رواية شائت الأقدار الفصل الخامس والثلاثون 35 - بقلم نور الشمس

الطريق اريده بس يخلص ولو ما العيب
جانزلت ناصر بنص الدرب

وصلنه ونار تغلي بداخلي
حته دلال نسيتها ونسيت البنيه ونسيت كلشي
نزلت من السياره رحت لزمت ريم من ايدها نزلتها
جريتها بيدي جر للبيت وعفتهم وراي
..جعفر شبيك تره مو انه الجايبه شبيك لازمني
..اسمعها وكلشي ماجاوبت سرعت اكثر
طببتها گبل الغرفتها وگتلها گعدي هنا
..جعفر شني معناها هاي
..معناها تعبتي وابنچ خطيه هم تعب بالچ علي
عفتهم وطلعت وانه صاير بارود
رجعت شفت دلال اجت هيه وامها وناصر
رحت للديوان سلمت على ابوي تباركلي هوه وكاظم
وامي هم تلگت دلال تتباركلها وتباركتلي وشالت ضي وبوستها
وگعدنه شويه ارتاحينه شفت ريم أجت
اووو هاي شجابها گتلها ريم روحي نامي تعبتي
..لا خاف تحتاجون شي
..سلامتج كلشي مانريد
ناصر ..والله ياريت اريد جاي راسي يوجعني
جعفر..ريم روحي التفتت الكاظم هسه كاظم يسوي چاي ابنچ يبجي روحيله
كاظم ..لابربك وحدك تتبرع ههههه
..اي وحگ ربي وربك الجاي من ايدك يخبل اشربه بالمكتب
ريم ..شني السالفه لا انه اسوي گتلهم ورحت وانه متعجبه شبي هذا شگد عيب يريد يگعدني بغرفتي ويگوم كاظم يافشلة الفشله بلكي انوب تطلع علينه سالفه بالسلف شگول عليك جعفر گاعد افكر وماحس واحد جر ايدي جر ودارني علي بقوه
التفتت جعفر وعيونه صايرات دم
..شجابچ انتي ليش ماتسمعين حجايه
..شسمع جعفر عيب شتگول العالم انه انام وكاظم يسوي چاي لو انت متبرع هم ميخالف
..جاخوش امشي الغرفتچ وانه اسوي
..ياا شبيك جعفر شكوو
..بكيفي ريم ب ك ي ف ي گال الأخيره وهوه يكطع بيها
..انقهرت منه وردت اقهره گتله
لا مو بكيفك جعفر لاتفشلني هيچ انت شعليك بيه
وانه هم مامسويه شي غلط
..هاااا
..والله
..الله شالچ دروحي هسه وبعدين نتفاهم
رحت للغرفه وانه مقهوره منه
بس اكو فرحه بداخلي بديت اشك يغار عليه
واخيرا الله جابك الي تدلل انه اعلمك الغيره شلونها

