تحميل رواية ريماس ودياب بقلم جيجي pdf

.. مؤ من... مؤمن... ما لقيتش ولا سلعه في السوق.. واحد ضلالى اشتري كل السلعه اللي في السوق.. وخلها شاحه وبيقولولو بيع بيقول لا.. عشان لما يبيعها يحط اى سعر تاخدى وانتى كيف البلغه... وتحبو يدكم معدوله مقلوبه كمان...

قال كلامو لبنت فى ال ١٩ بعبايه سوده وطرحه متسنده على شعرها دى ريماس اختو وقالت بضيق...

قال يعني احنا مش عارفين الحركات القرعه دي انا مش عارفه ليه بيتعاملوا معانا على انا عيال.. ما يتنيلو يقولوالنا السعر الجديد طوالى.. هنجيب زيت للمطعم من فين ادينا وقفنا كدا..

مؤمن... لا ما هو يا ريما ما بيذودش زي العالم والخلق يعني الزيت ابو 50 هيديهالك ب 200

ريماس... يا مري ليه هيبيعلنا هيروين..

مؤمن... هو كده قال تجاره يا ستي

ريماس بغضب.... الاهى يتلمو فيه بتوع تجارت الاعضاء ياخدو اعضاءو البعيد... طب احنا هنعمل ايه دلوقتي

مؤمن... مش عارف المشكله عند الناس كلها هو ما رضيش يطلع السلع واحنا خلصنا... هنقفل لحد ما يطلع بقى منو لله قال يعنى كنا ناقصينو احنا..

ريماس... فين المخزن بتاعه الراجل ده...

مؤمن.. هناك عالشارع لما تشوفيه تقولى مش مخزن اصلا ما فيش ولا حد حارس ولا حاجه بس محدش بيعتب هناك اصل الراجل ده بيقولو عليه جبار جبار قوي..

بس قطع كلامه لما ريماس بتبصلو ببتسامه عريض... بلع ريقه وقال بخوف...

لا ليه البصه دي دلوك انا عارفها ماتحوليش احنا كفيانه مصيبه واحده.. كفايه اللى هربانين منيهم وبيدورو علينا دول...

ريماس ببتسامه اعرض.. متخافش.. انا معاك..

مؤمن.. انا مبخافش غير وانتى معايا اصلا.. .

ريماس شدتو من ايدو وهى بتقول... تعال معايا بس

في مكان تاني كان واقف شاب في الاربعين بغضب وبيزعق لبنت فى ال 20 دى نور اختو وبيقول....

يا بنت اخلصى وقولي مين اللي انتى مسجلاه فى التلفون انا ده..

نور... قلتلك ده رقمي التاني ما راضيش تصدقني يا دياب

دياب... اه وهو انا ما عارفش رقمك هو انتى فكراني بصمجى يا بت

نور.. لاه ده واحد قديم حدايا... فانت ما تعرفوش ما برنش عليك منيه

دياب... اه طب والرقم بيرين كيف عليكى وهما جوه التلفون نفسو

نور... ها

دياب بزعيق... ها ايه الرقم كيف بيرن عليكى والخطين فى نفس العده

نور.. ما هم ما يعرفوش انهم فى نفس العده..

ديال.. كده... تمام انا هعرفهم..

ومسك التليفون وبقى يتصل على الرقم.. بس كان مش بيرد... قال بغضب...

ما بيردش..

نور بخوف... الحمد لله طب اهدى عشان خاطر والله العظيم ما حصلش حاجه.. وانا كنت هقولك

دياب... انا هشوف ايه اللي حصل وايه اللي ما حصلش وهعرف لحالى..

بس دخل الغفير وقال بخوف شديد..

دياب بيه الحقنا فى مصيبه

دياب.. اكيد مصيبه يعنى انت هتجيب ايه

الغفير... فى بت وولد كسرو قفل المخزن وخدو كل البضاعه اللى فيه وباعوها بسعرها العادى وكل الناس جات خدت والمخزن فضى ع الاخر

دياب بضيق.. مخزن ايه

الغفير... مخزن سعادتك اللى مخبى فيه بضاعتك ام ١٠ مليون

اتسعت عيونه وقال بصدمه.... نهار ابوهم اسود... مين الواكل ناسو اللى قلبو جابو يعمل كده هما ما يعرفوش انا مين...

