رواية سجينة،الظلم والانتقام الفصل التاسع عشر 19 - بقلم Renad.m

#سجينة_الظلم_والانتقام 🍂🥀

#البارت الثامن والاربعون

#الكاتبة : سارة الشمري 🖤

يا معشر العشاق بالله خبروا
اذا حل عشق بالفتى كيف يصنع
يداري هواه ثم يكتم سره
ويصبر في كل الامور ويخضع
كيف يداري والهوى قاتل الفتى
وفي كل يوم قلبه يتقطع

المتنبي 🖤

مؤيد قبل لا يدخل التفت لورى وشاف رائد واكع بالكاع ...
ركضلة بأقصى سرعة هو وحمزة الي انتبهلة هم...

شافوه طايح على ركبة وحاط ايدي على اذنه ومغمض عيونة بقوة ...

تقربو منة وهمة يلزمونة من كتفة ..
مؤيد باوع على حمزة وهو يسمع رائد يردد : فارس .. لا تقتلونة .. اخوي لا يموت ..

مؤيد فهم شبي وطلع بسرعة للشارع ويصيح عليهم : لحد يرمي .. وككفو ..

احترمو كلامة ووقفو الرمي وهو رجع بسرعة لرائد ..
رفع راسة مؤيد ووخر ايدي عن اذانة ...
رائد انتبه لمؤيد وكال فجأة : فاارس ..
حمزة : رائد اهدئ .. هذا مؤيد مو فارس ..
رائد وهو يحاول يستوعب : المسدس والطلق ..

مؤيد طلع ورقة من جيبة وصار يهفيلة : ماشي تنفس انتة .. هذا جان ضرب علمود غزوان ... ماكو احد ..
رائد بسرعة استوعب وفرك وجهة ووكف وكال : اني بخير .. ما بية شي ...
حمزة : متأكد مابيك شي ..

رائد : اي متأكد بس ذاكرتي رجعتني لذاك اليوم .. ماريد احد يدري حتى لا تخرف فرحتهم .. ترة مابية شي والله ..
مؤيد : ماشي لعد .. يلة تعال ادخل ويانة ...
دخلو كلهم جوة وهمة يشوفون الفرحة بعيون غزوان ...

££££££££

عند ميامين .. سمعت صوت هورنات السيارات اجت .. بطنهة مغصتهة وكلبهة صار طبول ...
صارت تهوي على نفسهة ماتريد تبين خوفهة من شي ..
ورة شوية اندك الباب ودخلت خاتون اول وحدة ...
ميامين كامت بفرحة وحضنتهة : خااتوونة .. اشتاقيتلج يالبطة ..

خاتون نزلت دموعهة وضربتهة على كتفهة : بطة بعينج ثولة .. مشتاقتلج والله ..
سمعن صوت هلهولة مصرية كولش عالية من برة ودخلت للغرفة .. بسمة وهي تكطع هلهولتهة بصرخة : ميااااميييين ... وحضنتهة نفس الشي ..

مها دخلت وياهة وبأبتسامة ونزلت دموعهة وكالت : صح ماجنت اشوفج هواي بس وحشة عليج والله ..
ورود من وراهن : يلة عاد خربتو مكياجهة ومكياجكم .. ارتاحيتو ..

البنات ضحكن وراحن عالمراية ويتدافعن كل وحدة تريد تعدل نفسهة قبل الثانية ...
عدلن مكياج ميامين وضبطنهة ..
دخلت ام رائد عليهن بأبتسامة : ها يمة خلصتن ..
البنات : اي ..خلصنة ..

ام رائد : يلة لعد نزلوهة لان الناس تنتضر ..
البنات كومن ميامين وطلعو ينزلونهة ..
نزلت ميامين عالدرج والكل يباوع عليهة ..

ام رائد دموعهة نزلت وهي تشوف بنتهة راح تفارقهة ..
ام غزوان تهلهل وتصلي عالنبي وفرحانة لان ابنهة راح يتزوج اخيراً ...