ناصر ..
طول ماانه وي ريم اراقبها كلشي بيها حلوو ماخاب هاني من سماها غزاله متعجب على جعفر شلون ماتدني نفسه عليها وهيه حلاله خرب بي حجر يعني يمه هيج وحده وحلاله شيريد بعد والمصيبه رايدها گبل واكيد يحبها الهسه مهما يكون الحي ابده من الميت حته لو مرت اخوو گبل مو اول واحد يتزوج مرت اخوو بس عقله مدري وين مدري اعمه ومايشوف
صح انعجبت بيها بس مو اعجاب ورايدها الي لا مهما يكون جعفر اخوي ماتدني نفسي على مرته بس متعجب علي شلون مايملكها حاله حال اي رجال ومرته يمه مابيها شي ينعاف
بالسياره ركزت عليها وانه اسأل روحي هالسؤال لمحته عينه عليه وحاول يلهيني شفت الغيره بعيونه
وشفت طگله عصب بگصته وتشنج عرفته عصب ضليت العب بأعصابه. اكيد هسه تتحرك مشاعره ويعرف نفسه لو رايدها لو مارايدها
من شفته صار نار تأكدت ميت عليها ضليت ناصب علي الحد ماگام وراها جي كتلها اريد جاي ضحكت وغمزت الكاظم وگتله بالسالفه
..اشتعلت عشيرتك ناصر بعلي هسه يسگطك كلشي ولا ريم
..ولك خل يتحرك ادري بشر جماد هوه
..وانت ليش تحرگ بگلبه عوفه يااخي
..ولك جريمه والله جريمه خطيه ليش يتعذبون
وداعتك هسه يتحرك
..الله يسمع منك بس خاف انوب يتسودن علينه هههههه
..سهله نتحمل ههههه
كاعد نسولف ونضحك واجه جعفر جايب صينيه بيها جاي گال تفضلوو
شربنه الچاي واحنه گوه مسيطرين من الضحك
تباركنه الجعفر وطلعنه
جعفر..
من طلعوو ارتاحيت بس بيه نار هذا ناصر غير ناقص حته لو يدري بيه مارايدها بس مهما يكون تسمت بأسمي ومرتي هيه اشتعلوو اهلي شعل
گطعت صفنتي بچيت ضي
ابتسمت جي سمعتها فدوه شلون وجه حلوو
الف الحمدلله صرت اب وشلون بنيه عندي قمر
شفت دلال تعبانه گتلها الحمدلله على سلامتچ
ضي حلوه تشبهج
..ألله يسلمك جعفر تدري بفرحتي هسه من حاچيتني اكثر من فرحتي بسلامتي طلبت من الله لو يموتني لو يخليك تسامحني وتحاجيني
..اسم الله عليج عمرچ طويل ان شاءالله
عوفي الماضي يولي وديري بالچ على نفسچ وبنتچ
بستها براسها وايدها وگتلها انه رايح ارتاح خل عمتي تبقه يمج لاتروح
وامي هم ماتقصر وياچ
تعبان بيومها واريد بس اوصل للفراش وانام
خليت راسي ع المخده وطار مني النوم خوش ريم انه مو بكيفي مو سهله
تگلبت ساعه يلله نمت

دلال..

هسه يلله ارتاحيت بس اكو بداخلي ضوجه
شفته شلون جر ريم جر وعافني وراه
اكيد بعد مايطولون ويتزوجون رسمي وهالمره صدگ
اسكت واحافض على احترامي يمكن مايحبني بس ماجرحني ولا قلل احترامي
ارضه بقسمتي واتحمل
وريم هم ماقصرت وياي
لازم اترك حبي الروحي وبس انه احبه ولازم ارضه بالشي اليريده
كل هالأفكار ابالي بس فرحتي ماتنوصف
فرحانه ابنتي وفرحانه بجعفر لأن گلي ننسه الراح

ريم ..
مانمت للصبح فرحانه بجعفر وحبيت اطلع قهري بي انه اعرف شلون العب بأعصابه
عمي لو صار عنده طفل يذبح فده السلامة الأم والطفل واكيد عمامه يجون ولد عمه وانه هاي فرصتي

جعفر گعدت الصبح وصينه ع الذبايح
ورحت اصبح على ضي وامها شلون بنيه جنها لعابه ودي العب وياها اشيلها براحتي بس اخاف عليها
اشوف ريم تعلم بدلال شلون تشيلها وتلفها
صافن عليهن وحيل مرتاح شبيها لو حياتي هيچ تحله وتصير ريم الي وانه كلي الها وروحي وگلبي فدوه الها .
ودلال اكيد مااقصر عليها بشي مهما يكون بنت عمي وام بنتي فرحان شويه وجابولي جعفوري يخبل وحيل يشبه ابوه صاير من اشوفه ارتاح لو شافني يعوفهم كلهم ويجيني تنهدت وحمدت ربي وشكرته على راحتي هذي
فتحت اديني اله وشلته سمعته اول مره گالها
گال ابا سكتت ارد اركز سمعته گالها لو لا
رجع گال أبا بصوت اوضح شلته بوسته
وذكرت هاني ولو انه ماناسي بس تمنيته هوه يسمعها ابتسمت وگتلهم سمعتوو جعفر شگال
ضحكوو واني گوه ضام دمعتي
ضليت ابوس بي والعب الحد مااجت ريم اخذته مني گالت جاع
صار وكت المعازيم اجوو وامهاتي مشغولات
واجت الذبايح وذبحنه ونصلخ بيهن تلث ذبايح
وانه مشغول واصلخ رفعت عيني صدفه واشوف ريم
لابسه ثوب ضيگ وردانه تور خفيف شفتها خطفت من يمنه والشال لافته لف مو صحيح
حسيت گلبي يريد يطلع من مكانه بگد ماعجبتني حرگت اهل اهلي شلون تطلع هيچ وهاي احنه الولد كلنه بره ومشغولين
وكلهم انتبهولها اكيد منا ناصر حلوو والله
ذبيت السچينه بالگاع ورحتلها