وشد سلاحه وطلع بسرعه.. ونور مسكه التليفون بسرعه وبقيت تتصل على الرقم بس ما ردش.... وصل دياب لمخزنو وكان قاعا صفصفا قرب عليهم وقال...

انتو مين وايه اللى عملتوه ده مخايفينش من صاحب المال.. شاورتوه قبل ما تبيعو بضاعته..

نزلت ريماس من على التربيزه ووقفت قصاده وقالت...

ونشاورو ليه هو كان شاورنا قبل ما يحجر البضاعه فى مخزنو.. ونخاف ليه.. الحكومه نفسها صدرت قرار ان التاجر اللي هيخبي السلع هتاخد ضده اجراءات قانونيه

مؤمن... بس عاد انتى ميتى بقيتى مثقفه كده عشان خاطر النبي رجعى الحجات دى

ريماس.... خلاص ارجع مين.. زمان الحجات اتطبخت وتاكلت..

دياب.. انتى بعتى كل البضاعه ولا فى منها..

ريماس.. انت جاى تشترى... البضاعه خلصت . انا بعتهاله كلها بالسعر العادي عشان يتعلم يبطل يستغل الناس.. راجل ضلالى.. بس انا حجزتلى كرتونتين لو مزنوق خدلك واحده

دياب بغضب... انتو عارفين نفسكم واقفين فين

ريماس.. ايوه مخزن بتاع راجل ضلالى مستغل.. حاجز السلع عندو ويبيعها باسعار غاليه قوي... واحنا مش هنسكت على الموضوع ده.. ده مستهيفنا ده حتى ماحطش غفير ع الباب يحرسو.. بس لامؤخدذه انت عمال تسال ليه... متئاخذنيش يعنى بس انت مال امك.. شاورتو.. وماخايفينش..

دياب.. مالى.. بسال فعلا على مالى..

وشاور للغفر وقال.. خدو الحلو ده.. على الزريبه..

الغفر مسكو مؤمن.. ومشيو بيه وهو بيقول...

منك لله يا ريماس ادينا هنموت ونرتاح.. انا كنت عايز اتجو منك لله..

دياب.. ضيفوه ضيافه من الاخر يا شباب ها..

مؤمن وهما شايلينو.. لا شكرا يا جماعه.. بس مش هقدر اشرب اي حاجه.. اصل انا صايم عشان شعبان دخل كل سنه وانتو طيبين.. طيب خلوها بعد المغرب عشان اكون فطرت.. منك لله.. منك لله

وكانو مشيو بيه.. دياب قرب من ريماس وقال... قدامى....

...دياب قرب من ريماس وقال... قدامى.

ريماس بصتلو بخوف وقالت.. مين انت مين..

دياب.. الضلالى المستغل..

وشدها من ايدها ومشى بيها... وراح على السرايا وراح بيها اوضته رماها على الارض بضيق وقال...

مش خايفه ها وده حقكم...

ريماس رجعت لورا بخوف وقالت.. انت جبتنى هنه ليه انت راجل مستغل.. ما يصحش تبقى مغتصب كمان.. واحده كفايه يعنى ما هو ما يرضيكش تغتصب واحده وانت عندك اختك او مرتك دى اللى شوفتها وانا طالعه. حكم الدنيا كاس داير.. اللى هتعملو فى بنات الناس بيترد في بناتك معروفه ما فيهاش كلام...

دياب.... عارفه.. ليه ما حطيتش حراسه على مخزنى. لانى ناس البلد عارفين مين هو دياب الجبلاوى.. وانتى لو كنتى تعرفى مين دياب الجبلاوى كنتى تقعدى بالجوع والعطش ولا تقربى على حاجتى.. بس بسيطه هعرفك..

ريماس.. اهى فلوسك خدها..

وطلعت فلوس وادتهالو وقالت...

ده مال حلال بدل الحرام اللى بتاخدو..

