تحميل رواية رسام الليل بقلم ايمان شلبي pdf

ي

اسكريبت 🖤 بقلمي ايمان شلبي 🖤 

-اي ده اي ده انت مين انت وبتعمل ايه في عربيتي!

- اطلعي بسرعه 

رديت بلهفه وذهول :

- انت مصري ؟

بص يمين وشمال بقلق :

- اطلعي بسرعه مفيش وقت للتفسير 

رفعت حاجبي باستغراب وانا برد بسخريه:

- اكونش السواق اللي باباك جبهولك وانا معرفش 

- ارجوكي اطلعي وانا هفهمك كل حاجه بس بسرعه 

وقدام نظره عيونه العسلي اللي كانت بتلمع مع ضوء القمر بالرغم أن مكانش في غيرها باين من وشه لانه كان متخفي لكن كانت جميله وتخطف القلب !

وقدام ونبره صوته اللي كلها توسل ورجاء وقدام رعشه ايدي ودقه قلبي للمره الاولي في حياتي اضطريت ادور العربيه واطلع بيها 

سوقت مسافه مش كبيره اوي وهو طول الوقت يبص ورانا يراقب أن كان في حد ورانا ولا لا !

كانت تصرفاته غريبه مش مفهومه ابدا 

خلتني اش*ك فيه ماهو اكيد مفيش حد يبقي متوتر كده إلا لو عامل كار*ث*ه 

لكن بالرغم من خوفي إلا أني أصريت اكمل الطريق معرفش ليه وعشان مين لكن كان جوايا حاجه بتقولي كملي طريقك للنهايه 

كان جوايا حاجه بتقولي ساعديه حتي لو كان عامل كار*ثه !!

استغربت نفسي جدا ازاي اجازف بنفسي بالشكل ده وعشان مين عشان واحد حتي معرفش اسمه 

موقف غريب لاول مره اتحط فيه اعتقد لو اي حد مكاني استحاله يوافق علي الجن*ان ده 

بعد مده اتنفس براحه وهو بيشاورلي بأيده اني اقف :

- خلاص تقدري توقفي

وقفت في مكان عام ولفيتله بنص جسمي وانا برفع حاجبي مستنيه منه تفسير للي حصل ؟!

رد بأحراج :

- ا احم ه هو انا لازم أفسر!

ضحكت بذهول:

- انت بتسأل؟! 

طبعا لازم تفسير 

بصلي بأحراج:

- بصي هو انتي ممكن تعتبريها حاجه مج*نونه شويه بس هقولك 

ا احم طبعا انتي عارفه ان هنا في امريكا ممنوع أن حد يبوظ الاماكن العامه بالرسم والكلام التافه ده 

- ايوه طبعا بس ده اي علاقته بالموضوع !

اتنهد وهو بيرد بهدوء :

- ماهو ده الموضوع ا احم اصل انا كنت متعود في ايجيبت ارسم علي حيطه بيتنا وعلي حيطه المدرسه وممكن في الشارع وممكن علي عربيه عم خالد بتاع الكبده بس لما جيت هنا لقيت أن الموضوع ده مرفوض نهائياً 

وانا بصراحه هوايتي الرسم فبقيت بطلع بليل متخفي زي مانتي شايفه كده وارسم واجري 

بقالي شهرين بعمل كده ومحدش بيكشفني بس لسوء حظي أن النهارده المكان كان متراقب وشافوني فهربت منهم وجريت عشان كده انا اقتحمت عربيتك سوري 

كنت بصاله وانا فاتحه بوقي ببلاهه واستغراب و الضحكه اترسمت علي وشي !

كانت ضحكه كلها ذهول واعجاب في نفس الوقت من شجاعته وإصراره أنه يعمل الحاجه اللي بيحبها حتي لو كان هيتعرض لخط*ر!

سالته باستغراب:

-هو كلامك يحترم واصرارك علي اللي بتحبه يتحرم وكل حاجه بس ليه متستغلش الفرصه وتعمل معرض وتعرض في لوحاتك بدل مانت متخفي زي الحرا*ميه كده !

رفع عيونه وبصلي وسكت لحظه وكأنه بيشاور عقله يجاوب أو لا؟!

وبعد فتره من الصمت رد بهدوء :

- ممكن مجاوبش ؟؟

-as you like 

مدلي أيده :

- فرصه سعيده يا

بصيت لايده باحراج :

- ا احم اسفه مش بسلم

سحب أيده بأحراج :

- ا احم ولا يهمك 

وبصلي كده وهو بيسألني بمرح :

- قولتيلي اسمك ايه بقي ؟!

ضحكت برقه وانا برد بمرح زيه:

- انا مقولتش اصلا 

- اممممم لا حلو اسم انا مقولتش اصلا ده لا وكريتف كمان 

رفعت حاجبي بضحك:

- ياجدع ؟؟

-اه معاكي بقي رسام الليل 

قفلت عيني نص قفله باستغراب :

- رسام الليل؟؟

- يااااه هو انتي متعرفيش ده انا بقيت اشهر من الن*ار علي العلم هنا 

ضحكت بذهول اكبر:

- ياسلام وكل ده محدش قادر يوصلك؟!

غمزلي بثقه:

- ولا حد هيقدر 

-لا واثق اوي كمان 

- الحمد لله ربنا يديمها نعمه يا اخت 

ضحكت :

- ههههه ماشي ياسيدي علي العموم أنا اسمي إيمان وانت؟!

