تاني يوم …..
-أيوة يا حاج طه …لا البيت تمام يا باشا …تسلم يارب …
قالها إيهاب بسعادة وهو بيتكلم مع طه اللي اجرله الشقة ….
-الحمدلله انها عجبتك يا ابني أنا والله مكسوف منك….
-ليه؟!
قالها إيهاب بحيرة فرد طه :
-تلاقيك يا عيني اطحـ.نت انت ومراتك اي نظافة البيت أنا للاسف انشغلت ونسيت اجيب حد ينضفه ..
شقلب إيهاب و.قع في رجليه وهو بيفتكر البيت النضيف . ..وقال:
-بس بس البيت كان نضيف و…
-أزاي يا ابني الشقة مقفولة من فترة واكيد مليانة تراب و….
-طيب يا عم طه مضطر اقفل دلوقتي ….
قالها إيهاب وودع عم طه وهو بياخد الباك باج بتاعته وبيجري وقلبه بيدق جامد …كان خايف على مراته …حاسس ان فيه حاجة حصلت ….
…. .
وصل البيت وهو بينهت ودخل اوضة النوم ووقف فجأة وهو بيلاقي مراته قاعدة على التسريحة بتسرح شعرها …اول ما شافته ابتسمت وقامت وهي بتقرب منه وحضنته …ميعرفش ليه بس حس بنفو.ر منها غريب بس بعد وقال بلطف :
-أنتي كويسة يا حبيبي ..
هزت رأسها وهي بتبتسم وبتقول :
-كويسة اووي يا روحي …أنا حبيت البيت اووي ..
ابتسم بتو تر …كان حابب يقولها أن عم طه مرتبش البيت وأنه لحد دلوقتي ميعرفش البيت اترتب ازاي …بس محبش يقلقها….
ابتسم ليها بلطف فحضنته وهي بتقول :
-أنا بحبك اووي يا إيهاب….
حطيت ايدي على ازاز المرايا من جوا وانا ببص على الست الغريبة اللي واخدة شكلي وبتحضن جوزي …كانت دموعي بتنزل وانا بضرب الإزار عشان اطلع وافتكرت اللي حصل معايا لما الصوت الغريب قالي بصي وراكي ….
…..
فلاش باك ….
-بصي وراكي !
قالها صوت عميق ورايا ….رغم أن كان التفكير الأمثل اني مبصش الا اني للاسف بصيت ….اتقلبت الناحية التانية وعينيا وسعت من الرُعب وانا وشي في وش بشع مجعد وأسود …عينين بيضا. ..وشعر محروق ….كنت عايزة اصرخ بس حسيت ان الصوت مش راضي يطلع من حنجرتي ….بس دموعي اللي كانت بتنزل …وجسمي اترعش لما لقيت الست دي وشها بيتغير لشكلي أنا ….وبعدين صرختي قدرت تطلع لما حسيت جسمي بيترفع عن السرير لحد ما وصلت السقف …فجأة هي حركت ايديها لحد ما ودتني ناحية المرايا بسرعة كبيرة أووي …وصرخت وانا بحمي وشى لا إراديا وانا فاكرة أني هخبط في المرايا وقزازه هيتكـ.سر …بس اللي حصل كان أغرب من الخيال …أنا دخلت جوا المرايا …كأن المرايا زي بوابة دخلت جواها واتحـ.بس …أنا شايفة كل حاجة بتحصل في الاوضة …ودلوقتي شايفة جوزي وهو بيحضنها …
باك …
رجعت من شرودي وانا بعيط وبقول بصوت مخنوق :
-يارب …يارب ….
……
فضلت لحد بعد الساعة اتناشر وانا براقب إيهاب …كنت خايفة عليه تعمل حاجة فيه ….فجأة عينيا وسعت وانا شايفة أنه بعد ما ناموا فتحت هي عينيها وابتسمت ليا ووشها بيتغير بعدين طلعت سكـ.ينة من بوقها وقربتها من رقبة إيهاب جوزي !
-لاااا!
صر.خت برُعب .
