شفاه مخملية الفصل الرابع عشر 14 - بقلم 𝐙 𝐇 𝐑 𝐀

♛ ♛ ♛ ♛ ♛ ♛ ♛ ♛ ♛ ♛

"شفاه مخملية"

بقلم: زهراء السلامي.

#ظلَت بروحي السوالف تشتهيك
وانت بارد ماتفرفح من أجيك !

يلهه كيكاتي خليني اشوف تفاعلكم وتعليقاتكم الحلووة😚💜

♛ ♛ ♛ ♛ ♛ ♛ ♛ ♛ ♛ ♛

"غزل"
طلعت الزفة واحنه نتطاطگ من البرد، طالعات بطرگ البدله والعبى الاسلامية واحنه بنهاية شهر الواحد، وهاي رهف نعست وگاعده وتدردم

-جواهر: بناات انتو بسيارتمن تصعدن؟

-رهف: شمدرييني وييينه ابووووي

-غزل: افففف وينه عميد شو مختفيي

-شهد: بناات خاف صارله شي هوه مو مريض؟؟

-رهف: شيصيرله يعني؟

-شهد: شمدريني يمكن تخربط وگع صار بي سالفه!!

-جواهر: فاااال الله ولا فااالچ ليييش تفاولين ؏ الرجاال

-شهد: هسة اني شگلت!!!

-غزل: شهد فدوة اندارلچ سكتي طيحتي چبودنه

-شهد: يبوووو ابتلييت حچيييت اني رايحة بسيارة اميي

راحت ويه امهه وجواهر بقت يمنه عيونهه تتطاير عبالك جاي تدور واحد، لمحت مرتضى جاي علينه يبووو مو وكتك انته الثاني

-مرتضى: هاا يبنيات شني شو واگفات شمالچن ماتركبن السيارة؟

-جواهر: مرتضى عميدي وين؟؟؟؟

-مرتضى: رد للناصريه

-رهف: صگد تحچي عمووو يمته هاي؟؟

-مرتضى: من زمااان

-غزل: وشماله رااح؟؟

-مرتضى: گال كللش تعبان ومابي يوگف ؏ حيله فَـہ رد للبيت

-غزل(عطت بي): وشلوووون تخليييي يرد وحيددده بللله صارله شيييي شمااالك مرتضىىىىىى

-مرتضى: غزززل حسسسچ شمالچ تصيحين!!! ما رد وحيده راح ويه فواز

-غزل: اففففففف (جريت رهف ورحنه نصعد ويه امي بسيارتهم اهووو حبوبه عطيه هنا يعني النگ يصير بفلس، والزيد ضوجتي مرتضى راح يسوق، شويه وصعدت جواهر ويانه لان گالت اهلهه عافوهه عبالهم ويانه تبقى

-جواهر: شنو هالاغنيه العطوانيه العالگيهه

-غزل: اندريي چا غير ذوق مرتضى هاذ

-جواهر: مرتضى فدووه غير الاغنيه شنو هاي

-مرتضى: شنيي بووويه غير اخرب واتكهرب ؏ هالاغنيه

-غزل بهمس: هسة لو نوذن مايغيرهه

سكتنه وبعد ماحچينه، كلما تروح عيني ؏ المراية الاماميه اشوف مرتضى يعاينلي ويغمز لو يبتسم، وامي تگرصني حتى ابادله الابتسامه وانه مثل اللعابة المكوكة اسوي اليردو

-جواهر: غزل وين حلا؟

-غزل: ويه عمه دلال راحت

-جواهر: هااا اءء رهوفه اگولچ اتصلي ؏ ابوچ خاف صارله شي

-رهف: شي مثل شني؟

-جواهر: مادري رهف مااادري اتصلي واتطمني عليه!! شنو انتي گلبچ مو نار عليه!!!

