رواية شكلين مابحكي الفصل الأول 1 - بقلم ورود الخالدي

#شكلين_مابحكي

البارت1

#ورودالخالدي

اني احمد29سنه..خريج..بس حالي حال كل الخريجين بالعراق..كاعد بدون..وظيفة..صح ابوية حالته زينة وعنده محلات جملة بالشورجة..واكدر ادفع كم ورقة..واتعين..بس بصراحة واهسي مو يم الوظيفة..قابل شكد راح اخذ..راتب....اني موهوب..بالكهربائيات والالكترونيات..والحواسيب وتنصيب..المنظومات..واجهزة البث والارسال..ومرات انصب..دش..وامور هواية عندي محل موبايلات وحاسبات..اشتغل..وين ميكون الشغل رزقي خيرمن الله..ساكن..ابيت جبير..ضخم وحديث بالكاظمية..ابويه رجال..جبير..بس قوي..يكعد بمحلاته ومداري رزقه وعنده عمال جوه..ايده..اخواني..اربعة واني خامسهم..كلولهم متزوجين..3طالعين..وواحد باقي..هو..وزوجته واطفالة مرته بت عمي حبابة..واخلاقها..طيبة..بس تريد تعزل لان عدها اربع جهال..وتريد ترتاح ابيت وحدها..حالها..حال نسوان اخوتي..الباقين..بس منتظرين اني اتزوج ويطلعون..ماعندي اخوات..بس عندي صديقات.. بالحياة الواقعية..يعني..كم وحدة من زميلات الكلية اتواصل وياهن مرات ع الفيس..او الواتس..فترات قليلة لان ملتهي بالشغل وباصدقائي الشباب..يعزموني واعزمهم علاقاتي طيبة باصدقائي ..بالنسبة للحب..علاقة حقيقية وحب من صدوك معندي..الصراحةمحبيت ولابنية..اشو ميعجبني..احس..شخصياتهن..عجيبة غريبة يردن يصادقن ويطلعن..وهدايا..ودوخة..ويتزعلن..لو اكتشف عدهن اكثر من علاقة وتلعب نفسي منهن..لهذا..ما اثق بالبنات..ولا افكر..احب..واتعلق..بوحدة وافكربيها..

امي توفت قبل خمس سنوات تركت فراغ جبير بحياتي..لان..اني الزغير..والمدلل وتخاف علية..من الهوه..فجأة راحت.من الدنيا وعافتني جانت اكبر صدمة بحياتي..ولحد هاللحظة ممصدك امي ميته؟؟

اني..فرح21سنه طالبة صف سادس علمي..صديقاتي كولهن راحن كليات بس اني..دماغي محجر.