غمزلي مره تانيه وهو بيفتح باب العربيه :

- رسام الليل ولو لينا لقاء تاني هعرفك اسمي الحقيقي بااي 

قال جملته واختفي من قدامي في لمح البصر 

قعدت لثواني ابص في آثره وانا راسمه ابتسامه علي وشي مكنتش فاهمه اي سببها بس يمكن عجبني ج*نانه !

اخدت نفس طويل وانا بملي صدري بريحه البرفيوم بتاعته اللي كانت لسه آثرها مختفاش 

ببص علي الكرسي ولسه هتحرك لقيت حاجه بتلمع واقعه عليه 

اخدتها لقيتها سلسله فضه محطوط فيها حرف y 

بصيتلها للحظه وانا ببتسم برقه وبحاول اخمن اسمه 

- يوسف امممم أو يونس او ممكن يحي 

يووووه بقي يا ايمان أنتي هتباتي هنا ولا اي اتحركي يالا روحي البيت وانسي يونس ولا يوسف ده اكيد مش هتتقابلوا تاني 

انتي كده حظك يابنتي تقابلي الناس مره واحده في حياتك وبعد كده بخ مش بيبان ليهم آثر ،فاكره انك هتعيشي جو الروايات الفكسان ده وانتي في الآخر هتتجوزي علي علوكه أو اشرف كخه 

قولت الكلام ده لنفسي واتحركت بالعربيه وروحت علي البيت بتاعي 

دخلت البيت واللي المفروض يكون دافئ لاي شخص إلا أني حسيت بب*روده في جسمي أول ما دخلت 

بصيت علي الكنبه وانا بتخيل ماما قاعده عليها بتتفرج علي التلفزيون وفي ايديها كوبايه شاي ومندمجه

وبابا وهو قاعد جنبها لابس نظاره نظر وماسك الفون بتاعه بيحاول يتعلم يستخدم الفيس بوك 

بصيت علي المطبخ اللي بيخرج منه دخان ومن الواضح أنه علي وشك الانفجار من اختي اللي مصره تعمل شيف وتورينا ابداعاتها اللي مش موجوده في الاساس !

لكن بالرغم من كل ده كنت بحس بالدفا والحنان كنت بحاول اخلص اي حاجه عندي بأقصي سرعه عشان ارجع علي البيت اجري علي حضنهم واضحك معاهم 

نزلت دمعه من عيوني وانا بقول بهمس :

- وحشتوني اوي ربنا يرحمكم ياريتني كنت معاكم يومها والعربيه اتقلبت بينا كلنا علي الاقل مكنتش هحس بوحده 

اتنهدت وروحت قعدت علي الكنبه بتعب حقيقي اليوم النهارده كان مرهق اوي 

كنت طول اليوم بلف بالعربيه ماشاء الله الناس كلها خارجه من بيتها النهارده 

" ملحوظه إيمان بتشتغل اوبر" 

بعد اسبوع كنت راكبه في عربيتي وراكنه علي جنب في مكان مستنيه الشخص اللي هوصله 

ثواني ولمحت شخص جاي عليا لابس بدله رمادي وتحتها قميص ابيض وماسك شنطه كبيره من الواضح انها بتاعه الشغل 

ركب وكان لابس نظاره شمس واتكلم بلكنه انجليزيه 

- هيا 

اتوترت ورمشت عيوني اكتر من مره بس في النهايه اخدت نفس طويل و دورت العربيه وكملت طريقي 

بصيت في المرايه عليه كان قلع النظاره واول ما عيوني اتقابلت في عيوني قلبي اتنفض بين ضلوعي اول ما شوفت عيونه اللي كانت تشبه الي حد كبير لعيون الشخص المجهول بالنسبالي 

" رسام الليل" !

فضلت فتره ابصله وانا بتنفس بسرعه وهو باين علي وشه الهدوء والغموض في نفس الوقت 

بصلي وسأل بهدوء :

- هل هناك خطب؟

- هه ل لا لا لكنك تشبه شخص اعرفه 

بصلي بنفس الغموض ورد بهدوء :

- حسناً 

اخدت نفس وكملت طريقي وانا بحاول اسيطر علي التوتر اللي احتلني من وقت ما دخل العربيه 

الفون بتاعي رن وكانت واحده من أصحابي اللي في مصر رديت عليها وفضلنا نتكلم شويه وشويه وقفلت معاها وانا ببتسم براحه كبيره جدا 

- انتي مصريه 

رديت بصدمه وانا بلف براسي :

- اي ده انت مصري ؟!

ابتسم بهدوء :

- طب بصي قدامك هنعمل حادثه 

ابتسمت بتوتر وبصيت قدامي وانا بسأله مره تانيه :

- انت مصري ؟!

- اه مصري بس غريبه 

بصيتله في المرايه باستغراب :

- اي هي اللي غريبه!

- انك معرفتنيش 

بلعت ريقي بتوتر:

- ا ا اعرفك منين 

ضحك بهدوء :

- لا ازاي معرفتنيش بجد انا يونس 

رفعت حاجبي باستغراب :

- يونس مين ؟!

بص للسلسله بتاعته اللي كانت في التابلوه وهو بيبتسم بخبث:

- اللي محتفظه بالسلسله بتاعته لحد دلوقتي 

فتحت بوقي بصدمه وانا بوقف العربيه مره واحده وبصرخ بلهفه :

- رسام الليل !!!

