رواية سجينة الظلم والانتقام الفصل الحادي وخمسون 51 - بقلم طبيبة الاحساس

هلو حبايبي شلونكم حبيت اكللكم القصة مو بقلمي بقلم وحدة ثانية فاذا تحبون اكتبلكم بقلمي كتبولي بل تعاليق#سجينة_الظلم_والانتقام 🍂🥀

#البارت السادس والخمسون

الكاتبة : سارة الشمري🖤

إذامـارأت عـيـني جـمالـك مـقـبلاً......... وحـقـك يـا روحي سـكرت بـلا شرب.

سمعت صوت واحد من جهة الباب يصوفر ويكول : بوووية شلون صاروخ ارضي هذا ..

رفعت راسي للباب الخارجي لا اراديا ..

شهككت واني اشوفة واكف ويباوعلي بنضرات قذرة .. ما لحكت ادخل الا شفتة انسحب وصار بالكاع وما اسمع بس صوت الضرب ..

غزوان .. طلعت من بيتي وتوجهت لبيت اهلي لان خابرني رائد كال اجينة بالطريق حتى نتبارك لمؤيد وبنفس الوقت جايين مشية عالبنات وكال ميامين ما تدري وطلب مني اني اكللهة ..

فتحت الباب والدم صعد الراسي من شفت هالحيوان يباوع عليهة بهالطريقة وهي ما منتبهة ...
سحلتة من ياختة وشمرتة بالكاع واني ماشوف من العصبية .. صرت اضرب بي بوكسيات على وجهة ..
سمعت صيحة ميامين بخوف : غزوووان فدوة عوفة لا يموت بيدك ..

حجيت بغضب من واني احس النار صعد لراسي : طبي جوة لا اكفر بيج هسة ..
خافت هي ودخلت للمطبخ بسرعة ..

ميامين .. واكفة اباب المطبخ واباوع عليهم من الشباك واضرب بخدي بخوف واني اشوف وجه عمران صار ما ينشاف من كثر الضرب ويحاول يخلص نفسة من ايد غزوان ويرافس جواه ..

دخلن مها وخاتون وشافن حالتي اجن يركضن ..
خاتون شهكت من شافت غزوان بهالحالة : يممة ليش غزوان يضرب بعمران هيج ..

ما تحملت وكمت ابجي لان من وراي الي صار : جنت ادخل بالعصاير وعمران يباوع علية من الباب بدون ما انتبه .. وغزوان من شافة تخبل وانهد علي بالضرب ..

مها سدت باب المطبخ الي على الهول حتى النسوان محد تسمع ..: شلون هسة منو يخلصة من ايدة ..

خاتون وهي تأشر على تليفون امهة : هذا تليفون امي هنا بي رقم حمزة بسرعة خابري اكيد هو برة ..

مها اخذت التليفون واتصلت على حمزة وهو رد : امري عمة ..
مها بسرعة : حمزة اني مها .. فدوة تعال بسرعة لبيتنة لان غزوان شاف عمران وهو يباوع على ميامين من الباب وانهد علي بالضرب تعال بسرعة قبل لا يموت بيدة ..

حمزة بعصبية : هالحيوان الماعندة شرف وغيرة ما يتوب من سوالفة .. بس والله الا اموتة ..
سد التليفون بوجهة ..

مها وهي تباوع للتليفون : ياااا ردنا عون صار فرعون ..
خاتون بسرعة ما عدهة غير هالحل .. طلعت تليفونهة واتصلت على ابوهة ..

ثواني وما شفنة غير حمزة دخل وصار يرفس بعمران برجلة ويسب بي وغزوان يضربة بوكسيات ... مها كامت تدك وتلطم واتكول لو ادري ما مخابرتة ..

بسرعة دخل عمو ابو غزوان بعصبية .. سحل غزوان من ياختة ووخرة عن عمران الي يتلوة بالكاع ..
حمزة وكف ضرب من شاف عصبية ابو غزوان ..
حطيت ايدي على كلبي ودموعي تنزل لان من وراي صار هالشي .. يربي اني ما اخلص من المشاكل يعني ..

غزوان ... لو ما ابوي موخرني منة يمكن موتة بيدية ..
غزوان : بوية فدوة عوفني والله كلبي بعدة مورم منة ..
ابو غزوان بعصبية : غزوووان .. ارجع لا احرك عشيرتك هسة .. مو عيب عليكم مستقوين علي ثنينكم ..
حمزة : عمي انة توني (هسة) اجيت حتى ما لحكت اضربة بس جم جلاق ..