وكسولي..خلصت الاعداديه كل سنه بسنتين..ساكنه بالكاظمية..بيتنا بي 3غرف..ومطبخ وصالة زغيرة...غرفتين لاخواني ونسوانهم..وغرفة لامي..ولابوية..امي خطية..مريضة عدها سكر..وبسبب السكر..كصو..رجلها..وبقيت اداريها..رغم هي..تتحرك بالعربانه وممتعبني..وتريدني اقره وانجح..بس نسوان اخوتي..مينجرعن..يطلعن حجج..يوميه حجة شكل يوم هاي جايبة ويوم تتنسه..ويوم حامل متكدر..ويكربن عليه بس اني سباعيه ما انطيهن مجال ولساني اطول مني..اووف مرت اخويه الجبير..نهله..اموت منها..اربع وعشرين ساعة بالسوك..تفتر وحايرة بروحها..رغم هي محلوة..بس مدارية نفسها..فلر..ومكياج ولبس حلو..بس الحجي بيناتنه ما اثق بيها...لان مرة طلعت وياها للسوك اخلاقها معجبتني تتمضحك..ويه اهل..المحلات..والله لو يدري بيها اخويه ثامر..جان طلكها من زمان لان هي مو راحة رغم مخلفة وعدها 2جهال..مرت اخويه الاصغر.اسمها ايناس..يوووووه بالكوه حبلت..وساكنه الدكتورات..ومن حبلت لحد الان شالعة كلوبنا..اخ..واوي..وميصير اتحرك..ومسويه ربط..كبر شكد تتعيقل..لان اخويه اخذها عن حب..ابويه صعب شوية..ماشي على قوانين اهل قبل..ميتقبل..الدنيا اطورت ومن اشتريت موبايل..يوميه يسويلي تحقيق..عبالك مشترية جني مو موبايل..بس اني لسان..مخليته..يمنعني من الموبايل..سويتلي زعلة وكمت ابجي..كتلهم حارميني من كولشي..كل صديقاتي عدهن موبايلات وعادي..الى ان قبل ابويه وسكت..بالليل كولهم ينامون بغرفهم ع للمكيفات بس اني حضي اسود انام بالصالة ع المبردة اطكطك يمي ونافخة دماغي..وبالشتا..كاتلني البرد هم بالصالة الهوه يدخل من جوة الباب يكص كص..حتى لو مشغلة صوبه..والليل كوله ادردم وادعي بكلبي عليهم..يربي..ماكو واحد مفخخ يطب البيتنا ويفجر روحة..ويموتون اهلي واموت وياهم واخلص من هاي العيشه..

اني حلوة..عيوني حلوات حيل كبار..ولونهن مثل لون الشذر..بيضه وشعري اسود حيل..وجهي مدور..وعندي غمازات من..اضحك مدرساتي..يحبني..بس يكولن..هسه لوهذا..الجمال الشايلته والجسم..وياه شطارة..جان شصرتي..بس صديقاتي بيهن يحبني وبيهن يغارن مني لان حلوة..بالدوام البس..تنورة طويلة وقميص عريض اخاف صدري يبين من امشي..وفوكاهن حجاب جبير..مدرستي شويه بعيدة بس شاسوي اروح مشي..غصبن عليه..

احمد::

جنت كاعد بالمحل..واجاني ولد صديقي..كلي اريدك تنصبلي..صحن مال ستلايت فوك السطح لان ماخذ بيت زغير..ويريد يتزوج بعد اسبوعين اخذته بسيارتي واخذت غراضي والصحن..والجهاز ورحت..انطاني المفاتيح كال محد بالبيت اشتغل براحتك..المهم صعدت للصطح..وياي الصحن وغراضةوالوايرات..وبديت اشتغل؟؟

فرح::
خلصت نهلةخسل ملابس وكالت صعدي شري..الملابس وفتحيهن زين لان المجفف عطل ولازم تضربهن الشمس وييبسن..اني ضجت..لان عندي امتحان رياضيات.اول درس ودوامي الصبح وبعدني نص فصل ممكملة:

اي..ليش متصعدين انتي شنو مخليه حنه..عندي امتحان وما الحك..صعدي شري الهدوم..

لج..مو خاسلة كومة هدوم شيصعدني..هسه هيه نص ساعة مدري ربع ساعة شراح تأثر عليك..اووف اشوفج جايبتهن كولهن ميايه؟؟

اهوووشدعوة هالكد خاسلة ملابس شيصعدهن الي وجمالة يمطرن..مي

شلت السلة وصعدت جنت لابسه تراك خليت موبايلي بجيبي خاف صديقتي..مروة تخابرني هاي عوبه تضل ادوك..وتكعد امي من النوم..على ما وصلت الصطح تراكي تنكع..فخليت الموبايل على كرسي فوك لان مرات اصعد اقرة فوك على ضوة البيتونه..فمخليه كرسي فوك..وصعدت اطراف البجامه..مالت التراك فوك الركبة لان تبللت..اشر بالملابس..وادردم:

حضرة نهلة متصعد تشر الملابس خاف مكياجها..يخرب..واللخ مسويه نفسها مواته عبالك راح اتجبيلنه ابو شوارب..اخ.....
واوي..عبالك..بس هيه حامل..كبر..اي والله كبر وبصفة شرطي..يردني اكرف من الصبح لليل ومن ارسب..يكولن عوبه..راسبه وتاخذ..السنه بسنتين..من الله ياخذ عمرجن ويخلصني من هالشكولات..المدري منين الله لفلفها عليه..

