رواية شهوة ام حب ( روايات ليبية ) الفصل الثالث 3 - بقلم MBC LIBYA

#شهوه_آم_حب 3🔥

منيرة:ارجع للحوش وخلاها ترجعلك راهو الحوش اللي عايشين فيه توا
مالك:اختصري بالله خيرا الحوش
منيره:بأسم ورد
فريده:تنهدت بقووه ...طاحت منها طاسة لمياه
منيره:تلفتت ...اءءء
فريده:افففف مش عارفه خيرني اليوم مش مركزه في شي وبدت تلم في المرش
منيرة:بلعت ريقها بخووف...انشاءالله منجرحتيش
فريده:لالا عمتي ...انا راكبه فوق حسبتك معانا في القهوه
منيرة:تمام شويه ونجي!

تيسير:وماذا تريد منك امك؟
مالك:مش عارفه شن تقول حوش ماحوش وسكرت!
تيسير:المهم علاش طلبت لبضاعه من خليل؟
مالك:ضروري نحسب لي كل شي حساب !
تيسير:مالك لياااا يايعيش حياته كلها متحسسر !

مالك:نزل راسه ولبس ساعته....انا كنت شاك من البدايه انها ناويه ع ورد
تيسير:شن تخررف انتا لتوا محكيتش القصه حتا دماغي وقف !
مالك:ولع دخااانه ونفخه بقوووهه ! المووت حايشوفوها قدامهم
تيسير:وقف وقف انتا اكيد في شي ناووي عليه صح!
مالك:شاف لي تيسير بطرف عينه!
تيسير:😉
مالك:المهم.....شرب من البوخه.....رايك لو طلعنا لي امريكيا حاينسو اللي صار بعد فتره
تيسير:قام حاجبه....مستحيل انتا سمعت اخر كلام من خوها في تسجيل حايقتلك يا حايقتل حد من عيلتك
مالك:عرفت تخدمها صح المره هادي !
تيسير:وضحلي القصهه مالك!
مالك:اتصل بيهم واعطيهم خبر انه سافرنا برا
تيسير:اوكى اعتبره تم
مالك:منبيش العيله يصيرلها شي من ورايه
تيسير:يعني هدا السبب الي خلاك تفسخ خطوبتك من ورد مش انه مافيش حب
مالك:بصوت باااارد مليان جمود....كنت حاسب لكل شي حساب من البدايه
تيسير:انسب قرار هوا السفر !
مالك:اي شن رايك انتا؟
تيسير:هزز برااسه.....لكن ؟
مالك:لكن شنو؟
تيسير:امتا بتحكيلي قصة البنت وتريحني؟

فريده:رشفت رشفه من القهوه....سبحان الله كل شي تغير فجاءه
نهى:فنصت في فريده.....نصيب مرات هكي خير !
ورد:هزت براسها انسوه الموضوع نا مش متأثره لانه مفروض فسخت خطوبتي من قبل!
نهى:مالك خويا مش راح يقدر حد يفهمه شخصيته غامضه !
فريده:صعب توصلي لي اي شي يخصه الشي الي مخلنيش نحقد عليه من الموقف الي صار في ليل!
نهى:بإنتباه قصة شنو احكي؟
فريده:ورد شافت بنت في سيارة مالك وفي نفس الوقت في شخص سحبها وحط المنوم واغمى علاها!
نهى:تنهدتت ...متأكده منه لكلام هدا؟
فريده:اي وعلاش بنوقفو العرس لو مش هكي؟
نهى:من الي سحبك ورد ؟
فريده:واضحه مالك يعني 🤷‍♀️
ورد:لااا
فريده:كيف لا وانتي شميتي ريحة مالك عليه ؟

مالك:توا ورد اكيد متأكده من انه نا الي سحبتها لانه شمت ريحتي!
تيسير:متوقعتش القصه خطيره لدرجه هادي!

ورد:مش مالك لانه الريحه كانت ع يده وحسيت انه باخ البرفان قبل مايسحبني بدقايق!
فريده:وااااو محلله سياسيه ذكيه 🤷‍♀️
نهى:طلعي الوهم من راسك هوا في شي صار ومالك جي في وقت المناسب ومخلاكش تشوفي شي!
رود:وليش كان داير صوت

مالك:ورد مش ذكية لدرجه بتحلل الي صار كله وصوت الباب وانه انا رجعت متأخر للحوش
تيسير:مسكينه ورد!

