رواية سهم الغرام الفصل الثامن 8 - بقلم الكاتبةة نور حسن💕

"~سهم 🏹 الغرام~"

"بقلم nosha_hassan""

♡'''''''''''''''♡'''''''''''''♡''''''''''''''''♡

من تضحكلي أحس تضحكلك جروحي
اضحكلي اشتهيت انباگ من روحي. 🥺🤍

♡'''''''''''''''♡'''''''''''''♡''''''''''''''''♡

سهم >>قصدي لو جانت بعمر ميار شلون

شاهين >> اهلها يقبلون يعني يعرفون بوضعك

سهم >>خلي نكول انو الوصي عليها يعرف كلشي عني بس هيه لا

شاهين >>والله مادري شكوول

سهم >>لعد النا كلام خاص من تطلع هسه من المستشفى ونحجي سوة بهل الموضوع

ميار>>كعدت تعبانه وميته جوع رحت غسلت وجهي وغيرت ملابس يلي لابستهن ولبست ملابسي القديمة كمت حتى اطلع فتحت الباب وانضربت براسي....اوووي

ضياء >>ههههه منووو انتي

ميار>>انت منوو

ضياء>>اني اجيت علمود دكتور سهم تعرفينا

ميار>>يي اعرفه

ضياء>>جوة بلغرفة

ميار>>لاع يم اخوية شاهين موجود

ضياء>>بيا غرفةة

ميار>>نروح سوة لان ما اعرف الرقم بس اندلها

ضياء>>تدللين .... شنو اسمج

ميار>>ميخصك

ضياء>>ههههه ليشش

ميار>> كلما اصير صديقه لجنس ادم توكع على راسي مصيبة

ضياء>> بس اني حباب اسالي سهم

ميار>> واني شعليه بيك يااااي وهاي وصلنا...طبيت للغرفة شفت شاهين وسهم كاعدين يضحكون صحت.... صباح الخير سيدي

شاهين>> صباح النور يحلوه.

سهم>> انتبهت عليها من دخلت وضياء وياها ويضحك....ضياء شسوي هنا شنو اجيت وياها

ضياء>> هاي ام السان دلتني عليك

ميار>> شوكت تطلع شاهين

شاهين>> اليوم حبيبي

ميار>> واخيرا يربي

ضياء بهمس>> حرامات ما تعرفت بيها

سهم بحدة>> ضياااااء

ضياء>>ااشاقة والله حتى اسمها ما قبلت تحجي ههههه يله اشوفك يم المدير

ميار>>شاهين تعرف انو اني....تقربت عليه وحجيت همس باذنه.... انو اني ميته جووع

شاهين>>ههههه يخسى الجوع دكتورتي لعد بين ما يكمل سهم نطلع سوة ونروح نتريك

ميار >> تمام بس اجيب شغله من الغرفةة واجيك

سهم>> اوكفي ميار اجي وياج....طلعنا من الغرفة اباوع عليها ولا عبالك مراهقةة مبينه طفلة بمعنى الكلمه عيونها الهن لمعة خاصة من تصير تباوع بنضرات الجهال ههههه

،،،،شفايفها حيل صغار وصلنا للغرفةة بقيت ارتب بغراضي شفتها اخذت علاگة سوده وكفت كدام المغسلة تغسل وترفع بشعرها ليفوك بسرعه صار انتباهي على يلي برگبتها من ورة معقولة هاي اثر وواحد جان هنا يمها لو هيه تعرفلها واحد تقدمت عليها

ميار>> عززززا باوعت عليه من المرايا من شفته يتقدم عليه راسا انداريت عليه حسيت المسافة انعدمت بينا ياااا الله كمت اشتم عطره وانفاسه الحارة بدال الهووى وعيت على نفسي من لزمني من يم رگبتي بقوة

سهم بحدة>> شنووو هلشي ميااااار

ميار بخوف>> شنووو هووو

سهم بصوت>> هل الاثر شنوووو

ميار>> والله مو.....