دياب.. دى فكه قصاد اللى كنت هكسبو.. وده مش حرام ده شغل... استثمار.. تجاره..

ريماس وقفت بغضب وقالت.... تجاره حرام.. انت مش خايف من ربنا.. مش خايف تتحدف فى جهنم.. المال الحرام ده هيبقى كيف الميه المغليه فى بطنك يوم القيامه.. ولا انت مش طالع معانا فوق.. حكم انا شيفاك مبرطع فى الدنيا وواخد راحتك ومتطمن

دياب.. واحده زيك.. ايش فهمها.. فى الشغل.. وحتى لو حرام.. وسعى عبايتك الاول حكم.. فى حجات بتبظ منها..

ريماس.. شدت عبايتها عليها بس لقته بيقرب منها قالت بصراخ....

معددددى.. انا عندى مرض مدى ..... اوعى تقرب منى.. هتتعدى وانت شاب حليوه.. وصغير..

دياب بصلها وقال بغيظ.... ايه.. هو انتى ليه مخك راكب شمال مالى بيكى انا انتى كلك على بعضك ما تهزيش فيا شعره..

وربط اديها ورجليها وشالها.. بس قالت وهو شايلها..

فلتنى حرام عليك والله وحشه.. مش هتتبصط معايا خالص اقولك... عندى حكه فى جسمى هتتعدى اسمع منى..

بس دخل بيها الحمام وحطها فى البانيو وفتح عليها الميه البارده....

قالت بصراخ... لااااا.... اغتصبنى انا بكذب ما عنديش امراض.. والله هنتسلى صدقنى

رفح جاجبه بدهشه وضحك ع شكلها وقال..

لا شكلك كدا احلى...

ريماس.. طب ارقصلك...

دياب بضحك.. تؤ انا مرتاح كدا..

وسابها وطلع راح على سرير ونام..

تحت كان مؤمن مربوط في الزريبه مع البهايم وبيحاول يفك نفسه بعد ما كانوا ضربوه وبقى ينزف من كل حته في جسمه.. وبيقول بتعب...

طب هاتوا ميه حتى... وربنا انتو لو حابسين ابو لهب ما هتعملوا فيه كده...

بس قعدت قصادو نور وقالت.... انت زين خد اشرب ميه..

مؤمن... انتى اللي جابك هنا... هو انتى اخت الملعون اللي فوق ده..

نور بحرج... ايوه... ما تردش عليا اليومين دول اخويا شاف الرقم وماسك التلفون فى يدو وبيرن عليك

مؤمن... بالمره ان ما غزرت ما تتحصد..

نور بقت تشربو وقالت... هات تلفونك هخبيه واكسر الشرايح وارميهم فى الحمام...

مؤمن... خديه فى جيبى انتى مش شايفاني متربط من كل حته... اختي فين كويسه

نور... كويسه اخوي ما هيعملش حاجه لحرمه لو كان هيعمل حاجه للحريم كان جابها معاك هنه

مؤمن... انتى متاكده

نور.. ايوه متاكده... سامحني انا مش هقدر افك اخويا ما يعرفش انك انت

مؤمن... لا لا ما تعمليش مشاكل مع اخوكى خدى التليفون واطلعى...

نور قربت منه تاخد التليفون بس قالت... ايه بتبصلي كده ليه

مؤمن... توحشتك قوي مش عارف كيف انتى بالجمال ده واخت الحمار ده.. بس البطن قلابه

هو انت ليه عملت كدا..

مؤمن اتنهد بحزن وقال.. وقفنا ومافيش فلوس معايا انتى عارفه لما هربنا ما خدتش فلوس ولا حاجه...

احنا مش حراميه احنا دفعنا حق الحاجات على فكره اصلا اللى بيعملو اخوكى اسمه استغلال

نور.. وطي صوتك للغفير يسمعك...

واخدت الفون ولسه هتقوم بس مؤمن شدها عليه وقال...

لولا الخوف على سمعتك والملامه.. اربطك فى وشى ليوم القيامه...

نور ضربته على كتفه ووقفت وقالت...

خليك فى اللى انت فيه... انت فى ايه ولا ايه....

