تحميل رواية «شقيه شقلبه حياتي» PDF

ه

رواية شقيه شقلبه حياتي

الفصل الأول

في قصر عائلة الحج خالد تجلس فتاة في الثامنة عشر من العمر هيا وجدها خالد

(لَدُن :بنت عندها 18سنه طولها 153 لون عينيها ازرق شعرها اسود طويل جدا )

(خالد الجارحى:عنده 60سنه أسس عديد من الشركات عنده ولدين عمر وزوجته خديجه متوفين من 15سنه ودول والد ووالدة لدن وابنه الثاني جاسر وزوجته ندى ودول والد ووالدة بطل قصتنا )

لدن : بص ياجدي هوا حفيدك دا هيجي امتى

جدو خالد: يا حبيبتي هوا حفيدي وابن عمك برضو على فكره هوا هيجي بعد يومين كده

لدن:طيب هوا عامل ازاي

جدو خالد:😹يا ينتي انت هتجنيني باسئلتك دي بصي هوا هيجي ولما يجي اعملي الانتي عايزاه

لدن :بس يا جدو يا حبيبي أنا كده مخي هينفجر من التفكير في الشخص الغامض دا مش هقدر استني يومين الصراحه

جدو خالد في نفسه:هوا من ناحية انو مخك هينفجر فهوا هينفجر لما تعرفي المفاجأة

لا متشغليش بالك يبنتي كلها يومين وتعرفيه كويس

صوت من بعيد: خيانه

لدن : تعالي يا هبلة كنت فين من الصبح

هبه : بزاكر اصل عندي امتحان واخر امتحان ان شاء الله

لدن:رحنا يوفقك يارب

(نتعرف بقي هبه صحبت لدن من زمااااان عندها 20 سنه يتيمة الأب والام من تسع سنين ومن وقتها وهيا عايشه مع لدن )

---------------------------------------------------------------------

في الناحيه الثانيه عند بطلنا في القاهره يدخل شركته بكل غرور وهو غير مهتم باي شخص في المكان

يجلس في مكتبه بكل غرور وتدخل ليه السكرتيره والتي يمتلئ وجهها بكمية كبيره من المكياج

هايدي بكل مياعة: بشمهندس اياد الليله عندك اجتماع مهم مع الوفد الإيطالي وفي كمية من الورق لازم توقع عليه (قالت كلامها وهي بتقرب منه )

رفع اياد عينه بكل هدوء: هوا انت عشان اتعينت امبارح من بين كل الي موجودين فاكره إنك مميزة

هايدي:يا باشا انا مميزة بس انت مش واخد بالك

اياد:والله مميزة في ان شاء الله

هايدي :تعال عندي وانت هتعرف

وقف اياد أمامها ومد يده ووضعها في شعرها بكل هدوء ومسك شعرها بقوه صرخت هايدي من الألم

إياد:انتي واحده زباله مش عاوز اشوف وشك جنب الشركه دي لو لمحتك بس ابقى اتشهدي على روحك

قال كلامه بكل غضب خرجت هايدي وأتى سليم صاحب اياد

(نتعرف بقي على الابطال إياد جاسر الجارحى ابن عم لدن عمره 26سنه خريج هندسه عنيه خضراء زي القطط طويل وعريض جسمه رياضي كل البنات ميته )

سليم مصطفى الالفي ابن خالة إياد وصديقه من الطفوله خريج هندسة برضو اكبر من اياد ب خمس شهور شبه اياد لدرجة الي يشوفهم يقول اخوات شخصية مرحة عكس اياد )

سليم : ايه يا وحش من الصبح مشاكل

اياد: هيا أصلا واحده زباله مش عارف وظفوها ليه

سليم: يمكن عشان علبة البوهيه الي عملتها في وشها(سليم دا تافه من الدرجه الاولى😹😹 )

اياد بضحك: يمكن 😹😹

سليم: احم هوا هنروح اسكندريه امتى

اياد: شكلو في حد مشتاق لحبيبته 😉😉

سليم بتوتر: أنا مشتاق لهبه انت بتقول ايه يا عم انت

اياد: بس انا م قولت هبه

سليم بعصبيه خفيفه: م خلاص أنا قولت مش مشتاق لحد

اياد بمكر : خلاص انت مش هتروح معايا

سليم: م خلاص يا باشا هيا كانت لحظت تعصب

اياد: خلاص اعترف يابني

سليم:أنا بحبها بس خايف تكون حبت حد غيرى أنا بعشقها يا اياد من وحنا صغيرين مش عارف اعمل ايه

اياد: ادعي ربنا وان شاء الله تكون من نصيبك

سليم ان شاء الله

🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰

خلاص يا لدن اسكتي صرعتيني بصوتك العالي دا هما يومين أنا بدعي ربنا انهم يخلصوا باقصى سرعه يا رب

لدن : انت يا بت يا هبه عاوزة اليومين دول ينتهوا بسرعه عشان تشوفي حبيب القلب صح

هبه بتوتر: ل لا ا انا م م ش بستنى سس سليم

لدن بمكر: بس انا م قولت سليم يا مزة 😉😉

(اياد ولدن شبه بعض في الخبث بس 😹😹😹)

هبه بتوتر اكبر : اانا م بقصدي ا اقول سس سليم ا أنا ااقصد

لدن بضحك عليها: خلاص يا بطة اعترفي

هبه: ايوة أنا بحب سليم من زمان أنا بحبه من زمااااان بس للاسف هوا مكنش بيحبني أنا خايفه يكون حب واحده ثانيه غيري

لدن ادعي ربنا وان شاء الله يكون من نصيبك

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

اليومين عدوا بالنسبه لي لدن كأنهم سنتين وهيا متشوقه تشوفه و تتعرف عليه ولكن اتفاجئت لما شافت واحد سايق عربيته بسرعه وكان هيخبط ابن عم عبدو البواب فجرت عليه عليه وانقذت الطفل

لدن : انت كويس يا محمد

محمد: انا كويس بفضلك شكرا ليكي يا لدن

لدن حضنته وقامت عشان تتخانق مع الاعمى الي سايق باقصى سرعه(معلش اندمجت مع الشخصية 😹)

الشخص اللي كان سايق: انتي كويسه يا انسة

لدن : أنا كويسه بس انا مش مهمه انت كنت هتعور الطفل دا انت انسان همجي ومتهور وانزل اتكلم معايا بدل منا انت راكب عربيتك

الشخص اتعصب ونزل

يا ترى طلع مين السايق 👋

رواية شقيه شقلبه حياتي

الفصل الثاني

وقفنا لما الشخص نزل متعصب 🙀🙀

انت ازاى تسمحي لنفسك تتكلمي معايا كده

لدن : أنا أتكلم زي م انا عاوزه انت الي تحترم نفسك يا عم انت

سليم:تصدقي وتؤمني بالله

لدن: لا إله إلا الله

سليم: انت مستحيل تكوني بنت البنت يتكون رقيقه اما انتي متعرفيش أصلا حاجه إسمها رقة تصدقي إنك جعفر (ايه يا سليم براحه دي لدن يمكن تخلص عليك في ثانيه 😹😹😹)

لدن: أانا جعفر انا معرفش الرقه تصدق يا عم انت مش رايح من هنا من غير م تسحب كلامك

سليم: أنتي يا طفله عاوزنى أنا سليم مصطفى الالفي اسحب كلامي

لدن بصدمه: ايه ايه اسمك ايه سليم هوا انت الي كنت في القاهره من أكثر من 15سنه

سليم بغرور مصطنع: أيوة أنا. انا طلعت مشهور بقي

لدن: مشهور ايه يا عم انت يا شيخ اتنيل أنا هسيبك تروح بس هشوفك قريب اوى اوى 😹😹

سليم بخوف خفيف : مالها دي اتحولت كده أعوذ بالله من الشيطان الرجيم بسم الله الرحمن الرحيم أنا ماشي

وركب سليم على القصر وساب لدن تفكر في خطتها الخبيثه

لدن في نفسها: هتطلع احلى خطة في تاريخك كله يا لدن نيهاهاهاهاهاهاهاهاهااااااااااا😹😹

💖💖💖💖💖💖💖💖💖💖💖💖💖💖💖💖💖💖💖💖💖

في القصر دخل سليم وبصوت عالي

حج خالد يا جدو خالد فينك

جدو خالد: أنا هنا يا بني حمد لله على السلامة يا حبيبي عامل ايه

سليم أنا كويس يا جدى انت الي اخبارك ايه (سليم كان بيدور بعيونه على هبه 🤭🤭)