يُتبع 

الجزء التاني 🖤 بقلمي إيمان شلبي 🖤 

بص يمين وشمال بتوتر :

- بس بس هتفضحيني 

- ا احم ا اسفه بس 

قاطعني بهدوء:

- طب ممكن تكملي سواقه عشان محدش يش*ك فينا؟؟

هزيت راسي بتوتر وكملت سواقه وانا ببصله في المرايه ما بين اللحظه والتانيه مستنيه يجاوبني علي سؤالي 

ابتسم وهو بيهزلي رأسه وبيهمسلي بصوت واطي:

- ايوه انا رسام الليل 

ضحكت بذهول وانا ببصله في المرايه:

- طب ازاي ؟!

رفع حاجبه باستغراب :

- ازاي ايه 

- ا اقصد يعني ازاي ا اصل اصل انت بصراحه اللي يشوفك ميقولش عليك مجنو*ن !

- م*جن*ون !!!

حطيت ايدي علي بوقي وضحكت باحراج :

- سوري مش قصدي بس ...

قاطعني بجديه:

- لا عادي بس ياريت بعد كده تراعي الفاظك 

وبصلي في المرايه وهو بيقول بحزم:

- اصل انا مش بسكت علي الاهانه كتير 

رفعت حاجبي وملامح وشي اتغيرت للأحت*قار والاش*مئزاز وانا برد عليه ببرود :

- ايه الغرور ده ؟!

رد بغرور اكبر:

- دي طبيعتي أن كان عاجبك 

رديت بعصبيه وانا بوقف العربيه:

- لا مش عاجبني وياريت تنزل من عربيتي وإلا 

- وإلا ؟!

لفيت براسي وانا ببصله بتحدي:

- هبلغك عنك واقول انك بتعاكسني وب*تت*حمرش بيا 

- بتح*مرش بيكي ؟؟

لفيت مره تانيه وانا ببص علي الطريق وببص في ساعتي بغرور :

- يالا لو سمحت عشان وقتي 

هز رأسه بهدوء مريب ونزل من العربيه من غير ما ينطق حرف وانا براقبه بطرف عيني لحد ما شاور لتاكسي واختفي في لمح البصر من قدامي

مهتمتش وكملت طريقي وشغلي لحد آخر اليوم لكن بالرغم من كده كان بيجي علي بالي كل فتره والتانيه!

روحت البيت اللي مكانش ليه طعم كالعاده من غير وجود عيلتي 

قعدت علي الكنبه وانا بتنهد من كتر التعب 

حسيت نفسي مصدعه ومش قادره اصلب طولي ،وفي الوقت ده افتكرت اني محطتش لقمه في بوقي من الصبح !

طلعت الفون من جيبي وطلبت بيتزا لاني مش بعرف اعملها ونفسي فيها 

في الحقيقه بالرغم أن لو الف مطعم عملها محدش فيهم هيقدر يعملها زي ماما 

كنت بحس فيها طعم مختلف طعم ممزوج فيه حب وحنيه مش هلاقيها في أي مكان تاني 

مسحت دمعه من عيوني وانا بهمس :

- الله يرحمك ياماما وحشتيني اوي ياحبيبتي 

بعد شويه جه الاكل وكنت لسه هبدء اكل بس سمعت صوت الباب بيخبط 

بصيت علي الساعه باستغراب كانت الساعه عشره 

- ياتري مين اللي جاي دلوقتي ده 

قومت من مكاني وبصيت من العين السحريه مشوفتش غير سواد 

كان شخص لابس اسود في اسود مفيش اي حاجه باينه من وشه مفيش غير عيونه اللي مغابتش عن خيالي لحظه واحده من وقت ما شوفتها 

حطيت ايدي علي قلبي اللي دق بسرعه بالرغم ان في باب بيفصل ما بينا بس فكره وجوده في نفس المكان وترتني خلتني خايفه قلقانه لكن حاسه احساس غريب اول مره احسه يمكن احساس الحب اللي بسمع عنه لكن عمري ما جربته !!

فتحت الباب نص قفله وانا بهمس بتوتر :

- ا ا انت ايه اللي جابك هنا ؟؟

بص يمين وشمال وهمسلي بنبره كلها حماس:

- جاي اخدك معايا في رحله قصيره 

- افندم !

ز*ق الباب زقه بسيطه علي أثرها رجعت خطوه لورا 

اول ما دخل قفل الباب برجله وهو بيتنهد براحه :

- الحمد لله محدش شافني 

بصيتله بذهول :

- انت مش طبيعي بجد!

غمزلي بعيونه:

- وهو اللي يشوفك يبقي طبيعي 

- ا اي ايه ده ايه لو سمحت عيب كده و واتفضل يالا امشي من هنا ميصحش وجودك هنا ا انا عايشه لوحدي و...

شاورلي بايده وهو بيضحك:

- بس بس اي بلاعه وفتحت في وشي 

- اطلع برا لو سمحت 

شال الماسك اللي كان علي وشه وهو بيدور بعينه علي حاجه مش فاهمه اي هي 

هو وهو بيشمشم :

- هو في بيتزا مش كده 

- هه ا 

قاطعني وهو بيسقف بحماس لما شاف البيتزا :

-ايوه بقي 

وراح قعد علي الكنبه وهو بيفتح العلبه وبدء ياكل ولا كأنه في بيت خالته !!

قربت منه وانا بهب*د رجلي بغي*ظ:

- البيتزا بتاعتي عااااا حرام عليك انا جعانه اي الطفاسه دي ؟! 

