رواية شكلين مابحكي الفصل الثالث 3 - بقلم ورود الخالدي

#شكلين_مابحكي

البارت3

#ورودالخالدي

احمد:::

بقت تشمر عليه خشب..وتخرط شتايم ومسبه بس اني ميت من..الضحك..اتدردم وترجف.. بعدين لكفت موبايلهاونزلت..حتى الملابس عافتها ع النص تركض..نزلت كعد بالصطح مال بيت صديقي..حتى شغلي مكدرت اكمله من الضحك..لك..شنو..هاي بت الاوادم ماكوهيج بنيه..صح..لسانها طويل وتصلي صلي بالحجي..بس اخ يابه..تكطع..ادوخ...اتملخ.خبلتني مشدوه كولشي ما اكدر اسوي..لا وفوكاها محصلت حته رقمها..بقيت فوك منتظر..ترجع تكمل الملابس بس مرجعت..اووف الشمس حارة..موعت..دماغي..كلت خلي اروح..هاي خافت بعد متصعد اليوم..مادام صاحبي راح لكربلاء..لسبوعين وانطاني مفاتيح البيت اكدر اجي باجر..لو عكبه واشوفها..بقيت غراضي والوايرات ع الصطح ونزلت....رحت لمحلي..كاعد بالمحل مرة اصفن..من اتذكر..وجهها وعيونها..ومرة..اضحك من اتذكر..حجيها..جنت صافن ودخلو جماعة اخذوا موبايل آيفون من طبعي كلمتي وحدة ما اتناقش بالاسعار..بس مدري شبيه كلي الولد نزلي منه..نزلت عشرة الاف..اول مرة اسويها..دايخ بالي بغير..مكان..اوف شسوت بيه هاي ام لسان..هسه اني شبيه فهيت حتى اسمها معرفته..لحصلت رقمها..بس سهلةباجر اروح انتظرها ..وما ارجع الا برقمها...العصر طلعت ويه جماعتي كولمن لازم موبايله ويراسل لو يعوفنه شويه ويروح يخابر..كولمن ملتهي بالحبيبة مالته..اني صح عندي صديقات بس مو شغلة حب..وكذا..بس الصراحة بهالعصرية تمنيت رقمها..عندي..بس اريد احاجيها...حتى لو لسانها طويل ميهم..رجعت وقت العشه..اكل..واتبسم مرت اخويه..تكلي:

اليوم مبتسم حمادة..شنو المضحكك ضحكنا..وياك؟؟

ها..لاهيج ماكو شيء شغلة صارت بالمحل!!

هااا

اخ..خبلتني بت الاوادم خلتني كاعد واتصفن تالي وياها..اريدها تروح عن باللي مدا تروح هسه اني شفتها..مرة وحدة وهيج صار..
لا..وفوكاها خلصتها عليه مسبه وغلط..

ثاني..يوم رحت لبيت صديقي بنفس الوقت..مال البارحة منتظر..بلكي تصعد باوعت ماكو احد حتى ملابس ماكو..ع الصطح مالهم..اووف شوكت تصعد..كعدت انتظرت ساعة ساعتين..ماكو..الشمس صلختني صلخ والدنيا حارة..ايست..هاي متصعد اليوم..رجعت ..كلت باجر..هم اجي...ثاني يوم رحت للبيت هم صعدت فوك هم ماكو انتظرت هم اذتني الشمس..وما الها اثر..نزلت..كلت ماكو غيرها هي طالبة اعداديه انتظرها..بقيت اروح وارجع بفرعهم..الى ان طلعت ساعة سبعة وربع الصبح..اووف اخيرا شفتها..لابسه تنورة طويلة وقميص ابيض عريض..وحجاب..والله ملابسها حيل مستورة..عفيه عليها..زين تسوي..شارعهم بيه هوايه ناس رايحة راجعة سويت نفسي امشي عادي..هيه دخلت بفرع..رحت وراها..بس مخليتها تحس..لان هي الطريق كوله مدنكة ومرفعت راسها ولادقيقة حيل عجبتني مشيتها ثكيلة..ومؤدبه بالشارع..صار الشارع فارغ ادنيت يمها..

اريد رقمج..

يمكن عرفت صوتي بسرعة التفتت..ورجعت دنكت؟

يااااعزة..عزة..عزة..هاي هم انت..شكو لاحكني؟؟

يعني شكو لاحكج..صار يومين منتظرج ع السطح الشمس صلختني صلخ وانتي ماصعدتي؟؟

ياااشكو منتظرني..شتريد؟؟

مو كتلج اريد رقمج..ليش تعاندين؟؟

ما انطيك..رقمي..اني ما انطي رقمي لاحد لان عيب هالسوالف زين!! روح منا..شوفلك وحدة غيري ترقمها..كبر..حتى كبر؟؟

لج..تعبتيني..انطيني الرقم..لتخلني اتصرف تصرف محلو بالشارع؟؟

شتسوي سوي..رقمي ما انطي واذا شفتك مرة ثانيه بطريقي اكول لابويه ولاخواني..

لج..اوكفي..

موكفت كامت تمشي سريع..تريد تخلص..مني..اهوووتلاكت ويه صديقاتها بعد ما اكدر احاجيها!!

رجعت امشي  وحدي بس اعصابي نار..تعبتني بت الكلب..متقبل..تنطيني رقمها..اوف صح عجبتني لان ثكيلة ومتقبل احد يرقمها بس بكلبي النار اريد احجي وياها..
راح اموت قهر..هسه اني حتى اسمها ما اعرفه رجعت اكو محل كبال بيتهم..كعدت بيه اخذت بطل مي ابو المحل رجال جبير..فكرت شلون اعرفها واعرف اهلها..كتله؛
عمي قاصدك بخدمه؟؟

اي..عمي كول؟؟
عمي دتشوف هذا البيت الكبالك البابه ابيض؟؟

قصدك بيت ابو ثامر؟؟

اي عمي همه بيت ابوثامر؟؟
شبيهم عمي؟؟

عمي..واحد من ولدهم خطب من عدنا مرة..ودزوني اهلي اسأل عليهم!