جدو خالد بخبث: انت بدور على حد يابني

سليم بتوتر: لا يا جدى عادي هوا فين هبه ولدن

الجد: هبه لدن تعالوا بسرعه

هبه : في اي يا جدو

الجد خالد : سليم رجع من السفر

طبعا هبه قلبها بقى يطبل من الفرح مبسوطه برجع حبيب القلب 😹

هبه بخجل من نظراته: حمد لله على السلامة يا سليم

سليم : الله يسلمك طبعا انت عارف يا جدى انو اياد هيتأخر تقريبا ثلاث ساعات

لدن : ثلاث ساعات وقت كافي عشان نعمل الغداء

سليم بصدمه: اننننننتيييي 😹

لدن : ايوة أنا أنا لدن يا سليم مصطفى الالفي 😀

سليم، ازاي بس

لدن ،عادي زي الزبادي يلا يا هبه يلا هوا هيبات هنا يلا بقي

هبه، براحه متزوقيش

😹😹😹😹😹😹😹😹😹😹😹😹😹😹😹😹😹😹

في المساء لدن كانت قاعده في الجنينه وبتسمع مزيكا وسليم كان نايم وهبه في غرفتها

ولدن وهيا في الجنينه شافت حد بيشمي بكل ثقه وغرور(طبعا انتوا عارفين هوا مين بس لدن متعرفش 🤭)

لدن بغضب: انت ازاى تدخل هنا

كفايه👋

رواية شقيه شقلبه حياتي😹

الفصل الثالث

لدن ،انت ازاى تدخل هنا

اياد، انت مين يا بتاعه انتي

لدن بعصبيه، أنت الي مين وازاي تدخل

اياد ببروده، انا ادخل اي مكان عاوزه في اي وقت

لدن ،اسمع ياض انت تأخذ نفسك وتطلع من هنا على طول

جدو خالد جاء على صوتهم العالي، في ايه يا لدن خشي جوا يا بنتي

لدن ،بس يا جدو الكائن دا كا

خالد مقاطعا إياها، خشي يا بنتي اقعدي مع هبه جوا

دخلت لدن وهي تدبدب على الأرض بكل غيظ 🤭

اياد، ازيك يا جدى وحشتيني وحضنه

جدو خالد، انت وحشتيني اوي اوي حمد لله على السلامة يا حبيبي

اياد الله يسلمك يا جدى بس مين البتاعه دي

الجد ،دي لدن بنت عمك

اياد باستغراب، هيا بتعمل إيه هنا

الجد خالد، هيا عايشه معايا من ساعت موت امها وابوها

اياد طيب ياجدي أنا حروح أنام

جدو خالد في نفسه، ايوة دا الي أنا عاوزة سالب مع موجب وتيجي احلى نتيجة 😹😹😹الله عليك يا جدو

😹😹😹😹😹😹😹😹😹😹😹😹😹😹😹😹😹😹😹

على العشاء

الجد قال لدادة ميرفت تنادي على هبه وإياد وسليم واتجمعوا جنب السفره ولدن شافت الكائن اقصد إياد

لدن بعصبيه، هوا البني آدم بيعمل ايه هنا يا جدي

الجد خالد بطيبه، دا زياد الي قولتلك عليه اياد ابن عمك يا بنتي

لدن مصدومه وإياد ضحك على شكلها(على فكره اياد دا طلع غريب مرة يضحك مرة يعصب 😹)

لدن بصدمه، ازاي بس هوا دا البتاع ده يبقى ابن عمي

اياد ببرود، ليه مش عجبك ولا ايه

لدن بتلقائية، ايوة مش عاجبني طبعا

أياد بعصبيه خفيفه، ايه قولتي ايه

لدن بثقه ،مش عاجبني

الجد خالد كان مبسوط وقال بعصبيه مصطنعه، خلاص اسكتوا يلا كل واحد على كرسيه

كل واحد راح في سكات اياد كان هيقعد جنب جده بس لدن قعدت وقالت: دا مقعدي اقعد في الجهه الثانيه

اياد من بين اسنانه، هيجي وقتك يا بطة 🦆😹

القعده كانت كالآتي الجد في راس السفره ويمينه لدن ويساره اياد الي جنبه سليم والي قصاده هبه

سليم كان طول الوقت عينه على هبه وهيا هتموت من الكسوف و م رفعت عينيها عن الطبق أبدا

لدن بصت عليهم وقالت لجدو، الحب ولع في الدره يا حج

الجد ضحك من كلامها وهوا طبعا فهمها

لدن بصت على لقيته زي م هوا فقالت ،بس يا واد انت البت هتموت من الكسوف

هبه كان وشها احمر حرفيا 😹😹فجرت على غرفتها 🏃‍♀️🏃‍♀️

ضحك اياد وسليم والجد ولدن عليها

لدن قالت لأياد ،منا انت ضحكتك حلوه اهى نركب وش هالك الأخضر ليه

شرق اياد من كلامها وسليم مات من الضحك والجد كان مبسوط انو خطته ماشيه صح

اياد باستغراب، أنا ضحكتي حلوة

لدن بتلقائية، أيوة اومال اكذب واقول وحشه بس انت الي تسد نفس بقعدتك الي شبه الروبوت

اياد بعصبيه خفيفه، أنا شبه الروبوت

لدن ،أيوة انت شبه هالك والروبوت 😹😹😹اسمك هيكون روبوهالك 😹😹

سليم فطسان ضحك بسبب ملامح وش اياد

اياد بعصبيه، اسكت با عم انت

سليم كتم ضحكاته والجد لسه مبتسم

لدن وسليم ضحكوا على اياد من تحت لي تحت

👋👋👋👋👋👋👋👋👋👋👋👋👋👋👋👋👋👋👋

قضوا يومين كانوا عباره عن خانق بين اياد ولدن وحب بين سليم وهبه اياد ابتدأ يعجب ب لدن عشان هيا الوحيدة الي قدرت تعلي صوتها معاه وعلى العشاء اتكلم جدو خالد: اياد بعد م تاكل تعال عندي في المكتب

اياد: حاضر يا جدى

وبعدين كمل اكل وهوا بيبص لي لدن بنظرات مش مفهومه بالنسبه ليها(وليا الصراحه 😹)

وسليم في اللا لا لاند هوا وحبيبة القلب

بعدين في المكتب

اياد:ايوا يا جدى كنت عاوزنى في ايه

جدو خالد:اقعد يابني انا عاوز اقولك أنو انت لازم تتجوز لدن

اياد بصدمه:ايه انت بتقول ايه يا جدى

جدو خالد:اسمعني يا اياد انت الشخص الوحيد الي هتكون لدن في امان معاه

اياد بس يا جدو ان..

الجد مقاطعا:يا بني انت لازم تعرف أنو أيامي في الدنيا بقت قليله انت لازم تحمي لدن هيا لسه ورده م اتفتحت على العالم هيا صح ذكيه بس تصرفاتها بتاعت أطفال واظن إنك اخدت بالك صح

اياد:ايوة يا جدى بس انت متقولش أنو ايامك قليله انت م بتعرفش قدر ربنا

جدو خالد بحزن :اياد أنا عندي سرطان في مرحلة الأخيرة ارجوك اتجوز لدن أنا مطمن على هبه مع سليم هيفضل انت ولدن

اياد بصدمه من كلام جده :سرطان ايه يا جدى انت ليه م قولت ليا من زمان

الجد بحزن، عشان انا اكتشفته متأخر يا بني طمني يا بني هتسمع كلامي وتتجوز لدن

اياد بحزن :حاضر يا جدى بس هيا هتوافق على الجواز ومني

الجد: دا سيبه عليا أنا

طلع الجد على غرفة لدن وطبعا نفس الكلام(بصراحه أنا مليش في اللحظات الحزينه بس بحاول 😹)

لدن بصدمه:يعني ايه عندك سرطان وليه أنا معرفش ليه يا جدو

لدن حضنته وقعدت تبكي والجد بيطبطب عليها(والله أنا مبسوطه من الجد الصراحه )

الجد:اسمعي يا بنتي اياد هوا الوحيد الي هيحافظ عليكي

لدن بعدم حيله:حاضر يا جدو الي عاوزه هيتنفز

الجد، كنت متأكد انك هتوافق مش زي كلامه

لدن ، كلام مين

الجد ،اياد قال إنك مش هتوافقي

لدن بمكر، اسمعني يا جدى اوعى تقوله اني موافقه خليها مفاجأة

الجد بضحك:حاضر يا بنتي

لدن حضنته جدها: احبك يا دودو

خالد كان قاعد بيفكر في كلام جده وانو هوا صح لدن عجبته بس مش بيحبها بس لازم بتجوزها قعد يفكر ونام من التعب

اما عند الملاك الشرير لدن كانت بتفكر في جدها وفي اياد ال هتظبطه بعد الجواز عشان يبقى انسان مرح اكثر

ثاني يوم كان اليوم المميز للجد خالد قال لدادة ميرفت تنادي على هبه وإياد وسليم ولدن وقعدوا وقالهم أنو:طبعا الليله كتب كتاب لدن وإياد

هبه وسليم بصدمه :ايه 😱😱😱

الجد:اياد انت لسه موافق

أياد:ايوة سا جدي بس يا ترى العروسه موافقه

لدن بنظرات غيظ:ايوة موافقه بس بشرط

اياد بصدمه :😱 ايه موافقه وبشرط وايه هوا الشرط ان شاء الله

.