رفعلي عيونه وهو بياكل ببرود :

- تعالي كلي معايا في كتير 

رفعت حاجبي بذهول من بحاحته:

- بصراحه مشوفتش في بح*احتك 

حط أيده علي صدره بأمتنان:

- الله يكرم اصلك 

ض*رب*ت رجلي في الطربيزه وانا عامله نفسي امرأه قويه بس للاسف تقريبا كده والله اعلم رجلي اتك*سرت 

اتكلمت بآلم حاولت اداريه:

- ل لو سمحت أخرج برا بيتي ميصحش كده الناس تقول اي 

- محدش شافني اصلا 

- اوووف طب حرام يا استاذ يونس 

رفع رأسه وهو بيضحك بهدوء :

- طب ماشي هخرج بس بشرط 

- ايه هو ؟!

- تيجي معايا 

- نعم اجي معاك فين ؟!

-امممم رحله قصيره هتاخد مسافه العمر يادوب 

-لا ياعم الشاعر محتاجه وضوح اكتر من كده 

ضحك بصوت عالي وهو بيتكلم من بين ضحكه:

- يعني بما أن مفيش حد يعرف غيرك أن انا رسام الليل فقولت استغل الفرصه واخدك معايا وانا برسم 

صرخت بتلقائية:

- استحااااااله انت م*ج*نون

بلع اخر لقمه كانت في بوقه وشرب بعدها كوبايه البيبسي بتاعتي علي بوق واحد ورد بعدها :

- وماله كلنا مجان*ين

رديت بذهول :

- هار اس*ود انت خلصت الاكل بتاعي وكمان شربت كوبايه البيبسي بتاعتي 

ادعي عليك بأيه كشفت راسي ودعيت عليك يا يونس يابن ام 

- كريمه 

قالها بابتسامه بارده وانا بصيتله وانا بجز علي اسناني بغي*ظ وبشاورله بأيدي علي الباب:

- بررررا 

قام وقف مره واحده وقرب مني وانا تلقائي رجعت لورا :

- بصي بقي ياعسل انا لما بعوز اعمل حاجه بعملها وانا عايزك تيجي معايا وهتيجي معايا ديل !

فتحت بوقي بذهول ومره واحده شوحت بأيدي بعصبيه:

-انت عبي*ط واقع علي دماغك وانت صغير ؟!

قفل عينه نص قفله وهو بيفتكر بحيره:

- اممممم لا مفتكرش بس ليه 

- بقولك اي متعصبنيش ويالا اتفضل أخرج من غير مطرود 

- من غير مطرود ازاي مانتي بتطرديني اهو 

- وده ملفتش نظرك لحاجه

- لا 

- اه ده انت مش بتفهم كمان 

-وماله الإنسان اصله جلده حنفيه 

- لا وانت الصادق أصله انسان برأس ح*مار وكل*ب وبخاخه 

- وماله الإنسان اصله كان قرد اساسا 

- دي نظريه خالتي ام احمد دي ولا اي ؟!

- مانتي بتشبهي الإنسان بحاجات غريبه من الصبح ومحدش اتكلم !

- اللهم طولك ياروح 

بص في الساعه بتاعته وهو بيقول بجديه:

- ربع ساعه وتكوني جاهزه 

- نعم وده طلب ولا أمر؟!

رد ببرود :

-أمر

ربعت ايدي وانا بهز رجلي بعصبيه:

- ولو منفذتش ؟!

قرب مني وهو بيهمس في ودني بكل غرور :

- مفيش قدامك غير انك توافقي لأن مفيش في قاموسي حد بيرفضلي طلب 

رديت بعصبيه:

- يبقي انا هتكتب في قاموسك اني رفضت 

ورفعت عيني في عيونه بتحدي:

- انا بقي مفيش في قاموسي حد قدر يجبرني علي حاجه مش عايزاها 

ضحك ببرود :

- يبقي انا هتكتب في قاموسك اني قدرت 

- انت بتتحداني؟؟

- اممممم حاجه زي كده 

- طب يالا اطلع برا وإلا هبلغ عنك واعرفهم انت مين !

- اوك بلغي 

- انت مش خايف 

- مش يونس المهدي اللي يخاف 

- لو عرفوا حقيقتك وقتها مش هير*حم*وك 

- محدش يقدر 

مسحت علي وشي بغيظ :

- انت عايز اي دلوقتي ؟؟

- قولتلك عايزك معايا 

- اشمعنا؟؟

- عشان تصوريني

- اصورك 

- ياس 

- يابني انت جايب الثقه دي منين دول لو عتروا فيك هيعملوا منك بطاطس سوري 

- ههههههههه انتي غلبانه اوي

- لا حول ولا قوه إلا بالله 

- استغفر الله العظيم يارب 

- لا اله الا الله 

- محمد رسول الله 

- اللهم طولك ياروح 

- انتي جايه تستغفري عندي 

- عااااااااااااااا الحقونااااااااااااي helllllp 

ربع أيده الاتنين ببرود :

- كنت عايز اعترفلك اعتراف بسيط كده 

-عايز اي الاه هو ليه محدش عبرني hellllp

ضحك ضحكه مستفزه وهو بيقول ببرود:

- ومحدش هيعبرك اصل انا معرفهم اني بق*بض عليكي 

- نعم معرف مين لا مؤاخذه!!

رد ببرود :

- الظباط اصحابي معرفهم اني عرفت انك رسام الليل وهما حاليا محاصرين المكان ومستنين أخرج بيكي

وبصلي ببرود :

- سوري بقي اضطريت اعمل كده 

- ا ا ا انت ا انت 

راح نحيه الباب وهو بيفتحه ودخل مجموعه من الظ*باط وقربوا مني واخدوني وانا مش فاهمه اي حاجة !!!