ابو غزوان : والك عين تحجي هاي ابدال ما توخرة منة ..
حمزة : والله يستاهل الكتل .. جا مو عيب علي يباوع على مرت ابن عمة من البيبان ..

ابو غزوان وهو يكوم عمران من الكاع بالكوة : شنهي ولك جا انت ما تتوب يومية مكتول .. بس هاي تربية ابوك الاطاك مجال على اساس جبير اخوتك .. كوم يالعار كوم ..
غزوان : وين مودي بوية .. ذبة بالشارع خل يصير عبرة لغيرة ..

ابو غزوان : انت اسكت ولا تحجي كلمة .. ما تشوف روحك مسوي وجهة شوارع واتكول ما برد كلبي .. وخرر هيييج ..
شفت ابوي وحمزة سندوه وطببو للديوانية الزغيرة النكعد بية اني والولد لان فارغة ..

طبيت وراهم وهمة مددو عمران عالقنفة وهوة يون ويحجي : اااه الله يكسر ايديك يغزوان ..
ضربتة على راسة بكل قوة بقهر : من اكسر راسك يلة ترتاح وتسد حلكك يلة ..
ابو غزوان بعصبية : غززوان .. ولك تضربة واني موجود شني ما تحتر احد انتة ..

كعدت عالقنفة واهز برجلي ..: اعذرني بوية ما تحملت ..
قاطعنة دخول مؤيد : ها بوية شكو .. شو اجيت والبنات تلكني ايكولن صارت عركة الحك .. شبي عمران ..
ابو غزوان : بعدين تفتهم عود .. روح جيب علبة المضمد الهناك وتعال عالجة ..

اجة مؤيد وصار يمسع الدم عن حلكة وخشمة وحمرة يحجيلة الصار ..
مؤيد هز راسة وشمر القطن : والله سيتاهل اكثر من هيج .. افا عليك غزوان ما موتة بيدك .. شلون يباوع لمرتك وتعوفة وهو بوعية ..

ابو غزوان صاح بي : الله وكيلكم ماكو احد عاقل من عدكم .. كلكم مخابيل .. خلللص شغلك ولك مؤيد لا تخليني اطلع عصبيتي بيك ..
مؤيد دنك من شاف عصبية ابوي اخذ القطن ورجع يكمل لعمران ..

مؤيد حرك خشم عمران وهو صرخ ...
التفت على ابوي وكال وهو يحك شعرة بخوف من ردة : بوية هذا خشمة مكسور لازم يروح للمستشفى ..
ابو غزوان بعصبية ويأشر علية وعلى حمزة : الله لا يبارك بيكم ثنينكم .. كوم انتة جيبة وراي خل ناخذة للمستشفى ..
طلع ابوي من الديوانية ..

مؤيد سحلة من ياختة وعبالك جان متحمل لان ابوي واكف .. كال بقهر منة : من طمام عار يطم هالوجه المخطط .. دكوووووم ..
طلعة مؤيد وياه ولحك ابوي بي .. خطية مؤيد ما تهنى بمصباح عرسة انسحل للمستشفى ..
باوعت لحمزة وهو باوع علية وطكيناهة ضحكة ما ندري ليش ..

اباوع لدشداشتي كلهة تراب وايدي هسة يلة حسيت بألمهة .. جانت اصابعي حمرة ومزوركة من ورة الضرب على وجة عمران ..
حمزة وهو يكوم : انة رايح لبيتنة ابدل دشداشتي صار بيهة دم من عمران وهم شحاطتي انكطعت من الجلاليق ..
غزوان : يلة انة هم ابدل دشداشتي انترست تراب ..

طلعت ورحت لبيتي وصعدت لغرفتي .. ذبيت المحبس والحلقة من ايدي لان اصابعي احسهن ورمن ..
سمعت صوت باب الغرفة انفتح .. تحولت عيوني للعصبية واني منطيهة ضهري : شمطلعج بالحوش بلة .. ارتاحيتي هسة من شافج هذا النذل ..

التفتت شفت عيونهة مورمة من البجي ..
حسيت كلبي فز من شفت شكلهة هيج ..
رحتلهة بسرعة ولزمت خدودهة بأيدية ..: ميامين حبيبي ليش تبجين .. من عصبيتي صيحت عليج مساع مو قصدي ..
نزلت دمعتهة وحجت بصوت متهدج : ليش ضربتة .. جان راح يموت بيديك من ورة عصبيتك ..