-رهف: ايي والله صگد بالي يمه اي هسة اخذ موبايل حبوبه عطيه واتصل

-غزل: لا ماكو داعي هاچ موبايلي

اخذت موبايلي وتدگ ومايشيله، ظلينه شگددد ندگ عليه وهوه ماكو

-جواهر: بنات شبي ليش ميجاوووب؟؟؟

-غزل: اففف اسكتي انه الدم يبس بجسمي

اندارت حبوبه عطيه علينه لان گاعده بالصدر

-حجية عطيه: شماالچن ولچن شني شصاير؟؟؟

-غزل(همست للبنات): لا تگلولهه شي

-جواهر: ماكو شي بيبي هاي دا اتصل بشهد ومتجاوب

-حجية عطيه: ايي طبعاً ما تجاوب تلگين الاغاني تنعر يمهم

-غزل: اي حبوبه اكيد هيچ

-رهف: غزاله فدوه دگي بعد عليه

-غزل: اي ماشي (ونفس الشي يدگ شگد ومايشيله، مرت ساعتين وانه گووة گاعده!! ما گلت لأحد لان يجوز نايم لو گاعد بمكان ما يگدر يجاوبنه وانوب تصير سالفه ويخرب العرس ع لا شيء، نزل مرتضى ويه الولد يرگصون فيصل وبكر وحبوبه عطيه رايحة بسابع نومة

-سلمى(ام غزل): شبيچن تحوصن؟؟

-جواهر(ماتحملت انفجرت): خاااله ندگ ؏ عمييد وميجاوبنه

-سلمى: يمكن مشغول

-غزل: مامااا فدوووه حموووت شماله اخاف صايرله شييي

-سلمى(رصيت ؏ سنوني): ولچ غزززل كااافي لتبچين هسة يشوفچ مرتضى ويشك

-غزل: خلي يشششك مايهمنييي المهم عميييد زيين

-جواهر: خاله اني رح اتصل بلكي يجاوب

-سلمى: اي يله

-جواهر(اخذت موبايلي وكالعادة ميجاوبني هه وليش اصلاً فكرت ممكن يجاوب، ذبيت الموبايل وگعدت اسبّح واگول "سلام قولٍ من رب رحيم" ماريد شي بَـس يكون بخير ومصايرله شي.. احس روحي اختنگت والعبرة خنگتني من دگيت للمرة الثانيه وميجاوب

نزعت الشال بالسيارة وشفت مرتضى اجه علينه طاير

-مرتضى: جواااهر شمالچ نزعتي الربططه!!

-جواهر: هففف اختنگتتت ماريد اللبسه

-مرتضى: ولچ مايصير لبسي بسااع

-غزل: جواهر شبيهن عيونچ حمُر؟!

-جواهر: مابيه شي ومال اللبس الشاال ما اللبسه!! شو عميد الدين ومموجود شكو بعد!

-سلمى: جواهر لبسي الشال خالة عيب هنا عدهم وذوله كلهم زلم لبسيهه حبيبتي

-جواهر(ذبيت الشال ؏ راسي بعشوائيه، اني اصلاً مو محجبة شكو خانگة روحي ولابسه، اللبس شال بَـس من اروح للناصريه وچان اصلاً ملبست لوما عميد حاچي ويايه وگايل لخاطري اللبسي، يريدني حتى گدامه وگدام الولد بالبيت اللبس وطبعاً رفضت عشتوو گاعده بالبيت ومتربطه بالحجاب، اني مو ضد الحجاب بَـس اني تربيت هيچ وحتى خاله سلمى تزوجهه عمو خليل چانت سافرة وتحجيت ؏ ايده

الطريق صار شطووله واحس الهوا فرغ من ريتي، دموعي گامت تنزل من تذكرت صارلي اسبوعين ممحاچيته ولا يباوع لوجهي.. حتى بأمتحاناتي مجاوبت زين لان هوه يدرسني وهسه معاند وميقبل يگولي هلوو

رجعت ذاكرتي ليوم سالفه الرساله يوم 15\1 يوم مشؤوم بالنسبه اليه، احسه اخذ من حيلي ودست ؏ گلبي ودگيت رجل بالگاع ماعتذر لفتوح وبتهه الحقيره نرجس، وكلما اتذكر نظرات عميد الي ازيد بالبچي

بحياتي مشايفته يباوع لأحد بهالطريقه، لان هوه بالاصل هادئ وصوته نادراً يعله، بَـس حظي احسه يطلع قساوة گلبه كلهه بيه وگوة يحاچيني من طرف خشمه عبالك عدوته

وبيوم الگالي بي"احبچ" او الي توهمت ان گالهه مامتأكده گالهه لو لان تاهت عليه وهوه بسرعه عصب وماقبل اجادله، متت اريد اسمعهه منه بَـس اووف لا حياة لمن تنادي، ميلت راسي ؏ چتف رهف وتذكرت الحوار الدار بيني وبين ابوهه...