سهم>> ليش هيج ولج طفله انتي شمعرفج بلخيانة وسويتي هلشي

ميار>> خيانة ... سهم شبيك

سهم>> هل الاثر ميار

ميار>> هههههه

سهم>> ليش تضحكين

ميار>> هاي مو اثر سهم هاي نساوة

سهم>> رفعت حاجبي...شنو شايفتني جاهل كدامج تضحكين عليه

ميار>> لا والله 😂 حشاك بس هاي الشي الوحيد اخذته من بابا لانو بابا بي وحتى شاهين بي بس بخصره واني هنا

سهم>> حسيت بقالب ثلج نزل على گلبي وصدري البركاااان...بس النساوة تصير مثل المنطقة الحمرة

ميار>> يي صح بس حسب واصلا هاي صغيرونه بس البارحه بقيت احگ بيها صار لونها طوخ وشعري مغطيها

سهم>> يله نرووح

ميار>> اممم سهم

سهم>> شنووو

ميار>> شكد عمرك

سهم>> اكبر منج بهوواي

ميار>> اممم زين وين ام ميمي ليش ماكو وياكم

سهم>> كافي ميااار

ميار>> حباب ميمي خطيه بس تبجي وتري....

سهم بصوت>> كاااااااااافي كلت

ميار>> نزيت من صوته....عابتلك ايي والله مو مال واحد يحجي وياك ولا تحجي وياي ابد بااااي

سهم>> خرب بلحظ يلي يسمعها يكول كاعده تتعارك وي صديقتها وتكول عابتلك مرض شهل اللسان العليهاا ... رحت وراها لكيتها يم شاهين وتحجي وياه

شاهين>> لا تضلين تزعلين لو اكدر جان رحت وياج بس والله تعبان

سهم>> شهل النظرات مال البزون يلي بعيونها عبالك تريد شي منك

شاهين>> ههههه عفيه عليك شوف شلون تريدني اخضع لكلشي تريده مني من تزعل

سهم>> شكووو

ميار>> لا تحجي وياه شاهين عوفه

شاهين>> عدها طلعه وي صديقاتها واخاف عليها كلشي يصير لان اكو وياهم كرايب وتريدني اروح وياها

ميار>> اخذ سوسن

شاهين>> اخوها ميقبل صح سهم وغمزلته

سهم>> ما اودي اختي وي ناس غربه

شاهين>> هههه تاخذين انس 😂

سهم بصدمه>> لا يلگعبة شاهين صدك يحجي؟؟؟؟؟

ميار>> لااااع لو اموت ما اخذه لباب المستشفى

شاهين>> اصلا ماكوو روحه حبيت اشاقة وياج

ميار>> اوكي بس بشرط

شاهين>> تم الشرط

سهم>> شلون توافق بدون متعرف شتريد منك شلون بسرعه تكول موافق

شاهين>> ماكوو حل لو اوديها للمول من ارتاح لو ابقه سهران وياها يووم كامل بدون دراسة

ميار>> لا غلطاان

شاهين>> لعد؟؟؟

ميار>> اممم ابقى يم ميمي يوم كامل

شاهين>> ههههه ولج سهم يشمرج من السطح ميقبل تطلع ميمي من بيتهم

سهم>> اووف الله شفتها كعدت على الكرسي ومدت شفايفها ليكدام وعيونها شوية ويدمعن مدري شلون نطقت من شفتها هيج.... لا عادي خليها يمج وبالليل اجي اخذها منج

ميار>> صدوك والله 😳

سهم>> يي بس لخاطر شاهين لان مريض ومااريد اشوف صديقي تعبان من وراج

ميار>> يااااااي فدووووة

سهم>> طلعنا من المستشفى وهيه تضحك وشكد تحجي خرب وحتى من وكفنا يم المطعم بقت تاكل وتحجي وشاهين يبتسم ويجاوبها والصراحه اني مليت بحيث حتى شاه زنان رغم كلش صغيره بس مو مثلها هيج

ميار>> خلينا نشتري نفاخ شاهين

سهم بحدة>> ميار مو زودتيهاااا شوية بتصرفاتج

ميار>> طلبت منك اني

سهم>> اني علمودج البنية ميصير تطلب كلشي يمكن شاهين ما شايل وياه شنو تحرجينا مثلا

ميار>> هااا

شاهين>> ههههه لاول مره ميار تسكت ومتجاوب

سهم>> غير هلشي صحيح

ميار>> ترى صدك والله اني عمري ما فكرت انو شاهين شايل فلوس لو لا وشكد يتعب حتى ميكولي لا....حسيت بروحي صغيره كولش مو ك عمر لا ك عقل بحيث اني مزودتها حيل ...واني هسه جبيره ولازم اوعى على تصرفاتي يبووو شكد حسيت بنفسي طفلةة