غزوان : جا ترديني اشوفة هيج يباوعلج واسكت ..
ميامين : بس اني والله ما جان قصدي اطلع كدامة واصلا ما انتبهت لوجودة الا من اجيت انتة ..
غزوان : ادري بيج يروحي مو بقصدج تطلعين كدامة .. هو الدخل للبيت وانتي موجودة ..

قوست حلكهة بحركة زعل شعلت كلبي : بس هسة اكيد راح يكولون من وراي انت سويت هالشي ...
تنهدت وحجيت : لا تسوين هيج وخليني راكد .. وبعدين شحدة ليجيب اسمج بشي .. هي كلهة تدري بسوالف عمران من زمان وهاي مو اول مرة علي ..

حطت ايدهة على ايدي الي خدهة ورادت تحجي بس اني سحبت ايدي لا اراديا بسرعة وعقدت حواجبي وسديت ايدي بألم ..
ميامين سحبت ايدي بخوف واضح : شبيهة ايدك .. من شنو هيج زركة ..
فرحت من شفت خوفهة وسويت نفسي اتألم اكثر : من كثر ضرب البوكسيات هيج صار بيهة .. اموتتني من الالم ..

ميامين بسرعة وكفت : ثواني بس اجيب ثلج ..
طلعت هي واني رجعت ضهري عالجرباية وابتسمت ..
دخلت وبيدهة جيس نايلون شفاف وحاطة بي قطع ثلج .. كعدت يمي وسحبت ايدي وحطت الثلج علي ..
سحبت ايدي ومسوي نفسي اتألم : اااخ على كيفج شبيج ..
ميامين رفعت ايدهة : اسفة ..

رجعت حطتهة على ايدي بهدوء .. اني من داخلي كلبي يركص لان ايدي بأيدهة واشوف خوفهة علية ..
حجيت بتنهد واني ما منتبه : اييه لو ادري من زمان ضارب روحي جا شفتج هيج خايفة علي ..
لو ادري ما حاجي .. بس حجيت الكلمة حسيت بجيس الثلج انضرب بكصتي ..

فزيت واني مصدوم .. حاط ايدي على كصتي وعيني عليهة وعالجيس ..
حجت بعصبية : مسوي نفسك تتألم وانت مستغلني .. اني صوجي اصدك بيك ..

عافتني ووكفت كدام المراية واخذت كلينس وصارت تمسح جوة عيونهة لان دموعهة شوية نزلت من الكحل ..
اني بعدني كاعد ومصدوم .. هاي صدك ضربتني ..
باوعت عليهة : ميامين كدهة هاي الضربة ..

حجت بعصبية بدون ما تلتفت الي : اي كدهة .. حتى مرة ثانية ما تجذب وتستغل خوفي ..
اخذت ٣ قطع من الثلج وصرت وراهة : اخر مرة اكلج اعتذري ولا ترة اعاقبج والله ..

ميامين وهي تتخوصر : شتسوي يعني .. تضربني مثلا .. اصلا تعودت هالاسلوب منك ..
باوعتلهة بمكر : لا ما اضربج بس هيج راح اسوي ..
بسرعة حطيت قطع الثلج بضهرهة ..
هي شهكت ببرودة وصارت تكمز : اشااا .. غزوووان مو هييج ..

كعدت على كرسي المراية من الضحك على شكلهة وهي تطافر بالغرفة ..
ميامين : لا تضحك فدوة وخرهن والله احس ضهري جمد ..
انقهرت عليهة ورحتلهة : اوكفي لا تطافرين خل اوخرهن ..
وكفت هي بس تميل بأكتافهة وتحوس ..

مديت ايدي بضهرهة صاير مثل الثلج ..
ايدي لامست بشرتهة هي صلبت ضهرهة ودارت وجهة .. وخرت الثلج وثوبهة تبلل لان الثلج نصة ذاب بضهرهة ..
حاوطت خصرهة وسحبتهة الي .. صارت كلش قريبة علية .. اباوع لتقاسيم وجهة المصدوم ..

رفعت راسهة وكالت : شجاي تسوي عوفني ..
قربت منهة وخشمي لامس خشمهة ..
مديت ايدي ورة ضهرهة ووصلت لجوة رگبتهة ولزمت السحابة وانزلهة بهدووء ..
ميامين انتبهت لحركتي بسرعة : غزوان عوفني شجاي تسوي ..