.

.

.

.

.

.

.

يا ترى ايه هوا شرط نعرف المره الجايه الفصل دا طويل زي م أنتوا عاوزين أنا بكتب وبنزل على طول يا رب يعجبكم سلام 👋👋👋👋

رواية شقيه شقلبه حياتي 😹

الفصل الرابع

لدن :أنا موافقه بس بشرط

اياد بصدمه:موافقه وايه هوا شرطك

لدن:أنو سليم وهبه يكتبوا كتابهم معانا بس الفرح بعد شهرين

سليم كان مصدوم ومبسوط لدرجة انه كان رايح يحضن لدن بس اياد وقف في وشه

اياد: ايه يا بابا رايح فين

سليم بتوتر: احم أنا مش عارف أعبر عن مشاعري دلوقتي لاني بجد متلخبط شكرا شكرا شكرا شكرا شكرا شكرا ليكي يا لدن انتي ملاك

لدن : دا كتب كتاب بس عشان اما تتقابلوا انت وهبه ميكونش في خلوة وكده

سليم كان مبسوووووط جدا جدا جدا جدا وإياد مصدوم ازاي البنت دي بتفكر بالطريقه الجميله هيا مفترض تشترط على حاجه ماديه حاجه بينهم بس تجمع بين اثنين دا خلاها تعلى في نظره كثير 🥰🥰

وكل دا حصل وهبه لسه مصدومه من لدن وفرحت سليم هيا بجد مش مصدقه أنو سليم مبسوط بفكرة جوازهم والجد مبتسم عشان شايف السعادة في عنيهم ودا كله بسبب طفلته لدن❤️💕💖💕❤️💕💖

💖💕❤️💖💕❤️💖💕❤️💖💕❤️💖💕❤️💖💕❤️💖💕❤️

في اليوم التالى في المساء وقت كتب الكتاب كان كل شيء جاهز وكان في ناس قليله عشان هما مش عاوزين حاجه صاخبة وكان الكل مبسوط

كان اياد وسليم منتظرين هبه ولدن في نهاية السلم وهم كانوا نازلين ولابسين فساتين شبه بعض فستان ابيض في نقوش شكل فرشات والحجاب الابيض كانوا في قمة الروعة وكان الجد في وسطهم وذهب اياد مع لدن إلى المأذون وتم كتب الكتاب وانتهى بجمله

[بارك الله لهما وبارك عليهما وجمع بينهما في خير ]حضنت هبه لدن وحضن سليم اياد

لدن همست ل هبه:ابعدي يا بت انا مبسوطه بالجوازة دي

وكذلك اياد:ابعد يا عم أنا مش عاوز اتجوزها

وبعد هبه وسليم وبارك المعازيم عليهم وبعدها قالت لدن :يلا يا هبه يلا يا سليم عشان كتب كتابكم

هبه لسه مش مصدقه أنها هتتجوز سليم وسليم ابتسامته م فارقت وشه ا ب د ا

وكانت جمله المأذون الاخيره هيا {بارك الله لهما وبارك عليهما وجمع بينهما في خير }

حضن سليم هبه وهبه كانت يا دوب فاقت من صدمتها وبادلته الحضن

سليم قال لجده: ممكن اطلع مع هبه مشوار ذ

الجد بص على لدن :هيا الي جوزتكوا ف هيا المسؤوله عنكم

لدن بخبث: ساعتين بس لو طولت دقيقه بس هتطلقوا الليله

سليم بخوف:طلاق ايه حمانا الله هتكون هنا قبل الساعتين تخلص بخمس دقايق

خرج سليم ويمسك هبه بيده التي وجهها احمر(البنت دي بتتكسف كثير مش زي لدن أبدا 😹)

اياد بص على لدن :بقولك ايه متيجي نرقص

لدن: أنا مش بعرف ارقص

أياد: عادي جدا على فكره تعالي بس

اخد اياد لدن من ايدها وراح يرقص معاها

قالها: حطي ايدك على كتفي وعملت لدن كده وهوا حط ايده علي وسطها وهيا حست بشعور غريب بس اتجاهلته هما كانوا منسجمين في الرقص وكل واحد بيبص في عين الثاني وسرحان فيها (يا رب كل واحده تتجوز الي تحس معاه بالامان والراحه والحب )

و بعديها الاغنيه انتهت وفاقوا على 👏 تصفيق الناس ليهم وبعدوا عن بعض

🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭🤭

أما عصافير الحب كانوا رايحين مطعم على البحر وكان المكان كله ليهم هبه كانت مبسوطه جدا وطبعا سليم برضو

سليم قال ل هبه :ثوانى اروح واجي بسرعه

هبه:لا متسبنيش

سليم: متخافيش هرجع دلوقتي

وبعديها انطفئت الانوار وخافت هبه وقعدت تصرخ سليم سليم ظهر نور ووجه على سليم الي كان جالس على ركبته وبيده 💍 وهبه دموعها نزلت من الفرح

راحت علي سليم وهوا قالها :أنا بحبك يا هبه وعاوز افضل معاكي كل شبابي ولما اكبر ومش عاوز ابعد عنك إلا لما اموت(يا سلام على الكلام 😹)

هبه :بعد الشر عنك أنا كمان بحبك يا سليم بحبك أوي😍😍

سليم لبسها الخاتم وحضنها وشالها ولف بيها وصرخ بأعلى صوته :ببببحححححبببببككككك يااااا هببههههه( مش عارفه الصراخ بيتكتب ازاي بس حاولت 😹)

سليم اخدها وراح عند التربيزة وقعد ياكل وهوا فرحته أكبر من الدنيا كلها وأخيرا بقيتي حلالي يا هبه كل دا وم نزل عينه عن هبه أبدا هبه كانت طبعا مكسوفه ومنزله راسها علي الطبق بتاعها و سليم متابعها بكل تركيز

وبعدها قال :بصيلي يا هبه

هبه:هااا قولت ايه

سليم:بصيلي

هبه رفعت راسها وعينيها متجنبه عينين سليم سليم قرب منها ومسك راسها وقال لها :انتي مراتي صح (هبه حركت راسها بأه) وكنت موافقه على الجواز مني صح(برضو هزت رأسها )عشان كدا بصي في عيني

هبه بصت في عينيه وتاهت فيهم وسليم برضو وبدون م يحس قرب منها وباسها بكل هدوء رقه وهيا مستسلمه ليه وبعد عنها وهيا بتاخذ نفسها خبت راسها في حضنه من الكسوف وسليم ضحك عليها وكملوا اكل ورجعوا البيت وهما ماسكين ايد بعض

وشافوا اياد ولدن قاعدين في الصالون مع جدهم

اياد:ان شاء الله انبسطوا

سليم نظر الي هبه بحب(القلوب بتطلع من عيونه 😹😹😹) وقال:كانت احلى لحظات مع احلى بنت في الكون

لدن بسعاده من صديقة طفولتها:وانتي يا هبه مبسوطه

هبه بخجل:ايوة مبسوطه جدا أنا بحبك كتير كتير كتير كتير كتير كتير كتير يا لدن وحضنتها(أنها الصداقة يا أصدقاء 🥰)

اياد للدن :مش يلا يا عروسه

لدن :يلا يا عريس

وراحوا تحت صدمة الجميع منهم 😱😱😱

😱😱😱😱😱😱😱😱😱😱😱😱😱😱😱😱😱😱😱

في الجناح بتاعهم

لدن :دا انت طلعت ممثل ممتاز

اياد بغرور مصطنع:طبعا أنا اياد

لدن قلدته:طبعا أنا اياد

اياد مبسوط وهوا معاها بس لسه بيقنع نفسه أنو دا مجرد إعجاب

لدن :أنا هنام فين

اياد ببروده:في السرير

لدن :وانت هتنام فين

اياد :في نفس السرير

لدن بسرعه:لا نحنا م اتفقنا على كده إحنا اتفقنا نمثل قدام جدي وبس

اياد قرب منها:ماشي بس في شي على وشك

لدن بتلقائية :فين فين

اياد قرب منها قوي:هنا{ وباسها في شفايفها بتمعن وهيا مصدومه منه }

بعد عنها وهيا اخدت نفسها وقال : كل م تضاقيني هعمل كده بس اتفاجئ ب كف نزل على خده من تلك اليد الصغيرة بغضب وهيا بتقول :انت عايشه المسرحيه الي عملناها على جدي ولا ايه اياك تقرب مني يا اياد اياك تقرب مني😡😡😡

يا ترى ايه رد اياد على كلامها 🤷‍♂️🤷‍♂️🤷‍♂️🤷‍♂️

.

.

.

.