يُتبع

الجزء الثالث 🖤 بقلمي ايمان شلبي 🖤

- ياساتر يارب ياساتر يارب 

قولتها وانا بتنفض من السرير وبحط ايدي علي قلبي بعد الحلم الغريب ده 

مكنتش فاهمه ليه حلمت بشخص زي رسام الليل الشخص اللي محير امريكا كلها وخاصه أنه ظاهرلي في صوره مدير الشغل بتاعي " يونس الانصاري" !!!!

كان حلم طويييل جدا من بدايه اقتحامه عربيتي لمقابلتنا التانيه لحد ما تم القب*ض عليا في بيتي وهو اللي مبلغ عني 

يمكن عشان انا اكتر حد مهتم بقضيته ؟!

كان عندي فضول غريب اعرف مين هو الشخص ده وليه ظهرلي علي هيئه يونس ؟!

بالرغم من أنه مش بيعمل حاجه خطر اوي بس قادر يختفي في لمح البصر من بين الشرطه الامريكيه 

شخص غامض جدا محدش قدر يعرف حتي ولو معلومه عنه توصلهم لاول الخيط 

يمكن عشان كده انا مهتمه !

يمكن عشان انا بحب الغموض والمغامرات ونفسي اغامر زيه 

ضحكت علي تفكيري وانا ب*ضر*ب راسي بأيدي :

- بس ياهب"له انتي بتخافي من خيالك اصلا 

قومت اخدت شاور دافئ وخرجت لبست بنطلون اسود واسع وشميز ابيض وفوقيه جاكت اسود نفس قماشه البطلون ولبست طرحتي بشكل مش مبين ولا خصله من شعري 

خلصت وحطيت ميك اب خفيف جدا ورشيت برفيوم واخدت شنطتي وخرجت من البيت 

بعد شويه وصلت قدام الشركه اللي بشتغل فيها ونزلت من عربيتي ودخلت واول ما دخلت من باب الشركه لقيت واحده صاحبتي بتقرب مني وهي بتقول بخوف 

- إيمان اتأخرتي ليه يونس بيه عايزك وعلي آخره 

بصيت في الساعة باستغراب :

- اتأخرت ايه ده انا جايه ربع ساعه بدري عن معادي

- مش وقته مش وقته المهم دلوقتي اطلعي بسرعه ليونس بيه 

بلعت ريقي بتوتر :

-ءنا عملت ايه؟!

لوت بوقها وهي بتلطم علي وشها :

- شكلك عملتي مص*يبه ده مش طايقك اصلا 

- روحي من وشي باخبارك اللي زي وشك دي 

- الله وانا مالي يالمبي 

بصيتلها بغيظ وبعدين جريت من قدامها وانا قلبي بيدق برع*ب وبسال نفسي بتوتر 

- ياساتر استر يارب حد ينادي حد يلحقني اغيثوناااااا اغيثوناااااا 

وصلت قدام مكتبه وحاولت استجمع شجاعتي عشان اقدر أقابله أو علي الاقل ابرر غلطتي اللي انا اصلا معرفش اي هي 

اخدت نفس طويل وخبطت الباب وثواني وسمعت صوته بيأمرني ادخل 

فتحت الباب ودخلت ورجلي عماله تخبط في بعض من الخوف 

كان قاعد علي الكرسي بتاعه بظهره واول ما دخلت لف وبصلي بصه رعبتني حسيت وقتها اني عايزه اجري لا اجري اي انا عايزه اطير 

- ا احم ح حضرتك طلبتني 

رد بصوت حاد :

- اتفضلي 

- يزيد فضلك شكرا 

زع*ق وهو بيهبد علي المكتب :

- هو انا بعزمك علي الغداء تعالي اتر*زعي 

رديت بهمس :

- ماشاء الله الدبش في ابهي صوره 

رفع حاجبه باستغراب:

- قولتي حاجه 

شاورت علي نفسي بذهول:

- انا ؟! 

محصلش ده انا بدعيلك 

ضحك ضحكه بسيطه وهو بيبص في عيوني:

- والله ؟!

- الااااه 

- اي ده مالك ؟!

- الااااااه هو انت بتعرف تضحك زينا ؟!

رجع لجديته وهو بيبصلي ببرود :

- انتي هتهزري معايا ولا اي 

يالا اتفضلي اقعدي مش فاضيلك

قربت من المكتب وقعدت علي الكرسي وانا قلبي بيد*ق برع*ب 

- خ خير حضرتك 

- تعرفي ترسمي ؟؟

- افندم ؟

بصلي بقوه ومال بنص جسمه علي المكتب بحيث يكون قريب من عيوني عشان يوصلي احساس الخوف اكتر ما ما خايفه 

- انا اصلا خايفه لوحدي بتبصلي كده ليه مانا اصلا خايفه !!

همس ببطئ ممزوج بنبره حاده:

- بتعرفي ترسمي ؟!

بلعت ريقي بتوتر وانا بهز راسي اكتر من مره :

- ايوه حضرتك انا حريفه فى الرسم 

كنت برسم وانا صغيره في المدرسه فرح شعبي من غيرعروسه 

- ده ازاي ده؟!

- اصل انا مكنتش بعرف ارسم غير العريس ولما الميس سألتني فين العروسه قولتلها لسه في الكوافير بتتزوق 

ياعيني طبت ساكته الله يرحمها كانت طيبه و....