فريده:عادي متحاوليش اطلعيه بريئ من القصه !
نهى:خليتوني نفكر هلبا !
ورد:مجرد تحليل متركزوش ع كلامي هلبا!.....وسمعو صووت تخبيط ع باب !
نهى:من الي يخبط هكي
فريده:اءءء...اكيد محمد وطلعت تجري
ورد:كيف محمد شنو فيه
نهى:اكيد صاير شي وطلعت تجري ولحقتها ورد!

منيره:محمد افتح الباب شنو ادير
فريده:محمد شن في طمنا عليك
نهى:ابعدو شويه بس....محمد مديريش في روحك شي اطلع احكي شن صاير معاك ممكن فيه حل
ناصر:لا حول ولا قوه الا بالله! شنو لمصايب الي نزلت ع روسنا اليوم؟
محمد:فش غله كله في مكتبة الدار وكسسر طاولة الكمبيوتر ودار مليانه مررش ويده كلها مجروحه لانه كسر لمرايا بيده!
نهى:معقوله هدا كله في جرت وفاء؟
منيره:مستحيلا وفاء ومحمد متفاهمين
ناصر:مش وقت هدرزه توا شوفي الولد بلكي داير في روحه حاجه!
منيره:بخووف ...محمد طمنا عليك اتكلم في حاجه
فريده:بعد تفكير بسيط....خدت بعضها وطلعت ....
ورد:فريده فري....افففف !

مالك:يساوي في طاقيه قدام لمرايا....كلم خليل وقوله شنو صار في لبضاعه؟
تيسير:بضاعه واتيه وقلك امتا ماتبي يتم توزيعها
مالك:كويس وقوله كم المبلغ باش نخلي الشيك عنده !
تيسير:خلي يوزعها وبعدها نتفاهمو
مالك:ضحك ع جنب تخدم توماتيك انتا!
تيسير:منضرك زي البنت
مالك:رجع شاف لوجه في لمرايا ...بريئ وله!
تيسير:هلبااااا راحت علاها ورد
مالك:تغيرت ملامح وجه ع طول وبصوت متعصب....اول مانطلعو من هني اسم ورد متذكراش قدامي البنت سيورها تتزوج والي صار كله تنساه!
تيسير:دائما انتبه من لفعه سامه وامراءه خانها راجل
مالك:مفروض تطلع ع قناة الحدث انتا
تيسير:مفروض 😂

فريده:ركبت في بالكوني ونقزت لبالكونه دار محمد
محمد:يمسح في يده بالفوطه..وألم الجرح واضح ع وجه
فريده:علاش هدا كله؟
محمد:شافلها بملل ....نبي نفهم علاش حشاريه انتي؟
فريده:احم احم...مش راح ندور كلامك وقعمزت جنبه!
محمد:كان دم ينزل من يده هلبا والفوطه تعبت دم
فريده:حطت يدها ع يد محمد جرحك عميق هلبا
محمد:حول يده ....اطلعي !
فريده:ناضت فتحت الدروج متع لمرايا طلعت فوطه ورجعت حطتها ع يد محمد ....نا طالعه نجيب صندوق فيه اسعافات الاوليه ونجي !
محمد:ناااض دخل الحمام بدون مايتكلم !
فريده:مدورتش لانه حست محمد صاير معاه موضوع كبير ...فتحت الباب وطلعت!

نهى:تنهدت وكيف دخلتي انتي؟
فريده:🤞خبره حبيبتي ...عمتي وينه الصندوق الي فيه المعقم واليبره
منيره:شويه بس !
ناصر:محكاش علاش دار هكي؟
فريده:نخيطله يده وبعدها نفهم منه شن صاير !
نهى:بصوت هادي متنسيش تحكيلي كل شي !
فريده:قلبت عيونها بدلع ....متوصيش
منيره:اهما يافريده خشي بسرعه خيطيله💔
فريده:انزلو لوطه خلاص انا حانفهم منه خلوه عليا!
كلهم:تمام ونزلوو!