سهم>> ميااار

ميار>> هاااا ... انتبهت على شاهين ماكوو....لعد وين شاهين

سهم>> راح يشتريلج نفاخ .... يمكن ضجتي لانه حجيت هيج بس علمودج البنية لازم تكون رزنة بتصرفاتهاا وانتي مبينة تاخذين الكلام وحبابة

ميار>> شوفوو الهدوء والكلام العسل والله ما عرفته

شاهين>> وهاي النفاخ دكتورتي الحلوة

ميار>> ضحكت بوجه شاهين واخذت النفاخ الوردي من عنده ورجعت باوعت على سهم....اووف معقولة من وراك راح اتغير واصير واعيه اكثر...

،،،،دقايق وطلعنا من المطعم وسهم وصلنا للبيت ونوب راح من بعد ما تكفل انو يرجع سيارة شاهين العصر من كراج المستشفى لان بقت هناك

،،،المهم مرت الايام واني امتحنت اخير السنه والحمدلله بوقتها درجاتي فول مارك وهلشي فرح شاهين بيه بلنسبة لانس ابتعد عني وهلشي ريح قلبي ❤ الصغير ههههه بس كلش اتعلقت بميمي لانو سهم كام يعوفها يمي ولليل يله ياخذها مني وكلششش حبيتها

،،،بشهر السابع جنت اقره ك اول يوم واستعداد للثالث ب ملازم شاهين جابهن اليه كمت اقره واركز حتى ما احطم معنوياتي ويصير صعب لان وزاري واكثر وقتي وي شاهين وميمي

،،،،لحد شهر الثامن وسهم ابد ما جاب ميمي يمي كلت لانو اجازته ومرن يومين لحدما اسبوعين كاملات وكلبي نار عليها ومن اروح تطلع بوجهي سوسن تكولي نايمه بحظن ابوها لا تضلين تلحين وتسالين عليها....شكد صارت غثيثه بوقتهااا....مر يوم ورجع شاهين تعبان اتغدينا سوة بس الحزن مبين على وجهي

،،،،لانو اسبوعين ما شايفة ميمي ولا شي

شاهين>>شبيج ميار

ميار>> شوية تعبانه

شاهين>> يله لا تضلين ادرسين هواي بعد وقت للدوام ريحي جسمج وعيونج

ميار>> ماشي حبيبي....كملنا كمت شلت الصينيه وانطيته جاي ورحت على الجهاز وللعصر كلش واندكت الباب كمت فتحته شفتها اسم سهم...اشوو طبت حتى ما سلمت....هلو خالةة

ام سهم>> ماعندي حجي وياج وين اخوووج

ميار>> استغربت شلون هيج تحجي وياي....نايم خاله

ام سهم>> روحي كعدي

ميار>> رحت كعدت شاهين وخطيه بسررعه طلع يمها

شاهين>> ها يمه ليش واكفةة

ام سهم>> يمه موو لووو تعتبرني امك جان اجيت سلمت عليه كول ميته عايشه

شاهين>> فدوتج يمه اني

ام سهم>> اسم الله عليك يمه بس ليش ماكو صار اسبوع ما شايفيك يوجعك شي تعبان من شي كول

شاهين>> اكعدي يمه اسولفلج

ميار>> يمه شهل الكلمه هااي ولا فوكاهاا شاهين ينطقها لام سهم شهل الكلام هذا

ام سهم>> ميااار

ميار>> هااا خالة

ام سهم >> روحي لسهم كوليله امي تريدك

ميار>> امي اني

ام سهم>> رووحي بساااع

ميار>> رحت وبالي يم كلمه امي ويمه....يااا الله وصلت لبيتهم دكيت الباب وطلعلي انس

انس>> هلا بريحه هلي

ميار>> وين سهم

انس>> ليش تسالين

ميار>> خالتي تريده وهي ابيتنا

انس>> يعني امي اجتكم

ميار>> اريد سهم

انس>> واني اريدج ميارتي لان اني دزيت امي عليكم

ميار>> شنووووو

♡'''''''''''''''♡'''''''''''''♡''''''''''''''''♡

هلووو نبضاتي.....انشألله يعجبكم البارت

اوعدكم باجر انزلكم بارت خاف هذا قصير فموعدنا باجر
حتى لا تزعلون مني

الى اللقاء لحين البارت القادم

nosha❤❤