رواية شقيه شقلبه حياتي 😹

الفصل الخامس

لدن ضربت اياد على وشه واتصعبت عليه ورد فعل اياد كان

اياد مسكها من يدها بقوه:انت ازاى تسمحي لنفسك تمدي ايدك عليا

لدن بوجع حاولت تخفيه ولكن للأسف هيا كلمتها قوية ولكن جسمها لأ واتوجعت جامد وصرخت بألم

اياد بدون م يحس حضنها مش عارف هوا عمل كده ليه وازاي بس دا الي كان عاوزة قلبه (القلب❤️ وما يهوى )

لدن كانت بتقاوم فيه وبتحاول تبعده بس للاسف قوتها أقل منه بكثير واستسلمت له واستكانت في حضنه ولما حس انها هديت بعد عنها براحه وهيا قالت له : ارجوك يا اياد ارجوك متعملش كده مره ثانيه ارجوك

اياد افتكر كلام جده وانو هيا لسه صغيره فتكلم بهدوء:ولو عملت كده مره ثانيه

لدن بسرعه :هقول لجدو على طول

اياد بصدمه من تلك الطفله:هتقولي ايه لجدو

لدن بخجل غضب:هقول لجدو إنك بتبوسني وأنا مش عاوزه أبوسك

اياد مصدوم من طفولتها :ماشي مش هقرب منك انت فكراني ميت في دباديبك

لدن باستغراب:ايه ميت في دباديبك دي(البت دي عسل 🍯 😹😹🤣)

اياد مصدوم منها:يعني متعرفيش يعني ايه ميت في دباديبك وتجيبي في ثانوي 94% ايه مبتتفرجيش على التلفزيون

لدن : أيوة بتفرج بس كرتون نتورك وسبيستون مفيش حد فيها بيقول ميت في دباديبك

اياد مش عارف يعمل ايه البنت الي قدامه مراته ولا بنته ولا مين بالضبط : لدن روحي نامي

لدن :استنى استنى استنى انت بتقول اسمي غلط

اياد باستغراب: غلط ازاي اسمك لدن

لدن : لأ انت بتقول لُدَن وهوا لَدُن فهمت ولا اعيد من الأول

اياد: أيوة فهمت بس يعني ايه لدن

لدن : اقولك و م تضحكش

اياد استغرب منها قبل ربع ساعه كانت ببتخانق معاه بس دلوقتي ببتكلم كأنهم أصحاب:مش هضحك

لدن :معناه رقيقه لطيفه لينه وكل ما هو لطيف ولين

اياد م قدر يمسك من الضحك ضحك كأنه م ضحك من زمااااان وهيا كانت متعصبه عشان بيضحك عليها بس من جواها مبسوطه عشان ولأول مرة تشوف اياد يضحك

لدن بعصبيه: انت قولت انك مش هتضحك ضحكت ليه هااا

اياد وهوا بيمسح دموعه من الضحك:انت مقتنعه بأسمك دا

لدن بقه : أنا مقتنعه باسمي بس معناه لأ

اسمع يا عم نحنا كل الي حصل ونتفق نبدأ من أول جديد كاصدقاء والايام تثبت اذا كنا هنفضل مع بعض ولا لأ

اياد مد يده: اتفقنا

لدن صافحته وقالت، اتفقنا انت هتنام في السرير وأنا هنام على الكنبه دي 👈

اياد باعتراض:لاء أنا هنام في الكنبة

لدن بعصبيه مصطنعه:اسمع ياض انت هتنام في السرير ورجلك فوق رقبتك والا هروح اقول لجدي على الي عملته

اياد خلاص هينفجر مش عارف ازاي بتقلب كل شويه وراح نام في السرير بدون كلمه واستغراب

🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣

وعند عصافير الحب هبه طلعت من الحمام وهيا بتنشف شعرها بفوطه سليم اتصل عليها وهيا من شافت التلفون ابتسمت كانت عاوزه ترد المكالمه فصلت سليم اتصل مره ثانيه

سليم بلهفه:هبه انتي كويسه يا حبيبتي

هبه بضحك عليه، انا كويسه مالك

سليم مليش بس اتوترت لما م رديتي في الأول

هبه، كنت في الحمام طلعت لقيتك بتتصل

سليم، معلش أنا م صدقت بقيتي جنبي ف خفت عليكي

هبه مبسوطه مكسوفه 🤣: المرة الجاية هرد على طول

قعدوا يتكلموا للصبح زي المخطوبين

🥰🥰🥰🤩😍🤩🥰🤩😍😍🥰😍🥰🤩🥰🤩🥰😋🥰🥰🤩😍

كان الجد خالد في غرفته تعبان جدا وبيحاول يقوم مش قادر وفضل يحاول وانفه جاتب دم كثير وللأسف ذهب إلى مكان لا عودة منه

توفى الجد خالد ومفيش حد عارف

🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲

في الصبح صحت لدن وبصت على اياد وقالت بصوت عالي نسبيا انت جميل وانت هادي ورايق بس لما تتعصب وتقلب روبوهالك بتكون شرير بشكل ربنا يشفيك يا يني

اياد كان سمعها وم قدر يمسك فضحك وقال:اتهدي يا بت مش عاوز اتخانق معاكي من الصبح

لدن:طيب قوم ننزل لجدو

اياد: يا بنتي نحنا عرسان مفترض أنو دي الصباحية بتاعتنا

لدن : صباحيه مسائيه أنا عاوزة أنزل افطر مت جدي تمام

اياد بعدم حيله منها: طيب يلا

غيروا هدومهم ونزلوا

اياد: دادة ميرفت فين جدو

دادة ميرفت بطيبه : يمكن في غرفته عشان م شفوته من الصبح

لدن، خلاص أنا هروح اشوفه

راحت غرفة جدها واتجمدت لما شافت جدها في السرير والدم على وشه وقعدت تصرخ اياااااااااد يا ايااااااااااااااااااد تعااااااااااالااااااا بسرعه

جري اياد عليها وشاف جده راقد في السرير والدم في وشه راح عليه لقاه مش بيتنفس قعد يعيط على جده الي كان حاسس انه هيموت

جات هبه بسرعه على صوتهم العالي وسليم وراها واتصدموا برضو والكل كان بيعيط زعلان على جده

تم غسل الجثمان ودفنه وإياد كان شايف لدن ضايعه من غير جدها الي كان كل دنيتها ووعد نفسه انه هيكون السند ليها ومش هيسبها أبدا مهما حصل

بعد ساعات من الحزن طلعت لدن على غرفتها هبه كلنت هتروح وراها بس اياد قالها انه هيروح ليها

🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲

في الغرفه

لدن كانت قاعده في فرشه الصلاة وبتدعي لجدها

اياد قعد استناها لحد م خلصت وبعدها قامت وقلعت اسدالها وقعدت في السرير بصت على اياد بحزن و م اتكلمت معاه

اياد راح عندها وقف قدمها وشدها لحضنه وهيا حست كأنه بيقولها عيطي فعيطت بانهيار وهوا شدد عليها وحزين جدا عليها عدت وقت طويل وهيا في حضنه ولما حش أنها هديت وبقت ثقيله عرف أنها نامت فاخدها على السرير وفضل يحرك ويدعي ربنا انه يقدر يخرجها من الحزن دا بسرعه وفي النهايه نام وهوا ساند ضهره على السرير ولدن جنبه

🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲🥲

عدى اسبوعين اياد كان بيحاول يخرج بيهم لدن من الحزن الي هيا فيه

يتبع

رواية شقيه شقلبه حياتي 😹

الفصل السادس

اياد كان بيحاول يخرج لدن من دوامه الحزن الي هيا فيها ونجح في دا ولدن رجعت زي زمان لدن الفرفوشه الي بتكره النكد وفي صباح يوم الجمعه اياد قال ل لدن : نحنا هنروح بعد الصلاة على القاهرة

لدن باستغراب:ليه

اياد: عشان عاوز ارجع لشغلي وانتي تدخلي الجامعه ولا مش عايزه تخشي الجامعه

لدن بفرحه:أنا هخش الجامعه أنا نسيت إني هخش الجامعه

اياد وهوا مبسوط لفرحتها: أيوة هتخشي الجامعه عاوزة تدخلي ايه

لدن بحماس :عاوزة اخش طب وابقي أكبر عالمة جينات وراثية فيكي يا بلد

اياد بدع ليها:هيا صح شغلانه غريبه بس ماشي يا ستي هتدخلي طب وتبقي عالمة جينات وراثية

بعد ساعتين كانوا صلوا صلاة الجمعة وراحوا على القاهره وبعد سفر طويل طبعا بالعربيه وصلوا ولدن كانت طول الطريق بترغي و م سكتت أبدا وإياد كان مرة يسمعها ومرة يسرح في الطريق

🤷‍♂️🤷‍♂️🤷‍♂️🤷‍♂️🤷‍♂️🤷‍♂️🤷‍♂️🤷‍♂️🤷‍♂️🤷‍♂️🤷‍♂️🤷‍♂️🤷‍♂️🤷‍♂️🤷‍♂️🤷‍♂️🤷‍♂️🤷‍♂️🤷‍♂️

أما عصافير الحب كانوا مقضينها ضحك وهزار وكل واحد بيحكي حياته للثاني مع مغازلة سليم وخجل هبه الي كل ربع ساعه هبه يبقى وشها طماطم وسليم بيكون قاصد يعمل كده