چنت گاعده ؏ سريري وعيني بعينه، عطره لسه بخشمي مدا اگدر انسى، لو انسه عيونه من همس بصوته الهادئ الخشن

-جواهر انه احبچ ليش تحبين تأذيني؟

صفنت بوجهه واني ممستوعبه كلامه، تقرب اكثر وگعد ؏ السرير بصفي

-عميد: جاوبيني

-گلت بفهاوة: هااا؟؟

-عميد: شمالچ؟

-شگلت؟

-عميد: ليش تحبين تأذيني؟

-لا لا قبلهه؟ شنو گلت عميد؟؟

صفن بوجهي عبالك مستغرب، حرك راسه

-عميد: ماگلت شي

-جواهر: لا امبله گلت اني سمعتك

-عميد: بويه شمالچ ماحچيت شي

صفنت بعيونه ومن قربنه لبعض اگدر اسمع صوت دگات گلبه لعاليه، گلبه يرگع قوي وتجمعت قطرات عرق ؏ جبينه، همست

-جواهر: انته گلت غير هالكلمه موو؟

-عميد: لاء

-جواهر: عميد لتخبلني والله گلت شي ثاااني

-عميد: لا تحلفين بويه انتي متوهمه

-جواهر: احلفف ماگلت شي ثاني

گمز من يمي وعاط

-عميد: جواااهر شمااالچ شني احلف ماعرف شنهييي

-جواهر: مو اني...

-قاطعني: اسمعي يا بت الناس انه جايلچ هين اگلچ هالحچايتين ترحين تعتذرين لعمتي وبتهه لو وحگ الرضا المسموم لساااني مايطب ؏ لساانچ وما اعاين بوجهچ بعد

-جواهر: عميييد همممه غلطوو بحقييي

-شگالن؟؟

نزلت راسي وسكتت، ماعرف شنو اگوله عمتك وبتهه تهموني بشرفي وگالن حچي تافه عني وعن بكر، اوووف حتى ماگدر احچي شي لان رأساً رح يگولنله شفناهه تطلع من غرفته بهذيچ الليله الگشره، عساني مادخلت ولا صارت هاي المشكله، رفعت عيوني اباوعله واني اشوف عيونه مركزة عليه اكلتني، منتظر جوابي

تمنيت اگوله واحچيله دخلت لغرفه بكر علمووودك اريد اسأل عنك لان متت عليك من عرفت يردون دمك وياخذوك مني، قاطع تفكيري صوته الحاد

-عميد: ماتحچييين!!!!

-جواهر(نزلت دموعي مثل الجمر تچوي خدودي): ولشي انسى

زفر قوي وفرك وجهه

-عميد: لا تبچين

انوب هوه گال هيچ زدت بالبچي، غطيت وجهي بأيدي وگمت انحب بصوت عالي

-عميد: ولچ لاااا تبچيييين من اشتعلو مرواان وخلفتتته

-من ورااك ابچي

-اششش بسچ رحموووني منهو صابه شي وذبيتوهه براس عميدان عسى مات وارتاح منككمممم

-جواهر: هسة ليش تعيط علييه اني شعليه

-عميد: اسمعي جواهر اخرر مرة اعيد چلامي اذا مارحتي هسة جدامي مثل الشاطره وتعتذرين من الحُرمة حلفت بالرضا وهاي احلف بأبو فاضل عسى يشل لساني اذا دش ؏ لسانچ بعدد

-جواهر: احلففف شگد مترييييد مااا اروووح اعتذرررر شنو ماعندي كرااامه وهسة اصلاً اخوية جااي عليه حتى برجعني لبييتنه

-اووووف منچ اووووووف

تركني وطلع برا الغرفه، ورجعت اني انحب وابچي شنو بيدي اسوي غير البچي.. وره شويه اجه حلاوة عليه ورجعت لبغداد بَـس بقيت يومين ورجعت للناصريه مرة ثانيه عندي امتحانات نص السنه، بَـس بقيت گاعده بالغرفه ماشوف أي مخلوق لمدة اسبوع ونص!!! اصلاً مالي واهس اشوف احد، وهاي اليوم اجيت وياهم لعرس بكر وفيصل ؏ عصابي وعميد الدين لسه ميجاوبني ولا معتبرلي وجود

سمعت مرتضى يگول ما بقه شي ونوصل للبيت، سحبت موبايلي وگلت هاي اخر مرة اذا ما جاوب والله ولا احاچي بعد، دگيت وگوة اسمع الدگه الاغاني عاليه وذني البنات غفن شلون نامن بهالهوسة مادري