مؤمن... طب روحي شقي على اختي.. هو مش هيعملها حاجه وحشه صوح..

نور.... تؤ ما تخافش اخويا ده طيب قوى والله.. يلا تصبح على خير

مؤمن... وتصبحى بين اديا قريب قوى يا رب

نور مشيت بسرعه على اوضتها وقعدت على الارض نفس قعدت مؤمن ونامت وهى قاعده... فى صباح يوم جديد قام دياب من النوم وراح الحمام.. وطلع ريماس من البانيو كانت عماله ترجف من البرد وبصتلو بخوف.. بصلها شويه وبعد شعرها المبلول من على وشها باديه.. بس حمحم بحرج وبعد وقال...

جبتلك عبايه من عند اختى.. مش عاوز اتبلى بيكى..

ريماس بسخريه... هه لا والله فيك الخير...

دياب سابها ونزل تحت وبقى يفطر... وريماس غيرت هدومها ونزلت.... وقالت..

خد الوكل ليه وحاجبو عن غيرو.. يطفحو دم اللى يشبع ويجوع غيرو..

دياب ساب اللقمه من ايدو وقال بضيق... اصطبحى على الصبح فى ايه ما كفتكيش سقعت الليل...

ريماس.. لا بس ع البجاحه.... المهم انا عايزه اخد اخويا واغور من عندك..

دياب.... وانتى بحته العقل اللى عندك فاكره انك هتمشي بعد اللى عملتوه..

ريماس... ايه يعني هنفضل محجوزيه كيف سلعتك.. احنا ما معناش نديك الفلوس ناوى تعمل ايه يعنى

دياب... انا ناوي اشقكم واشفيكم واقطعكم واوزعكم مع السلع اللي وزعتوها حد يوزع خضار من غير لحمه

ريماس بغضب... ليه ده حقنا.. احنا اصلا بلدك دى مش مطرحنا احنا كنا ساكنين في حته تانيه بس جينا البلد هنا جديد... بالعافيه فتحنا المطعم ده بنعمل فيه سندوتشات وانت ما رضيتش تطلع السلع لما احنا ما نشتغلش هناكل منين انا عملت كده عشان نشتغل.. ولا ننزل نشحت يعنى عشان انت تكسب... المهم انا عايزه اشوف اخوى..

بس دخل الراجل في الستين وقال... دياب يا ولدى

دياب وقف وقال... على مهلك يا عم حسين اتفضل تعالى

حسين... كيفك يا ولد اخوى

دياب... الحمد لله يا عمى زي الفل

حسين... جايلك فى طلب ويا ريت ما تردنيش خايب

دياب... ما عاش ولا كان اللي ردك يا عمى احنا لينا بركه الا انت

حسين.. عايزك تطلع اخوه البنت ريماس من جوه وتخليهم حداك في السرايا يومين تلاته..

ريماس.. نقعد فين يا عم حسين ما هنقعدش عنده هو يهملنا وخلاص احنا راجعين مطرحنا...

حسين.. وصلو هنه يا بتى وحالفين يصفوكم ده ائمن مكان ليكى ولخوكى

ريماس بصدمه... ايه وصلولنا كيف..... ووووزو

حسين.. وصلو هنه يا بتى وحالفين يصفوكم ده ائمن مكان ليكى ولخوكى

ريماس بصدمه... ايه وصلولنا كيف

حسين.. ما اعرفش انا هاخد كام راجل ونروح نحل الموض وانتو خليكم هنه..

دياب.. فى ايه ومين اللى وصلو.. وهما هربانين ليه..

حسين.. مؤمن قتل واحد موضوع كدا تبع الشرف كان بيدافع عن اخته... واللي ضربوا ده ولد العمده هناك وبيدوروا عليهم.. هم سابوا البلد وجوو على هنا وما حيلتهمش غير حته المطعم... عشام كدا خدو حاجتهم من عندك وفلوسك عندى..

دياب.. لا فلوس ايه يا عمى.. انا علة شكلى قدام الناس لما حبة هلافيت يسرقونى.. بس خلاص واحد.. عندك وعندى ايه

حسين مشى ودياب لقى ريماس قعدت ع الارض وحطت اديها على دماغها...