😹😹😹😹😹😹😹😹😹😹😹😹😹😹😹😹😹😹

ولما وصلوا شافوا البست الي هيعيشوا فيه كان عباره عن فيلتين مع بعض يعني والاثنين جنب بعض وبيدخلوهم بنفس الباب والاثنين شبه بعض في شكلها بس مختلفه في الألوان هبه ولدن كانوا مبهورين من جمال الفيلا وذوق اياد وسليم والجميل (طبعا أياد وسليم بنوا الفيلتين دول من زمااااان عشان كانوا عاوزين يعيشوا جنب بعض ) طبعا البنات كانوا مبسوطين عشان هيكونوا مع بعض دايما

لدن :يلآ يا هبه عشان نرتاح وأنت يا سليم روح على بيتك

سليم:ايه!!!هبه هتيجي معايا

لدن :أياد شوف صحبك لو سمحت

أياد ببرود:انت وهيا لسه مخطوبين عشان كده روح بيتك وبعد م نعمل فرح هتخدها معاك

سليم بحزن :بس نحنا كتبنا كتابنا ومش هقدر ابعد عن هبه

هبه 😳 خجلت من كلامه

أياد:انت ممكن تيجي تروح مع هبه مشوار وتتفسحوا وترجعوا بس هبه مش هتبات معاك إلا بعد الفرح

سليم بعدم حيله:وامتى الفرح

أياد: للاسف بعد شهر ونص عشان انت عارف ليه

سليم: حاضر يا صحبي أنا عارف ليه مش هتكلم كثير في الموضوع عشان عارف الي فيها بس ممكن احضن مراتي واودعها

لدن بمكر: ودعها يا سطا ودعها بس اوعي تخش في الغريق 😉

أياد ضحك من كلامها وسليم اخد هبه في حضنه وإياد ولدن سابوهم ودخلوا

هبه كانت غاطسة في حضنه وسليم مش قادر يسيبها

هبه بعد وقت طويل سليم انت مش عاوز تروح ترتاح

سليم ،راحتي معاكي وفي حضنك

هبه بكسوف خلاص كلها ايام ونبقى مع بعض

سليم بعد عنها وميل على وشها وباس شفايفها بسرعه وبعد وقال ،مع السلامة يا مراتي

هبه بتوتر وكسوف قالت مع السلامة يا جوزي

سليم راح وهوا مبسوط وهبه طلعت اوضتها وكل م تفتكر الي حصل تحط ايدها على شفايفها

ناموا الاثنين من التعب 🥰

😍😍😍😍😍😍😍😍😍😍😍😍😍😍😍😍😍😍😍

عند اياد ولدن

لدن : اياد أنا عاوزة انام في غرفه لوحدي

اياد زعل من طلبها بس للاسف مش هيقدر يرفض : ماشي في غرفة قصاد الجناح بتاعي شوفيها إذا ممكن تعجبك

لدن : ماشي تصبح على خير

اياد: مش عاوزه تتعشي

لدن لأ أنا عاوزة انام على طول

أياد ماشي تصبحي علي خير

لدن وانت من اهله

وراحت لدن وشافت الغرفه وعجبتها جدآ غيرت هدومها بلبس نوم مريح ونامت على طول

اياد معرفش ينام من غير م يشوف وشها ويتامله راح اوضتها براحه وشافها هيا نايمه زي الطفل بالضبط ابتسم وقرب منها وباسها شفايفها برقه وبعد عنها مش عارف امتى قلبه اتعلق بالبنت دي بجد الشقيه دي شقلبة حياتي قعد وقت طويل وبعدها راح اوضته ونام

😴😴😴😴😴😴😴😴😴😴😴😴😴😴😴😴😴😴😴

تاني يوم اياد فطر معاهم وراح الجامعه وسجل لدن عشان تنزل في بداية السنه وراح بعدها شغله

في الشركه

اياد للسكرتيرة:اطلبي بشمهندس سليم لو سمحتي

السكرتيره:حاضر يا فندم

بعد خمس دقايق دخل سليم

سليم: نعم يا اياد عاوزنى

اياد : أيوة كنت عاوزك اقعد

قعد سليم: اتفضل بقي في ايه

اياد: أنا عارف انك بتحب هبه وعاوزها جنبك وموضوع أنا مراتك دا عشان تتكلموا براحتكم وتخرجوا براحتكم تتعرفوا على بعض وتقعدوا مع بعض بدون حد ثالث عشان تاخدوا راحتكم برضو سليم أنا مش عاوزك تزعل مني يا صحبي

سليم بحب :انا مش زعلان منك والله أنا يس بشتاق لي هبه حتى وهيا جنبي

أياد بمشاكسه:الله الله على الكلام الجميل دا

سليم ضحك واستأذن وراح شغله اياد برضو قعد وركز في شغله وكل مرة يفتكر لدن يقعد يسرح تاني يرجع يشتغل وخلص شغله وهوا خلاص هيموت ويشوفها

وصل اياد البيت وانصدم لما شاف لدن بتعمل......

.

.

.

.

.

يا ترى اياد شاف ايه

رواية شقيه شقلبة حياتي

الفصل السابع

اياد كاز راجع البيت وصل واتصدم لما شاف لدن طالعه في السلم وبتركب فوانيس رمضان وزينه البيت بطريقه بسيطه وجميلة

اياد بإعجاب:الزينه دي تحفه الصراحه

لدن بابتسامه :اي خدمه و رمضان كريم

اياد: الله أكرم

لدن : يلا عشان نتغدا بقي

اياد:غداء ايه بكره مفيش غداء

لدن:م هوا في آخر غداء قبل رمضان واول غداء بعد رمضان عادي

اياد بضحك : يلآ يا ستي

وراحوا عشان يتغدوا كان قاعدين سليم وإياد ولدن وهبه كل واحد جنب مراته

وبعد م خلصوا سليم راح عند التلفزيون وشغل فيلم وهبه ولدن عملوا فشار وجابوا شيبس وتسالي وقعدوا يتفرجوا ويتكلموا للسحور اياد طلب مم دادة ميرفت الي اياد م قدر يستغنى عنها وجابها معاه تجهز السحور مع هبه ولدن وكانت هيا في مكانة امهم وفي السحور اصروا إنها تقعد معاهم

وبعد م اتسحروا صلوا الصبح وكل واحد راح نام

وفي منتصف اليوم لدن كانت حاسه بصداع جامد

اياد شافها تعبانه: مالك يا لدن

لدن بوجع: راسي بيوجعني أنا عاوزة شاي بلبن

اياد: شاي بلبن ايه انت كمان نحنا يادوب واحده الظهر

لدن بألم: اصل الشاي عندي زي الدم لازم اشرب شاي بس عادي هوا اول يوم دايما كده بس ثاني يوم بيكون كويس

اياد: خلاص روحي اوضتك وانا هنادي عليكي بعدين

لدن راحت علي غرفتها وإياد اطمن عليها

وجاء وقت الفطور كلهم قاعدين بيفطروا وطبعا معاهم دادة ميرفت وبعدها صلوا جماعه

🙂🙂🙂🙂🙂🙂🙂🙂🙂🙂🙂🙂🙂🙂🙂🙂🙂🙂

في المساء

اياد خبط علي غرفة لدن

لدن : اتفضل

اياد: فاضيه عندك حاجه

لدن : لأ

اياد بص عليها لقاها لابسه قميص قصير اتوتر و م عرف يمسك نفسه ف قالها: احم أنا كنت عاوزك تشتغلي معايا في الشركه

لدن بفرحه، بجد شكرا شكرا شكرا ليك وحضنته بدون م تحس

اياد ايديه متشعلقة في الهواء مش عارف يبادلها تقوم تصده ولا تتعصب وقف ساكن بعدها لدن استوعبت هيا عملت ايه

لدن بخجل انا اسفه مش قصدي أعمل كده ،بس قولي أنا هشتغل معاك ايه

اياد، مترجمه مش انتي بتعرفي تتكلمي فرنسي وروسي واسباني

لدن أيوة، من بكره هبدا الشغل

اياد بفرحه كبيره، تمام كده سلام

😃😃😃😃😃😃😃😃😃😃😃😃😃😃😃😃😃😃😃

اياد طلع من غرفتها وهو مبسوط انها وافقت علي الشغل ( يلآ يا جماعه دي خطة من اياد عشان يفضل يسوف لدن طول الوقت تمام كده )