اخيراً اجالي صوته، چان ناصي ومبحوح

-عميد: الو

-جواهر: عمييد انته وييين؟؟

-عميد: نايم خيركم؟

-جواهر: ماكو شي بَـس ردنه نتطمن عليك ليش مترد ؏ اتصالاتنه!!! هاي رهف ماتت من الخوف عليك؟

اسمعه يگح قوي ويغصغص

-عميد: وينهي رهوفه؟ انطيني احاچيهه

-شنوو ماسمعك صوت الاغاني عالي

-رهفف انطيني رهفففف

-نامت قبل شويه، هسة عوف رهف انته شبيك ليش متجاوبنه

-عميد: ناااايم جواهر ناااايم ماااسمع

-وشبيك تعيط عليه

-ماصيح بَـس مو تگولين ماتسمعيني

-هااا اي، اءء وهسه انته زين

-بنعمه

-وشنو حَ تسوي هسة؟

-اردن انام

-خاف موزين عميد انته مصخن؟

-مادري

-جواهر: اووّك هسة نام ومن نرجع الله كريم، باي

-الله وياج

سديت التلفون بَـس بعده گلبي ناار، يحچي ويايه ببرود قاااتل، اخيراً گالو وصلنه وعيني المذابح صار بفلس، كل شويه جايبين خروف وذابحي

طببوا العرسان جوه ورجعوا يهوسون ويرگصون، گوة واگفه ؏ اعصابي بالي ويه عميد اخاف حرارته عاليه ويصيرله شي

طلعوا المعازيم وناس باتت وناس گبل لفوا روسهم وناموا، والعرسان صعدوا لغرفهم

رحت ركض ؏ خالة انتصار (ام عميد) اگولهه

-جواهر: خاله انتصااار

-انتصار: هاا بنيتي؟

-جواهر: عميدي كُلش مصخن ومريض

-انتصار: اي سوده عليَّ صارله چم يوم هيچ

-جواهر: خاله سمعت صوته يفطر الگلب ويتنفس قوي، شنو رأيچ تروحين لغرفته تتطمنين عليه خاف محتاج شي؟

-انتصار: ايي والله ؏ گولتچ خليني اشوفن وليدي شماله

راحت بغرفته وركضت وراهه، وگفت بباب الغرفه مادخلت

-انتصار: يمما عميدي اصحى، حبوبي شو اگعد خليني اشوفن شمالك

تگعد بي وهوه لا ايد ولا رجل

-انتصار: ياا دهر فرني ولچ خايبه جوهرة هذا مشتعل ناار

دخلت للغرفه وتلمست گصته (جبينه) يممه يچوي

-جواهر: خاله هذا يحتاج مستشفى!!!

-انتصار: اي اي گايمه هسَّ اصيحن اخيه مرتضى ياخذه

دتگوم وجر ايدهه گعدهه، همس

-عميد: يوم مابيه شي اگعدي

-انتصار: يممه وليدي شني مابيك شي چا هاي الحراره منين من جدي

-جواهر: خاله معليچ بي اني اصيح لمرتضى يجي

دخلت رهف للغرفه اجت چيتت ؏ ابوهه

-رهف: بابا بابا گوووم ليش ناايم جاي يرگصون جوه تعاال ويانه

-عميد: بويه مابيه

-رهف: بابا شمالك وجهك احمر وگوة تحچي

-انتصار: حبوبه ابوچ مريض ادعيله يصير زين

-رهف: شماله مريض؟

-جواهر: كُلش مصخن يحتاج مستشفى

شو اني هيچ گلت لو رهف انفجرت بالبواچي، تضرب ؏ صدر ابوهه وتبچي

-رهف: لااا لااااا اگعدددد ليشش تمرضضض بااابااا لا تعوفني وحيدييي مثل اميييي گوووووم

انفطر گلبي وشلتهه عنه لان واضح ماعنده طاقه يحچي وياهه، وهيه مستمرة تبچي وتصرخ، اشرلي اجيبهه ناحيته وهيه ما گالت لا رأساً راحت اندحست بصفه، عميد حظنهه ويمسح ؏ راسهه

-عميد: لا بويه شلون اعوفنچ، اشش رهف اشش بسچ لا تبچين

-رهف: لا تمووت حباااب لا تموووت والله بعد ما اوكح واصير حبابه والله بَـس اگعد ماريد شي ولا اگلك جيبلي نميات ومصااص ولا اعذبك ولا اطول لساني والله!!!

