رواية سهم الغرام الفصل العاشر 10 - بقلم الكاتبةة نور حسن💕

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

‏يلـ مخدر جمالچ مثل چآي وهيل
رزن لا محترگ لآ فاهي لا شايط🌚❤️

♡'''''''''''''''♡'''''''''''''♡''''''''''''''''♡

ميار>>دخلت للبيت اخذت جهاز شاهين وطلعت رحت لبيتهم بس ولا كلمه افتهمت منهم بالي كله يم سهم وكلامه ربع ساعه ورجعنا للبيت عود ردت ادرس هه بس اكتب اسمي وفرحانه العوبةة اوووف

سهم>>اكثر شي كرهته بلحظتها هيه ميار لمن رفضت ك انسان ما بيه قصور على شنوو ترفض من اجتي للبيت وي شاهين وخزرتها ردت اشوف ردت فعلها بس ما سوت شي بقت مركزة بعيوني ومن طلعت تجيب الجهاز قسما بالله بس دفعتها على كيف

،،،هيه طارت يم السيارة ههههه بس استغربت كلامها من كالت رفضت لان ما احب انس حسيت اكو شي ناقص من كملت كلامها عرفت انو انس من حجه هيج الها حتى يقنعها انو هو يريد يخطبها علمود ترفضني وهنا لازم اني العبها على انس واشوفه منو سهم

،،،نقطه ضعف ميار جانت بس نقطه وحدة وهيه شاهين هسه بنتي ميمي هم نقطه ضعف الها وهنا راح اضرب على اخر وتر يجمع بين اثنين

ميار>>مرت الايام وبقيت شوية شوية اركز بلمواد لحدما بدات السنه والحمدلله جنت مسيطرة على المواد ودرجاتي حلوة ومشت حياتي مدت شهرين احلى شي....للعصر رجع شاهين وبيده جنطه سفر استغربت بس لا يريد يسافر....شنوو هاي شاهينوو

شاهين>>جنطه لسهم يريد يسافر

ميار>> اهاا وي منوو

شاهين>>ماادري بس على الاغلب وحده

ميار>>فرحت وابتسمت ماطووول راح يولي وحده ومياخذ ميمي

شاهين>>شوية واجيج بس اوديها

ميار>>تمام طلع شاهين طبيت لغرفتي لانه اريد اناسق ملابس عيني لانه عندي سفرة كلش متحمسه وي البناات ههههه مجربين هل الشعور الحلووو

شاهين>>ميار

ميار>>ها حبيبي

شاهين>>جاي فدوه

ميار>>تدلل رحت سويت الجاي واخذت الملابس حتى اشوفهن لشاهين شنوو رايك بيهن

شاهين>>سفرة

ميار>>عفيه عليك نابغه

شاهين>>هههه البنطلون احلى من الفستان خاف تصعدين لعبه ويطلع المستور

ميار>>هههه سخيف

شاهين>>انتي باجر تروحين وي سفره سهم يعني هم باجر

ميار>>صدوك

شاهين>>يي هو كالي

ميار>>الله وياه

شاهين>> بس انقهرت على خالتي شلون راح تفارك بت سهم لان كلش متعلقه بيها

ميار>>شنوو مو علساس يسافر وحدة

شاهين>>مادري سهم يريد ياخذ بته حتى يتاخر هناك براحته

ميار>>عفت شاهين ورحت للغرفة شكد افكر وعقلي وكلبي بعد شوية يطلعون من التفكير ....... افكر بعقلي واگول اني شعليه شكم يوم وانساهاا نوب اگول بكلبي خطيه شنو ذنبها حتعوفيها وحدهااا وهيه صغيرونه

،،،اگول بعقلي اني مو امهااا لعد هيه امها وين عنها ليش عايفتهااا نوب گلبي يگولي صارت الج فرصه تصيرين امها وتحتوينهاا

،،،نوب اگول بعقلي يوووو شنووو اتحمل مسؤولية غيري واصير ام وبعدين گلبي يگولي صيري امها شنو ذنبها تصير الها زوجه اب وتعيش طفولتج المو حلوة وهيه وحيدة مالها اخ يدافعلها مثل شاهين

،،،ارجع بعقلي افكر واگول لو يحبها سهم ميتغير عليها مو هيه بته خلي يرجع زوجته نوب گلبي يگولي ولج اذا طلعت امها ميته يا الله ولان اني احبها كالي صيري امها.....اخير شي كمت من مكاني وصحت بصوت خفيف