كعدت ميامين عالقنفة الي زينتهة ورود بالورد الابيض بطلب من ميامين ان متجيب كوشة ...
انطلقن البنات بالرقص .. وكل وحدة تتمايل بجسمهة بخفة والفرح واضح بوجوهن ..

££££££

غزوان جان جايب القاضي لهنا بطلب خاص حتى ان يعقدلهم عقد محكمة ...

جا واكف برة ينتضر القاضي ان يوصل حتى يستقبلة ...
التفت شاف بنية واكفة ولابسة بدلة حمرة قصيرة وفاتحة شعرهة ...

ابتسم وصاحهة : تعاي يحلوة ..
شهد التفتت علي وكالت : منو انت ..
تقربت من يمة وهو نزل على ركبة لمستواهة ..
شكد تشبهة .. نسخة منهة .. حتى غمازة الحنج ..
والشعر الاسود الطويل .. والعيون .. ميامين بس نسخة زغيرة ..

غزوان : انتي شتصيرين من ميامين ..

شهد : اني اختهة .. انت منو ليش منين تعرف اختي ..
غزوان وهو يسحب خشمة بين اصابعة بخفة : لان اني زوج اختج .. ميامين مرتي يعني اعرفهة ..
شهد وهي تستوعب : هاااااا ... يعني انت نسيبنة ..
غزوان ضحك : اي اني نسيبكم ..

شهد بأبتسامة وهي تمد ايدهة : اني شهد وانت شنو اسمك ..
غزوان يصافحهة : اني غزوان .. شهودة راح ادزج بمهمة ..
شهد وهي تهز راسهة : شنو هي .. كول ..
غزوان قرب من اذنهة وهمس ....

££££££££

ميامين .. كاعدة ومتصنعة الابتسامة وهي بودهة تنهي كل هالمهزلة بس ماتكدر ..

طبعا بسمة ومها ذبن لحم ما عدا خاتون الي بس تهز بأيديهة لان ماتعرف تركص ..

دك تليفون خاتون وهي ردت .. طلعت وشوية ورجعت علية وبيدهة كتاب جبير ..

حطتة كدامي وانطتني القالم وكالت : وقعي ..
استغربت وكلت : شنو هذا ..
خاتون : هذا كتاب المحكمة ..

اخذت القلم منهة وايدية ترجف .. ماريد اوقع .. ماريد ارجعلة .. للحضة ردت اشمر القلم واكوم واعوف كلشي .. بس تذكرت اخوي رائد والناس الزينة الي جايين ..
سميت بالله ووقعت وذبيت القلم ..
خاتون اخذت الدفتر وطلعت ترجعة لغزوان ..

شهد اجت تقربت علية .. اشرتلي بأيدهة بمعنى تقربي ..
هزيت راسي بمعنى شكو وقربت راسي منهة ..
ميامين : ها شهودة ...

شهد وهي تشاورني : غزوان دزني عليج ..
عصبت والتفتت عليهة : وشيريد ..
شهد رجعت راسي وحطت حلكهة يم اذني : ايكول كليلهة شيجيب الليل واصبر شلون ..

فتحت عيوني .. المايستحي ايكول هالكلام لطفلة زغيرة .. صدك ماعندة حيا ولا خجل ..
شهد كأنهة تذكرت ورجعت سحبتني وكالت : وها صدك .. كال لازم توفي بكلمتهة وتنفذ شروطي كلهة ...

ميامين وهي مصدومة .. اصلا مثل ما توقعتك .. ما راح تتغير .. تمشي ورة رغباتك ومسوي نفسك تحبني ....
اففف يربي دخيلك عيني على هالمصيبة هذا ..
قاطع تفكيري صوت ام غزوان : مبروك حبيبة .. انشالله شايفين كل الخير ..