-جواهر: رهوفه باباتچ تعبان روحي صيحي عمو مرتضى خلي ياخذه للمستشفى

-رهف: ايي ايي گايمه

ركضت تصيحله، وعميد وجهه يكت عرق ومتغطي بالبطانيه يصيح بارده، گووة امه سحبت منه البطانيه، اجه مرتضى

-مرتضى: ها خوية شمالك؟

-انتصار: يممه مرتضاوي ودي اخيك للدغتور (للدكتور) شوفه شحاله

-مرتضى: اي ياام يله خويه استند عليّ

گوة سنده عليه وگومة هوه همزين بعده لابس ملابسه مال العرس، اخذت رهف ويايه لغرفتي لان الصاله صايره هوسة والنسوان انخبصن من شافن عميد بهيچ حاله، تنرفزت من گامن يولولن وينعن عبالك حيموت، گبرر بَـس يردن شي حتى يبچن ويلطمن

دخلت للغرفه شفت شهد رايحة بسابع نومه عدهه باچر امتحان، اني همزين خلصت وارتاحيت منهن، اباوع لـ رهف خطيه تناشغ وتبچي طلع العرس والرگص كله من عينهه

هاي حالتهه كلما ابوهه يمرض تخاف ابوهه يتركهه ويموت اسم الله، ودائماً متخوفه من هالموضوع وتفكر،انصدمت من سألتني وهيه تبچي

-رهف: جواهر اذا ابوي مات انه وين اروح؟

-جواهر: رهفف لتحچيين هيچ شبيييچ

-رهف: جاوبيني وين اروح؟ ياهو اليهتم بيه ويضحكني ويراضيني اذا ازعل؟ ياهو اليسفرني اذا انجح؟ ياهو الانام بصفه اذا اخاف جواهر انه اريدن ابوووي

-حبيبي يرجع شبيچ لتخافين!! عادي شنو قابل اول مرة يمرض!

-اي بَـس ابوي نادر ما يمرض هو گوي (قوي) وصارله اسبوع مريض يعني مبين حيموت

-لا لتفكرين هيچ ابوچ بَـس تعب شويه انتي لازم تدعيله مو تفاولين عليه

-رهف: والله اذا رد ما ازعله بعد واخلي حتى يتزوج العاشگهه

-شنووو؟؟؟؟

صفنت بوجهي وظلت ساكته، حاولت احچيهه وهيه ماكو متنطيني راس خيط لكلامهه.. النار اشتعلت بگلبي وحسيت شراييني حيطگن من العصبيه والغيره

حاولت اهدئ روحي واخذ شهيق وزفير ماريد احسس رهف بشي، بَـس ماگدرت اسيطر ؏ اعصابي گمت ابچي بالسكته منو هاي اليحبهه؟؟

ظليت گاعده ويه رهف حوالي بالساعة ونص، دگيت ؏ مرتضى گال مابي شي انطو ابره وهسه راجعين

عبرت الساعه 12:00 وهمه لسه ماكو، دگيت مرة ثانيه بَـس قطعت الاتصال من سمعت صوتهم بالصاله، گامت رهف ركضت عليهم واني بقيت بالغرفه بَـس مديت راسي من الباب اشوفه واگف ؏ طوله كافي عندي

ارتاحيت من شفته يحاچي رهف ويضحك وياهه، الحمد لله يعني هوه زين، بَـس لسه الكسره بروحي من افتهمت بي يحب!! اووف يا حظي أصدگ معقوله يعدل شي يوم؟؟

**

"هجران"
اليوم اول ليله الي بهالبيت الضخم، دخلت من الباب وتلگوني بذبيحة جوة رجليه وذبيحة جوة رجلين جوري، سميت بأسم الله ولزمني بكر من ايدي ودخلني للبيت ومناك استلمتني عمتهم دلال وغزل، دخلني للغرفه ونزعني الطرحة ورتبني، وطبعاً الهلاهل ماوگفت

ضجت لان امي ما اجت بالزفة ويانه، بَـس هاي عاداتنه اهل كربلاء عدنه عيب الام تحظر بزفة بتهه، عادات تافهه وسوالف نسوان، ؏ الاقل عماتي اجن ويانه ما بقينه وحدنه