ريم ..
من شفتهم اجتمعوو والتمت العوائل وكلها فرحانه ومشغوله
رحت لبست عندي فستان ضييگ اسود ردنه تور
كلش حلوو واعرفه مايرضه عليه لو لبسته يمهم ردت احرگه مثل مااحترگ يوميه
تعمدت امر من يمه واطلع مريت وعيني علي يخبل لحيته محدده لابس دشداشه وكافها محزم بيها لونها سمائي تخبل علي وشعره شويه طويل ومخربط مدمر دم من الذبايح ومدنگ يكصب بالذبيحه يخبل من شفته رفع راسه عليه درت وجهي وع السريع مشيت مالحگت اختل عنه
صاح ريم مبيين علي عصبي
وگفت بمكاني وحته ماانداريت لزمني من ايدي
..هاي انتي شلابسه
..شلابسه يعني ثوب
..ريم وتالي وياچ
..جعفر شبيك انت ليش هيچ وياي طفله انه لو توك شايفني وتحاسب بيه
..ريم لاتعاندين فوتي بدلي بدون نقاش
وطلعه لهنا لاتطلعين شعندج تفترين هنا گلتها وانه معصب
..هااا أنت مريض جعفر بيك شي انت شنو سلطتك عليه حته تحاسبني
..أي مريض ومسودن وبيه مرض مااقبل احد يشوفچ هيچ فوتي بدلي وگعدي ابيتج ولاتفترين وروحي بدون نقاش وعناد
..مااروح وشتريد تسوي سوي
..انه اعلمچ شسوي
سحبتها من ايدها للغرفه
شفت امي باوعتلي وهيه مبتسمه طبيت بنصهن اخواتي وامهاتي وفتت مااهتميت الأحد
طببتها الغرفتها وقفلت الباب بيدي
..جعفر شتسوي تخبلت انت
..أي تخبلت ريم انتي مرتي تعرفين شنوو مرتي
..بس ع الورق لاتنسه
لزمت وجها بأيدي وضغطت على حنچها گتلها سكتي سكتي لاتعانديني مرتي وحلالي وبكيفي
..لا گوه گلتها احس وجهي اتعقچ بيده
..شنووو ال لا گالها وهوه رافع حاجبه وصاير اعصاب
لج ريم انتي روحي وگلبي لاتعاندين شكوو لابسه هيج اليوم يوميه ماتلبسين
..عجبني البس انت ليش مغثوث
..ولچ يامغثوث حرگتي اهل اهلي
ريم مااتحمل احد يشوفچ هيج
..مو من حقك انه مااخصك اعتبرني ماموجوده
انت ردت ابن اخوك يتربه يمك وهذا هوه يمك
انه الغيني من الوجود اصلا شفتك مداري جعفر زين وبالي ارتاح من ناحيته يجوز اخلي يمك واروح اشوف طريقي
..شنوو يعني مافهمت
..يعني ابن اخوك يبقه يمك وانت طلگني اشوف حياتي
..اتخبلتي انتي ريم انتي الي ماتصيرين الغيري
..مو هذا اتفاقنه جعفر
..نلغي الأتفاق من هاللحضه
جريتها عليه رفعت وجها بيدي وضگت شفتها
صارت بجسمي رعشه وانفاسي تسارعت
حسيتها ارتبكت ولمن احتاجت الهوه تشتمه يلله عفتها رجعت عليها ارد اعيدها بس فزت حيل وتغيرت ملامحها گالت
..جعفر أنت ماتحبني أنت متعود وچي مرتك هسه ممنوعه عنك تريد تطلع لهفتك بيه مو انه التجيني بوكت فراغك جعفر كافي تره هواي اذيتني
گالتهن وانه كلي لهفه الها ومتشنچ واريد بس الزمها وبعد ماهدها بس حسيتها جرحتني شلون يعني متعود واجيها بوكت الفراغ
هديتها وگتلها .
اشتعل جعفر واهل جعفر السابع ضهر
اذا هذا ضنچ بيه انه اجيچ بوكت الفراغ
هيچ انه شايفتني
خليت اصابعي بشعري تنهدت حيل
گتلها ريم على راحتچ انه اغم وماعندي احساس وكلشي بيه
بس طلعه للحوش ماكو ثوبج هذا اذا ماذبيتي أشگه عليچ
يتبع