اياد في التلفون: عملت التعاقد مع الشركة الاسبانيه والفرنسيه والروسيه

الشخص: أيوة يا فندم

اياد بفرحه:كويس جدا سلام

وراحوا غرفته وهوا مبسوط

😁😁😁😁😁😁😁😁😁😁😁😁😁😁😁😁😁😁😁

تاني يوم لدن صحيت بدري عشان تروح مع اياد الشغل

اياد شافها وانبسط من حماسها

وركبوا وراحوا الشركه دخلوا مكتب اياد

لدن : هااا أنا هشتغل فين

اياد: هناك 👈

لدن بصت مكان م هوا حرك ايده وكان المكتب بتاعها

لدن : أنا هشتغل جوا هنا معاك في نفس المكتب

اياد: أيوة ولا انتي عاوزه تقعدي برا والي داخل والي خارج يبص عليكي

لدن بتلقائية: لأ طبعآ خلاص أنا هشتغل هنا تمام

اياد ادها ورق تترجمه وهيا اندمجت فيه جدا وإياد كان كل شويه يبصلها ويسرح فيها

انتهت لدن من شغلها وراحت تتفسح في الشركه طبعا بعد وقت طويل من اقناع اياد الي وافق أنها تروح لوحدها

لدن كانت ماشيه في الشركه وفي واحد سلم عليها

الموظف بإعجاب فيها: ازيك يا انسة

لدن رفعت ايدها وورته خاتم جوازها وراحت

الموظف كان منبهر من جمالها وفضل يبص عليها كان ماشي وراها بدون م لدن تحس ولما كانت عاوزه تنزل لقت المصعد مشغول م قدرت تستنى فراحت على السلم الموظف لحقها ومسكها بسرعه وحاصرها في الحيطه وحاول يبوسها بس لدن كانت بتحاول تقاومه وتصرخ بكل صوتها وإياد سمع صراخها انتفض من مكتبه وجري على مكان الصريخ

الموظف معرفش يعمل ايه ف زقها وهرب وهيا م قدرت تتوازن ف وقعت من السلم الموظفين اتجمعوا عليها وإياد شافها مرميه على الأرض وفي دم نازل من عليها اخدها المستشفى باقصى سرعه وصرخ : ترولي بسرعه

لدن كانت في العمليات ساعتين وإياد رايح جاي رايح جاي

الدكتوره خرجت وقالت:...........

اياد: ايه يعني هيا.......

يتتتتبع

👋👋👋👋

رواية شقيه شقلبة حياتي

الفصل الثامن

خرجت الدكتوره قالت لأياد: المدام بقت كويسه يا اياد ببه هيا حصلها كسر في ساعد الايد الشمال وخيطنا راسها بس عشان نزفت شويه لازم ترتاح كويس بس ارجوك خلاص تفطر اليومين الجايين عشان لازم تتغذي وتعوض الدم الي راح وتتقوى عشان هيا ضعيفه اديتها فيتامينات

اياد كان مركز مع كل كلمه قلتها:طيب ممكن اشوفها

الدكتوره:أيوة ممكن

اياد دخل لقاها نايمه وقعد معاها تقريبا ساعه

بعدها الدكتوره دخلت اطمنت عليها ولدن لسه نايمه

اياد سألها:هيا هتفوق امتى

الدكتوره :بعد ساعتين

اياد: كويس

بعد ساعة المغرب اذن وإياد لسه م فطر سليم وهبه قلقوا عليهم وسليم اتصل على اياد وهوا حلالهم كل حاجه وهما رواحوا للمستشفى على طول وصلوا واطمنوا عليها بعد ربع ساعه لدن صحت اياد كام ماسك ايدها اليمين وهيا ضغطت عليها وفتحت عيونها

اياد بلهفه:لدن انت كويسه

لدن بتعب: انت مين وأنا مين وانتوا مين

اياد وسليم وهبه مصدومين اياد : أنتي مش فكراني

لدن م قدرت تمسك نفسها من الضحك على أشكالهم

لدن : خلاص خلاص أنا م فقدت الذاكرة ولا اي حاجه بضحك عليكم عشان اطلعكم من النكد دا بس شكلوا الخطة باظت 😹😹😹

اياد بطمئنينه : خضيتيني يا شيخه كنت هموت من الخوف

سليم وهبه ضحكوا برضو

بعد الضحك سليم قال لهبه يلا نجيب الفطور عشان نفطر يلا

هبه:يلا

وقعد لدن اياد

اياد: انت كويسه

لدن لأول مره تشوفه وهوا خايف: أنا كويسه يا اياد م تقلقش الحمد لله

اياد براحه :الحمد لله

اياد بص في عيونها وهيا كانت متوتره من نظراته كانت بتحاول تبص على اي مكان غير عينيه ولكن اياد لسه بيبص عليها

لدن بكسوف: اياد بطل تبصلي انت بتوترني

اياد بتوهان: مش قادر

لدن : ايه

اياد استوعب : ولا حاجه

وانقذ من تلك اللحظه بفضل سليم

قعدوا واكلوا والدكتوره كتبت للدن خروج وطلعت و

راحوا البيت اياد شال لدن و وداها غرفتها

وطبعا عصافير الحب ودعوا بعض 😍🥰

😘😘😘😘😘😘😘😘😘😘😘😘😘😘😘😘😘😘😘

في غرفة لدن

اياد حط لدن على السرير براحه كانت عاوزة تقوم اياد مسكها ونيمها مرة ثانية

اياد: اوعى تتحركي الدكتوره قالت لازم ترتاحي

لدن بغضب: يا اياد أنا مش هجري انا هوقف في البلكونه شويه

اياد خلاص أنا هوديكي

لدن باستسلام: كويس

اياد شالها وحطها في كرسي في البلكونه

وقعدوا يتكلموا مع بعض واتعرفوا على بعض عدى وقت طويل وجاء وقت السحور اياد راح حضر الاكل وجابه وطلب من هبه تروح تتسحر واتسحر مع لدن وكان وقت جميل

وصلوا وراحوا ناموا

😴😴😴😴😴😴😴😴😴😴😴😴😴😴😴😴😴😴😴

عدى عشرين يوم اياد يروح الشغل ويرجع يقعد مع لدن بقى بيطمن لما يكون جنبها وهيا بتحس بالامان معاها

في صباح اليوم الثالث والعشرون من رمضان لدن قالت لأياد: أنا عاوزة اروح معاك الشغل

اياد: لأ انت لسه ايدك بالجبس لما نفكه تروحي

لدن بترجي : يا اياد ارجوك أنا عاوزة اروح معاك والله هقعد في مكتبي ومش هتحرك أبدا ارجوك

طبعا أياد استسلم ليها ونفذ لها طلبها

وروحوا على الشركه وعدى اليوم على خير

وهما راجعين لدن لمحت بنت قاعده بتعيط قالت لأياد: وقف وقف بسرعه

اياد وقف العربيه باستغراب

لدن نزلت وإياد نزل وراحوا للبنت الي بتعيط لدن قعدت جنبها سالتها: مالك بتعيطي ليه

البنت :ماما وبابا ماتوا في حادث من عشره ايام وأنا بقيت لوحدي وصاحب الشقه بتاعتنا طردني عشان مفيش فلوس للايجار

لدن وإياد زعلوا عشانها بجد البنت دي تزعل

لدن بطيبه: اي رايك تيجي معانا

البنت : لأ أنا مش عاوزة اعيش مع ناس كضيفة واضايقكم

لدن : تضاقي مين بالعكس أنا هكون اختك الكبيره والشاب دا اخوك الكبير ماشي

البنت ببراءة: ماشي

اياد مبسوط من جواه بس مثل الزعل: بصي يا حلوه روح العربيه هناك واستنينا ونحنا هنيجي على طول تمام 👌

البنت :تمام

بعد م مشيت البنت اياد بزعل مصطنع: انت ازاى تعملي كده بدون م تسأليني

لدن :أياد ارجوك البنت دي أنا حسيت معاها براحه كبيرة خليها تعيش معانا

اياد: بس مينفعش تعيش معانا

لدن : أياد أنا ههتم بيها متخفش... بعد تفكير قصير

..بص يا اياد لو وافقت اخدها معانا هنفذ ليك ثلاث طلبات بدون نقاش

اياد اعتبرها انبسط كثير من كلامها: موافق بس ايه يضمن لي أنك م تتهربيش من كلامك

لدن بفتكير: صور لي فيديو وأنا بقول فيه كلامي

وفعلا عملوا كده وروحوا البيت ويتتتتبع..

.

.

.

.

.