ابتسمتلهة وكلت : الله يبارك بيج عمة ..
ام غزوان : عمة اعذريني عالسويتة بيج ..
ميامين : عمة انتي ما تنلامين ومالج ذنب بشي .. واصلا اني ما سويتيلي شي ..

ام غزوان وهي تمسح على شعري بالقرآن الزغير البيدهة : الله يرضى عليج ويطيج السعادة انشالله ..

حطت القرءآن بيدي وجابت علبة مال ذهب وفتحتهة .. جان التخم كولش حلو وراقي .. بصراحة طلع حلو ذوق عمتي ...
لبستني الذهب والبنات يهلهلن ويركصن ..

بعدين حبتني براسي وكعدت بصفي والبنات اخذولنة صور وبعدين كامت ..

اجن البنات ياخذن صور كل وحدة وحدهة وياي وبعدين الصورة جماعية ..

نزلت ورود ومنزلة اغراضي بجنطة جبيرة تسحبهة ام العجلات ..

بسمة ركضتلهة واخذت الجنطة منهة وكالت : جنطتهة اني اخذهة ..

ورود ضحكت وافتهمت : اكييد حياتي اخذيهة كدامج ...
ميامين استغربت بس ما اهتمت للموضوع ...

£££££££

غزوان خلص عقد المحكمة وهو فرحان ..
كاعد بين مؤيد وحمزة ..

حمزة وهو يحاجي مؤيد : شوف حلكة وصل لاذاناتة من كثر ما يضحك ..

مؤيد بضحكة : انت شوف سنونة راح تطيح بحضنة من الفرحة ..

غزوان يسمعهم ما يدري ان يقصدونة .. التفت بأستغراب : منو هو ..

حمزة بسخرية : زياد ..
غزوان اختفت ابتسامتة وتحولت لعصبية وهو يدور بعيونة بين الكاعدين : ويينة هالحيوان ..

مؤيد وهو يضحك : يعني بربك منو غيرك هيج فرحان .. انت منتبه لروحك شلون شاك حلكك من الضحك ..
غزوان انتبه لنفسة وانحرج ... وبعدين رجع لطبيعتة ..

&&&&&

ميامين كاعدة عالقنفة وبصفهة بسمة ومن الجهة الثانية مها  .. تقدمت منهة نورة والغيرة مبينة بوجهة ..
نورة برفعة خشم : مبروك ميامين ..

ميامين بأبتسامة : الله يبارك بيج .. يوم الج ..
نورة : اني ما اتزوج هسة .. بس انتضر الوقت والشخص المناسب ..

بسمة وهي تلعب بطرف شعرهة : والله اركان شكلة مستعجل عالزواج ..

نورة بعصبية : وانتي منو كلج اني حتزوج اركان ..
بسمة بضحكة سخرية : حبيبتي مو بس اني اكول .. العالم كلهة تدري بأركان نهى عليج وخرب خطوبتج وكال اريد اتزوجهة .. قابل هالحجي جذب لو جايبتة من جيبي ..

نورة ضربت رجلهة بالكاع بعصبية وعافتهة ومشت بقهر ..
ميامين : بسمة ليش سويتي هيج .. ترة هالمرة انتي الي بديتي ..

بسمة بدون اهتمام : خل تولي .. شوية خليهة تكسر غرورهة ..

ميامين اشرت لورود تجي .. ورود دنكت عليهة وميامين همستلهة : دزي احد خل يصيح رائد .. شوفي ليش ما اجة حتى يودعني ..

ورود هزت راسهة وعافتهة ومشت ...
سمعتهم ايكولون راح ياخذوهة يعني راح يرحون ...
ميامين مغصتهة بطنهة وكلبهة صار يدك بسرعة وغوركت عيونهة ... ليش رائد ما اجة سلم علية .. شنو يريد يخلص مني ..