قعد جمبها وشال اديها.. بصتلو وقالت بدموع وقالت..

ضيعتو بيدى.. بسببى راح.. انا السبب

دياب.. لا ده نصيب اهدى.. هجبهولك.. انتى تعرفى عمى حسين منين

ريماس... صاحب ابوي الله يرحمو..

دياب خلاص اهدى..

ونادى للغفير وقالو يجيب مؤمن.. وفعلا جابوه.. وحضن ريماس بسرعه وقال...

عمل ايه فيكى فين عبايتك

ريماس.. لا لا ما فيش حاجه انا كنت بايته مع اختو اصلا وهى ادتنى عبايه اغير وغيرت... عم حسين كان هنا وقال لقيونا وصلو هنه وقال هياخد رجال البلد ويروح يحلها وقال لده يخلينا عندو يومين.. هو يعرفو...

مؤمن بص لدياب وقال... شكرا ما هنطولش عليك لو ما تحلتش هنمشو اكيد..

دياب.. لا انتو تبع عمى يبقى تتفضلو لحد ما تتحل..

ومؤمن قعد جمب اختو وكانت حاطه دماغها ع كتفو ودياب كان متابعها بعيونو..

مؤمن.. خلاص بطلي بكى يا بت انا قاعد جارك اها

ريماس... خايفه عليك

مؤمن... ما تخافيش والله ما هيحصلى حاجه..

دياب... ريحتك تقرف روح اوضتى خدلك جلابيه من هدومى واتسبح وغير..

مؤمن... البركه فيك انت السبب فيها الريحه

دياب.. احمد ربك انى طلعتك من هناك بس حظك حلو لولا ما اتوسط لك الغالي.. كنت ركبتك في الحمار بالمقلوب ولفيت بيك البلد كلها وسال هتعرف انى اقدر اعملها..

نور.. تعالى اما وريك الاوضه

دياب.. وتطلعى توريهالو ليه اهى اول اوضه ع اليمين.. وانتى اهمدى لسه لما نشوف السيد انا اللى ع المحمول الاول.... ثبتي واحد واحد ياختى

نور سكتت ومؤمن طلع.. بعد شويه كانت نور جهزت احلى سفره وقالت... يلا تعالو نتغدا حكم ما حدش فطر...

دياب... اتفضلو يلا..

قعدو يتغدو سوا.. وريماس همست لمؤمن..

شوف.. العز كلو عنديه.. وحارم الناس منيه..

دياب... بتقولي حاجه يا بت حكم حاسس انكم جايبين سيرتي

ريماس.. لا يا عمى ليه هنجيب سيرتك ماهنقدرش نقعد من غيرك اياك... الهوا اللى بنتنفسو ومن غيرك نتخنق..

وحتى لو جايبين سيرتك اتطمن اكيد هتكون بالعاطل طبعا لانك ماعندكش حاجه حلوه تتقال

دياب... والله بتاكلي خيري وبتطولي لسانك عليا

ريماس.. تؤ مش خيرك ده خير الناس الغلابه وشقاهم اللى بتلمو فى كرش.. الاهى تاخد شهر ونص ما تعرف تروح الحمام.. يالى واخد زيت الغلابه ومحمر بيه بط وحمام

دياب بغضب.. سم يسمك هو اكل وبحلقه ما تطفحى وانتى ساكته..

بس قطع كلامو لما نور بتبتسم لمؤمن بشرود وهو كمان شارد فيها.. ورافع حاجبه.. ميل دماغه عندهم وقال...

بما انكم شايفينى شجره اجيب اتنين لمون..

نور بعدت بسرعه وشالت طبقها وجريت تشيلو ع المطبخ..

دياب... نادا عليها وقال... انا رايح شغلى كلمي انا افندى وقوليلو ان انا مستنيه على العشا... هشوفه هو ليه قفل تلفونه

نور... ما اعرفش ليه.. بس مش هيقدر ياجى اليومين دول ظروفو مكركبه اول ما تتعدل باذن الله هياجى..