- بس خلاص اخرسي 

قالها بعصبيه وهو بيهبد علي المكتب 

ابتسمت ابتسامه غبيه وانا يسأله:

- هو حضرتك بتسأل ليه 

- ميخصكيش ويالا اتفضلي علي مكتبك 

- ا احم اوك يافندم كانت مقابله لطيفه اتمني منكررهاش تاني 

قولت جملتي وجريت من المكتب بأقصي سرعه قبل ما يطبق في زماره رقبتي 

اصل هو عصبي حبتين لا حبتين اي ده قنبله عصبيه يالا حصل خير ولا كأننا اتهزقنا 

روحت كملت شغلي بس في الحقيقه الحلم كان لسه بيطاردني 

كان عندي فضول رهيب اعرف ليه انا بالذات يظهرلي الحلم الغريب ده ؟؟

- حتي في الحلم متعصب يخربيت معرفتك يابن كريمه 

- كريمه؟؟

اتنفضت من مكاني اول ما سمعت صوته من ورايا لدرجه رميت الفون بتاعي علي الارض من كتر الخوف 

- حد يخض حد كده يا استاذ يونس ؟!

ربع أيده ورفع حاجبه ببروده المعتاد:

- والله انا هنا بقالي ربع ساعه انتي اللي مش معانا 

- وحياه امك كريمه ؟؟

قفل عينه نص قفله باستغراب وشك :

- وانتي عرفتي منين ؟!

- ا احم عرفت ايه ؟!

- أن مامتي اسمها كريمه 

رديت بلهفه:

- وحياه امك هي امك اسمها كريمه 

وحطيت ايدي علي بوقي بصدمه :

- تكووونش انت رسام الليل !!!

لقيته ارتبك وبص يمين وشمال ووشه مخطوف وهو بيقول بتوتر :

- ر رسام الليل ايه ا انتي مج*نو*نه

بصيت علي السلسله اللي كان لابسها في رقبته واول ما شوفتها وقفت علي الكرسي بتاعي وانا بقول بصوت عالي :

- الااااه دي نفس السلسله اللي شوفتها في الحلم 

يا اهل المكتتتتتب يا اهل المكتتتتتب رسام الليل اهو يا اهل المكتتتتتب رسام الليل اهو

ياشباااااب يابنااااات يا امريكا الشماليه يا امريكا الجنووووبيه رسام الليل اللي محيركم اهو اهووو 

ده انا مش هسييييبك بقي اااانت انت ياوجه البرص تعمل فينا كده وانت اصلا تافهه 

طب وحياه امي ليلي ما هسيبك 

- اي الكلام ده يا ايمان أنتي م*جن*ونه 

- رسام الليل اي يابنتي اي العب*ط ده

- يونس بيه رسام الليل لا طبعا مستحيل ده تخريف 

نزلت من فوق الكرسي علي الارض وانا بقرب منه ويمسك السلسله اللي رقبته 

- ياجماعه صدقوني السلسله دي هي نفس السلسله اللي شوفتها في الحلم انا ....

حد من الشباب وهو بيقاطعني:

- سلسله ايه يابنتي كلنا لابسين نفس السلسله لأنها رمز للشركه!

فتحت بوقي بصدمه :

- اصلا ؟!

كان واقف مربع أيده بيبصلي بملامح خاليه من اي تعبير وانا ببصله بابتسامه غبيه اترسمت علي وشي 

- ا احم ط طبعا لو حلفتلك اني كنت بهزر مش هتصدقني؟!

ابتسم ابتسامه صفراء وهو بيشاولي علي باب المكتب :

- شايفه الباب اللي هناك ده 

هزيت راسي بنفس الابتسامه الغبيه :

- اه حلو ولونه جميل ماله بقي !

- تاخدي بعضك وتخرجي منه مشوفش وشك تاني 

- ب بس 

- بررررررا 

قالها بزعيق اتنفضت علي آثره انا وكل اللي واقفين 

عيوني اتملت بالدموع واخدت شنطتي وخرجت وانا حاطه ايدي علي بوقي بحاول معيطش واول ما خرجت من الشركه انفج*رت في العياط وانا بلوم نفسي علي غبائي وتسرعي 

- غبي*ه غبي*ي*يه 

بعد شويه كنت ماشيه في الشارع ودموعي مازالت علي خدي وشارده لابعد حد 

- بس انتي قدرتي تعرفي اللي الشرطه نفسها مقدرتش تعرفه ازاي ده؟

لفيت جنبي لمصدر الصوت كان هو ماشي جنبي وحاطط أيده في جيبه ومبتسم ابتسامه غريبه 

- ا ا انت 

قرب مني وهمس في ودني:

- محسوبك رسام الليل يونس ابن كريمه 

برقت عيني بصدمه ورمشتها اكتر من مره وانا فاتحه بوقي :

- ي يعني ي يعني ا انت فعلا ر رسام الليل 

- ايوه 

- طب ليه بتعمل كده؟؟

- مغامره 

- بس لو حد عرف مش ه*يرحم*وك 

- محدش يقدر يكلمني 

- الطموح حلو 

ضحك بمرح :

- بس المغامره احلي بكتيييير 

ضحكت بذهول :

- يعني انت اللي طلعت محير امريكا كلها !!

غمزلي بعيونه اللي اول مره اشوفها من قريب :

- عجبتك مش كده

بصيت في عيونه وانا بقول بهيام ومن غير وعي :

- اوي 

- طب ما تتجوزيني 

- ماشي و...