ترن ترن ترن :-
ورد:الوو!
ليلى:الو ورد كيفك؟
ورد:بصوت هادي....الحمدالله وانتي؟
وليلى:ماشي كويسه ..كيف حال العيله ومالك؟
ورد:كويسين !💔
ليلى:دوم عليكم يارب...المهم سألتلك ع الخدمه
ورد:اي
ليلى:حصلت انا وياك خدمه قنينه في مختبر الشفاء!
ورد:وين هدا؟
ليلى:في شارعنا مفتوح جديد وطالب ممرضات معاه
ورد:كانت بترفض ...اءءء اوكى سجليني معاك
ليلى:تمام يعني مرات نبدو خدمه من غدوه !
ورد:اوكى عادي اقل شي ننسا شويه!
ليلى:عادي حبيبتي العرس تأجل بس مش نفصلتو نهائيا!
ورد:لا نفصلنا اول مانتلاقو نحكو !
ليلى:خير دعوته باش قتلك شكله زي بوبريص الليل
ورد: 😂😂😂...يعطيهالك ياليلى!
ليلى:وربي لو نشوفه بس !

فريده:بعد يبرة البنج بدت تخيطله في الجرح
محمد:يقيم في حاجبه مره مره لانه يحس بحراره
فريده:تحمل شوويه بس ونتم!
محمد:صحيتي...
فريده:احكي علاش الشوشه هادي كلها شن صاير؟
محمد:قام راسه فووق شي شي !
فريده:خلاص كملت ...وتوا جي وقت المحكمه هههههه😁😁
محمد:حاول يشد ضحكته مقدرش....شنو تبي تعرفي؟
فريده:واضح سؤالي محمد راهو !
محمد:وفاء
فريده:خيرها؟
محمد:خانتني لكن مافيش داعي تحكي لحد اوكى
فريده:تنهدت.... مسستحيلا وعلاش الغبيه؟
محمد:ضحك بهززوه ...هدا الي صار!
فريده:ياربي ع لبنات معقوله وفاء هكي...حطت يدها ع كتف محمد ربي يعينك ويكون معاك في لمصيبه هادي !
محمد:انشاءالله يارب وناض خدا بعضه ...نا طالع وطلع....
فريده:نزلو دموعها لما شافت محمد في الحاله هادي... 💔🥺

مالك:واقف قدام لبضاعه ويتفحص فيهم بعيونه
تيسير:شن رايك فها؟
مالك:كويس حلو ....وقعمز ع كرسي...عطاكم خليل التعليمات
كلهم:اي كوون مطمن
مالك:منبيكممش تفارقوو الحووش نهائيا
كلهم:تماااام
تيسير:هيا اطلعو اركبو السيارهه
مالك:لو سألك بويا قولله مالك يبي هكي المهم متروحش الا وانتا مكمل الشغل!
تيسير:عيب عاااد...وطلع والحررس وراااه!

منيره:غريبه اول مره نشوف محمد بالحاله هادي
نهى:قعمزت جنب فريده....وبصوت هادي بديتي تكدبي هلبا يابنت
فريده:اءءءء....لالا هوا قالي هكي اكيد يكدب عليا حتا انا
نهى:امممممم باهي مالا خلي نخش نقرا شوويه غدوه عندي امتحان
فريده:مووفقه!
منيره:انششاءالله خير وخلاص 💔

تيسير:انتا خليك واقف ديما هني ومنبيش نعاود الي قاله مالك
الشخص1:امووور هانيه!
تيسير:تفلسف هلبا !
ناصر:كيف نازل من السياره ....تيسير تيسير
تيسير:جي النفاااااخ ....انعم
ناصر :هدا شنو الي صاير هني ؟
تيسير:مفاجئه 😂😂...هدا ولدك مالك طلب مني هكي
ناصر:اها خلاص عيله هبلتت ودخل للحوش🤦‍♂️
تيسير:تلفت للحرس هيا نا ماشي وانتم ردو بالكم اي شي يصير راهو في رقبتكم!
كلهم:حااضر

_________________________________

في ليل ساعه 1:30 :-

ترن ترن ترن :-
فريده:بصون سكران من النووم .....الوو
محمد:بصوت تعبان ....فريده لو مافيهاش تعب جيبيلي فوطه فها مياه
فريده:علاش شن فيك؟
محمد:حسيت عندي حرارهه مفشلتني!
فريده:حااضر هي شوويه بس!