ما..معقولة منو خطب منكم ثامر..لو عامر؟؟
عمي ابنهم ثامر
عمي بس اثنينهم متزوجين؟؟

اي عمي نعرف..بس..هو راد من عدنا مرة مبيها شي..حتى اذا متزوج..بس جاي اسأل عليهم يعني سمعتهم شغلهم عدهم زايدة ناقصة منا..منا؟؟

لا عمي سدك امين ذوله ولد حجي عبد الرحمن عنادخلقةواخلاق.ولدهم درة من الله

هاا..وشنوشغلهم؟؟

عدهم محلات اقمشه بسوك الكاظمية؟؟

اي اعرف..بس..يعني حالتهم زينه تعرف اريد اختي تعيش مدلله..

عمي همه مستورين بس مو زناكيل..
ماشي..عمي ونسوانهم شلونهن؟؟

عمي شنو هالحجي جاي تسأل ع.النسوان لو ع الزلم؟؟

عمي اقصد اخلاقهن هسه العفو يجوز يطلعون كواويد؟؟
اذكر..الله وليدي..ذوله الناس قمة بالشرف وبالاخلاق وماعدهم بنات بس جناينهم والحجية مريضة كاعدة على كرسي معوقين..هااا..وعدهم بس بنيه وحده..فروحة اداوم..بالاعداديه خلقة واخلاق..عينها متشيلها..لو عندي ولد ممتزوج من الصبح اخذله فرح..عمي ذوله..من عشيره(......)..يعني اصل وفصل..ومعروفين..بالكاظمية كولها..

الله كريم..عمي...اشكرك والله يكثر من امثالك..راح اروح للسوك هم اسأل عليهم هناك..

بكيفك عمي؟؟

عمي امانه لتنطيهم خبر اني سألت عليهم هسه يكولون ميثق بينا وتصير حساسيات..
اي عمي صار

طلعت من يم ابو المحل..افكر شلون اخذ رقمها ...ههههه عرفت اسمها..فرح عبد الرحمن واندليت مدرستها.وجمعت شوية....

معلومات عن اهلها؟؟
خطرت ابالي فكرة رحت..ركض..لصديقي يزور هويات توب..كتله؟؟
غسان اليوم تسويلي هويه باسم عامرعبد الرحمن عناد..وخلي بيها صورتي طلعت صورة من محفظتي وانطيتها..كلي واللقب..كتلة اللقب كذا..المهم العصر رحت عليه لكيته مكمل الهويه انطيته فلوس واخذتها..ثاني يوم صادف خميس..رحت المدرستها..دخلت للادارة كلت للمديرة

ست..اني..عامر..اخو..فرح..اريد اخذلها اجازة

اي انطيني هويتك؟؟

باوعت بالهويه..كالت..ماشي بس اذا عدها امتحان متطلع الابموافقة مدرسه المادة!!

ست مو امي متخربطة..بالمستشفى!!

.ها..انتظر.لعدخلي اشوف السادس عدهم امتحان لا
طلعت..ورجعت:
معدها امتحان..هسه راح ادز عليها وانطتني الهويه..
ست راح انتظرها برة

ماشي..عدها العافيه..الوالدة

اشكرج ست..

طلعت برة اباب المدرسه بس كلبي يدوك همزين المديرة مشكت بيه..ورة شويه جتي بس طلعت من الباب..لزمت ايدها..

هاي هم انت شتريد؟؟

نصي صوتج؟؟
هدها لايدي..شو لازمني بالشارع..خرب..خرب..ليشوفنك البنات..

اهدها لايدج..بس انطيني رقمج..ليش..تخليني اسويلج..مشكلة كدام مدرستج

شتسوي من مشكلة هسه اصيح واخلي الحارس يطلع والم العالم عليك؟؟

اي لمي العالم شكو عليه اني..ولد..بس..انتي شلون يحضي هسه يكولن البنات جاي عليها ولد وطالعتلة..ويصير اسمج على كل لسان؟؟

لك..انت منين الله جابك عليه؟؟

انطيني رقمج..مو شلعتي كلبي شلع

مو...مو..مو

مو شنو..لج..اني خوش واحد..مو عبالج من ذوله الملطلطين؟؟

اي مبين عليك!!

طلعت موبايلي..
رديلي الرقم خلي اروح؟؟

مو..
لج الناس راح تنتبه علينا ردي الرقم لا والله هسه اخذج بسيارتي واخذ الرقم منح بالكوة..

ردت الرقم ..دكيت طلع مفصول عن الخدمة..
فرح..انطيني رقمج..خبلتيني

ردتلي الرقم دكيت دك موبايلها..
رقمي صار عندج..

احفظيه..
بالليل اتصل عليج..

فدوة لتتصل اخاف اهلي يسمعون؟؟

ههههه خلي صامت بالليل..ومن تشوفين مكالمتي رمشيلي؟؟

يالله روح..

شوفي..كلت للمديرة امج متخربطة..واخذتلج اجازة راح امشي بصفج لنهايه الفرع بوجهج روحي للبيت..واني اروح بسيارتي..ماشي؟؟

ماشي..

فديت عيونج الحلوات فروحة

دنكت ومشت..وتفاركنه نهاية الشارع

انتظروا بارت4♥♥♥♥♥