دياب... يعنى كلمتيه وقلتيلو يقفل تلفونو ماشي براحتك اما اشوف اخرتها معاكى بس ما هطولش بالى عليكم كتير

ومشى وريماس طلعت على فوق تنام شويه.. ونور شالت الاطباق وبقت تغسلها.. بس مؤمن راح وراها وقال...

وحشانى وانتى قصادى... يالى بنارك كويانى..

نو .. ايه اللى جابك هنه لحد يشوفك من الغفر تبقى فضيحه

مؤمن.. وحشتيني

نور...طيب وانت كمان روح بقى

مؤمن.. تعرفي كنت بحلم يجمعنا سقف واحد.. بس مش فى الظروف دي هو مش سقفكم عامتا

نور.. المهم انك بخير وواقف على رجلك والباقي كله بيتدبر والله ان شاء الله ربنا مش هيسيبكم.. امبارح وانا بصلى الفجر دعيتلك قلت ربنا يفك قيدك.. وهو طلعوك..

مؤمن.. طب مدام دعوتك مقبوله كده ما تقولى يا رب يجمعنا بيتى قريب

نور بسرعه.. بدعى والله بس مش عارفه دى بذات ليه مش... احم احيه.. لا ما دعيتش انا

مؤمن بضحك.. انت حالك من حالى... يالى تملى شاغل بالى

نور.. بس خلاص ما تحارنش في الحاجات دي... بتكسف منك والله.. ما دعتش بحاجه اصلا... وعلى فكره انا خايفه اخويا يعرف انك اللى بكلمو بيبصلك بصات غريبه كده قلقانه الفار بيلعب في عبي مش مرتاحه

مؤمن.. ايه ازاى

نور... هو ايه اللي ازاى...

مؤمن.. ازاى دخل هو مش عارف انك محجوزه ايه اللى دخلو قربى كدا انا افعصو..

نور بعدت وقالت.. هو ايه ده

مؤمن.. الفار اللى فى عبك.

وحاوط وسطها وقال... وريني كده انا اموتهولك

نور ضربته بالمغرفه على دماغو وقالت.. بعد قلتلك مية مره بلاش تحرش..

بس سمعو صوت دياب مؤمن طلع بسرعه لقاه فى وشو وقال...

انت ايه موقفك مع اختى.....

الاخير... سمعو صوت دياب مؤمن طلع بسرعه لقاه فى وشو وقال...

انت ايه موقفك مع اختى

مؤمن.... كنت بساعدها بلم الاطباق اللي اكلنا فيها

دياب.. انت اسمك.. رباعى ايه ..

مؤمن.. مؤمن محمد زكريا نصار حكم .. اهه خماسي يا سيدي ولا تزعل

دياب.. عندكم بيت..

مؤمن.. بيتنا خمس ادوار اصل امي كانت بتقول انها هتجوزنا انا واختي فيه.. دور ليها.. ودور ليا.. ودور لريما

دياب.. فضلو اتنين

مؤمن.. بص لنور وقال.. لعيالى اصل انا كان نفسي اجيب ياسين وامين...وبنوته دى هتمشى منى بعدين.. اسميها على اسم امها حكم انا بحب امها حب... احم قصدي هحبها يعني اما اعرفها هي مين هحبها

دياب... تمام مدام عايز تخلف وتتجزوز ماتدخلش المطبخ ده تاني مع اختي... كفايه ان احنا مقاعدينك في البيت وعندنا حريم

مؤمن.. معلش انا قولت اساعد بس...

دياب.. شكرا مستغنين عنها..

مؤمن طلع بسرعه فوق... ودياب بص لنور وقال...

انتى فى الصعيد.. والمفروض اقتلك لما لقيتك بتكلمى راجل.. بس قولت اختى ما توطيش راسى ها مش هسكت كتير اتلمى..

وسابها ومشى بالليل رجع لقى ريماس على السلم بس كانت بتعيط قعد جنبها وطلع منديل ومدو عليها... جات تمشي بس مسك ايدها وقعدها تاني.. وقال...

خلاص ما تزعليش انا ما كنتش عارف اللي حصل معاكم ساعه ما زعلت وقلتلك الكلام اللي قلته..