نعمممممم !!!!!

انت قولت ايه ؟؟

ضحك ضحكه عاليه خطف*ت قلبي وقرب مني وهمس في ودني :

- رأيك لو نتجوز وبدل ما يكون رسام واحد يبقوا اتنين !

يُتبع 

الجزء الرابع والاخير 🖤 بقلمي ايمان شلبي 🖤

بمشاعري اللي مصدقها

وبعيني وصوتي وخطّي

"باتقدملِك بإرادتي"

واطلب ايدك تبقيلي 

عُكّازي ونور قنديلي 

وشريك بالنُص ف وقتي🖤

كنت واقفه مصدومه قلبي بيدق بفرحه 

عيوني بتخرج قلوب 

وشي كله احمر من كتر التوتر 

- ت تتجوزني؟!

وقف قدامي ومسك ايدي بين ايديه وقال بحب:

- موافقه ؟!

- ازاي ؟

ضحك علي رد فعلي وهو بيسألني :

- ازاي ايه ؟

بلعت ريقي بتوتر وانا عايزه الأرض تنشق وتبلعني :

-ا ازاي و وامتي وليه ا انا مش فاهمه حاجه !!

- طب تعالي معايا وانا هفهمك 

اخدني من ايدي ووصلنا لعربيته وركبني جنبه قدام وركب وساق وانا مش فاهمه اي حاجه 

كنت متوتره ،خايفه ،مبسوطه، عندي فضول 

كان جوايا مشاعر كتير متلغبطه

شويه ووصلنا قدام فيله روعه بمعني الكلمه ،كان تصميمها ي*ج*نن وخاصه الزرع اللي كان علي الجانبين 

والورد الاحمر اللي كان في كل مكان كان شكله حلو اوي !

ركن العربيه ونزل منها ولف فتحلي الباب ومدلي أيده 

رفعت راسي باستغراب :

- احنا فين ؟!

رد بهدوء:

- بيتي

رفعت حاجبي :

- وانت جايبني بيتك ليه ؟

ضحك بهدوء:

- خا*طف*ك 

بلعت ريقي بتوتر :

- ب بس 

- العيله كلها جوا ولو مش مصدقه مستعد اجبهملك واحد واحد يسلم عليكي هنا 

اتحرجت ونزلت من العربيه وانا بقول بهدوء:

- انت مش مجرم عشان اخاف منك الحكايه كلها أنه ميصحش وجودي معاك في مكان واحد لوحدنا حتي ايدك مينفعش تلمس ايدي مره تانيه غير لو اتجوزنا !

ابتسم بإعجاب :

- افهم من كده انك موافقه؟!

- اممممم هفكر ؟! 

- اممممم يبقي نجيب المأذون 

رفعت حاجبي وانا برد بمراوغه:

- هو انا لسه وافقت؟؟

غمزلي بمشاكسه:

- انتي موافقه من وقت ما قولتلك بس عمرك ما تروحي تقولي 

- هههههههه طب مش هتوريني الحاجه اللي جبتني هنا عشانها 

انحني نص جسمه وهو بيشاورلي بأيده وكأني برنسيس :

- فلتتفضل سمو الاميره 

ضحكت برقه ومشيت وهو مشي جنبي وما بين كل ثانيه والتانيه يبصلي بنظرات غريبه وترتني !

ابتسمت ابتسامه مهزوزه وانا بحاول ابص قدامي ومبصش في عيونه اللي بتشد وكأنها مغناطيس 

وصلنا قدام الباب ورن الجرس وثواني فتحت لينا بنت كانت قصيره وملامحها جميله عيون زرقاء وشعر اصفر وحاجه كده سكر بجد 

لقيتها حطت ايديها في وسطها وهي بتبصلي من فوق لتحت بعيونها اللي قفلتها نص قفله :

- اممممم انتي ايمان ؟

رفعت حاجبي وضحكت بذهول :

- انتي تعرفيني!

لوت بوقها بمراوغه :

- ومين ميعرفكيش 

بصيت ليونس اللي كان بيحك رأسه بتوتر واحراج

ضحكت وانا بسأله باستغراب :

- هو في ايه ؟

-انتي لسه هتستغربي ادخلي ده انا ما صدقت لقيت حد اقعد معاه 

سحبتني من ايدي ودخلنا البيت واول ما دخلت كان في ست وراجل قاعدين استغربوا اول ما شافوني

الست باستغراب :

- مين دي ياجيلان؟!

جيلان بغمزه:

- اللي بالي بالك 

قامت من مكانها بفرحه وهي بتقرب مني :

- انتي ايمان ؟

ضحكت وانا بقول بمرح:

- ده الظاهر أن البيت كله عارفني بقي 

أخدتني في حضنها وهي بتهمس بمشاكسه:

- عيونك مجننه الواد من زمان 

غمضت عيني براحه وانا بضم نفسي ليها وكأني ما صدقت تاخدني في حضنها 

كان حضنها دافي مريح حسيتها ست طيبه 

بعدت عنها بابتسامه متوتره وعيوني بتلمع بالدموع بس هي مسحت دموعي برقه وحنيه :

- تعالي اتفضلي 

قربت من ابو يونس وسلمت عليه وانا بهزله راسي بابتسامه والغربيه أنه متضايقش بل بالعكس حسيته فرح جدا اني مش بسلم بالأيد علي رجاله 

قعدنا مع بعض قعده لطيفه كنت محتاجاها من سنين 

مامته كانت ست لطيفه وطيبه

 أخته جميله وتدخل القلب من اول مره 

باباها راجل طيب جدا وبشوش 

حتي هو اكتشفت في جانب مختلف عن أي مره شوفته 

كان لطيف بشكل

ضحكته تجنن 

كان حنين مع أخته ومامته حسيته شخص تاني غير اللي بشوفه في الشركه شخص مختلف وبعيد كل البعد عن شخصيته الجديه 

في الحقيقه شخص يتحب !!