قبل لا تطلع عمه دلال من الغرفه همست بأذني

-دلال: لا تخافين يوم سهله سهله

ابتسمتلهه وطلعت، وغزل بوستني وگالت تروح تشوف عميد لان بالهه يمه گالو مريض

دخل بكر للغرفه ونزع ستره القاط، واني گاعده بمكاني منزله راسي غايصة بالخجل وماعندي جرأة ارفع راسي، زفر قوي وگال

-بكر: انه اطب بالحمام وانتي اخذي راحتچ وبدلي

هزيت براسي وگمت ابدل، عانيت واني انزع البدله لان بيهه قيطان من وره، گووة نزعتهه ولبست سيت النوم، لونه ابيض شكري طويل ويجي فوگاه روب دانتيل بي لمعه بسيطه يجنن

رتبت شعري وخففت مكياجي بَـس طلعت حمرة من جنطتي ورسمت شفايفي بيهه ؏ الاقل ابرز احلى شي بيه، گعدت ؏ السرير انتظر بكر يطلع من الحمام، اسمع صوت الدوش مبين ديغسل

شفت حاطين ؏ الميز الي صاير بصف الباب گدر صغيروني وخضروات واكلات ثانيه، رتبتهن ؏ الميز وجبت الكرسيين وحطيتهن واحد گبال الثاني

اخيراً طلع بكر من الحمام، جفلت واني اشوفه مجرد من الملابس بَـس لاف منشفه سمائية ؏ خصره، درت وجهي بسرعه واحس انفاسي تتسارع وريگي گوة ينبلع، راح ؏ ميز التواليت وسحب المشط وظل يمشط ويدندن عبالك اغنيه

انوب راح ؏ العطر الي ؏ الميز ورش منه كوووومة، اذكرت يبووو اني مرشيت عطر بعد، شفته توجه ؏ الكنتور يلبس ملابسه الداخليه واني ركضت ؏ جنطتي طلعت العطر وظليت ابخبخ منه امداني عود هاي جورية نصحتني قبل لنفترق وگالت العطر اهم شي

راح ؏ الميز وگعد عليه، صفنت بي هذا شو بَـس لابس بجامه بدون قميص شنو ماعنده؟

گعدت گباله وهوه كلمه ما حچة اللتهى ياكل واني عيني كل شويه تطير عليه، فدووه شگد حلوو وجذاب، اخيييراً گال

-بكر: تعبانه؟

-لاء

-انه كللش تعبان

-هجران: هاا ليش؟

ضحك وگال

-بكر: يعني كل هالرگص والدبچ وترديني لسه بحيلي؟

-ههه اي حقك هواي رگصتو اليوم

-بكر: اليسمعچ يگول انتم ابد مارگصتن وكسرتن الكاشيه

-هجران: هههههههه لا لا رگصنه ليش اچذب

ابتسم خفيف وهز راسه، انتبهت عليه ميباوع بوجهي هواي، كملنه اكل وگام توجه ؏ الفراش وهنااا انييي يبستتتت، رأساً غورگن عيوني وگلبي رجف

بَـس شو هذا نام وتغطى همات! شنو يعني لازم اني اروح يمه لو شنو السالفه؟؟؟ يأست يصيحلي ورحت ؏ الفراش ونمت بالطرف كُلش، وبكر منطيني ظهره

ظليت هيچ فتره وحسيت روحي دا اغفى وشفته دار وجهه عليه، ظليت مغمضة عيوني وماحچيت شي، حسيت بأصابيه تروح ؏ شفايفي يتلمسهن، گوووة كتمت ضحكتي واني احس بي يمرد بيهن بأصابعه

ماحسيت اله باسني قوي و.....

(ديلهه يلهه عيوني امشو نطلع بره فشله🚶🏼‍♀️🤓)

گام عني وراح للحمام بسرعه، واني لسه ؏ نومتي بَـس اكو فرحة بگلبي رغم ممرتاحة واحس بألم بسيط بَـس فرحاانه وحسيت بكر ارتاحلي كُلش وچان يهمس بكلمات رومانسيه مثل "حبيبتي" و "گليبي" و "رويحتي" چنت فرحانه بكلماته بَـس طبعاً مابادلته لان امي تگول لازم اثگل ببدايه الزواج

ظل فتره بالحمام واني گمت اللوب اريد اطب اسبح، اخيراً طلع من الحمام واني فوراً دخلت بدون ماحچي شي ولا هوه..