،،،كاااافي ميار كاافي شبيج لا توكعين لگلبج تتندمين باجر والله بس اذا صار شي لميمي هم تتندمين لان فكرتي بعقلج ميار
ياااااا الله ساعدني تعبت خليت المخده على وجهي وبقيت ابجي ليش اني هيج يصير بيه كله من وراي ومن ورا گلبي لان خلاني اتعلق بميمي واحبها وهسه حمووت من التفكير

،،،كمت على السريع عدلت شعري لازم اخذ قراري وهسه واني قررت مالي دخل لا بميمي ولا بابوووهااا عيشي طفولتج وي شاهين وهاهيه رحت غسلت وجهي لكيت الجاي محترك هههه😂مخبله اني لحظة اضحك ولحظة ابجي سويت جاي جديد

،،،بس اهم شي بعد اني قررت ابتعد عن كلشي يخصهم وقرار نهائي من كمل الجاي وديته لشاهين ساعه وسويت عشه خفيف نوب نمت لان عندي سفره وما لازم افكر بشي ما يخصني عفيه عليج ميار هيج اريدج سبعه استلمت للنوم وكعدت ثاني يوم الصبح صادفت يوم الخميس احسن شي كمت لبست ملابسي وناسقت طلعت اموت الا شوية ههههه

،،،ووصلني شاهين للمدرسة اخذت يوميتي وفلوس منه ونزلت من السياره وجهازي حتى ناخذ صور وتصير ذكرى حلوة المهم من بعد ما صاحو اسماء الطالبات صعدنا بسيارات السفره للمكان من وصلنا اني والبنات صرنا زناكيل نلعب ونزل شغلات وناخذ صور عبالك مودلز يعني مو طالبات هههه مرت ساعات واحنه نركض منا ونلعب ونكعد وي الكل

،،،قبل منرجع بساعه واختفن طالبات من مدرستنا ولگفتهن المدرسه والمديرة وي شباب يبووو نوب الكل عرف بيهن من ورا المديرة لانو اكو طالبه راحت حجت عليها اني اريد اعرف شلون اطلعين وي شخص متعرفي ما تخافين على سمعتج وسمعه اهلج

،،،يحبج يروح يخطبج شكوو اطلعين وياه كل هذا ونوب المدرسة ضلت تحجي بصوت عالي عليها بحيث بقيه استحينا بمكانه والله لهيج قررت المديرة انو نرجع من ورا هاي السالفه بس الحمدلله صارت ب11 يله رجعناا قررت ارجع وي نبض بنفس التاكسي يلي تاخذنا دك جهازي شفتها رساله من شاهين

♡هلو ميار شلونج قبل شوية ودعت سهم لانه حيروح وطيارته بعد ساعه ونص وميمي وياه هسه هو بمستشفى.......وصح اخذتلج صورة لميمي حتى تشوفيها♡

،،،ياااا الله ليشش هيج حظي عفت نبض وركضت برا المدرسةة وصلت يم باب المدرسة وكفت على صوت نبض

نبض>>وين ميااار اوكفي

ميار>>للبيت

نبض>>انتظري نرجع سوة

ميار>> لا يمعوده ارجعي وحدج

نبض>>انجبي كلت نرجع سوة

ميار>>اووف نبض مو وقتج هسه ابد وكفنا يم الشارع اجرنا تاكسي رادت نبض تحجي راسا حجيت وي ابو التاكسي....عموو لمستشفى.....بمنطقه......

،،،عرفت اسم المستشفى لانو هيه نفسها يلي بقه بيها شاهين

نبض>>وووين ولج

ميار>>شيصير بلمستشفى كدام عيونج الله عليج ما اريدج تحجين لشاهين فدوه

نبض>>صاير شي ميار

ميار>>يي مصيبة وكعت فوك راسي

نبض>>عزززا ميار بس لااا

ميار>>بس لا شنوو

نبض>>تردين تبيعين شي من جسمج

ميار>>ههههه نبض رحمه لله يلي بيه مكفيني والله نص ساعه وصلنا للمستشفى دفعت الفلوس لابو التاكسي ونزلت وي نبض دخلنا رحت لقسم الاستعلامات....مساء الخير

الاستعلامات>>مساء النور

ميار>>اريد اعرف دكتور سهم وين

الاستعلامات>>بعيادته الطابق الثاني الغرفه الاولى

ميار>>شكراً

الاستعلامات>>تدللين

ميار>>رحت لنبض شفتها تفرگ بيدها وتباوع عليه

نبض>>شنووو

ميار>>اكعدي هنا هسه اجيج مااتاخر صعدت للطابق الثاني وشكد اكو ناس منتظرين دورهم وكفت يم السكرتير لانو داياخذ باصات من المراجعين...العفو دكتور سهم جوة