حجيت واني على وضعي : شششش ... لا تستبردين ضهرج تبلل .. بدلي هذا الي لابستة ..
دفعتني ووخرت وهي لازمة السحابة مالتهة : ترة اكدر اسحبهة بنفسي ..
حجيت برفعة حاجب وابتسامة : من شوكت ..
حجت بقهر : مو شغلك ترة بس الفساتين ما الوح السحابة مالتهن ..

دخلت لغرفة الملابس واني ضحكت عليهة ..
دخلت للحمام سبحت عالسريع لان انترست تراب من بعد طوشة اليوم ..
طلعت من الحمام .. ابتسمت من شفتهة محضرتلي ملابسي واغراضي مرتبتهن عالميز .. تنهدت وكلت : والله احبهة ياناس ..

££££££££££

جوري ... من طلعنة من الفندق سلمت على بسمة لان راحت وية رجلهة لبيت اهلة واني رحت وية مؤيد لبيت اهلة ..

بس دخلنة البنات جانن مخبوصات عركة مدري شنو .. سألت على امي كالن راحت لبيت اهل حسنين علمود بسمة لان اهل ابوه ناس غريبة وبسمة ما متعودة عليهم .. ههه ما تدري ابسمة اذا تعوفهة بين سبع ذيابة ترجع تلكاهة ماكلتهن وتطكطك بعضامهن ..

صعدتني مها للجناح مالتنة جان كولش حلو وديكورة مرتب وناعم ..
ذبيت عباتي وجنطتي عالجرباية وصرت افتر اخذلي جولة بالشقة ..
غرفة النوم جان لونهة ذهبي وحاطين مفرش لونة ابيض وعلي ورد ..

المراية جانت كولش جبيرة وتقريباً ماخذة نص الحايط وعليهة كم قطعة مكياج من الي اشتريتهن اني وكم عطر ..
دخلت لغرفة الملابس وشفت الباقي موجود ومرتب بشكل حلو وملابسي الي اشتريتهن وغيرهن من الملابس الي جابهن مؤيد من راح لبغداد يشتري اخشاب الغرفة ..

الجهة الثانية المقابلة لجهة ملابسي جانت ملابس مؤيد .. ترتيبهة حلو واللون الرصاصي تقريبا جان اغلب ملابسة ..
طلعت من غرفة النوم وجان اكو باب مقابل غرفة النوم .. فتحتة وجان عكس الشقة كلهة .. جان مكتب لونة اسود وباقي المكتب باللون الجوزي ..

تقربت من المكتب اكثر وشفت صورة عالمكتب ..
سحبتهة ونزلت دمعتي واني اشوفة .. جانت صورة فارس لابس قاط اسود وكاشخ مادري شنو المناسبة .. لامست الصورة بأصابعي وهمست ..: اشتاقيتلك والله ..
ورة ثواني سمعت صوتة وراي .. : واني اكول المكتب منور مو بالعادة .. اثاري جوري هنا ..

مسحت دمعتي بسرعة ورجعت الصورة والتفتت وابتسمتلة : اسفة لان دخلت مكتبك بدون استأذان بس صار عندي فضول اشوف الشقة ..

مؤيد بأبتسامة : عادي بأي وقت ادخلي ..
توجه للثلاجة الزغيرة على جهة وكال : بما ان انتي اول مرة تدخلين مكتبي يعني لازم اضيفج شي ..
طلع عصير من الثلاجة وقدمة الي ..

حجيت وبدون ما اخذة : اممم ماكو بيبسي ..
طبك حواجبة وكال بأمر : لا ماكو بيبسي ومن اليوم وجاي المشروبات الغازية ممنوعة ..
طبكت حواجبي : نععععم ؟ وليش بلة ..

مؤيد : اني الاطفال امنعهم من شرب البيبسي .. شلون تردين اخليج تشربينة ..
تخوصرت وبرفعة حاجب : بس اني مو طفلة وبعدين ماكدر اعيش بدون البيبسي ..

مؤيد بدون اهتمام : تتعودين .. وبعدين انتي حالج من حال الطفلة ..
فتحت عيوني وكلت بصدمة : اني مثل الطفلة ؟ .. ترة عمري ٢٥ سنة مو طفلة ..

مؤيد : يا حبيبتي العمر ما يحدد كبر الشخص .. لو تردين نرجع للواقع انتي مثلج مثل العمرهة ١٢ سنة ..
تخوصرت وكلت : وانت شوكت عاشرتني وكلت مثل الطفلة .. يعني على شنو تعتمد بهذا كلامك ..