مالك:فكررت!
تيسير:في شنو فكررت-
مالك:نبي نشوف ورد قبل مانسافر
تيسير:وين ؟
مالك:الصبح نوضني قبل موعد الطياره بي ساعتين نبي نمشي لحوشنا!
تيسير:تمام ....وتوا خليني نرقد وارقد سااادك
مالك:سعيدهه...واستند ع كررسي وتفكيره في ورد!

فريده:حطت الفووطه ع رااس محمد عندك حراره راسك حامي هلبا
محمد:من الحراره دماغه هلووس !.....تعباااان
فريده:تشوف لملامح محمد ....حاول تغمض عيونك نا متأكده راح تنزل الحراره
محمد:فريده
فريده:انعم!
محمد:تعبااااااان هلباااا💔
فريده:لا حول الله يااارب خليها الحراره تنزل محمد مش ناقصه قعدت جنبه الليل كله ولن خداها النووم وهيا مقعمزهه !

🔥مـــيُـــلــو حــــسسـٰـــن🔥
🔥مـــــــــــــيُـــــــــــــلـــٰــــــــووو حــٰــــــــــسـٰــــــــــن🔥

تاني يووووم الصبببح:-

فريده:فتحت عيونها بتعب...لقت راسها جنب راس مالك ومش حاسه بي شي....تنهدتت انا شن درت محسيتش بي شي ....حطت يدها ع جبهة محمد ...واخيرا نزلت الحراره ..وخدت بعضها وطلعت....

ع طاولة لفطوور:-
نهى:وين فريده لتوا
ورد:مش عارفه نحسابها رقدت معاك
نهى:بتخميم.....اكييييد عند محمد!
ورد:ايي
فريده:صباح الخير
كلهم:صباح النور
فريده:قعمزت ع كرسي..... شنو صاير برا شويه وحسيت اني في سجن!!
ورد:كيف شنو في برا؟
ناصر:مالك هكي يبي ومش عارفه علاش هدا كله؟
فريده:تطورات حررس وجو!
ورد:بلعت ريقها ..وليش حرس؟
فريده:فهمنا حاجه احنا اصلا؟
مالك:السلام عليكم
منيره وناصر :عليكم السلام
ورد:😮😮..
فريده:اعوذ بالله
مالك:بصوت رجولي ....محمد وين؟
منيره:فوق في داره
فريده:فمها مليان ماكله....محمد مريض وميبيش حد يركبله
مالك:يفتح في شيشة لمياه....قوليله مالك طالع لي مصر اليوم وبعدها مسافر لي امريكيا يرد باله من المشروع لانه في يده كل شي توا
ناصر:ع خير ؟
مالك:شرب مياه....مافيش شي سياحه انا وتيسير
ورد:💔💔
نهى:اففففف حاسه بصداع ع صبح ...نا طالعه للكليه سلاااام
كلهم:سسلام!
ليلى:السلام عليكم ي عيله كيف حالكم وقعمزت ع كرسي...شن مطيبين خدت طاسة لعصير من قدام فريده...نحس فيك شبعتي!
فريده:🤭🤭🤭
منيره:هههه وينك ليك فتره معاش جيتي
ناصر:هههه كولي صحه!
مالك:خيرها هادي تقولي داخله ع روضه!
ورد:🙂🙂🙂
ليلى:هوا انتا هني يعععععع سديت النيه
مالك:قرت حواجبه بغل...هيا بسلامه نا طالع
منيره:رد بالك ع روحك وطمنا
مالك:انششاءالله !
ورد:عيونها ع مالك لن تلفت
ليلى:هيا ورد وقت راهو ع شغل !
مالك:تلفت ع طول...وين؟
ورد:دقايق بس ونكون واتيه!
مالك:جاوبي انا سألتك وين طالعه؟
ليلى:ههههه اقتل القتيل وتمشي في جنازته شن دخلك بها
مالك:بصوووت عاااالي....ويييين؟
ورد:بلعت ربقها بخووف...اءءء خخخدمه!
فريده:اشرت بيدها وقفو مهزله خلاص....انتا من عقلك بعد الي صار كله تسأل فها وين طالعه!
مالك:عطاها بضهر وطلع بخطوات جااامدهه !
فريده:وقحح😡
ليلى:هيا ورد البسي نستنا فيك!
ورد:تمام...وركبت!