دخلت جوه الدوش والابتسامه من الاذن للاذن، رفعت راسي وحمدت ربي وشكرته الف مرة ؏ هاليوم الحلوو وصار كلشي مثل ما ردت

طلعت من الحمام لافه الروب ؏ جسمي وبكر متمدد ؏ الفراش يلعب بموبايله، اخذت ملابسي وطبيت لبستهن بالحمام ورحت نمت والنومة نوومة ماحسيت الا ؏ صوت دگ الباب، گمز بكر يفتحهه

-دلال: يا صباااح الخيير

-بكر: هـلا عمه صباح النور

-دلال: شلونكم يبعد عيني

-بكر(بست راسهه): بنعمة الله يحفظچ

ابتسمت وظلت تسولف وياه بهمس ؏ الباب، مدت راسهه تباوعلي وشمرتلي بوسه بالهوا، ابتسمت ونزلت راسي، گالت رح تجيبلنه الريوگ فوگ اذا نحب بَـس بكر گال لا احنه ناكل وياكم

بدل ملابسه بسرعه ونزل، واني رحت للحمام هم سبحت وبدلت ملابسي، لبست فستان بصلي طويل بي كسرات من يم الردن وباقي الردن منفوشه، وينزل كلوشه للكاحل، ولبست شال بيجي وياه رهمته وحطيت مكياج بسيط

استحيت انزل وحدي، يعني مادري غير اني وبكر ننزل سوا شو هوه عافني، بَـس گلت ميخالف اكيد اللتهى ويه اهله جوة

اخذت نفس عميق ونزلت من الدرج، واستقبلتني الهلاهل والتبريكات

-دلال: الفف الصلااااة والسلااااام علييييك يا حبيييييب الله محمدددددد كلووووووشششش، شمااالچن ما تهلهلن

-حجية عطيه: سبع فرحاااات وسعاااادة صارت چنة السااادة سبع فرحاااات كلللللوشششش

وعمتهم فتوح تسوي هوسات لـ بكر وهوه مبتسم وحاط ايده ؏ راسه عدهم هاي الحركة يعني شكراً

-فتوح: هم سيددد هم عريييس هم ربعه يزفووونه

وظلينه ؏ هالحال بالربع ساعه، لهناك ونزلوا جوريه وفيصل الكشره شاگه وجه فيصل وجوري مبتسمه بحياء والفرحة واضحة ؏ عيونهه، لابسه فستان ابيض وشال اوف وايت وحاطه حمرة حمرة ومكياج قوي طالعه تموووت

وانعادت نفس الشي الگولات مادري منين يجيبوهن ولافات العبايه ؏ خصرهن ويدبچن، شويه وفرشوا السفره والبنات يروشن يجيبن بالاكل

ردت اساعدهن بَـس جواهر وغزل ماقبلن گالو انتي عروسه ولازم ترتاحين، الفرحة الي بالبيت تجنن وكل شويه طابه مره وتسوي هوسة وتهلهل، بَـس الغربه كلهم گعدوهم بالهول والزلم بالديوانيه

گالو الخطار ريگوهم من زمان والزلم اكلوا وياهم، بَـس هم يجون يگعدون ويانه حتى نلتم حول السفره

شويه ودخلوا عميد الدين واحمد وغيث ومرتضى، وهم استقبلوهم بالهلال تگولون همه العرسان، تقدم عميد الدين ؏ بكر وتسالموا سلام حار والابتسامه مفارقت وجوههم

-بكر: سلامات يخوي گالو متخربط امس (البارحة)؟

-عميد: الله يسلمك يي والله مادري شجاني وطحت

-بكر: المهم هسَّ انته زين؟

-عميد: اي بنعمه الف حمد وشكر

گعدوا بصف بعض ويسولفون، واحنه گعدنه ؏ السفرة، شگد توسلت بيه عمه دلال اگعد بصف بكر بَـس شو استحيت من شفت عميد وغيث گاعدين بصفه

فَـہ فضلت اگعد ويه البنات، اما جوري گعدت بصف فيصل والنظرات الي بيناتهم تجنن مليانه عشق ورومانسيه، باوعت لـ بكر بَـس چان ملتهي ياكل، جواهر همستلي وگالت بضحك