مؤيد بجدية وهو يكعد عالقنفة الي بالمكتب : على تصرفاتج الطايشة والي تتصرفينهة بدون ما تفكرين ...
عقدت حواجبي وكعدت كدامة : شلون يعني .. شنو الغلط بتصرفاتي .. او شوكت تصرفت بغلط ..

مؤيد : شوفي اني راح احجي بس احنة مثل ما اتفقنا اصدقاء ومايصير تزعلين من كلامي واني واجبي ك صديق اكلج شنو اخطائج ..
طبكت ايدية بأهتمام : ماشي والله ما ازعل منك .. بس كول شنو الغلط ..

مؤيد : شوفي اول شي تسرعج بالاعتراف لفارس بحبج الة ..
فتحت عيوني بصدمة .. شلون عرف بهالشي .. محد يدري بية حجيت وية فارس غيري اني وفارس نفسة .. معقولة يكون فارس هوة الي حجالة ..

مؤيد : لا تنصدمين .. ترة سمعت كلامكم كلة من حجيتي وية فارس ..
دنكت راسي وكلت : تشوف هالشي تسرع مني ..

مؤيد : طبعاً تسرع .. وابسط شي انتي شفتي شنو جانت نتيجتة .. كلبج انكسر من كلامة .. وترة اخذيهة قاعدة .. الشاب مستحيل يحترم بنت تجي هي وتعترفلة بحبهة او هي الي تبادر بشي .. راح يعتبرهة ما متربية وطبعا اني مستحيل اقصدج بهالكلام لان انتي بت عمي واعرف اخلاقج زين .. بس اني احجي بصورة عامة ..

نزلت دمعتي وحجيت بخجل : بس اني سويت هالشي لان شفتة حتى ما ينتبه لوجودي وما معبرني ...

مؤيد وهو يباوع بعيوني بنضرة ما فهمتهة .: ادري ليش سويتي هيج .. انتي حسيتي نفسج تعبتي من كونج تحبين شخص وتهتمين لوجودة وما تشوفين غيرة وبالتالي هوة حتى ما شايفج وما منتبهلج وبعدين تكتشفين ان هالشخص كلبة يم احد ثاني .. صح هالشي لو لا ..

انصدمت من كلامة تحليلة الصحيح : صح كلامك ..
مؤيد بأبتسامة غريبة : وانتي من شفتي هالشي جان لازم تحاولين تنسين ادري هالشي صعب وشبه مستحيل بس حاولي تسوين اي شي الا ان تنزلين نفسج لشخص انتي تحبينة وانتي ما شفتي منة غير الصد .. جان لازم تبقين محافضة على كرامتج .. لازم تكولين مادام هذا الحب راح يكسر كلبي ويحطم كرامتي اني لازم ادفنة بكلبي وما اطلعة لاحد ..

جنت صافنة علي ومركزة بكل كلمة يكولهة .. جاي اكتشف جانب جديد بمؤيد اول مرة اعرفهن .. صحيح مثل ما كالت الحجية مؤيد هادئ وراكز وقرارتة متحضرة ويفكر قبل لا يتصرف وكالت ان هوة الوحيد الي ما طلع يشبه غزوان وابوه بالعصبية وهو عكسهم حتى بوقت عصبيتة يكدر يتحكم بنفسة ولهالسبب تمنيتج انتي تتزوجين مؤيد ..

باوعتلة بتعجب : انت شلون تكدر تفكر هيج .. يعني منين جبت هالكلام ..

مؤيد بأبتسامة : كلامي ما يختلف علي ثنين يحلوة واني كتلج هالشي كرأيي وشاركتج بي .. وهاا ترة انتي كلتي ما ازعل ..

ابتسمتلة : انت ما كلت شي يخليني ازعل .. اني فعلا جان لازم ما اتسرع واخلي نفسي عزيزة علية ..
مؤيد : بالضبط .. وترة ها مو بس البيبسي ممنوع وحتى الايس كريم ممنوع تدخل للبيت ..

ضحكت وبعدين استوعبت : شنوو .. انت حاكم البيت لو شنو .. شهالقوانين هاي ..

££££££££££

غزوان ... دخلت للديوان مالتنة وشفت ابوي وعمامي وولد عمامي كاعدين وهذا العار كاعد بصف ابوه ..

الكاتبة : سارة الشمري✍🏻

حبايبي والله من بعد كلامكم العسل هذا مكدرت اوقف القصة 😘 واسفة على ت