نبض>>يي

ميار>>اكدر اشوفه بشي مهم

السكرتير>>ادخلي

ميار>>دخلت للغرفة لكيته كاعد وبيده كوب وكدامه حوريه من الجنه تخبل يا الله الشعر اصفر والمكياج اوفر والبس قصير وكاعده مقابيله انتبه عليه من فتحت الباب وبقيت مركزة بيهم

سهم بصدمه>>ميااار

ميار>>ما عبالي يمك احد الولد كالي ادخلي

سهم>>لا عادي بس شجابج هنا وشلون اجيتي

ميار>>ردت احجي وياك بموضوع

سهم>>شاهين يدري بيج هناا

ميار>>يبوووو نسيت كلشي وبقه اسم شاهين براسي شسوويتي ميار انتي مو احسن من يلي واعدت حبيبها

سهم>>ميار

ميار>> اسفةة بس لازم ارجع طلعت من الغرفه ردت انزل الدرج

سهم>>ميار اوكفي

ميار>>بجيت بندم اني كاعده اخون ثقه شاهين بيه والله اني مو هيج

سهم>>شاهين ميدري صح

ميار>>هزيت راسي ب لا وكعدت علدرج وبجيت

سهم>>كومي اني اوصلج

ميار>>نزلنا سوة شافتني نبض امشي ورا سهم وابجي راسا ركضت عليه وحظنتني

نبض>>ولج شكوووو

ميار>>بقيت ساكته لحدما وصلنا للسيارة صعدنا وصلنا نبض لبيتهم لان مو نفس طريق بيتي نوب رجع سهم وصلني ردت انزل

سهم>>ميار ليش بجيتي من سمعتي اسم شاهين

ميار>>اني خنت ثقه شاهين بيه وما استاهل يحبني لهل الدرجه اول مرة اسويها واتندمت

سهم>>ليش اجيتي للمستشفى

ميار>> حتى اكولك لا تسافر وتاخذ ميمي حباب

سهم>>انتي ما رجعتيلي خبر

ميار>> الا نتزوج

سهم>> ماكو غير حل

ميار>> بس الزواج مسؤولية وشي جبير

سهم>> ميار اعرف كلشي براسج بس لازم تعرفين مراح اتقربلج الا برضاتج واذا متردين شي يربطنا سوة بس عقد الزواج ميخالف ما اغصبج على شي وعلى دراستج اني بيدي كل يوم اوديج للمدرسةة

ميار>>مراح تمنعني من شي

سهم>> امنعج من اشياء تضرناا احنه الاثنين بس ك تقييد ما اقيدج بس احافظ عليج

ميار>>سكتت ماعندي كلام احجي ولا جواب مناسب يا الله شسوي من كمل كلامه هزيت راسي ونزلت راسا دخلت للبيت بدون ما اندار فتحت الباب وطبيت الحمدلله بوقتها شاهين بعده بلدوام رحت سبحت وبدلت تراك قصير مال بيت وسويت غدا على السريع وافكر بكلام سهم معقولة يحبني اوووي فدوة حب من اول نظرة

،،،يبووو عليج مياار يريدني بس ام لميمي مو اكثر يعني ما يحبني.....لعد شبيه وما يحبني اشوو جمال وطول ولو اني مو طويله كلش بس حلو طولي فزيت من افكاري البايخه على صوت شاهين من فتح الباب ركضت وصرت مقابيله....مساؤؤ يحلووووو

شاهين>>هلا بلدنياا الحلوة كلهه شلونج شلون السفره

ميار>>تموووت بس صارت مشكله صغيرونه بس هسه خلي ناكل لان جوعانه وبعدين اسولفلك

شاهين>> مااشي

ميار>>راح شاهينو يسبح ويبدل واني حظرت الصينيه كعدنا نتغدا سوة

شاهين>>نسيت ما كتلج اليوم سهم

ميار>>اجيت احجي بس صدمني من كالي بقيت فاتحه حلگي عليه.....

♡'''''''''''''''♡'''''''''''''♡''''''''''''''''♡

والله ما قصدي اضوجكم مني بس نبضاتي والله شقه ما اسويها كتاب 😂

حبيت اكول للبنات يلي عبالهن اني مثل غيري شكرا الكم
ما عبالي تعزون هلكد 😔😔

مشاهدة ممتعه نبضاتي هاي هدية مني الكم

nosha ❤🌺🌺