-جواهر: كااافي كااافي تشبعين منه

-هجران: هههههه ولللچ اسكتي

-جواهر: ههههه والله حيري بينه لابستنه وحايره بالحوووب

-هجران: اويييلي شكبرهه بحلگچ حوووب

-جواهر: المهممم احچيلي شصاار مصااار

-هجران: ايا فاسقه ولچ شحچيلچ ههههه

-جواهر: يبووو شبيچ دنطيني بَـس تغشوشه

-هجران: ابدددد

شهد همستلي من جهتي الثانيه

-شهد: هه نروح نسأل جورية تنطينه كل الاسأله

-هجران: هههههه روحي لجوري بَـس اني مستحيل احچي

-شهد: اي اي اروح عبالچ ماروح

-جواهر: ولچ شهددد انچبي عييب چنه نتشاقه احنه

-شهد: داده العيب بالجيب دخلونه ناخذ معلومات تفيدنه باچر عگبه

-هجران: ايا ادبسز ههههههه

كملنه الريوگ والكل راح لمكان، خطية شهد طلعت للجامعه گالت اليوم اخر يوم امتحان، صاحتني جواهر لغرفتهه وگعدنه نسولف بَـس چانت تسرح هواي، حچتلي البارحة شصار ويه عميد الدين مبين عليهه هواي تهتمله

عجبني شعرهه وگلتلهه اسويلهه ظفيرة فرنسيه تخبلت عليهه، وطلعت گذلة من الجانبيه، ورهف جابت ورود صغار من حديقتهم وحطيتهن بشعرهه طلعت تخبل

انوب صارلهه واهس وراحت بدلت ملابسهه لبست فستان صوف يوصل للركبه وكالون جواه، وجرت كحله وحطت مسكارا دبل ڤاليوم وهيه عيونهه خضر وكبار طلعت دماار

-رهف: اويييلي يم عيوون چتااله شني هااي

-جواهر: حلوو؟؟

-حلا: غير تمرعين اكبر شيخ

ابتسمت ووگفت گدام المراية ترتب بقية المكياج، تمايزت شكلهه وغبطتهه (حسد حميد) بداخلي، عدهه هم جمال وهم جسم وهم شهادة واخلاقهه تجنن الله يرزقهه بالزوج الزين اليصونهه ويحبهه ويريحهه

كملنه سوالف وحلا تموت من الضحك كل شويه تحشش وتنكت، اخر شي دگت وشگت ؏ جواهر اله ترگص

-هجران: ولچ جوااهر تعرفين ترگصييين؟؟

-جواهر: هههه يعني

-حلا: انطمييي تگولين رگاصة مصرية، جواهر اسططه بالرگص خوب من تهز الخصر اويليييي

-جوري: اللله جواهر گومي رگصي خنشوووف

-جواهر: لا عزا بنات استحيييي

-رهف: حبااابه حباااابه احب من ترگصين

گووووة قنعناهه وگامت، وجهها احممر ومبين عليهه خجلانه، طبت غزل للغرفه خطيه چانت تغسل مواعين وهم بدت تشجع جواهر حتى ترگص، حلا موتتنه ضحك من گالت

-حلا: ولچن خيااات علگنلهه انه وياچ يم شامه

-جوري: يااا عزااا ههههههه

-غزل: وعلي جواهر ماتعرف ترگص بدونهه

-جواهر: بنااات ونبي ترا ما ارگص ترا كُلش خجلتووني گومن انتن ويايه

-جوري: اي اي اني اگووم يله

وعلگن الاغنيه ويبوووو بدن، جوري تعرف ترگص بَـس جواهر طلعتهه كسرررر وشلون تتمايل وذيل ظفيرتهه واصل جوة وركهه ويهز وياهه، ومن تهز خصرهه صفنتنه

-غزل: يبوووو الله يساعد الياخذچ ولچ

-جواهر: هخههههه ليييش داده

-حلا: غير يموت بجلطه بأول هزة من خصرچ

-جوري: جواهر خرب عرضچ مو بنيه ضيييييم

ضحكنه وتونسنه وخطيه اجت شهد ؏ اخر شي بَـس هم رگصت ويانه، وكل شويه بيبي عطيه مصيحه علينه علمود ننصي الاغاني، وهمزين الزلم كلهم بالديوانيه گاعدين حتى ميسمعون ضحكنه واستهتارنه

سمعنه صوت هوسة جاي من الصاله صياااح وعبالك فدشي ينرگع بالگاع بقووة، يا ستار گلبي وگف من الخوف، گامن البنات ركضض يشوفن شصاير بره واذا انصدم من اشوف....

يتبع☘️...

♛ ♛ ♛ ♛ ♛ ♛ ♛ ♛ ♛ ♛
لا تنسون التعليق والتصويت يحلوووين😁💋