يا ترى اياد هيطلب من لدن ايه 🤔

دعمكم يا شباب 😹😹👈👋👋👋👋👋

رواية شقيه شقلبه حياتي 😹

الفصل التاسع

أنا مش هقدر انزل بارتين مع بعض ولكن هعمل الفصل دا طويل على قدر م اقدر تمام 👌

اياد ولدن والبنوته طبعا أنتوا مش عارفين إسمها

اياد بص من المراية على البنت : إسمك ايه يا قمر

البنت : أنا أسمي قمر

لدن : أيوا بقى يا سطا انت طلعت جامد وعرفت إسمها من غير م تقول وضربته على كتفه براحه بايدها السليمة

اياد ضحك: والله طلعت صدفة واحلى صدفة عندك كم سنه بقى يا قمر

قمر بابتسامه بريئه: عندي 15 سنه وخمس شهور وست ايام

لدن وإياد مصدومين من البنت الي بتحسب ازاي وليه

لدن : انت عارفه كل دا وانت صغيره كده

قمر ببراءة 🥺: يمكن أنتي لما كنتي في عمري مكنتيش بتحسبي بس أنا بحسب كثير عشان بحب الرياضيات من وانا عندي ست سنوات

اياد بمرح: بت يا لدن البنت دي طلعت زيك جدآ

لدن وقمر في نفس الوقت بغصب: متقوليش يا بت احترم نفسك

وبصوا لبعض وضحكوا وإياد ضحك معاهم ورجعوا البيت وصلوا وسليم وهبه شافوا قمر واستغربوا

سليم: مين دي يا اياد

اياد ، دي تبقي قمر اختنا الصغيرة ونزل مستوى قمر بصي يا قمر

قمر بانتباه: بصيت

اياد بضحك عليها: شايفه الشب الطويل دا يبقى أخوكم سليم والبنت الاوزعه الي جنبه تبقي اختك هبه مراته وأنا أبقى اخوكي الكبير اياد والبنت الاوزعه دي تبقي لدن اختك ومراتي تمام

قمر بسعاده عشان بقي عندها عيله كبيره: تمام

اياد بحب: يلا نخش جوا وهطلب من ست ام احمد تجهزلك اكل

قمر: بس أنا مش عاوزة اكل

اياد: ليه بس

قمر: عشان أنا صايمه زيكوا

سليم بمرح مسك خدودها: انت طلعت أجمل طفله في العالم يا كميله يا بطة

قمر بنرفزة: أنا مش طفله ومتقولش عليا بطة

هبه وإياد ولدن ضحكوا عليها وسليم مصدوم منها

دخلوا وقعدوا نص ساعه والمغرب اذن اكلوا وصلوا وقعدوا اتكلموا مع قمر واتفرجوا على التلفزيون وكل واحد راح غرفته ونام

😴😴😴😴😴😴😴😴😴😴😴😴😴😴😴😴😴😴😴

بعد سته ايام لدن راحت عند اياد الصبح

شافت شكله وهوا نايم قد ايه هوا جميل لما يكون هادي ورايق ومرح اتمنى يكون كده طول العمر

عقلها: أنتي بتقولي ايه يا مجنونه انتي معقوله حبيتي روبوهالك دا

قلبها : وليه محبوش ايوة بحبه

عقلها:تحبيه ازاي هوا مش ممكن يحبك هوا شايفك مجرد عيله بنت عمه وبس

قلبها: حتى ولو أنا حبيته وخلاص

لدن قالت خلاص اسكتوا بقى وراحت لأياد

( طبعا الكلام ده كله في مخيلتها 😹😹)

لدن : أياد فوق اياد أصحى يا اياد اصحااااااااااا

اياد بخضه: مالك يا لدن في ايه في ايه زلزال

لدن بضحك عليه:زلزال ايه يا عم قوم الليله اخر يوم في رمضان لازم نروح نجيب هدوم العيد

اياد بضيق: كان ممكن تقولي كده براحه على فكره

لدن : لأ كده احلى المهم قوم يلا عشان هناخد وقت طويل

اياد: ماشي ياختي اهوا قومت

لدن : هستناك بره متتاخرش

لدن طلعت راحت على غرفتها وقالت :أنا مش هقدر اسكت اكثر من كدا خلاص أنا تعبت يا اياد

وطلعت وراحت لي قمر الي كانت نايمه: قمر قمر يا حبيبتي فوقي

قمر بنوم : نعم يا لدن

لدن : قومي يا كسلانه عشان هنروح نجيب هدوم العيد يلا

قمر: بس

لدن : ولا بس ولا حاجه أنا عارفه انتي هتقولي ايه بصي يا قمر أنا قبل م اكون اختك الكبيره هكون امك تمام واي حاجه اقولك عليها تتنفذ فورا ماشي وقومي يلا غيري هدومك عشان هيتأخر كده

قمر حضنتها جامد وباست خدها وراحت تغير هدومها

راحوا كلهم السوق واشتروا هدوم كثير لقمر ولدن جابت لأياد هدوم كاجول وهبه اختارت لسليم برضو هدوم جميله جدا وانبسوطوا اخر انبساط

ورجعوا البيت وفطروا في اليوم الأخير لرمضان وكان كله فرح ومرح وفي نهاية اليوم اياد نادى لدن على غرفته

🤟🤟🤟🤟🤟🤟🤟🤟🤟🤟🤟🤟🤟🤟🤟🤟🤟🤟🤟

لدن : اي يا اياد عاوز حاجه

اياد: أيوة عاوز حاجه

لدن : عاوز ايه

اياد بمكر: عاوز اطلب منك طلب

لدن : اتفضل اطلب

اياد: أنا عاوزك تيجي تقعدي معايا في غرفتي

لدن بعدم فهم: منا معاك في غرفتك

اياد: لأ يا هبلة أنا أقصد إنك تنقلي على غرفتي وتنامي هنا

لدن بسرعه: لأ أنا مش هقعد معاك هنا

اياد: لأ أنتي هتقعدي معايا هنا وهتنامي معايا في نفس السرير

لدن بصدمه: انت بتقول ايه يا اياد مستحيل يحصل كده

اياد بهدوء: هيحصل واقولك ليه هيحصل كده اسمعي

طلع التلفون وسمعها كلامها الي قالته (أنو هيا هتنفذ ليه ثلاث طلبات زي م كان في الفصل الي فات )

اياد : هااا يا بطة قولتي ايه

لدن بتوتر: لا برضو مش هيحصل

اياد قرب منها ولدن بتبعد وهوا بيقرب ووصلت الحيطه وإياد ايده علي وسطها والثانيه على الحيطه محاصرها ولدن متوتره من قربه

اياد وهوا قريب جدا منها: هااا هتقعدي معايا في نفس الغرفة ولا لأ

لدن بتوتر اكبر : ل ل لأ م مش ه هق

وقاطعها اياد بقبله شغوفه وطويلة تمعن فيها وعدت دقايق وبعد اياد عنها براحه وهيا بتاخذ نفسها وقال وهوا بيلهث: هتقعدي ولا اعمل كده مره ثانيه

لدن بتوتر وكسوف : خلاص هقعد معاك بس متقربش مني

اياد:مش هقرب منك وبصوت واطي غير بموافقتك

لدن سمعته وانبسطت جدا قالت بخجل: ا ابعد

اياد قرب اكثر:ولو مبعدتش هتعملي ايه

لدن ضربته في بطنه براحه: هعمل كدا

اياد: اااه يا بنت يا مجنونه في واحده تعمل في جوزها كده

لدن بضحك: أيوة أنا

اياد طلع بغيظ:أنا هطلع قبل م ارتكب جريمه

لدن بضحك مع السلامة بقى

اياد خرج ولدن قعدت تنطتت من الفرح وكل م تفتكر الي حصل تحط ايدها على شفايفها وبتبسم بدون م تحس(يااااااااه نحنا سناجل يا شباب براحه شويه )

وراحت غيرت هدومها ولبست بجامه بنفسجي مرسوم عليها كرتون طبعا ونامت

😴😴😴😴😴😴😴😴😴😴😴😴😴😴😴😴😴😴😴

أمل عند اياد راح لسليم وقعد معاه

سليم : بتحبها

اياد: أيوة حبيتها مع اني كنت بقنع نفسي أنو دا مجرد إعجاب بس لا قلبي الغبي حبها بس دي احلى حاجه في حياتي كلها

سليم: بجد أنا مش مصدق انت تحب انت اياد روبوهالك تحب أنا مش مصدق الإنسان الي بيكره السيدات يحب طلعت مسيطره على قلبك للاخر

اياد: مش عارف اعترفلها ولا اعمل ايه بس أنا مش هستسلم وهفضل وراها لحد م نجتمع مع بعض ونكون اسعد ثنائي

سليم: ان شاء الله يحصل كده

اياد: ان شاء الله، روح انت بقى لحبيبتك واقعد معاها للصبح بس بشرط اوعى يحصل بينكوا حاجه يا سليم اوعى

سليم: عيب عليك يا صاحبي أنا عارف الأصول كويس

اياد: تمام تصبح على خير

سليم : وانت من اهل الخير

🤭🤭🤭🤭🤭🤭😍😍😍😍🤭🤭😍🤭🤭🤭😍😍🤭

راح اياد غرفته وشافها نايمه وهادية بس هيا حلوه اكثر لما تصحى وتتشاقى وتعمل مشاكل وتهزر

اياد قعد يتاملها لوقت طويل بعدين راح غير هدومه ونام جنبها وزاح شعرها من وشها بهدوء وحط ايده علي خدها وقرب منها وباسها شفايفها برقه وبعد عنها وحضنها ونام ولأول مرة ينام وهوا مرتاح 😌 ومبسوط

(يلآ يصحى الصبح على الي هيحصل من الزوبعه الي في حضنه 😹)

😴😴😴😴😴😴😴😴😴😴😴😴😴😴😴😴😴😴😴

راح سليم لهبه من البلكونه ولحسن حظه أنها كانت مفتوحه ودخل براحه وشافها لقاها بتتفرج على صورهم وهيا مبسوطه وبتكبر الصور بتاعت سليم