#بعد_مرور_ساعات :-🔥

نهى:كيف طالعه من الكافتيريا
بديع:واقف قدام الكافتيريا .....يااحمر يافرواله منحصلوش معاك محاوله!
نهى:😏....مبرددهه...ومشت!
بديع:طلع وراها....انتا ياحلو😍
عهد:منو الي يلقح وراك هدا؟
نهى:حقير مدوريشي خلينا ندخلو للمحاضره!
عهد:الباين يجنن ويهبل ي نهى
نهى:عهد بلا براده ...ودخلو للمحاضره!

ورد:امتا بيجي المدير لينا ساعتين نستنو!
ليلى:اففف ورد ريحيني شويه اكيد حايجي !
ورد:فتحت تلفونها ....اهو نستنا بنشوف لي وين بتوصلينا!

🔥مـــيُـــلــو حــــسسـٰـــن🔥
🔥مـــــــــــــيُـــــــــــــلـــٰــــــــووو حــٰــــــــــسـٰــــــــــن🔥

في المحاضره:-
الدكتوره:من يقدر يكون جمله ويكون فها ضمير مستتر
بديع:اناا دكتوره ضمير مستتر وله ضمير ميت مدوري شي!
كلهم:😂😂😂
عهد:طلع اسمه بديع !
نهى:فنصت في عهد!:
عهد:والله سمح مش قادره نقاوم!
نهى:🤦‍♀️🤦‍♀️
بديع:كتب ع سبوره...نهى خرجت من الكافتيريا صباحا
الدكتوره:😂😂...قعمز بديع !
بديع:شني معجبتكش الجمله عادي راهو نخلاها جعانه ونكتب نهى خرجت مسرعا للبيت وليس عندها نقود لتشتري شي من الكافتيريا!
كلهم:😂😂😂
نهى:😨😨😨😨
الدكتوره:وشنو الفايده من الجمله توا؟
بديع:تي فطرت نهى ومخليتاش جعانه ومعجبكش ولما غيرتها معجبكش شنو رايك نخليها ضمير غايب!
الدكتوره:ادهشني؟
بديع:نهى مريضه لا تستطيع ان تذهب للكليه!
كلهم:😂😂😂

ورد:اي نا متخرجه وتخصصي كيمياء
حسن:عيونه ع ورد.....حلوو واخده عملي زمان وله تبي تتعلمي من جديد
ورد:لا خدمت من فتره في مختبر ونعرف نشتغل ع كل الاجهزه
حسن:حلو تمام موفقه انشاءالله!
ورد:ابتسمت ...انشاءالله ...وطلعت!

نهى:شنو هدا سببلي صداع
عهد:بالعكس والله جووه يجنن!
نهى:افففف اونا جي خلينا نطلعو بسسرعه قبل مايجي!
عهد:😂😂

انس:سمحه البنت بديع!
بديع:ونا خشتلي خاطري هلبا
انس:بجد تبيها بديع!
بديع:انتا عارف هيا خشت الخاطر وحانخليها ليا !
انس:👏🏻👏🏻

____________________

ليلى:واخيرا سجلنا وتفكينا
ورد:تلبس في جاكيتها...اي ومقالش امتا نبدو خدمه؟
ليلى:غدوه لانه ناشر اعلان ع فيس بالافتتاح المختبر!
ورد:اي كويس حلوو!❤

فريده:شنو تحس في حالتك توا !
محمد:الحمدالله كويس...شكرا امس تعبتك معاي
فريده:ولا يهمك محمد عيوني ليك
محمد:ابتسم...والله ماقصرتي!.. وقاطع صوت حديثهم ...ترن ترن ترن!
فريده:جت عينها ع تلفون محمد ....وفاء تتصل
محمد:خدا التلفون ....قفله!
فريده:علاش محمد اسمعها مرات نادمه
محمد:توا طالع فريده نرجع للحوش ونحكو
فريده:براحتك ....تمام وطلعت!