ريماس.. احنا ما نعرفش اذا كان مات ولا قاعد عايش تفتكر يعيش عادى بعد ما ضربناه بالسكينه

دياب.... مين ضربو انتى ولا اخوكى..

ريماس.. اخويا بس بسببى هو كان ولد عمده هو كذا مره كان يعني يضايقني.. بس انا عشان احنا مش كده ما كنتش اقول لاخويا.... مره زنق قوي ضربته قلم.. بس جالى البيت لما روحت.. اخويا كان في شغله يومها.. وهو كان عايز يعتدي عليا وجيه اخويا ضربو بالسكينه.. خوفت عليه يتحبس.. وهو خاف عليا لو اتحبس لانى هبقى لحالى.. خدنا بعض وهربنا.. ما خدناش فلوس غير اللى كانت فى جيب مؤمن اجرنا مطعم وكنا بنام جوه لحد ما ربنا يحلها..

دياب بحزن.. انا ما كنتش اعرف ان الناس في منها عايش كده

ريماس.. يعني لو تقصد حجز البضاعه فى انيل مننا فى ناس مش لاقيه تاكل...

دياب... لو مسحتى دموعك وضحكتى ما هحجزش حاجه تانى..

ريماس بصتلو وقالت.. ليه يهمك فى ايه تشوف ضحكتى

دياب... لا بس مش لايقلك البكى العند عليكى احلى وبصتك وانتى بتكابرى.. بيبقى شكلها حلو..

ريماس.. اه اللى برفع حاجبى فيها دى عرفاها..

دياب.. هى عموما عنيكى حلوه فى كل احوالها حد قالك قبل كده

ريماس... اه المرحوم قبل ما نغزه

دياب ضحك وقال.. طب انا نفسي اشرب سحلب فى الجو ده تعرفي تعمليه

ريماس... ايوه

دياب... تعمليلنا كوبايتين عشان نور نامت وانا مش عايز اصحيها

ريماس... طب تعال معايا عشان مش عارفه حاطين الحاجات فين..

دياب دخل معاها المطبخ

ريماس... رفوفكم طويله قوي مش تعملو حساب الناس القصيره

دياب... احنا ما كانش معانا قصيرين.. الناس القصيره جات امبارح..

كانت بتحاول تجيب العلب بس مش طايله وقف وراها وجابهملها التفتتله وبصت لعيونو وشردت فيهم شويه بس حمحمت بحرج.. وهو بعد وقال..

احم شوفتى قريبين عليا..

اخدتهم منه وعملت السحلب وصبت الكوبايتين.. ادتلو واحده واخدت واحده وقعدو ع السلم يشربوهم

دياب.. هو اخوكى فى حد فى حياتو

ريماس.. اه بيحب واحده بس بسببي انا مش عارف يكون معاها اصل ناسها اغنيه وهو بيصرف عليا وعليه وجيه موضوع هروبنا وكدا ف لسه ما تقدمش...

دياب.. طب وانتى.. بتحبي حد او مخطوبه

ريماس.. لا ما بحبش حد.. وانت

دياب.. لحد اول امبارح كان لا

ريماس... ايه.. ايه الجمله دي

دياب... لحد اول امبارح ماكنتش بحب.. بس بديت اغيير رايي بصراحه...

ريماس اتسعت عنيها ووقعت منها كوبايه السحلب.. ضحك على شكلها.. بس طلعت جرى على فوق

دياب بضحك... يا بنت طب امسحى اللى كبتيه طيب.. وبقت تعدي الايام عليهم.. وفى يوم كانوا قاعدين بيتغدوا وجيه حسين.. دياب وقف وقال...

اتفضل يا عمى تعال

حسين.. تسلم يا ولد اخوى..

وبص لريماس ومؤمن وقال... عندي ليكوا اخبار زينه حلناها خلاص الود طلع عايش

مؤمن... ايه ليه هو ف اى مستشفى انا اروح اخلص عليه

ريماس.. اقعد ساكت تخلص عليه ايه ده بدل ما تقول الحمد لله..