بصيت في الساعه كانت الساعه ٥ 

اتنفضت من مكاني ب*فزع :

- ياخبر انا بقالي ساعتين قاعده !

كريمه بحنان :

- اه انتي هتتغدي معانا كمان 

- ل لا والله ياطنط مش هقدر و

يونس وهو بيقاطعني :

- مادام ماما قالت كلمه يبقى مفيش مفر هتتغدي يعني هتتغدي 

جيلان بتوسل :

-بليز يا ايمي اقعدي اتغدي معانا بليييز 

وقدام إصرارهم استسلمت ووافقت وانا قلبي بيرقص من الفرحه 

مكنتش عايزه امشي من المكان الدافي ده ابدا حسيت اني عايزه افضل فيه عمري كله !

- طب وتمشي ليه؟

قالها يونس بهمس جنب ودني وكأنه قرأ أفكاري !

بصيتله والدموع بتلمع في عيني :

- اهلك طيبين اوي حبيتهم 

ابتسم بهدوء :

- وهما كمان حبوكي ونفسهم تكوني مرات ابنهم 

اتكسفت ولفيت وشي النحيه التانيه وثواني وبصيتله تاني :

- صحيح كنت عايز توريني ايه ؟

قام وقف وبصلي بابتسامه خطفت قلبي :

- تعالي معايا 

- علي فين؟!

- اوضتي 

- بس...

- جيلان هتكون معانا 

- اوك 

وفعلا طلعنا احنا التلاته أوضته واول ما دخلتها وقفت مكاني مصدومه من اللي عيوني شيفاه

قربت من اللوحه اللي كانت مرسومه ومتعلقه علي الحيطه 

لمستها وانا مش مصدقه نفسي 

لفيت وانا الدموع بتلمع في عيني :

- ديه انا !

ضحك وقرب مني وهو بيبص في عيوني :

- في غيرها كتير جدا 

- بتهزر!

- توء اصل انا هيمان 

- هيمااان!!

- هيمان فيكي وفي جمال عيونك بقولك ايه اجيب المأذون؟!

ضحكت بخجل وأنا بفرك ايدي بتوتر :

- بسرعه 

بعد مرور شهر

كنت بجري انا وهو واحنا ماسكين ايد بعض وبنضحك بأعلي صوت لحد ما قدرنا نبعد عن الشرطه !

وقفت وانا باخد نفسي بصعوبه وبضحك :

- مين كان يصدق !

سالني باستغراب:

- ايه

قعدت علي الرصيف وانا بشيل الماسك من علي وشي وببص ليونس :

- مين كان يصدق أن رسام الليل يتجوزني وياخدني معاه في المغامره الغريبه ديه ؟

مسك ايدي وبص في عيوني بحب :

- رسام الليل كان نفسه تكوني معاه من زمان جدا 

- يونس 

- عيون يونس 

- انا خايفه 

- من ايه ؟؟

- خايفه نتعرف 

- اممممم بس انا بحب ارسم 

مسكت ايده وحطيتها علي بطني:

- بس ده لازم يتولد وانت موجود 

برق بصدمه :

- ا انتي حامل 

هزيت راسي وانا ببصله بتوتر وبقوله بنبره كلها خوف :

- ارجوك يا يونس كفايه انا مليش غيرك دلوقتي 

مش مستعده اخسرك أو تبعد عني كام يوم ارجوك كفايه مغامرات وخلينا في ابننا أو بنتنا اللي جايين 

ضحك بهدوء وهو بيشدني لحضنه:

- حاضر ياحبيبتي 

- وعد يا يونس ؟؟

- وعد ياقلب يونس 

- يونس 

-امممممم 

- مش انا رسمت فرح شعبي 

ضحك وبصلي :

- انتي تااااااني وياتري لسه العروسه في الكوافير ولا خلصت!

- هههههههه لا خلصت وبقت زي القمر بس المره دي مرسمتش العريس 

- الااااه !!

- هههههههه ماهو العريس لسه بيحلق

- عندك مبرر لكل حاجه ماشاء الله عليكي 

- لا بس حلو جو المغامرات ده عجبني 

فهكون شاكره جدا ليكي لو عرفتيني ازاي اروح البيت عشان رجلي اتكسحت والبيبي ياقلب أمه كان بيترج وانا بجري الحمد لله أنه لسه موجود

ضحكنا احنا الاتنين وروحنا البيت واحنا ماسكين ايد بعد ما شيلنا الماسك اللي كان علي وشنا 

وفي الحقيقه انا عيشت مغامره ولا في الاحلام مغامره كنت طول الوقت عندي فضول اعرف صاحبها ويشاء القدر اشاركه مغامرته الليليه اللطيفه علي قلبي 

من " آدم "

إلي البنت إلي روحها بتختصر عالم 

وجودك فيا شيء طاهر مقويني 

ياعمر باضيفه لسنيني

 ياضعف بنكهة القوة

 إلي "حوا " ❤️

تمت