ورد:ركبت السياره....جعانه ليلى!
ليلى:من عنوني نخطمو ع مطعم نتغذو
ورد:ابتسمت اوكى لأنه والله جعانه هلباا!...وجت عينها ع سيارات ...ممالك!
ليلى:وينه شن تخرفي
ورد:مش عارفه كأنه لمحت مالك في سياره الي فاتت
ليلى:هوس الحب حاااد عندك
ورد:ولعي اغنيه حلوه ليلى!
ليلى:👏🏻👏🏻👏🏻

نهى:كيف وصلت للحوش ....حطت تلفونها ع طاوله ..وكيف تسلب في حوايجها!....سمعت صوت رساله

فريده:ههههه عليك جو....بنسألك ياعمي؟
ناصر:تفضلي!
فريده:امتا شريتوه الحوش هدا
ناصر:الحق يابنتي انا لما تزوجت عمتك اول شي سكنت نا وياها في حوش بويا الله يرحمه وبعدها لما قسمو الورثه جيت انا وعمتك سكنا هني
فريده:يعني الحوش هدا بأسم عمتي؟
ناصر:اي عمتك
فريده:وبابا مخداش شي من الورثه
منيره:شن تهدرزو من الصبح؟
فريده:بصوت مستفز...نحكو ع الورث وع الحوش هدا وحاجات هكي!
منيره:😨😨😨

نهى:اففففف مستحيلا يكوون عرف رقمي ....بتخميم....عهد يا كلبه !

ورد:شكرا لالوش
ليلى:ادللي ي قلبي...وكل ماتذكري الحقير مالك عبي بطنك
ورد:ههههه انشاءالله
قرسون:تفضلو
ورد:هدا شنو احنا تغذينا
ليلى:هههه هادي وجبه ليا بنتعشاها
ورد:ههههه صحتين...هيا نوضي وقت!
ليلى:شنو وراك صغار مثالا
ورد:ههههههه حاجه زي هكي !

محمد:في صالة الرياضه.... لابس كانتيرا وشورت وحاط سماعات ..يهروول !
فريده:تتفرج عليه من بعيد ....معقوله الحب يدمر الانسان هكي انا لو في شخص يحبني هكي ويتعب ويحرق نفسه ع خاطري نفديه بروحي !...نيالك ياوفاء بيه والله
محمد:حول السماعات ....فريده...
فريده:ارتبكت....كيف شافني هدا؟
محمد:شفت في لمرايا لما خشيتي متخافيش
فريده:😨....😂😂😂!
محمد:قرب منها حط يده ع شعرها ...شن اديري هني يامشفشفه ؟
فريده:دورت عليك ملقيتكش قلت اكيد في الصاله لوطه
محمد:ابتسم ...واحلا دكتوره في الدنيا!
فريده:هههههه شنو حسيت انه جوك تغير شن صاير جديد؟
محمد:مافيش حاجه جديده
فريده:حلو ...توا تصبح ع خير مدام اطمنت عليك
محمد:سلمها...المهم سجلي رقمي الجديد!
فريده:وليش غيرته
محمد:092*******
فريده:مستحيل تتغير.....وكتبت الرقم!

ورد:نزلت من السياره ...هيا باي
ليلى:باي وردي بالك ع روحك
ورد:حاضر ي قلبي !❤
ورد:قربت توصل للحوش ....عيونها ع الحرس...

نهى:شنو الجو الي صاير بينك وبين محمد
فريده:جو شنو انا زي اخته نسسمع فيه وحسيته محتاج حد يوقف معاه!
نهى:تصلت بيا وفاء تبكي وهكي وتبيني نتوسط بينها وبين محمد
فريده:يعني ارتحتي توا ....
نهى:الاخبار تجي لعندي 🤞
فريده:ياناري وشن صار كلمتيه؟
نهى:اول ماقلت اسمها عصب عليا وطلع!
فريده:ربي يهداها حتا هيا ...
نهى:بتنهيده...سمعتي الي سمعته
فريده:كأنه صووت رصاااص ! وله نتخيل

نهى:ناضت فتحت البالووكني !
فريده:شنوو في!
نهى:طااحت من الصدمه ....اءءء اءء ....ورد.....يتببببع!💔💔

الروايه بتنقلب كلها من الحلقه الجايه .....والقصه مازال غااامضه وفيهااااا. سسسسسر:-🔥🤞