البنات والنسون كل وحدة لبست عبايتهة وبوشيتهة وتحضرن حتى يطلعون ...
خاتون جابت السترة البيضة مال ميامين لان فستانهة للكتف يعني بدون اكمام وهم الجو بارد ..
لبستهة البرنص مال العرايس فوك تسريحتهة ..

ميامين كوة لازمة دمعتهة لا تطيح ...
كامن البنات يهوسن والكل تهوس وياهن ...
فصوص روبة وياكفاهة ووين دورهة ولكاهة ...
شايف خير ومستاهلهة ...
ومن هذني هوساتهن الما تخلص ..
ام رائد تقدمت من بتهة وحضنتهة وباستهة ..

ام رائد وهي تكول لام غزوان : فدوة ديرو بالكم على بنيتي ..
ام غزوان : بعيونة انشالله .. اعتبريهة راحت لامهة الثانية ...
طلعت بسمة وسحبت مها وياهة ..

مها بأنزعاج : شبيج عوفيني خل اركص مادام بعدنة ما طالعين ..

بسمة : يالغبية لاحكة عالركص روحي هناك وذبي لحم .. بس هسة هاج اخذي جنطة ميامين وحطيهة بسيارة مؤيد .. ديري بالج تحطينهة بسيارة غزوان اوك ؟...

مها عقدت حواجبهة بأستغراب : وليش يعني ..
بسمة : معليج انتي .. من نوصل هناك تعرفين ليش ..
مها تكتف ايديهة وكالت : وليش ما تطلعينهة انتي ..

بسمة وهي تتأفف : روحي يالثولة خابري اخوج علمود يفتحلج السيارة واني هسة الحكج بباقي الغراض ..
مها بملل وهي تسحب الجنطة : تمام ...
طلعت تليفونهة واتصلت على مؤيد وطلبت منة يفتحلهة السيارة حتى تحط الجنطة بيهة ...

بعدهة ما طالعة وانفتح سير الحذاء مالتهة : اففف هسة وكتك ..

.. عافتة مفتوح واخذت الجنطة سحب وطلعت .. وصلت لسيارة مؤيد وحطت الجنطة يم السيارة

فتحت باب الكدام وصعدت بدون ما تلتفت على مؤيد ودنكت تسوي حذائهة .. : مؤيد فدوة صعد الجنطة ترة ثكيلة ما اكدرلهة .. واني حذائي انفلت ابد مو وقتة .. تدري كولش تونسنة اليوم وانشالله يوم نتونس بعرسك هم ..

انتبهت ان مؤيد مغلس عليهة وما يرد ..
استغربت ورفعت راسهة لمؤيد وشهكككت ....

££££££££££

طلعت ميامين من البيت ووصلت للطارمة مالتهم وهي تشوف رائد واكف ينتضرهة ..

راحتلة تركض وحضنتة بقوة وصارت تبجي .. : ليش ما اجيت سلمت علية ..

رائد وهو يبوسهة براسهة ويحضنهة : ماهان علية اشوف دموعج ..

ميامين : يعني تريد تعوفني اروح بدون ما اشوفك علمود دموعي ..

غزوان طلع من الباب وهو يشوف بس ضهر رائد وايديهة محاوطتة ومتمسكة بأخوهة .. رائد جان مغطي عليهة وما يبين منهة شي ..

حط ايدة على كلبة وقبض ايدة حيل والغيرة اشتعلت بكلبة ... ليش هالكد يغار من رائد مع ان هوة اخوهة .. بس لان يدري بيهة شكد تحبة ومستعدة تضحي بنفسهة علمودة ...

غزوان حجة بصوت وهو يريدهم ينتبهون الة : رائد .. يلة نريد نطلع ..

ميامين مجرد ما سمعت صوتة كمشت بأصابعهة على جاكيت رائد حيل ... هذا هوة ..

الكاتبة : سارة الشمري🖤

ادري البارت قصير حبايبي .. بس صدكوني ماكدرت اكتب اكثر من هيج والله 👍🏻..