ونجود) كيفكم
الأم : بخير أنت كيفك وكيف أوراد وعبدالوهاب
فهد (بخبث) : الكبير ولا الصغير
الأم(تبتسم) : الأثنين
فهد : هههههههه بخير لله الحمد
عايشه(تمد له القهوه) : تفضل
فهد : تسلمين
نجود : فهد غريبه جاينا بدري
الأم : وجع ماتبينه يزورنا
نجود : لا لا مو قصدي حياالله في كل حزه
فهد : ههههههههههه لا أنا جاي آخذ خاله زهره
الأم : تاخذني وين
فهد : تشوفين البيت أذا أعجبك بنشتريه
الأم : لا يمه أذا عاجبكم أشتروه
فهد : لا خاله أبوي قال لازم تشوفينه
عايشه : تكفون خذوني معكم
الأم : ونجود عند منو تبقى
نجود : عادي يمه أنا بنام شوي لا تحاتين
الأم : زين جيبي عباتي وعباتك فهد ماراح نتأخر
فهد : لا ياخاله يله أنتظركم بالسياره تحت
في هذا الوقت حمود كان تحت العماره له يومين يراقب نجود ملكت كل كيانه وروحه هاجس تملكه أنها له وأهو لها فرح في نفسه فرح عارم يوم شاف الأم وعايشه يطلعن من العماره فرصه جت له على طبق من ذهب ولا يمكن تتكرر
حمود(يتصل) : ألو .......أمل
أمل : من
حمود : أنا حمود سمعيني 5 دقايق وأنا عندك فاهمه جهزي
أمل : ليه
حمود(عصب) : حمااااااره بدون أسأله وإلا ياويلك
أمل(بخوف) : أن شاء الله

***********************************

................ في المستشفى ...............

خالد : سستر ترفه لو سمحتي ملف المريضه وطفه أسماعيل
ترفه : ثواني دكتور اجيبه من قسم الملفات
خالد : وليه موموجود اليوم مراجعتها
ترفه : عارفه بس
خالد(يقاطعها) : ليه الإهمال كذا ماأقدر مو متعود أشتغل مع مهملين
المريضه : معليش دكتور
ترفه(تصر على ضروسها) : دكتور خالد لأن المريضه وطفه ماكان موعدها اليوم والملف ما يطلع من قسم الملفات إلا بمواعيد أسمحلي أجيبه
خالد (أنحرج من أسلوبه معها) : تفضلي
ترفه طلعت ولقت بشاير في وجها
بشاير : علامك معصبه تخانقتو بعد
ترفه : سمعي أنا ماأقدر أتحمله زياده كل ما يشوفني ياأهانات يازف أنا بطلب أنقل من عنده
بشاير : افاااااا ويهون الحبيب عليك(غمزت لها) أنا بكلمه لك
ترفه(أبتسمت) : لا أنا أتصرف أسمحيلي بجيب الملف له قبل يطق عرق له
أما في غرفة الممرضات......
أسيل : والله موعارفه ياروابي مو قادره أحدد مشاعري
روابي : مازن باين من كلامك أنه زين
أسيل : مدري تعبانه كثير أهو راجع بعد شهرين مو قادره أنام ولا آكل شاغل كل تفكيري
روابي : هذا مصيرك لازم تقررين وقرارك يكون صحيح أحسبي الشهرين فترة خطوبه أختبري مشاعرك وحاولي تفهمين وتتقربين منه أكثر
محسن(يدخل فجأه ) : أسيل روابي عندنا حاله طارئ تجهزن الأسعاف على وصول
روابي : معك دكتور
أسيل (تهمس لروابي) : الله يستر شكل عمي ما يطمن
الكل ينتظر عند البوابه محسن أسيل بشاير وجاهم زياد فجأه يركضون
زياد : أيش السالفه ياخال قالو لي أن لازم أكون عند البوابه
محسن : خير أن شاء الله
بشاير : أنا قلبي ينغزني عمي الأسعاف جايبه من
محسن : وصلت الأسعاف أستعدوا
أسيل(لفت للسياره اللي ورى الأسعاف) : ذا فهد أبوي فيه شئ
محسن : لاء..................(بعد صمت) نجود
الكل (بصدمه ) : نجووووووود
زياد(بخوف) : نجود
أسيل : علامها نجود(لفت لأمها اللي جت تركض) يمه علامها نجود
الأم (تبكي ) : مدري مدري ماتتحرك
محسن : يله خلونا ننقلها للطوارئ
أسيل : بفهم شنو حصل
محسن : خلينا نعالجها بالأول
زياد(بصدمه من منظر نجود) : خالي ملابسها متشققه
بشاير : باين محاولت أعتداء
أسيل : لا لا مو معقوله نجود
محسن : روابي بلغي أحمد وطلبي حضوره
روابي : أن شاء الله
دخلوها غرفة الطوارئ وركبو لها جهاز التنفس وكان راسها فيه جرح وأنتفاخ خطير
أما في هذي اللحظه لمن ارتكبو الجريمه...........
حمود يدخل ويدخل أمل للبيت غصب
أمل(تصيح وتصارخ) : ماتت ماتت ياحيوان أنت مو بشر حيوان
حمود (بعصبيه وصراخ) : جب جـــــــــب انطمي
أمل : أنا مالي شغل مالي شغل
حمود : يعني راح تقولين عني
أمل(خافت منه ومن نظراته الشراريه) : أنا أنا أنا بروح البيت
حمود(مسكها قبل تهرب) : أنتي مشتركه معي
أمل(تحاول تدزه) : هدني أنت أجبرتني هدني
حمود(بعصبيه) : أنا أوريك ياأملووووووووه
أمل(تتراجع) : حمود وخرعني لا تقرب خلني أروح للبيت تكفه
حمود(مسك يدها وسحبها لغرفته) : أذا مافيه نجود فيه أمل
أمل(تحاول تفتك وتصارخ) : لاااااااا حمود طلبتك كفايه اللي سويته في نجود حرام عليك تكمل علي خاااااااااااالتي لحقيني
حمود : ههههههههههه خالتك وينك ياخالتها ناسيه خالتك ما تسمع صمخه (يفتح باب الغرفه ودزها) هين تبين تقولين عني أنا أعرف كيف أخليك تسكتين للأبد ههههههههههههههههههههههه

************************************************** **************

ماذا سيحدث لكلن من: ..............

.نجود ماذا حدث لها ومعها ؟

..أسيل وقرارها على مازن ؟

...عايشه وموضوع زواجها من أحمد ؟

....حمد وزوجته غاده ؟

.....ترفه وبدايه لقصة حب قد تكون من طرف واحد ؟

......بشاير وكرهها لفراس اللذي يقابله حب من فراس ؟

.......زهره وقرار رجوعها لعبدالوهاب ؟

........خالد وخبر زواجه من حسناء المغربيه ؟

.........جراح وزوجة ابيه وأفكارها الخبيثه ؟

..........سهام وخبر زواجها المسيار ؟

...........ماذا حدث لأمل و حمود ؟

............وجدان تحب محمد و محمد يحب هيام وهيام من تحب معادله صـعبه ؟