سليم بمكر:حلو أنا صح

هبه بتوتر:انت بتعمل هنا ايه

اياد:أنا كنت جاي اقعد معاكي اونسك بس لقيت انك مستانسه لوحدك

هبه بتوتر واستغراب:اونسك ومستانسه انت بتقول ايه يا عم

سليم :عم انتي بتقولي ليا يا عم لأ غلطتي ولازم تتعاقبي

وقرب منها جامد وهيا وقعت على السرير وهوا فوقها

هبه بتوتر كبيييير:ا ن ت ه ت ع ا ق ب ن ي ا ز ا ي

(انت هتعاقبني ازاي )

سليم بخبث:عاوزة تعرفي

هبه بتوتر:ا ه

وباسها سليم بكل رقه وتمعن وشغف وطالت تلك القبله طويلا وبعد عنها بصعوبة وهوا بياخد نفسه وهيا بتاخذ نفسها

هبه بكسوف وخدود 🍅:سليم ابعد

سليم:أنا عاوز أنام في حضنك لو سمحتي

هبه :بس لدن وإياد قالوا

سليم بمقاطعه :هما كلامهم صح بس نحنا هننام بس وإياد اخوكي ولا ابوكي سمحلي افضل معاكي للفجر وممكن أعمل منبه واطلع قبل الفجر ارجوكي وافقي عشان خاطري وافقي بقى

هبه بعدم حيله:موافقه بس اعمل المنبه الأول

سليم بفرحه كبيره:حاضر من عيوني

وعمل المنبه ونام في حضنها وكان مرتاح 😌 على الآخر وهيا كمان كانت مرتاحه

ودخل الجميع في ثبات عميق

😴😴😴😴😴😴😴😴😴😴😴😴😴😴😴😴😴😴😴

يا ترى الايام مخبيه ايه نعرف في الفصول الجاية بقى .

.

.

.

.

.

.

.

رواية شقيه شقلبه حياتي

الفصل العاشر

بعد سبات عميق صحى سليم على صوت تكبيرات العيد شاف هبه نايمه في حضنه وابتسم ميل عليها وباس راسها وقام براحه عشان متصحاش وراح على بيته

سليم وهوا داخل غرفته : ياااااااه يا هبه كلها ثلاث اسابيع وتبقي في بيتي زي م بقيتي مراتي

صحت هبه وملقتش سليم جنبها واتصلت عليه وهوا رد: أيوة يا حبيبتي

هبه: انت صحيت امتى

سليم: قبل ربع ساعة كده

هبه: وليه مصحتنيش

سليم: عشان تكملي نومك يا حبيبتي

هبه : اوعى تعمل كده مره ثانيه

سليم بخبث: كدا يعني هنام في حضنك بكره برضو

هبه بتوتر :لأ مقصدش كده سلام بقى وقفلت الخط في وشه

سليم ضحك 😂 عليها وعلى كوسفها الي بيخليه يعشقها اكثر

🙈🙈🙈🙈🙈🙈🙈🙈🙈🙈🙈🙈🙈🙈🙈🙈🙈🙈🙈

امل عند استريد وحازوقه 😹😹😹

(والله أنا قعدت افكر ليهم على اسم لقيت دا 😹😹)

لدن صحت من النوم لقت نفسها في حضن اياد ومكتفها ومش قادره تقوم وبعد وقت استسلمت وقعدت تتأمل فيه

لدن أنا مش عارفه ايه الي خلاني احبك أنا مش عاوزة غير إني اكون معاك طول العمر بس للاسف انت مش بتحبني عشان أنا في نظرك بنت عمك الي مش ممكن أبدا تحبها يا ريتك حبيتني زي م انا حبيتك

لدن بعد دقيقتين بصت على اياد الي مش راضي يصحى قربت عليه جامد وكانت خلاص هتصرخ: اي....

اياد قاطعها لما حط ايده علي شفايفها وقالها: أنا مش عاوز اسمع صوتك خالص فاهمه ولو سمعته اعتبري انك انتي الي جنيتي على نفسك

وبعد ايده عنها وهي قالت بغيظ: بني آدم رخم

اياد سمعها ووقعها في السرير وهوا فوقها : قولتي ايه سمعيني قولتي ايه

لدن بعصبيه: قولت بن.....

وقطع كلامها وباس شفايفها بقوه وعنف وطالت اكثر من اي قبله

بعد عنها وهيا اخدت نفسها وقال بعصبيه: كل م تعصبيني وتضايقيني هعمل كده

قالت وهيا وشها احمر وغضب: ابعد عني يا قليل الادب

اياد بمكر: تحبي تشوفي باقي قلت الادب ولا ايه يا حلوه

لدن بخجل وعصبيه زقته وهوا وجع جنبها: انت قليل الادب اعوى تقرب مني

اياد ضحك عليها: انتي شوفي خدودك الحمراء بعدين تعالي أتكلمي

لدن جريت الحمام بخجل وحطت ايدها على قلبها مالك بدق بسرعه كده اهدي يا عم انت

اياد من بره بضحك : هتفضلي تتكلمي مع نفسك كثير

لدن بفضب: ملكش دعوه

اياد في نفسه: والله لجننك اكثر يا مجنونه 😹

لدن اخدت شاور طويل وبعد م خلصت : فين الهدوم الهدوم الهدوم وضربت راسها بخفه نسيتها بره ولفت الفوطة عليها وقالت بصوت عالي نسبيا: اياد يا اياد اياد

ولكن مفيش رد راحت بسرعه اخدت هدومها ودخلت الحمام غيرت ونزلت(عادي يعني 😹😹😹)

😹😹😹😹😹😹😹😹😹😹😹😹😹😹😹😹😹😹😹

لدن راحت لقمر: فينك يا قمر

قمر طلعت من غرفة الهدوم : أنا اهو

لدن بانبهار: ما شاء الله تبارك الله يا بنت اللعيبه طلعتي مزه

قمر بابتسامه خجل: شكرا ليكي

لدن : بس بجد طلعتي حلوه بالحجاب مبروك يا حبيبتي

قمر حضنتها: الله يبارك فيكي انت احسن اخت في العالم

اياد دخل عليهم طبعا بعد م دق الباب : اي دا يا قمر ايه الي لابساه دا

قمر بحزن : ايه شكلي وحش

اياد بانبهار: وحش ايه انتي احلى من لدن ما شاء الله بس برضو أنا لو قولت وحش متهتميش برأيي أبدا لأنك مقتنعه بنفسك صح

قمر ببراءة: صح شكرا ليك يا احسن اخ في العالم

لدن بخبث: مش أنا كنت احسن اخت قبل دقيقتين

قمر بسرعه: انتي اجمل اخت وهوا اجمل اخ بس كدا

ودخل عليهم سليم وهبه

سليم: طيب لو هيا وهوا احسن اخ واخت نحنا ايه بقا

قمر : ثاني احسن اخ واخت في العالم سهله والله

هبه بصدمه من طريقتها: شوف البت بتتكلم ازاي أنا لما كنت قدها كنت بلعب بالعرايس والطين

وضحكوا كلهم عليها(احلى حاجه دفى العيله )

😹😹😹😹😹😹😹😹😹😹😹😹😹😹😹😹😹😹😹

وراحوا كلهم وصلوا صلاة العيد ورجعوا

في الصالون لدن بصت لقمر وقمر بصت لهبه وهبه بصت للدن وضحكوا مع بعض والشباب مستغربين والبنات مدوا ايديهم وقالوا : عاوزين العيديه

الشباب ضحكوا عليهم وإياد طلع من جيبه فلوس كثير واداهم والبنات كانوا مبسوطين ومدوا ايديهم لسليم

سليم بضحك: م اياد اداكم كثير خلاص

هبه بمرح: لا الظاهر أنو جوزي بخيل أنا كده انكد عليك يا عم

سليم بخوف مصطنع: لا على ايه بس خدوا خدوا كل فلوسي

لدن بفرحه: اياد ممكن تاخدنا على مكان

اياد: ممكن طبعا بس فين

قمر : هنروح دار الايتام عشان نوزع هدايا هييييييييييه

سليم بفرح : اشطا عجبتني الفكره

اياد: خلاص اتفقنا أنا وسليم نجيب هدايا الولاد وانتوا البنات تمام

البنات بصوت واحد: تمام 👌

👈😹😹😹😹😹😹😹😹😹😹😹😹😹😹😹😹😹😹

وراحوا وجابوا هدايا كثير جدا جدا وقعدوا يلعبوا مع الأطفال في الميتم وكان الجو مليان سعادة وبعد يوم طويل ومتعب وصلوا البيت وانصدموا لما شافوا...

اياد :انتي بتعملي هنا ايه

..........يتتتتبع

.

.

.

.يا ترى مين البنت دي 😹😹😹سلام بقى الفصل الجاي

.

.

.

.

.

.

.

.

.

.

.