احمد::

جنت..دا افتح باللفة مال الواير وسمعت صوت بنيه..ادردم فوك السطح بس مو دردمة..تكول بي كي..سي..ودترمي..مدري شلون تصفط الحجايات..متت...الضحك اريد اصبر على نفسي ما اكدر..هي ادردم واني اضحك..بعدين سمعت صوت موبايل يدوك..نغمة(شعجب..كاطع..بيه..يراحتي  النفسية)
سمعتها اجاوب:

ها..ولج..مروة..خلصتي الرياضيات..ادري بيج فاتحة عيونج وسنونج ع الكتاب..ها..شنو ولج علي صوتج عوبه مدا اسمع..شي...هاا..فهمت بقالج بس فصل..اي عمي هنيالج..خو ما..مثل حضي..لحد الان فصل ممكملة..هااا..اي شبيدي لعد...اذا نسوان اخوتي كارباتي اشر..سلاباتهن..لا..والحلوة المجفف عاطل..تعالي شوفيني غركانه..بالمي..اي..اي..ها...اي عادي باجر اجيبهن وياي للمدرسه..ولج اقري..زين بلكي اغش عليح سؤال سؤالين..ههههههه..اي..ماشي..ماشي يالله لج روحي دوختيني عوبه..

اني اسمع وميت ضحك هاي مو مكالمة هاي عركة صار ساعة اتصيح ع..صديقتها وتكولها بالاخير..دوختيني هاي مو صاحيه وعلي..

دا اشتغل وصار عندي فضول..اشوف..هاي ام لسان..صعدت على كيفي ودا اباوع من الحايط...لا يا الله بس لا هاي ام لسان..لك هاي شنو..خرب يومها شهالجسم..سبحان الخالق..التراك..لازك عليها من المي..ورافعة البجامة فوك الركب..اوووف شنو هالسيقان البيض المربربات..والركب تكول سفنجات بيض..خرب حضي..والشعر..ذيل حصان..وواصل لنهايه..االورك..اسود مثل الليل..شهالجمال..شهالجسم..دخيلك ربي..طلعت موبايلي واخذتلها صورة وهي دايرة وجهها للصفحة الثانيه متعرف دا اباوع..عليها..زين اذا..الجسم..

هيج كيمر..والشعر..يجنن..لعد وجهها شلونه..اريد اشوف وجههافكلت؟؟

يبنيه...يبنيه..سمعت صوتي كامت تتلفت..بعدين شافتني..راسا خلت..قطعة من الملابس..المبلله..على شعرها وركضت..واسمعها تكول

عزززة..عزززة..منو هذا..

سطحهم جبير ملحكت توصل لباب البيتوته بسرعة::

فكلت::

الله..صورتج.شكد حلوة بموبايلي باجر انشرها ع الفيس؟؟

وكفت بسرعة..ونزلت بجامتها..وادنت يمي::
.لك..منو انت وشلون تاخذلي صورة اليوم احرك اهلك..حرك؟؟

خرب عمي..خرب..عمي..من وصلت يمي همزين موكعت من الحايط ربي سبحانك شنو هاي الخلقة..شنو هاي عيونها..سترك ربي اول مرة اشوف عيون بهالحجم وهاللون..احتركو اهلي..لك والشفايق..والخدود..والخشم..كون اكرطها..كرط..هاي من صدوك لو دا احلم؟؟

انتظروا بارت2♥♥♥♥♥♥