حسين.. احنا كلنا قلنا كده هو اللي غلطان والناس كلها وقفت معاكم لان اللى حصل معاكي ده كان ممكن يحصل مع اى بت من بناتهم

دياب.. صح ناس بتفهم

حسين.. مبارك يا عيال الحمد لله تقدرو ترجعو بيتكم

مؤمن وريماس حضنو بعض وسلمو على دياب ونور ولسه هيمشو دياب قال..

مؤمن مش هتتقدم لام ياسين قبل ما تمشى..

وشاور على نور..

مؤمن... انت عرفت

دياب.. كانت باينه للاهبل.. ومافيش مشكله فلوسك مش عيب المهم تحمى اختى زى ما حميت اختك

مؤمن حضنو وقال.. فى قلبى وعينى وعلى راسى واى مكان دى... دى جوه دمى كمان.. افرش البيت واجى اخدها

دياب... ظبط دنيتك وانا هاجى عندكم اسال عليكم ليكون وراكم مصيبه تانيه.. لو مشكلتك الفلوس خدها... بس لو طلعت مشكلجى ولا بتشرب ولا صايع ما نشوفش منك وش

طلعو من عندو ورجعو بيتهم مؤمن قال لريماس...

قال هيسال عليا

ريماس.. عادى انت حيوان مع الصيع اللى زيك بس

مؤمن.. وهو هيسال.. مين غير الصيع اللي زي

ريماس... لقيتهالك..

مؤمن.. لا ورحمة ابوكى اخر مره احوليتى كده اتربطت فى الزريبه..

ريماس تعال بس.. ولمت الشباب وقالت... فهمتو اللي هيقول جمله حلوه ليه 100 جنيه.. واللى هيقول جمله اجمل منها هياخد 200 واصله معاكم ل 500 جنيه اشطا سامو عليكم..

مؤمن.. الله يخربيتك الفلوس دى هتجوز بيها..

ريماس.. هو مش راضى بيك لو مفلس بس يسمع كلام حلو دول هيكتبو فيك اشعار... عايز تحب وعيال تجيب حل الكيس وشكشك الجيب

بعد يومين كان دياب بيسال الشباب اللى على القهوه..

الاول... مين قصدك مؤمن بتاع المطعم ما بيجيش هنه هو فاضى لقعدت القهاوى.. ده من شغلو للبيت ومن البيت للشغل راجل دغرى

دياب شكرا..

وراح سال بتاع كشك السجاير... وقال... لا يا بيه ماعروفش بس لو تقصد بتاع المطعم لا ده اعرفو ده جدع قوى عمرو ما اشترا سجاير اخرو طلبات البيت لا يا بيه مالوش فيها..

دياب شكرا..

وراح للجيران..

التالت.. دول فى حالهميا بيه عمرنا ما سمعنا صوتهم دول احسن جيره والله يا بيه

دياب مشى والناس كانت كتيره عند مؤمن وبتاخد الفلوس

مؤمن.. مستحيل يكون سال كل ااناس دى.. دول اكيد بشتغلونا..

ريماس بضحك.. لجل القمر العالى اسهر اليالى.. ادفع مش عاوز تتجوز خلاص هو قال وافق ده المهم الباقى قريب..

بعد شهر كانو عاميلن الفرح لمؤمن ونور.. دياب وقف جمب ريماس اللى كانت واقفه على جمب وقال...

عقبالك

ريماس.. عقبالك انت كمان

دياب... انا حابب اتقدم في الصف تقبلى

ريماس.. صف ايه

دياب.. صف المتجوزين جديد بس ده محتاج شريكه عشان اتقدم فيه... تقبلي تشاركيني.. بطلت احجز البضايع خلاص توبنا... اخاف اقع مع مجنونه زيك تخسرنى ولاو اني متاكد ان ما فيش زيك تانى انتى اخر واحده.. واحلى واحده..

ريماس... انا احلى واحده

دياب.. واحسن واحده تقبلى تشاركيني ايامي كلها بحلوها بمرها

ريماس... ربنا مايجبلك مر واصل... اقبل اكيد

دياب... وانا اوعدك انى هنسيكى اللى فات واعيش بيكى اللى جاى.. صح خسرتينى بس لو خسرت العالم وكسبتك مش خسران...